الأخبار
أخبار إقليمية
آخر أفلام الدكتور نافع!!
آخر أفلام الدكتور نافع!!
آخر أفلام الدكتور نافع!!


10-16-2014 02:34 AM
عثمان ميرغني

الدكتور نافع علي نافع، لا يزال –بجدارة- يحتل منصة تتويج (نجم الشباك الأول) في الملعب السياسي.. في أي موقع يظهر فيه يجذب الانتباه الجماهيري والإعلامي. مهما كانت المناسبة..
آخر أفلام د. نافع كان أمس.. أقصد الصفحات الأول لصحف الأمس.. في احتفال نظمته ولاية الخرطوم لتوقيع عقد اتفاق مع مواطني أبوسعد لحل مشكلة التعويضات.. على شرف المناسبة تحدث د. نافع وكانت الحصيلة:
ناس المعارضة (خايبين!!)
خريف العام الحالي بشارة رضا علينا وغضب على الكفار..
حسب ما نشر- بتصرف- في صحيفتي (الانتباهة) و(الجريدة) بالترتيب.
ولاية الخرطوم كانت تهدف من الاحتفال لفت الانتباه إلى نموذج معالجة لقضية شائكة.. لكن تصريحات د. نافع غطت على السماء.. لدرجة أن كثيرين لا يعرفون أصلاً ماهي المناسبة التي استدعت (خيابة!!) المعارضة.. فالدكتور نافع عندما استخدم تعبير (خايبين) كان يتحدث عن (المحرضين على الثورة الشعبية).. وحسب المعلوم لكل العامة أن آحر مظاهرات مضى عليها أكثر من عام.. بالتحديد في سبتمبر 2013.. فما الذي (جاب سيرة البحر).. فالشارع هادئ بدرجة (كمل نومك).. والمعارضة نفسها هذه الأيام مشغولة بمعركة داخلية.. نصفها يلعن نصفها الآخر.. فما الذي استدعى شتائم أقرب لتلك التي نطقت بها فتاة شاعرنا الطيب العباسي في القصيدة الشهيرة:
(أي ذنب جنيت.. فاندلعت منك ثورة خانها الجلد).
ماهي مناسبة (خيابة!!) المعارضة؟ فجزء من المعارضة أصلاً دخل في منظومة (7+7) محاوراً.. وقسم لم يدخل لكن ضجر ومل من اللعبة السياسية فبات على ضفة النهر ينتظر أن يأتي الموج حاملاً جثة عدوه.. وقسم ثالث في مهجر قهري.. فماهي مناسبة (الشتيمة)!! لا أحد يعرف سوى د. نافع.
ثم.. وهو الأهم.. من أدرى د. نافع أن بعض مواطني أبو سعد الذين كانوا يقفون أمامه ربما هم من أنصار المعارضة.. فلماذا يشتمهم في بيتهم.. ويوم عرسهم.
على كل حال لدىَّ اقتراح عظيم.. أن يجمع أهل السودان على معاقبة د. نافع.. فيدخلوا كلهم في المؤتمر الوطني أفواجاً.. ويصبح السودان كله مؤتمر وطني.. حينها ماذا سيقول د. نافع عندما يجد نفسه في منصة الخطابة وفي يده المايكرفون وأمامه الجمهور.. في بلد ليس فيها لا معارضة (خايبة) ولا طابور خامس.. ولا عناصر مشبوهة.. ولا عملاء.. ولا خونة..
كأني بالدكتور نافع حينها يهمس (ملعون أبوك بلد) ليس فيها من يستحق الشتم..!!
لكن كل ذلك كوم.. وكوم آخر حكاية (بشارة خريف العام الحالي) الذي أكد رضا السماء عن المؤتمر الوطني..!!
هل رأى د. نافع خريف (الريف الانجليزي).. وأسبانيا وفرنسا..!! هل رأى خريف (الكفار)!!!
بصراحة د. نافع أثبت أنه رجل من (ذهب!).. (لا يتغير!!) أبداً.. حتى ولو تغير منصبه!!
أما آن لهذا الفارس أن يترجل.. من المنصات الخطابية؟؟!!.


التيار


تعليقات 45 | إهداء 0 | زيارات 13496

التعليقات
#1128391 [عمار]
0.00/5 (0 صوت)

10-18-2014 02:45 AM
هههههههههههه خطاباتو زي وشو كريه وقبيح , بس اعذروه لانو الراجل بقي يهضرب بره راسو من زمان هو اساسا عمره 78 سنة يعني رفع عنه القلم

[عمار]

#1127938 [سودانى شديد]
0.00/5 (0 صوت)

10-17-2014 05:23 AM
إنت لسه بتكتب يا عثمان ميرغنى يا كوز يا مقدود؟

[سودانى شديد]

#1127925 [سوداني انا]
0.00/5 (0 صوت)

10-17-2014 03:39 AM
لسه باقي 6 سنوات لانتهاء حكم الكابوس وزبانيته كما قال العراف بتاعهم وحسب ما يشاهد علي ارض الواقع الناس ديل بيكملوا الدورة القادمة (4سنوات) ويزيدوا عليها كمان (2 سنة) الله يصبرنا لانوا قال ابوالعفيين ناس المعارضة خايبين
صحي فين ناي المعارضة والحركات في بيات شتوي ولشنوا

[سوداني انا]

ردود على سوداني انا
Saudi Arabia [زول وطني غيور] 10-17-2014 08:45 AM
حرام عليك يا راجل لسه باقي 6 سنوات نحن ماقادرين نتحمل 6 أيام مع الجماعة الخربوها برة وجوة كمان نتحمل معاهم 6 سنوات الله يسامحك ..


#1127913 [kosty]
0.00/5 (0 صوت)

10-17-2014 02:13 AM
يا اخوانا المعلقاتيه واخونا عثمان ميغني حيرتونا مافهمنا حاجه بتقولوا في شنوا انتو ... طيب ماش تصبحوا علي خير خلاص نوموا لحدي هنا كفاية عملتوا لينا صداع

[kosty]

#1127803 [عزالدين الشريف]
0.00/5 (0 صوت)

10-16-2014 08:38 PM
هل ارسل الله مبعوثا للدكتور نافع يخبره برضاه عنه وعن نظامه لذلك ارسل لهم امطارا وفير؟ من اين ياتي نافع بهذه الاقوال؟ طيب ماذا نقول في وصول الدولار الى اكثر من 9000 الاف جنيه (بالقديم)، هل كان غاضبا عليهم؟ انه منطق معوج يناسب اصحاب الاوهام ولا شيء اخر غير الاسلامويين ... يظل العقل معضلة كبرى بالنسبة لهذه الهرطات التي تصدر من زعماء نظام فاقد للاهلية و"المنطق" بحسب قولنا الدارج ...

[عزالدين الشريف]

#1127794 [الحلفاوي]
4.00/5 (1 صوت)

10-16-2014 08:26 PM
نافع جعجاع بس ونحن محكومين باليهود وانت يا ود ميرغني عامل تغطية اتحدي البشير ان يعلم مايدور في الدولة مانراهم ليس حكام او ولاة امور ومايحكم البلد من ورا ستار

[الحلفاوي]

#1127698 [زول وطني غيور]
3.88/5 (4 صوت)

10-16-2014 04:51 PM
تخيل ياعثمان ميرغني أن السيد/ نافع على نافع رئيس جمهورية السودان ماذا سيحدث ؟؟اللهم أجعل هذا الخيال مجرد خيال .. لو كان السيد/ نافع على نافع رئيس جمهورية السودان كان قال لناس مجلس الأمن (الحسوا كوعكم) وكان جاب لينا الهواء..

[زول وطني غيور]

#1127686 [ملتوف يزيل الكيزان]
4.25/5 (5 صوت)

10-16-2014 04:32 PM
الكوز كوز ولو مجدوع في الكوشه. الكيزان = الجنس الثالث.

[ملتوف يزيل الكيزان]

ردود على ملتوف يزيل الكيزان
United States [ِِAbu S hihab] 10-16-2014 10:10 PM
الكوز كوز لو في بترينة الصائغ


#1127675 [جارسيفو]
2.25/5 (4 صوت)

10-16-2014 04:10 PM
كمان الاسلام عائزين تقسموهوا اسلام سوداني واسلام مصري واسلام سعودي واسلام امريكي ما بتغلبكم حاجة يا المنافقين السفلة خلاص قسمتوا السودان وخلقتوا العنصرية بين قبائله المختلفة الان عائزين تعنصروا الاسلام يا مناقين يا سفلة انتم اخر من يتكلم عن الاسلام اسلام سوداني ما هذا وم اين اتيتم يا شياطين الانس يا انصاف الرجال المنافقين الله يغضب عليكم وعود القذافي ليس ببعيد لكن انتم عودكم الا نشققه ما عود ولد عصارة يومكم قرب اهربوا والله والله مافي رحمة ومافي يوم ارحميني يا مجرمين عائزين تضبعوا مليارات الشعب في حاجة اليها ماسة وملحة حاجته للطعام للعلاج للتعليم في انتخابات نتائجها معروفة مسبقا الله يغضب عليكم ويوم القذافي ليس ببعيد
الحرية والكرامة للشعب السوداني والعار ثم العار الي تجار الدين المنافقيين المفسدين


ثورة حتى النصر
اسود الدندر الجناح العسكري / اللواء تورشين
اللواء /جارعودو اللوء/ جارسيفو
من حظيرة الدندر الي الخرطوم ثورة حتى النصر

[جارسيفو]

#1127672 [ابو لفته]
3.00/5 (2 صوت)

10-16-2014 04:08 PM
اسمحوا لى اعزائى الكرام بالتعليق خارج الموضوع بتاع الاستاذ المحترم عثمان ميرغنى
==================================================
اولاً اناشد الاخوه الكتاب الدائمون فى صحيفة الراكوبه الغراء بالكتابه عن نية الكيزان استضافة الكأس الافريقيه 2015 بالخرطوم بعد ما تملص منها معظم الدول الافريقيه بسبب تفشى وباء ايبولا الخطير جداً و عسى ان تكون هى القشه التى تقصم ضهر البعير 0 طبعا حسب افقهم الضيق لا يدركون من تبعات ذلك غير الاثار الصحيه فقط وهى بالطبع لاتهمهم على الاطلاق 0 ويغيب عنهم انه بمجرد دخول الافارقه من الدول الموبوءه او تشخيص حاله واحده سوف لن تتردد دول الخليج بتسفير كل السودانيون المقيمين على اراضيها وحق (بضم الحاء) لهم ان يفعلوا ذلك 0 و عليه تزداد احوال السواد الاعظم من الاسر بالداخل سوءاً وهلاكاً
ثانيا لجهاز الامن صرافه باسم ارسال بمدينة ابوظبى على الكتاب تحذير الناس من التعامل معها لانها تدعم جهاز التعزيب سيء الذكر0

[ابو لفته]

#1127666 [تسيفايا مليس]
1.75/5 (5 صوت)

10-16-2014 03:58 PM
عثمان مرغني انت زعلان من نافع ليه؟ يكون هو الرسل الناس عشان يجلدوك تلك الجلده المشهورة ولا شنو ،لاحول ولا قوه لم اجد شخص وجهت له هذه الكميه من الاساه والشتيمة والكره مثل هذا فهو حاقد، معقد، تاريخ نشأته اسود ولكن له إشراقات فهو صديق أصدقائك كبر وايلا واحمد عباس وانت الجماعه ديل قاعد تقبض منهم المعلوم( عثمان مرغني مرتشي وعينه قويه) فهو صديق صديقك إذن صديقك يااخ عثمان انت ونافع تن تون وتن تن واحد نتن والثاني أنتن واخيييي عليكم ياوسخ ولنا عوده

[تسيفايا مليس]

#1127652 [ود أبرق]
3.75/5 (5 صوت)

10-16-2014 03:42 PM
شعب جبن تستاهلوا نافع يلعنكم بسبب وبدون سبب لانه يعرف تماما انكم مجرد نقاد ليس الا لذلك هو مستمر فى الهجوم عليكم غصبا عنكم شعب جبان تستاهلوا الذلة والمهانة وهو لو انتوا رجال الانقاذ تحكمكم 25 عاما المصريين الحلب طلعوا ارجل منكم واثبتوا لكم انكم شعب كضاب ومنافق نتحدث عن الرجالة والمروة وووو ويجى واحد خنزير جزمة مثل نافع يطلع فوق رؤوسكم يا جبناء والله نساء السودان ارجل منكم قاعدين فقط وفالحين للنقد ونافع يتلاعب بيكم غصبا عنكم والما عجبوا يلحس كوعوا شعب جبان

[ود أبرق]

ردود على ود أبرق
United Kingdom [Atheaydit] 10-16-2014 06:15 PM
يا ود أبرق، بعد سيلك من الشتايم والسب ووو..... موقعك وين؟ ولله احسن كان تكتب اسمك (بت أبرق) ههههههههه.


#1127532 [واحد تاني]
3.50/5 (4 صوت)

10-16-2014 01:01 PM
دا راجل خروف.
داير الضبح.
عشان تاني ما يبعبع.
ويزعج الناس.

[واحد تاني]

ردود على واحد تاني
Libyan Arab Jamahiriya [ملتوف يزيل الكيزان] 10-16-2014 02:03 PM
ده ظهر تاني عشان عرف الناس بتهدد ناس الانقاذ ، بالخازوق ، داير الناس ما تنساهو وقت توزيع الخوازيق.


#1127522 [ابزرد]
3.50/5 (3 صوت)

10-16-2014 12:54 PM
يا اخوانا كل انا، بما فيه ينضح والزويل اسمه ابو العفين...وكفي... ...وووعجبي

[ابزرد]

#1127521 [أنا سوداني]
4.25/5 (5 صوت)

10-16-2014 12:53 PM
ليك يوم ي نافع الما نافع انت بتين بقيت زول مع الناس حتى تشتم ما أمس ده جيت الخرطوم راكب لوري لكن اصبر يوم يغداً ليس ببعيد ي نافع وقتها سنسلمك للنساء لانك لا تتحمل ضرب الرجال ضرب الرجال للذين فصلوا السودان؟؟؟؟

[أنا سوداني]

#1127519 [فكري]
3.88/5 (4 صوت)

10-16-2014 12:52 PM
تأكيد المدح بما يشبه الذم ..
كان لقيت ليك جلدة من المعارضة برضو تاني إلا تكتب عن الأبراج ومواليد شهر ١٢

[فكري]

#1127505 [مدحت عروة]
4.63/5 (4 صوت)

10-16-2014 12:38 PM
يعنى انت ما عارف يا عثمان ميرغنى ان ناس الحركة الاسلاموية دايما بيوجهوا خطاباتهم للجهلة والغوغاء من ايام حسن البنا وسيد قطب اها وبعد داك يمشوا لبيوتهم ولا عندهم مشكلة معيشة ولا كهرباء ولا ماء ولا حتى عملة صعبة ولا علاج ولا اى مشكلة الخ الخ الخ ويخلوا الجماهير بعد ما تفنجط وتكورك وتهتف يعنى تجيها الهاشمية يرجعوا لواقعهم البائس لا عيشة زى الناس ولا تحرير للقدس ولا حتى حلايب ولا تعذيب امريكا وروسيا!!!
الحركة الاسلاموية السودانية مضحكة ومهزلة وجهل وتخلف وغش وكذب وخداع يا عثمان ميرغنى وانت سيد العارفين وما فيها زول واحد بالغلط يستحق اى احترام او تقدير والله على ما اقول شهيد!!!!!!!!!!!!!!!!!!!!!!

[مدحت عروة]

#1127454 [Abu sami]
4.75/5 (6 صوت)

10-16-2014 11:38 AM
ده وسخ و كلب و حرام كلمة دكتور عليهو

[Abu sami]

#1127439 [سودانية]
4.13/5 (5 صوت)

10-16-2014 11:18 AM
خيابتكم يانافع بانت علي وش ريءسكم لما مشي السعودية والخيابة الاكتر لما يمشي لمصر زاحفا علي ركبو ليبوس القدم ويبدي الندم

[سودانية]

#1127430 [atif]
4.00/5 (6 صوت)

10-16-2014 11:04 AM
البلانا بيك يصبرنا عليك يا حيوان

[atif]

ردود على atif
Saudi Arabia [منو العوض] 10-16-2014 12:00 PM
ماتواخذوا نافع ده ماكمل لعبه وقت صغير خلوهو يكمل لعبه ماذال بعقلية طفل مش دكتور!!!!!!


#1127421 [شبتاكا]
4.00/5 (4 صوت)

10-16-2014 10:52 AM
بمناسبة عدم خيابة هبنقة الاول بزيارة مصر السيسى عندهم غنوة بتقول
كله ماشى ماشى....رخصتى يا دنيا الغالى وغليتى المايسواشى
ونافع حاقر بينا من يوم ما ورانا الويل فى بيوت الاشباح ولانه عمل فينا العمايل وعزب استاذه بتاع الجامعة وثبت اركان نظامه بتاع اخوان المحفل الماسونى لاكثر من ربع قرن من الزمان وحتى الان ما لقى له راجل ولا مره بيقول له بغم من حقه يشتم ويحتقر ويسوى الدايره ونحن جارين وراء حلاوة قطن بتاعت الرزق وبنضاير نفسنا لنافع بتاع الجبايات ونافع بتاع المرور ونافع بتاع المستشفى وبرضو نافع بتاع المقابر وكل من هب ودب من النافعين والمنتفعين من اارزقية دكتاتورية الانقاذ حق لنافع الاصل ان يتغوط فينا كما يشاء كلما احس باننا نستحق ذلك لان من يهن يسهل الهوان عليه باستثناء الزول بتاع لندن الكان داير يلبسه الكرسى وخلاه يكورك لا ...لا وظهر له كبر قلبه واسد على وفى الحروب نعامه و.........................
وشعبنا الطيب واقف يعاين

[شبتاكا]

#1127414 [ملتوف يزيل الكيزان]
4.25/5 (8 صوت)

10-16-2014 10:43 AM
يا ناس خليكم جادين ، و لا هظار في الجد. الرجل جاد و حتى الان هو مسؤل و يمثل المؤتمر الوطني. ثانيا الرجاء تسمية الاشياء باسمائها.
بالواضح ، كل الانقاذين هم تربية الدكتور الشيخ عبدالله حسن الترابي ، المعروف في لغة الشيوخ ، بصاحب السفلي. السفلي يطلب من صاحبة اقتراف احدى الكبائر ، ثم بعد ذلك يركبه كلما حقق له رغبة. وهذا حال كل حواريه بما فيهم نافع. وهذا الصنف لايتوب. واتحدى اي انسان يجيب لي تايب واحد من جنس هذا الصنف. فلانقاذي الغير ضار هو الانقاذي الميت.
ويا شباب عليكم بتكوين خلايا المقاومة بالاحياء.

[ملتوف يزيل الكيزان]

ردود على ملتوف يزيل الكيزان
Saudi Arabia [جمعة الكتاحة] 10-16-2014 11:46 AM
يعنا الانقاذيين كلهم مصابين بمرض الزومبي ZOMBY هههههههههههههههههههههه بلد تحير

Egypt [احمد ابو القاسم] 10-16-2014 11:18 AM
نصيحتك أكثر من غاليه اوافقك الرأى.!!!


#1127409 [خليل عزة]
2.50/5 (7 صوت)

10-16-2014 10:39 AM
خايبين... كلام مردود على صاحبه ما في عليه تعليق..

لكن بمناسبة المطر ...

في منتصف التسعينات ضرب الزلزال مصر فجاء خطاب الحكومة بأنه غضب من الله ... وهللوا وكبروا ...

شاءت إرادة الله ان يضرب الزلزال السودان - فقالوا رقصت الأرض طربا لعدل عمر ...

شايف اللعب بالتفاسير والعقول وإرادة الله.

فالعقل الذي جعل الزلزال هناك غضب وهنا فرح
هو نفس العقل الذي جعل المطر رضاء لهم وغضب على الكفار.

بس الله غالب

[خليل عزة]

#1127388 [صديق ضرار]
4.38/5 (11 صوت)

10-16-2014 10:26 AM
الزول دا قَدُرْ ما أختاهُ تجيبوأ لى ؛ ما عارف لى شنو ؟!
وما ليك حق يا أخوى عثمان ميرغنى تجيبوا مع الصباح المعكنن دا .
أها الياخد :


مسدار أبو العفين


القلم في إيد الكريم عمار ووجاهة
وف إيد اللئيم مرضاً بزيده سفاهة
دحِّين سكاتنا عليك وعفونا ومانا دلاهة
خلاك يا العفن بى سبابنا جد تتباهى
* * *
أقعد يا السجم للحَرْبِ شعلل نارا
وجَيِّشْ في الجيوش آلآف، بجينا خبارا
فى باكر بجوك ناس كاودا أو ناس بارة
بتلبد يا الجخس وسط الحريم تتضارى
* * *
ناكرك عديل و أقولها ماك سودانى
و شيتا يجمعنى بيك في الدنيا ما لمَّانى
أهلك مو قليل لو قالوا زول برَّانى
دخل الفريق غلطان وابوه جِدُّو يمانى
* * *
زَىْ ودَّ الحرام الأمُّ زاغت مِنُّو
مسحُوب من لسانو ، ولسانو يبعد عنُّو
جابوه مع اللقاط لو يقدروا يلمنُّه
خلَّوه اللقاط الزين في الملجا فزُّوا وجنُّوا
* * *
شلاَّخك عليك وما بتقدر تغالط بكرة
وما بتقدر تقول أنا ما يانى داك النكرة
* * *
في قبضة يدين المولى عزَّ وجلَّ
داير تنملص من الذنوب ، تتحلَّ
حضروا الضحايا من كل قبيلة وملَّة
وإنت بتكورك يا الله لَحِّقنى البلَّة
* * *
بالشهر المنوِّر أشوف عمايلك فيكَ
واشوف من قهر كيف يدمعن عينيك
شيتاً ، من غرف أشباح عمايا يجوكا
وشيتاً من عذابهم الدم مغتى يديكا
* * *
كَرْبِتْ يا الحمار شَدِّينا فوقك بَردَعْ
خليك يا الحمار مسئول وطايع واسمع
مع النميرى حمار من فصيلتك برطِع
وريناه النجوم فى نهارها كيفن تلمع
* * *
ما تعمل عنيف بى نفخة كاذبة، وسيبها
خليك قدر قدرتك واحسب حساب محسوبها
متلك كم جعيص دارُوهُ ساعة الحوبة
فرتق من ابوجا ، أب شردة قَلَبْ الهُوبَة
* * *
الشعب انكَرَب فوق التلال الصعبة
والسيل لو كسر تَحْلَوْ تمام اللعبة
بنخاف يا فصيح تهرب عديل وتكب . .
الزوغة ، ومن ويلات الحراب تتخبى
* * *
دسدسوا في جنياتكم وحافظوا عليهم
وأولادنا الصغار لى نار الحرب زِفُّوهم
شلتوهم زغب وقعدتوا تزرعوا فيهم
حقدكم الدفين على أهلهم و ذويهم
* * *
جات السيول ، صاحبنا فرَّ بجِلْدُو
هدت الأمُور ، دايرنا نمشى نِقِلْدو
قال الخريف برَّد علينا بتلجو
البَهَمْ اِنسَرَح ، وحتى الحريم راح يَلْدُوا
* * *
ديل إبَّان كروش مخلوقة واسعة وصلبة
تطحن في الظلط ، قد عدَّمُونا الحبة
نحنا في هَزَال ، حالتنا خالص صعبة
وهم بغال الغال بوجوه ندية ورطبة
* * *
مناشير كهرباء نازلين بياكلوا وطالع
تجنيب شديد للمال والكل بقابض و طامع
الكل بمد الإيد ما بين بسفَ أو بالع
* * *
الناس الحياء خلاها صبرت ومدَّتْ
عشرين من شوية وأربعاً قد عَدَّتْ
لمتين في العفان ، رئتينا منه اِنْسَدَّت
يا الله الخلاص لو نسمة هبَّت وندَّت
* * *
وَلَداً قبيح أُستاذُه لم يحترمو
أَمَرْ المجرمين ليَضُرْبُوا فيهُ و إذمُّوا
يسألو في المناهج وبروف بينزف دمُّو
تلميذاً خبيث ، جَايِبلُو الطعام بى سِمُّو
* * *
من بين إيديكم حَىْ ، قد إنسرق فاروق
واتْلَبَّسْ تَمامْ العافية من عند الإله الفوق
أب فهَماً كبير ، راساً ملان طايُووقْ
وإِتْ أب دِقِن مُنْتَفْشة ، تيس معتوق
* * *
كعب الفَقُرْ خلاك مُحب للمال
وتمُد يا دنيىء إيديك ذليل مسئال
تبيع في الأراضى وأبوكَ كان تربال
وتآكل في الحرام بى فتْوَةْ فجور وضلال
* * *
في ماليزيا قايم برجاً تطاول عَيْنَة
من عدة طوابق ، تَكْلِفْتُهُ ما هِىِ الهينة
وقت لى رفيقك عايزين نشوف البينة
نشوف إله محمد أحمد ربّ السماء الدنيا
* * *
لو قالوا يفتحوا نادى ألقاك جريت تَدَّبى
لو قالوا مدرسة صغرى شفخانة واللا طلمبة
لو خور يوَسِّعوا فيهُ أوْ يَطْلُوا جِير القُبَّة
تسرع تقول الخطبة
ودايماً خطابك يِصُبَّ :
في إنه المعارضة كعبة
شِبِعنا يآخ ما تِغيِّر
لو مرَّة تقلِب قلْبَة
لوْ بس تجدِّد حبة
* * *
كسرة يا الفاتح جبرة :
تطلع على لاهاى ومعاك سوابقك برضو
والمجرمين – حيَهُمْ والمن زمان إنقرضوا
وتخطب في الجهاد وعن شروطو وفرضو
وعن الذين جنوا وعلى الشريعة اعترضوا

[صديق ضرار]

ردود على صديق ضرار
[التاج محمد احمد] 10-16-2014 10:01 PM
احييييييييك

[حسكنيت] 10-16-2014 04:55 PM
ما قصرت تب

Saudi Arabia [واحد مهموووووووووم] 10-16-2014 11:26 AM
عافيييت منك


#1127384 [خالد حسن]
4.00/5 (5 صوت)

10-16-2014 10:22 AM
هذه عينه من مصانع الكيزان ..
فمصنع الكيزان لاينتج الا الغثاء والوسخ والعفن
لافيهم زول فاهم ولامتحضر ولاوطني والغريب ملهم حملة دكتوراه وبروفسورات
والقلم مابزيل بلم
اتحدي اي كوز يخرج لينا اسم كوز فاهم متحضر وطني اخرجته الحركه الاسلاميه؟

[خالد حسن]

ردود على خالد حسن
Sudan [د . يني] 10-16-2014 12:09 PM
مافي شئ غريب يا حبيب .. فمعظم شهادات الدكتوراة حايمة بالسوق العربي علي قفا من يشيل اضافة لجوكية ( ارشيف مكتبات الجامعات ) .. حتي تفوقنا علي الصومال و باتت معروضة بالشوارع .. و ما فضيحة اكتشاف معظمها بالاردن و عدم اعتمادها الا دليل علي ذلك .


#1127385 [ود الباشا]
4.00/5 (3 صوت)

10-16-2014 10:22 AM
بالله يا عثمان 25سنه فعلوا فيها الافاعيل وكلنا نشهد بذالك لدرجة جعلتنا نقبل بالسرقة والذل وضياع وطن فوصلت الثقة بهذا المخلوق المخلوع حتى رانا كما يصف اليس هذه فعلا خايبة

[ود الباشا]

#1127352 [osama dai elnaiem]
3.00/5 (2 صوت)

10-16-2014 10:05 AM
عقله(ذهب)!

[osama dai elnaiem]

ردود على osama dai elnaiem
United Arab Emirates [قرف وقهر] 10-16-2014 05:08 PM
ولن يعود

Saudi Arabia [Suliman] 10-16-2014 11:38 AM
عفشتك يا اسامة ههههههههههههههههههههههههه ذهب المعدن والذهاب حدد يا ثعلب


#1127339 [shah]
4.50/5 (4 صوت)

10-16-2014 09:56 AM
وإنت يا البصيرة أم حمد ... ما عندك حل لمشكلة بذاءة نافع إلا الناس كلهم يكونوا مؤتمر وطنى؟

[shah]

#1127327 [abubaker]
3.00/5 (2 صوت)

10-16-2014 09:48 AM
هذا شيخ خرفان

[abubaker]

#1127319 [أحمد]
2.00/5 (3 صوت)

10-16-2014 09:43 AM
إنت دايرو يترجل يمشي وين تاني؟
الرجل طلع من الحكومة خلاص وريحكم؟
حتي الكلام دايرين تمنعوه منو يعني؟
ماهو إنتو المعارضة شغالين ليل نهار تتكلموا وتشتموا فينا ومافي زول سألكم.
حلالٌ عليكم وحرامٌ علينا يعني..؟؟
وبعدين منو القال ليك هو شتم مواطنين أبوسعد؟؟ مواطنين أبوسعد إستقبلوه أحسن إستقبال لأنو جاء يحل ليهم قضية التعويضات وهم كلهم مؤتمر وطني أساساً..
هو شتم المعارضة الشغالة فينا شتائم ليل نهار، وليهو الحق يشتمها.
مقال ركيك وضحل ومافيهو موضوع يا ودميرغني يا إسلامي "سابقاً" إنت.

[أحمد]

ردود على أحمد
United Kingdom [ahmedali] 10-16-2014 12:37 PM
الله لا حمدك انت كوز وبتعرف معني ان يكون الانسان كوز

واليك المعني

الكيزان معروفين منذ عهد التلمذة بانهم ساقطين اخلاقيا
الكيزان قتلة ومجرمين وفاسدين الخ
الكيزان مزقوا السودان
الكيزان اشعلوا السودان بالحروب
الكيزان عذبوا السودانيين
الكيزان جوعوا الشعب
الكيزان اغتصبوا الرجال والنساء
الكيزانمطلوبين جنائيا دوليا ومحليا
الكيزان سرقوا البلد
الكيزان دمروا السودان ومؤسساته ومشاريعه
ومن كل ما سبق الكيزانن لاصلة لهم بالدين انما استخدموه للوصول لاغراضهم الدنيءة

والله لو ملانا ورق الدنيا عن سفالتهم وقذارتهم ما كفيناهم

لعنة الله عليك ياسافل يا من تدافع عن الباطل وانت تعلم

دفاعك عن الكيزان دليل علي انك لم تتربي في بيت سوي

تفو عليك وعلي شيخكم المخنث وبقية القذارة

Saudi Arabia [واحد مهموووووووووم] 10-16-2014 11:30 AM
بس يا احمد زولك ده عفن شديد وقليل ادب كمان وباعتباره دستوري مفروض يكون محترم
لكن ( كل اناء بما فيه ينضح ) وين يلقي الادب طالما هو مؤتمر وثني


#1127312 [مبارك]
4.50/5 (6 صوت)

10-16-2014 09:35 AM
الثورة الشعبية قادمة انشاء الله شاء نافع ام ابى ، فلقد فقد ما يسمى بالاسلاميين في السودان بريقهم ولم يعد احد يصدقهم فهم تجار دين يستخدمون الدين لخدمة مصالحهم الشخصية ، لابد ان ينتهي الطغاة الى مذبلة التاريخ ، اين القذافي ؟ اين حسني مبارك؟ اين زين العابدين بن علي ؟ اين صدام حسين ؟ اين جعفر نميري ؟ اين فرعون ؟ ...الخ ، لقد عاش الشعب السوداني اسوأ 25 سنة في تاريخه كان في البداية يردد بالصوت العالي شعارنا العالي بيرفع والعالم كله بيسمع فلناكل مما نزرع ولنلبس مما نصنع ، فماذا حدث انتهت الزراعة نهاية بطل ومشروع الجزيرة خير دليل على ذلك وانتهت الصناعة المحلية حتى الدمورية والدبلان لم نحصل على اثرهما . لابد لليل ان ينجلي ولابد للقيد ان ينكسر باذن الله تعالى

[مبارك]

#1127297 [كمبوكل]
3.00/5 (2 صوت)

10-16-2014 09:19 AM
انتبه يا بيش ليست كل مرة تسلم الجرة ، الدقة الفاتت جات سليمة ولا نضمن اى دقة قادمة تلفت منها فانتبه يا رعاك الله !!!!!!!!!!!!!!!!

[كمبوكل]

#1127292 [وحيد]
3.00/5 (4 صوت)

10-16-2014 09:16 AM
الكلب كلب و لو ترك النباح

[وحيد]

#1127291 [اب احمد]
3.50/5 (3 صوت)

10-16-2014 09:13 AM
دى التنابيره عوير السيره واللد نافع دى اكبر حاقد وحاسد ومنافق فى العالم وغايتو عاش طفوله ماطبيعيه ياشاف حاجات ماتمام فى اسرته يعنى الزول عديم تربيه وعديم اخلاق وعنده مركب نقص وقالو ا خريج زراعه والله زراعه دى ذاتها مادايره ليها قرايه اهلنا من زمان بيزرعوا ولا قاريين زراعه ولا حاجه نسال الله العلى القدير ربنا يورينا فيه يوم فى الدنيا يا كريم

[اب احمد]

#1127270 [ود الفكي]
4.00/5 (3 صوت)

10-16-2014 08:43 AM
ا نافع يا نافع قل خيرا أو اصمت .وأصلا الخير منك ما بيجي والدليل ليك 25 سنة ماذا فعلت للسودان؟

[ود الفكي]

#1127268 [نورابي الزندية]
3.00/5 (4 صوت)

10-16-2014 08:42 AM
كل انواع الجهل تلملمت في هذا المخلوق القبيح

[نورابي الزندية]

#1127262 [نافع الما نافع]
3.00/5 (4 صوت)

10-16-2014 08:32 AM
يقول المثل اللي فيك بادر به

لما يقول نافع ان المعارضة خائبة ... يعني هذا ان الموتمر الوطني مرعوب من المعارضة وعارف حجمه كويس والخيابة في نافع لا حدود لها والخوف الداخل فيه يظهر به عرضا في المناسبات وادعاء الرجولة .
أذكر ايام كنا في الحركة الاسلامية والاتجاه الاسلامي في الجامعة كان د/ نافع يتبري مننا وعندما كنا نستاذنه في استخدام منزله (منزل الجامعة) كان يبلبط خوفا ويرفض والان بعد اربعين سنة صار ابو الرجال
تباً لك ايها السافل (واعني السافل ) وان عاد عدنا وبالتقيل

[نافع الما نافع]

#1127239 [aaaaaaaakhhhhhh]
3.00/5 (3 صوت)

10-16-2014 07:09 AM
من الاول باي صفة يتحدث نافع في احتفال يخص ولاية الخرطوم وليس له اي منصب تنفيذي في الولاية. باعتبار انو دي حكومة طبعا شان تعرف انو الناس دي بتدير البلد باسلوب الشلليات وبيتعاملو معاها كانها تكية ابوهم

[aaaaaaaakhhhhhh]

#1127237 [سوداني ود بلد]
3.50/5 (3 صوت)

10-16-2014 07:06 AM
يقول المثل " الطبع يقلب التطبع" ود. نافع طبعه قلة الأدب وزلة اللسان واستخدام الألفاظ الساقطة وهو في خريف عمره لن يتغيير من نفسه ولكن الشعب سيجبره علي التأدب قريبا ان شاء الله.

[سوداني ود بلد]

#1127223 [الحلومر]
2.25/5 (5 صوت)

10-16-2014 04:57 AM
لماذا يترجل الدكتور نافع ؟؟وهو يملك من الابل الملايين فان مل ركوب الابل فظهر انسان السودان مسرجة وجاهزة للركوب واصبحت هوايته المفضلة استبدال ركوب الابل بركوب الانسان الذي كرم الله واذلته الانقاذ

[الحلومر]

#1127217 [ود الهلالية]
3.94/5 (11 صوت)

10-16-2014 03:30 AM
أعجبني تعليق أحد الظرفاء بمناسبة خريف نافع ..(( اذ لم يكمل نافع لعبه في طفولته فدعوه في خرمجته و لا تلتفتوا له الي أن يقضي الله أمرآ كان مفعولآ )) ... و شر البلية ما يضحك .. و البلانا بيك يصبرنا عليك يا د. نافع .

[ود الهلالية]

ردود على ود الهلالية
Sudan [huta] 10-16-2014 10:26 AM
ان الله اذا غضب على انسان اغناه بالمال الحرام... واذا اراد ان ينتقم منه بارك له فى رزقه الحرام....


اللهم عجل بانتقامك وخلص عبادك المغلوبين..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة