الأخبار
أخبار إقليمية
استشارى الجراحة بكريمة يطالب الانتباهة بتعويض 10 مليار جنيه
استشارى الجراحة بكريمة يطالب الانتباهة بتعويض 10 مليار جنيه



10-18-2014 06:35 PM
طالب استشارى الجراحة بمدينة كريمة د مصطفى عبدالرحمن محمّد صحيفة الانتباهة بتعويض قدره 10 مليار جنيه "بالقديم" وذلك وفق البلاغ رقم 12619/2014 بتاريخ 2 أكتوبر الجاري لدى نيابة الصحافة والمطبوعات، في مواجهة رئيس تحرير صحيفة الانتباهة الصادق الرزيقي ، والمحرر علي الصادق البصير، والمندوبة إيمان عبداللطيف، وشركة المنبر للطباعة المحدودة، تحت المادة 159 قانون جنائى ، والمواد 24/ 26 من قانون الصحافة والمطبوعات، بعد أن نشرت الصحيفة مادة "تحقيقات" بعنوان: " الانتباهة تنشر أخطر عملية لسرقة كلية «صبي» وعنوان آخر "من قتل بشير" "تفاصيل كارثة اختفاء كلية بشير أثناء العملية" "سرقة الكلية" والنكبة الكبرى"اكتشاف الجريمة" وذلك بتاريخ الأحد والاثنين والثلاثاء 28 و29 و30 سبتمبر الماضي، في صفحة كاملة فى عددى الاحد والثلاثاء وقال الشاكي في البلاغ إنّ الصحيفة اعتمدت على أقوال طرف واحد وتجاهلت تماماً بينات وأقوال الطرف الآخر، رغم علمها أنّ القضية لاتزال على منضدة القضاء في محكمة الخرطوم شمال، كما أنها أخذت المعلومات الداعمة للاتهام متعمدة إهمال البينات المبرئة، واستنكر الشاكي إخفاء الصحيفة لمادة الاتهام (الاهمال) وفبركة اتهام مغاير حيث نشرت بالخط العريض "سرقة كلية صبي". وأشار الشاكي إلى أنّ صحيفة الانتباهة ادعت "سريّة المحاكمة" في حين أنّ جلساتها علنية حضرها جمهور من الطرفين بما فى ذلك صحفيين من الانتباهة, كما استنكر الشاكي إصرار "الانتباهة" على نشر معلومات مغلوطة مفبركة رغم علمها بالضرر الكبير الذي ستحدثه بإشانة السمعة وتأثيرها الضار على أدائه المهني نفسيا وماديا خاصة وانه يعمل فى مستوصف خاص به ،كما اشار إلى دور هذا النشر الضار في إثارة الفتنة والمشاحنات بين أسرتي الشاكي والمتهم حيث انهما من منطقة واحدة , مستنكرا ترسيخ مفهوم الإدانة المسبقة قبل أن يقول القضاء كلمته.


التيار


تعليقات 8 | إهداء 0 | زيارات 4593

التعليقات
#1129624 [سامي]
0.00/5 (0 صوت)

10-19-2014 05:10 PM
الاطباء فى السودان تلقي الواحد معاه شهادات الدنيا كلها وماقادر يعالج .... المشكلة ايه ماعارف . هل من المعامل والتشخيص ...ام من الجامعات التي يتخرج فيهااولئك الاطباء والشهادات نفسها والتخصص المحلي الغير معترف به خارجيا . مفروض يكون في واحد من اربعة بوردات حتي تكون اخصائي ... اما البورد البريطاني او الايرلندي او الامريكي او الكندي ...ثم تتدرب علي يد اخصائي من حملة البوردات .. غير كده كلو تحصيل حاصل واخصائيين واستشاريين فالصو .وجزء كبير من العلاج نفسي ..اقصد حسن معاملة الطبيب للمريض ولو ابتسامة ( لان تبسمك فى وجه اخيك صدقة والصدقة تعالج ) .. لكن اغلب الاطباء عندنا تجدهم متجهمين الوجه وصارين وجههم ومعاملتهم للمريض زي الزفت . ممايعجل بوفاة المريض نفسيا قبل بدنيا...وكمان بعض الممرضات اللائي اصبحن ملائكة عذاب وليس ملائكة رحمة . والله المستعان

[سامي]

ردود على سامي
[احمد] 10-22-2014 12:41 AM
كلامك ده اسي علاقتو بالموضوع شنو ولا هي نقه وخلاص


#1129343 [kaboul]
0.00/5 (0 صوت)

10-19-2014 12:19 PM
والله جنس بجاحة وعين قوية لكن ليهو حق طالما البلد دي لافيها رقيب ولا حسيب وارخص حاجة في البلد دي الانسان لكن تصل البشاعة للدرجة دي يسرقوا كلية طفل ويموت ساي كدة ومن منو ؟ من المفروض انو يمتهن مهنة انسانية هدفها اشفاء الناس ومداوات الامهم وليس قتلهم. ياخي انعل ابوالقروش البتخلي الزول يبقي كلب سعراااان ينهش في لحم الناس وخصوصا الاطفال لكن حتمشوا من الله وين ياكلاب
حسبي الله ونعم الوكيل

[kaboul]

ردود على kaboul
[احمد] 10-22-2014 12:45 AM
سرقة كليه ؟؟ انت كنت ف العملية ولا حاضر المحاكمةولا هي نقة وخلاص
ولو فرضنا انك انت قريت الموضوع من هنا شكلك ماعرفت تقرا المقال
المقال بقول انو الجريدة جابت بيانات مفبركة يعني من وجي الخيال او جلسة كانو فيها مساطيل
واحب اقوليك انو الجريدة دي الاسمها الانتباهة بتاخد المعلومات من طرف الحله ومن طرف واحد جريدة اصلا وسخاااانه وماعندها ضمير
والحاجه الماعرفينها انهم مشو للدكتور وقالو ليو اتنازل عن القضية ونديك 500 مليون
عشان تشوفو الوساخه
وبالله ي كعبول ركز قبل تتهم الناس ساي


#1129246 [شاهد عيان]
0.00/5 (0 صوت)

10-19-2014 11:02 AM
هذا الطبيب معروف في المنطقة وأذكر أني كنت في إجازة قبل حوالي 10 سنوات واصيب زميل له أكرر زميل للطبيب بجلطة ولم تكن علاقة المصاب جيدة بالطبيب المذكور فلما ادخل عليه سأله (ما مشيت لي زول تاني مالك؟ ليه جيتني) فرفض المصاب العلاج عنده وقال له بالحرف (والله لو العافية عندك أنا ما عايزها) وخرج .. وبعدها توفي الزميل الى رحمة مولاه مما اثار ثورة الأهالي عليه ولكن يقال أنه مسنوووووود !!!!!

[شاهد عيان]

ردود على شاهد عيان
[احمد] 10-22-2014 12:54 AM
طيب وين المشكلة دي مشكلة الطبيب المصاب انو ماداير يتعالج عندو هو حر
بعدين اي زول ف الدنيا دي عندو اعداء
وعاااادي ممكن الطبيب التوفى ده الله يرحمو كان حاقد او حاسد الدكتور
الكلام البتقولو ده ماجايب حقو


#1129114 [التلب]
0.00/5 (0 صوت)

10-19-2014 07:43 AM
حسب ما سمعت ان هذا الطبيب ناس المنطقه هناك يطلقون
عليه آخر محطة

[التلب]

#1129080 [Hisho]
3.00/5 (2 صوت)

10-19-2014 04:24 AM
الاطباء لهم حب عميق وعلاقة مميزة جدأ مع المال فهم تجدهم يكدون كد شديد ومتواصل من اجل جمعه , بعضهم تجد لديه 30 مريض فى الصباح فى العيادة وتمن تذكرة المقابلة 150 جنيه يعنى 4500 جنيه فى الصباح فقط, يدفع منها 750 جنيه مرتب فى الشهر الى موظف الاستقبال فى عيادته , ( يكشحهم) كلهم ويذهب الى المستوصفات الخاصة عندو مريض فى المستوصف الفلانى ومريضين فى المستوصف العلانى وبرضو يكشحهم ليك فى ساعتين ويذهب الى البيت لفترة ساعتين او تلاتة بالكتير ويرجع فى المساء الى العيادة وتجد عنده برضو 15 او 20 مريض ويخرج من العيادة الساعة 11 او 12 بالليل وهكذا هى حالهم .
وطبعأ ما عندهم اى علاقة بالاطلاع على اخر الابحاث العالمية فى الطب او الاطلاع على اى شى او اى مؤتمر عالمى فى مجالهم عدا ان كانت التكاليف (مجانأ) .
الرجل طالب بهذا المبلغ الخرافى للتعويض وفى باله انه سيكون راسمال جيد ومحترم ليتوسع فى تجارة الاعضاء البشرية او ليدخل شريك فى مستوصف مع جزار كبير اخر .

[Hisho]

ردود على Hisho
United Arab Emirates [سيف الحق] 10-19-2014 09:05 AM
وماااالو ربنا فتح عليهم بي باب للرزق المشروع ما قادر تلقاهو انت فطلع غبنك الحقيقي علي الاطباء في كلامك الما منو فايده ده .. هسي انت مطلع؟ يعني قاعد تمشي ندوات ومحاضرات عالميه ؟ خليهم الاطباء في حالهم امشي احضر الندوات العلميه والمحاضرات .. كويس
صدق القال الطبيب محسود


#1129061 [عمار]
3.00/5 (2 صوت)

10-19-2014 01:43 AM
معقولة بس طيب وجارح مشهور درس الطب 6 سنوات وبعدها امتحن بارت 1 وبارت 2 وعمل كذا عملية جراحة فجاءة يتلخبط ويشيل كلية بالخطاء , دي عاملة زي واحد مشي الحج لمن رجع بلدو قال اخخخخخخ نسيت اقيف في عرفة

[عمار]

ردود على عمار
[احمد] 10-22-2014 12:47 AM
اول شي المثال القلتو بتاع الحج باااايخ ومابتضحك
تاني شي اطلع اقرا الموضوع فوق لانو شكلك طاشي واعارف وين ربي حاطك فيي


#1128967 [وحيد]
5.00/5 (3 صوت)

10-18-2014 10:23 PM
الطبيب على حق في شكواه ... الصحيفة ادانت الطبيب مسبقا و تحاملت عليه و اتهمته بسرقة أعضاء البشر و كل تلك اتهامات غير صحيحة .... قضية الطبيب خطأ طبي نتيجة للاهمال او الجهل او الاثنين معا في عملية الطفل الذي تم استأصل الطبيب كليته دون ان يعلم انها كلية - الطبيب - و لكنه طبعا لم يسرقها و لم يبعها

[وحيد]

ردود على وحيد
United Arab Emirates [سيف الحق] 10-19-2014 09:08 AM
ياخ اتكلمنا هنا لمن تعبنا انو تناول قضايا الاخطاء الطبيه عندو صحفيين متخصصين ما زيي ديل .. صحفي ما بعرف الفرق بين القاف والغين يجي يتكلم ليك في قضايا طبيه ويقول ليك الكليه والطوحال ولو سالتو عن الطوحال ده وين يقول ليك يمكن حدا البروستات
صحافه بتعتمد علي الضجه الفارغه للكسب الرخيص ..


#1128876 [نوسة الحاج]
0.00/5 (0 صوت)

10-18-2014 07:30 PM
وين التفاصيل ياجماعة

[نوسة الحاج]

ردود على نوسة الحاج
[احمد] 10-22-2014 12:51 AM
كل التفاصيل انو الجريده الوسخانه دي والصحفي بتاعه عايزة تعمل ضجه فارغه من فبركة ومعلومات ماخدنها من ونسة حلة وقعدة مساطيل دايرين يشوهو سمعه دكتور بعمل عمليات بالمجان وفاتح مستوصف بالمجان
دي كل الحكاية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة