الأخبار
أخبار إقليمية
مجلس الشورى يقفز على اللوائح ويختار البشير دون انتظار نتائج المؤتمر العام - شاهد صور
 مجلس الشورى يقفز على اللوائح ويختار البشير دون انتظار نتائج المؤتمر العام - شاهد صور


بعد ان تخوّف من حدوث انقلاب تنظيمي يطيح بالبشير
10-21-2014 03:21 PM
الراكوبة - الخرطوم استبق مجلس شورى حزب البشير، قيام مؤتمره العام، وقام باختيار البشير ليكون مرشحه في الانتخابات المقبلة، ورئيسه لخمس سنوات قادمة، وذلك دون انتظار نتائج المؤتمر العام المناط به تحديد رئيس الحزب ومرشحه في الانتخابات المقبلة.

وكان حزب البشير قد اعلن ان مؤتمره العام سيعقد في ايام الخميس، الجمعة والسبت المقبل، لاختيار رئيس ومرشح الحزب في الانتخابات المقبلة، لكن مجلس شورى الحزب دفع بالبشير ليكون مرشحا ورئيسا للحزب، وهي الخطوة التي تم تفسيرها على اساس انها محاولة لسد الباب امام الاصوات الاصلاحية التي يمكن ان تصوّت ضد البشير في المؤتمر العام، خصوصا ان فوزه رهين بحصوله على نسبة (50%+1) اي اكثر من ثلاثة الف صوت، على اعتبار ان العضوية التي تم اختيارها للمشاركة في المؤتمر العام لحزب البشير بلغت 6000 عضو.

واماط البروفيسور إبراهيم غندور نائب رئيس حزب البشير، اللثام عن نتيجة عمليات الاقتراع وفرز الأصوات في جلسة مجلس شورى الحزب، معلنا اختيار الرئيس عمر البشير ليكون مرشحا ورئيسا للحزب في الدورة الجديدة، بعد ان حصل على عدد 266 صوتا من جملة الحضور لمجلس الشورى البالغ 396 عضوا. منوها الى أن احراز البشير لهذه الأصوات يعني فوزه بمنصب رئيس الحزب، وبالتالي يُصبح مرشحه في الانتخابات المقبلة مباشرة ودون الحاجة الى نتائج المؤتمر العام، وقال ان اللائحة حددت نسبة (50%+1) للفوز بالمنصب، مشيرا الى ان البشير حاز على (75%) من اصوات مجلس الشورى.

ورحّج مراقبون تحدثوا لـ(الراكوبة) ان يكون مجلس شورى حزب البشير الذي ضم 396 عضوا، سعى لحسم امر ترشيح البشير حتى لا يحدث تفلت حزبي، خصوصا من الاصوات التي ترفض التجديد للبشير. واشار المراقبون الى ان كتلة اعضاء المؤتمر العام لحزب البشير البالغة ستة الف يصعب التحكم فيها، عكس مجلس الشورى الذي يضم نصف عدد اعضاء المؤتمر العام، فضلا عن ان اعضاء المؤتمر المناط به تحديد رئيس ومرشح الحزب في الانتخابات، يمثلون اتجاهات فكرية وتيارات مناطقية مختلفة. بجانب ان بعض ابناء الاقاليم البعيدة التي كانت تطمح لان ترى احد ابنائها ضمن كابينة الرئاسة ربما ترفض التصويت لصالح البشير، خصوصا ان الجهوية والمناطقية كانت حاضرة في اجتماع المجلس القيادي لحزب البشير الذي انعقد امس الاحد، والذي اختار خمسة مرشحين كلهم من مكونات الشمال النيلي.

وكان المجلس القيادي لحزب البشير قد رشّح في اجتماعه مساء الاثنين، رئيسه عمر البشير ومساعده السابق نافع علي نفاع، ونائبه الحالي بكري حسن صالح ونائبه السابق علي عثمان محمد طه ومساعده الحالي ابراهيم غندور، للتنافس على منصب رئيس الحزب الذي سيكون مرشحا عن الحزب في منصب رئيس الجمهورية في الانتخابات.

وابلغ ابراهيم غندور نائب رئيس حزب البشير الصحافيين، ان المجلس القيادي رفع لمجلس الشوري خمسة مرشحين ليختار ثلاثة منهم للدفع بهم الي المؤتمر العام الذي سيختار منهم مرشح الحزب في الانتخابات المقبلة.

واستحسن غندور عملية اختيار المرشحين من قبل المجلس القيادي، وقال ان حزبه مارس الشوري والديمقراطية في عملية بناء الحزب علي كافة المستويات عبر مؤتمرات قاعدية شملت كل ولايات السودان.

واعتبر مراقبون ان اختيار البشير مرشحا في الانتخابات المقبلة، دون ان يعترض على ذلك ودون ان ينسحب، يفضح كذبه بعد ان جزم في حوار سابق مع صحيفة (الراية) القطرية انه لن يترشح في انتخابات العام المقبل، وبعد ان قال انه سيتنحى عن رئاسة السودان لافساح المجال امام رئيس آخر.



image

image

image

image

image

image

image

image

image


الصور وكالات


تعليقات 86 | إهداء 0 | زيارات 18700

صفحة 1 من 212>
التعليقات
#1132553 [Abu Retag]
5.00/5 (1 صوت)

10-22-2014 11:17 PM
تزوير من الان 266 صوت من اصل 396 قال تساوي اكتر من 75 في المية وهي تساوي (67.1)%
اعوذ بالله.

[Abu Retag]

#1132513 [منو العوض]
0.00/5 (0 صوت)

10-22-2014 08:48 PM
بسيطة تنزل اي امراءة في الانتخابات وتسقط عمر البشير ولوامية!!!!!!

[منو العوض]

#1132428 [Hisho]
5.00/5 (2 صوت)

10-22-2014 06:18 PM
انتو اقعدو لعلعو فى الفاضى .. الانتخابات ذاتها اتحسمت وفاز البشير .. قالو الجماعة مشو للحاجة(22 مرة) ام البشير وقالو ليها ولدك قال تانى ماعايز يبقى رئيس , نادتو وقالت ليهو الله يخيبك من الله خلق عوير .. ما داير تبقى رئيس ؟؟... داير ترجعنا تانى للبيوت المعروشة بالزنكى 5 اخوان و4 اخوات ومعاهم امهم وابوهم قاعدين لينا فى اوضتين .. فى مزرعة الخواجة كافورى .

[Hisho]

#1132321 [سودانى مبسوط للكلام ده]
5.00/5 (2 صوت)

10-22-2014 03:56 PM
يارب بهم وبالهم عجل بالنصر وبالفرج!!

[سودانى مبسوط للكلام ده]

#1132316 [طه]
0.00/5 (0 صوت)

10-22-2014 03:46 PM
الى ود ابو لعمل كاراكتير
ومن اقوال الرئس بعد اعادة ترشيحه
وسف يكون اسمى من اليوم خادم السودانين الشمالى والجنوبى المنفصلين
وخادم المرتين وداد وفاطمة
وخادم القصرين الجديد
والقديم
وحادم النيلين وخادم الركبتين

[طه]

#1132281 [عيسى جبورة]
0.00/5 (0 صوت)

10-22-2014 03:02 PM
طبعا فى تحريف فى تصريح سيادة الرئيس لبشير فى الصحيفة المرفقة اعلاه وكعادة الصحفيين زوروا كلامه هو قال يا سادة عام 2015م انا لن أكون رئيسا للسودان فحسب والصحفيين حذفوا كلمة فحسب دى ليه لشئ فى نفس يعقوب

[عيسى جبورة]

#1132252 [باحث]
5.00/5 (2 صوت)

10-22-2014 02:32 PM
والله بقي لي فقط أن أرفع قبعتى تحية واجلالا للزعيم البشير لأنه اكتشف يذكائه بأنه يقود شعب خنوع - متخاذل - كسول -اتكالى - جربان - فطيس - ذليل .. يلا بلا لمه فى عينكم

[باحث]

ردود على باحث
[ashafokhalo] 10-22-2014 07:39 PM
بل انت ايها الانجي الخنوع - المتخاذل - الكسول -الاتكالى - الجربان - الفطيس - الذليل

[المدفعجــى] 10-22-2014 06:28 PM
متعود على رفع كل شىء و لا يهمك ارفع و نحن ندفع ؟
باحث فى النفايات و فتات المائد و ليك حق أكون القشير زعيمك و تحيه و تقدره و تجله و تبجله و تجلعووا و تدلعوا يا ربيب الكوش ؟
قال ذكى قال و ين الذكاء يا مذكى العفن لا فى السياسه و فى الرياسه ولا العسكريه و الدبلوماسيه جاك بلا اخمك و هو راكب فى راسك؟

Saudi Arabia [باحث اكثر] 10-22-2014 04:24 PM
ماذا تريد منا يا هذا الم يمت عشرات الشباب فى سبتمبر الماضى واين كنت انت ؟
الشعب حاول المستحيل للتغيير ولكن الالة الامنية والسلاح اقوى منهم


#1132203 [Mohammed Ahmed Mustafa]
0.00/5 (0 صوت)

10-22-2014 01:06 PM
Our ..... still has something to say

[Mohammed Ahmed Mustafa]

#1132175 [Brins]
5.00/5 (1 صوت)

10-22-2014 12:21 PM
الشعب السوداني خايب والديلي على الخيابه والرمتله والتعود على المذله سوف يفوز البشير بدورة جديده وانتم له ناظروون .

[Brins]

#1132142 [منو العوض]
4.50/5 (2 صوت)

10-22-2014 11:41 AM
علي مجلس الامن والمحكمة الجنائية التحرك للقبض علي البشير وتنفيذ القرار بلا ترشيحة وكلام فارغ ولعب علي الشعب والمجتمع الدولي !!!!!!

[منو العوض]

#1132141 [كضاااااااااااااااااااااااب]
5.00/5 (1 صوت)

10-22-2014 11:41 AM
يا جماعة أنا عشرييييييييييين سنة حصل كضبت عليكم ؟
حصل قلت ليكم حاجة كضب ؟
لااااااااااااااا !!!!!!!!!!
ههههههههههههه
حالة تجيب الغم

[كضاااااااااااااااااااااااب]

#1132133 [ابو محمد]
5.00/5 (2 صوت)

10-22-2014 11:28 AM
ديك القوم !!
وربّ أمْــرٍ إن تَطَـاوَلَ عَهْــدُهُ
وفاتَ حُدودَ ما يَحتَمِلُ الصبــرُ
وأدْمَى وخْـزُ الظُلْمِ مِنْهُ أنَامِـلاً
وضَاقَ مِنْ ثِواقِلـِهِ بِكَ الصــدْرُ
وأصْبَحْـتَ تَحْيَــا كأنّــك مَيِّــتٌ
يَنْسَابُ مِنْ بَيْن أصَابِعِكَ العُمْـرُ
تَتَجافَى اللّحَظَاتُ عَنْكَ سَرِيْعَـةً
كَمَـا يَتَراءىَ بَيْـنَ الوَابِلِ البَـدْرُ
تُزْهِــرُ الآمَالُ تَغْـــدُوا بَرَاعِمَـاً
فَيَقْتَلِعُ عُنْــوَةً جِـذْرَها الغَـــــدْرُ
وسُدّتِ الأبوابُ في كُلِ مِعْبـــَرٍ
إنَتَابَكَ مِنْ صَوتِ أقْفَالِهَا الذُعْرُ
تَتَطَاوَلَ بِالنُّصْـحِ كُـلُّ رُويْبِضٍ
وسَادَ الفَسَادُ والتَّضْلِيلُ والقَهْـرُ
واعْتَلَتِ الرَوَابِضُ كُلّ مِنْبَــــرٍ
وليسَ لِسِوَاهُـمُ نَهْـيُ ولا أمْــرُ
صُّمٌ وبُكْمٌ ولا يَخْشونَ عَاقِبـَــاً
كَلِمَـةُ الحَـقِّ فِي دَيْدَنِهِـمْ كُفْـــرُ
عَوالِـــقُ لا تَحْــيَا إلاّ بآسِــــنٍ
وغِرْبَانُ شُؤْمٍ في مَهَامِـهٍ قَفْـرُ
لمْ يَرْقُبُـُــوا فِينا إلاًّ ولا ذِمَّـــةً
ولا يَرْدَعَهَمْ ضَمِـيْرٌ ولا زَجْرُ
اسْتبَاَحُوا أرْضَ الكِرَامِ بِخِسّةٍ
أضاعوا تَلــيدَ ثَوَابِـِـتِنا الغُّــــرُ
أنْكَرْنَا طَعْـمَ المَاءِ بَعْـدَ طَلاوَةٍ
بـاتَ مـا عَهِـدْنَا بِأعْيُنِـنِا نُكْـــرُ
حِرْنَا فِي أمْرَيْنِ لا ثَالِثَ بَيْـَنهَا
وكُـلُّ أمْرٍ مِنْهَا أحْلاهُمَـا مُـــرُّ
إمّا أنْ نَعِيــشَ الحَيَــاةَ بِذِلَّــــةٍ
أو يُرِيَحَـنَا مِنْ مُصَائِبِهَا القَبـْرُ
أوْ نَنَـزِعُ الأغْـلالَ عَنَّـا بِقُــوَّةٍ
ولِنْ يَلُـوحُ بِأسْــرِهَـا لَنَا فَجْــرُ
قَــدْ يُعـذَرُ قَاتِــلُ النّفْـسِ لِعِلَّــةٍ
هَلْ لِقَاتِـلِ نَفْسِهِ يا تـُـرَىَ عُـذْرُ
وهَــلْ عَهْــــدٌ لكَــاذِبٍ مُتَفَيْقِــهٍ
كيفَ يَكُـونُ فِي رَوابِضِهِ خَيْـرُ
يأمَلُ دِيـكُ القَــومِ إحْيـاءَ نَافِـقٍ
أيُصْلِحُ العَطّارُ ما أفْسَدَ الدّهْرُ؟

[ابو محمد]

ردود على ابو محمد
[AburishA] 10-23-2014 12:20 AM
لك خالص التقدير والتحية اخ ابومحمد..

Qatar [sasa] 10-22-2014 12:23 PM
اقتباس
حِرْنَا فِي أمْرَيْنِ لا ثَالِثَ بَيْـَنهَا
وكُـلُّ أمْرٍ مِنْهَا أحْلاهُمَـا مُـــرُّ
إمّا أنْ نَعِيــشَ الحَيَــاةَ بِذِلَّــــةٍ
أو يُرِيَحَـنَا مِنْ مُصَائِبِهَا القَبـْرُ
أوْ نَنَـزِعُ الأغْـلالَ عَنَّـا بِقُــوَّةٍ
ولِنْ يَلُـوحُ بِأسْــرِهَـا لَنَا فَجْــرُ


بوركت ابومحمد ومع الاعتذار لك اقول لك نحن الشعب السودانى شعبا جلده (يجروا فوقه الشوك - شوط الضريسة) ولن نشعر او نحس بوخزات ابر الشوك فكيف تحركنا مثل تلكم القصائد العصماء التى جادت بها سريرتك وهى ليست لنا بل لشعب حى يحس ويشعر !!!! مجموعة متفلتة من ابنائنا واخواننا وابائنا - عاقيين استولوا على السلطة بليل بهيم جوعونا بامل ان ناكل ممانزرع ونلبس مما نصنع ؟؟ اغتصبونا وقتلونا وشردونا وفصلونا واذلونا ونحن صامتون كثرتنا كغثاء السيل الملايين منا تعجز ان تسحق وتحرق وتقتل بضع الوف من اللااسلاميين المتاسلمين وعبيدهم وتوابعهم وماسحى جوخهم وحاملى احذيتهم وامنجية سكارى ومسطولين وبقايا جيش عرمرم تكالب علية المعتوهين حتى صار صبى مادلج ناطق رسمى باسمه!!!!! بئس الذل والهوان؟؟؟


#1132126 [منو العوض]
5.00/5 (3 صوت)

10-22-2014 11:19 AM
لابد من المحكمة الجنائية وان اعيد انتخابه!!!!!!!!

[منو العوض]

#1132116 [radona]
5.00/5 (1 صوت)

10-22-2014 11:09 AM
وهكذا يمضي الحزب الحاكم في اخراج سيناريوهات التشبث بحكم السودان رغما عن الشعب السوداني ورغما عن الفشل الواضح في ادارة البلاد
الفساد الذي ضرب البلاد لا يطيق الفطام من مال الدولة وليس امامه سوى هذا السيناريو البائس واليائس
نعم مايجري من سيناريوهات من قبل الحزب الحاكم ان الشعب السوداني غير معني بها بوصفه خصما بل هو الخصم الرئيسي للنظام الذي تصرف امواله غصبا عنه واما عينيه وهو غير راض
عموما ماذا بعد ان عاد الرئيس رئيسا ليحكم السودان 30 عاما وماذا اجراء الانتخابات التي ينافس المؤتمر الوطني نفسه ويقاطعها الشعب السوداني والاحزاب السياسية هل سيتنفس المؤتمر الصعداء كل هذا ؟
هذه حسابات خاطئة وبالعكس تماما ستنتقل الامور الى المربع الاخير ويعد هذا تفعيل وتنشيط للانتفاضة والعصيان المدني وان لايحسب المؤتمر الوطني بحساب الاحزاب المعارضة وماهي فيه من ضعف وشتات والتي لم ولن تحرك ساكنا
عموما لقد باتت المواجهة بين الشعب السوداني وخصمه المؤتمر الوطني اقرب من اي وقت مضى وحتى اليوم المعلوم دعونا نتامل ونعتبر وان الله لا يغير ما بقوم حتى يغيروا مابانفسهم

[radona]

#1132083 [jafar]
4.50/5 (2 صوت)

10-22-2014 10:47 AM
أها بعد كدى نشوف السودان دا فى رجال وللا مافى رجال بعد أبو كرنك أعلن ترشحهه للرئاسة للمرة العشرين بعدما مشى أخذ OK من السيسى وكمان اقعدو تثرثرو لينا فى الراكوبة زي الحريم خلونا نشوف نهايتكم حتكون شنو

[jafar]

#1132073 [عم]
0.00/5 (0 صوت)

10-22-2014 10:40 AM
دي اصلا مسرحية معروف السيناريو بتاعها ... وحتي لو م انتخبوا كان ح ينسحبو الاربعة لصالح عمو بشة ....

[عم]

#1132036 [قبضت الريح]
5.00/5 (1 صوت)

10-22-2014 10:08 AM
هذا الرجل اكبر كذاب علي وجه الارض فقد صرح في اكثر من مره بانه لن يترشح للرئاسه ولكنه فرح عندما رشحته عصابته واثني عليها واذا لم يتجرك الشعب ويسقط هذه العصابه فسوف يعيش خمس سنوات اخري في ظل الحصار وشظف العيش وكبت الحريات ولك الله يا شعبي

[قبضت الريح]

#1132035 [طارق الباز]
5.00/5 (1 صوت)

10-22-2014 10:07 AM
هههههههههه شكلو كده ح يحكم اكتر من روبرت موغابى

[طارق الباز]

#1131991 [سالم السالم]
5.00/5 (1 صوت)

10-22-2014 09:44 AM
بديت اقتنع انو الشعب السوداني فيهو مشكلة ما معروفة ربما تكون الحسد او شيء من ذلك ..فالقرآن الكريم يقول (ان الله لا يغير ما بقوم حتى يغيروا ما بأنفسهم )ويقول(كذلك نولي بعض الظالمين بعضا) ارجعوا الى التفاسير وح تلاقوا معنى كلامي
الله يهدي الجميع

[سالم السالم]

#1131937 [حقاني]
4.00/5 (1 صوت)

10-22-2014 09:04 AM
حليلك يا طه بعدما رموك في مزبلة التاريخ زادو في النكاية وشغلوك كمبارس وديكور دي هدية للترابي ويا فرحته

[حقاني]

#1131904 [عادل السناري]
5.00/5 (1 صوت)

10-22-2014 08:44 AM
دستور السودان 2005 لا يسمح بتولي الرئاسة لاكثر من فترتن رئاسيتين و البشير اكمل فترتين 10 سنوات ( 2005 الي 2015 ) -- البشير عاصر روؤساء امريكيين قضى كل منهم فترتين و انسحب كلنتون و بوش الابن و اوباما في الطريق ---
البشير رئيس غير شرعي بنص دستوره الذي كتبه بيده --- اختشي -- كفاية / قرفنا .

[عادل السناري]

#1131896 [الدكتور نائِل اليعقوبابي]
5.00/5 (2 صوت)

10-22-2014 08:36 AM
يبقى الحال كما هو عليه!! وعلى المتضرر اللجوء إلى المطار!! خموا وصرووا.

[الدكتور نائِل اليعقوبابي]

#1131876 [AburishA]
5.00/5 (4 صوت)

10-22-2014 08:23 AM
ما عندي تعليق على المضمون..بس مجلس شورتهم زي "الادارة الاهلية" من "قرية واااحدة"
بالله شوف شكلهم تقول قاعدين في بيت بِكا...زول واحد لابس بنطلون مافي!!
** وجوه تطيّر الرزق....

[AburishA]

ردود على AburishA
[AburishA] 10-23-2014 12:15 AM
لك التحية اخت رانيا على التعقيب..بالله عليك امثال هؤلاء بكل تلك الاوصاف هل يقدموا للوطن حاجة.. ديل همهم يمصوا ما بقي من دم الشعب المغلوب..آها بشيرهم ده لو مات..والله خمسة وعشرين سنة دي سرقوها من عمر "الشباب" نسأل الله ان يجعل في وجههم غبرة..ترهقها قترة.. احترامي..

** عبدالرحمن..تعليقك خارج عن اللياقة والادب.. ارجو ان لا تضطرنا لنخرج معك عن الوقار.. لحدي هنا..

Sudan [عبدالرحمن] 10-22-2014 03:07 PM
تعليق الاخت (رانيا) يدل على انها امرأة محتفظة برشاقتها مثل التي قال فيها الشاعر: (هيفاء مقبلة عجزاء مدبرة)..
على كل مشكورة على التعليق..

Saudi Arabia [رانيا] 10-22-2014 11:46 AM
هما كده بيحبوا يترحرحوا ما شايف حجمهم قد إيه الكرسي بكبره ما مكفيهم .. يالطيف .. ياتو بنطلون حيدخل في شوالات البطاطس دي ! والله بقى شكلهم ذي المردة .
ياخي موضة العصايات ما بطل !! وهل بقى جزء من زيينا القومي وللا ماسكنها كسلاح عند الضرورة وللا إيه بالضبط ؟
شوف الصورة التانية وشيخنا(أبو مسبحة)الذي لا يتوقف عن الورع وذكر الله !!الله الله .
والثالثة ويا محلى الساعة والخاتم في يد غندور المتغندر والوراه خاطين الأطباق في يد الكراسي إمعانا في اللغف وفمهم الذي لا يتوقف عن اللهط ..هه والسادسة الريس عتقنا من خواتمه العجيبة وإشترى أخيرا حاجة ماركة ده من بولقاري وللا عيني ما شايفة ؟
الأخيرة شوف بكري فارد ذراعاته في الكرسي !! هي ناقصاك يا وحش ..
تحياتي .


#1131864 [أبو مهند - دبي]
5.00/5 (4 صوت)

10-22-2014 07:58 AM
مسرحية تافهة
ممثلون تافهون
اخراج أتفه
أما الجمهور رغم ذلك فهو الشعب السوداني الطيب

[أبو مهند - دبي]

#1131832 [Al-Saif Albuttar]
5.00/5 (1 صوت)

10-22-2014 07:10 AM
واللة المعبود حق حرام على هؤلاء البشر هشان كرسى الحكميفنى الشعب من محاصرة عالمية الله يلعن من كان السبب اللهم يا رب البيت المعمور ان لايدرك هذا البشكير عيد الاستغلال يارب يريحنا منه ومن عفنة وغرفه

[Al-Saif Albuttar]

ردود على Al-Saif Albuttar
Saudi Arabia [رانيا] 10-22-2014 11:47 AM
الله ياخده إن شاءالله .


#1131799 [المنجلك]
3.00/5 (2 صوت)

10-22-2014 06:00 AM
خبر معروف مسبقاً لا جديد في توزيع النفوذ وترتيبات العصابة الحاكمة ولكن الجديد فقد تأكد بدون شك أن المؤتمر الوطني ضعيف وليست لديه قيادات تستطيع قيادة العصابة دون مفاصلة وتنازع علي السلطة بأعتبار أن رئاسة البشير ضرورية ومهمة حتي لا تخلط الاوراق بين العسكر والكيزان.

[المنجلك]

ردود على المنجلك
Saudi Arabia [أبوقنبور] 10-22-2014 08:38 AM
في رأي أن هذه الخطوة لها سبعة دلالات هامة:
(1) يبدو أن المؤتمر الوطني حسم أمره على السير على ضلالات الكاهن المشعوذ بله الغائب الذي بشرهم بأن البشير سيحكم 31 عاماً و25 يوماً لا تنقص ولا ساعة واحد.
(2) تصريحات البشير المناوئة للحوار كانت تكتيكية موجهه لعضوية حزبه وذلك لمساعدة مناصريه على تمرير ترشيحه لرئاسة الحزب والدولة، وهذا دليل جديد على كذبه المتواصل.
(3) ترشيح البشير بهذه النسبة المنخفضة يدل على وجود صراع قوي وعنيف بين مؤيدي الحوار ومعارضيه وفوزه يدل على تعادل الكفة بين الاثنين بدرجة لا يمكن معها توقع ما سيحدث بالنسبة لمستقبل الحوار الوطني.
(4) يبدو أن هناك دولاً غربية تضغط لإبقاء البشير في السلطة بغية إنجاح الحوار الوطني وتشكيل حكومة انتقالية ضمن صفقة إقليمية ودولية لهبوط ناعم للكيزان، فهل يقود البشير جميع مجرمي الإنقاذ إلى الإفلات من العقاب والتقاعد في حياة رغيدة من أموال الشعب؟
(5) يبدو أن (الدرب دخل الموية) بالنسبة للمعارضة، فهي منقسمة لدرجة التبعثر والتشتت ومخترقة بدرجة كبيرة، ولذا لا تراهن عليها الدول الراغبة في مساعدة السودان ولا يعقد عليها الشعب آمالاً، فكل ما تفعله مؤتمرات وبيانات في انتظار أن يقوم المؤتمر الوطني بتفكيك نفسه وتقديم السلطة لها عطية مزين.
(6) قافلة أخوان الشيطان تسير رغم نباح الكلاب، سير سير يا بشير ... نحن جنودك للتدمير.


#1131787 [رسالة للرئيس البشير]
3.00/5 (4 صوت)

10-22-2014 05:20 AM
تحية طيبة مباركة لمقامكم السامي .
لعلنا نتفق سويآ في رفعة شأن بلدنا بين الأمم و نتمني له النماء و السؤدد كما جاء في بيانكم الأول قبل خمس و عشرون عامآ .. الا أني أشفقت عليك و القوم يتكالبون علي استمرار تحميلك الأمانة المترهلة بالترشح من مجلس الشوري بنسبة 50% + 5 ( 266/522 ) .. و دعك من تفنيد د. غندور !! فالنتيجة توحي بأن حتي أهل الحوش منقسمون في اعادة ترشيحك .. و ليس من بين القوم رجل رشيد ينصحك بالترجل اذ ليس بينهم من يجرؤ علي أن يبؤ باثم حمل المحنة التي وصلت اليها بلدنا المكلومة .. اضافة الي الايعاز اليك بأن لا سواك حماية لمصالحهم و ذواتهم الفانية .. و للاسف فقد بلعت الطعم بطيب خاطر .. مع تقديري لرفاقك بالحركة د.الطيب زين العابدين الذي أفتي بعدم دستورية ترشحك و د.غازي العتباني الذي كلفه الصدح بعدم دستورية ترشحك أن طرده المطبلين و المنتفعين من الحزب !!
و أنت تتجاوز السبعين من العمر الآن لا أعتقد بأنك تنوي الديمومة بالحكم و أنت تعلنها علي الملأ من عام مضي بزهدك في الحكم .. و لا أخالك تود تكرار تجربة بورقيبة في التحايل علي القوانين بقصد اطالة الحكم !!! و لا شافيز الذي أوهمته بطانة السؤ أن لاسواه بكولومبيا حتي فصلوا له رئاسة دستورية ( مدي الحياة ) رغم مرضه الغضال .. و تأبي العناية الالهية الا أن يلاقي ربه قبل بداية دورته الرئاسية الجديدة ..
فدع الايام تفعل ما تشاء و طب نفسآ اذا حكم القدر .. و كواحد من الدهماء فاني ناصح لك بأن ترجل و أنت في مجدك ( كما يقولون ) و سيحفظها لك التاريخ بأحرف من نور .. و لسودان الاسلام رب يحميه .. مع مودتي .. و الله المستعان

[رسالة للرئيس البشير]

ردود على رسالة للرئيس البشير
Sudan [مشلعيب] 10-22-2014 12:47 PM
الاخوة ود تكتوك و فرح .. آحسبكم قد تعجلتم في قراء ما بين الاسطر لكاتب الرسالة .. و قد كتبها بذكاء شديد ( و ان عد نفسه من عامة الدهماء تواضعآ ) و ليت اليشير يطلع عليها و يعمل بها حفاظآ علي ما بقي من سودان .. مع أني أجد له العذر بالسهو في كتابة كولمبيا بدلآ عن فنزويلا شافيز .

Sudan [كرار] 10-22-2014 10:33 AM
تفتكر انه يتنحي بسهولة كما فعلها الرئيس دي سلفا DE SILVA الذي بكي شعبه يوم ذهابه !!! أو كما فعل مهاتير محمد !!! و الفارق أن كلاهما حول دولته من دولة فقيرة مديونة الي مصاف الاقتصاديات العظمي باسيا و امريكا اللاتينية !!! عل وعسي .. و الرجال مواقف .

Qatar [الكردفاني العدييييييييييييييل] 10-22-2014 09:30 AM
حاااااااااااااااااالم .... بترجل الرقاص.... .مما اسميته من مفامه السامي...... وما دام ساميا لماذا يترجل منه ؟؟؟؟؟

واسميت نفسك ...... بالدهماء .... اي وصف هذا ( من جماعة الناس ) او مشعوذ وفق القواميس ... العربية .... بمعنى لاقيمة لك....

ما.... ادبك وانت تخاطب .... الرجل بكل لطافة وترجي .... تخاطب من ؟؟؟ زعيم العصابة الذي ازاح .... حكومة منتخبة ..... ليدخلنا ... ما اسميتها ( الامانة المترهلة....) .... ثم تختمها بمودتك..... الخالصة.....

اهذا صنف جديد.... من الناس الذين اوجدهم.... حكم ربع قرن من رقيص الارجاس !!!

وهل يسمع نصحك السادر في غيه...... الخالف لوعوده.... الناكث ..... لوفاق شعب طيب ..... جدا ..... جدا ...... لدرجة السذاجة.... وقد وجدت فيهم العصابة ما تريد .... ... جوعهم وعطشهم وشردهم واقتلهم.... فقط لانك الحاكم... بامر الله .... وفق افتاء ..... علماء الضلال والبهتان..............

Saudi Arabia [فرح ود تكتوك] 10-22-2014 08:20 AM
اقتباس [ و كواحد من الدهماء فاني ناصح لك بأن ترجل و أنت في مجدك ] .

زى كلامك ده البيجنن بوبى ، والبزعل الشعب .
أى مجد للبشير ، فهو الذى احترف الكذب ، والذى خان أمانة القوات المسلحة مع الجبهجية ، والذى وعوده عرقوبية . أى مجد يا صاحب الرسالة .


#1131693 [الفلكى]
3.88/5 (6 صوت)

10-21-2014 10:59 PM
برضو حظكم كويس أنو الكارثة ده عاقر.

[الفلكى]

ردود على الفلكى
Saudi Arabia [جعفر] 10-22-2014 02:13 PM
عاقر شنو يازول انت نسيت وللا شنو هو مامتبنى أولاد وداد من قولة تيت

United Arab Emirates [المشتهي الكمونية] 10-22-2014 07:34 AM
أيوة عاقر لكن ممكن يورث وداد أو فاطمة خالد


#1131682 [بوكوحرام]
3.50/5 (4 صوت)

10-21-2014 10:23 PM
هناك استخفاف بعقل الشعب السوداني-البشير لم ولن يترك السلطه لسبب بسيط لو ترك السلطه والحكم كيف يسلم من المحكمه الجنائيه؟؟؟؟

[بوكوحرام]

#1131679 [Adam Ibrahim]
2.00/5 (3 صوت)

10-21-2014 10:19 PM
خمسة وعشرين سنة ولسة دورة تانية وتالتة و... مافيها سن اليأس؟

بلة يا بلة الرقم ما جلا.. قلت كم؟ الرئيس حيحكم 31 سنة و26 يوم؟ والصادق ما بشمها تانى؟ اها الاخبار من بلاد الجن الاحمر ما فيها شى عن الترابى و الميرغنى؟

[Adam Ibrahim]

#1131673 [المهندس سلمان إسماعيل بخيت على]
2.00/5 (3 صوت)

10-21-2014 10:12 PM
الرئيس البشير عشان يفور بمنصب مرشح الحزب لرئاسة الجمهورية لازم يحرز 262 صوت التى تساوى 1 + 50%
الرئيس وسط رجال حزبه فاز بأربعة أصوات فقط فاحرز 266 تعالوا بكره لمان تأتى إنتخابات رئاسة الجمهورية وسط كل إنسان السودان شوفوا واتفرجوا
الرئيس ينال حب وتقدير الشعب بنسبة أكبر من حب اعضاء حزبه له

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [المهندس سلمان إسماعيل بخيت على] 10-22-2014 01:12 PM
يا [sm] منو فينا الساقط رياضيات
الراجل عشان يكون رئيس جمهورية مفروض يحرز 262 صوت
جاب 266
إذا 266 - 262 = 4
يعنى لو 5 صوتوا ضده كان سقط
دا داخل حزبه عشان كده نتوقع حرب شديدة فى إنتخابات المؤتمر العام إلا إذا أدوها الولد الأصم يكوجنه ليهم زي مابتكوجن أمك الحلو مر
ولعلمك يا بليد مافيش ساقط رياضيات بيكون مهندس

European Union [sm] 10-22-2014 09:52 AM
إنت كنت ساقط رياضيات والا شنو يا باشمهندس!!!!


#1131667 [صابر]
3.00/5 (3 صوت)

10-21-2014 10:04 PM
ا لحساب في كل شيئ مؤحل الى يةم القيامة ماغدا ظلم الناس ،، فلابد ان بقتص الله


جل جلاله من الظالم غي الحياة الدنيا حتى بعتدل ميزان الحياة ويعرف الناس


ان الظلم له قصاص دنيوى بجانب قصاص الاخرة لذلك يقول رسول الله صلى الله عليه وسلم


اتقوا دعوة المظلوم فانها ليس بينها وبين الله حجاب يرفعهاالله فوق الغمام


ويقول .. وعزتي وجلالي لانصرنك ولو بعد حين .





دموع المظلومينهي في اعينهم مجرد ماء


ولكنهاعندالله صواعق وطوفان تسلط على الظالمين .


ولاتحسبن الله غافلا عما يعملو الظالمون .

[صابر]

#1131632 [كديس فى السروال]
4.25/5 (6 صوت)

10-21-2014 09:23 PM
أكثروا من قول < لا حول و لا قوة الا بالله >

[كديس فى السروال]

#1131628 [بت الجزيرة]
4.68/5 (10 صوت)

10-21-2014 09:13 PM
هو منو القال في انخابات اصلاً..؟
الفلم دا حضرناه قبل كدا.. إعادة.
والبشير ولا علي ولا نافع .. كله طين في طين .. وفروا القروش ومخصصات الهبل دا .. وأحكمونا ساي طالما أنو لسه فينا ناس (بهائم) مصدقين الإنتخابات.

وياريت ما نرد ونفور دمنا علي المساكين والمشوهين نفسياً.. المصدقين وفرحانين بالبشير. طنشوهم وادعوا ليهم الله يرزفهم البصر والبصيرة

[بت الجزيرة]

#1131622 [ودعمر]
3.50/5 (4 صوت)

10-21-2014 08:57 PM
العزف علي وتيرة العنصرية وحمل السلاح ضد الدولة سيجعل هؤلا الكيزان الاغبياء يحكمون السودان 100 سنة. والخاسر الاكبر هي البلد التي يموت وينزح فيها ابناء الهامش كما تسمونهم ويهرب الي الخارج ابناء مثلث جمدي كما تدعون.

توحودا كسودانيين وفكروا بعقلية ابناءالوطن الواحد للتخلص من هذا الواقع المرير الذي يعيشه الجميع!!!

[ودعمر]

ردود على ودعمر
Sudan [حسين البلوي] 10-22-2014 03:33 PM
لاتوجد عنصريةفي السودان كما يدعي البعض , العنصرية استخدمها الترابى الغبي فى بدايات حكمة ايام الانقلاب الاولي لسحب البساط من بعض الاحزاب الكبيرة ولكن بعض المفاصلة وقف كل من اتي بهم التربي لاسباب قبلية مع اليشير محل (المزه)وتركوا الترابى الكيشه وحيدا فى السجن , نعم لاتوجد عنصريه هذا كلام سياسيين انتهازيين كالترابى وتلاميزه الناس متعايشة اجتماعيا مع بعضها البعض لدرجة المصاهره , لقيت اولاد من عرب دارفور غاضبين على هذه الحكومة اشد الغضب وهم يرددون دائما ويقولون ( الحكومة خلقت لينا مشاكل مع اهلنا فى البلد )


#1131606 [سكران لط]
3.84/5 (12 صوت)

10-21-2014 08:29 PM
على قول المسطول للطيره يعني عملتو شنو ؟
الهيلمانة والانتخابات والزحمة دي كوووولها ماليها داعي جددو لزولكم واستمرو عادي ووفرو قروش البلد الفضلن الى ان يقضى الله امرا كان مفعولا سئمنا ومسخت حكاية اللعب على الدقون دي .

[سكران لط]

#1131604 [بشارة]
3.67/5 (8 صوت)

10-21-2014 08:23 PM
بعد ربع قرن من الحكم يعجز الحزب الحاكم عن تقديم بديل لرئيسه المصرح من قبل لزهده في الترشح !!!

و لما الاصرار علي ترشيحه و هو محاصر خارجيآ و لا يقوي علي السفر لنيروبي القريبة !!!

رسالة من الشوري بأن ليس فيهم من يتصدي لمواراة جنازة البحر المتحللة .. و ترك البشير في ورطته .

[بشارة]

ردود على بشارة
Saudi Arabia [حمد] 10-21-2014 08:58 PM
كاودا ما بقدر يمشى خليك من بره


#1131598 [نور الدين محمد عوض]
2.30/5 (7 صوت)

10-21-2014 08:15 PM
ويبقي إسمك هو الغُنا ،،،،، هو البيرفع لي إلتهاب الكلا


وعبركم نحي الدجال الكبير ( بله الغائب )

ومابين دجل بله الغائب و رقيص الخائب ضاع و طن بشعبه الفاضل


ملحوظة

بله الغائب هو ملك التسجيلات ( الإنتخابات ) القادمة

[نور الدين محمد عوض]

#1131595 [ودالعمدة]
3.59/5 (9 صوت)

10-21-2014 08:09 PM
هم صاغوا الدستور بايديهم مدة الرئاسة "دورتان" فقط ولا تمدد ابدا حكمنا بشبش 25 سنة ويريد ان يمدد الي 30 سنة حكم.... لماذا لا يكون الحكم ملكي بدل الديمقراطية اللتي يدوسون دستورها كل 5سنوات بالتمديد لرئيس غير شرعي! .....فلنجعله ملك علي مملكة السودان دون انتخابات وصرف مليارات بذخ وشراء ذمم وخج .....

لو كان بشبش افغانيا لكان :صمغ الله كرسي باشبيان ....
ولو كان انجليزيا لكان :لويس الباشش عشر....
ولو كان هنديا لكان :امتياب سيكونين باشبشان....
ولو كان تركيا :لكان الباب العالي بشبش الخامس والعشرون ....
ولو كان سودانيا لكان :المك و المنجلوك بشبش الخامس والعشرون....
ولكن وصلنا الي مملكة "كوزستان" السودانية ورئيسها الخالد في الحكم "بشبش " فهنئا لمملكتنا بخليفتها العادل الراشد والزاهد في الحكم ملك السودان الابدي

[ودالعمدة]

#1131593 [المهندس سلمان إسماعيل بخيت على]
1.47/5 (7 صوت)

10-21-2014 08:01 PM
بعد ان تخوّف من حدوث انقلاب تنظيمي يطيح بالبشير ، مجلس شورى حزب البشير، يستبق قيام مؤتمره العام، وقام باختيار البشير ليكون مرشحه في الانتخابات المقبلة، ورئيسه لخمس سنوات قادمة

الكلام دا مش كلام دقيق
ولكن الكلام الدقيق والصحيح أن هنالك جماعة مراكز قوي أمنية وعسكرية قررت الإطاحة بالنظام فى حال وصول شخص آخر غير البشير للحكم وهذه الجماعة هى مجموعة الـ ( 14 ) التى أعدت المحضر المسرب فى أغسطس الماضى لإجتماع اللجنة الأمنية والعسكرية
هنالك تململ فى صفوف شباب الحركة الأسلامية بأن البشير مدعوما بهذه القوي قد خان الحركة الأسلامية بل باعها للسيسى ووضع يده فى يد عدو الأسلاميين السيسى وتسربت معلومات أن الجماعة والتى تشكل الغالبية فى المؤتمر العام الذى سيعقد ايام الخميس والجمعة والسبت أن يفاجئوا الكل بإسقاط البشير وتقديم شخص فى الغالب كان على عثمان محمد طه كونه أخر أمين للحركة الأسلامية
مجلس شورى المؤتمر علم بالمؤامرة وأتغدى بيهم قبل ما يتعشوا بيهو وقفز فوق الحواجز وقدم البشير حتى لا يدخل نفسه فى معادلة 1 + 50% التى لا يضمنها من مؤتمر عام تصل عضويته لـ 6000 فرد
البشير وجماعته حسموا الصراع داخل المؤتمر الوطنى لصالحهم
ولكن هل أنتهت الحرب
الحرب بدأت يا دوب وسوف تلاحظون ذلك من رسم وتخطيط تعيينات الولاة والوزراء وكبار شاغلي المناصب الدستورية
لا أستبعد أن يقرر البشير قرارات خطيرة ضد من كانوا أنصار الأمس أعداء اليوم
وحيث أن البشير لا يستطيع عداء ثلاث جبهات
جبهة الثورية وقطاع الشمال حربا فى دارفور وجنوب كردفان وجنوب النيل الأزرق
واحزاب المعارضة السلمية
والعدو الجديد المرتقب دخوله حربا حامية الوطيس من جماعة المؤتمر الوطنى والتى قد أصبحت تصنف البشير كخائن لقضية الثورة ومشروعها الحضارى وخائن لأخوانه فى الفكر جماعة الأخوان المسلمين
أتوقع أن يبادر البشير بتليين جانبه تجاه السيد الصادق وأحزاب المعارضة
واتوقع ان تلعب مصر دورا مؤثرا فى تقريب الشقة بين البشير والصادق على أن يأتى الصادق بجماعة الجبهة الثورية فى صحبته الميمونة ليقوى البشير شوكته بصديق اليوم عدو الأمس ( الصادق الثورية وقطاع الشمال ) فى حربه ضد أخ وصديق الأمس عدو اليوم ( الأجنحة المتطرفة بجماعة أخوان المؤتمر الوطنى ) أما أجزاب الفكة فبوصول الصادق والثورية وقطاع الشمال لحلول وسطى مع البشير تشرف عليها وتضمنها ( مثلث مصر السعودية الأمارات ) يكون قد إنتهى مفعولها فمن كان مدرس يرجع ليدرس ومن كان مزارع يرجع لمزرعته ومن كان همباتى يرجع لسرقة الجمال والنهب المسلح فغالبيتهم لم يأتوا من مقاعد الجامعة

[المهندس سلمان إسماعيل بخيت على]

ردود على المهندس سلمان إسماعيل بخيت على
Bahrain [المتجهجه بسبب الانفصال] 10-22-2014 02:16 PM
شكرا يا باشمهندس ،،، تحليل دقيق ،،

Saudi Arabia [الباحث عن الحقيقة] 10-22-2014 11:35 AM
وفقك الله تحليل في غاية الدقة واقرب الى الواقع.


#1131592 [NO]
2.30/5 (8 صوت)

10-21-2014 08:00 PM
.


اروع مقطع مسرحية الزعيم - عادل امام

[NO]

ردود على NO
[ابو ضنضلاف] 10-22-2014 07:08 AM
اذا ما تحققت الصورة بان البشير ومجموعته انتقلوا من محور الاخوان المسلمين تركيا، قطر ، حماس واستبدل تحالفه الايراني ، بالسعودي المصري .، فهذا يعني ان الذي حدث هو انقلاب حزبي جوهري . وانه سيحدث صراع حاد بين قدامى الاسلاميين وشبابهم ضد البشير ومجموعته ، وان البشير ومجموعته سيحلل السلفيين وخصوصا جماعة الهدية / السجانة ومن انحاز اليهم من سلفيي التوجه في الاسلاميين بدلا عن التركيبة التقليدية التي ظلت تشكل تكتله الداعم منذ 1989 ثم بعد 199 م . ينتج لنا هنا استقطاب وتجاذب وتباين ربما تلاه اصطفاف اسلامي جديد ._ وربما برزت توجهات عنف ااقصاء واغتيال وكسر عظم واصطلام


#1131585 [ود الركابي]
1.38/5 (5 صوت)

10-21-2014 07:37 PM
عارفين يابروف .. في شيء جديد ..

[ود الركابي]

#1131580 [كيمو]
2.35/5 (7 صوت)

10-21-2014 07:27 PM
بدأت أيأس من إمكانية إستيقاظ الشعب لتحرير نفسه ،،، قطاعات منه تعمل بهمة وجد ،،، وأخرى نائمة وراضية بالعبودية ،،، لذلك وفى هذا الواقع فعلى الأقاليم الأخرى النظر بجدية مثل الجنوبيين ،،، على النوبة وناس دارفور والنيل الأزرق ان يفكروا بجدية فى الإستقلال التام ،،،، إذ لا يمكن لأقاليم محددة الإستمرار فى سداد فاتورة وحدة السودان الى الأبد ،،، كفاية أعتقد ،،،،

[كيمو]

#1131574 [الموج]
1.27/5 (7 صوت)

10-21-2014 07:21 PM
والله ياجماعة كترتوا الهرجه بلحيل بتفليقه ده مامشى والجماعه ديل كل زول عندو خليه يلهط فيها الجماعه ماصوتوا ليه واسهرن بكره البصمات بتعريهم بركوا خ11 اويجيبوهمويعملوا ليهم لفت نظر اللهم نجنا من مكرهم ويمكرون ويمكر الله والله خير الما كرين

[الموج]

#1131571 [Mohamed]
1.41/5 (6 صوت)

10-21-2014 07:20 PM
من مسرحية الزعيم

https://www.youtube.com/watch?v=jdpeytgtT40

[Mohamed]

#1131568 [سوداني ود بلد]
3.78/5 (11 صوت)

10-21-2014 07:11 PM
بالامس القريب طلب السيد غندور من قيادات الاحزاب العتيقة بأن يعطوا الفرص للشباب ويبطلوا " الكنكشة" كما جاء في عباراته, ونحن نقول لغندور لم تطلب من البشير وهو المكنكش باسنانه لمدة 25سنة ان يتخلي عن هذه الكنكشة بدلا من تقوموا بترشيحة ليحكنا لمدة 5 سنوات اخري ستكون مزيدا من العزلة والحصار للسودان وبالتالي مزيدا من معناة شعبنا الذي طفح به الكيل.

[سوداني ود بلد]

#1131548 [أسامة عبدالرحيم]
1.62/5 (10 صوت)

10-21-2014 06:43 PM
أنا عضو في المؤتمر الوطني وأعتقد أن هذه الخطوة غير موفقة علي الإطلاق وجاءت صادمة للكثيرين من الذين إستبشروا خيراً. إن ترشيح الأخ القائد البشير لدورة جديدة لرئاسة المؤتمر الوطني والدفع به للإنتخابات الرئاسية هو أمر سيزيد من تعقيد الأمور السياسية والإقتصادية في السودان وسينزل هذا الخبر كالطامة الكبري فوق رؤوس الكثير من الدول الكبري ومؤسسات المانحين الذين وعدوا برفع السودان من قائمة الإرهاب ومعالجة ديونه الخارجية في حالة الإستمرار في سياسات التغيير في قيادة الدولة. ترشح الأخ البشير مرة أخري هو بمثابة الضربة القاضية لجهود الإصلاح والتغيير التي قادها بنفسه وقطع فيها شوطاً كبيراً وكسب بها نقاط دفع إيجابية كبيرة لصالحه وصالح المؤتمر الوطني. صحيح أن عملية الترشح والإنتخاب جرت بصورة ديموقراطية وشفافة ومُعلنة إعلامياً ولا تشوبها شائبة إلأ أنه كان من الأجدر علي الرئيس البشير أن يعتذر بنفسه ويفرض هذا الإعتذار علي الآخرين الذين رشحوه والذين نعرفهم بأسمائهم، وهؤلاء يريدون تغييراً محدوداً يتوافق مع مزاجهم الخاص، ومُحزن جداً أن يوافقهم الرئيس البشير في ذلك.

لا خلاف علي أهلية البشير ولا علي قدراته القيادية الكبيرة ولا علي حسه وهمه بقضايا الوطن والمواطنين ولا يختلف أحد علي براءته من تهم الجنائية الكيدية، ولكن كان الأجدر منه أن يعفي نفسه عن المسؤوليات الوطنية ويلقيها علي عاتق شخص آخر حتي يضرب مثلاً عالياً في التجرد والتنازل الطوعي عن السلطة، وحتي يجنب السودان ويلات الغاضبين عليه، وحتي يقلل من حالة الإستقطاب السياسي الحاد الجاري في البلاد هذه الأيام.

جميع المداولات والإجتماعات داخل أروقة المؤتمر الوطني في الأسابيع الماضية كانت تدور حول ترشح أحد ثلاثة أشخاص لقيادة المؤتمر الوطني وهم الفريق أول ركن بكري حسن صالح والبروفيسور أبراهيم غندور والأستاذ علي عثمان، وكان الجدال الأكبر ونقطة الخلاف الرئيسية هي أحقية العسكريين أم المدنيين بهذا المنصب، فما الذي جدّ حتي تنقلب الطاولة رأساً علي عقب بهذا الشكل؟

البشير هو رجل الإنقاذ الأول وقائد البلاد الذي نقدره ونحترمه ونحميه بأرواحنا في كل الأحوال، ولكنني أقولها شهادة للتاريخ وإبراء للزمة: ترشيح البشير في هذا التوقيت لرئاسة جديدة هو أمر غير إستراتيجي ولا يفيد الحزب أو الدولة - ولا أزيد.

[أسامة عبدالرحيم]

ردود على أسامة عبدالرحيم
[ود الشريف] 10-22-2014 08:44 AM
يا اسامة انا مبسوط جداً لترشيح البشير لرئاسة اخري عشان ينكشف كامل المستور لهذا الحزب واتباعه لعامة السودانين . وتأكد قريباً سيأكل الانقاذي اخيه الانقاذي وحينها لن يجد الانقاذي ما ينقذه من اخيه الانقاذي .

United Arab Emirates [راشد] 10-22-2014 07:53 AM
كفى اسفا ان تكون جزءا من هذه الجماعة التي خربت السودان ومزقت اهله.

Norway [DR SAME AL] 10-22-2014 01:31 AM
اتقي الله انت مع من هلك وجاي دجاجة في الراكوبة منبر الاحرار ..الله ياخدكم انت وكروركم

Saudi Arabia [طه] 10-22-2014 12:13 AM
تربية مؤتمر وطني فعلا ... انانية وجبن واحترافية في الانتهاز

[AburishA] 10-21-2014 11:16 PM
اخ اسامة عبدالرحيم لك التحية.. ليك مدة ..
بالتأكيد انت حر في اختيار اتجاهك السياسي.. لكن المؤسف خمسة وعشرين سنة لسه راسك ما فتّح..نسأل الله لك الهداية من كفر المؤتمر الوطني بتطلعات وآمال الشعب السوداني..
وما تنسى انكم شركاء في كل "الموبقات " التي ارتكبها نظامكم في حق الشعب السوداني..صدقني كمان مشاركين في "كتل الارواح" شيل شيلتك يا ود عبدالرحيم..سارع بالتوبة والاقلاع عن ذنب انتماءك للمؤتمر الوطني..

Qatar [صحفي قديم] 10-21-2014 08:47 PM
يا ابني كان تقول ما بفيد الشعب السوداني ..مش الحزب .. الحزب في 60 داهية

Saudi Arabia [المهندس سلمان إسماعيل بخيت على] 10-21-2014 08:26 PM
يا [أسامة عبدالرحيم]
نسأل بالله أن تبين لنا الأسباب التى دعتك أن تنضم لحزب المؤتمر الوطنى
هل صدقت أكذوبة الجماعة لإعطاء الشباب فرصة وكنت تمنى نفسك بأن تتصعد كقيادى بالحزب
أمل إبليس فى الجنة
جاء فى حديثك ( لا خلاف علي أهلية البشير ولا علي قدراته القيادية الكبيرة ولا علي حسه وهمه بقضايا الوطن والمواطنين ولا يختلف أحد علي براءته من تهم الجنائية الكيدية )
هل أنت شخص حقيقى وعضو فى الحزب أم شخص وهمى عاوز ترفع لينا الضغط
أهلية البشير قدراته القيادية الكبيرة
حسه الوطنى
همه بقضايا الوطن والمواطنين
وكمان بتفهم فى القانون الدولى وتقرر ( ولا يختلف أحد علي براءته من تهم الجنائية الكيدية ) وهو بنفسه معترف بقتل 10 ألف مواطن
والله يا أسامة عبد الرحيم البشير زاتو لو قرأ كلامك دا كان قال ليك ( يا كضاب أنت فته البشير زاتو )
حسه الوطنى ويجلس كرأس دولة فى غياب علم بلاده رمز السيادة
السؤال : أذكر لى موقف واحد يثبت همه بقضايا الوطن والمواطنين ؟
عشان ماتتعب سوف أعطيك خيارات لأنك يظهر عليك الغباء
فهل هو :
فصل الجنوب
حرب دارفور
حرب جنوب كردفان
حرب جنوب النيل الأزرق
تدمير مشروع الجزيرة
تمدير سودان ريلويز
تدمير سودانير
بيع خط هثرو
تدمير سودان لاين
تدمير النقل النهرى
تدمير الخدمة الوطنية
رفع قيمة صحن الفول المصلح مع عيش دبل من قرشين الى 1,200,000 قرش ( 12 جنيه جديد 12000 جنيه قديم )
رفع كيلو الطماطم الى ................
بناء قصر جمهورى جديد وبناء فلل رئاسية وشراء يخت رئاسى له مع بناء حي فاخر من القصور والفلل لشخصه ولأخوانه وأخواته بحى كافورى ، فى زمن كانت هذه المليارات تكفى لأعادة كل الأحياء التى دمرتها مياه السيول فى شرق النيل ومرابيع الشريف وغرب امدرمان فى الصالحة وقرى الجزيرة وقرى فى نهر النيل وكردفان
لو قدمت مرافعة أمينة اثبت لنا فيها أن البشير مهتم بقضايا الوطن والمواطنين حنعمل واحدة من أثنين يا ننضم لحزبكم ( المؤتمر الوطنى ) وهذا لن يحدث أو نقرر التوقف عن نقدكم نهائيا
فهل فعلا لديك ماتقدمه مع كل هذه الصور المقلوبة
نأمل إن أخفقت أن تنضم لأهلك فى دولة إسمها ( ماتبقى من السودان )

[سأأأألرى اللـــيــــل] 10-21-2014 07:56 PM
عليك الله زيد أن كان لديك ما يختمر داخل مخيلتك و يا ريت تكون من واقع حياتنا و معيشتنا و الظروف التى يعيشها المواطن البسيط فى العاصمه و لا اهلنا فى دارفور و جبال النوبه و جنوب بالسودان ؟
القشير اصلا دخل من البوابه الخلفيه متسللا ولا يمتلك من صفات و مزايا و خصائص و عقليه و ذكاء و فطنه و حنكه و فكر و سياسه من القادة و رؤساء الدول الناميه و لا المستورة ؟
البلد ماشى فى النازل و التشرذم و والتفلت و الانهيار وتقول رجل الانقاذ الاول يا راجل خاف ربك و استغفر دا رجل الافساد الاول و يكفى أن البلد فى الباباى ؟
لكن مصلحتكم و حبكم لسحت هو ديدنكم و اعمى بصيرتكم و ما بتشوفو الحواليكم ؟
ورويحتك رخيصه بالجد تقدمها الة من لا يستحق أن تقف معاه منافق و كذوب و سارق و ضلالى و كل الرذائل وو الاوساخ فيه ؟


#1131547 [معاوية]
3.55/5 (9 صوت)

10-21-2014 06:41 PM
يا للماساة ان ازمة السودان ستستمر مقابل استمرار عندور ونافع والجاز وبكرى فى وظائفهم نسال الله العلى القدير ان يرسل عليهم طيرا ابابيل حتى يفك الشعب السودانى من ه\ا الكابوس الجاسم عليه من\ خمسة وعشرون عاما ...................................ز

[معاوية]

#1131544 [عبدالعزيزمبارك محمد]
1.04/5 (6 صوت)

10-21-2014 06:39 PM
سقوط البشير يعنى سقوط العرب فى السودان وطردهم قصرآ

[عبدالعزيزمبارك محمد]

ردود على عبدالعزيزمبارك محمد
United States [Ashraf] 10-23-2014 07:05 AM
عبدالعزيزمبارك محمد يا اهبل حسى شلاليف البشير دى شلاليف عربى؟ قوم لف جاك البلا يا دلاهه.

Saudi Arabia [منو العوض] 10-22-2014 09:42 PM
من قال لك ان البشير عربي!!!!!!!

Saudi Arabia [المهندس سلمان إسماعيل بخيت على] 10-22-2014 01:09 PM
أنا سودانى أعيش فى بلاد العرب
مصنف ( ع ب د ) أفريقى زنجى وأنا رباطابى وابوى قال لى جدك العباس فى النهاية طلع لا عباس ولا إبن فرناس وعروبتنا نحن فى السودان ليست عروبة دم ولكنها عروبة لسان وجهابزة علماء اللغة العربية ليس من العرب فمن وضع النقطة فوق حرف الفاء لم يكن عربيا ومن وضع النقطتين فوق القاف لم يكن عربيا وكل علماء النحو والبلاغة ليس من دماء عربية ولكن نالوا عروبتهم باللسان واليوم قد تجد فى مالى والنيجر وتشاد من يجيدون العربية أحسن من سكان جزيرة العرب فهؤلاء عرب بالدم ونحن الأفارقة عرب باللسان كما هو حال الفرس وغيرهم وحتى أهل مصر ليس بعرب بالدم فهم بين نوبة واقباط ونالوا عروبتهم من اللسان اما الجزائريون والليبيون والتونسيون والمغاربة فهؤلاء أمازيق وطوارق
ومن يجرؤ على طردنا من بلاد سكناها منذ بدء الخليقة هذه ارض ادم ابو الانبياء ونحن النوبة احفاده سمينا بالأحباش وسمينا بالسودانيين وكليهما تحمل معنى واحد ( الأنسان الأسود ) من القرن الأفريقى الى تمبكتو كلها كانت دولة السودان والأصل فيها للقبائل التى سكنت على النيل وأمتلكت الجزر والجروف والنخيل والمزارع وأدخلت فى اول سجل أراضى منذ عهد التركية السابقة ومن يدعى خلاف ذلك فاليقابلنى وراء هذا الجبل
خلى البشير يمشى ولا تخاف علينا نحن سودانيتنا عاجبانا ولن ندعى العروبة كذبا
نحن بالدم لسنا بعرب
ولكن باللسان أكثر عروبة من عرب جزيرة العرب بدليل أن أستاذ بدر الدين الحلفاوى أنتدب من مدرسة حسونة الثانوية ليدرس اللغة العربية لأهل اليمن ومئات الأساتذة السودانيون درسوا اللغة العربية وعلوم أخرى منها الفقه والحديث لأهل جزيرة العرب
فهم عرب بدمهم
ونحن عرب بلساننا فتفوقنا عليهم حتى فى لغة أجدادهم

United Arab Emirates [حسن جحا من كوستى] 10-22-2014 12:34 PM
البشير غلطان يحكم واحد اهبل زيك, لانك بتاع ورنيش وفول حجات

Saudi Arabia [M. Ayyoub] 10-22-2014 09:49 AM
كلامك ماصحيح بدليل شلاليفه دي لأنه أبلد جزار ممكن يطلع منها 2 كيلو

United Arab Emirates [بشير] 10-22-2014 09:01 AM
مقارنة بسيطة ايهما اقرب للعرب اساسيا افورقي ام البشير ؟ المرحوم مليس زناوي ام العوير البشير ؟ يا عالم ياوهم ترجلوا عن اعناقنا .

United Arab Emirates [كوستاوى] 10-22-2014 08:33 AM
يا الخاال, ازيك كدا, انت اللي حتتلم مع الجنوبيين

[ود الركابي] 10-22-2014 07:54 AM
بلش عنصرية وكلام فاضي .. الواحد مستغرب انه عندنا حتي الان ناس ماعندها زرة ذكاء ووعي ..

China [الوطني المامؤتتمر وطني] 10-21-2014 09:02 PM
انت بتحلم ولا شنو؟ السودان فيه عرب؟
قوم لف لفاك قطر.

Netherlands [سكران لط] 10-21-2014 08:21 PM
في زمتك خلقة البشير دي خلقة عرب امشي شوف ليك رشايدي عشان تعرف

Saudi Arabia [الغريب] 10-21-2014 08:17 PM
هههههههههههههههههههههههههههههههههههههههاااااااااااااااي عنصري غبي هذا هو المفهوم الذي ضيع السودان


#1131536 [صبرى قليل]
1.43/5 (7 صوت)

10-21-2014 06:29 PM
من غير رئيسي وسيدي البشير له الملكة والحنكة علي حكم السودان فالرئيس البشير الوحيد الذي ارعب الخصوم وحمي الوطن من شرور الطغيان الدولي ،نعم انه الاختيار المناسب للرجل المناسب ،فاتكم القطار لمن لم يجمعوا علي شخصية البشير فالرجل بأمانة يستحق وسام ابن السودان البار ،وانا اري فيه الرجل الريئس !!

[صبرى قليل]

ردود على صبرى قليل
Saudi Arabia [سادمبا] 10-21-2014 08:39 PM
بشير شنو ياجاهل البشير مجرم ومطلوب فى الجنائية وقسم السودان


#1131529 [الغريب]
3.22/5 (7 صوت)

10-21-2014 06:20 PM
عووووووووووووووووووووووووووووووووووك ثاني حنقابل وشك النحس ده كم سنة
الرووووووووووووووووووووووووووووووووب طلعت دينا الله ياخذك ويريحنا كرهتنا السودان نعمل شنو ياجماعة الخير نثكلللللللللللللللللللللللللل ولا نكب التراب في راسنا لا حول ولا قوة إلا بالله العلي العظيم الحمد لله على ماراد الله دي كمان ثاني إضافة كم سنة غربة

[الغريب]

#1131524 [ahmedali]
1.41/5 (7 صوت)

10-21-2014 06:13 PM
انتو راجين البشكير الباطل يسلمكم السلطة مستحيل لانه اي البشكير عارف مصيره السحل في الشوارع والعيدان له ولزمرته واهله اللصوص المجرمين
ولو تهيأ للبشكير الهروب من السودان فمصيره لاهاي

لذلك للن يسلم الكيزان السلطة الا بالقوة وعلي الشعب حمل السلاح ان اراد الحرية والانعتاق من حياة الذل تحت حكم ابناء الزنا الكيزان

[ahmedali]

#1131522 [ابو طارق]
1.68/5 (7 صوت)

10-21-2014 06:11 PM
ايه رايكم نسميها مملكة السودان الافريقيه وبكدا نرتاااااااااااااااااااح ونوووووووووووووووووم قفا وعمنا البشير يكون ملكناااااااااااااا بدون اى انتخابات نبايعه حتى الموت طبعا الموت له هو ارجو من المعلقين ابدا ارائكم هل تبايعون

[ابو طارق]

ردود على ابو طارق
[الكوز الفى الزير التحت الراكوبه] 10-22-2014 10:55 AM
أنا أول المبايعين ومن الآن لن أخاطب البشير ألا بطويل العمر حفظه الله أو بخادم النيلين الطويلين .


#1131510 [Mousa]
1.44/5 (5 صوت)

10-21-2014 05:54 PM
Congratulations Mr. President and congratulations NCP. Omer el-Bashir is by far the best candidate to head NCP. Moving forward toward the 2015 elections and the people of Sudan are supporting you.

[Mousa]

ردود على Mousa
[Awad] 10-21-2014 07:01 PM
لعنة الله عليك وعلى رئيسك يا أوسخ ملة سودانية.تهنىء الملطش خارجيا بالله ده رئيس مكروه من كل الدول يجى أمنجى زيك يهنىء فيه والله الطيور على أشكالها تقع.

Sweden [citizen k.] 10-21-2014 06:48 PM
Screw you and him.


#1131508 [kalifa ahmed]
1.18/5 (12 صوت)

10-21-2014 05:52 PM
يعتقد البعض أن قيادات الأخوان المتأسلمين الترابي ونافع واحمد عبد الرحمن وعوض الجاز وعلي عثمان ......الخ هم الذين يقودون البشير للفعل السئ والمشين في حق الوطن ومواطتيه من غير الجماعة ...ولكن من متابعة دقبقة لسيرته قبل وفي القوات المسلحة وخلال فترة حكمه وصلت لنتيجة مفادها أن البشير يفوق هؤلاء جميعا في كل مجالات اللؤم والنفاق والخيانة والكذب والسرقة يعين قوية وهو يبزهم في رداءة الخلق والاخلاق وقلة الاحسان .... فاتله الله !!!!!

[kalifa ahmed]

#1131505 [ود الريس]
1.85/5 (13 صوت)

10-21-2014 05:41 PM
ورد هذا الإعلان قبل كم يوم عن طريق الواتساب، وحقيقة هو إعلان مهم ويرجي نشره علي

أوسع نطاق :

إعلان هام

إلي كل سوداني وسودانية يملك ذرة من الغيرة علي وطنه وأهله، إعلان الحملة الوطنية لمقاطعة الإنتخابات الرئاسية والتشريعية، لقد شاهد وسمع الجميع كيف يريد أفراد عصابة المؤتمر الوطني صرف المليارات من حر مال هذا الشعب الفقير لعقد مؤتمر الحزب ، وكله كوم وتأجير سيارات القصر الجمهوري الفارهة والتي يبلغ ثمن الواحدة منها ثلاثة ملايين دولار كوم تاني، وكل ذلك يحدث في إستفزاز لكل الغلابة والمحرومين من هذا الشعب العظيم، إن المشاركة أو المساهمة في هذه الإنتخابات العبثية معلومة النتائج يعد جريمة في حق الوطن وأهله الطيبين، وتعاون علي الإثم والعدوان، حيث قال سبحانه وتعالي "وتعاونوا علي البر والتقوي ولا تعاونوا علي الإثم والعدوان" صدق الله العظيم
ليس مطلوب منكم غير الجلوس في منازلكم وعدم المشاركة بالمقاطعة الكاملة، وعلي كل من تصله هذه الرسالة أن يمررها علي كل من يعرف لكي لا تكون لهذه الحكومة وهذا الحزب أي شرعية
حفظكم الله وحفظ بلادنا من كل شر

سودانيون وطنيون أحرار

[ود الريس]

ردود على ود الريس
[ود الركابي] 10-22-2014 08:04 AM
كلام مظبوط . لكن ماعاوز احبطك . صناديق الانتخابات السابقة معبأة جاهزة والناقص حايتموه من المقابر . ماحتقلبهم حيرة ديل منافقين مجرمين الله يخلصنا منهم ..

Netherlands [دردوق] 10-21-2014 08:55 PM
يالله همتك معانا و برضو تورينا كيف نكون حضاااارين . اتحرك انت

و الحواااليك

Netherlands [دردوق] 10-21-2014 07:13 PM
يالله يا شباب كلنا ايد واحده . للتعميم فرادي و قروبااااات

Saudi Arabia [Waag ali] 10-21-2014 07:03 PM
اوافقك الرآي ولكن ارجو ان يتم هذا بطريقه حضاريه وفعاله لتؤتي اكلها ان شاء الله


#1131500 [كاكا]
1.10/5 (6 صوت)

10-21-2014 05:30 PM
قال تصويت قال بالتذكية يا شا\ر

[كاكا]

#1131499 [Awad]
1.69/5 (5 صوت)

10-21-2014 05:29 PM
هل يجرا أحد منكم يغردون باشا يرشح غير المشير حامى حمى الفساد والخناث ومبروك على الشعب الساكت عن هؤلاء بأربعات أخر وليس أربعة سنوات فقط.أبو ركبة الشعب رهينة حتى أشعار آخر وهذه الأربعة سوف يطال التدمير ماتبقى من وطن واخشى أن تخرج بعض الأسر السودانية لطلب اللجوء لدول أخرى والله يكضب الشينة.

[Awad]

#1131494 [الكوز الفى الزير التحت الراكوبه]
1.57/5 (5 صوت)

10-21-2014 05:20 PM
يا جماعه مافى داعى للفنجطه الراجل جاب 67% داخل مجلس شورى حزبه يعنى 33% من حزبه ماعايزنه أستمر فى رئاسه السودان يعنى بأختصار لو المعارضه عندها عمار ممكن يسقط فى أنتخابات السودان بكل بساطه وطبعا" كلنا عارفين ان معارضتنا أخير منها دفاع الهلال العمل حيطه لضربه حره غير مباشره عشان كده المتوقع أن الكيزان انافسوا نفسهم خاصه لو نزل غازى صلاح الدين حينافس لدرجه تحرج البشير والمؤتمر الوطنى وعلى الطلاق انا لو عندى قطعه أرض فى كافورى وحساب فى ماليزيا و..... حسين خوجلى كان نزلته أنتخابات ومسحته بالكيزان الأرض - منافسه داخليه وكده - لكن معليش مابتدى حريف .
**
كسره / موضوع العلم وخريطه حلايب حصل فيهم شنو ؟

[الكوز الفى الزير التحت الراكوبه]

ردود على الكوز الفى الزير التحت الراكوبه
United States [محمد أحمد] 10-21-2014 10:48 PM
انت فرحان شديد شكلك, انت مفتكر الانتخابات نزيهة, صناديق الاقتراع بتكون مليانه ومقفله وجاهزة من هسي, الإجراءات الشغاله دي تمثيلية وديكور ليس إلا.

Saudi Arabia [الكوز الفى الزير التحت الراكوبه] 10-21-2014 08:19 PM
ياحمدى أنا قاصد قناه حسين خوجلى ( امدرمان ) أنته فهمته شنو ؟

Sudan [Hamdi] 10-21-2014 07:13 PM
حسين خوجلي! بئس المثال


#1131493 [A. Rahman]
2.83/5 (7 صوت)

10-21-2014 05:20 PM
و الله يا غندور انت مسكين، تعبان في الفاضي، و كلام مجلس الشورى دا تقولوا لجماعتكم عشان تبقوا تغشوا في بعض. اما نحن"الشعب السوداني" عارفين من زمان أنكم ستختارون هذا التمبل الحمار مدفع الدلاقين اللص ليكون هو المرشح الاوحد في انتظار الكسسوارات الذين سيترشحون معه، لكن ان شاء الله ما يتسنى بيها ابن الصرمة.

[A. Rahman]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة