الأخبار
أخبار إقليمية
مبارك مقدماً..!!
مبارك مقدماً..!!
مبارك مقدماً..!!


10-16-2014 02:11 AM
عبد الباقى الظافر

فوجئ الصحفيون بنائب الرئيس عزة الدوري يعلن نتائج الاستفتاء لولاية جديدة للرئيس صدام حسين.. النتائج الرسمية لذلك الاستفتاء أعلنت فوز الرئيس بنسبة ١٠٠٪.. لم يكن التعجب في الرقم القياسي الجديد الذي لم يحوزه الأنبياء ولم يتحصل عليه الأولياء الصالحون.. بل مكمن الدهشة أن نسبة المشاركة كانت هي الأخرى درجة كاملة.. حسب الدوري لم يتخلف مواطن واحد من بين أحد عشر مليوناً وخمسمائة ألف نسمة من تسجيل اسمه مقروناً بنعم للقائد.. ولكن تلك الملايين وبعد أن سقطت بغداد وهرب المهيب لم تجد إلا تمثال صدام فأوسعته ضرباً بالأحذية.

عقد أمس البروفيسور إبراهيم غندور نائب رئيس الحزب الحاكم مؤتمراً صحفياً محضوراً.. غندور أعلن بل جدد عزم الحكومة في قيام الانتخابات في موعدها المقرر له في شهر أبريل المقبل.. الغندور قال من له احتجاج على أهلية أي مرشح عليه أن يتوجه صوب المحكمة الدستورية.. الحمد لله أن لسان الرجل المهذب عصمه من نصح المعارضين أن يشربوا من البحر إن لم تعجبهم الانتخابات.

الدكتور نافع علي نافع يبدو رغم بعده عن القيادة إلا أنه اشتاق إلى اللغة الخشنة.. في مخاطبة شعبية بأم درمان بشر المواطنين أن مشروع الإنقاذ ماضٍ إلى أن يرث الله الأرض وما عليها.. ختم نافع حديثه بأن المحرضين على الثورة الشعبية مجرد (خائبين)- كما ورد في الزميلة الانتباهة.. مشكلة نافع تكمن في نقطتين متناقضتين، الإحساس بالخطر وفي ذات الوقت استصغار الآخر.. هل سمع أحدكم خوف الحكومة البريطانية من ثورة شعبية؟.. وهل تحدث ملك المغرب أن الملكية ستستمر حتى يظهر المسيح الدجال؟.

في تقديري أن الإصرار على قيام الانتخابات بمن حضر مصحوباً باللغة الجارحة، سيفقد هذا الاستحقاق معانيه ومقاصده.. أية انتخابات مقصود بها استقراء الإرادة الشعبية.. ولن يحدث ذلك إلا إذا تأكد الخصوم أن الميدان مهيأ للنزال.. أمس أعلن المؤتمر الشعبي- رسمياً- مقاطعته أية انتخابات تجرى في المناخ الراهن.. جماعة الإخوان المسلمين التي يقودها على جاويش أعلنت فض يدها من الحوار الدائر.. حزب الأمة الذي يمثل أكبر أحزاب السودان حسب المقاييس العالمية خرج مبكراً من الملعب واختار زعيمه الإمام الصادق ملجأ خارجياً بعيداً عن أحضان الوطن.

بصراحة.. قيام الانتخابات في مثل هذه الظروف سيكون تحصيل حاصل.. تشبه تهنئة طالب أحرز المركز الأول في فصل سعته طالب واحد.. فعلها مؤخراً الرئيس بشار الأسد في سوريا الجريحة وفاز بما يفوق الـ (٨٨٪).. لم يعتد أحد بالنتيجة.. أربع دول فقط خطت برقيات تهنئة لطبيب العيون الذي لم يرَ الواقع بصورة جيدة

التيار


تعليقات 29 | إهداء 0 | زيارات 19070

التعليقات
#1128312 [مبارك المبيريك المبروك بتاع الخج]
0.00/5 (0 صوت)

10-17-2014 10:53 PM
"مبروك للسفاح فوزه في الانتخابات القادمة"

[مبارك المبيريك المبروك بتاع الخج]

#1128305 [شرعية مجانية]
0.00/5 (0 صوت)

10-17-2014 10:48 PM
ياخي بدل ما يصرفوا الدولارات دي كلها من عرق جبين دافعي الجبايات من أطفال الدرداقات وستات الشاي
نحن نبارك للسيد الرقيص وحزبو ولحرمو برضو بالفوز وتسنم الرئاسة و نحلل لهم الفساد والسرقة و الإستنكاح ..
الجديد شنو ؟؟
وليه التعب ؟؟
عربات جاية وماشة وبنزين ونثريات .. أوراق .. ونبحي ومكرفونات .. و كارتر جا و قبض دولاراتو .. وخج وقج وسهر دجاج ولا نومو
ياخي خليكم نايمين مع حريمكم .. و خلوّا لينا قريشاتنا .. جيبوا بيها شوية دوا سكري و قلب وما تنسوا (الضغط) لانو بقى مهم في زمنكم ده
ومطلوب ..
نحنا مسامحنكم و فايزين وعايدين للحكم راكبين و يا دار ما دخلك شر (تّب) ..

[شرعية مجانية]

#1127868 [دردوق]
2.00/5 (1 صوت)

10-16-2014 11:07 PM
و الله الصوره دي ما ساهله الف الف مبروك و يتربي في بيت العز!!

[دردوق]

#1127834 [ناصح]
0.00/5 (0 صوت)

10-16-2014 10:06 PM
صدام الله يرحمه أشرف منك ومن أسيادك أولي نعمتك ياعبدالباقي يا منافق ذو الوجهين .100% وأنت شنو الدخلك حتى تأتي بمثل ترفع به خستك .كاتب وصولي إنتهازي , قبح الله مثل هذه الوجوه .

[ناصح]

#1127703 [ملتوف يزيل الكيزان]
2.00/5 (3 صوت)

10-16-2014 05:02 PM
واحد مسمي نفسو(سودانى لكن محترم) تجي دي ازاي ، يظهر عليك ما بتعرف معنى الاحترام. انت تسئ لكل السودانيين بما فيهم امك و ابوك! بهذا الاسم المسئ. تجي ازاي دي يا اهبل.
ثم عينوك كيف كدجاجة الكترونية ما دام ما بتعرف تكتب عربي و لا اي لغة اخرى. احسن تتصل بالفديو زيك وزي باقي الجهلاء الذين يملاوون شاشات التلفزيونات ، من مغفلين و مغفلات (مضروبات بوهيات).

[ملتوف يزيل الكيزان]

#1127657 [khider]
2.00/5 (2 صوت)

10-16-2014 03:49 PM
كلو كلام فارق فى فارق امشو خلو الشعب فى حالو كتمتهو النفس يصوت كيف ولى منو ما كفاية عزاب وقرف

[khider]

ردود على khider
[الجويرابي] 10-16-2014 04:44 PM
فارغ في فارغ .. المسألة تحتاج قليل من التركيز.


#1127610 [زول وطني غيور]
3.75/5 (5 صوت)

10-16-2014 02:56 PM
مافي داعي لحكاية الإنتخابات طالما أن النتيجة معروفة سلفا و قبل الإنتخابات !! هي طبعا 99.9% للمؤتمر الوطني وبقية النسبة هي للمعارضة(01.%).. أتحداكم إذا كانت النتيجة أقل من هذه النسبة .. على السيد/ الأصم أن يعلن لينا النتيجة ألآن ويأخذ الحوافز كمان فورا الآن ..عشان نوفر بقية القريشات مافي داعي للصرف الغير مرشد ..

[زول وطني غيور]

#1127608 [كركاب مطر بلا سحاب]
3.00/5 (3 صوت)

10-16-2014 02:53 PM
تانى يا ناس الراكوبة جبتوا لينا صورة الجكسى دى ؟؟؟

[كركاب مطر بلا سحاب]

#1127569 [التاج محمد أحمد]
3.00/5 (2 صوت)

10-16-2014 01:53 PM
والله ياالظافر صرت من نجوم الشباك لما صرت تكتب ضد الحكومه
قريب من 9000 متابع علي الراكوبه

[التاج محمد أحمد]

#1127437 [ملتوف يزيل الكيزان]
3.50/5 (5 صوت)

10-16-2014 11:12 AM
ما اخذ بالقوة لا يسترد الا بالقوة.
ضاع الوطن فضل العرض . الجنجويد اصبحو اقوا من الجيش، وهم الان يقتلون الضباط والجنود في دارفور. والبارح دقو وعذبو ورقصو ضابط عظيم برتبة عميد . عشان كدة الجيش ما حيقدر يحميكم و يحمي عروضكم اذا دخل الجنجويد العاصمة التى هي الان مطوقة بهم . الجنجويد حتى الان يقومون باغتصاب النسا و البنات القصر و يقتلون المدنيين بدارفور ولم نسمع بانهم هاجمو اي موقع من مواقع الحركات المسلحة. لانهم متخصصين في المدنيين و ذلك حسب توجيهات المؤتمر الوطني. وذلك لافراغ مناطق النزاع من الاهالي و اعطاء الاراضي للرعاة اهل الجنجويد . عشان يستولو على الارض مش تضيع منهم زي ارض الجنوب ما ضاعت. اي يريدون الارض من غير سكانها . لابادة السكان بالجوع ،هم يحرقون المزارع الان قبل الحصاد.و ليندثر الاهالي زي الهنود الحمر بالامراض و الجوع.
الحل يا شباب كونو خلايا المقاومة المسلحة بالاحياء للزود عن عروضكم.

[ملتوف يزيل الكيزان]

ردود على ملتوف يزيل الكيزان
United States [ِِAbu S hihab] 10-16-2014 05:53 PM
يا بنت الناظر في واحد سوداني محترم كلام ملتوف قلق بيه وانتو عارقين مين هو ؟ال محترم ال وأنا بضيف علي كلام ولدنا انتنوف انو الشباب في احيائهم يحددوا أمثال السوداني المجترم ويقاطعوهم اجتماعيا لان هذا السلاح ذو اثر كبير داخل مجتمعنا يعني ما بمشو ليه لا فرح لاكره وبعدين الملتوف يومو قريب يا انتنوف استمر في تحريضك
قررررررررررررررررررررررررررررررررررررررررررررررررررررررب.

United Arab Emirates [سودانى لكن عاقل] 10-16-2014 05:25 PM
ال بنت الناظر اال ناظر شنو واخو شنو ملوتوف لما يشيلك ويشيل صاحبك شيل بلا يخمك ويخمه. السودان راح شمار فى مرق بسببكم يا انجاس يا يائسين من حياتكم

Libyan Arab Jamahiriya [ملتوف يزيل الكيزان] 10-16-2014 04:52 PM
شكرا يا شباب الانتفاضة القادمة. كلمة (خلايا المقاومة بالاحياء والتزود بالملتوف) دي النور الساطع الما حيخلي الدجاج ينوم (سهر الجداد و لانومو). الرجاء تكرارها في مداخلاتكم واوكد ليكم بهذا ستجدون الكيزان حايمين في الشوارع ملط ويجدعو بالحجار. طبعا الجنجويد بقو اقوى من الجيش حتى انهم ممكن يرقصو ويجلدو الضباط الكبار زي فتيات النظام العام. و الجنجويد طبعا ما حيحمو الكيزان لانهم يريدون السلطة كلها لانفسهم. والكيزان ماهم رجال حارة.

United Arab Emirates [بنت الناظر] 10-16-2014 03:38 PM
أخى العزيز [ملتوف يزيل الكيزان]....
الدجاج اليومين ديل نازلة فيه مطره .. وباين من ردواحد منهم إنه اليومين ديل.. الكيزان أعصابهم تلفانة وكلامك ده بطير النوم من عيونهم وخاصة إنه الجنجويد زانقهم شديد فى حكاية القروش مع الفلس الضاربهم ده وما تنسى كمان راجعين من السعودية بخفى حنين .. وزيارة مصر فى كف عفريت ما معروف السيسى يوصلهم للخليج ولا يرجعهم بخفى حنين كمان ...عشان كدة خلى ملتوفك إسمك ذاته مجننهم..

United Arab Emirates [Khalidali] 10-16-2014 01:42 PM
قال سودانى وكمان محترم ، انت ما بتفرق معاك لانك خنزير شبعان من كوشة كافورى مع عصام وأمثاله ، انت ابعد من ان تكون كريم كما هو الأخ ملتوف ود البلد الحار

Qatar [sasa] 10-16-2014 01:15 PM
افلست ايها (( السودانى لكن محترم))

Saudi Arabia [سوداني رغم أنفك] 10-16-2014 12:42 PM
يا ملتوف، السوداني المحترم باين عليهو قاعد ليك طوالي وبيرصد تحركاتك.. خذ حذرك م عشة الكاك..

United Arab Emirates [سودانى لكن محترم] 10-16-2014 12:11 PM
خلايا ايه وزفت ايه على دماغك صار لك اكثر من 5 ايام وانت تقول كونوا خلايا وما ادرى شنو والمقاومة وهجص وبلا ازرق لما يخمك قوم لف لفك قطر ورينا شنو عملت انت .واضح ان عقلك خف واحسن تذهب الى مستشفى الامراض العقلية والنفسية


#1127426 [nagid]
2.00/5 (2 صوت)

10-16-2014 10:55 AM
كما قالها الدكتور منصور خالد سابقا (they are masturbating)

[nagid]

ردود على nagid
United States [ِِAbu S hihab] 10-16-2014 06:15 PM
يا خالد بترجمتك الحرفية أفقدت كلام الدكتور معناه.أفرأ ما قاله الدكتور مرة تانية
انهم يعانون معاناة كبيرة أسأل الله أن يزيدهم في معاناتهم. أي يستلذون بالوهم.

United Arab Emirates [Khalidali] 10-16-2014 01:46 PM
بالسودانى الفصيح ( بيدقوا حلاوه ) عشان يزوغوا من باب الزنى ابو استك منو وفيهو


#1127415 [ليلي السودانية]
2.97/5 (6 صوت)

10-16-2014 10:45 AM
وحلاتي ياناس شوفوا ابراس خجلان كيف لما مشي يخطب


خطوبة الكبر شينة


وداد بت الجزيزة عنقريبك وحيطتك المجيرة تدل علي بساطتك توبي الي الله وماتكلي حرام انت انتقمتي من الشعب مش انتقمتي من من قتل زوجك البشير وعلي وقوش ونافع زي ماكنتي عايزة.



ياناس شعب ومعارضة هولا الجبنا باقون الي الابد مالم تقوموا الي ثورتكم وحينها سيهربون فهم جبانون جدا

[ليلي السودانية]

#1127374 [jas]
3.00/5 (2 صوت)

10-16-2014 10:15 AM
كن قاعدين حيين من الموت نشوف تقيفو وين

[jas]

#1127351 [محمد]
2.88/5 (5 صوت)

10-16-2014 10:04 AM
الصورة دي متين؟ اوع تكون من زمن ابو الجنى دا!

[محمد]

ردود على محمد
[ابو خنساء] 10-16-2014 08:55 PM
الصورة دي في اللحظة التي رسمت فيها ودوده اللعبة واختطت لنفسها الطريق نحو بلوغ الهدف وكان لها ما ارادت يا محمد شوف الابتسامة دي ابتسامة منتصر


#1127347 [ود الباشا]
4.44/5 (5 صوت)

10-16-2014 10:03 AM
المؤتمر البطنى ماسك البلد رجاله وحمرة عين مافاضى فى شعب ولا معارضة ولا يحزنون وقالوها عدييييل عصابة استولت على بلد رجاله وقاعدة رجاله ولن تذهب الابنفس الاسلوب رفعت الاقلام وجفت الصحف

[ود الباشا]

#1127320 [الحلوين]
4.00/5 (3 صوت)

10-16-2014 09:44 AM
عمك دا جابو ليهو ولد ولا دا ولد ابراهيم شمس الدين الخلاه في بطن امو..

[الحلوين]

#1127307 [ابوملاذ]
3.50/5 (2 صوت)

10-16-2014 09:32 AM
نافع ده بذكرني بعمر نورالدائم كان زيه كده بستخف بالاخرين . قبل انقلاب الانقاذ حصل انقلاب الزبير التمويهي فقال عمر نور الدائم في قبة البرلمان ( ياجماعه الناس ديل مايتعببوا ساكت نحن مادام موجودين في السلطه مافي واحد بقدر يشيلنا) واليوم الثاني طوالي كان انقلاب الانقاذ . فالاهبل ده هو واحد من الناس المكرهيين الناس في البشير وفي الانقاذ.

[ابوملاذ]

ردود على ابوملاذ
Saudi Arabia [mahmoudjadeed] 10-16-2014 05:38 PM
عمر نور الدائم وابو العفين سيّان .. بلا شيخ العرب بلا بطيخ .. الفرق انه الأول مات عشان كدة وجب الترحم عليه مهما كان .. نسأل الله له الرحمه والمغفرة .

[لا حول ولا قوة الا بالله] 10-16-2014 01:18 PM
حرام عليك تشبه شيخ العرب بابو العفين!!! لو ما بتعرفه امشي اسال منه بدل تتكلم عن زول خط تاريخه بحروف من نور والآن هو عند مليك مقتدر!! اتقي الله فالظلم ظلمات يوم القيامة


#1127304 [Awad]
3.50/5 (3 صوت)

10-16-2014 09:31 AM
هل فى داعى لأنتخابات أساسا كالما مطبخ الخج أوكل له المهمة.يا أخى بدل صرف مليارات فى فلم دخلناه قبل كده فليعلنوا اليوم أن الرئيس جدد له المقعد الوثير وخليه يبرطع فى برطعته حتى تأتيه الطامة الكبرى هو وأركان مفسدته.

[Awad]

#1127302 [سوداني]
3.50/5 (2 صوت)

10-16-2014 09:29 AM
وماذا بعد ان قتل البطل صدام اين العراق وبنسبة كم فاز المالكي وكم كان نصيبه في المجلس لكي يصبح رئيسا هل كان بقرار امريكي ايراني ام بانتخابات مزورة وايهما الافضل اما عن البشر وشلة الحرامية كان يقال على بابا واربعين حرامي واليوم بشير بابا و10مليون حرامي حسب عضوية عصابة الحرمية ليس هناك مقارنة بين البشير وصدام صدام بنى العراق وكان هناك 11الف عالم وكان حامي العرب ماذا حدث بعد اغتيال العراق وصدام الفرس سيطرو على العراق ولبنان وسوريا واليمن والسودان لاول مرة نسمع عن الشيعة في السودان

[سوداني]

ردود على سوداني
United States [ِِAbu S hihab] 10-16-2014 06:33 PM
صدام بني العراق وكان هناك 11ألف عالم وكان حامي العرب وزولنا بني القصور ومعاه 11ألف عالمة وحكامة ورقاصة, وكان حرامي العرب, بالله شوف!!!!!!!!!!!!!!!!!!!


#1127301 [doshka]
3.00/5 (3 صوت)

10-16-2014 09:29 AM
هو متين جابو ليه ولد .....عموما يربى في عزك

[doshka]

ردود على doshka
Qatar [صحفي قديم] 10-16-2014 06:06 PM
هي أريتا حبوبتك

Sudan [حليمة الداية] 10-16-2014 04:14 PM
لا .. دا حفيد المقبور شمس الدين في حضن حبوبة وداد ..


#1127299 [وحيد]
4.25/5 (3 صوت)

10-16-2014 09:23 AM
هي لعبة مصالح، القاصي و الداني يعلم انها انتخابات صورية و مضروبة، لكن لماذا يصر ابناء الابالسة على تضييع مليارات الجنيهات في تمثيلية سخيفة و سمجة و كذبة مفضوحة؟ اليس اولى بهذه الاموال المرضى و الفقراء و اليتامى و الثكالى و الهائمين على وجوههم و العاطلين عن العمل و الاطفال الذين يتسولون في الشوراع و يعملون حمالين في الاسواق؟
الانقاذ جاءت بانقلاب عسكري و استمرت تحكم بقوة الحديد و النار و الكلاب البوليسية، و طورت اساليبها القمعية باستخدام الاغتيال و قتل العزل في الشوارع بدم بارد، و استخدام عصابات المرتزقة لمحاربة الشعب السوداني، فلماذا تريد انتخابات يعرف الشعب و العالم انها زائفة؟

[وحيد]

#1127296 [النوباوى]
3.00/5 (5 صوت)

10-16-2014 09:19 AM
لا تكذب يا عبدالباقى
فالملايين التى دعمت صدام لم تضرب تمثاله بالاحذية
ولكنها فلول الشيعة والحسينيات الذين حاولوا تصفية حسابهم مع صدام
والان يدور عليهم الطابور
فهنالك حديث ان عماد المجموعات السنية بما فيها داعش هى قوى الحرس الجمهورى السابق
الامريكيون يتوقعون سقوط بغداد فى اى لحظة فى يد داعش
فهل سقط صدام
ام سقط الامريكيون

[النوباوى]

ردود على النوباوى
[بطل بلادة] 10-16-2014 01:14 PM
لا دولة ولا إسلامية دي مجموعة دموية متخلفة لامة الرعاع ًالحاقدين على الدنيا وبس وين فكرهم الاسلامي حتى نطلق عليهم اسم دين الله السمع واما فعالهم فهي أفعال برابرة الماضي والله حتى هولاكومفروض يجي يتدرب عندهم على الدموية والسفك والقتل!!! وبعد ده كللللله داعش دااااااعش بلا إسلامية بلا دولة معاك هي صنيعة الغرب لتشويه صورة الاسلام ولتبرير التدخل في المنطقة يا عاااالم اصحوا سيبوا الوهم!!!

Sudan [اسماعيل محمدذين] 10-16-2014 11:27 AM
يا اخوانا الدوله الاسلاميه وليس داعش وخليكم من اعلام السلول


#1127281 [ونّاس]
3.60/5 (6 صوت)

10-16-2014 09:00 AM
ارجو من جميع كتاب وقراء الراكوبة وكل الصحف الاسفيرية والغير اسفيرية بالبدء في حملة صحفية من الان ويكون قالب الحملة "مبروك للبشير فوزه في الانتخابات القادمة" مما سيكون له الاثر البليغ على الانتخابات المكشوفة مقدما.

[ونّاس]

#1127277 [المتغرب الأبدي]
3.00/5 (3 صوت)

10-16-2014 08:53 AM
الله يديك العافية يا أستاذ ..
المتوقع هو أن يقوم حزب المؤتمر الوطني بشراء بعض المهابيل ليرشحوا أنفسهم ضد عمر البشير ثم يفوز عليهم البشير بنسبة أصوات 71.3%

[المتغرب الأبدي]

#1127249 [عبادي]
4.00/5 (5 صوت)

10-16-2014 07:43 AM
الصورة دى قبل العرس ولا بعد العرس

[عبادي]

ردود على عبادي
United States [ِِAbu S hihab] 10-16-2014 06:38 PM
بطل خباثة يا ولد.


#1127235 [أم شلوخ]
3.00/5 (2 صوت)

10-16-2014 07:04 AM
هذا مقال يصنف بالكوميديا السوداء ، المضحك المبكى ، الشكر الجزيل للكاتب الرائع عبد الباقى الظافر و لا يسعنا سوى أن نقول حسبنا الله ونعم الوكيل و يمهل ولا يهمل.

[أم شلوخ]

#1127232 [محمد فضل علي..ادمنتون كندا]
2.50/5 (5 صوت)

10-16-2014 06:10 AM
الفرق شاسع جدا بين تجربة البعث و نظام الاخوان فرق الليل والنهار علي الرغم من الاخطاء القاتلة لتجربة البعث ونظام الرئيس الشهيد ورفاقة الذين لم ينخلوا عنه وشهد العالم بطولاتهم في محاكم الغزاة المحتلين والفرق شاسع بين التجربتين وبين رموز البعث وكتبة الاخوان الذين اصبحوا ينعون تجربتهم اناء الليل والنهار ويغازلون الغزاة المحتلين وينخلون عن رئيسهم بطريقة غير لائقة.

[محمد فضل علي..ادمنتون كندا]

#1127230 [abufatima]
3.50/5 (3 صوت)

10-16-2014 05:45 AM
عبد الباقي الخاسر .كف عن النفاق فما بني على باطل فهو باطل وأنت شريك في هذا البنيان الباطل فلا تلعب على كل الأوراق. إن أردت النصح قل لا ربابك هولاء إن الترجل خير لهم وألان . ولن تستطيع أن تقول ذلك لانك عديم النخوة والرجولة . حيث اعتدت على أكل الرفات .

[abufatima]

#1127215 [خلفان]
2.00/5 (3 صوت)

10-16-2014 03:14 AM
لكن البيقنع الديك منو ؟ ؟

[خلفان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة