الأخبار
أخبار إقليمية
غدا الفحص والكشف مجانا بكل مستشفيات العيون احتفالا باليوم العالمي للبصر
غدا الفحص والكشف مجانا بكل مستشفيات العيون احتفالا باليوم العالمي للبصر



10-29-2014 11:35 PM
الخرطوم (سونا)
يحتفل السودان غدا الخميس باليوم العالمي للبصر تحت شعار " عشان نشوف وما نعمي " .
وأوضح بروفيسور كمال هاشم مدير البرنامج القومي لمكافحة العمي أن الفحص والكشف سيكون مجانيا بكل مستشفيات العيون العامة في السودان ومعظم المستشفيات الخاصة اضافة لكل مراكز البصريات في ولاية الخرطوم ، مضيفا أن الاحتفال يستهدف علاج "10,000 مواطن" مجانا واجراء "1000عملية جراحية" مجانية .
وأكد د.كمال أن هنالك اشراقات كبيرة تمت في مكافحة العمي في السنوات الاخيرة مثل القضاء تماما علي عمي الانهار في منطقة ابوحمد واقتراب الاعلان عن خلو القلابات بولاية القضارف كذلك من عمي الانهار اضافة الي انحسار مرض التراكوما في السودان والمسح الميداني الذي يتم الآن برعاية منظمة منقذو البصر البريطانية في دارفور ، كل هذه الجهود من المنظمات والاختصاصيين ومستشفيات العيون ساهمت في تقليل نسبة العمي 1,5% العام 2003 الي 0,7% حاليا ويتوقع الوصول الي نسبة 0,3% بحلول العام 2020م .
ومن جانبه أوضح اختصاصي البصريات خباب محمد سعيد مدير ادارة صحة العيون بولاية الخرطوم ان هنالك جهودا ستتم في كافة الدور الايوائية في الولاية للعلاج مجانا مؤكدا تشريف بروفيسور مامون حميدة تدشين هذا الاحتفال بمستشفي الوالدين .


تعليقات 3 | إهداء 0 | زيارات 1087

التعليقات
#1138056 [المتجهجه بسبب الانفصال]
0.00/5 (0 صوت)

10-30-2014 12:40 PM
نرجو أن يعيد الفحص الحالة التي قيلت فيها الابيات التالية حيث كان المذياع ينطلق في جو معافى من الملوثات الانقاذية من سماد فاسد ومجاري ممتلئة وأمراض غريبة حتى نرى من جديد ما كان :


عيوني و عيونك اسباب لوعتى
اسباب تشوقي نظرتك
و اسباب نفورك نظرتى
هواي يعجز فكرتك
و جمالك يعجز فكرتي
قي الصد تزيد في خبرتك
و في الحب ازيد في خبرتي
دائمآ اراعي لذرتك
هل مره فهت بذكرتى
انت الذي اتعبتني
و انت الذي فيك راحتي
لو آن هلاكي و لي دنيتك
احيا و تحل بي فرحتي
كم استغثته و كم شكيت
كم رددت آهاتي
كم ضوه فل افق صده صيحتي
جيوش اشتاقي
هزمتني زادت أنتي
يا روحي يا راحيي يا
يا نوري يا ناري يا
يا جنتي
بهوى الهلاك في هواك
ليتخذ العواذل سنتي
يا نوري يا ناري يا
يا جنتي

رحم الله الكاشف والايام الخوالي ،، فنيا واقتصاديا وسياسيا واجتماعيا وكرويا وهلم جرا

[المتجهجه بسبب الانفصال]

#1137940 [العنطـــــــــــــــــــــج]
5.00/5 (3 صوت)

10-30-2014 10:51 AM
هو عليكم الله البلد فيها شنو عشان يشوفو؟؟؟؟
مافي شيتا يسر البال عشان يصلحو ليهو العين, و الله البصر نعمه لكن في السودان بجيب الضغط و السكري و الجن الكلكي من المناظر الغريبه الجابها لينا المكعوج ده, و الناس ما تستغرب و الله العظيم اي مشكله حاصله في البلد دايما بتنتهي بالمدعو عمر حسن احمد البشير و حكمو للسودان!!
ياخي اخير الواحد يكون قاعد عميان من يشوف المآسي الحاصله دي، قال عشان نشوف و ما نعمي قال!! ياخي ما فايدة البصر مع انعدام البصاير؟؟؟؟
الواحد كل يوم من الصباح بطنو تطم الله يجيب اليوم البنسمع فيهو خبر البشير و حكومتو يا رب.

[العنطـــــــــــــــــــــج]

#1137878 [نورة النور نورين أبو نورة]
0.00/5 (0 صوت)

10-30-2014 09:43 AM
" عشان نشوف وما نعمي "

طيب ما ياهو دا انحن شايفين كل حاجة وما قادرين نعمل أي حاجة!!!

[نورة النور نورين أبو نورة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة