الأخبار
أخبار إقليمية
أمين حسن عمر يشكك في نزاهة ترشيح البشير وينتقد طه ونافع
أمين حسن عمر يشكك في نزاهة ترشيح البشير وينتقد طه ونافع
أمين حسن عمر يشكك في نزاهة ترشيح البشير وينتقد طه ونافع


10-29-2014 01:50 AM
الخرطوم– من ناجي موسى
صادر جهاز الأمن السوداني، الثلاثاء، صحيفة "الصيحة"، بعد يوم واحد من معاودتها الصدور، ورجحت مصادر عليمة بأن يكون سبب المصادرة متعلق بحوار مع القيادي بالحزب الحاكم، أمين حسن عمر، الذي شكك في نزاهة إعادة ترشيح الرئيس البشير لولاية جديدة.

وعلق الأمن السوداني، في يوليو الماضي، صدور الصحيفة، بعد يوم واحد من معاودتها الصدور، عقب تعليق صدورها في 20 مايو الماضي بتهمة ارتكاب حزمة من التجاوزات والجنوح، بحسب الأمن.

وقال أمين حسن عمر في الحوار الذي أجرته معه "الصيحة" إن "النائب الأول السابق للرئيس والقيادي في الحزب الحاكم علي عثمان طه مارس إكراها معنوياً للتأثير على أعضاء الشورى والمجلس القيادي للمؤتمر الوطني من أجل ترشيح البشير".

وذكر أمين أن انتخاب البشير لم يكن نزيهاً؛ ووجه انتقادات حادة للرئيس وطه ونافع علي نافع وطالبهم بانتهاج الاصلاح الحقيقي، وقال: "نحترم الرئيس وطه ونافع؛ لكن الحق أقدم من الرجال وأفضل لنا مناصرة الحق على مناصرة الرجال".

ونقلت منظمة صحفيون من أجل حقوق الإنسان "جهر" عن مصدر مقرب من الصحيفة، قوله إن "مندوب جهاز الأمن حضر إلى المطبعة، وقرأ نسخة من العدد المطبوع، ثُمّ قرَّر مصادرة جميع الأعداد، دون إبداء إعلان حيثيات المُصادرة".

إرم


تعليقات 40 | إهداء 0 | زيارات 19985

التعليقات
#1137667 [عزيز]
0.00/5 (0 صوت)

10-30-2014 12:17 AM
د.أمين إن لم تقل كلمة حق طوال مشاركتك في الإنقاذ فهذا يكفي !!!!!!!!

[عزيز]

#1137653 [بابكر مكاوى]
0.00/5 (0 صوت)

10-29-2014 11:26 PM
تعليق معاوية عجبنى وكذلك ما اوردة منطقى عن المفكر الاسلامى الاستاذ محمود محمد طه ولكن اشك فى ما اوردتة الصيحة لان اخبار الطيب مصطفى تؤخذ بحزر قبل كدا نشر فى الانتباهة بالخط العريض ان القائد عبد العزيز الحلو قتل فى المعركة واكد الخبر وقال انة دفن فى جوبا ودا كلو كوم والمهم ان انتخابات الاسلامين ديل حتكلف مليارات ومخصصات مفوضية الانتخابات مليارات والشعب لا يتحمل هذا

[بابكر مكاوى]

#1137593 [الفاضل شمت]
0.00/5 (0 صوت)

10-29-2014 08:23 PM
امين ومجموعة من المتزمتين والعنجهية هم الذين ساندوا الانقاذ ومارسوا أسوأ الممارسات القذرة تجاه الشعب:اتذكر في بداية التسعينيات(1992) والانقاذ حديثة العهد، ونحن طلاب في الجامعة، كانت هناك ندوة في مجمع شمبات جامعة الخرطوم؛ تحدث فيها امين وحسين خوجلي والمرحوم محمد طه محمد احمد. وكان ثلاثتهم يبشرون بطرح الانقاذ الجديد والمشروع الحضاري ....... وأثناء المداخلات تحدث احد الطلاب ان الرذيلة موجودة في شوارع الخرطوم والدعارة مستشرية بعد ان كانت معروفة المكان اصبحت الآن تمارس في الشارع على حد قوله..... وهنا قام ثلاثتهم بممارسة الارهاب الفكري ضد هذا الطالب . وهددوه باقامة الحد عليه(حد القذف) والجلد والعقوبة المغلظة اذا لم يثبت ما يدعي..... ومنذ ذلك اليوم فهمت ان ممارسة وأفكار مثل هؤلاء الشراذمة هم سبب البلاء والإحن الذي أصاب البلد...وتأكدت أن البلد ماشة في هاوية ذات غرار سحيق.

[الفاضل شمت]

#1137549 [همت]
0.00/5 (0 صوت)

10-29-2014 06:17 PM
دي بلد يرفعوا ليها علم؟ مندوب من الأمن له سلطة مصادرة صحيفة سياسية كاملة والحجر على رأي صحفيين أكثر تأهيلاً ألف مرة من ذلك المندوب من مندوب جهاز الأمن؟ مندوب من جهاز الأمن له صلاحية تعطيل أرزاق كل العاملين بالصحيفة؟ فعلاً.... أجهزة الأمن القمعية هي الحاكم الحقيقي في الدول المتخلفة ... قاتل الله البشير ورموز نظامه كلهم وبالأخص قادة الأجهزة الأمنية

[همت]

#1137543 [الأزهري]
0.00/5 (0 صوت)

10-29-2014 06:07 PM
تصحيح: ليس له أي علاقة بالقانون والدكتوراة فلسفة ولا علوم سياسية ويمكن إكرامية من الاسلامية ما تستبعد.

[الأزهري]

#1137539 [الميت مغسة]
5.00/5 (1 صوت)

10-29-2014 05:54 PM
صورة مطابقة لس الرائعة الطيب صالح في عرس الزين اللي في النهاية طلع الزين ارجل راجل وعرس اجمل امرأة في القرية

[الميت مغسة]

#1137538 [حافظ الشيخ]
1.00/5 (1 صوت)

10-29-2014 05:51 PM
"وقال أمين حسن عمر في الحوار الذي أجرته معه "الصيحة" إن "النائب الأول السابق للرئيس والقيادي في الحزب الحاكم علي عثمان طه مارس إكراها معنوياً للتأثير على أعضاء الشورى والمجلس القيادي للمؤتمر الوطني من أجل ترشيح البشير".

ان قالها فعلاً فقد أهان الرجال و مسح بقاماتهم الوحل - و هذا كلام غير مقبول - و غير مسؤول- فقد انعتقنا من سحر الشيخ المتدثر بالتوقير المطلق- و لن يكون لمن بعده سحر - و قد ذهب الاسلوب الذي ذكر أدراج التاريخ لغير رجعة

[حافظ الشيخ]

#1137533 [منطقي]
5.00/5 (2 صوت)

10-29-2014 05:46 PM
لله درك يا استاذ يا كبير مفكري السودان ويا شهيد الفكر الله يرحمك ويحسن اليك
محمود محمد طه
“ومن الأفضل للشعب السوداني أن يمر بتجربة حكم جماعة الهوس الديني. وسوف تكون تجربة مفيدة للغاية. إذ أنها بلا شك ستبين لأبناء هذا الشعب مدى زيف شعارات هذه الجماعة. وسوف تسيطر هذه الجماعة على السودان سياسياً واقتصادياً حتى ولو بالوسائل العسكرية. وسوف يذيقون الشعب الأمرين. وسوف يدخلون البلاد في فتنة تحيل نهارها إلى ليل. وسوف تنتهي فيما بينهم. وسوف يقتلعون من أرض السودان اقتلاعاً.”

[منطقي]

#1137523 [علي باحش الدكوك]
5.00/5 (1 صوت)

10-29-2014 05:30 PM
يصنعون صنم العجوة، ثم يعدون فترة لالتهامها
خروج غازي صلاح الدين بدأت كثير من وسائط إعلام المؤتمر الترويج لفكرة أمين حسن مفكر وعراب ما تبقى من جماعة أسلاموية حاكمة ... فضحك بعض الأصدقاء كثيراً على فكرة أمين حسن عمر العراب والمفكر ... أحدهم قال يا أخي أمين حسن حديث زي الناس ما بعرف يتكلم غير التلمز ومحركة يكون مفرك وعراب كيف؟؟

[علي باحش الدكوك]

#1137503 [جركان فاضى]
4.50/5 (4 صوت)

10-29-2014 05:02 PM
انا اعتقد ان امين حسن عمر حاسبها صاح...فهذا الطفيلى المنتفع لايرمى بنفسه للانتحار بسهولة....هناك خلاف كبير من قيادات المؤتمر الوطنى على ترشيح البشير...وستكشف الايام ان الانقلاب على البشير سوف يحدث لامحالة قبل الانتخابات....وهذا النفعى امين حسن عمر اكيد انه مدفوع بقاعدة عريضة من قيادات المؤتمر الوطنى ليقول ما قاله فى البشير

[جركان فاضى]

#1137478 [معاويـــــــــــــــــــــــــــــــــــــة]
4.77/5 (7 صوت)

10-29-2014 04:20 PM
يا اخوانا مسؤلين من الخير وين الهمباته ناس سبدارت واسماعيل الحاج موسى والزهاوى وبدرية سليمان ام كحل واحمر شفايف والعنقاله ديل طبعا بجو بعد الموية ما تروق يجو محدين عمم وتكون الصوانى جاهزة للاكل يدخلو يحيو الرئيس ويباركو ليهو ويقولو ليهو نحن تحت الخدمه ياريس يقوم يتفضل الريس ب وزاره وزارتين طبعا الحاج موسى دائما مطاطى راسو ل تحت وجاهز ل كلمة حاضر عشان من اول تشكيله يملا خشمو ب وزاره والله رئيس لجنة عدل او برلمان والله فى حياتى انا ماشفت بشر زى ده يعنى كل سوءات الدنيا فيهو الدناءة والرزاله والطفيليه ومسح الجوخ المهم ياكل لو مملحه ب خره زاتو وديل هم افة السودان الحقيقيه سبدرات قال للترابى اولادى الصغار ديل جبتهم ليك هنا مخصوص عشان يا خدو القبول منك ويعاهدوك على الجهاد نحنا ودرنا زمنا كلو مع الشيوعية وهسع باقى عمرنا ده عاوزين نقضى فى الانقاذ دى طوالى بكره طلع قرار بتعيينه وزيرا للشئؤون القانونية بالقصر الجمهورى لكن ود الحاج موسى ده طبعا متعلم الرمرمه من ايام نميرى جابو من الجامعه طوالى وزير دولة للاعلام اول يوم لبس وفرحان زى ود الطهوره طبعا تعينو بواسطه اخوه عمر الحاج موسى وزير الحكم المحلى فى حكومة نميرى
فهذا هو حال السودان والساقية لسع مدوره ......................................

[معاويـــــــــــــــــــــــــــــــــــــة]

#1137440 [السنبرية]
5.00/5 (1 صوت)

10-29-2014 03:10 PM
ياخوانا يا مناتلين
حبيبنا الريس دا لو مشى البيحكم البلد دي منو؟؟؟؟ الترابي ولا الصادق و لا الميرغني؟؟؟
ياناس انتوا ما نصاح؟؟؟؟
جنا تعرفوا و لا جنا ما تعرفوا
الاسد النتر دا
حررررررررم غيروا مافي زول بيحكمكم و يقعدكم في علبكم
و بغم ما تقولوهو

[السنبرية]

ردود على السنبرية
Sudan [همت] 10-30-2014 06:59 PM
السمبرية تظهر جمبك عاقلة يا سنبرية

Libyan Arab Jamahiriya [سجمان] 10-30-2014 01:01 AM
قالو السمبريه بتاكل العيش بالدس لكن سمبريتنا دي بتاكل العيش عديل كده

[koko] 10-29-2014 09:28 PM
امسك قوى يالسمبرية فى المشير البعير

Saudi Arabia [اسامة] 10-29-2014 06:23 PM
والله صحي سنبرية ..!!!

Saudi Arabia [واحد] 10-29-2014 05:43 PM
و الله صحي سنبرية


#1137366 [المندهش]
3.50/5 (4 صوت)

10-29-2014 01:15 PM
كمل نخنختك وكت النحنحه قرب

[المندهش]

#1137309 [عثمان كريم]
4.32/5 (5 صوت)

10-29-2014 12:06 PM
السؤال أمين حسن عمر جاب الرجالة دي من وين ؟ والله خلاص قِنِع ؟

[عثمان كريم]

ردود على عثمان كريم
United States [ِِAbu S hihab] 10-29-2014 07:35 PM
ما تنسي انو كان من كوادر الحزب الشيوعي السوداني يعني لسع فيه حركرك من الروح.


#1137283 [فيصل أحمد عمر أحمد الرياض]
3.00/5 (2 صوت)

10-29-2014 11:46 AM
فالتصادر الصحيفه درءا للفتن وقد اصبح البشير رئيسا لمده اخرى حقيقه لا جدل فيها

فااهلا بك ياسياده الرئيس ووفقك الله لما فيه خير السودان واعانك الله وسدد خطاك

والله اكبر والله اكبر والله اكبر

[فيصل أحمد عمر أحمد الرياض]

ردود على فيصل أحمد عمر أحمد الرياض
Saudi Arabia [مهاجر رغم انفي] 10-29-2014 06:42 PM
يافيصل ...اعمل ناااايم,,والا أقول ليك:قووووووم لف

Saudi Arabia [في وشك] 10-29-2014 05:54 PM
دلدول

[جركان فاضى] 10-29-2014 04:48 PM
الاخ ياسر الصافى تحية طيبة...هناك نسبة عالية من السودانيين الذين ادمنوا الغربة فى السعودية يحبون البشير بشكل لايصدق...وللاسف الشديد ليسوا من عديمى الكفاءة او ناس لبس العراقى...انهم مؤهلون فى عملهم لكن رؤوسهم خاوية ثقافيا
طيب خلينا من ناس العراقى واهل البادية...ما رأيك فى سوار الدهب ابن ام درمان...بلد الحضارة والفن والجمال كما يدعى اهلها...سوار الدهب كان رئيس لجنة اعادة انتخاب البشير ابان الانتخابات الماضية.... وحيكون كذلك فى هذه الانتخابات...بس مش لابس عراقى

Saudi Arabia [فيصل أحمد عمر أحمد الرياض] 10-29-2014 03:52 PM
ياسر الصافى اكتب زى ما عايز وانت لاتعرفنى ولا اعرفك لكن تاكد لو عرفتك يوم

او قابلتك (سدها قوى) اليوم داك جنكاب جد ياود المره

[زول نصيحه] 10-29-2014 03:21 PM
ياجماعه ما تحنبكوها شديد فيصل دا شكلو بدور فيكم لانو مافى زول عاقل بقول كلام **** زى دا فى موقع محترم زى الراكوبه بتلم الشرفاء اللذين لن يتنازلو من غاية هذا النظام المهترئ

United States [ابو البشر] 10-29-2014 03:14 PM
والله يا فيصل الرد عليك مضيعه للزمن

Sudan [ياسر الصافى] 10-29-2014 01:41 PM
اراك مسمى جدك الرياض هل هو اسم جدك الحقيقى , ام انه تيمنأ باولياء نعمتك من السعوديين , فالشكر لهم السعوديين فلقد خدموا السودان اكبر خدمة , السعودية يعتاش منها الالاف من السودانيين عديمى الكفاءة والموهبة ضعيفى التاهيل الذين لولا السعودية لكانوا اليوم فى حالات مزرية فى اوطانهم , وانت منهم , وهل يوجد فى العالم بلد يمكن ان يعمل فيه انسان ويحصل على ما يكفى له ليعيش من مهنة راعى غير السعودية , وهل يوجد بلد فى العالم يمكن لقروى ساذج لم يعرف فى حياته غير لبس (العراقى) واكل ملاح الويكة ان يجد فيه وظيفة غير السعودية ؟ انهم مثالك انت عديم المعرفة وعديم التاهيل وعديم الموهبة .

United Arab Emirates [كرم الله زعوط] 10-29-2014 01:32 PM
لا اهلا ولاسهلا بهذا الحقير المسمى البشير ولا اعانه ولا وفقه .. وله حق البشير يحكم السودان 25 عاماوينوي ان يحكم 5 اخرى مادام المثلك من الهبنقات والدلاديل يرون فيه خير للسودان !! عجبي هل انت نفعي ام معتوه؟

Saudi Arabia [جعفر النميري] 10-29-2014 01:09 PM
لا نريد جدال ، فقط سؤالان على دعواتك للبشير بالتوفيق والسداد، هل وفّق خلال 26سنة؟؟ وهل سُددت خطاه خلالها ؟؟ إن كانت الإجابة نعم أرجو الإفصاح عن ذلك . وإن كنت ممن يستفيد من حكم البشير ، فاتق الله في حق الشعب الصابر والقابض على الجمر ..

United Arab Emirates [نور الدين محمد عوض] 10-29-2014 01:04 PM
أتخشون الفتنة أم تشخون كشف الحقيقة ؟؟؟
وهل المصادرة تلغي الحقيقة ؟؟؟
وهل البشير الإنقلابي في حاجة إلي إنتخابات ليكون رئيساً ؟؟؟
وأين كنت يا ( فيصل الرياض ) عندما كان صاحب ( الصيحة ) يشعل الفتن من أجل أن يرحل الجنوب مبتوراً بلا عودة ؟؟؟
( وففك الله لما فيه خير السودان ) فقط لمعرفة خير بشيرك للسودان أرشدك لقراءة مقال الفاتح جبرة قبل يومين بعنوان ( الدجاجة و الأنسولين )
فإن لم تدمع عينك فعليك مبراجة إدارة الجوازات للتحقق من جنسيتك .
( وسدد خطاك ) وهل الطريق الي الهاوية في حاجة إلي دعاء !!!

Sudan [ابوعديلة المندهش] 10-29-2014 12:57 PM
والله ياشيخنا أنت مثل الصديق الجاهل ,البس كلامك هذا أستباق للنتائج التى هى فى رحم الغيب و هو بمثابة اعلان للتزوير الذى سيأتى برئيسك عمر البشير لسدة الحكم مرة أخرى ؟
نفاق رخيص .


#1137282 [[email protected]]
4.50/5 (4 صوت)

10-29-2014 11:45 AM
تستاهل يامنافق البشير مالو علمكم تاكلو الجراد والكلاب وانت اولهم طييير بلا ياخدك

[[email protected]]

#1137277 [radona]
5.00/5 (1 صوت)

10-29-2014 11:39 AM
كما هو واضح رغما عن السؤ البالغ الذي لازم مخرجات مؤتمر المؤتمر الوطني
ومع ان الشعب هو الخصم والعدو الاول للمؤتمر فهة غير معني بما يحدث تماما فقط كل ما يهم هو الاموال الطائلة التي صرفت على هذه المؤتمرات والبلد تعاني من انهيار اقصادي حاد
هل سيمضي هذا السيناريو البائس الى اخره حتى اجراء الانتخابات ام سيوقف الشعب السوداني هذه المهازل ليواجه القبضة الامنية هذه بالارادة لانه من الواضح ان النظام بدا يتآكل من الداخل وبدات اصوات تصدح بالحق من داخله والاحزاب المعارضة في سبات عميق بيات شتوي مبكر

[radona]

#1137275 [Productive Urbanization for One Nation]
4.50/5 (4 صوت)

10-29-2014 11:38 AM
01- يبدو أنّ الدكتور القانوني ... أمين حسن عمر ... قد أصابته صحوة الضمير ... التي أصابت المهندس الطيّيب مصطفي ... فأنتجا وأخرجا ... مع غيرهما ... من إخوانهما ... هذا الحوار المُثير للجدل ... والخطير على مؤتمر كيان إخوان الحمير ... لأنّه إمتداد لتمرّد حقيقي على سلطان ... مُرشد وقائد ماسونيّة كيان الإخوان ... العسكريّة الأمنجيّة الشرطيّة ... البلاطجيّة الإستباحيّة الإجراميّة الحراميّة ... المُحتلّة لدولة أجيال السودان ... ؟؟؟

02- أمّا النائب الأول السابق للرئيس والقيادي في الحزب الحاكم... المحامي علي عثمان محمّد طه ... فقد مارس إكراها معنويّاً للتأثير على أعضاء الشورى والمجلس القيادي للمؤتمر الوطني ... من أجل ترشيح البشير ... لرئاسة المهوريّة الإنقلابيّة الثالثة ... تنفيذاً لتعليمات المرشد الإخواني الماسوني الحرامي الإجرامي الهمباتي ... ليس إلاّ ... ومن ثمّ تقنين ذلك الإنقلاب ... وتلك الهمبتة ... عبر تبديل ... وليس فقط تزوير صناديق الإقتراع ... عُنوةً وإقتداراً ... بواسطة أجهزتهم العسكريّة الأمنجيّة الشرطيّة الإستباحيّة ... ذات الأطيان والولايات المتعدّدات ... المتمتّعات بكلّ السلطات التشريعيّة والتنفيذيّة والقاضائيّة ... والإستثماريّة والجبائيّة ... وأصحاب مطبعة العملات السودانيّة ... والمُستلمين للديون والإغاثات والممنوحات ... والمحتكرين للذهب والمحروقات وكلّ الثروات ... ؟؟؟

03- يعني يا دكتور أمين حسن عمر ... كلّما أصابت العسكري البشير صحوة ضمير ... يتعرّض إلى جرعات تنميطيّة ... من بنات أفكار الشبخ على فنطازيّة ... محاية وبخور وشخارم بخارم ... وكلام خارم بارم ... وإبتلاعات بالوعيّة ... وتخويفات بالجنائيّة ... وتنكّرات وتمنّعات وتهرّبات وتدبيرات قانونيّة ... ومغالطات فهلوانيّة ... ومن ثمّ يلبّي طلبات مرشد الطريقة الماسونيّة ... لكن إلى متى ... والذين يدفعون الثمن هم الرعيّة ... أصحاب أطيان وثروات دولة الأجيال السودانيّة ... ؟؟؟

04- هل من صحوة ضمير ... يا سعادة البشير ... أعني لماذا تتمرّد ... يا سعادة عسكري السودان ... على ديمقراطيّة دولة أجيال السودان ... ولا تجرؤ أن تتمرّد ... مرّة واحدة في خاتمة حياتك المهنيّة ... على سلطان ... أو خلائفيّة مُرشد الإخوان ... العالميّة ... المُمَوّلة بالثروات السودانيّة ... مقابل تجويع وإذلال ... إنسان دولة الأجيال السودانيّة ... ؟؟؟

05- من فضلك يا سيّد عمر حسن أحمد البشير ... يا سعادة القائد العسكري الكبير ... إتلحلح شويّة ... ما تنبهط ساكت ... وتقول أنا عسكري نفر ... ومطارداني المحكمة الجنائيّة ... وركابيني واجعاتنّي وحنجرتي مسرطنة ... والمرتين هلكنّي ... وتتوهم ساكت تقول أنا خلاص كبرتا وعجّزتا ... يا أخوي إنت لسّع شاب ... بطّل الوهم ... وتوكّل على الله ... وأمشي لي أخوك سلفاكير ... بأمر الخرّيجين السودانيّين ... وبأمر الخصوصيّات الإداريّة السودانيّة ... ونادوا أخوكم رياك مشار ... وعمّكم الصادق المهدي ... وكلّ الجادّين الحريصين العازمين المعنيّين بمصلحة أجيال السودانيّين ... وبعدين حدّدوا ودقّقوا وتأكّدوا وما تجاملوا ... ومن ثمّ سلّموا كُلّ المجرمين الحقيقيّين للمحكمة الجنائيّة ... لأنّهم هم المجرمون الحقيقيّون ... الذين إجترحوا الجرائم الجنائيّة ... والإستباحات الوقائحيّة ... في كُلّ أنحاء دولة الأجيال السودانيّة ... تنفيذاً لتعليمات ... مرشد قاعدة الطريقة الإخوانيّة الماسونيّة ... الخلائفيّة العالميّة ... وليس تنفيذاً لتعليمات رئيس الوزراء ورئيس مجلي رأس الدولة في النظام الديمقراطي ... ولا تعليمات رئيس الجمهوريّة الإنقلابيّة ... الجنوبيّة أو الشماليّة ... أو التي كانت واحدة ... وشوفوا لينا طريقة ... لإعادة تحرير دولة أجيال السودان ... من براثن هذا الكيان ... الوقح ... وإعادة توحيدها ... وإعادة هندستها وبنائها ... لمصلخة كُلّ أجيالها ... وبكلّ عقول ... وكًلّ سواعد ... وكُلّ أموال ... وكُلّ إمكانات ... وكُلّ علاقات ... دولة أجيال السودان ... بعدين فكّروا في قضايا وكيفيّة المساهمة الإيجابيّة ... في الكونفيدراليّة النيليّة الذكيّة الجدوائيّة ... ثمّ في قضايا وكيفيّة المساهمة الإيجابيّة الذكيّة ... في الكونفيدراليّة شرق الأوسطيّة ... الجدوائيّة الذكيّة ... ؟؟؟

06- ولكنّ ذلك يقتضي ... بالضرورة ... أن يضطّلع الرئيسان العسكريّان ... البشير وصاحبه سلفا كير ... بإبتكار وتنفيذ طريقة ذكيّة وجدوائيّة ... لإعادة كُلّ الأموال السودانيّة ... لخزينة دولة الأجيال السودانيّة ... وتطبيع الحياة السودانيّة ... في المجالات الماليّة ... وفي إدارة وتوفير كلّ المقوّمات الإنتاجيّة ... ومعالجة الخدمة المدنيّة والعسكريّة والإستثماريّة ... من كلّ الأمراض التميكنيّة ... وترئتها من كُلّ الأغراض الإخوانيّة الماسونيّة ... الخلئفيّة العالميّة ... التي أرهقت إقتصاد دولة الأجيال السودانيّة ... التي كانت عملتها ذهبيّة ... ولسوف تكتسب عافيتها الإنتاجيّة ... الترحيليّة ... التصديريّة ... التسويقيّة ... ولسوف تعود إليها طاقاتها البشريّة الإختصاصيّة ... التي شرّدتا المافيا الماسونيّة الإخوانيّة ... وعطّلتها قبل أن تتخرّج في الجامعات السودانيّة ... الحكوميّة والإستثماريّة ... بذرائع أكاديميّة غير حقيقيّة ... وبذرائع سياسيّة غير حقيقيّة ... وبأساليب منهجيّة ... وبتعريب المراجع ... بغرض توفيرها للكوادر الماسونيّة ... ليس إلاّ ... ؟؟؟

07- التحيّة للجميع ... مع إحترامنا للجميع ... ؟؟؟

[Productive Urbanization for One Nation]

#1137261 [الكاره المفسدين]
4.50/5 (4 صوت)

10-29-2014 11:17 AM
الحمد لله الذي لم يجعلني إنقاذيا وكفى

[الكاره المفسدين]

#1137247 [ساري]
5.00/5 (2 صوت)

10-29-2014 11:08 AM
التسوي يوم تلاقاه قدامك زي خراك مابيفوتك يا امين حسن عمر
هي نخنخه وبس ماخفيه اعظم

[ساري]

#1137230 [د .الزهجان]
5.00/5 (2 صوت)

10-29-2014 10:50 AM
يعني الناس دي بكت من كلام علي طه وخوفو علي الرئيس من العطال وكثرة السوال

ياخي كان تقوم انت تنخنخ واحكي حال السودان اكيد حا ينسو كلام طه لان امخاخ هولاء

بتمشي على اخر كلام كالاغنام بل اضل h

[د .الزهجان]

#1137224 [صلاح كرار]
4.50/5 (4 صوت)

10-29-2014 10:46 AM
البشير أثبت أنكم كلكم كومبارس وفعلا طراطير وتمومة جرتق . والبفتح فمه ياخد بالجزمة في وشه.

[صلاح كرار]

ردود على صلاح كرار
[محمد] 10-29-2014 11:12 AM
أنت اول من اعطوه وسيعوه على وشه يا كرار بتاع الدولار


#1137191 [ملتوف يزيل الكيزان]
4.25/5 (3 صوت)

10-29-2014 10:20 AM
يا ناس ده شغل عصابات عديل ، ما يفهمو الا الزول المعاهم ، يتصالحو و يتكاتلو ويتناسبو في حلقه مفرقة ، تشتيت كور ولها كذبة (انت امشي السجن و انا امشي القصر).
الوطن ينزلق من بين ايدينا ، من له ذرة وطنية فاليعمل على تكوين خلايا المقاومة بحية.
البشير قال انا جيت بالبندقية و ما بترك الحكم الا بالبندقية.
عليكم بحرق بيوت الكيزان وكلاب الامن.

[ملتوف يزيل الكيزان]

#1137186 [سوداني]
1.00/5 (1 صوت)

10-29-2014 10:14 AM
يا جماعه امين قال في لقاء تلفزيوني بعد ترشيح الرئيس البشير عندما سئل قال كل الاراء بعد قرار المؤتمر بترشيح البشير لا معني لها لانه قد صدر القرار بالغالبية الكلام التاني امين قال وامين قال دا مجرد ونسة ساكت

[سوداني]

#1137156 [mohamd]
3.00/5 (2 صوت)

10-29-2014 09:43 AM
تمرد جديد والجاي اكبر

[mohamd]

#1137152 [البدرنجي]
5.00/5 (2 صوت)

10-29-2014 09:40 AM
اهلي الطيبين المسحوقين
في المدن والحواري والارياف اناشدكم بقلب مفجوع وعين دامعه
ان تقاطعوا مايسمي بالانتخابات وصناديق الغش والخج
من اجل الاجيال القادمة واطفال الشوارع
ودمتم
اخوكم في الله

[البدرنجي]

ردود على البدرنجي
[جركان فاضى] 10-29-2014 04:53 PM
يا اخى قول 90% من الشعب قاطع الانتخابات...طيب ال10% سيصوت الواحد منهم 10 مرات... يعنى نسبة تصويت ال10% سوف تكون 100%...يا البدرنجى يا اخوى احسن ليك تتعلم الفن


#1137076 [كبسول]
5.00/5 (8 صوت)

10-29-2014 08:45 AM
وذكر أمين أن انتخاب البشير لم يكن نزيهاً؛ ووجه انتقادات حادة للرئيس وطه ونافع علي نافع وطالبهم بانتهاج الاصلاح الحقيقي، وقال: "نحترم الرئيس وطه ونافع؛ لكن الحق أقدم من الرجال وأفضل لنا مناصرة الحق على مناصرة الرجال".
امين حسن عمر كان مستميتا في الفاع عن الانقاذ لدرجة لوي عنق الحقائق وتغيب المنطق وهاهو اليوم بعد عزله ينتقد في الانقاذ مما يدلل علي انه رجل نفعي لا مبدا له ولا ايمان شانه شان كل الجماعة ....تحسبهم جميعا وقلوبهم شتي
اللهم فرق شملهم واشغلهم بانفسهم واجعل كيدهم في نحرهم

[كبسول]

#1137073 [قرقوش]
4.46/5 (7 صوت)

10-29-2014 08:41 AM
لما لا يذهب مندوب جهاز الأمن الي القضاء ان كان يري بأن هناك ما يمس الأمن القومي بالصحيفة بدلآ عن اسلوب الغاب و المصادرة بعد الطبع مما يزيد حنق و غضب الشارع تجاه الممارسات اللا اخلاقية و لا دينية

[قرقوش]

#1137070 [ود الركابي]
5.00/5 (5 صوت)

10-29-2014 08:39 AM
ياشيخ امين كلامك وتصريحاتك دي كلها مامنها فايده اتلم علي عيالك ومشاريعك ولم لسانك عليك علشان كلها كم شهر ويشوفوا ليك منصب اومهمة جديدة . لكن بالطريقة دي حاينسوك .. اذا عاوز نصيحة بالمجاني .. اتخارج كب الزوغة تسلم ..

[ود الركابي]

#1137061 [عمران الجد]
4.98/5 (8 صوت)

10-29-2014 08:29 AM
اللهم أجعل كيدهم في نحرهم . وأمين حسن عمر زعلان عشان شركاته التجارية ما لاقية أعمال ومحاصرة من البنوك الدائنة والدكتور غندور عامل مطنش وما سامع صيحات واستغاثات أمين حسن عمر. ومن بكاي لي بكاي يا إنقاذ لا تحزني

[عمران الجد]

#1137060 [hassan]
4.63/5 (5 صوت)

10-29-2014 08:28 AM
عندما يختلف اللصان يتم القبض

علي الحرامية

فهل يا تري تغرق المركب بمن فيها

حسب السير التاريخية فان ما يحدث

مؤشرات لسقوط نظام الانقاذ لانه لا يقوم

علي مبادي ولا يجمع بينهم شئ غير المصالح

وعندما تكون مصالح البعض في خطر

فان النظام برمته يكون في محل الخطر والسقوط

ننتظر ونري نهاية مسرحية المصالح المتضاربة

[hassan]

#1137057 [ممغوص من الإنقاذ]
4.50/5 (4 صوت)

10-29-2014 08:26 AM
يحكى أن مرفعيناً إعتاد على الظهور مساء كل يوم ومهاجمة حيوانات القرية الأليفة من خراف وأغنام ودجاج وخلافه وفي كل مرة كانت الحيوانات تجري أمامه ويقوم بمطاردتها حتى مشارف القرية ويصطاد منها ما تيسر له.وفي إحدى المرات وكالعاده ظهر المرفعين وقامت كل الحيوانات بالجري السريع ما عدا إحدى الماعز وقفت ولم تلوذ بالفرار إقترب المرفعين منها ولكنها لم تتحرك ..هنا استشكل الأمر على المرفعين ولم تصدق عيناه ما يرى فقرر أن يقطع الشك باليقين فأحدث زمجرة عالية وكشر عن أنيابه وهنا ما كان منها الا أن وقفت شاهرة قرنيها إستعداداً لقتاله ونطحه وهنا زادت دهشة المرفعين وتبسم ضاحكاً لما يرى وقال يا ربي الغنماية دي جنت ولا شنو؟
ونحن بدورنا نقول لأمين حسن عمر.....يا ربي أمين ده جنّ ولا شنو؟

[ممغوص من الإنقاذ]

#1137044 [الطاهر]
4.75/5 (4 صوت)

10-29-2014 08:15 AM
سلام
عندما توشك السفينة على الغرق تتقاذف الجرذان هربا منها " حكمة كيزانية ".بس الجرزان مابتنط ساكت في البحر بتشوف ليها قطعة خشب تنط فيها مثلا الافندي محاضر ومقيم ببريطانيا، غازي كون حزب سياسي، حسين خوجلي عندو صحيفة وقناة وكراع برة وكراع جوة، فيا أمين ما تنط ساكت شوف ليك حاجة اتلح فيها عشان ما تغرق قبل السفينة!!

[الطاهر]

#1137042 [حسام عمر]
5.00/5 (5 صوت)

10-29-2014 08:07 AM
هسي عرفت يا امين تتهنجكو علي الشعب السوداني الفترة دي كلها احسن لك امشي سوي ليك حزب براك سميهو حزب الحردانيين

[حسام عمر]

#1137029 [جعبوري]
4.75/5 (3 صوت)

10-29-2014 07:45 AM
هههههههههههههههههههه امين حسن عمر وصلت بيهم التخمه السياسيه في بواكير الانقاذ انهم بجيبو الفنانين وانتقدو فيهم في التلفزيون حول حرمة الغناء بقزقزو بيهم ههههههههههههههههههههههههه خليك في حرمة الغناء من حرمة ترشيح الرئيس لقد انتهي بهم الامر فيما بينهم وسوف يقتلعون من السودان اقتلاعا قريبا

[جعبوري]

ردود على جعبوري
Sudan [جمال] 10-29-2014 10:03 AM
وفى نفس الوقت الذى يتحدثون فيه عن حرمة الغناء وأيهما اكثر سترة التوب السودانى ام الطرحة ام العباية المحزقة ،،، تجدهم يدورون المشروبات الكحولية بعد فراغهم من مثل هذه القعدات ،،، منتهى التناقض فى سلوك الكيزان


#1137012 [امريكي]
0.00/5 (0 صوت)

10-29-2014 06:58 AM
ضاع السودان علي أيادي هؤلاء الشرزمة

[امريكي]

#1136990 [سوداني ود بلد]
5.00/5 (2 صوت)

10-29-2014 05:51 AM
ياامين حسن عمر وانت تشكك في نزاهة ترشيح البشير , اقول لك انك آخر من يتكلم عن النزاهةأنت والبشير ومن رشحه, ام نسيت كلامك في اللقاء التلفزيوني ودفاعك عن والي الخرطوم في قضية فساد الآراضي عندما قلت "انتو عايزننا نجيب مسؤل كبير ونحاكمه"
يا امين حسن عمر انت الآن فقط صرت تتكلم عن النزاهة بعد ان تم ابعادكم من المجلس القيادي للمؤتمر الوطني , ولعل هذا يجعلك تقتنع بأن حزب المؤتمر الوطني لا يؤمن ولا يطبق اي ديمقراطية او نزاهة او خلافه من منهج وسلوك الأحزاب التي تؤمن بالرأي والرأي الآخر والتداول السلمي للسلطة من خلال انتخابات حرة ونزيهه.

[سوداني ود بلد]

#1136967 [الشايقي]
4.94/5 (17 صوت)

10-29-2014 04:00 AM
الحق دي عرفتو الليلة يادوب تنخنخ ليك 25 سنة

[الشايقي]

ردود على الشايقي
Sudan [على] 10-29-2014 09:19 AM
تعليق رهيييييييب يا الشايقى


#1136965 [سائل سبيل]
4.75/5 (11 صوت)

10-29-2014 03:55 AM
طيب الشورى لزومة إيه إذا كان إنسان واحد يمارس صغط معنوي على الغالبية. نفس هذا الكلام كانوا يقولونه عن حسن الترابي أنّه يؤثر على أراء الناس في مجلس الشورى. إذن المشكلة في هذه الغالبية الإمعة وليس في الفرد الذي يؤثر عليها لأنه ببساطة يمارس دوره فيما يراه صواب. المشكلة في أن تكون الغالبية مجموعة طراطير لا أن يكون فيها شخصية مؤثرة

[سائل سبيل]

ردود على سائل سبيل
[جركان فاضى] 10-29-2014 05:06 PM
مش طراطير يا عزيزى سائل سبيل...هناك حسابات مصالح ومنافع ومكاسب ومراكز...الخوف من اللخبطة تضيع كل هذه المكتسبات...يريدون ان تستقر الامور حتى لاتضيع المصالح وتضيع معها الانفس كذلك

Saudi Arabia [سيف الله عمر فرح] 10-29-2014 09:20 AM
عزيزى سائل سبيل
كلامك هو عين العقل ، نعم الغالبية مجموعة طراطير ، ونفعيين وانتهازيين مستعدين ياكلوا فى جميع الموائد ، لا يفرقون بين الحلال والحرام ، ولا يأبهون بقيم مكارم الأخلاق .

أمين حسن عمر ، خلال 25 سنة لم يكتشف حكمة ( أن الحق أقدم من الرجال ) ، وكان ضارب مثل هذه الحكم بالجزمة . ما بدره منه اليوم ، هو رمية من غير رامى ! ، تصريحه عبارة عن عترة لسان غصبآ عنه !! .
أمين ده ، كان وين عندما تم اعدام مجدى وجرجس ، واركانجالدو ؟ .
أمين ده كان وين ، عندما تم ممارسة فقه التحلل من المسروقات والفساد فى مكتب والى العاصمة دكتور عبدالرحمن الخضر ؟ .
أمين ود حسن ود عمر ، كان وين عندما تم إغتيال أكثر من 200 شاب وشابة فى سبتمبر 2013م بالعاصمة المثلثة ؟ .

اتوقع أن يبلع امين حسن عمر تصريحه هذا ، بعد مضى أيام ، حينما يتم هبش منافذ موارده المتعددة هنا وهناك !!!! ، حرصه شديد على الدنيا، وخوفه أشـد من أن يرجع حاله كمواطن عادى زى ما كان قبل الانقاذ !! .
سبحان الله عشنا وشفنا أمين حسن عمر يتحدث عن ( أن الحق أقدم من الرجال ) ، والله العظيم لو ما كنا بنعرفك يا ود حسن ، وخبرناك خلال ربع قرن ، كنا قد صدقنا كلامك هذا ، كنا صفقنا لك ، وكانت نساؤنا زغردن لك ! . ولكن ........! .


#1136944 [شي]
2.91/5 (7 صوت)

10-29-2014 02:39 AM
عندما تكتب صحيفة شيخ المفسدين عن الفاسدين وتصادرها الاجهزة الامنية الكيزانية تعرف أنك في مسرح الا معقول مع ممثل واحد وده البسموه one jack for all

[شي]

ردود على شي
United States [sas] 10-30-2014 12:15 AM
انا ما قاصد اي حاجة يادجانقو بس هي One Man Show

Sudan [عبدالله الطيب] 10-29-2014 11:04 AM
بل قل : ( JACK OF ALL TRADES )

[دجانقو] 10-29-2014 10:48 AM
حلوة وملعوبة ياsas

United Arab Emirates [الهلباوي] 10-29-2014 10:04 AM
like

United States [sas] 10-29-2014 07:44 AM
ده شنو جك واحد ليهم كلهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة