الأخبار
أخبار إقليمية
عشرات الصحفيين ينفذون وقفة ضد إيقاف صحيفة (الصيحة) ومصادرة الحريات..الطيب مصطفى : هذه حكومة غير محترمة
عشرات الصحفيين ينفذون وقفة ضد إيقاف صحيفة (الصيحة) ومصادرة الحريات..الطيب مصطفى : هذه حكومة غير محترمة
عشرات الصحفيين ينفذون وقفة ضد إيقاف صحيفة (الصيحة) ومصادرة الحريات..الطيب مصطفى : هذه حكومة غير محترمة


عناصر الأمن يفضون الاحتجاج السلمي من الشارع - شاهد الصور
10-15-2014 04:34 PM
الراكوبة نفذ عشرات الصحفيين مسيرة احتجاج انطلقت من صحيفة (الصيحة) وسط الخرطوم وجابت الشوارع منددة بممارسات جهاز الأمن في تكميم الصحافة، وتضامناً مع الزملاء بصحيفة الصيحة التي علق جهاز الأمن صدورها (دون محاكمة) منذ أكثر من ثلاثة شهور.. وقدم طاقم تحرير الصحيفة مذكرة لمجلس الصحافة والمطبوعات طالب فيها بعودة الصحيفة وصيانة الحريات، وكان المجلس الذي في استقبال المسيرة التي حملت لافتات عديدة ضد قمع الأقلام والمنع العشوائي وإذلال الصحفيين وإفقارهم بسبب الممارسات الأمنية التي وصفت بالبغيضة.
يذكر أن عناصر أمنية تمتطي عربات اللاندكروزر ومدججة بالأسلحة أمرت الصحفيين بالإنفضاض من الشارع وقد استنكر الصحفيون هذا الأسلوب العدائي الذي قوبلت به الوقفة الاحتجاجية السلمية الصامتة. وتحدث عدد من الصحفيين إلى (الراكوبة) واصفين جهاز الأمن بالمتطفل في شؤون الإعلام والمزدري للقانون واللا مسؤول في تصرفاته حيال الصحف بمحاولة تدجينها لصالح حزب وفئة قليلة وصفها الصحفيون بالمتسلطة.

وشن الطيب مصطفى هجوما عنيفا على الحكومة وقال انها غير محترمة وتوعد بالذهاب للمحكمة الدستورية اسوة بالتيار كما وصف الحكومة بالمرواغة رغم حديثها عن الحوار والحريات.

image

image

image

image

image

image

image

image

image


تعليقات 20 | إهداء 0 | زيارات 6727

التعليقات
#1127906 [احمد ابراهيم]
0.00/5 (0 صوت)

10-17-2014 01:28 AM
اين التحول الدمقراطي الذي يتكلم عنه الموتمر الوطني اين الحريات هذا الساسيه التي لم تعد مجديه حتي الاطفال لا يصدقون السياسه الكوزنيه الهوجا

[احمد ابراهيم]

#1127211 [جدو]
2.00/5 (3 صوت)

10-16-2014 02:49 AM
ومالهم شويه كده ممكن نحسبهم بي الاصابع ديل مافي حد بستمع ليهم ابدا صور تزكريه وخلاص دي ما مظاهره بعارفها انا دي مظهيره صغيره جدا وقوان الكيزان في عشره دفائق بفرقهم ياحليل الشعب السوداني اللي انتفضت ضد نميري كانوا بي مئات الالاف للاسف جاء جيل جديد محتار رغم القمع والبطش التكبر والجبروات والغلاء الفاحش سنوات طويله ساكت وجبان وعاجز عن اسقاط حكومه طلبان2 رحم الله السودان المريض

[جدو]

#1127189 [Almisahir fi izallail]
2.50/5 (3 صوت)

10-16-2014 01:22 AM
طبعن هى مسأله ما دايرالا درس عصر ان ناس الامن حيتصدّوا لأى تجمع مهما كبر او سغر سواء كان سلمى (بكسر السين والميم) او حربى ضد اى قرار حكومى باعتبار ان النار من مستصغر الشرر
يبقى تجمعات وخروج الهيئات كل هيئه او كل اتحاد براه لن تجدى فتيلا او زجاجة
و الحكومه ما حتديكم اعتبار .. واهو عرضه واتفرتقت .. وكل زول راح فى سبيل حالو ..وطبعن "االحوكومه" واعيه وناقشه وتفتيحه (25 سنه)كل مرّة بتزداد خبرة لتفريق شملكم و مطاهراتكم ,, ولكل تجمع قادم او نذر مظاهره ليها استراتيجيه وخطط (أ) و(ب) وجيم حا وخا حسب الدراسه لما سبقه..
ايه لزوم ضياع الوقت بعد 25 سنه.. طلوع ونزول .. الكديسه بيقطعو راسها من الدقائق ألأولى فى ليلة الدخله.. دا الحين لنسألنكم:
(1) ليه ما مرقتو من قولة "تيت". لما ضربت المزيقا والاذاعه والتلفزيون قطعو ارسالم
(2) موش عملتو ميثاق للحفاظ على الديموقراطيه البنموتو فيها كمدا.. ومضيتوه وشالوه البعض منكم ومشو بيهو لدولا لا فيها ديموقراطيه ولا بتعرفا ولا فى يوم واحد مارستا
(3) ما تحسّبتو للناس اللى رفضوا التوقيع معاكم على الميثاق ليه! ..
(4) حوكومتكم ست الميثاق المضت عليهو ساعة الحارّه مشت يين .. "الباب فوّت كل جمالا (بضمة على الجيم..) موش كانت عارفه خبر الحكايه من الالف للياء!
برضو احسن تتفاءلو بالخير .. الدنيا ما معروفه والليالى من الزمان حبالى ما معروف يلدن شنو؟

[Almisahir fi izallail]

#1127188 [ملتوف يزيل الكيزان]
3.82/5 (5 صوت)

10-16-2014 01:18 AM
علي الشباب تكوين خلايا المقاومة بالاحياء. الجنجويد على الابواب و الاغتصابات وارده.

[ملتوف يزيل الكيزان]

#1127170 [ابوجاكومة القرفان من الحكومة]
2.00/5 (3 صوت)

10-16-2014 12:21 AM
يا محمد عمر أنا شايف فيصل محمد صالح ورشا انت عارف ديل زي شنو لمن تكون ماشي في الشارع كده وتلاقيك ( مزيرة ) تكون عايز تشرب منها موية تلقى الكوز عبارة عن علبة صلصة وبعدين تلقاه مقدد ماتقدر تشرب ليك جغمتين موية مع بعض أناعيني على كوز (الإستانلس إستيل )البخليني أشرب بي كوز الصلصة شنو ؟؟؟ ولولا وجود كوزالإستانلس إستيل معاهم كان زمااااااان عفصوهم وجدعوهم ؟؟ عشان كده أنا قصدت الكوز الأصلي المحمي بمادة الإستانلس مع اعتذارنا للحاجة أخوها السبب في وصول رزاز الموية ليها .

[ابوجاكومة القرفان من الحكومة]

#1127141 [SUDANI]
3.00/5 (3 صوت)

10-15-2014 11:18 PM
هههه ياما شردوك وبهدلوك وشلهتوك ياخال العاق... الدنيا مابتدوم

[SUDANI]

#1127139 [ود الجزيرة]
1.00/5 (2 صوت)

10-15-2014 11:10 PM
بعد ضرب وتعذيب العميد قائد المتحرك في الضعين ، الجنجويد يقتلون القائد العسكرى لمنطقة جبل عامر وثلاث جنود ويجرحون سبعة اخرين مرافقين له علما بان القائد العسكرى برتبة مقدم و يتبع للجيش - المصدر راديو دبنقا

[ود الجزيرة]

#1127113 [كوكو]
1.50/5 (2 صوت)

10-15-2014 10:24 PM
اين قناة قطر من

[كوكو]

#1127101 [حفيد ابوشلوخ]
1.00/5 (2 صوت)

10-15-2014 10:06 PM
واضحه طبخه حكومه اسي دي وقفه احتجاج

[حفيد ابوشلوخ]

#1127079 [AburishA]
1.50/5 (3 صوت)

10-15-2014 09:19 PM
موقف مشرف..نقدره لكم.. الكحة ولا صمّة الخشم...

[AburishA]

#1127074 [عدو الكيزان]
2.50/5 (3 صوت)

10-15-2014 09:10 PM
سبحان الله يالطيب مصطفى ، اسع بقت حكومة غير محترمة ، ما ياها نفس الحكومة اﻹنت كنت فيها، ولا عشان طردوك منها، لعنة الله على الكيزان أين ماكانو

[عدو الكيزان]

ردود على عدو الكيزان
Qatar [محمد عمر] 10-15-2014 10:33 PM
قبل ما تلعن أعرف انو الطيب مصطفى هو القدم استقالته من الحكومة لما كان وزير يعني مافي حد طردوا منها


#1127049 [ابوجاكومة القرفان من الحكومة]
3.00/5 (4 صوت)

10-15-2014 08:14 PM
والله ياصحفيي الصيحة لولا الخال الرئاسي كانو جلدوكم الضحى الأعلى والبركة في الحاجة الوالدة بقت ليكم ساتر بعدين لو في صحافة حرة زي مابتقولو وزي ماشايفين في لافتاتكم كان المفروض ( كل ) الصحفيين في كافة الصحف يخرجوا معاكم لكن زي ماقلت ليكم والله لو ما الخال الرئاسي كان انجلدتو جلدة عمركم ماتنسوها , قالو صحافة حرة ؟؟

[ابوجاكومة القرفان من الحكومة]

ردود على ابوجاكومة القرفان من الحكومة
[خالد] 10-16-2014 12:43 AM
وعاين برضو يا ابوجاكومة لناس الاسباط واحمد يونس وشبونة ديل برضو كيزان!

United States [كلام صاح] 10-15-2014 10:53 PM
هههههه و الله كلامك صاح ميه الميه

Qatar [محمد عمر] 10-15-2014 10:36 PM
عاين كويس قبل ما تتكلم يا ابو جاكومة عشان تشوف فيصل محمد صالح ورشان أوشي .. ديل كيزان برضو ؟


#1127032 [عصمتووف]
1.50/5 (2 صوت)

10-15-2014 07:57 PM
تكميم الافواة وتحجيب العورات بالاذاعة والتلفزيون كانت من خطط وتنفيذ الخال وتقصير الجلباب و البنطال و حف الشوارب اطلاق اللحي للرجال ماذا جدا في كيس المخده حتي يطالب بها الخال اتفهم خروج صحفيي الصيحة لانها اكل عيشهم وهم من غرزتة الشيطانية هل معقول يوظف الخال الطيب علماني ** اما الحكومة غير محترمة لا يغير من الامر شيئا بل قل خالي غير محترم

[عصمتووف]

#1126978 [فكري]
1.00/5 (2 صوت)

10-15-2014 06:28 PM
إقتباس ،، وتوعد بالذهاب للمحكمة الدستورية أسوة بالتيار ..
وهل عادت التيار بالمحكمة الدستورية ؟ بل كان قرار شكلي لتنفيذ أوامر مسبقة من أحد اركان الدولة البوليسية هذا إن كنت تفهم أيها الخال ماهي الدولة البوليسية ...

[فكري]

#1126977 [حقاني]
1.50/5 (2 صوت)

10-15-2014 06:26 PM
في تقديري الشخصي كل هؤلاء الذين يحملون اللافتات شجعان. حتى البنيات في تقديري أشجع وأرجل من ناس الأمن الخايبين الأرزقية المقفلين. والحقوق لا تُهب ، انما تُنتزع. الى الامام لا يرهبوكم ناس الامن الجبناء المرجفين.

[حقاني]

#1126974 [عجيب]
1.00/5 (2 صوت)

10-15-2014 06:25 PM
لولا وجود الطيب مصطفى بينكم كنا تضامنا معكم
شامتون يا الطيب مصطفى هذا بعض مما كنت تبشر به وتجتهد من أجله
نسيت أيام إدارتك للتلفزيون؟؟؟

[عجيب]

#1126949 [محن سودانية]
2.50/5 (4 صوت)

10-15-2014 05:58 PM
والطيب مصطفى ده الغازيهو وسطكم شنو!! عاوز يعمل فيها فجأة الاب الروحى لحرية الصحافة, لعبة انقاذية, الكيزان مدنو دور خلق البلبلة وكشف واضعاف المعارضة بمخدر أنا معاكم, شخص يتباهى بعنصريته وساهم فى تقسيم تراب الوطن لا يرجى منه أبدا خير.

[محن سودانية]

#1126937 [كديس فى السروال]
2.00/5 (3 صوت)

10-15-2014 05:44 PM
نعم ..... صحافة حرة أو لا صحافة

[كديس فى السروال]

ردود على كديس فى السروال
[كديس فى السروال] 10-17-2014 10:35 PM
اخونا دوشكا
حقو تراجع تاريخ السودان عشان تعرف قصة الكديس اللى فى السروال

دى طريقة ابتكروها اهلك الباشبوزق عشان تحصيل الضرائب زمن التركية

Saudi Arabia [دوشكا] 10-16-2014 12:31 AM
يا عمك الكديس عرفناو
بس السروال ده سروال راجل ول سروال مرة


#1126918 [shah]
2.00/5 (3 صوت)

10-15-2014 05:10 PM
وهى كان كانت حكومة محترمة ... كان تكون إنت خال رئاسى؟

[shah]

#1126909 [ليدو]
2.25/5 (3 صوت)

10-15-2014 04:54 PM
المايكات الظاهرة في الصورة تبع فضائيات المنار والفرات !!!!
وين الفضائيات السودانية من هكذا أحداث ؟؟؟؟

[ليدو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة