الأخبار
أخبار إقليمية
حزب البشير يقترح نقل العاصمة من الخرطوم
حزب البشير يقترح نقل العاصمة من الخرطوم
حزب البشير يقترح نقل العاصمة من الخرطوم


إلى جانب إنشاء عاصمة تجارية في قري.
10-25-2014 12:49 PM
الخرطوم: صلاح مختار
شهدت المداولات حول الورقة الاقتصادية أمام المؤتمر العام للمؤتمر الوطني أمس، مداولات ساخنة وانتقادات لتطبيق السياسة الاقتصادية. وطالب بعض الأعضاء عدم لجوء الحكومة إلى تطبيق سياسة رفع الدعم والبحث عن بدائل من خلال زيادة موارد الدولة عبر زيادة الإنتاج وتحسين المناخ للاستثمار وتحسين الأداء السياسي الذي سينعكس على الأداء الاقتصادي. وأوصت الورقة على إدارة ملف السودان الخارجي ليتناغم مع جهود التنمية الاقتصادية، ودعت إلى تقسيم وظائف العاصمة إلى «تجارية وسياسية» ونقل العاصمة السياسية من الخرطوم إلى أي مدينة بالولايات، إلى جانب إنشاء عاصمة تجارية في قري.

ودعا رئيس القطاع الاقتصادي بالحزب د. حسن أحمد طه في ورقته الاقتصادية، مراجعة الحكم الاتحادي وخلق مؤسسات تشريعية بالمستويات الدنيا للمحلية، وشدد على أهمية معالجات الخلل الاقتصادي وتقوية العملة الوطنية وتوجيه الإنفاق العام وترشيده والاهتمام بالقطاعات الإنتاجية وتقوية الخدمة المدنية وتحسين شروط العمل وتقليصها ورفع قدرات العاملين. وحثت الورقة على مراجعة أولويات الإنفاق الحكومي.
وطرحت الورقة الاقتصادية رؤى الوطني لمعالجة المشكلات الاقتصادية، وأوصت بزيادة الإنتاج والاهتمام بالقطاع الزراعي والصناعي. وأوصت الورقة إلى إعادة تصميم وإدارة خزان جبل أولياء والتركيز على الاستثمار السياحي ومراجعة القوانين واللوائح التي تسهم في إعلاء قيمة الوقت وإعادة النظر في سياسات التمويل ودعم القطاعات الزراعية.


الانتباهة


تعليقات 41 | إهداء 0 | زيارات 12520

التعليقات
#1135298 [سودانى جد]
0.00/5 (0 صوت)

10-26-2014 07:31 PM
تحويل العاصمة امر ضرورى لانعاش مناطق اخرى مهمشة لذلك خطوة فى مسار صحيح يجب ان تكون كل فترة حكم اربعة سنوات فى مدينة يجب ان يتم ذلك بل يجب ان نعمل لتحقيقة ولكم انتم طرح الفكرة للتداول وشكرا.

[سودانى جد]

#1134849 [كيزان وسخ]
4.25/5 (6 صوت)

10-26-2014 09:06 AM
من حقدكم على الخرطوم عايزين تنقلوها بعد ما دمرتوها وشردتو ناسه بره السودان، كلكم جايين من الاقليم جعانين ومقطعين وحاقدين على ناس الخرطوم، يا حرامية يا وسخانين

[كيزان وسخ]

ردود على كيزان وسخ
Saudi Arabia [NOOn] 10-28-2014 11:43 AM
ي جاهل انت الواحد لو رد عليك بكون مثلك اطلع اول من الاميه الانت فيها دي الاول بعد داك اتكلم

Saudi Arabia [nagi] 10-26-2014 05:41 PM
وانت جااي من وين يا ناس الخرطوم انت شكلك مخدوع ناس الاقاليم قال امشي يا فاشل انت


#1134698 [سودانى شديد]
5.00/5 (2 صوت)

10-26-2014 02:57 AM
الفكرة مرفوضة جملة و تفصيلا إلى أن يكون هناك حكما ديموقراطيا ليتخذ القرار بواسطة البرلمان و يجرى إستفتاء شعبى عام حوله.

[سودانى شديد]

#1134681 [متسكع]
5.00/5 (4 صوت)

10-26-2014 01:31 AM
اول حاجه رجعوا لنا العاصمة المثلثة ري
ما لقيتوها وبعدين فكرو في نقلها عشان
نقول كانت اسمها عاصمة زي لاغوس ونقلوها
ل ابوجا

[متسكع]

#1134676 [انا العوض]
5.00/5 (1 صوت)

10-26-2014 01:00 AM
قري بالتاباني

[انا العوض]

#1134671 [الخرطوم القديمة]
5.00/5 (1 صوت)

10-26-2014 01:39 AM
الخرطوم الجديدة بالعصابة الحاكمة تكون وين ؟في حلايب او شلاتين عشان تتحدو ا السيسي دة اذا قدرتوا تصرحوا بيها

[الخرطوم القديمة]

#1134666 [امبوش فاسلات انتم]
5.00/5 (1 صوت)

10-26-2014 12:58 AM
انا اقترح ان تكون العاصمة السودانية مدينة حلايب لان البنيات الاساسية ما شاء الله جاهزة جهوزية شديدة وكمان موقعها الجغرافي الجميل وقربها من البحر الاحمر، وبعدين ما فيش امطار ولا غبار ولا اي حاجة تعكر مزاج الناس، بس لازم تكون عاصمة حضارية ما دايرين احياء زي سلطونا والحاج هيثم وكلاتلة وام بدر وحي ديسمبر، دايرين كل احياء العاصمة الجديدة زي كافوري والرياض والمنشية، افقر حي داينو زي العمارات شارع 15 .

[امبوش فاسلات انتم]

#1134651 [sky painter]
5.00/5 (2 صوت)

10-26-2014 12:13 AM
اقتراح تغيير العاصمة اقتراح وجيه و عملى لان العاصمة التي شاخت و تكرشت و تضخمت لا تفع فيها كل عمليات التجميل مهما كانت براعة دكتور التجميل...فالعاصمة اصبحت كعمارة من الجالوص كل نصيبها من التجديد طبقة من الزبالة توضع عليها كل سنة و لا تزيدها الا قبحا و نتانة...عاصمة عبارة عن غابة اسمنت,لا منتزهات و لا مياديين,لا مسحات خضراء ,لا صرف صحي و لا مصارف,عاصمة تغرق في شبر موية
اقترح ان تكون العاصمة في وسط السودان (سرة السودان),لولا مشكلة المياه و الزحف الصحراوي لاقترحت مدينة الابيض..اعتقد ان مدينة تندلتي هي الاصلح لكى تكون عاصمة جديدة..مدينة سهلة منبسطة و يمكن ان تمتد الى كوستي و ربك و تحي كل المناطق من كنانة و الدويم..قريبة من سنار و الدمازين و مدني
اخيرا , اذا تم تنفيذ بناء عاصمة جديده,تخيلوا معي حال اباطرة العقارات الذين استثمروا كل ثرواتهم في ارضي و عقارات ولاية الخرطوم اصبحوا يطلبون فيها اسعار فلكية....نزلات معوية ستصيبهم بالجملة و نقول لهم شيلو عماراتكم..اقصد شيلوا شيلتكم

[sky painter]

#1134639 [magdi]
0.00/5 (0 صوت)

10-25-2014 11:20 PM
ي

[magdi]

#1134606 [من ناس قريعتي راحت]
4.75/5 (3 صوت)

10-25-2014 10:09 PM
انا اقترح انها تكون في امغد

[من ناس قريعتي راحت]

ردود على من ناس قريعتي راحت
United Arab Emirates [سيف الحق] 10-26-2014 06:46 AM
ياخ ضحكتني الله يضحكك


#1134593 [الديمقراطي]
4.50/5 (4 صوت)

10-25-2014 09:30 PM
السودان هو البلد الوحيد في العالم الذي يمتلك اكثر من عاصمة . و كلها خارج اراضيه .
ابوجا . نيفاشا . نيروبي . الدوحة . اديس . اسمرا . ام جرس .انجمينا .واق واق . سقط لقط .
بير سعد الله التي سقطنا فيها و اخشي ان تكون هي عاصمتنا الابدية .

[الديمقراطي]

#1134559 [كاودا]
4.00/5 (5 صوت)

10-25-2014 08:07 PM
عندما يتحرر السودان من دنس الكيزان سنجعل كاودا هى العاصمة لصمودها التاريخى وجمال طبيعتها الخلابة.

[كاودا]

ردود على كاودا
Sudan [احمد] 10-26-2014 12:08 PM
نعارض بشده ان تكون كاودا عاصمة السودان(نحن اولاد البحر عايزين عاصمتنا تكون قريبه مننا مالنا مال كاوداوطروجى وام سردبه وما عارف شنو


#1134553 [ود السريف]
5.00/5 (2 صوت)

10-25-2014 07:40 PM
انسب منطقة لتكون عاصمة تجارية اوثقافية هي مدينة امكدادة بشمال دارفور وانا ليس من ابناء ذاك المنطقة لكن وجدت فيه الكرم والشجاعة وفيها كل القبائل متصاهرة مه بعضها العربية وغير العربية حيث اطلقت عليه لقب ملك المحافظات من قبل الرئيس السوداني حيث ملتقى طريق الانقاذ

[ود السريف]

ردود على ود السريف
[الديمقراطي] 10-26-2014 01:34 PM
يا ود السريف . الكرم و الشجاعة بمعناهما القديم اصبحت صفات غير حضارية .
هسع دي امريكا فكت فينا صاروخ دمر مصنع الشفا و نحنا لي هسع ما عارفنو
جا من وين . و اسرائيل فكت فينا صاروخ دمر مصنع اليرموك و نحنا لي هسع
ما قادرين ندفن الحفرةالسواها.اها يا اخوي اخير الشجاعة ولا العلم ؟
اما الكرم دا انا عندي فيهو راي بعد الفقر العايشين فيهو دا .ناكل نحنا
و لا ناكل الضيف ؟
مع احترامي الشديد لاهلنا ناس ام كدادة و ما جاورها .


#1134551 [كرار الاصم]
5.00/5 (4 صوت)

10-25-2014 07:32 PM
اقترح مدينة الابيض لانها الاقرب لجميع بقاع الوطن

[كرار الاصم]

#1134542 [أدروب]
4.97/5 (6 صوت)

10-25-2014 07:00 PM
أقترح العاصمة تودوها الباقير عشان تواصلوا هناك كلام الطير في الباقير ... الناس ما لاقية تاكل وتتعالج تقولوا عاصمة جديدة

[أدروب]

ردود على أدروب
[خرابيش] 10-26-2014 02:09 AM
ههههههههههههههههههههه جنس مسخره غايتو


#1134540 [عبده]
3.00/5 (2 صوت)

10-25-2014 06:53 PM
سبحان الله. .شايف الناس تفاعلت مع الفكرة..قصة غريبة!!!!!!! هو إنتو للآن بتصدقو !!!!!!! صراحة شيء يحير.

[عبده]

#1134527 [أبو زهانه.]
4.75/5 (5 صوت)

10-25-2014 06:30 PM
ودوها حوش بانقا وإنتوا أقعدوا في كافوري
كوفارة البايت القوا.

[أبو زهانه.]

ردود على أبو زهانه.
United Arab Emirates [أبو مهند - دبي] 10-26-2014 12:49 PM
أجمل وأظرف وأصدق تعليق
عفارم عليك يا أبو زهانة


#1134526 [معاوية]
5.00/5 (1 صوت)

10-25-2014 06:29 PM
الدكتور حسن طه اكبر عميل اقتصادى بتاع كزميشنات بانى بيت قصر ضيافه من اين اتى بهذا المال قاعد يشرع فى الاقتصاد وتخفيف النفاق الحكومى ل منو يا دكتور يا ماسوره انت

[معاوية]

#1134510 [ودعبلنقو]
2.75/5 (3 صوت)

10-25-2014 05:53 PM
نفس الورقه بتاعت المره الفاتت بس غيروا التاريخ حسن طه شنو دي مكتوبه مما جات الانقاز بس يقىروا الزول البي يقراها والتاريخ وجماعتك الهتيفه يصفقوا

[ودعبلنقو]

#1134488 [//ahmed//]
5.00/5 (3 صوت)

10-25-2014 05:17 PM
ورقة فى عينكم يافاشلين...

[//ahmed//]

#1134482 [المغبون من الاسلاميين]
4.50/5 (2 صوت)

10-25-2014 05:09 PM
احسن تنقلوا العاصمة دويلة قطر ارض المستعمر النازي للسودان

[المغبون من الاسلاميين]

#1134473 [adil a omer]
5.00/5 (1 صوت)

10-25-2014 04:53 PM
بالله انقلوها حوش ود بانقا بس اتخارجوا لينا من الخرطوم دى عشان نعرف ننضف عفنكم

[adil a omer]

#1134460 [رطل]
4.38/5 (4 صوت)

10-25-2014 04:28 PM
الموضوع دا عامل زى واحد مغترب 25 سنة رجع السودان نهائى مفلس وعدمان القرش وحايم وسط السماسرة يفتش في بيت , الحكومة فكرت في نقل العاصمة بعد ما البترول راح والفلس حصل

[رطل]

#1134455 [Montaser]
5.00/5 (1 صوت)

10-25-2014 04:26 PM
كلام كويس واقتراح جميل نقل العاصمة السياسية الى مكان اخر مثل الغرب الفاشر مثلا او الشرق هنالك مدن كثيرة فاضية ممكن تبنى عاصمة حديثة فيها شوارع كبيرة و عمارات و فنادق مشرفة بالوفود الرسمية و اماكن للاحتفالات و المؤتمرات العالمية و تبقى اساس لعاصمة متحضرة بدل الزحمة الي في الخرطوم و الشوارع الضيقة الي ما ليها حل لانها اتشقة كدا ضيقة و البنية الاساسية الي صيانتها تكلف اكثر من بنائها من جديد , لكن السؤال هو اذا كان هنالك امكانية لنقل العاصمة السياسية من الخرطوم لماذا بنيتوا قصر رئاسي جديد بتكلفة تقدر ب 500 مليون دولار ؟؟؟ و اذا نقل العاصمة السياسية من الخرطوم الى اي مدينة ثانية دى كلام ساكت ولا مكان او امل لتنفيذه ليه داوشين راسنا بالمواضيع ممكن تفور دمنا و تحرقه ساكت ؟؟؟ انا الطلعت بيه من المقال دى انه ناس كثار من الحزب الوطنى بتتخبط في قراراتها و بتقدم مقترحات عبثية .

[Montaser]

#1134423 [الليل]
4.63/5 (5 صوت)

10-25-2014 03:14 PM
فترنا من تجاربكم الفاشلة وخططكم المجربه . اعترفوا يا فشله بالفشل وتنحوا

[الليل]

#1134420 [شاهد اثبات]
4.50/5 (3 صوت)

10-25-2014 03:07 PM

1-جدع الكيزان الحولك ديل اول حاجة..عشان نتحرر من اصر الجهل والفشل المخيم على السودان 60 سنة ونرجع الجنوب

2-رجع الخمسةالاقليم اولا واجري انتخابات حاكم اقليم ونائب اقليم بما في ذلك دارفور ثم الغي الولايات الكثيرة المسيخة واكتفي بمستوى الحكم الاقليمي
3-رجع الجنوب بالحريات الاربعة والجنسية المزدوجة حتى يكون تنقلهم وتواجدهم طبيعي
4-فعل اتفاقية نافع /2011عقار لوقف الحرب في المنطقتين
5-اعمل سكة حديد جديدة من حلفا لي نمولي بواسطة افضل الشركات الصينية ومقاس 110
6-حلفا -السليم -الدبة -مروي - ام درمان -الدويم - كوستي - الجبلين- ملكال- بور -جوبا- نمولي-كينيا ممبسا
بعد داك ممكن تكون العاصمة الجديدة -كوستي - انسب مدينة لعاصمة جديدة
ونحن مع اي شماريع طموحة في مستوى ناشونال جوغرافيك وليس مشاريع النكاح الجماعي ومعسكرات تجويد سورة النمل وامريكا قد دنا عذابها

[شاهد اثبات]

#1134417 [ميرغنى جمعة]
4.50/5 (2 صوت)

10-25-2014 03:04 PM
العاصمة حوش بانقا أكييييييد

[ميرغنى جمعة]

#1134416 [Abdelazim Mekki]
4.50/5 (2 صوت)

10-25-2014 03:03 PM
الموضوع كله تسويف لا أكثر

[Abdelazim Mekki]

#1134405 [دوساني]
4.50/5 (3 صوت)

10-25-2014 02:44 PM
قري دي وين غايتو محن
مدني كسلا القضارف الابيض نيالا الفاشر الجنينة بورتسودان كوستي ربك
مالقيتو إلا قري تلقاها حقت جلابة

[دوساني]

#1134400 [د .الزهجان]
4.50/5 (3 صوت)

10-25-2014 02:38 PM
الفساد ولا جابو سيرتو كانهم صحابهh

[د .الزهجان]

#1134382 [حاتم محمد بابكر جاداللة]
4.88/5 (4 صوت)

10-25-2014 02:12 PM
محمد حسن بوشي
لكل الناس البسفو تمباك (سعوط)
ولكل البنات المعرسين او مخطوبين او بحبو اولاد بسفو سعوط
بهدي ليكم الكلام اللطيف ده

...... موضوع شيق و مفيد للعربجيه ... سفافين التمباك ..

الموضوع منقول بتصرف ...
أحد سكان الفاشر يحكي لنا كيفيه زراعه الصعوط او التمباك او العماري...
ويقول : بحكم إنتمائي إلى دارفور و الفاشر على وجه الخصوص ... وقفت على التمباك بكل مراحله وعرفت الكثير الكثير من أسراره في عام 1992م... رايت أكثر زملاء الدراسه بالجامعه يتعاطون السفه وهم من غير أهل دارفور فشرحت لهم كيف تعد هذه الآفه وشاركت باكثر من موضوع في جريده (السلطان) الحائطيه والتي كانت لسان حال دارفور بالجامعه .... لم يستجب إلا قليل فأيقنت ان القوم قد أدمنوا حتى النخاع...

ماهي نبتة التمباك و كيف شكلها ؟؟!!
نبات التمباك اخضر غامق اللون , ينمو بإرتفاع متر عن الأرض وشكلها مثل نبات البندوره (الطماطم)... . لا تزرع البذور لتنبت كما يعتقد الكثير بل يتم شتلها وهي بطول 10 سنتمتر تقريبا ... لا يحتاج الي ماء حيث يكفيه لتر واحد فقط و عند الشتل .... بمجرد تجهيز الأرض وانتهاء الشتل بصب الماء والكمية التى ذكرتها تنقطع علاقة المزارع بزراعته حتى يحين موعد حصاده ....

كيف ولماذا ؟؟!!
نبات التمباك لا ياكله اي مخلوق سواء كان حيوانا أو حشره، لذلك لا يحتاج المزارع الى حراسته او زريبه او سور يحمى زرعه.... . (يعني اشتل ونوم حتى الحصاد).. . الحشرات تبتعد عن مزارع التمباك وكذا الحيوان ، والغريب ان الإنسان لا يجرؤ على شق مزارع التمباك و السبب أن السموم التى تنبعث من هذه النباتات تقتل و تسبب ضيق التنفس... .
كيف يتم حصاد التمباك ؟عندما يستوي النبات ويحين حصاده , يستأجر أصحاب المزارع أناس متخصصون لهذا العمل وهي أصعب مرحله و الأكثر تكلفه لهم . والشخص الذي يقوم بقطف أوراق هذا النبات ينسلخ جلده بسبب حرارتها وكذلك يصاب بأمراض الأنف والعيون و الرئه ... يصبح جلد القاطف مثل من يعاني داء البرص ... . ثم يبدأ الجلد في نموه ليعود الى وضعه الطبيعي بعد فتره من الزمن وهكذا تدور الدوائر .
ثم ماذا ؟
تجمع الأوراق في مساحه صغيرة لا تتعدى ال 3 امتار او حسب الكمية ، ثم تضاف إليه بعض المحدقات ويقول ساخرا : مثل (الكتشب) و(البهارات) ، لكن لنري ماهى هذه البهارات ؟؟¿¡
هذه البهارات عباره عن صفق شجر (العشر), حيث يتم إضافة كميه كبيرة من أوراق العشر ولسببين هما إضافة نكهه وطعم حار إلى التمباك بجانب زياده كميتها .... و يجب أيضاً ان تعلموا ان العشر لا يأكله لا الإنسان ولا الحيوان .... ويستفاد من حطبه في الوقود والبناء وهي شجره ذات عصير أو محلول أبيض يستكرهه الناس . أما النوع التاني من المحدقات عباره عن فضلات الحمير أعزكم الله (الروث او الزباله ) . تجمع كميه كبيرة من هذه الزبالة وتطحن ثم تضاف الى أوراق التمباك . طبعاً هذه المحدقات تضيف طعماً ورائحه لذيذه(اي نفاذه) للتمباك ويجعل من يتفنن أكثر في تمباكه يكون رقم واحد او (العماري الأصلي) ...

التــــــخــــمـــــــيـــرة :
بعد تجميع ما ذكر (أوراق التمباك + روث الحمير + أوراق العشر ) في مكان واحد , يتم غطاء هذه الخلطه بفروع الأشجار والقش(الحشائش) والمشمعات وتترك لفتره طويله حتي تتخمر .... ويوم فتح هذه الخلطه المتخمره لا يستطيع أي مخلوق أن يقترب منها و لمدة لا تقل عن أسبوع ... . بعد إنقضاء الفترة يعبأ المحصول في جولات خيش ويتم ترحيله إلى مدينه الفاشر حيث يتم طحنه في مطاحن التمباك بمدينه الفاشر لصاحبها التهامي .... ثم يتم شحنه إلى مخازن أمدرمان خلف إستاد الهلال ليوزع إلى مناطق السودان الختلفة ....

ماذا يحدث للميت من متعاطي التمباك ؟
يقول شخص في عام 1991م كنت ملازما لعمي المريض بمستشفى الفاشر الكبير . إذ حل بالمدينه وباء السحائي الفتاك الذي يقتل الإنسان دون ان يمهله الشهاده ...
عندها فإن فزع قد أصاب الناس بالمستشفى لأنه في رأس كل ساعة يهرع بمريض سحائي , ومن باب الفضول كنا نذهب لنرى المريض و حالته ... سمعت الطبيب أو الممرض يسأل أهل المصاب إن كان يتعاطى التمباك . إذا كانت الاجابه (نعم) , يفرشون له كيس من النايلون لينام عليه ... سألت عن السبب , أخذتني إحدى الممرضات إلى شخص متوفي حديثا بالسحائي وقالت لي أنظر .... رأيت سائلا أسود اللون يتم افرازه من فم وانف المتوفى وقالت لي ان من يسف التمباك (تنبعث منه هذه الرائح الكريهة وكذلك السائل النتن من جسده ومن كل (فتحة) في جسده اعزكم الله ....
اقسم بالله العظيم رأيت ذلك السائل الأسود وبحسب كلام الممرضه سببه التمباك ....
والجدير بالذكر و أهم ما قاله الأخ :

طبعا أبناء دارفور لا يتعاطون التمباك إلا قليلا بل من النادر جدا أن تجد من يتعاطاه ويعتبر تعاطي التمباك في دارفور عيبا كبيرا , و السبب لأنهم يعرفون سر هذه الطبخه الخبيثة... اما المساكين الماعارفين شغالين سف ... و الواحد شلوفتو تلقاها مبرطه و خشمو معفن زي فتحة المستراح البلدي في سوق المواشئ ... للغاشي والماشي

[حاتم محمد بابكر جاداللة]

ردود على حاتم محمد بابكر جاداللة
Sudan [miedo] 10-26-2014 06:39 AM
موضوع هو سبب الموضوع عنوان المقال و كل المواضيع و شطحات العقلية السودانية المستمخة و النظارة...

Saudi Arabia [عيادي] 10-25-2014 04:24 PM
والله مقال جدير بانو يكون من ضمن العناوين الرئيسية بالراكوبة
شكرا يا ود جاد الله

[عصمتووف] 10-25-2014 04:14 PM
ما هو الفرق بينك وبين فلول المؤتمر وماعلاقة التنباك بالموضوع اعلاة بعدين انت مالك ان شاء الله الناسف تسف البراز والله عندكم جنس شلاقة وحشير عجيبة قاعد زي المشاطة تسرد في الحكاوي فلان قال علانة شافت في النهاية بنسف حتي لو هر البشير فية

[::: بــيـكو:::] 10-25-2014 03:36 PM
أول شي صلح الخطأ الإملائي السخيف في إسم الجلالة من (تاء تأنيث) إلى (هـ) الصحيح هو:( جاد الله).
نمرة إتنين; هسي الجاب التمباك هنا شنو؟!

انت نموذح للناس البتجي ناطة ساي وتلفح الكلام من نصو.


#1134381 [لا لا لا]
3.47/5 (11 صوت)

10-25-2014 02:10 PM
ومالوا لو العاصمة وديتوها الفاشر ده بلد السلاطين الذى امتزج فيه كل اهل السودان والله احسن مكان هى الفاشر عاصمة جديدة للسودان بدلا عن الخرطوم.

[لا لا لا]

ردود على لا لا لا
Saudi Arabia [دوساني] 10-25-2014 02:46 PM
لا يتسيغ الجلابة ان تنقل العاصمة الي اي مدينة في غرب السودان او الشرق


#1134373 [الجعلي الفالصو]
4.00/5 (3 صوت)

10-25-2014 01:52 PM
هل يصلح حسن طه ما أفسدته الإنقاذ ، ورقتك يا دكتور ليس فيها جديد هذا كلام مبتذل مكرر لاكته ألسن الناس حتى صار مسيخ الطعن لا رائحة له الوصف الحقيقية هي ذهاب الإنقاذ غير مأسوف عليها ، عندها سيتغير كل شيء دون الحاجة إلى أوراق أو مؤتمرات

[الجعلي الفالصو]

#1134371 [مغترب مفقوعة مرارتو]
3.00/5 (5 صوت)

10-25-2014 01:51 PM
السودانيون بدول المهجر .... اين دروهم في نماء واذدهار الاقتصاد
يا اقتصاديون .. اذا كان البلد فضت من البشر بسبب نظرياتكم الفاشلة
بتنظروا في منو تاني ؟؟؟؟؟؟

[مغترب مفقوعة مرارتو]

#1134366 [زول]
3.50/5 (5 صوت)

10-25-2014 01:44 PM
25 سنة الانقاذ تطبق فينا كل النظريات والتي تثبت فشلها
يوما بعد يوم وآخرها البرنامج الثلاثي لإنقاذ الاقتصاد
لن تنفع طالما ان الأولوية في تطبيق هذه السياسات للحزب
والمصالح الفردية حسبنا الله فيكم

[زول]

#1134365 [sudanniy]
4.00/5 (6 صوت)

10-25-2014 01:44 PM
ونقل العاصمة السياسية من الخرطوم إلى أي مدينة بالولايات (( سنار ))، إلى جانب إنشاء عاصمة تجارية فى سنكات بالبحر الاحمر و شحدة السيسى لتوصيل مياه مصر الى هناك وكهرباء الحبش وعمل منطقة صناعية كبيرة
وعملخط سكه حديد مزدوج من والى بورتسودان
استعملوا حميدتى وجماعته فى تفجير الجبال و فتح ممرات
على الاقل يتخصصوا فى المتفجرات
اصلوا جيش الانقلابات راح فى حق الله

[sudanniy]

#1134364 [زول اصيل]
3.27/5 (12 صوت)

10-25-2014 01:42 PM
رجعوها مدني زي ما كانت زمن الاتراك احسن مدني مدينة جميلة وهادئة وشعبها طيب وكريم ومضياف

[زول اصيل]

ردود على زول اصيل
Malaysia [mohamed kmal] 10-25-2014 10:33 PM
ياريت


#1134362 [ماجد]
4.44/5 (10 صوت)

10-25-2014 01:41 PM
انسب مدينة لتكون عاصمة هي اﻻبيض فهي تقريبا في مركز السودان جغرافيا

[ماجد]

#1134355 [Abumohamed]
3.75/5 (7 صوت)

10-25-2014 01:33 PM
انا مواطن سوداني و عمري تجاوز الستين عاما و لا اعرف اين قري؟

لماذ لا تكون مدني؟ او كوستي او بورتسودان او كسلا؟
الابيض سوق للمحاصيل كالفول و الصمغ و الماشية، الا تستحق ان تكون المدينة التجارية؟
البطانة اليس بها مدينة تستحق؟

النيل الازرق؟

اذا كانت هذه القرية في الشمالية فاسمحوا لي ان اسمي هذه الحكومة حكومة جلابة

ما تزعلوا لان كلمة مثلث حمدي لم تعد تكفي بالغرض.

[Abumohamed]

ردود على Abumohamed
[الدربكين] 10-25-2014 05:39 PM
قري معروفة تاريخيا وجغرافيا(بلد الطاقة الحرارية البتمد الخرطوم بالطاقة)

Sudan [سوداني] 10-25-2014 04:28 PM
ما بتعرف قري , يا حليلك ساقط تاريخ!.

[الدربكين] 10-25-2014 02:50 PM
قري التاريخ والجغرافيا. والكهرباء المنورة الخرطوم دي من وين يا عظمة


#1134343 [مندهش]
4.69/5 (7 صوت)

10-25-2014 01:18 PM
رئيس القطاع الاقتصادي بالحزب د. حسن أحمد طه هذا الرجل سوف يلحق الاقصاد السوداني امات طه

[مندهش]

#1134337 [Abo Obayda]
5.00/5 (20 صوت)

10-25-2014 01:01 PM
احسن تنقلوا العاصة الى ماليزيا و تشيلوا معاكم بنك السودان و بالمرة ترتاحوا مننا و نرتاح من خلقكم دي.

[Abo Obayda]

ردود على Abo Obayda
United States [Issam Fadul] 10-25-2014 05:47 PM
I definitely support your idea,(Abo Obayda) to relocate the capital to
Malaysia along with Bank of Sudan. You are so creative Abo Obayda. I like your idea.

Saudi Arabia [قري نفر] 10-25-2014 05:32 PM
والله يا ابو عبيدة حليت مشاكل السودان بيه زر واحد
عليك الله كان ما شحدتهم لي يشيلوا معاهم جمال فرفور وكمال ترباس وشيالنوا كمان
علشان نشم الهواء نظيف والغناء اصيل وبلا وجع قلب
تسلم يا حبيب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة