الأخبار
أخبار إقليمية
مجلس الوزراء يرفض استضافة بطولة أفريقيا
مجلس الوزراء يرفض استضافة بطولة أفريقيا


10-15-2014 04:57 PM
أعلن وزير الصحة السوداني بحر إدريس أبوقردة، أن مجلس الوزراء رفض يوم الأربعاء استضافة بطولة الأمم الأفريقية المقررة في شهر يناير المقبل بدلاً من المغرب، مؤكداً أن المجلس كلف وزير الشباب والرياضة بإبلاغ اتحاد الكرة بالقرار.


وكان أمين خزينة اتحاد كرة القدم السوداني أسامة عطا المنان، كشف في وقت سابق عن اتصالات تمت بين اتحاده والاتحاد الأفريقي لكرة القدم "كاف"، أدت إلى وضع السودان بديلاً أول للمغرب حال اعتذارها عن عدم استضافة النهائيات الأفريقية.


وقال أبوقردة في تصريحات صحفية، إن قطاع التنمية الاجتماعية بمجلس الوزراء كلف وزير الشباب والرياضة عبدالحفيظ الصادق بإبلاغ الاتحاد العام لكرة القدم بالقرار.


وحذر أبوقردة من مغبة استضافة هذه البطولة في السودان، نسبة لانتشار وباء الإيبولا المعدي والقاتل بدول غرب أفريقيا وهي الدول الأكثر مشاركة في البطولة.


أسباب المغرب

وأوضح أبوقردة أن الأسباب التي دعت المغرب الشقيق إلى الدعوة لتأجيل البطولة أو نقلها لمكان آخر بعيد عن أراضيه هي نفس الأسباب التي تدعو السودان لعدم استضافتها.


ورأى أن استضافة البطولة عبارة عن مخاطرة يجب أن لا تمضي الدولة فيها أصلاً، لأن الجانب الصحي هو الذي جعل المغرب يرفض الاستضافة.


وقال إن استعدادات السودان لمجابهة هذا المرض بدأت منذ وقت مبكر وهناك لجنة عليا تضم كافة الجهات المعنية ولجاناً فرعية بالولايات المختلفة خاصة ولايات دارفور والشرق كل هذه تعمل لمجابهة أي مستجدات.


وشدد أبوقردة على استعدادات ولاية الخرطوم وتحديدها لمستشفى في حال ظهور أي حالة مشتبه فيها وكيفية التعامل معها، إضافة لتجهيز المعامل وتدريب أطباء مختصين للتعامل مع هذا المرض.


وأردف الوزير قائلاً "لا نتوقع الآن حسب القراءة الموجودة أي مخاطر محتملة للسودان، ولكن طالما المرض بدأ ينتشر في كل العالم خاصة بعد أن كان محصوراً في أربع دولة في غرب أفريقيا وظهوره في أميركا وأسبانيا وألمانيا وبالتالي هناك حاجة للتحوطات والمتابعة".


شبكة الشروق


تعليقات 26 | إهداء 0 | زيارات 4883

التعليقات
#1127853 [عادل احمد]
0.00/5 (0 صوت)

10-16-2014 09:38 PM
امكانيات او ملاعب لدورة بهذا المستوي 25 سنة يبنوا في مدينة رياضية ولسع ما انجز منها الا نسبته أقل 10% قالوا ممكن تكتمل في العام 2050م ( قريبة مابعيدة كلها 36 سنة عليكم بالصبر ) سرقوا الارض وباعوها استثمار دكاكين ومحلات وخلافه واستاد الخرطوم فضيحة تنزانيا كان رفضت تلعب فيهو واستادي الهلال والمريخ مهزلة طيب واستادات الاقاليم ( مافي داعي للآحراج ) . أمس في قناة الجزيرة الرياضية لما استعرضوا الدول التي ستتقدم للاستضافة بدل المغرب وعند ذكر السودان والله العظيم المعلقين ضحكوا والله الواحد بقي في نص هدومه تخيلوا ساحل العاج تقابل الكاميرون في ميدان عقرب وتونس الجزائر في ميدان الحارة العاشرة .ما في داعي للفضائح دولة يتكرم عليها امير قطر السابق بدفع تكاليف مشاركة منتخب البلد في كاس افريقيا 2010م( بالله في فضيحة اكتر من كده ـ بلد بلا كرامة ) .
نجيريا انتصرت علي السودان واقالت المدرب ونحن كل مرة مهزومين وناس مازدا قاعدين ـ ياجماعة العالم دي ما عندها احساس حتي لو ماتمت اقالتهم من قبل تنابلة السلطان مفروض يستقيلوا ( لكن تقول لمنو ؟) .
بعدين ياجماعة قالوا الدولة لا تدعم المنتحب طيب ناس جمال الوالي قاعدين يعملوا شنو ما يدفعوا شوية من القروش السرقوها دي ـ (ياجمال خلي عندك وطنية شوية ما تسرق وتلبدوتعمل نايم اتحرك شوية )وبعدين هنالك 7 دول غير السودان تقدمت لاستفاضة البطولة لو اعتذرت المغرب الدول دي ماخايفة من ايبولا - لكن نشكر لحكومتنا الرشيدة خوفها علي صحة المواطنين رغم الامكانيات المهولة المتوفرة للسودان لاستصافة البطولة جد والله دي نكتة العام 2014م وتهليل تكبير ارمي قدام . هي لله هي لله لا للسلطة ولا للجاه.معقول وصل الاستهانة والاستهتار بعقول الناس لهذه الدرجة . عجبي .

[عادل احمد]

#1127706 [موجوع وطن]
1.00/5 (1 صوت)

10-16-2014 04:19 PM
هو أصلوا الزول القبل بيها وجابها ما كان فاهمها كدا؟؟ كان قايل الإيبولا دي ذي الجنجويد و ناس الأمن يقتلوا المواطن و يربوا الكوز لكن لما شافوا الإيبولا بقتل من طرف قالوا بري من قروش البطولة بلاش من بطولة...

[موجوع وطن]

#1127649 [سوداني مدبرس]
1.00/5 (1 صوت)

10-16-2014 02:36 PM
ما شفت زول يؤيد الاستضافة في التعليقات انا شخصيا اؤيد الفكرة لانو دي فرصة لاطلاق رصاصة الرحمة علي الشعب السوداني اليائس والقضاء علي كل هذا الجيل الفاسد بهذ المرض الفتاك وولادة جيل صالح يعيش في جو خالي من العنصربة والقبلية

[سوداني مدبرس]

#1127617 [والحسن]
1.00/5 (1 صوت)

10-16-2014 02:06 PM
اكيد في كوز ما قبض حقو في العمليه دي عشان كدا رفضوها

[والحسن]

#1127448 [yousif]
3.00/5 (3 صوت)

10-16-2014 10:29 AM
لك التحية يا السيد الوزير علي هذا القرار الانتهار جريمة كبري بلاش كورة بلاش لمة نحن اصلا ما عندنا كورة ليه نخاطر بحيات الشعب السوداني الذي لا يقدر علي كسب عيشه والان كل الشعب السوداني في هلع شديد لان الحدود الغربي مفتوح كمان ياريت لو اصدرت قرار بايقاف او عدم دخول اي جندي من قوات الاتحاد الافريقي في دار فور لان ماعندهم اي فائدة نحن جيشنا قادر يحمينا وشكرا خلو بالكم في شعبكم لا تهتمو بامر الدولار كثيرا ولا تتنازل من قرارك مهما بلغ الامر وكل الشعب السوداني معك تماما

[yousif]

#1127445 [ود الناس]
3.00/5 (3 صوت)

10-16-2014 10:27 AM
والله ديل ما خافيين من الايبولا، بل عدم المقدرة المادية

[ود الناس]

#1127358 [ساهر]
3.00/5 (2 صوت)

10-16-2014 09:07 AM
برافو. برافو. برافو.

[ساهر]

#1127330 [البرنس 123]
3.00/5 (3 صوت)

10-16-2014 08:51 AM
عليك الله البلد ناقصة مرض كفاية البلاوي النحن فيها قال امم افريقيا قال .

[البرنس 123]

#1127324 [زول اصيل]
3.00/5 (2 صوت)

10-16-2014 08:46 AM
لا شك ان صحة الانسان اهم من اي شيء والحال عندنا في السودان يغني عن السؤال اذا كان طفيل الملاريا غير قادرين على مكافحته فكيف بايبولا التي عجزت دول لها امكانيات طبية ومعامل عملاقة مثل المانيا وبريطانيا وامريكا في ايجاد علاج له واخيرا سمعنا بوفاة مواطن سوداني بايبولا وكان يعمل مع الامم المتحدة في ليبيريا موطن المرض وتوفي في المانيا وقد كان معه مواطن الماني شفي بينما السوداني له الرحمة فارق الحياة بعد ان عمل الاطباء الالمان كل ما يلزم لمقاومة المرض فكيف اذا دخل المرض السودان وهو دولة مفتوحة الحدود تدخل وتخرج لا جواز ولا اوراق بكيفك ومع كثافة المشجعين والازدحام وتلوث الهواء وملامسة المريض يجب الحذر الحذر الحذر ولا تهاون مع ايبولا يكفي الفقر والجوع والجهل

[زول اصيل]

#1127280 [الوزير العوير]
3.00/5 (3 صوت)

10-16-2014 07:58 AM
بالتأكيد أن قرار مجلس العوراء ليس بسبب الأيبولا.... انما عدم جاهزية البلد من امكانيات الاستضافة بكافةأشكالها.. ... أفهموها كدى.....

[الوزير العوير]

#1127227 [المنجلك]
3.50/5 (3 صوت)

10-16-2014 04:09 AM
سأل لعاب الكيزان بأستضافة البطولة بعد رفض المغرب للكسب السياسي الرخيص ولكن يبدو انهم تخوفوا علي أنفسهم من كارثة الايبولا

[المنجلك]

#1127192 [التاج محمد أحمد]
1.00/5 (2 صوت)

10-16-2014 12:29 AM
بردآ وسلام

[التاج محمد أحمد]

#1127138 [AburishA]
2.63/5 (5 صوت)

10-15-2014 10:04 PM
خلاص بدل الايبولا والغيرقان..جيبو لينا بطولة آسيا في الخرطوم !!! كلها كورة...

[AburishA]

ردود على AburishA
Sudan [د. هشام] 10-16-2014 09:05 AM
نحن بقينا آسيويين؟؟!!


#1127122 [Mohamed Suleiman]
2.00/5 (3 صوت)

10-15-2014 09:45 PM
خارج نطاق السياسة:
وصمة عار في جبين اتحاد كرة القدم السوداني
باسمك واسمي واسماء الاخرين من موظفين وعسكرين ومواطنين وطلاب المدارس و الجامعات ومعلمين وقيادات الاحزاب والمؤتمر الوطني ، نطالب بخروجكم للشارع ونقف ضد الاتحاد الافريقي بل الاتحاد التي تقف في مؤامرة كبرى بانتهاك حقوق الانسان الصحية.
كل العالم في هذه الايام تحت استعداد وتشديد في مراقبة بوابات بلادهم من دخول حامل فيروس الايبولا القاتل.
هذه المرة ارتكبنا اكبر الاخطاء في تاريخنا الانساني ونحن نوافق في استضافة مبارايات كرة القدم الافريقي الذي من المتوقع قيامه بدولة المغرب بعد ان تم رفض الدولة المضافة.
الايبولا المرض القاتل والذي لايرحم مريضه وطبيبه ومرافقه وكل من حاول الاقتراب من المصاب .
فاخر ما توصلنا ان نقتل نفسنا بنفسنا ووزارة الصحة الاتحادية لا تعلم خطورة المرض، واذا يعلم خطورتها فاليعمل حماية للاطباء قبل الموااطنين.

[Mohamed Suleiman]

#1127120 [عمار]
3.00/5 (4 صوت)

10-15-2014 09:40 PM
ما تفرحو شديد , اسي لو المتعافي استلم رشوة حيقنع السلطات بضرورة استضافة البطولة , ابو اضنين ده معروف بيقدر يبيع بلده واهله في دقيقة مقابل الدولارات

[عمار]

#1127119 [كوكو]
2.50/5 (4 صوت)

10-15-2014 09:38 PM
اصلا نحن ماعندنا كورةعلى طول منهزمين بثلاثة دون رد ماركة مسجله للمنتخب السوداني .كمان دايرين مرض ايبولا نحن الملاريا ماقادرين عليها؟

[كوكو]

#1127115 [ود الحسن]
1.50/5 (2 صوت)

10-15-2014 09:35 PM
هو مفترض يا اتحادنا عدم التفكير في هذاالقرار اطلاقا مجرد تفكير يبث العلع فينا وقرار مجلس الوزراء قرار مسؤول وقرار وحادب عن مصلحة السودان وشعبه 0

[ود الحسن]

#1127056 [Almisahir fi izallail]
2.88/5 (4 صوت)

10-15-2014 07:26 PM
الف حمدلله على السلامه.. شكرا يا ابا قرده!! جات سليمه يا طاهر يا ساتى .. اكيد صيحتك كان ليها اثر..وانت يا اسامه يا عطا المنان .. اقعد والزم الواطه .. انت امين صندوق وبس.. تانى ما تتكلمش فى اللى ما ليكش فيه..

[Almisahir fi izallail]

#1127051 [ahmed]
2.00/5 (4 صوت)

10-15-2014 07:15 PM
ينصر دينك ابوقردة دي المحري فيك شلت الهلع من قلوبنا اثبت انك قدر مكانك و وقفت لناس الاتحاد الغير مسئولين المفروض انهم يرفضو العرض من البداية

[ahmed]

#1127043 [ابو الخير]
2.50/5 (4 صوت)

10-15-2014 07:08 PM
حتى لو مافي ايبولا ، الملاعب وين والفنادق وين يا ابو قردة
وين العملة الصعبة وين الكهرباء
هذه فرصة لن تحصلوا عليها قريبا
البلد خاوية على عروشها مافي اتكتح

[ابو الخير]

#1127040 [حقاني]
2.69/5 (5 صوت)

10-15-2014 07:06 PM
انتو لكن يا ابو قردة ذي المغرب؟ المواطن المغربي مستمتع بحياته... والسوداني كرهان حياتو. ومجلس العوراء ما كان يرفض. ودي فرصة سانحة للمأكلة فوتوها للانتهازيين والنفعجية....

[حقاني]

#1127035 [ود الركابي]
2.00/5 (3 صوت)

10-15-2014 07:00 PM
بدون تنظيم كاس افريقيا الله يستر علي بلدنا واهلنا . ايبولا مرض خطر جدأ ..

[ود الركابي]

#1127012 [حماميزو]
3.00/5 (4 صوت)

10-15-2014 06:24 PM
نحن طبعا زبااااااااااالة كل وساخة العالم يكبوها هنا عندنا ؟؟ وانت يا أسامة عطا المنان راجل وسخ ومعفن وماعندك وطنية ومخ زاتو مافي داير تملاء البلد بي مرض الايبولا ؟؟؟ معفن ؟؟؟

[حماميزو]

#1126994 [ودجقران]
1.50/5 (2 صوت)

10-15-2014 05:51 PM
قرار موفق من مجلس وزراءالنظام القموا به قادة اتحاد الفشل العام حجرا لانهم للاسف يريدون ان يحققوا مكاسب شخصية علي حساب صحة الشعب السوداني!وبرافوا علي القرار

[ودجقران]

#1126967 [Hamdi]
1.00/5 (2 صوت)

10-15-2014 05:19 PM
قرار سليم من مجلس الوزراء وما قاله ابوقردة هو الصحيح ويستحق الثناء عليه

[Hamdi]

#1126963 [مواطن]
1.00/5 (2 صوت)

10-15-2014 05:16 PM
قرار سليم وشجاع لا ينتج الا عن حكومة راشدة وواعية وحادبة على مصلحة شعبها

[مواطن]

ردود على مواطن
[Awad] 10-15-2014 08:22 PM
قال(حكومة راشدة وواعية وحادبة على مصلحة شعبها)ههههههههههههههههههههه.كتكوت كيزانى.

United Arab Emirates [كرم الله زعوط] 10-15-2014 08:16 PM
ياسلام!!! عايز تنتهزها فرصة وتطبل لاسيادك ياوسخ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة