الأخبار
أخبار إقليمية
المجلس القيادي لحزب البشير يدفع بـخمسة مرشحين للرئاسة.. الحزب يرفض ممثلين من غرب وجنوب وشرق السودان للمشاركة في المسرحية.
المجلس القيادي لحزب البشير يدفع بـخمسة مرشحين للرئاسة.. الحزب يرفض ممثلين من غرب وجنوب وشرق السودان للمشاركة في المسرحية.
المجلس القيادي لحزب البشير يدفع بـخمسة مرشحين للرئاسة.. الحزب يرفض ممثلين من غرب وجنوب وشرق السودان للمشاركة في المسرحية.


يمثلون مثلث حمدي
10-21-2014 12:57 AM
الراكوبة - الخرطوم في خطوة متوقعة ولم تخرج عن المألوف، رشّح المجلس القيادي لحزب البشير في اجتماعه مساء الاثنين، رئيسه عمر البشير ومساعده السابق نافع علي نفاع، ونائبه الحالي بكري حسن صالح ونائبه السابق علي عثمان محمد طه ومساعده الحالي ابراهيم غندور، للتنافس على منصب رئيس الحزب الذي سيكون مرشحا عن الحزب في منصب رئيس الجمهورية في الانتخابات.


لكن عملية الترشيح والاختيار تجاوزت ابناء الاقاليم البعيدة، وانحصرت في ما يعرف في الاوساط السياسية والاعلامية بالشمال النيلي، بعد ان اسقط اعضاء المجلس القيادي المرشح الحاج آدم يوسف نائب البشير السابق والمرشح حسبو محمد عبد الرحمن نائبه الحالي، والمرشح احمد ابراهيم الطاهر الرئيس السابق لبرلمان حزب البشير الذين تعود جذورهم الى اقليم غرب السودان، بعد ان ترشحوا ضمن سبعة آخرين.

وبرهنت عملية الاختيار من قبل اعضاء المجلس القيادي لحزب البشير، وهو اعلى جهة داخل الحزب، على العنصرية والجهوية التي مخرت داخل جسد حزب البشير، وذلك بعد ان قام الاعضاء باقصاء مرشحي الهامش والولايات البعيدة، وبعد ان صوتوا لما يعرف بابناء مثلث حمدي.

وابلغ ابراهيم غندور نائب رئيس حزب البشير الصحافيين، ان المجلس القيادي رفع لمجلس الشوري الذي يلتئم اليوم (الثلاثاء) خمسة مرشحين ليختار ثلاثة منهم للدفع بهم الي المؤتمر العام الذي سيختار منهم مرشح الحزب في الانتخابات المقبلة.

واستحسن غندور عملية اختيار المرشحين من قبل المجلس القيادي، وقال ان حزبه مارس الشوري والديمقراطية في عملية بناء الحزب علي كافة المستويات عبر مؤتمرات قاعدية شملت كل ولايات السودان.








تعليقات 57 | إهداء 0 | زيارات 15534

التعليقات
#1131941 [مصعب عبدالماجد علي]
0.00/5 (0 صوت)

10-22-2014 10:05 AM
السؤال الجوهري والمهم ،هل صاحب المقال هو مؤتمر وطني ؟إذا كان هو مؤتمر وطني فله الحق في طرح التساؤل حول ما هو الشخص المناسب للمؤتمر الوطني،ويجب علينا كمعارضة تقبل رأيه واحترامه، لان نحن في المعارضة ليس لدينا الحق في نقد المؤتمر الوطني في الأمور التنظيمية الداخلية الخاصة به،ولكن لابد من رصد تطور المسألة الديمقراطية، ولا يعنينا اللاَلية التي يختار بها ممثليه ،لان الموضوع بالنسبة لي واحد سواء اَتي المؤتمر الوطني بحسبو أو أدم يوسف أو طة كليهما يمثلان المؤتمر الوطني ، ليس هناك جديد.وفي تقديري أن الأشخاص الذين ندافع عنهم بعتبارهم من الغرب لايمكن ان يمثلوا مصالح إنسان الغرب بقدر ما يمثلون مصالحهم الذاتية النتنه،وفي نفس الوقت هم راضيون عن مواقعهم ووضعهم في المؤتمر الوطني .. اخيراً إما ان نحدد معارضتنا أم مؤتمركم ومعرفة ما ينبغي علينا فعله كمعارضة

[مصعب عبدالماجد علي]

#1131546 [سودان واحد]
1.00/5 (2 صوت)

10-21-2014 07:41 PM
شعب الشمال منهم براء والله ..اغلبية سكان غرب السودان من الشمال واصبحوا غرابة قلبا وقالبا لا احد يذكر قبلية من اين جاء هؤلاء ..ديل والله ما عرفيين السودان تحت امو هدية نانى ولدى نان ولدى ماك ود بلد..لم يتنقل والده موظفا الى مريدى ولا حلفا ولا الفاشر ولا سنكات ولا كادقلى..حقيقة اخوتى هذه مصيبتنا نميرى ..من تخرجه لم يعمل فى الخرطوم ده مش غرب النوير وقضاها كلها متكل فى السرف.. وحايم وعمر بنقو وناس الكلس مطوحنيين بيانه من خوفه سجله فى ضكر بخاف يذيع بيانه على الهواء مباشرة اول انقلاب بيانه مسجل

[سودان واحد]

#1131545 [اصيل]
1.25/5 (3 صوت)

10-21-2014 07:39 PM
اذا كان الرئبس من الخمسة المختارين او غير الخمسة . كلهم حزب واحد كلهم يصبوا فى ماعون الحزب الضيق ويتجاهلون ماعون السودان الكبير .ماتثيرو النعرات العنصرية ساكت والسودان ماناقص بلاوى كل المؤتمر الوطنى سواء من الشمال اوالغرب اوالشرق او الجنوب او الوسط سواء فى السوء . نحن نريد رئيس سودانى اصيل لا حزب له الا السودان يمحى كل الاحزاب من على الارض ويصبح السودان لكل السودانيين مساواة فى كل شئ صحة تعليم وظائف توزيع موارد وسلام وامن وامان كفانا من سموم الحزبية الضيقة المريضة البقيضة .لازم نترك القبلية والحزبية وننظر للوطن الكبير .يلا سوا سوا نمحى الاحزاب والقبلية ونلحق الركب ضيعنا وقت كتير لازم نصحى

[اصيل]

#1131527 [تينا]
1.00/5 (2 صوت)

10-21-2014 07:19 PM
أولا هؤلاء عار على الشمال النيلى ولا يمثلون أبناء الشمال النيلى وأبناء الشمال النيلى يتبرئون منهم ورامين طوبتهم من زماااااااان ... بس المشكلة بسببهم كل من يريد النيل من أبناء الشمال النيلى يجد ضالته! وبالمقابل لا يجوز اطلاق كلمة ابناء هامش على حسبو والحاج ادم واحمد الطاهر أيعقل أن يكون هؤلاء الثلاثة من المهمشين ؟؟؟! والله انى أرى أبناء الشمال النيلى (((المساكين))) المفترى عليهم من غير عصابة الحكومة هم التهميش نفسه مقارنة بحسبو والحاج ادم واحمد الطاهر (((المنغنغين ومرطبين))) فى الحكومة ... وأتمنى بل أسأل الله أن يترشح ويفوز واحد من هؤلاء الثلاثة أو من ما يطلق عليهم أبناء الهامش لنرى ماذا سيفعلوا بنا وساعتها سيتأكد لكم كلامى أن المشكلة ليست فى هذا من الشمال النيلى وذاك من الهامش ... المشكلة يا سادتى كما بقول دائما (((عصابة لمت كل مجرمى السودان من كل قبائل السودان)))! والله المستعان ...

[تينا]

ردود على تينا
United Arab Emirates [مؤتمر وطني قال] 10-22-2014 02:15 PM
كلام مليان يا تينا تسلمي

United Arab Emirates [ود الباشا] 10-22-2014 10:09 AM
والله يا تينا شكلنا بننفخ فى قربه مفدودة لانه البعض تائه فى ظلام الحقد العرقى والشعور بالدونية والنقص امراضهم النفسيه تتحدث او يتحدثون بها حتى ولو فى صف الصلاة داخل المساجد دعك من السياسيين ومشاكلهم التى تعم الكل ولك كل الود


#1131473 [مختار]
1.00/5 (2 صوت)

10-21-2014 05:59 PM
قيل قديمآ لا تضع كل البيض في سلة واحدة .. و هاهم الأغبياء يقدمون بضاعتهم الخاسرة علي طبق واحد ..

[مختار]

#1131450 [جبل مرة]
1.50/5 (4 صوت)

10-21-2014 05:38 PM
صدق الشهيد الدكتور خليل إبراهيم،، إنه الإستعمار الداخلى.

[جبل مرة]

ردود على جبل مرة
Qatar [زول] 10-22-2014 10:06 AM
شهيد منو ده واحد حرامي قطاع طريق ومات زي الكلب مع انه الكلاب مخلصة ووفية، لكن زولك ده عاش عفن ومات عفن وانشائالله يمشي جهنهم عفن برضو


#1131431 [123]
1.00/5 (2 صوت)

10-21-2014 05:13 PM
ومجلش الشورى بتاعم دا حيبقى على عمر البشير وبكري وغندور بأعتبار انو على ونافع الشعب كره اساميهم خلي سياساتهم .... طبعا غندور دا زول هبرنق ساي والموضوع بتاع الحكم في السودان الجماعة م بطلعوا من عسكري .... يعني فضل بشة وبكور اب سطلة.... بشة تحت تحت كدا سمعنا انوا حيتنازل لبكور بشرط بكور يوفر ليه الحمياة وبكور حسب مزاج الصباح قال لي بشة افووو انت زولي .... المهم حيرشحوا بكري حسن صالح .... وحيفوزوه في الأنتخابات ... وحيبقى الرئيس .... دا كلوووو م بهمنا المهم بعد دا حيبداء الجزء الثاني من مسلسل الإنقاذ ودا بقااااا الجزء المهم .... الجماعة حيبدوا يصفوا حساباتهم مع بعض طبعا بكور شايلة تقيييييييييييلة لي نافع وعلى من ذمن شالوهوا من وزارة الدفاع .... لا والزاد غبينة بكري انو يبقوا عبدالرحيم وزير دفاع .... بكري دا الحقيقة نقولة هو عسكري جد جد ظاااااااااااهر من سجارتو ... فمسالة انو زول فني زي اب ريالة يبقى وزير دفاع دي مااااااااااااااراكبة ليه في راسة بس بفهم المناصب كدا زولنا دا كان مكتف ..... وعلى ونافع من زماااااااان دايرين ثغرة في الزول دا وماااالاقين حاجة الا سجارتو دي بس ناس المكافحة يصلوا ليه كييف دي ماقدروا عليها ... حكي لي مرة زول قال نافع جاء خاشي لي بكور دا ف مكتبو ف القصر لقى مولع سجارتو قال ليه ياخ الكلام دا ماصاح دا القصر الجمهوري .. .. قبل ما يتم كلاموا بكري قال ليه كدي اقراء براء مكتوب شنو ؟؟... نافع قال ليه بكري قال ليه طيب اطلع من دماغي ومن مكتبي ياخ .
بعدين في قصة مع على عثمان ايام قرار دخول قوات دولية للسودان طبعا على عثمان قال يخشوا وبكري قال لا المهم بكري ادى علي عثمان كف ... و ابو علوة زعل مشي تركيا قعد 3 شهور طبعا اعلام المؤتمر قال على عثمان في رحلة علاجية ههههههههههههه
ماعلينا المهم دا سناريو بسيط للحيحصل وبكرة نشوف .............

[123]

#1131397 [daffallah adam]
1.00/5 (2 صوت)

10-21-2014 04:23 PM
well come all of you (NCP)

[daffallah adam]

#1131393 [ود الريس]
2.00/5 (5 صوت)

10-21-2014 04:21 PM
ورد هذا الإعلان قبل كم يوم عن طريق الواتساب، وحقيقة هو إعلان مهم ويرجي نشره علي

أوسع نطاق :

إعلان هام

إلي كل سوداني وسودانية يملك ذرة من الغيرة علي وطنه وأهله، إعلان الحملة الوطنية لمقاطعة الإنتخابات الرئاسية والتشريعية، لقد شاهد وسمع الجميع كيف يريد أفراد عصابة المؤتمر الوطني صرف المليارات من حر مال هذا الشعب الفقير لعقد مؤتمر الحزب ، وكله كوم وتأجير سيارات القصر الجمهوري الفارهة والتي يبلغ ثمن الواحدة منها ثلاثة ملايين دولار كوم تاني، وكل ذلك يحدث في إستفزاز لكل الغلابة والمحرومين من هذا الشعب العظيم، إن المشاركة أو المساهمة في هذه الإنتخابات العبثية معلومة النتائج يعد جريمة في حق الوطن وأهله الطيبين، وتعاون علي الإثم والعدوان، حيث قال سبحانه وتعالي "وتعاونوا علي البر والتقوي ولا تعاونوا علي الإثم والعدوان" صدق الله العظيم
ليس مطلوب منكم غير الجلوس في منازلكم وعدم المشاركة بالمقاطعة الكاملة، وعلي كل من تصله هذه الرسالة أن يمررها علي كل من يعرف لكي لا تكون لهذه الحكومة وهذا الحزب أي شرعية
حفظكم الله وحفظ بلادنا من كل شر

سودانيون وطنيون أحرار

[ود الريس]

#1131347 [المهندس سلمان إسماعيل بخيت على]
2.00/5 (4 صوت)

10-21-2014 03:26 PM
رئيسه عمر البشير ومساعده السابق نافع علي نفاع، ونائبه الحالي بكري حسن صالح ونائبه السابق علي عثمان محمد طه ومساعده الحالي ابراهيم غندور

ديل كلهم جربناهم ومن جرب المجرب عادت عليه الندامة
والعرب يقولوا من جرب المجرب عقله مخرب

مش معقول المؤتمر الوثنى بمقره بالنادى الكاثوليكى يجتمع ويجتمع ويجتمع ويخرج علينا بهذه الخماسي

بعدين وين الشباب فى ديل ديل كلهم فوق الستين منهم من دفعتنا مواليد 1948م مع مولد دولة أسرائيل أمثال بكرى وغندور ، ومنهم من ولد عام 1944م زى عمر البشير ومواليد 1946م ناس نافع وعلى عثمان

وين الدماء الجديدة
عارفين ليه إستبعدوا الدماء الجديدة
أقولكم
الأنقاذ غسلت يديها وتبرأت من حركة الأخوان المسلمين وتوجهت صوب معسكر الإعتدال العربى ودخلت مثلث مصر السعودية الأمارات ودا مثلث معلن الحرب التى لا هوادة فيها على الجماعة الأرهابية أينما كانت
والبشير لم يذهب لمصر بهذه السرعة إلا بعد أن تم توجيهه بذلك من السعودية - شوف يا البشير لو عاوز تنفض يدك من أيران وجماعة الأخوان وتدخل فى حلفنا فبوابتنا للدخول تأتى عبر مصر - أمشى نضف ملفك مع مصر ولو مصر أعطتك الضوء الأخضر أدخل حبابك
البشير نفذ تعليمات السعودية ودخل من باب مصر المؤمنة ولكن لهذا الدخول تمن وتمن كبير - أن تغسل يديك وتتبرأ من ايران وجماعة الأخوان المسلمين معناه خرجت من مرحلة التضييق والحصار الإقتصادى لدنيا التضييق والحصار الأمنى ولم لا والجماعة الأسلامية المتطرفة التى تؤمن برسالة الأخوان ودور أيران الجهادى للتخلص من أسرائيل موجودون حول البشير وقد تكون بعض عناصرهم ضمن حرسه الخاص
المرحلة القادمة ستشهد عملية تطهير وإستبعاد لجماعات إسلامية متطرفه من مواقعها وقد يستعيض بدلا عنهم البشير بعناصر أمنية معتدلة من خارج الجماعة وفى الغالب يلجأ لتعيينات جديدة لعناصر مايوية وعناصر من قبائلهم الشمالية النيلية من الدويم بالنيل الأبيض ( غندور ) مرورا بالجزيرة وصولا لأرض الجعليين والشايقية ( البشير نافع على عثمان ) حتى مناطق النوبة ( بكرى حسن صالح ) وقد يتم القفز على مناطق شمالية نيلية مهمشة هما منطقتي الرباطاب والمناصير المغضوب عليهما إنقاذيا والتى أبتلاهما الله بكارثة سدي مروى والشريك والترحبل والتشريد

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [منتظر] 10-21-2014 06:24 PM
والله تحليلك دا كأنه صاح وأتمنى أن يكون صحيح قد غسلت يديها من هؤلاء الجماعة الذين هم لا ينفعون باعة مساويك ... وأسباب التردي والانهيار في السودان .. لأنهم كالسوقة والغنم التي ليس لديها دليل بعد أن تركهم الترابي .. الرجل الدنيوي حتى النخاع .


#1131327 [المزيد من رؤية السفاح يحكم يعني قبول الفناء]
2.00/5 (3 صوت)

10-21-2014 03:07 PM
من المفيد الإشارة الي ان الطابع العنصري سيد المواقف في السودان رغم ان المسرحية المملة تدور حول إيجاد مبرر لاستمرار السفاح علي الحكم و ان حسبو و غيره لا يمانعون في تقبل هزلية الإخراج.. اذا القبول هو المشكلة مع اجماع ان حزب المؤتمر الاخواني بكل اختلافاته غير مناسب لمواصلة الاستمتاع بمواردنا.. الاقصاء او الارضاء لأسباب عرقية يتسبب في افقارنا كل يوم الي حد العجز لابد من إيجاد طريق الي دستور ينظم العملية السياسية و يحقق لنا الحريات غير المشروطة

[المزيد من رؤية السفاح يحكم يعني قبول الفناء]

#1131276 [Kudu]
1.00/5 (4 صوت)

10-21-2014 02:06 PM
أنا من المؤيدين لعدم مقاطعة الانتخابات (بعد التقاعس الذي أبداه الكثير منا ووانكسار ثورة سبتمبر لأسباب كثيرة) والتحضير المبكر لكل الفعاليات المعارضة وتكوين تحالفات كمثل التحالفات الطلابية التي كان هدفها اسقاط الكيزان وقد فعلت في كثير من الجامعات...
اذا نظمنا وانتظمنا في تحالفات بمشاركة الأحزاب جميعها لتكوين كيان واحد هدفه اسقاط النظام عن طريق الانتخابات فسوف ننجح في ذلك ولا يأتي أحدا ويكلمنا عن تزوير الانتخابات والغش وغيره اذ يمكننا من المراقبة بصورة لصيقة وتعبئة الناس واحداث فرق كبير لصالح تحالفنا في نتائج الانتخابات فسننجح بإذن الله.. وحتى ان حاول النظام تشتيت الأصوات وعمل شوشرة وتزوير وخج لانتخابات هو من يروج لها فسيكون الأمر واضحا ومفضوحا وعندها سوف تندلع المظاهرات الحقيقية ولن تتوقف الا بزوال هذا الكابوس الجاثم على صدورنا..

[Kudu]

ردود على Kudu
Saudi Arabia [ابومرام] 10-21-2014 07:33 PM
انا اضم صوتي لهذا الرأي وبحول الله سوف ننجح ونبعد هذه العصابة من بلدنا

Saudi Arabia [منتظر] 10-21-2014 06:28 PM
أضم صوتي إلى صوتك ... وأنا كنت قد ناديت بهذا كثيراً ولكن واضح أن أحزابنا الكبيرة هي التي خانتنا ... ولم تحرك ساكناً في هذا الاتجاه ... ومعليش الفرصة فاتت هذه المرة .. وعليك أن تبدأ التحضير منذ الآن لمرحلة قادمة إذا كنت شاباً ... أما أنا فقد أصبحت متفرجاً .. ههههههههههههههههههه .


#1131275 [جنرال زمان]
2.00/5 (4 صوت)

10-21-2014 02:05 PM
يا أخوانا ما في إمرأة حديدية تحكمنا عسى ولعل! أنا أرشح سامية شلوفة التاتشرية وعلي بالطلاق ما في أرجل منها ولا شنو؟

[جنرال زمان]

ردود على جنرال زمان
Saudi Arabia [ِِAbu S hihab] 10-21-2014 09:09 PM
لا يا جنرال أنا أعترض, ايه رأيك في الحيزبون سعاد الفاتح.؟
هسع حيطلع لي واحد حيقول سعاد الفاتح من مثلث حمدي.

China [seada] 10-21-2014 05:51 PM
خايب


#1131273 [ابو احمد]
1.00/5 (2 صوت)

10-21-2014 02:03 PM
لاتستعجلون ياجماعه اريد ان ابشركم بان عمر النظام سينتهي مع حياة المشير عمر البشير يعني لكل اجل كتاب وعليكم الانظار وكل ما اتمناه هو ان يمد الله في اجالكم ويقصر من اجله و ترون ذلك اليوم ويجب ان تضعوا ايضا فترة بسيطه بعد موته لانهم سيقولون انه يعيش في غيبوبه وميت دماغيا حتى يتفقوا على خلفه ولكنهم لن يفلحوا واخيرا سيعلن عن موت الريس وموت النظام معا

[ابو احمد]

#1131244 [الحجاج]
2.00/5 (3 صوت)

10-21-2014 01:37 PM
مجلس مفلس و فاقد للبوصلة .. بذمتكم نافع مرشح كتمومة جرتق !! أم هي رسالة بالخنوع و الاذلال للشعب الفضل لمزيدآ من لحس الكوع و البقاء تحت مركوبه !!!!!!!!!!!

[الحجاج]

#1131221 [عـــــــــــــــــدو الكـــــيزان]
1.00/5 (2 صوت)

10-21-2014 01:16 PM
حرررررم نافع دا لو بقى الرئيس إلا أخش ليكم الغابة ، هانت الذلابية والله يمثلني تاجر مخدرات معتوه وقليل ادب .

كان رجال يجيبوا لينا نافع دا في الرئاسة بس .

[عـــــــــــــــــدو الكـــــيزان]

ردود على عـــــــــــــــــدو الكـــــيزان
Sudan [مشاكوس] 10-21-2014 05:41 PM
سوف يسقط في الامتحان و لو ترشح لوحده دون منافس ..

[YASEEN] 10-21-2014 05:04 PM
هاهاهاهاهاهاهاهاهاهاهاهاهاهاهاهاهاها

Saudi Arabia [عبدو] 10-21-2014 02:23 PM
هي بقت علي نافع .. ما كلهم ما نافعين
خش غابتك ساي


#1131199 [ابوعزيزه]
2.00/5 (3 صوت)

10-21-2014 12:59 PM
المشكله مثل هذا التصرف يولد الكراهية لابناء النيل . وجل ابناء النيل لا يؤيدون هذا المؤتمر الوطني . كان الله فى عون السودان

[ابوعزيزه]

ردود على ابوعزيزه
United Arab Emirates [ود الباشا] 10-22-2014 09:58 AM
طيب يا قريش انت تقصد منو بالضبط الساسيين او ابناء البحر او الشمال النيلى كما يسمونهم ماذنب هؤلاء فى قراهم ومدنهم وفيافيهم وهم يكابدون العناء ويتجرعوا من نفس الكأس وبنفس منطقك هذه ايعقل تحمل اهل الغرب اوزار سياسييهم امثال حسبو وهارون وحاج ادم وجميعهم بمشاركتهم للانقاذ وما فعلته من جرم وهم منعمين ومستوزين ومنغنغين واهلهم يا قريش قارشين الحنظل مهما كانت الاسباب والتبريرات المعنى وااااحد

Sudan [القريش] 10-21-2014 03:55 PM
هو ياتو يوم الرئيس ما منهم انقلابهم هم يسمونه ثوره وانقلابنا نحن يسمونه مرتزقه لكم العبره فى حسن حسين والعميد محمد نور سعد!ومن يومها ماف ضابط من ولايات الغرب تخطى رتبه عميد الا واصبح تحت المراقبه اللصيقه ان تخطى رتبه العميد ترقيا يكون ماندر الى ان يتم تنزيله انها العنصريه المنتنه الغير مكتوبه فى ورق لكنها ممارسه على نطاق واسع فى جميع مراكز الدوله القياديه العسكريه منها والمدنيه وزدادت وضوحا وتبرجا فى زمن الانقاذ بصوره صارخه.

France [كرتوت] 10-21-2014 03:22 PM
والله عين العقل يا ابو عزيزة ارجو من كل ابناء الهامش واهلي الغرابة بالذات عدم سب وشتم ابناء الشمال والله ماعندهم اي ذنب ومظاهرات سبتمبر اكدت ان عدد ابناء الشمال الشهداء كبير جدا انظروا اهلنا المناصير وما حل بهم ,انظروا اهلنا في حلفا انظروا حتى مدن الشمال من حيث المعمار والعقارات والخدمات والصحة والله العظيم تكتشفوا انو الشماليين مظلومين مرتين المرة الاولى ان اباءهم حكموا السودان وذلوا الشعب وهذه لم ولن يقبلها احد غيور على وطنه والمرة الثانية الشعب يسيء ويشتم الشماليين وظلمهم للاخرين. فارجو عدم الشمولية وخلونا كلنا اخوان وابناء وطن واحد نعيش حياتنا.

United Arab Emirates [ود الباشا] 10-21-2014 03:22 PM
والله مصيبة بلد .تصرفات الساسه يتحملها ابناء النيل او البحر او الجلابة وهم كمتوين كباقى الشعب من هذا التنظيم الذى اضاع البلاد وافسد طبيعة الشعب السودانى لايهمنا كثيرا سياسة الجزب الداخلية بقدر ما توجعتا سياسته المدمرة للدولة والمواطن ولايهمنا من يحكم بقدر ما يهمنا كيفية الحكم ورجل الدولة الذى يكون بقدر المرحلة والوطن

Saudi Arabia [عبدالله عبدالعزيز] 10-21-2014 03:14 PM
اتفق معك في كل ماقلت


#1131191 [radona]
1.00/5 (2 صوت)

10-21-2014 12:54 PM
انها اشبه بلعبة الشطرنج .. ديمقراطية المؤتمر الوطني .. قطعا ان الشعب السوداني غير معني بكل هذا السيناريو البائس الاخراج والذي استغلت فيه اموال الدول والتي هي مال فقر الشعب السوداني على هذا النحو البغيض .

ماذا يريد هؤلاء والى اين يريدون ان يصلوا بالسودان بعد تمزيق خرطته الجغرافية ونسيجه الاجتماعي وتدمير مشاريع الانتاج وممارسة الفساد الممنهج الذي تسن القوانين لحمايته واستغلال النفوذ والحصانات الدستورية بصورة سافرة وسياسة التمكين البغيضة التي تفرخ عنها فساد ضارب الاطناب .
التغيير المنشود هو الاجتثاث الكامل لهذا النظام مثل ماحدث في مصر تماما حيث لم يعد نظام الاخوان المسلمين شكلا ولا موضوعا داخليا واقليميا ودوليا وحتى حزب المؤتمر الوطني يدرك هذه الحقيقة اكثر من غيره .
ليس اما السودانيين الا خيارين اثنين فقط لاجتثاث هذا النظام ولا ثالث لهما البتة .
الاول : ان تتحد وتتوحد الاحزاب المعارضة بما فيها الجبهة الثورية والحركات المتمردة وتتواضع من اجل الاتفاق وتقوم بتشكيل حكومة ظل ومن ثم تتقدم للاتحاد وتلبي دعوته لعقد الحوار السوداني بمنتجع هيدلبرج الالماني تلبية لدعوة الاتحاد الاوربي نفسه الذي سيرعى الحوار بجانب الامم المتحدة وامريكا وفي هذه الحالة فان للامم المتحدة وامريكا والاتحاد وسائلها الخاصة التي تحضر بها المؤتمر الوطني للحوار وهو صاغر كما حدث في توقيع اتفاقية نيفاشا المشئومة وليست هذه بدعة لكي يستنكرها المؤتمر الوطني فكل الاتفاقيات التي وقعها المؤتمر الوطني مع معارضيه كانت خارج السودان اعتبارا من نيفاشا وابوجا والدوحة والقاهرة وجيبوتي واديس ابابا واخيرا ام جرس 1و2 وهذه ثقافة موجودة اصلا .. اما ان ينفرد المؤتمر الوطني باعلان الحوار الوطني داخل السودان يطلقه متى مايريد ويجهضه كيفما يريد فهذه قد مضى عليها الزمن واكل وشرب .
الثاني : ان يكمل الشعب السوداني ما بداه في ثورة سبتمبر 2013م ويتوكل على الله ويكمل باقي المهر بعد تقديمه لمئات الشهداء وفي هذه الحالة ستخرج قيادات جديدة ستنبت من باطن الارض ولن يكون للاحزاب دور فيها على نهج اكتوبر وابريل وسيتم تفعيل مبدا الحساب والعقاب حيث ستتم محاكمات عادلة وناجزة على كل الجرائم منها المتعلق بالفساد والجنائية وفي هذه لن يرضى الكثيرين بهذا الامر وسيعم نوع من الفوضى لفترة من الزمن ولكن في نهاية الامر ستصفو وتنتج دستور عادل على اساس المواطنة والحقوق والواجبات وسيحكم الشعب نفسه بنفسه وفقا لقواعد واسس ديمقراطية رغما عن كلفتها وفوضتها .

[radona]

#1131151 [ابو رهام]
2.00/5 (3 صوت)

10-21-2014 12:32 PM
ياخوانا ان مستقرب ليه ماختيتو مولانا احمد هارون مع الخمسه ديل كان يعمل لينانفره ونفير لكل السودانين بالداخل والخارج حقيقه الكلام دى وشوفتو الابيض اتغيرت كيف

[ابو رهام]

ردود على ابو رهام
Saudi Arabia [الصوت] 10-21-2014 05:41 PM
لكن يا ابو رهام منو القال ليك انو الجماعة عاوزين الاصلح ....هم عاوزين ناس المثلث وهل احمد هارون من اهل المثلث ؟


#1131149 [المتمرد]
2.00/5 (6 صوت)

10-21-2014 12:30 PM
هم حالفين إنو ما فى غرابى يكون رئيس للجمهورية ولو يفصلوا السودان وما يحدث من قتل وسحل لطلاب وطالبات دارفور والتماهى مع غزة والشيشان والقصف الجوى المستمر ما هى إلا رسائل موجهة لهم ولو طالبوا بالإنفصال سيقولوا لهم كما قالوا للجنوبيين عليكم يسهل وعلينا يمهل،، لقد ربطوا مصيرهم بمصر بالطرق والمعابر وحيقبلوا بدور الخدم والعبيد لهم فقد كانوا بوابين فى الماضى.

[المتمرد]

ردود على المتمرد
[علي البرقاوي] 10-25-2014 10:32 AM
انتبهوا يا شباب الشخص المسممي نفسه المتمرد هو نفس الشخص المعلق باسم مع العدالة اعمال حسابكم من الجداد الالكتروني

[علي البرقاوي] 10-25-2014 10:24 AM
امشي يا امنجي يا عفن..دي مكشوفة العب غيرها

Saudi Arabia [ِِAbu S hihab] 10-21-2014 09:34 PM
انتبهوا يا شباب الراكوبة والله اني أشم رائحة الأمنجية وأشتم نتانة أهل الانقاذ من
(المتمرد)و(مع العدالة) انه فخ فلا تقعوا فيه اللهم اني قد بلغت.

Sudan [مع العدالة] 10-21-2014 03:32 PM
غرابة شنو وقرف شنو؟؟؟؟ هو النحنا فيهو ده السبب فيهو غير الغرابة منو ؟ ناس لا ذمة ولا نخوة ولا رجولة ولا اخلاق كلهم من بعضهم واغلبهم يرتكبون افظع الفظائع فى اهلهم.... بالله عمر البشير لما قال نسوان الغرب لما الواحدة يغشاها جلابى مش ده فخر ليها ؟؟والله العظيم تلاته انا عشت وعايش وسط الغرابة من تلاتين سنة والله والله والله منى عين الغرابية ان يقع عليها بحارى جلابى!!!!!! ودايرين تحكمواكمان كدى احكموا بيوتكم السايبة دى الواحد مرتو وبتو تلد من سفاح يقوم يعزم الناس السماية ويضرب الرصاص فرحا بمقدم ابن الحرام بالله دى امه ......ياناس الراكوبة ما تحذفوا كلامى ده والله دى الحقيقة الكلنا مغطين عينا منها ...سبب البلاوى دى كلها ابناء الحرام الذين تبعوا اسيادم وحقدوا على الجميع


#1131146 [مبارك]
2.00/5 (3 صوت)

10-21-2014 12:26 PM
شو مرحان هذا ده بتكلم من قاع البحر وﻻ شنو ده اكيد من المثلث ومتدثر بثوب اﻻسلام يا خى روح يعنى هلاص حواء السودان عقرت وما ولدت فى الغرب اة الوسط او الشرق ما هو اهل لرئاسة الجمهورية يعتى البشير لمن حكمها كان بروف ما كان عسكرى جرمندى ساكت بطل نفاق ودجل ... فقط ﻷن ذوى الخلق والدين والضمير غير مسموح لهم .

[مبارك]

#1131138 [مكرام]
1.00/5 (2 صوت)

10-21-2014 12:25 PM
لقد اصبحنا كجنود الامام علي،يدعوهم للحرب في الصيف فيتعللون بالحر ويواصل دعوته في الشتاء فيتعللون بالبرد،،وهذا هو حالنا،نقول ان البشكير مأواه الخرطوم فهاجموه هناك ودعو حرب اطراف الوهم،،فيكون ردهم نحن نكره الخراب

[مكرام]

#1131135 [فاروق بشير]
1.00/5 (2 صوت)

10-21-2014 12:22 PM
عفوا لا اتفق مع تبسيط ما نسميه بقضية الهامش. وكأنها تنتظر علاجا داخل المؤتمر الوطني
بعد ان كرس نفسه بالحديد والنار عدوا لتلك القضية.
هل لو حسبو يناصر الهامش انضم اصلا لهذا الجسم المشوه؟
وكذلك الحاج ادم وابراهيم الطاهر.؟
والسؤال الاخطر هل حقا هم يمثلون مثلث حمدي؟

[فاروق بشير]

#1131132 [مسطووول]
1.00/5 (2 صوت)

10-21-2014 12:19 PM
دخلت نملة .. أخذت حبة و خرجت .. دخلت نملة ... >>>>>

[مسطووول]

#1131127 [ربيع حار جدا]
1.00/5 (2 صوت)

10-21-2014 12:17 PM
مافي شئ جديد نفس الحثالة والزبالة والندالة واللصوص والوجوه الكالحة والأفكار البالية والل .... أستغفرالله العظيم

[ربيع حار جدا]

#1131119 [النقناق]
1.00/5 (3 صوت)

10-21-2014 12:09 PM
مؤتمرات الحزب هى التى اختارت هؤلاء ابناء المناطق الاخرى عليهم بالاجتهاد حتى تقوم قواعد الحزب بترشيحهم

[النقناق]

#1131116 [البرنس]
1.00/5 (2 صوت)

10-21-2014 12:04 PM
اللهم عليك بهم ياااااارب العالمين

[البرنس]

#1131111 [قبضت الريح]
1.00/5 (2 صوت)

10-21-2014 12:03 PM
هذه مسرحيه فقط ولا صوت يعلو فوق صوت البشير الرئيس الابدي حتي يقبض عليه ملك الموت او المحكمه الجنائيه

[قبضت الريح]

#1131108 [احمد بدين]
2.00/5 (3 صوت)

10-21-2014 12:02 PM
الرئيس البشير او بكري احدهما سيكون الرئيس.
بعد جتماع خلية الازمة المكونه من السعودية والامارات في جدة والاجتماع الذي سبقه في ابوظبي بين ضباط مخابرات من السعودية والامارات والاردن ومصر واسرائيل على محاربة الاسلام السياسي اينما حل وبعد اسقاط مر سي ارسلت الشروط الى الجوقة الحاكمة في السودان في اجتماع القمة الافريقية الذي حضره بكري والبشير في اديس وارجاع طائرة الرئيس المتجهة الى ايران بدا التغيير في الاتجاه وبعد الحرب الاسرائيلية على قطاع غزة والممولة من السعودية والامارات بدأ تتفيذ الشروط وواولها تغيير النهج السياسي من ايران الى السعودية
الجيش لن يقبل بنافع رئيسا لانه مدني وعلى عثمان مريض ولا يخرج من بيته الا نادرا
لذلك البشير او بكري 36
اول البشريات بعد زيارة الرئيس الدعم المالي من السعودية والامارات التى سيزورها الرئيس البشير في قادم الايام بعد موافقته الضمنية للشروط الموضوعة واظهار السعودية والامارات القدرة على احداث الفوضى في عدة دول من مالى لافريقيا الوسطى عبر تمويل الحروب
اثر المؤتمر الوطني ان المساحة التى كان يتحرك فيها قد بدأت تضيق واصبح امام جملة معنا او مع غيرنا.

[احمد بدين]

#1131101 [المنصور]
1.00/5 (2 صوت)

10-21-2014 11:56 AM
أنا ارأهم كيزان ليس الا وكلهم وسخ بغض النظر عن قبيلته ولا منطقته

[المنصور]

#1131099 [فائز]
2.00/5 (5 صوت)

10-21-2014 11:54 AM
استغربت لوصف التقرير(للمرشحين) انهم من مثلث حمدي !وحقيقة هم من الشمال النيلي وإلا فأين الجزيرة؟ وأين النيل الأبيض ؟!لا تقل لي البشير من الجزيرة فهو مجرد نازح بها. إذا المعينين هم من رأس مثلث حمدي ! رأسهم شايلو كلب !

[فائز]

ردود على فائز
United Arab Emirates [أهل العوض] 10-21-2014 03:31 PM
فعلا البشير واهله مجرد نازحين للجزيرة والمرشحين الخمسة من التحالف النيلي العنصري وكلهم تحديدا من الشمالية وقبائل الشمالية الذين لا يشكلون 5 % من عدد سكان السودان يتحكمون منذ الاستقلال بل وحتى في فترة الاستعمارين التركي والانجليزي في البلد كأن حواء السودان لم تلد أفضل من ناس الشمالية لذلك سيظل السودان يسير من سيئ لأسوأ وسيظل في الدرك الأسفل من دول العالم بسببهم.


#1131081 [أنا سوداني]
2.00/5 (4 صوت)

10-21-2014 11:36 AM
اولا كل التحايا لرفاق الظلم والحالمين بوطن حداد مداد وطن من غير عنصرية ولا جهوية وطن الجنوبي والشمالي الغرباوي والشرقاوي .
لكن بهذه التصرفات سوف ينفصل الشرق والغرب ويفضل الشمال حاكم بحسب عقلية المؤتمر الوطني ..
ي اهلي في الهامش انتم من يوفر للمؤتمر الوطني الحماية كي يسرق وينهب ارجو منكم الوعي خلاص بان كل شيء هولاء تجالين وتجار بأسمكم.

[أنا سوداني]

#1131052 [سيف الله عمر فرح]
2.00/5 (3 صوت)

10-21-2014 11:06 AM
نعم هؤلاء هم أهل بدر !!!
1) عمر حسن البشير .. عمره 71 سنة ، استلم الحكم وعمره 45 سنة ! .
2) على عثمان طه .. عمره 70 سنة ، كنكش فى السلطة وعمره 44 سنة .
3) نافع على نافع .. عمره 67 سنة ، كنكش فى السلطة وعمره 41 سنة
4) بكرى حسن صالح .. عمره 66 سنة ، كنكش فى السلطة وعمره 40 سنة
5) ابراهيم غندور .. عمره 62 سنة ، كنكش فى السلطة وعمره 37 سنة
ونعم ألف نعم ، هؤلاء هم المستقبل المظلم للسودان !! .
أين الشباب يا أيها الذين يقولون ما لا يفعلون ؟
أفلا يوجد انسان راشد وسط الاخوان المسلمين ( الكيزان ) ؟
أفلا يوجد انسان مؤهل خارج نطاق مثلث حمدى للرئاسة ؟
الله يكون فى عون أهل النيل ، هم مكرهين وليسوا بأبطال !! ( وجرم جره سفهاء قوم .. ! ) دول جابوا ليهم وجع وش !! ..
يا ايها الذين يقولون ما لا يفعلون ، كفاكم كنكشة فى السلطة ! .. انا واحد من سكان مثلث حمدى ، وبخجل بالنيابة عن المرشحين الخمسة ! ، وأدعوهم من جوة جوة قليى ، أن يخافوا الله ويعطوا فرصة لمرشح آخر من خارج نطاق مثلث حمدى !! ، والله العظيم ، ابعاد صفة العنصرية والجهوية من أهل النيل لهو سبب كافى لاختيار رئيس ونائبه الأول من خارج مثلث حمدى ! ..
والله العظيم ، دول زهجنا وقرفنا منهم ..
اعوذ بالله

[سيف الله عمر فرح]

#1131040 [المشتهى السخينه]
2.00/5 (4 صوت)

10-21-2014 10:54 AM
الرئيس الدائم لن يتخلى عن السلطة الا لمشواره للقبر بعد عقود طوييييييله ..
كلنا عارفين هناك دستور سودانى عرفى سرى . يمنع امثال حسبو والحاج ادم واحمد ابراهيم الطاهر من تولى منصب رئيس الجمهورية ..اما الدستور المكتوب فهو وثيقة تافهة يمكن ان تجدها مرميه فى مراحيض وادبخانات المحكمة الدستوريه ..

[المشتهى السخينه]

ردود على المشتهى السخينه
[التلب] 10-21-2014 12:20 PM
والله العظيم ياساده كلكم شايتين بره المرمى بي حكاية مثلث حمدى
والجهويه والقبليه واسع كلهم تلقاهم يضحكو عليكم ياﻻجماعه ده
تنظيم عقائدي يقسمكم انتو لقبائل وجهويات اماهم فالمسايل دى
بيناتهم مافى التنظيم وبس واتحدى اسع جيبو حسبو او الطاهر او
الحاج او اى واحد خارج نطاق مايسمى بمثلث حمدى واسألوهو من
ترشح لما خرج من (مثلث)النظيم وبعدين حمدى زاتو شنو؟ ما حلبي
آسف جدا لهذه فالرجاء المعذره وانتو براكم عارفين الحاصل


#1131018 [حنظلة]
1.97/5 (6 صوت)

10-21-2014 10:30 AM
انشاءالله يفوز علي عثمان عشان نافع يلحس كوعو
وينقلب بكري على علي عثمان ويسلم البشير للمحكمة

تاني شنو ؟ تموا لي السيناريو يا اخوان

ربنا يدمرهم واحد ورا التاني

[حنظلة]

#1131011 [الكاريبي]
1.00/5 (2 صوت)

10-21-2014 10:21 AM
إنتخاب رئيس للعصابة والاوسخ أكيد هو الحيفوز. .

[الكاريبي]

#1130992 [karory gamal]
1.88/5 (5 صوت)

10-21-2014 10:07 AM
انتو المؤتمر الوطنى دا ما فيه راجل محترم من كردفان ولا دارفور ولا النيل الازرق ولا نوباوى ولا هدندوى عشان يرشحوه ويسقطوه اها يا ناس الهامش لسع انتو اعضاء فى المؤتمر العنصرى

[karory gamal]

ردود على karory gamal
Sudan [hassan] 10-21-2014 01:01 PM
فيهو كتار من الغرب والزرقة لكن عندهم دور محدد هم براهم مقتنعين بيهو وبعملوه بكل فرح وسرور وهو قتل اهلهم وحرق قراهم ومنهم مثالا لا حصر: احمد هارون - حسبو - ادم - جعفر ......واللستة سوداء وطويلة


#1130991 [دليل]
1.94/5 (5 صوت)

10-21-2014 10:06 AM
يا أحباب خلونا نختصر الطريق .. مجلس الشورى حيرشح ثلاثة الرئيس البشير وبكري حسن صالح وعلى عثمان طه (لارضاء الاسلاميين مؤقتاً) .. وبعدين عندما يقترب موعد الانتخابات ينسحب البشير وعلى عثمان في موقف مفاجئ للتعبير عن زهدهم في السلطة ويظهر بعدها بكري حسن صالح مرشحاً وحيداً ورئيساً للجمهورية .. ويتواصل بعدها السيناريو .. هذا باختصار ما سيحدث

[دليل]

#1130984 [علي البرقاوي]
2.00/5 (3 صوت)

10-21-2014 10:00 AM
وبرهنت عملية الاختيار من قبل اعضاء المجلس القيادي لحزب البشير، وهو اعلى جهة داخل الحزب، على العنصرية والجهوية التي مخرت داخل جسد حزب البشير=
=====================================
قول جابو السجمان حسبو عبدالرحمن ولا الرمدان الحاج ساطور وفاز وبقي رئيس كانوا ها يقدموا شنو للهامش ولا للسودان؟؟؟ ما كلهم كيزان ووسخانين زي اخوانهم

[علي البرقاوي]

ردود على علي البرقاوي
Eritrea [ود موسي] 10-21-2014 01:33 PM
زلت ملامه ساي قال ليك كوكب


#1130970 [ود الحاج]
1.75/5 (3 صوت)

10-21-2014 09:40 AM
حسبي الله ونعم الوكيل

[ود الحاج]

#1130965 [التلب مره اخري]
1.82/5 (5 صوت)

10-21-2014 09:34 AM
بعدين على عثمان ونافع ديل ما مرقتوهم واشعتو انهم ما نافعين وان هناك خﻻفات
بينهما عطلت مسيرتكم وان هناك تصنيفات جماعة على عثمان وجماعة نافع
وان على عثمان مريض ونافع مانافع وماعارف ايه فالجد شنو؟؟
زول مانفع نايب رئيس تقوموا تجيبوهو رئيس ..يا اخوانا.. ياعالم .. يا ناس..
عليكم الله كفايه ياجماعه سألنكم بالله احترموا عقولنا شويه!!

[التلب مره اخري]

#1130958 [الضكير]
1.88/5 (4 صوت)

10-21-2014 09:30 AM
دقسوا الفارات في ترشيح علي طه دة نبت شيطاني مابنفك خلاص راحت عليكم ونافع ح يلحس كوعو

[الضكير]

#1130950 [د .الزهجان]
1.88/5 (4 صوت)

10-21-2014 09:23 AM
هكذا العنصرية الكيزانية هولاء كيزان الشمال اخس ابغض كرها للسودان واهله h

[د .الزهجان]

#1130947 [عبدالسيد عبد الفراج مرجان]
1.75/5 (3 صوت)

10-21-2014 09:21 AM
نحن يا سادتى لعلمكم لا نؤمن بالجهوية والقبلية والمناطقية والعصية ابدا كلنا سودانيين وكلنا مسلمين وهذا يكفى ولا ننظر فى الترشيحات عن هذه الصفات ابدا ابدا ولكن الكفاءة والخبرة والقبولية لدى عامة السودانيين لذا ترشح ابلراهيم الطاهر وحاج ادم وحسبو وغيرهم ولكنهم بالمنطق كدة لن ينافسوا البشير وخبرته وحنكته ولا طه وعلمه وسياسته وخطابيته ولا نافع وامنيته وخطابيته ولا غندور وتنظيمه وعلمه ولا بكرى وجسارته وخبرته وعسكريته وارجو عدم اثارة شبهات لا قد يقتنع بها بعض السذج والبسطاء والرجرجة والدهماء

[عبدالسيد عبد الفراج مرجان]

ردود على عبدالسيد عبد الفراج مرجان
[علي البرقاوي] 10-25-2014 10:27 AM
انت واحد عبيط ليس الا

Eritrea [ود موسي] 10-21-2014 01:32 PM
المره الجايه ادرس ادبيات الاسماء لدي قبائل السودان ي كوز
ومن ثم اعد تسميه اسمك

Sudan [ابو السيد] 10-21-2014 01:09 PM
يا زول أنت دا إسمك صحيح والا بتستعبط علينا ؟؟... مرجان قال!

Saudi Arabia [د .الزهجان] 10-21-2014 11:41 AM
انت الكلام الكتبتو ده مقتنع بيه .. العنصرية كل اهل البلد يعانون منها

ولا يخفونها الشماليين ابدا والان اصبحت على مستوى القمة ..وبحقدهم للنخبه

السودانيه .كان دمار البلد . والتغيير الذي كانو ينادون به هاهم يرجعون طه

نافع للقيادة . وانتهي الحوار . ولم يبقي الا ما تبقى من مال لشراء الاحزاب

الضاله h

Saudi Arabia [عبدالحميد عبدالله] 10-21-2014 11:13 AM
بالجد ي كوز

Germany [ام دخن] 10-21-2014 11:10 AM
قلت ايه؟؟؟؟ بكري وعسكريته ونافع وامنيته؟؟؟؟؟؟؟؟؟؟؟؟؟؟؟؟؟
يا بليد قل نافع وامنجيته؟ وليس امنيته. هاهاهاها. شكلك انت ممتحن مع ناس المجاهدين كل ناجح بلا علم ولا سياسة. هل من معايير قيادة دولة ان يكون الرئيس امنجي او عسكري!!!!!!!!!!!!!!!!!!!!!!

Saudi Arabia [ابوركبة] 10-21-2014 10:57 AM
كنا عاوزين من جماعة عبدالفراج ومرجان وادروب ودينق شول....
صحيح البجي من..... بت السلطان يروح في...... مرجان


#1130943 [kokab]
1.75/5 (3 صوت)

10-21-2014 09:17 AM
ما دام اكيد الرئيس القادم هو البشير كان يختو الحاج ادم مع الخمسة زلة ملامة ساكت.

[kokab]

ردود على kokab
Eritrea [ود موسي] 10-21-2014 01:27 PM
مش كده ي كوكب

Saudi Arabia [كوكو تيه كافى] 10-21-2014 01:14 PM
أيوااااا جبتها من الاخر ده اصلا لو شغاليين بى ملامة وكلام الناس نحن عضويتنا اوعى عضوية على الاطلاق - يعنى عندما سأل النميرى عبد الخالق محجوب ماذا قدمت للشعب السودانى ؟ فأجابه : بعض الوعى ولكنا نحن ناس المؤتمر الوطنى الحزب الرسالى الرائد الذى لا يكذب اهله حزب اصلب العاصر لاصلب المواقف حزب الرجال الاوفياء الاتقياء نقول قدمن لشعبنا الوعى كله لذا نحن ما بنعمل حاجات لتغبش الوعى ابدا فهمت يا كوبكاب اخى الكريم


#1130932 [الكردفاني العدييييييييييييييل]
1.75/5 (3 صوت)

10-21-2014 09:07 AM
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......
اللهم ..... عليك بالعصابات ..... المجرمة ..... اقطعهم.... تك ......

[الكردفاني العدييييييييييييييل]

#1130910 [طلال ابراهيم]
1.00/5 (2 صوت)

10-21-2014 08:34 AM
وماذا كنتم تنتظرون من هؤلاء ؟
فهؤلاء الجوقه من ابناء الهامش عليهم الرقيص عندما يضرب هؤلاء الطبله وتقديمهم لإيجاد المبررات والبلد انقسم زماااان ولا محالة في مواصلة التقسيمفهم سينضمون لمصر لانهم ارتضوا لنكون تابعين لها من خلال زياره الرقاص

[طلال ابراهيم]

#1130896 [hassan]
1.75/5 (3 صوت)

10-21-2014 08:15 AM
تمخض الحمار فولد قردا

السزدان حكر علي مجموعة من القرود

معقولة مؤتمراتكم القاعدية دي ما

قدمت ليها راجل من اهل الهامش في

السودان دة بطوله وعرضه وحتي في

الشمال الجبتو منو القرود دي ما في غيرهم

حواء في السودان بطوله وعرضه ما انجبت

غير القرود ديل

الله يقطع خيطهم ويريحنا منهم كلهم حتة واحدة

قال حزب اقصد عصابة لصوص كتالين كتلة

[hassan]

#1130890 [عزالدين]
2.00/5 (3 صوت)

10-21-2014 07:56 AM
يا أخوانا
اللعب بقى ما علينا نحن
هم بقوا يلعبوا على بعض
وهسع أكتر زول بيكون خايف وما ضامنها
هو بشة نفسه

[عزالدين]

#1130884 [الموج]
2.00/5 (3 صوت)

10-21-2014 07:40 AM
بلا يخمنا نحنا يااحوى ودالصول ودحلف الله قال ديل فقدوا الاحساس الفقدنا الاحساس نحناوديل الخمسه الحرقوا البنبر واضربن فى مايه يعنى شنو والله لو فينا احساس ناس الديم يقلبوها لكن اصبنا الفقر وضاعف فينا الوهن

[الموج]

#1130882 [شاهد اثبات]
2.00/5 (3 صوت)

10-21-2014 07:32 AM
يا حليل ديموقراطية وست منستر 1 يناير 1956
image

والمحكمة الدستورية العليا وين ؟؟والفيش والتشبيه كيف في المادة (هاء)


رئيس الجمهورية

52ـ لجمهورية السودان رئيس ينتخبه الشعب مباشرة في انتخابات قومية وفقاً للقانون والنظم التي تضعها المفوضية القومية للانتخابات.

أهلية رئيس الجمهورية

53ـ يجب أن تتوفر في المرشح لمنصب رئيس الجمهورية الشروط التالية:ـ

(أ) أن يكون سودانياً بالميلاد،

(ب) أن يكون سليم العقل،

(ج) ألا يقل عمره عن أربعين عاماً،

(د) أن يكون ملماً بالقراءة والكتابة،

(هـ) ألا يكون قد أُدين في جريمة تتعلق بالأمانة أو الفساد الأخلاقي.

ترشيح وانتخاب رئيس الجمهورية

54ـ (1) يجوز لأي ناخب مؤهل ترشـيح من يراه مناسباً لمنصـب رئيس الجمهورية، ويجب أن يزكي المرشح عدد من الناخبين المؤهلين يحدده القانون .

(2) يكون المرشح لمنصب رئيس الجمهورية الذي يحصل على أكثر من خمسين بالمائة من جملة أصوات المقترعين في انتخاب رئيس الجمهورية، هو الرئيس المنتخب .

(3) إذا لم تحرز النسبة المئوية الواردة في البند (2)، تُعاد الانتخابات بين المرشحين الاثنين اللذين حصلا على أعلى الأصوات .

تأجيل انتخابات رئيس الجمهورية

55ـ (1) عند تعذر انتخاب رئيس الجمهورية لأي سبب حسبما تقرره المفوضية القومية للانتخابات وفقاً لقانون الانتخابات، يتعين على المفوضية تحديد موعد جديد لإجراء الانتخاب بأعجل ما تيسر، شريطة ألا يتجاوز ستين يوماً من اليوم الذي كان مقرراً فيه إجراء الانتخابات.

(2) يستمر رئيس الجمهورية شاغل المنصب، رئيساً بالوكالة، لحين إجراء الانتخابات المؤجلة وتمتد فترته تلقائياً لحين أداء الرئيس المنتخب اليمين الدستورية.

قسم رئيس الجمهورية

56ـ يؤدي رئيس الجمهورية المنتخب, لتولي منصبه, اليمين التالية أمام الهيئة التشريعية القومية:ـ

(أنا ................... أقسم بالله العظيم بوصفي رئيساً لجمهورية السودان أن أكون مخلصاً وصادقاً في ولائي لجمهورية السودان، وأن أؤدي واجباتي ومسئولياتي بجد وأمانة وبطريقة شورية لترقية ورفاهية وتقدم الأمة، وأن التزم بالدستور وأحميه وأحافظ عليه وأن أراعي قوانين جمهورية السودان وأن أدافع عن سيادة البلاد، وأن أعمل لوحدتها وأوطد دعائم نظام الحكم الديمقراطي اللامركزي، وأن أصون كرامة شعب السودان وعزته، والله على ما أقول شهيد).

[شاهد اثبات]

ردود على شاهد اثبات
Switzerland [الأزهري] 10-21-2014 02:00 PM
مشكور شاهد اثبات لتنزيل علم الاستقلال بالوانه الزاهية و فتح شهيتنا للحرية و الانعتاق من كابوس المؤتمر الوثني مع ذكري 21 أكتوبر الخالدة .. و ليت الحكومة الوطنية القادمة تلغي علم نميري العروبي ( المشابه لاعلام مصر و العراق و اليمن ) و تعيد لنا علم الاستقلال ( مع تغيير بسيط ) بعد أن أستولت عليه دولة الجابون كأن نضع دائرة حمراء بالوسط ( رمزآ لدماء الشهداء ) .. أو يكون الأصفر و الازرق بشكل أفقي بينما يكون الأخضر في شكل مثلت متساوي الاضلاع بينهما يمتد رأسه حتي ثلث طول العلم .


#1130881 [التلب]
1.94/5 (5 صوت)

10-21-2014 07:31 AM
اوﻻ من قام باﻻنقﻻب 89 .. هل قام به الجيش ام حزب اﻻخوان المسلمين(الجبهة)
فاذا كان الجيش فاين بقية الضباط الذين ظهروا مع اﻻنقﻻب؟؟ مات من مات وتتعدداﻻسباب
والموت واحد ومن عاش يجتر ذكريات لم يصنعها!!
اذن الحزب هو من قام باﻻنقﻻب وهو من ظل حاكما.. فاذا اطمئن ان اﻻمور صارت فى يده
تماما وﻻخوف من جهة منظمة اوغير منظمه حينها البشير ومن معه من العسكر
سوف يسرحوا باحسان وربما من غير احسان..!! اما اذا شاعرين ان هنالك (لكلكه)
الى اﻻن ووالمسأله محتاجه (لهمبول)الجيش (القديم) فحيستمر البشير وربما بكري
اذا كان للبشير ظروف تحول دون ذلك .

[التلب]

#1130871 [شمس]
2.00/5 (3 صوت)

10-21-2014 07:15 AM
أنتو مستغربين ليه! في النهاية ح يكون واحد منهم

[شمس]

#1130857 [نصر الله]
1.88/5 (4 صوت)

10-21-2014 06:27 AM
ما زلنا بعيدين عن الجادة --- ومازلنا نخوض في وهم وفي وحل عصي الاجتياز -- اناس لا ترى ولا تنظر الا نفسها وتبيعها للغير الاجنبي بالمذلة والهوان وتتمشدق على رعاياها وتسفه تطلعاتهم بعنجهية وجهالة سافرة ---- بئس القيادة التي لا تستطيع اصلاح ذاتها الا بمزيد من التردي --- قد اضعتيم السودان والسودانيين اضاعكم الله -- قطعتوه دمرتوه حرقتوه شرذمتم اهله وزعزعتم الثقة بينهم من اجل الاستمرار في سلطة كل العالم شامت عليها وانتم بها متمسكون بايد راجفة وقلوب واجفة -- خسئتم في الدارين

[نصر الله]

#1130856 [ملتوف يزيل الكيزان]
2.00/5 (3 صوت)

10-21-2014 06:13 AM
دولة العصابة الان تحتضر ، كل ما يجري الان ارهاصات الانهيار التام فقد تاكد لهم انهم معزولين تماما هم ومن معهم من فاتيات الاعلام و عاهرات وشواذ و منبوذين يكونون من حولهم مؤتمرات العبث الشيطاني الاخواني .
على الشباب بالداخل تكوين خلايا المقاومة المسلحة.
على الشباب الغترب تكوين روابط و جمعيات الدعم المالي لشراء السلاح و العتاد لابطال الداخل.
على الحركات المسلحة تسريب مقاتليها لداخل العاصمة ، سيجدون الحاضنة القوية من احرار العاصمة و بنو عمومتهم من اهلهم القاطنين العاصمة. كل العاصمة من كل الاقاليم.
وثورة حتى النصر.

[ملتوف يزيل الكيزان]

#1130839 [عثمان خلف الله]
2.00/5 (6 صوت)

10-21-2014 04:14 AM
الناس ديل فقدو الاحساس
فقدو الرؤيه
حب السلطه اعماهم عن الواقع
نحن اصبحنا نحكم بواسطة عصابه
هؤلاء الخمسه ارى فيهم مستقبل السودان المظلم
والله احسست باحباط واكان ابنى مات بين يدى والميت هنا السودان
مات السودان وماتت السياسه ومات المستقبل
لابد من الثورة الان
ثورة تؤدى بهذه العصابه الى السجون ومنها الى مزبلة التاريخ
هم بهذه المسرحيه اعتبرونا غنم ضمن قطيع يوجهوهو حيثنا ارادو ولكن الان السكوت جريمه
لتبدا جمعلات غضب حقيقيه ليست الحس كزعك ولا الاسماء العجيبه دى
جمعه ارحل وبس

[عثمان خلف الله]

#1130814 [ود الصول]
1.50/5 (3 صوت)

10-21-2014 02:25 AM
بلا يخمكم ويريحنا منكم

[ود الصول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة