الأخبار
أخبار إقليمية
مصطفى عثمان اسماعيل : حصلنا على دعم مالي من السعودية بعد زيارة البشير،والعلاقات عادت لمجراها الطبيعي
مصطفى عثمان اسماعيل : حصلنا على دعم مالي من السعودية بعد زيارة البشير،والعلاقات عادت لمجراها الطبيعي
مصطفى عثمان اسماعيل : حصلنا على دعم مالي من السعودية بعد زيارة البشير،والعلاقات عادت لمجراها الطبيعي


جذبنا في عامين 30 مليار دولار من الاستثمارات الأجنبية
10-24-2014 04:48 AM
الخرطوم - بليغ حسب الله

أعلن وزير الاستثمار السوداني الدكتور مصطفى عثمان إسماعيل أن بلاده حصلت على دعم مالي من المملكة عقب الزيارة التي قام بها مؤخرا للمملكة الرئيس عمر البشير، معتبرا الزيارة أعادت العلاقات لمجراها الطبيعي.

وقال إسماعيل في تصريحات صحفية إنه تم الاتفاق على التزامات في الجانب السياسي والاقتصادي بين البلدين.

ولم يخض اسماعيل في تفاصيل الدعم المالي الذي حصلت عليه بلاده، مشيدا بوقوف المملكة دائما الي جانب السودان.

وأكد أن الاقتصاد السوداني سيشهد تحسناً بدءاً سيمضي بالتدرج، وتوقع مزيداً من الانخفاض في سعر العملات الأجنبية مقابل الجنيه السوداني، وقطع بأن الانخفاض ليس مؤقتاً كما يراه البعض، وعزا ذلك لتحسن علاقات السودان مع السعودية والإمارات والكويت والبحرين.

وأوضح إسماعيل أن الرئيس البشير عقد لقاءات مع القيادات السعودية وتم تشكيل لجنة بدأت أعمالها للاستماع لحكومة السودان، وعبّر إسماعيل عن سعادته بعودة العلاقة مع المملكة بعد الفتور الذي لازمها.

وقال إن السودان حريص على جذب الاستثمارات العربية وخصوصا السعودية، مؤكدا انه استطاع جذب استثمارات بلغت خلال العامين الماضيين 30 مليار دولار، وأضاف: "سنعمل على أن يتقدم السودان في العام القادم في ترتيب البلاد الجاذبة للاستثمار".

الرياض


تعليقات 27 | إهداء 0 | زيارات 3253

التعليقات
#1134287 [nagi]
0.00/5 (0 صوت)

10-25-2014 12:01 PM
وماذا فعلتم بال 30 مليار هل قمتم باصلاح مشروع الجزيرة ام مصانع الغزل والنسيج ام اصلاح الطرق ومجاري الخريف ان وجد ام اصلاح البلد الذي علي وشك ان يسقط

[nagi]

#1134271 [ابو طارق]
0.00/5 (0 صوت)

10-25-2014 11:41 AM
تف عليكم ما عندكم غير الشحته والله لو فكرتوا فيها صح وقلبكم على الوطن لاشترت منكم السعوديه منتجاتكم كلها من خضر وفواكه السوق السعودى محتاج للفواكه والخضر بشكل مهول اما انتم حتى الشحته تتبجحوا بيها لا بارك الله فيكم

[ابو طارق]

#1133973 [المستعرب الخلوى]
0.00/5 (0 صوت)

10-24-2014 09:16 PM
وكلامه كلو العام القادم حيتحسن والعام القادم حنعمل والعام القادم حنسوى ..ولينا 25 سنة بالحال دا ..
تباً لك ولأمثالك من السياسيين ..

[المستعرب الخلوى]

#1133789 [ود الركابي]
5.00/5 (1 صوت)

10-24-2014 02:30 PM
ياوزيرنا. ال 70 مليار والبعض يقولون 100 مليار بتاعة البترول بتاعنا طيرتوها وين وجايين تسئلوا الناس يستثمروا في بلدكم . بلدنا دي لا يستثمر فيها الا واحد مغامر . فساد وغير مستقره امنيأ ولاسياسيأ وقوانين استثمار مامشجعه وجبايات وجمارك بالكوم . ثم كيف المستثمر يخرج امواله . بي بلة الغائب .. محن .

[ود الركابي]

#1133785 [سيمو]
0.00/5 (0 صوت)

10-24-2014 02:25 PM
ينعل أبو البلد الذى يسير إقتصاده بالمعونات والصدقات والإغاثات،، الرخيص رخيص ولو كان قرمصيص.

[سيمو]

#1133775 [سوداني]
5.00/5 (1 صوت)

10-24-2014 01:40 PM
معظم المعلقين جداد الكتروني يبتدو تعاليقهم بسب الحكومة ووزير الاستثمار ثم يؤكدون حكاية الدعم دي زي التقول شافو القروش بعيونهم
اها ياسمعة القروش دي دخلتوها البلد كيييييف جيتو شايلنها في اكياس الوساخة السودا برضو وللا ببنوك الراجحي عالم وهم

[سوداني]

#1133772 [الجهني]
5.00/5 (1 صوت)

10-24-2014 01:34 PM
الصورة تخبركم علي الكثير اذا دعمت المملكة نظام البشير لبين هادا علي وجهه
ايش فيكم ماطلعون وجه الرجال

[الجهني]

#1133764 [التاج محمد أحمد]
5.00/5 (1 صوت)

10-24-2014 12:33 PM
العلاقات عادت لمجراها
ومجراها اصلا معوج من قديم الزمان

[التاج محمد أحمد]

#1133748 [منصور]
0.00/5 (0 صوت)

10-24-2014 12:02 PM
حكومة الزل وقلة الكرامة لمتين انتو باركين تحت اقدام السعوديين ما في حياء ولا استحياء ياخي افقر دولة افريقية ما بتعمل اللي انتو قاعدين تعملو الي متي هذا الانحطاط الاخلاقي والله وصلتو درجة ما وصلتها افقر دول العالم لكن انا شخصيا ما الوم الحكومة السودانية الوم الشعب اللي صيطر عليهو حب الدنيا وسارحين في كل مكان في هذا العالم حتة راجل صعلوك استولي علي الحكم بالقوة ودمر اقتصاد البلدحتي صار السوداني زي الزبالة في دول العالم اسمع دائما الخليجيين يقولو للسوداني انو كسلان ووسخان وليس بيده حيلة حتي في الامور اللي تخصه وحياتهم كلها نظريات وكلام فارغ وانو الشعب السوداني اول من قام بالثورات ضد الديكتاتورين واول شعب واول شعب وين هذا الشعب الان تنتهك كرامتو من زول صعلوك ورقاص ياخي لو قابلين بالوضع شيلو شيلتكم ما تصدعو رؤوسنا ساكت

[منصور]

#1133739 [سوداني ود بلد]
0.00/5 (0 صوت)

10-24-2014 11:33 AM
يامصطفي غثمان اسماعيل لن يكون السودان جاذبا للاستثمار مالم يعم السلام والاستقرار كل ربوعه وهذا لا يتحقق الا من خلال اقامة نظام ديمقراطي حقيقي يأتي بإختيار الشعب له من خلال انتخابات حرة ونزيه يشرف علي كل مراحل اجراءها حكومة مؤقتة ممثلة لكل الوان الطيف السياسي.
ونسأل السيد الوزير عن ال 30 مليار التي يقول انه تم جذبها كإستثمارات خلال عامين, اين هي المشاريع التي استثمرت فيها واين عائدها خاصة ان كل شئ من اسعار وتوظيف وخلافه سار نحو الأسوأ.

[سوداني ود بلد]

#1133724 [ضيف جديد]
5.00/5 (1 صوت)

10-24-2014 11:18 AM
"مؤكدا انه استطاع جذب استثمارات بلغت خلال العامين الماضيين 30 مليار دولار"!!!!!

واحد أخونا كل ما يسمع كلمة مليون أو مليار طوالي يسأل "بالقديم ولا الجديد؟"

وبدون أن أشعر وجدت نفسي أسأل "بالفديم ولا الجديد؟"
خلوها معفولة شوية!!!

[ضيف جديد]

#1133703 [كاكا]
5.00/5 (2 صوت)

10-24-2014 10:58 AM
ايها الوزير ماذا قدمتم للسعودية حتي تعود الغلاقات .... قفل مراكز ايران الثقافية فقط من هو الغبي السعودية التي تعيد العلاقات فقط لقفل المراكز ام حكومتكم التي لم تفهم الا مؤخرا ان سبب توتر الغلاقات لفتح المركز 000 اذا انتم لاتصدقون ما تقولون كيف للسعودية ان تصدقكم

[كاكا]

#1133699 [ابوطلحه]
3.00/5 (4 صوت)

10-24-2014 10:48 AM
اخجل ياااااااااا تيس

[ابوطلحه]

#1133693 [جمل الشمال]
3.00/5 (3 صوت)

10-24-2014 10:42 AM
هو دا لسع بكزب الله يريحنا منه امييييييييييييييين

[جمل الشمال]

#1133692 [سلبونا]
3.00/5 (3 صوت)

10-24-2014 10:42 AM
انتهت المسرحيه ي عثمان لقد امهلكم الشعب خمسة
وعشرون عام لبناء الوطن ..احسن ليك تتخارج قبل الطوفان.....

[سلبونا]

#1133687 [ابو الخير]
3.00/5 (2 صوت)

10-24-2014 10:40 AM
الناس ديل يقولو كلامهم للغافل
دول الخليج لاتثق في الاخوان المسلمين الذي عرف عنهم الغدر والخيانة
لكن اليومين ديل بيستعدوا لتزوير الانتخابات عشان يقولو الكيزان حققوا انجازات كبيرة بتخفيض قيمة الدولار الذي رفعه الكيزان بصورة جنونية جننت الناس
بس تخلص انتخابات الكوز تعود الحال الى اسوا مما كانت انا في انتو في

[ابو الخير]

#1133674 [رانيا]
5.00/5 (2 صوت)

10-24-2014 10:14 AM
أعتقد إنه حكاية " جاذب للإستثمار " دي بقت سخيفة ومستهلكة . إنتوا في ورطة يا تعبان مع الشعب ومع العالم من حولكم والناس قاعدة تتفرج على هبلكم لا أكتر ولا أقل !!

[رانيا]

#1133671 [ashafokhalo]
5.00/5 (2 صوت)

10-24-2014 10:12 AM
اها
ال 30 مليار دي وييييييين؟

يا جماعه في الطريق لابو ادم في اطراف الخرطوم الطفل المعجزه دا بانيليهوا مربوع كامل من العمارات وغالبا دي من ال 30 مليار الما شافا زول

مافي زول هين حتي الطفل المعجزه
كل هزه المباني سترجع للشهب السوداني عشان كدا يا دكتور نرجو ان تحافظ عليها

[ashafokhalo]

#1133664 [ود المهدي]
5.00/5 (2 صوت)

10-24-2014 10:00 AM
ايها المنافقين الدجالين يا اخي استحوا واخجلوا من كثرة الشحدة والترجي لامدادكم بالمال لمتى؟ يا مصطفى عثمان اين تدهب اموال الضرائب والاتاوات المفروضة على المواطن ؟

اين اموال ونصيب البترول في عهد الظلم هدا كان نصيب السودان من البترول 59مليار دولار اين دهبت يا كلب .


لمتى تستجدون الدول العربية ، التي لم تقصر في شعب السودان ابدا ولكن وصلت تلك الاموال لايدى اثمة وايدي لصوص اثريتم بها الحزب ومن والاهم وصرفت في تقتيل الشعب .

انتم اظلم حكومة مرت على السودان حتى اليوم ؟

دمرتم كل شيء والكان موجود من عهود سابقة في عهدكم تسولنا جوعنا تشردنا تقتلنا
هل رسالتكم كانت تدمير السودان وتلسيمه لايران فكرا وعقيدة .

عليكم لعنة الله يا مصطفى عثمان ويا افشل وزراء ومدراء وقضاة ورئيس مروا على السودان
والدليل هو دمار بلد بشعبه .

[ود المهدي]

#1133656 [Abumohamed]
5.00/5 (3 صوت)

10-24-2014 09:48 AM
بلد طارد لابنائه كيف يستقيم عقلا ان يجذب استثمارات الغير؟

المستثمر دا ما شايف حال البلد و انحدارها؟

30 مليار دي في الاحلام ولا على الارض؟ معقول ما تظهر مشاريع ناتج هذا المبلغ المهول؟

ما هو المشروع الذي استثمر فيه مليار واحد؟

او كما قال نافع بعد فصل الحنوب ( السماء امطرت ذهبا).

اننا نعيش المرحلة الفرعونية ... علينا ان نصدق فرعون و قومه.

[Abumohamed]

#1133655 [كبسول]
5.00/5 (2 صوت)

10-24-2014 09:45 AM
اي دعم سعودي
لو كان هنالك دعم مالي لصرح به الاعلام السعودي
لماذا لم يوضح الوزير بالأرقام حجم الدعم وهل هو منحة ام دين ام غيره
هذه التصريحات الكاذبة لوزير المالية والاستثمار مقصودة لكبح جماح الدولار
قد تفلح هذه الإشاعات في خفض قيمة الدولار الي حين ولكن عند التأكد من كذبها سيحدث العكس
لماذا لا يتورع هؤلاء عن الكذب
لقد اصبح الكذب هو سياسة الدولة
حسبنا الله ونعم الوكيل

[كبسول]

ردود على كبسول
United Arab Emirates [ود الدمازين] 10-24-2014 12:20 PM
فعلا دعم وفك الحظر فى الطريق والولار سيترنح امام الجنيه،،،من مصدر موثوق جداً ولو ان الفساد اللي في البلد ما مخلي شي


#1133627 [ود الدمازين]
5.00/5 (1 صوت)

10-24-2014 08:56 AM
الأخبار دي حتجيب شلل اطفال لساكني فنادق خمسة نجوم و لحركات النهب والسلب

[ود الدمازين]

#1133612 [طارق الباز]
5.00/5 (2 صوت)

10-24-2014 08:29 AM
سرقنا في عامين 30 مليار دولار من الاستثمارات الأجنبية

[طارق الباز]

#1133611 [ود احمد]
5.00/5 (1 صوت)

10-24-2014 08:23 AM
وكل هذه الاموال ستذهب الي بالو الاسرافف رئيس متهالك وحاشية فاسدة لا يرجى منهم خير كم من الاموال ذهبت من حر مال الشعب السوداني الي حساباتكم الخاصة تبا لكم يم تب

[ود احمد]

#1133608 [shah]
5.00/5 (1 صوت)

10-24-2014 08:12 AM
جذبت 30 مليار الى أين ؟ إلى جيوبكم الواسعة يا مسيلمة؟

[shah]

#1133602 [Haj Ahmed]
5.00/5 (2 صوت)

10-24-2014 08:02 AM
الزول دا بتكلم عن السودان حقنا دا؟ بعدين رسونا على بر، البشير والشفع المرافقين مشوا ى حج ولا زيارة.

[Haj Ahmed]

#1133601 [Hussein Hamid]
5.00/5 (1 صوت)

10-24-2014 08:02 AM
يظهر قالوا ليهم لموا جلود الأضاحي لتنظيف البلد منها

[Hussein Hamid]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة