الأخبار
أخبار إقليمية
السودان يعلن ارتفاع صادراته من الفاكهة إلى السعودية
السودان يعلن ارتفاع صادراته من الفاكهة إلى السعودية


10-16-2014 07:12 AM
جريدة الرياض

أعلن وزير الزراعة السوداني إبراهيم محمود حامد ارتفاع صادرات بلاده من الفاكهة إلى اسواق المملكة بصفة خاصة ودول الخليج العربي بصفة عامة.

وتستعد مجموعة سليمان الراجحي لافتتاح مصنع للتمور في ولاية نهر النيل السودانية الواقعة الى الشمال من العاصمة الخرطوم حيث تجري حاليا عمليات تركيب المصنع.

ودخلت مجموعة القحطاني السعودية في شراكة مع حكومة الولاية الشمالية لاعادة تشغيل مصنع لانتاج الخضر والفاكهة في مدينة كريمة اقصى شمالي السودان سيبدأ تشغيله خلال العام الحالي لانتاج معلبات "الطماطم والفاكهة والجزر والكاتشوب".

ووقف وزير الزراعة على المشاكل والمعوقات التي تواجه نشاط الشركة العربية السودانية للخضار والفاكهة التي توقف نشاطها منذ العام 2012 الماضي.

واستمع الوزير بمقر الشركة في العاصمة الخرطوم إلى شرح مفصل حول الخطوات التي تمت في اتجاه فض الشركات القائمة وتسديد القروض، بهدف تفعيل دور الشركة في الإنتاج الزراعي وتجهيز الصادرات البستانية.

ووجَّه بالاستفادة من البنى التحتية للري وكيفية توفير مساحات زراعية تستوعب نشاط الشركة الزراعي، إلى جانب تشغيل خطوط مركز الصادرات وزيادة السعات التخزينية المبردة والاتجاه نحو الصناعات التحويلية وتشجيع القطاع الخاص للاستثمار في التصنيع الزراعي.


تعليقات 14 | إهداء 0 | زيارات 4251

التعليقات
#1127695 [Zubair Ali]
3.00/5 (2 صوت)

10-16-2014 03:46 PM
المستهلك في السعودية يشتري كيلو البامية ( آآي البامية الواحدة دي ! ) بـت24 ريال سعودي و كذلك كيلو الباباي بــ16 ريال و كسلا و سنجة و معظم غرب السودان مليان بهذه الشجرة و المانجو الهندية بـت18 ريال و الطماطم في سعرها الأقصى بــ14 ريال كفاكم و إلا أزيدكم من الفواكه المليزية مثل الأناناس المتوفر في جنوبنا الحبيب !

[Zubair Ali]

#1127693 [الفاتح الاسد]
1.00/5 (1 صوت)

10-16-2014 03:45 PM
العقلايات المسئولة عن صادراتنا دي ما بتسقينا موية مع المنافسين العالميين في الخليج .هل عندنا مجلس مؤهل للصادرات كما للدول الأخرى ؟ هل عندنا ضبط جودة ؟ هل عندنا ؟ هل عندنا .......الخ انظروا الى المنقة اليمنية التي هي أصلا سودانية كيف معبأة وكيف منافسة في السوق. الحكاية ما عاطفيات ساكت الحكاية شغل مدروس .

[الفاتح الاسد]

#1127667 [سوداني رغم أنفك]
1.00/5 (1 صوت)

10-16-2014 02:58 PM
إذا كان صحيح أنه فيه تعثر والطماطم وصل سعرة إلى 25 جنيه، طيب لما يتحل التعثر يبقى الطماطم بكم عليكم الله، يا جماعة الناس ديل دايرين يسيبوا للشعب ده شنو، والله إلا يأكلوه الشوالات، وكمان الشوالات بتكون غالية، سفوا الرملة، الرملة غالية، امضغوا الحصى، الترحيل غالي، كلوا تبن، الأعلاف غالية، كلوا صرف عديل، هل وصل حالنا إلى هذه الدرجة ما نعرف ناكل حتى يقولوا تصدير، ونحن بلد فيه نيلين، أهه ما تصدروا الموية وتريحونا، والله ناس الخليج دايرين موية واحنا عارفين ما بيجي للشعب شيء، لأنه العائد إلى ماليزيا وجيوب تجار وداد.. عاشت الأميرة وداد، ولكن في مقبرة التاريخ، اللهم أنت المنتقم وليس سواك، نريد عدلك فلقد بغا السلطان وجار واستفحل الظلم وتمادى، ونحن نذنب ليل نهار، فلا تنتقم من أعمالنا، وعاملنا بفضل كرمك

[سوداني رغم أنفك]

#1127627 [سعد بركات]
3.00/5 (2 صوت)

10-16-2014 02:15 PM
السعودية والعراق من أكبر منتجي التمور ذات الجودة العالية وهي المسوق للتمر في كل الخليج وباسعار زهيدة جداً يعني ياتو تمر سوداني ده البنافس التمور السعودية العندها السكري والخلاص والسقي وتمور المدنية المعروفة لديكم بالله قولا كلام تاني

[سعد بركات]

#1127600 [بت إبليس]
3.00/5 (2 صوت)

10-16-2014 01:48 PM
ما ناويين تصدروا الطحنية

أنا هاجرت من البلد عشان الجماعة ديل نشفوا ريقها

أنا من 1989 ما تعشيت

[بت إبليس]

ردود على بت إبليس
[صالح عام] 10-16-2014 03:02 PM
انت ( ود ابليس ) مش ( بت ابليس ) لانه الطحنيه دى باكلوها العزابه علشان تجيهم بت ابلس فى اى معلق فهم الكلام دا غيرى انا وانت


#1127559 [ود طلحة]
3.00/5 (2 صوت)

10-16-2014 12:29 PM
والله انا خطوتين من سوق الخطار يوم ماشفت فى السوق منتج سودانى

والله المفروض للموية دى نبيع لليهم لكن ديل مابيعرفو
مصلحت البلد والمواطن همهم الاول والاخير كروشهم بس

ديل كزابين ضلالين ساكت بيتكلمو فى الهواء

[ود طلحة]

#1127467 [تنتيلو]
3.00/5 (7 صوت)

10-16-2014 10:51 AM
والله انا في السعودية لي عشرة سنة ما حصل يوم واحد دخلت لي سوق لقيت منتج سوداني
كضب سااااي

[تنتيلو]

#1127417 [ود المكي]
3.50/5 (3 صوت)

10-16-2014 09:46 AM
صادراتنا دي...،،بالكوم ولاشنو ؟؟ الكلام دة كلة..... جخ ساكت ، الكلام المليان بحدد عدد الاطنان قبل الزيادة وبعد زيادة التصدير وحساب النسبة المئوية لتلك الزيادة .

[ود المكي]

#1127402 [زول وطني غيور]
3.50/5 (5 صوت)

10-16-2014 09:34 AM
التمور لا تصنع بل هي تعبئ فقط والصحيح القول (مصنع تعبئة التمور وليس مصنع التمور)!

[زول وطني غيور]

#1127401 [عصام]
3.00/5 (3 صوت)

10-16-2014 09:33 AM
يا جماعة الخير السودان ده هو سلة غذاء العالم ...علي الأقل العالم العربي ...وده الهدف المفترض أن يشتغلو عليه الجماعة ديل منذ أن وصلو للسلطة لكن للأسف ما فيهم وجيع ..وأهدافهم الشخصية طغت علي بناء دوله متينة تسيطر علي الطعام ..البلد تنعم بخيرات وفيرة ...
ده البترول الحقيقي ...فقط ندعو للتعامل بشفافية مع الدول الصديقة ونعمل لأجل بناء سودان شامخ ...بجذب الإستثمارات مش العداوات والنفخ في الفاضي وإهدار مقدرات الوطن ...
كم من السنين ضاعت مع هولاء ...أليست من المعيب أن تتوقف شركات الإستثمار الزراعي ..!!!
ماذا سينجح إن لم تنجح مثل هذه الشركات ...!!!؟؟؟

[عصام]

#1127343 [Abo Obayda]
3.00/5 (4 صوت)

10-16-2014 08:59 AM
كنا نستغرب دائما لعدم وجود المنتجات السودانية من الخضر والفواكه في الاسواق السعودية رغم قرب المسافة بين البلدين ، في حين نجد منتجات دول مثل جنوب افريقيا و الهند و باكستان والفلبين و حتى من دول اسبانيا . و حتى الآن لم نرى منتجاً واحدا يقال عليه وارد السودان غير الخرفان. لكن الحقيقة اننا شعب لا قادر ينتج و لا بيعرف يسوق والسبب حكومة السجم دي حاربت الانتاج بفرض الاتوات الكثيرة و لم تعمل على دعم و تشجيع الانتاج الزراعي و تصديره.

[Abo Obayda]

#1127329 [زول اصيل]
3.50/5 (2 صوت)

10-16-2014 08:49 AM
خطوة جيدة لكن اين مساهمة الشركات السودانية ورؤس الاموال الوطنية كلها هربت الى اثيوبيا وتشاد والدول الافريقية يجب ان يكون لها دور في التنمية

[زول اصيل]

#1127300 [//ahmed//]
3.00/5 (2 صوت)

10-16-2014 08:23 AM
مصنع كريمة مصنع قديم هل تم بعيعه لشركات اجنبية ؟ وإذا لماذا لا يعاد تأهيل مصنع كريمة للحضر والفاكهة الموجود أصلا ..

[//ahmed//]

#1127264 [مقيم في السعودية]
3.00/5 (4 صوت)

10-16-2014 07:37 AM
أمس انا كنت في سوق الفاكهة وما شفتة شي .
خلي الفاكهة التحوق اهلنا في السودان اولا
كلام طير في الباقير
قوم لف وزير كزاب ووهم

[مقيم في السعودية]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة