الأخبار
أخبار إقليمية
السيد جعفر الصادق مساعد البشير يلتقي سفير دولة الكويت
السيد جعفر الصادق مساعد البشير يلتقي سفير دولة الكويت
السيد جعفر الصادق مساعد البشير يلتقي سفير دولة الكويت


هل زار السودان بعد تسعة أشهر غياب ؟ أم أين تم هذا اللقاء ؟
10-29-2014 11:40 PM
الخرطوم ( سونا ) التقى السيد جعفر الصادق الميرغني، مساعد رئيس الجمهورية وعضو المكتب القيادي للحزب الاتحادي الديمقراطي الأصل عصر اليوم بالدكتور طلال الهاجري سفير دولة الكويت ا.
ونقل الدكتور طلال الهاجري رسالة شكر من صاحب السمو الأمير الأحمد الجابر الصباح أمير دولة الكويت الشقيقة للسيد جعفر الميرغني، ردًا على رسالة التهنئة التي كان قد بعث بها الميرغني لأمير دولة الكويت الشقيقة بمناسبة اختيار سموه من قبل الأمم المتحدة دولة الكويت مركزا للعمل الإنساني وبإطلاقها لقب قائد العمل الإنساني على سمو أمير دولة الكويت الشقيقة.
كما نقل السفير إعزاز الكويت، للعلاقات القديمة التي تربط الميرغني والسودان كله بدولة الكويت، واستذكر الجانبان المحطات المشرقة في سيرة هذه العلاقة.
بدوره حيا الميرغني الجهود الكويتية في مجالات المساعدات الإنسانية، ودعا لتعزيز التعاون الاقتصادي في مجال الاستثمار وقال إن الكويت سباقة فيه منذ عقود.
كما تناول اللقاء قضايا ذات اهتمام مشترك. وأكد السيد مساعد رئيس الجمهورية حرص الحكومة على العلاقات مع الكويت، وجدد شكره للكويت أميرًا وحكومة وشعبًا.
ومن جانب آخر، أدان السيد جعفر الميرغني، التفجيرات الإرهابية التي هزّت سيناء المصرية، وترحم على شهداء الجيش المصري، وأبدى تضامنه الكامل مع الضحايا.
وقال إنّ الإرهاب البغيض يحتاج إلى تعاون فكري وأمني للقضاء عليه.
وعلى الصعيد ذاته أبدى ارتياحه للنتائج الإيجابية للزيارة الأخيرة التي قام بها السيد رئيس الجمهورية المشير عمر البشير لمصر الشقيقة، وقال إنها ستشكل علامة فارقة لصالح شعبي البلدين .



تعليقات 22 | إهداء 0 | زيارات 3369

التعليقات
#1138427 [albrado]
0.00/5 (0 صوت)

10-30-2014 11:17 PM
الزول الاسمه جعفوري ده مؤهله شنو بالضبط ليحكي عن العلاقات الدولية

وغيره ؟؟؟؟

يا جماعة ده ما تشوفوا ليه خلوة ولا مسيد يحيي ليالي الفتة والشاي

السادة وتراث اجداده ......

صراحة نحن في مصيبة في السودان .. الكيزان من جهة والمراغنة ناس جعفوري

من جهة وعبد الرحمن الصادق والبشري من جهة والجنجويد من جهة واطفالنا

في دارفور وجبال النوبة وجنوب النيل الازرق في الملاجئ اغلبهم اصبحوا

خارج منظومة التعليم واهلهم بيموتوا بالجوع والامراض والله المستعان

[albrado]

#1138327 [nasreen]
0.00/5 (0 صوت)

10-30-2014 07:41 PM
سيدى سيد روحه والباقى مافى داعى ليه

[nasreen]

#1138233 [ود الاحرار الجعلي]
0.00/5 (0 صوت)

10-30-2014 05:01 PM
كلام فارغ الناس في شنو والمراغنة في شنو بالله عليكم سيبو الكلام الفارغ دا , لسع في زمن سيدي وسيدك لحدة القيامة تغشاكم , بمفاهيمكم الرجعية دي البلد الف سنو مابيتقدم . مالكم وكنتو تقعو تبوسو الجد شنو .
ادوني حديت واحد ياكد الامور الانتو قاعديين تعملوه دا قام بها سيدنا رسول الله صلي الله عليه وسلم وبعدا كلو انحنا اشراف والله مشاء الله عليكم ,شرفك دا ما بخارجك امام الله يا مستغلي المساكيين باسم الاشراف , سياسة شنو ابتعرفوها كلكم مسترزقيين وبتحاولو تصنعو امجاد الهي في الاصل مافي اخطونا ياخ

[ود الاحرار الجعلي]

#1138156 [abu el -hill]
4.75/5 (5 صوت)

10-30-2014 02:50 PM
شفتا التطريز الفى الجبة ... دى من لندن و لا من وين ؟؟؟ ياشيخ اللمين حقك راح جعفورى فاتك ... سنة يالتطريز

[abu el -hill]

#1138124 [adil a omer]
4.75/5 (5 صوت)

10-30-2014 02:22 PM
يكون لاقاهو فى الادبخانه كان بيغير فى البامبرز

ولا يا ربى فى العاصمه الصيفيه للسودان لندن

شعب كديس ساكى فطيس

[adil a omer]

#1138101 [خليفة موديل 2014]
1.50/5 (3 صوت)

10-30-2014 01:31 PM
والله اللقاء دا مع الاشقاء الكويتين ...لقاء هام جدا ...والسيد جعفر الميرغنى لديه اهتمام كبير بدفع العلاقات بين السودان والاخوة الخليجين ..لما فى ذلك من الفائدة للجانبين ..له التحية والتقدير

[خليفة موديل 2014]

#1138074 [ود الحسن]
3.00/5 (2 صوت)

10-30-2014 12:57 PM
هو الزول دا بقي مساعد رئيس الجمهورية متين ...افيدوني

[ود الحسن]

#1138055 [ود الريف الحريف]
5.00/5 (2 صوت)

10-30-2014 12:37 PM
أنا أتساءل هل هؤلاء الناس أصلاً سودانيين كابر عن كابر ( جد ورا جد ) .. لا أظن :
1- هذه الطائفة ( المراغنة ) هل تتزاوج مع السودانيين أولاد البلد ؟ هل أى واحد فيكم فى يوم من أيام الله السبعة على مدار السنين التى أمضاها هؤلاء القوم فى السودان ، فى حدى سمع بواحد من أصحابو أو جيرانو ... إلخ... إنو ماشين عرس عند السادة المراغنة ......
2 - الجلابية السودانية معروفة التفصيل والكولة المصاحبة لها ... أما هذه التى يرتديها هؤلاء البشر لا علاقة لها بالزى السودانى على الإطلاق .
خلاصة القول ، هؤلاء قوم مشكوك فى سودانيتهم وأصلهم ونسبهم السودانى ..
هذا فعلا يدل على أن السودان دولة فاشلة قولا وفعلا ...
هذا الشاب الأخرس الذى لا يعرف دارفور من أم طرقا عراض ... هل ده معقول يكون سمع بحاجة إسمها ام بريمبيطة... أوالخوالدة شلعوها أو الشقلة عوج الدرب
السودان أفشل من الفشل نفسه ، كيف مستشار لرئيس الجمهورية يكون غير متواجد بالمرة فى مكتبه طول توليه المنصب .. ويصرف مرتب حدادى مدادى من كفاح الغلابة ...
هذه الفئة المتسودنة ، نالوا بعض الأراضى فى الشمالية عن طريق إستغلال جهل الأهالى هناك .... عندما كنت صغيرا كان إسم هؤلاء لا يعلى عليه ... ولا سيما قبيلة كبار النساء فى السن ... تقول الواحدة : سيدى يلحقنى ويفزعنى .... تقديس الجهلاء
إن محن وإحن السودان تستحق بيت عزاء بجدارة .....

[ود الريف الحريف]

ردود على ود الريف الحريف
[جركان فاضى] 10-30-2014 04:21 PM
مير موسوى...مير منتظرى...مير غنى...الميرغنى من وسط اسيا من ايران او طاجكستان

Saudi Arabia [شكبزور] 10-30-2014 02:47 PM
ياحريف


#1137982 [aemahdi]
5.00/5 (1 صوت)

10-30-2014 11:25 AM
السؤال المهم هل هذا الشخص بيصرف مرتب شهري من الدولة و هو ما موجود كل ما اخشاه انو يكون بيدفعوا له بدل سفرية و تذاكر طيران ، اذا كان هذا الشخص وظيتو غير مهمة ما يحيلوه للصالح العام

[aemahdi]

#1137976 [الديمقراطي]
4.00/5 (4 صوت)

10-30-2014 11:22 AM
كونهم من نسل الرسول( صلي الله عليه و سلم) دي بصراحة ما بقدر افتي
فيها لاني والله غير مؤهل لذلك .
لكن هم قاعدين وين ؟ و بعملوا في شنو ؟ و عددهم كم ؟ و قروا وين ؟
و شغالين شنو ؟ و اسماء الباقيين منهم منو ؟و بحوموا في الخرطوم
دي بي ياتو شوارع ؟ والله والله دي الحاجة المحيراني .
يا جماعة اسرة زي دي . ليها كلمة و راي في كل شؤوون السودان من
التملك و حتي علاقات السودان مع العالم تكون بكل هذا الغموض و التكتم
و السرية؟
ربما يقول قائل دي امور شخصية لا علاقة لك بها .لكني اريد ان احس بان
هذه الاسره التي تؤثر في مصير البلد لها علاقة بهذا السودان .لانها
تقودني انا و غيري من ابناء هذا السودان و تؤثر في مصيري باستشاراتها
التي يتكرم بها السيد المستشار ( السيد/ جعفر الصادق الميرغني )

[الديمقراطي]

ردود على الديمقراطي
United Arab Emirates [الباهي] 10-30-2014 12:46 PM
حتى لو كان النسب ده صحيح , بس اكل اموال الناس بالباطل تقول عليهو شنو ,,أبوهو ليهو عشرين سنة يقول للبشير سلم تسلم وفي النهاية سلم ولدوا للبشير ,,, ههههههههههههههههه والمهدي نفس الشي وناس قريعتي راحت لسة وراهم ذي القطيع


#1137922 [البدرنجي]
1.00/5 (1 صوت)

10-30-2014 10:29 AM
في تعليقى الفات نسيت ما اعلق على العمة لافيها هو ولا لافنها ليهو في قالب ياجماعة جيبو لينا ناس يخاطبونا عاوزين نفهم ولاناس سيدى حديثهم صور ..... سنة ياندى القلعة.....

[البدرنجي]

#1137894 [البدرنجي]
3.00/5 (2 صوت)

10-30-2014 09:59 AM
واللة العظيم من ما عينوة هو والوهم التانى ولد الصادق المهدى ما بقرا عنهم خبر واظنهم في خبر كان بنسبة للجميع ....اهلى في الراكوبة جيبو اخبار يستفيد منها القارئى...اتركونا من هزة الصور الديكورية..للجميع الاحترام والتقدير ..د

[البدرنجي]

#1137881 [mohamd]
4.00/5 (4 صوت)

10-30-2014 09:48 AM
ديل جواسيس مصر الرسميين الظاهرين يجب القضاء عليهم

[mohamd]

#1137877 [جني]
4.82/5 (5 صوت)

10-30-2014 09:42 AM
واحلاتي وا حلاتي .. الود التمبوشه ده خرب خلاص بقي يتكلم في السياسة وبيعرف كمان العمق الاستراتيجي وكلام كبار كبار

[جني]

#1137843 [ابو وليد]
4.25/5 (3 صوت)

10-30-2014 09:09 AM
ميين جعفر ده؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو وليد]

#1137792 [جركان فاضى]
5.00/5 (3 صوت)

10-30-2014 08:29 AM
جناين النخيل الانحرقت هى الجابتو للسودان...نص الجناين دى ما حقتو

[جركان فاضى]

#1137755 [ممغوص من الإنقاذ]
3.50/5 (8 صوت)

10-30-2014 07:30 AM
ياخي روح ملعون أبوك لأبو أهلك ولأبو أهلنا نحنا زاتو ...يا إبن الكلب حصل يوم جُعت وفكرت تدخل سيوبر ماركت وتسرق ليك دجاجة ولا حصل أبوك يوم مرض وفكرت تجري ليهو بالدواء من غير أن تدفع ....ربنا ينتقم منكم يا حراميه يا أرزقيه

[ممغوص من الإنقاذ]

#1137734 [شاهد اثبات]
4.50/5 (4 صوت)

10-30-2014 06:25 AM
انا معجب جدا بتعلقيات المازومين"قرود بافلوف- في الراكوبة-خاصةفيما يتعلق بالحزب الاتحادي الديموقراطي ومرشده محمد عثمان الميرغني.باعتبار انه بضاعتم احسن من الختمية وحزبهم الغزالة االفوق في السلم...وطبعا هم منكوبين بروبقندا اذاعة صوت العرب .يعني بعاعيت ساكت ....
الختمية طريقة قام على اساسها استقلال السودان واطرها الانجليز الاذكياء في حزب في اطار ديموقراطية وست منتسر والمسار الطبيعي الذي ترك فيه الانجليز السودان..وهذا الحزب وهذا المرشد لهم شعبية كبيرة في السودان ذى جون قرنق -و الحركة الشعبية-قيامة الساحة الخضراء-حرتا جون قرنق بي ضراعوا واخلاقو السامية - وحزب الامة والصادق المهدي ايضا لهم وزن في جماهير السودان مهما اختلفنا مع الامام ..ما عايز حفنة من اواسيج مصر الخديوية عقاب كيزان وناصريين وشيوعيين من بقايا هذه البضاعة البايرة يتطاولون على الحزب الاتحادي الديموقراطي..طبعا لاخوان المسلمين احقر من مشى على اربعة في رواية انميال فارم انكشفو تماما سواء كانت في اطار مؤتمر وطني او شعبي او العدل والمساواة بعد فضيحة رابعة العدوية2013 وتاني صندوق بجيبهم مافي .....الناصريين والشيوعيين ديل بس جكة خفيفة لي وار او مناظرة في منبر حر-فضائية - بتصفر عدادهم تماما..بس لو ساءلنا المسن ابو عيسى "غيرتو علم الاستقلال ليه؟ وليه كنت بتجعر لمن مات عبدالناصر هبل صنم العرب المزيف الانتهازي الغرق حلفا؟ ولماذا مات الازهري والهادي المهدي بالتلك الكيفية المشينة ومن درب الامن السوداني على الوضاعة والابتزال والتنكيل بالخصوم وتحويل السودان من دولة ليبرالية الى دولة بوليسية -النموذج المصري-ومن خرب الخدمة المدنية بالتطهير والاقتصاد بالتاميم ومن مسخ الشعار والتعليم بس في الفترة 1969-1972؟ هذا هو ارثه السياسي "المتفرجخ بيه" في المعارضة المازومة الحالية بتاعة الون مان شو...
****
1-الاتحادي الديموقراطي/الختمية 2-وحزب الامة/الانصار 3-والحركة الشعبية شمال -كل المهمشين- 4-الحزب الجمهوري -اهل الفكر والثقافة "السودانية المحترمة"5- حزب المؤتمر السوداني-الشباب6-- تحالف قوى الشعب العاملة -العصر الذهبي اديس ابابا-ناس الزمن لجميل والدكتور فاطمة عبدالمحمود -كل نساء السودان-
هذه القوى تستطيع ان تاتي بصناديق الاقتراع ان فقهو...وتوفر المناخ الديموقراطي النظيف الذى يليق بدولة السودان "الاصل" بتاعة 1 يناير 1956
اما اهل المؤتمر الوطني فدونهم وتجربة تونس..احسن يمشو في خارطة الطريق ادناه وبدقة شديدة واخلاق عالية جدا وشفافيةاشراك الشعب عبر الفضائيات -حوار مجتمعي وتعريف بالدستور ونيفاشا المغيبة ..ما في زول او مواطن بسجل من الان ما لم تحدث تغيرات جذرية وبمرجعية نيفاشا والدستور .. بلا حوار بلا لمة. ولا لتصفير عداد للبشير ولا لتعديلات دستورية-اهو بوركينا فاسو قريبة طلعو الشارع-
*****
ا يبدأ الإصلاح بالمحكمة الدستورية العليا


المرجعية الحقيقية:اتفاقية نيفاشا للسلام الشامل والقرار الاممي رقم 2046

الثوابت الوطنية الحقيقية
-1الديمقراطية "التمثيل النسبى"والتعددية الحزبية
-2بناء القوات النظامية على أسس وطنية كم كانت فى السابق
-3 استقلال القضاء وحرية الإعلام وحرية امتلاك وسائله المختلفة المرئية والمسموعة والمكتوبة"التلفزيون-الراديو –الصحف"
4-احترام علاقات الجوار العربي والأفريقي
5-احترام حقوق الإنسان كما نصت عليه المواثيق الدولية
6-احترام اتفاقية نيفاشا 2005 والدستور المنبثق عنها
********
خارطة الطريق 2014
العودة للشعب يقرر-The Three Steps Electionالانتخابات المبكرةعبر تفعيل الدستور -
المؤسسات الدستورية وإعادة هيكلة السودان هي المخرج الوحيد الآمن للسلطة الحالية..بعد موت المشروع الإسلامي في بلد المنشأ مصر يجب ان نعود إلى نيفاشا2005 ودولة الجنوب والدستور الانتقالي والتصالح مع النفس والشعب ..الحلول الفوقية وتغيير الأشخاص لن يجدي ولكن تغيير الأوضاع يجب ان يتم كالأتي
1-تفعيل المحكمة الدستورية العليا وقوميتها لأهميتها القصوى في فض النزاعات القائمة ألان في السودان بين المركز والمركز وبين المركز والهامش-وهي أزمات سياسية محضة..
2-تفعيل الملف الأمني لاتفاقية نيفاشا ودمج كافة حاملي السلاح في الجيش السوداني وفتح ملف المفصولين للصالح العام
3-تفعيل المفوضية العليا للانتخابات وقوميتها وتجهيزها للانتخابات المبكرة
4-استعادة الحكم الإقليمي اللامركزي القديم -خمسة أقاليم- بأسس جديدة
5-إجراء انتخابات إقليمية بأسرع وقت وإلغاء المستوى ألولائي للحكم لاحقا لعدم جدواه "عبر المشورة الشعبية والاستفتاء..
6-إجراء انتخابات برلمانية لاحقة
7-انتخابات رأسية مسك ختام لتجربة آن لها أن تترجل...
8-مراجعة النفس والمصالحة والشفافية والعدالة الانتقالية
*****
وقد اعذر من انذر...قعاد في راس الناس بدون برنامج واضح مافي...كحاكم او معارض
انتخابات بدون تعديلات جذرية تساعد في الفيش والتشبيه ونزاهةالانتخابات بي تغيير قضاة المحكمة الدستورية العليا غير المحترمين بقضاة من خارج حزب المؤتمر الوطني كما ينص الدستور..ثم تتبع باقي النقاط الى ....البند 8 قبل ابريل 2015

[شاهد اثبات]

ردود على شاهد اثبات
Yemen [شاهد اثبات] 10-31-2014 04:04 AM
فعلا جركان فاضي يا حليل الانجليز والله الحررونا من التعايشي الاجنبي الفاشي وتجارة الرقيق وبنو دول حديثة جدا على مقاييس وستمنستر بوظوها اواسيج مصر الخديوية الناصريين والشيوعيين والاخوان المسلمين
على الاقل اهلنا اسياد النخيل كانو بجلو الناس ديل ويدوهم النصيب عن طيب خاطر الليلة الكيزان المجرمين بقلعو عديل ويسجنواالاجانب يملوكهم الحواكير دون سند روحي اواخلاقي لحديى ماالبلد خبث واضحت اشجار النخل تنتحر حرقا
قوة الاتحاد الديمقراطي 5 مليون ناخب في اخر انتخابات حرة نزيهة 1986 ولم يسجلو ارث مشين في حروب الابادة والملشيات
يعني لا ماضي مشين ولا حاضر مضطرب ولا مستقبل مظلم
المستقبل للاتحاديين والحركة الشعبية والجمهوريين وحزب المؤتمر السوداني بس.وحزب الامة الا يغسلو سبعة مرات والسابعة بالكوركس عشان يتخلص من قذارة الاخوان المسلمين التي علقت به من 1964...ورتكت له ارث مشين مجلل بالعار وموثق كمان..
زى نوعك المضطرب فكريا ووجدانيا ده عمره ما يفيد الشعب السوداني الفضل اذا ما قادر يحدد عدوه لحدي هسة

[جركان فاضى] 10-30-2014 04:35 PM
على الميرغنى جاء غازيا مع الجيش الانجليزى الذى احتل السودان...فاحتل الانجليز السودان عسكريا واداريا...بينما خم الميرغنى الاراضى خم...واصبح معبودا للجهلاء خاصة النساء....السيد على فوقى الجدو النبى فوقى...وفوقى فوقى حتى خرت الاراضى وجناين الشايقية السمحة...وافنى الخلفاء حياتهم فى سقاية ورعاية هذه الجناين...والاخ شاهد اثبات من بقايا ضحايا المراغنة وكمان حبوبته الشايقية

[جركان فاضى] 10-30-2014 04:29 PM
على الميرغنى دخل مع الجيش الانجليزى الذى احتل السودان...فاحتل الانجليز السودان عسكريا واداريا...واحتل على الميرغنى اراضى الناس على اساس انه من الاشراف...وتمكن من الجهلاء تمك النار فى الهشيم


#1137724 [مجروس ق ش م]
5.00/5 (6 صوت)

10-30-2014 05:58 AM
انا اقترح إعطاء أوﻻد الميرغني المتخلفين ديل الجنسيه المصريه يمشوا يعيشوا في مصر العاجباهم دي بلا اتحاد وداي النيل بلا نيله .مافي حاجه مضيعة السودان لا أشباه السودانين ديل .فعلا الإنجليز لما خرجوا تركوا وراءهم أكبر خازوقين في السودان أسرة المهدي وأسرة الميرغني وجاء بعدهم إلاخوان المسلمين تموا الناقصة

[مجروس ق ش م]

#1137706 [ودالبله]
4.48/5 (13 صوت)

10-30-2014 03:28 AM
سحاسيحو دي رجعت السودان ونحنا ماعارفين .. يخرب بيتك يانفيسة

[ودالبله]

#1137689 [أحمد]
1.57/5 (7 صوت)

10-30-2014 02:05 AM
بصراحة كلام الراجل دا دايما بكون موزون وتصريحاته محترفة ,,, ولو هو فعلا كان ورا تغيير العلاغات الخارجيه والتوجه نحو الخليج اظن انو دا ممكن يخفف خطيئة الدخول في يد الانقاز . ارجو ان يخرج من الحكومة

[أحمد]

ردود على أحمد
Saudi Arabia [كاكا] 10-30-2014 04:14 PM
وترحم على شهداء الجيش المصري، وأبدى تضامنه الكامل مع الضحايا. ايه رايك في الكلام ده /// اترحم انت بالنيابة عنه علي شهداء سبتمبر

Qatar [خالد] 10-30-2014 08:26 AM
السيدمساعد رئيس الجمهورية حين تعيينه قال هو جاي يحل مشكلة شمال كردفان والنيل الأبيض؟؟؟؟ كيف يا استاذ احمد يكون كلامو موزون.ما تدي الوهم ديل اكبر من حجمهم...

Canada [ممقوص من الإنغاز] 10-30-2014 07:11 AM
كدي إنت في الأول وازن لينا بين الغين والقاف والزين والذال حتى بعد داك تعال ورينا وزنة كلام ود الميرغني...


#1137687 [civil engineering]
4.97/5 (8 صوت)

10-30-2014 02:01 AM
عليكم الله ي ناس الراكوبة
تعفونا من أخبار الناس المواهيم ديل
ناس سيدي والعفن ده

[civil engineering]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة