الأخبار
أخبار إقليمية
حركة تحرير السودان " مناوى" تكبد قوات الحكومة خسائر فادحة.
حركة تحرير السودان " مناوى" تكبد قوات الحكومة خسائر فادحة.
حركة تحرير السودان


10-22-2014 09:50 PM
بسم الله الرحمن الرحيم

حركة تحرير السودان " مناوى" تكبد قوات الحكومة خسائر فادحة.

تمكنت قوات حركة تحرير السودان الباسلة احدى فصائل الجبهة الثورية السودانية يوم أمس 14/10/2014م من الإستيلاء على معسكر مليشيات المؤتمر الوطنى بمنطقة أم مراحيق التى تقع على بعد 20 كيلومتر إلى الشمال من مدينة الفاشر، وقد أسفرت المعركة عن تشتيت معسكر مليشيات الموتمر الوطني بالمنطقة وقد غنمت الحركة عدد إثنين عربة لاندكروزر بكامل عتادها وقد فرت فلول باقى مليشيات المؤتمر الوطنى وقد طاردتهم قوات الحركة حتى مدخل مدينة الفاشر.

نحن فى حركة تحرير السودان نُعاهد الشهداء على المضى قُدماً فى مقاتلة نظام البغى الإسلاموى الفاسد فى الخرطوم حتى نُسقطه والثأر لدمائهم الغالية ونزع طغمة الفساد من على سدة السلطة، عنوةً وإقتدارا، وتطهيرالوطن من تجار الدين وسفاحي دماء الأبرياء ومغتصبى النساء ، ومرتكبى جرائم الإبادة الجماعية والتطهير العرقى.

ولانامت أعين الجبناء.

المجد والشموخ لشهدائنا الأبرار .

وعاجل الشفاء لجرحانا.



عبدالله مرسال

الناطق الرسمى باسم حركة جيش تحرير السودان قيادة مناوي – 22/10/2014م


تعليقات 17 | إهداء 0 | زيارات 8284

التعليقات
#1133427 [ود الدمازين]
5.00/5 (1 صوت)

10-23-2014 10:10 PM
ههههههههه لا بالله،،،،خلاص صدقناك وأكيد استوليتوا علي 1000 دبابة

[ود الدمازين]

#1133142 [ساهر]
5.00/5 (1 صوت)

10-23-2014 03:20 PM
ياسلاااااااااااااااااااااام طاردتهم حتى مدخل مدينة الفاشر؟ والله الحركة فوتت فرصة عظمية، لماذا لم تدخل الحركة مدينة الفاشر وتطهرها؟؟ لا كده حاتزعولنا منكم.

[ساهر]

#1132941 [kimo]
5.00/5 (1 صوت)

10-23-2014 11:44 AM
القاتل والمقتول أبناء وطن واحد ، فلن يفرحنا موت أحد من أبنا الوطن، نسال الله أن يوحد كلمتنا وأن ينعم علي وطنا بالعدالة والديمقراطية .

[kimo]

#1132883 [aldufar]
5.00/5 (2 صوت)

10-23-2014 10:50 AM
هؤلاء صعاليق زماننا هذا لاهم بقدروا تدمير الحكومة ولا الحكومة تستطيع تدميرهم ، سيتمر هذا للابد وسيهلك من تبقى على الارض وستقيف حياة الناس في تلك البقاع ،


فقط هم بدمروا في السودان وشعبه المسكين تلك هي الرسالة، هل وصلت تلك الحركات لنصر ملموس هؤلاء جميعا جهلاء متخلفين لم يستطيعوا تحقيق اي نصر والرابح في تلك الحرب خسران لانه دمر اهله وقتل اخوانه ليس إلا فمتى تعقلوا يا حكومة وحركات من اجل وقف القتل وتدمير الوطن لمتى يستمر هذا التدمير للسودان وشعبه ؟

متى يا مناوي تعقلوا وتجلسوا مع النظام الظالم الذي دمر السودان وانتم مشتركون معهم في هذا التدمير يجب محاسبتكم جميعا حكومة وحركات لانكم السبب في تدمير الوطن باهله.

عليكم جميعا لعنة الله والملائكة والناس اجمعين.

ماذا حققت من تلك الحروب سوى الدمار والتخلف والجوع والمرض لاهلنا؟
بالله انتم ملسمون؟

[aldufar]

ردود على aldufar
[AL KIRAN] 10-23-2014 01:04 PM
But... they're not kill thier brothers > they just killing ELjangaweed only and > (Bedouins) Arab... Daish in Sudan + thier bosses Albashir


#1132840 [انا هو]
4.00/5 (3 صوت)

10-23-2014 10:17 AM
انتو ماخركات ثورية ولا حاجة امشو شوفو الليبين والسورين بقاتلو كيف الثوار لمن يحررو منطقة بمشطوها ويأمنها وينطلقو للبعدها مش بلمو الفوقها ويرجعو تاني يجرو للغابة ده اسمو قطع طريق او نهب مسلح او عوارة

[انا هو]

ردود على انا هو
Saudi Arabia [osmanaboali] 10-24-2014 01:42 AM
ALKIRN-UR MIND IT WILL CAME AFTAR 12AM WE WILL WAIT 4 BIG STUOBET .....اركو مناوي WE WAIT 4 FILM AND PHOTO

[AL KIRAN] 10-23-2014 08:18 PM
Because ... such laze like you : weak, weakheart, chicken-hearted > can,t help or do anything (afraid to die) >>>> sit & talk like a lady can not open a little door


#1132799 [الفونجي]
5.00/5 (4 صوت)

10-23-2014 09:59 AM
ياأبوي أنتو حتكونو كدة طول عمركم محرومين من بيوتكم ومن أهلكم ومن حياتكم الطبيعية زي البتحاربو في يهود ما مسلمين زيكم زيهم .. ولا حتلقو كرسي ولا مال والمكتوب باين من عنوانو وفي النهاية موت لكلا الطرفين وبعد دة كلو حساب عند رب العالمين يا جنات يا جحيم .. فإختصرو الطريق وريحونا حلوها ودية ونحنا إخوان وكلنا سودانيين .

[الفونجي]

#1132770 [ابو ضنب]
5.00/5 (4 صوت)

10-23-2014 09:47 AM
شلة حرامية لبسو اخد وقالو كدي نعمل فيها عساكر ونسرق باسم الثوار والاحرار، قامو مشو لخواجة قالو ليهو ادينا بنادق وحنعمل ليك مشاكل في السودان، ما هو اصلو نحنا حرامية واولاد حرام وما سودانيين، الخواجة قال ليهم No problem, but do what I tell you Ok
اها الحرامية شالو الكلاشات والدانات وركبو التاتشرات ووقعو نهب وسرقة ما خلو ليهم جمل والا غنامية والا تيس والا عتود ما سرقو من الناس المساكين ومرة مرة عشان الخواجة يصدقهم بيمشو جمب عساكر الحكومة وبيفكو ليهم كم طلقة كلاش ويقومو جارين، الخواجة قال ليهم انتو ما بتقدرو على ناس الحكومة ديل عشان كده اضربو نار في الناس المساكين وقولو ده جيش الحكومة الكتلهم، وحلال عليكم السرقات والنهب، ولو الحكومة وقعت انتو حتبقو رؤساء ووزراء، اها المقطعين اولاد الحرام من يومته وقوعو كتيل ونهب في الناس.

[ابو ضنب]

#1132753 [ابو ضنب]
5.00/5 (1 صوت)

10-23-2014 09:31 AM
مني مخصب والا لا ههههههههههه ياخي اسمك ده والله ما سمعتة بيهو الا في حصة الاحياء مع البربح وقناة فالوب والبروستات.

جاتكم البلاوي التخمكم مع شيطانكم الاكبر الترابي سبب بلاوي السودان

[ابو ضنب]

#1132750 [صلاح مصطفي أحمد]
5.00/5 (2 صوت)

10-23-2014 09:29 AM
إيك معناه ضربوكم وبلاش كذب وفعلا ليه ما تدخلوا الفاشر طالما ربنا سهلها ليكم كدة طممتو بطونا بهذا الهراء

[صلاح مصطفي أحمد]

#1132677 [gamaza]
5.00/5 (2 صوت)

10-23-2014 08:36 AM
ديك الحكومه في الخرطوم الجابكم ام راحيك شنو تشوف في الفيل تطعن ضلو يااخوانا دا كلام

[gamaza]

#1132601 [kosty]
4.50/5 (3 صوت)

10-23-2014 03:32 AM
طيب ما دخلتو الفاشر ليه وكت وصلتو لحدي هنا ماتفضلوا..ياخي ماتفكوها فينا الكضب فترنا منوا

[kosty]

#1132580 [ود الباشا]
0.00/5 (0 صوت)

10-23-2014 02:01 AM
الله اكبر

[ود الباشا]

#1132577 [AburishA]
2.94/5 (6 صوت)

10-23-2014 01:51 AM
ولانامت أعين الجبناء.المجد والشموخ لشهدائنا الأبرار .وعاجل الشفاء لجرحانا.

**والتحية لكل المناضلين الشرفاء القابضين على جمر القضية..
** التحية لكل المناضلين بمختلف آليات نضالهم..
** التحية لكل المناضلين الشرفاء أينما كانت مواقع نضالهم..
** دموع اليتامى والارامل والثكالى لن تروح سدىً..
** أرواح شبابنا وبناتنا في هبة سبتمبر لن تروح سدىً
** وثورة.. كفاح مسلح.. حتى النصر.. وما النصر الا من عند الله...

[AburishA]

ردود على AburishA
Saudi Arabia [osmanaboali] 10-24-2014 02:18 AM
اقر التعليقات بحيادية وسوف تعرف كم انت واهم قال ام مراحيك 20 كم من الفاشر ياخي احتلوا الفاشر سيطروا على اطرافها على وسطها على مقرات الحكومة والوالي على المطار دي المواقع الاسترتيجية 10 سنوات من الحرب والدمار ولم تحتلوا مدينة واحدة هامة بس اضرب واهرب مثل العصابات سرقوا لواري الناس وعرباتهم وقتلتوا الكثير من السائقين المساكين بدون ذنب كما الحكومة حسابها قد دنى انتم ايضا حسابكم قد دنا لان اهلكم نفسهم لديهم الكثير من الثارات ولو لكم حاضنة شعبية كما تدعوافي دارفور كان زمان احتليتوا دارفور كاملةلان كثير من الجيش من اهل دارفور ولكن الظاهر اهلكم يعرفوكم اكتر مننا واقرب مثال لديكم سوريا والعراق داعش عندما وجدت حاضنة سنية مهمشة من المركز احتلت ثلث العراق وثلث سوريا وكانوا سيحتلوا كردستان العراق ولكن بسبب قوات التحالف الامريكي العربي مع الحكومة العراقية وجيشهاوالبشمركة الكردية منذ شهر وزيادة لم يستطيعوا ان يخرجوهم الا من قرى بسيطة مسيحية ويزيدية وكرديةوكل ذلك لوجود الحاضنة الشعبية والاهم من هذا ايمانهم بقضيتهم برغم خطا افكارهم وكل هذا في ثلاث سنين او اقل فماذا فعل الاشاوس من اكثر من عشر سنين غير الحديث عن ابادة وقتل لم يستطيعوا ايقافها والبكاء واستجداء الغرب.وعندماحاول الله يرحمه د.خليل دخول الخرطوم لم يصمدوا الاساعات قليلة وهربوا داخل الاحياء ورجع الباقين من حيث اتواوقبض على الباقين وقتل د.خليل بعدها. الحرب ليست الحل لانها طريق المتعجل للسلطة ولكن الحل سلمي وهذا يريد الصبر ونتائجه افضل لان الحرب نهايتها واضحة لم يعقل وبرى ماحدث في ليبيا واليمن وسوريا والعراق والصومال والسعيد من اتعظ بغيره.وانت قلت علي كوز مقدود انا ماكوز نسال الله السلامة ولكن الكوز المقدود يسقي ولكن انت ثوري باصابعك وما اظن الاصابع بتروي

Saudi Arabia [سامي] 10-23-2014 10:30 AM
شهداء ايه ومناضلين ايه قوم روح ( القاتل والمقتول في النار ) كلكم طلاب مناصب وقروش ويموت الشعب المسكين


#1132567 [ابو العلاء الجديد]
5.00/5 (2 صوت)

10-23-2014 12:59 AM
مبروك وعقبال تحرير الخرطوم وابادة جميع الكيزان وسبي اموالهم ونسائهم واطفال

[ابو العلاء الجديد]

ردود على ابو العلاء الجديد
[gamaza] 10-23-2014 07:00 PM
من امراحيك جرو الخرطوم دي يمشوليها الافي الوتساب


#1132538 [من تل ابيب]
2.50/5 (2 صوت)

10-22-2014 11:38 PM
لا للمفاوضات لا للهدنة اهجم يا اسد مناوي حفظك الله

[من تل ابيب]

#1132537 [المندهش]
0.00/5 (0 صوت)

10-22-2014 11:35 PM
القاتل والمقتول من دارفور ليتنا نبحث عن طرق اخرى لتحقيق اهدافنا

[المندهش]

ردود على المندهش
[ashafokhalo] 10-23-2014 05:46 AM
وليه لامن الحكومه تضرب الجركات ماب تقول القاتل والمقتول سوداني - كر يا جدادالامن


#1132532 [john mohamed]
3.00/5 (3 صوت)

10-22-2014 10:47 PM
ألف مبروك ياأبطال دى بداية الصيف الجديد(الحار)وقل لجدادك كر يابشبش.

[john mohamed]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة