الأخبار
أخبار إقليمية
وزير المالية: انخفاض سعر الدولار بسبب سياسات الحكومة الأخيرة
وزير المالية: انخفاض سعر الدولار بسبب سياسات الحكومة الأخيرة
وزير المالية: انخفاض سعر الدولار بسبب سياسات الحكومة الأخيرة


10-28-2014 10:45 AM
البرلمان: سارة تاج السر
توقع وزير المالية بدر الدين محمود أن يصل معدل النمو في الناتج المحلي الإجمالي إلى ضعف المخطط له في موزانة العام ٢٠١٤، بما ينعكس إيجاباً في تحسن مستوى المعيشة وتخفيف العبء عن كاهل المواطنين. وأرجع محمود في تصريحات صحفية أمس عقب اجتماعه بنائب رئيس البرلمان سامية أحمد محمد، تحسن مؤشرات الاقتصادي في سعر صرف الدولار مقابل الجنيه وانخفاض معدلات التضخم التي بدأت تظهر في الاقتصاد الكلي الآن، للسياسيات الأخيرة التي نفذتها الحكومة مؤخراً وتنظيم المالية العامة والأداء النقدي والأداء الخارجي والبرنامج الثلاثي.
وتوقع محمود أن تقود المؤشرات الاقتصادية الى تحسن مستوى المعيشة، وفائض في الميزان التجاري لافتاً الى أن ذلك سيؤدي لاستقرار وتعافي العملة الوطنية مما يسهم في زيادة دخل البلاد عموماً وقال الوزير إن البرنامج الثلاثي حقق جزءاً معقولاً ومهماً من الأهداف تجاوز المرحلة السابقة من التحدي الكبير الذي واجهه الاقتصاد السوداني.

الجريدة


تعليقات 13 | إهداء 0 | زيارات 3873

التعليقات
#1136619 [مغبون]
1.00/5 (1 صوت)

10-28-2014 03:00 PM
سياسات شنو يا بو سياسات انتا انتو لو بتعرفو سياسه ولاعندكم نظرة او خطه كان وصلنا المرحله دى .. بعد اسبوعين حا ارجع 9200 تانى قوم لف بى سياسات بلا كلام فارغ معاك

[مغبون]

#1136589 [Abu elkhier]
1.00/5 (1 صوت)

10-28-2014 02:21 PM
أنا كنت أحسب أنا هذا الوزير يفهم أبجديات الإقتصاد بحيث أنه إذا إنخفض سعر الصرف فإن ذلك ينعكس على الواقع المعيشى بإنخفاض الأسعار ولكن إنخفاض سعر صرف الدولار الذى لايعقبه رخاء مافائدته ياوزير الغفله .

[Abu elkhier]

#1136576 [aemahdi]
1.50/5 (2 صوت)

10-28-2014 02:06 PM
تحسن مؤشرات الاقتصادي في سعر صرف الدولار مقابل الجنيه وانخفاض معدلات التضخم التي بدأت تظهر في الاقتصاد الكلي الآن،

هذا النزول في سعر الدولار وقتي و لا يحتاج الي محلل اقتصادي و السبب هو الاتي

1- ناس المؤتمر الوطني نزلوا الدولارات المخزنة عندهم للسوق و نزلوا بيها سعر الدولار لزوم الانتخابات
2- سوف يعاود الدولار الارتفاع بعد نهاية الانتخابات و اربطوا الاحزمة علي البطون لان صعود الدولار و اسعار المواد ح يكون صاروخي

يا وزير المالية شد حيلك اقدر سدد مرتبات العالمين بالدولة

[aemahdi]

#1136568 [محمد]
1.00/5 (1 صوت)

10-28-2014 01:54 PM
فى الاول الناس قالت الدولار نزل عشان اجازة العيد والمغتربين وهسه بتقولو انو عشان الموتمر بس انا بتخيل انو المضاربة فى الدولار انتهت ومابقى سلعة والظاهر انو فى معلومات موكدة انو فى قروش معتبرة خاشة البلد وانشاء الله بعد الحصاد الدولار حينزل زيادة

[محمد]

#1136551 [ممغوووووس 25 سنة]
1.00/5 (2 صوت)

10-28-2014 01:29 PM
ياتو سياسات مالية دي ورونا ؟
هل زاد الناتج القومي الاجمالي في يومين ؟
هل خليتو اللهط فجأة ؟
هل بقيتو اولاد ناس كده منكم ليكم؟
هل جاءكم الوحي ؟
هل جاتكم ليلة القدر كده في شهر اكتوبر ؟
الحاصل شنو ورونا ......

[ممغوووووس 25 سنة]

#1136540 [الانسان المثالي]
1.00/5 (1 صوت)

10-28-2014 01:20 PM
انخفاض اسعار الدولار في السوق الموازي نتمني ان يتبعه انخفاض في اسعار المواد الغذائية والسلع الضرورية للانسان السوداني البسيط ... ما مشكلة وما قضية مين السبب .. المهم الفائدة العامة و مصلحة المواطن السوداني البسيط فقط لكي يعيش ..

[الانسان المثالي]

#1136537 [حسكنيت]
3.00/5 (3 صوت)

10-28-2014 01:18 PM
إنخفاض معدلات التضخم دى ما بنصدقها ... إلا نشوفها فى ناس غندور وود الخضر ، الواحد وزنه 120 كيلو والشحم مدفق بالجنبات وكل يوم زايد ...( ديل بعدين وداللحد بتاعهم إلا تسوهو ود الإتنين)

[حسكنيت]

#1136534 [Ageeb]
1.00/5 (1 صوت)

10-28-2014 01:12 PM
مثل هذا التصريح (الكلام ساكت) يدلل بعمق على مشكلتنا الأساسية وهي أن أمورنا لا يديرها أهل الاختصاص. بالله في اقتصادي بقول كلام زي دا؟

[Ageeb]

#1136525 [سوداني]
3.00/5 (2 صوت)

10-28-2014 01:04 PM
ياناس الله يهداكم قولوا كلام يدخل العقل .... نزول الدولار سببه الوديعة القطرية الادخرتوها الى قرب مواعيد الانتخابات ... نفس العملتوهوا في الانتخابات الفاتت ... كلها اسبوعين تلاتة والوديعة تشطب ... وترجع ريما لقديمها ....
احترموا عقولنا اثابكم الله ... والعندو دولار ولا ريال احسن اليلموا عليه .. ويصبر شوية

[سوداني]

#1136517 [زول اصيل]
1.00/5 (1 صوت)

10-28-2014 12:57 PM
انخفاض الدولار على المستوى العالمي يقابله انخفاض في ممستوى المعيشه كيف الدولار ينخفض والاسعار زائده يوميا كيف يحدث هذا ؟ هذا كالمثل الذي يقول "" شملة كنيزر هي ثلاثية وقدها رباعي ""
واحب ان اورد بعض ما قله الشاعر الاندلسي الرندي :
لكل دور اذا ما تم نقصان فلا يغر بطيب العيش انسان
هي الامور كما شاهدتها دول من سره زمن سائته ازمان
اضيف اليها من عندي :
يا شعب من كان تحته دول منها الكنانة والتاريخ برهان
ايام حكم بعانخي واسرته فهي مملكة مكثت في الحكم ازمان
لا تقنطوا بني وطني فسوف ياتي يوم يكون للسودان به شأن

[زول اصيل]

#1136503 [ابو مصطفى]
3.00/5 (2 صوت)

10-28-2014 12:38 PM
شابككنا البرنامج الثلاثى البرنامج الخماسى ، والله انخفاض الدولار ما عندو أى علاقة بى برامجكم دى ، بس عندو علاقة واحدة وهو أنه انتوا البتشتروا الدولار من السوق الأسود(الموازى اسم الدلع) ووقفتوا الشراء فى مؤتمر حزبكم الفاشل الرابع (فهمت يا دبر الطين ولا لسع)

[ابو مصطفى]

#1136449 [د . الزهجان]
3.00/5 (3 صوت)

10-28-2014 11:28 AM
بسم الله الرحمن الرحيم. {وَإِنْ تُصِبْهُمْ حَسَنَةٌ يَقُولُوا هَذِهِ مِنْ عِنْدِ اللَّهِ وَإِنْ تُصِبْهُمْ سَيِّئَةٌ يَقُولُوا هَذِهِ مِنْ عِنْدِكَ قُلْ كُلٌّ مِنْ عِنْدِ اللَّهِ فَمَالِ هَؤُلَاءِ الْقَوْمِ لَا يَكَادُونَ يَفْقَهُونَ حَدِيثاً * صدق الله العظيم
.
هذه حكوتنا ولسان حالها ..عندما يرتفع الدولار ينسبونه للابتلاءات والعملاء والايدي

الخارجيه .وعندما ينزل الخير من السماء وينبت الزرع .ينسب للسياسات الرشيدة

للكيزان h

[د . الزهجان]

ردود على د . الزهجان
[زول اصيل] 10-28-2014 12:46 PM
كلامك صاح يا د. زهجان


#1136435 [المشتهي الكمونية]
3.00/5 (4 صوت)

10-28-2014 11:04 AM
انت يا وزير مالية السجم والرماد الدولار كان بي 10 جنيه وانخفض لي 8 جنيه ، كويس دا انجاز لسياستك يا شاطر ، طيب كيلو اللحمة كان بي 60 جنيه وأسة بي 65 ، أها فايدة انخفاض الدولار شنو يعني ، ان شاء الله الدولار يبقى بي قرشين ، شنو الفايدة ما دام الأسعار مرتفعة وكل يوم بتزيد ، الناس الغلابة الماعندهم دولار يسووا شنو ، الله يلعن فهمك

[المشتهي الكمونية]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة