الأخبار
أخبار إقليمية
في حال فشل الحوار.. الاتحادي الأصل يُحذر من انزلاق البلاد إلى مصيرأسوأ من الصومال ودول أخرى
في حال فشل الحوار.. الاتحادي الأصل يُحذر من انزلاق البلاد إلى مصيرأسوأ من الصومال ودول أخرى



10-24-2014 12:54 AM

الخرطوم: بكري خليفة
حذر القيادي بالحزب الاتحادي الديمقراطي (الأصل) (أحمد سعد عمر)، من انزلاق البلاد إلى مصير أسوأ من ما جرى للصومال ودول أخرى لم يُسمها في حال فشل الفرقاء السودانيين من التوصل إلى تفاهمات سياسية، وايقاف الحروب الداخلية ونزع فتيل الاقتتال القبلي والنزاعات، وقال إن حزبه ضحى بالكثيرعندما شارك في الحكومة بأقل بكثير من حجمه، لأن الهدف كان إبعاد المخاطر عن السودان وليس من أجل المناصب.
وجدد تأكيدات حزبه بأنه مع أي حوار جاد بعيد عن الدوافع الحزبية والشخصية يكون هدفه الوطن والمواطن.
ودفع (أحمد سعد) بمبادرة (الوفاق الوطني الشامل) التي قدمها منذ (7) أعوام زعيم الحزب (محمد عثمان الميرغني)، لجامعة السودان للعلوم والتكنولوجيا التي تتبنى مبادرة للحوار الوطني من خمسة محاورعقب إجراء تعديلات عليها.
وكانت الجامعة استهلت لقاءاتها في إطار خارطة الطريق لمبادرتها للحوار الوطني الشامل مع القوى السياسية، بلقاء نائب رئيس حزب الأمة القومي الدكتورة (مريم الصادق المهدي). والأمين العام لحزب المؤتمر الشعبي الدكتور (حسن عبد الله الترابي) ورئيس حزب (الإصلاح الآن) الدكتور (غازي صلاح الدين العتباني)، حيث أكدوا مباركتهم ودعمهم للمبادرة والوقوف معها خاصة وأنها جاءت من مؤسسة أكاديمية تلتزم بالحيادية والقومية، فيما أكد مدير الجامعة البروفيسور (هاشم علي محمد سالم) استمرار جامعة السودان في مواصلة لقاءاتها مع الأحزاب السياسية والشخصيات القومية وكافة المنظومات الأخرى من خلال الجلوس مع كافة القوى السياسية المشاركة في الحكومة وغير المشاركة للتعرف على رؤاها في المحاور التي حددتها المبادرة.


التيار


تعليقات 3 | إهداء 0 | زيارات 974

التعليقات
#1133875 [العنطـــــــــــــــــــــج]
0.00/5 (0 صوت)

10-24-2014 05:03 PM
الحزب الاتحادي الديمقراطي فاقد للبوصله الاداريه حزب تتصارع فيه المصالح الشخصيه و الدينيه و السياسيه ده كلو كوم و راي الاسره النبويه الشريفه كوم تاني. انحنا علي الجزيم النبي زاتو لو سوي البتسوو فيهو ده ما نسكت ليهو خلي انتو المتسلبطين فيهو (علي فكره النبي عليه الصلاة و السلام اكيد ما بيعمل كده، و صياغ الجمله ده ما نوع من المساس بشخصه الكريم، بس عشان الساده ديل يعرفو انو السمع و الطاعه انتهو في البلد دي و الناس فتحت).
المهم، زي ما قلنا و دايما بنقول، السودان ما فيهو سياسه و الشخصيه السودانيه تميل للقائد الباطش اللئيم غليظ القلب. اي و الله السودانيين يحبو الخنق ده زي عيونهم و الزول اللين الدبلوماسي و المتأني بعتبروهو (هوين سهل قيادو) زي ما قال وردي. الدبلوماسيه في السودان مرتبطه بالاستسلام و اي شي الناس عايزنو يتحل بالقوه و الكواريك و الزعيق و الدليل علي كده انو البشير لحدي قريبات دي كان ناسو علي اعداءه بتكيفو لطريقة كلامو و خطابو الفج المليان شتايم و كدايس و فيران.
لذلك و الحمد لله علي ذلك، اخيرا السودانيين بدأو يكتشفو مواقع الخلل و عرفو انو العالم قريه صغيره ما ممكن تعمل فيها الانت عايزو. البيئه بقت مشتركه و الموارد و الحدود و الارباح التجاريه. حتي القرارات السياسيه بقي فيها نوع من التحفظ رغم ادعاء الدول لمبدأ السياده لكن حبر علي ورق و كلام علي مايكروفون. الواقع مختلف و العالم ماشي وفق منظومه يؤول فيها النصيب الاكبر من التحكم للقوي العظمي اللي مسيطره سيطره تامه علي الاقتصاد و الاقتصاد هو الدوله و الما عندو اقتصاد ما عندو دوله و الاقتصاد ببساطه هو الاكل و الشراب و الماعندو اكل و شراب ما عندو قرار يعني زول عيطه ساي، فهمتو يامتعلمين يا بتوع المدارس.
علي الساده المراغنه و حتي الانصار و بقية الاحزاب الصفراء و الدعائيه التي تعمل علي تلميع المؤتمر الوطني ان يعلمو جميعا انهم فاشلون، و الشخصيه السودانيه انفتحت علي العالم و ممارساته الاقتصاديه و السياسيه و الاجتماعيه بجميع اشكالها عبر وسائل الاعلام و التواصل الاجتماعي و صارو شعب واعي و مثقف اكثر مما كان و تلاقحت معرفته بمعارف اجنبيه و زادت شوكة وعيه قوه و ما عاد بيع الوهم ممكنا و ما عادت الخرافات و الاساطير تجد طلب مواز لها في سوق السودان.
علي كل المتسلقين وهما علي شجرة السياسه عبر افواج المريدين و الحيران المورثـه من اجدادهم و اجداد اجدادهم عليهم اما ان يكونو قدر التحدي و يثبتوا كفاءتهم السياسيه او يشوفو ليهم مجتمعات متخلفه ينشرو فيها اكاذيبهم الرخيصه القائمه علي الاستغلال و الاستنكاح. ما عاد المريدين و الحيران هم نفس المريدين و نفس الحيران. وعى الجاهلون الحقيقه، فاما تعملو حاجات تثبت انكم فعلا سياسيين تستحقو قيادة حزب سياسي و يا اما تتخارجو غادي غادي. انحنا البلد دي بالفيسبوك بنمشيها!

[العنطـــــــــــــــــــــج]

#1133698 [alshreef]
0.00/5 (0 صوت)

10-24-2014 10:48 AM
طيب يااحمد سعد عمر وين دور حزبك المشارك ديكوريا في حكم ودي البلد


في مليون داهيه وتقول لي مبادرة المرغني حريقة تحرقك انت وهو كمان


رحم الله الاتحاديين الاصليين عارفهم ولا اقولهم ليك بلد جايطه

[alshreef]

#1133594 [Almisahir fi izallail]
0.00/5 (0 صوت)

10-24-2014 07:42 AM
الغايه.. احمد سعد عمر دا عاوز يقول شنو؟ اسباب دخولو هو وعصمان الشريف الحكومه معروفه والموضوع ما عاد دايرلو شرح او درس عصر..اها دالحين موقفكم شنو يا ناس مولانا.. الغائب عن حزبو الطال غيابو ..اكتر من سنة ومشتاقين تقولو حبابو!!
*والحوار اللى بتتكلم عنّو دا (انت فى رايك يا امير) هو حوار جاد ولآّ ما جاد.. ان كان جاد انت اصلك مع الحكومه "اولريدى مستردف" ومتعود على "الردفه" يبقى تصريحك دا ما ليهو معنى او ضروره خليكم مع "الدواعى الوطنيه" بتاعتكم..وفضّها سيره!!! البشير قال ليكم ان الغرض الأاساسى ليس هو باى حال من الاحوال تفكيك ألأنقاذ هو "استرداف" للى عايز يركب محل ما ألأأنقاذ عايزاهو يركب.. كان فى السرج الورّانى او على الماسوره بيقدام .. والعاوز يركب ما عندو خيار بين المكانين.. دا قرار بيعرف المؤطمر الوطنى متين وكيف وليه بيتخذو!

[Almisahir fi izallail]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة