الأخبار
أخبار إقليمية
السعودية تطالب باستقدام طباخين سودانيين لإطعام الحجاج
السعودية تطالب باستقدام طباخين سودانيين لإطعام الحجاج
 السعودية تطالب باستقدام طباخين سودانيين لإطعام الحجاج


10-30-2014 10:24 AM
الخرطوم: هبة عبيد
وجّه مجلس حكومة الخرطوم إدارة الحج والعمرة بالولاية، بتحمل مسؤوليتها كاملة تجاه الحج ومعالجة الإخفاقات التي حدثت في الإطعام، وأكد المجلس على ضرورة تحديد مسؤوليات وزارة الإرشاد الاتحادية لتجويد الخدمة، في وقت طالبت فيه إدارة الحج حكومة الولاية بحسم الجهة المسؤولة من النقل البحري لجهة أنه لم يكن بالقدر المطلوب. وقال لكننا مضطرون للتعامل معها لعدم وجود بديل، وأكد رئيس المجلس الأعلى للدعوة والإرشاد بالولاية بدر الدين طه في تقرير أمس، أن السلطات السعودية وجّهت بإحضار طباخين من السودان في المرات القادمة استجابة لرغبات الحجاج لتفادي مشكلة الإطعام.

الانتباهة


تعليقات 8 | إهداء 0 | زيارات 4506

التعليقات
#1138242 [يونس]
5.00/5 (1 صوت)

10-30-2014 05:16 PM
والله كلام عين العقل لمن برا الحجاح والا يعرف الاسسباب التي تجعلهم يبحثون عن الويكة والعصيدة اول الا فيسكت والله السبب هم من يتولون مسؤليه الحجاج وفي الاخير يتركهم ضحية الطيبة السودانية وكرم المقمين وانهم يقومن بالانابة عن البعثة في اطعم الححاج رغم ان الوزارة تاخد من الغرد ملبغغ1050 قية الا كل خل 14 يوم والبيك الواجبة بي10رياال يعني مئة وخمسة وجبة من البيك اقسمها علي 3 وجبات يعني مفرةض 35 يوم يعني قيمة شهر 5 ايام تاخد ويكون عن 14 يوم ووكمان تنقص لي وجبتين فول ويراته بعين في الزبالة ليس عليه الا الاسم وجبة الغداء رز مع جزء يحسب من اجزاء الدجاج وقد تراه عند سيارات فاعل الخير مجانا نفس الصنف والوجبات بس هنا مجانا وهناك بقيمة 1050 لذلك الرجاء مع الا قتراح هذا عدم احد قيمة الا كل او اضافته في مبلغ الحج كمان احسن لو اتيعدت البعثة السودانبة نهائي من موضوع الحجاج حداهم مطار الخرطوم والا الميناءوهي دي الحاصل الا ن الا مراء والبعثة لا تعرف عنهم شئ الا في مطار الخرطوم او مطار الملك خالد بجدة

[يونس]

#1138231 [nagatabuzaid]
5.00/5 (1 صوت)

10-30-2014 04:58 PM
ليه ما يخلوا الحجاج مثلما كانوا يطعمون انفسهم بانفسهم والمطاعم والشوايات على قفا من يشيل ما فى حاج بحتاج يفتش اكل او شاى دى حركات لصوص المؤتمر الوطنى وبدر الدين طه ده مرق من وين بعد ما اختفى ردحا من الزمن ظهر تااانى بكرة يظهر لينا امين بنانى .استلام قروش الحجاج لاطعامهم دى من ابتكارات السرقة الناس بتكون مشغولة باداء الشعائر ومتعة العبادة فى ايام قد لا تتكرر فى حياتنا سواء الاجل والعمر او الامكانيات نقضيها فى عمل العصيدة والملحات و ما يتبعها ؟؟؟؟؟؟؟؟
ونحن نستاهل علشان بنرضى باى شىء المملكة السعودية طلبت طباخين تابعين للبعثة بعد ما شافت الخرمجة وعواليق البعثة السودانية من يكتب لهم الله الحاج العام القادم
فليرفضوا الاطعام بواسطة اللصوص

[nagatabuzaid]

#1138186 [تينا]
5.00/5 (2 صوت)

10-30-2014 03:47 PM
الأخ (((ماجد))) تخيل فى العشرة الاواخر فى رمضان كان فى باكستانى كل يوم بعد التراويح بجيب وجبات البيك بكميات كبيرة جدا وبقسما على المعتمرين فى الحرم ليتعشوا بها قبل التهجد والظاهر متعاقد مع مطعم البيك و ديل كانوا ممكن يعملوا كدا ... الأخت (((امال))) قد يكون تفسير الاخ ماجد صحيح انو السودانيين بشتهوا اللايوق والمفروك وشاهدت نساء سودانيات كثيرات حاجات او معتمرات بقولن اكل البلد دى كلو نواشف وما نفع معانا ... وفى الحرم كثير من المقيمين السودانيين بعملوا صفر فيها ملاحاتنا وعصيدتنا وبجوها السودانيين المعتمرين مخصوص ياكلوا فيها ... وبما انو الكلام جاب الكلام احكى ليك موقف للتأكيد مرة فى رمضان مشيت الحرم متأخرة شديد واذان المغرب اوشك وطبعا الحرم كلو صفراكل من وجبات افطار صائم ومن وجبة هدية خادم الحرمين الشريفين وهدايا وصدقات الناس المهم كل الناس قاعدين قدام الصفر منتظرين الفطور فجأة شفت لى حاجة سودانية بتهرول وتتلفت ناديتا يا خالة تعالى افطرى معاى طوالى قالت لى عندك عصيدةوملاح؟ قلت ليها لا لكن عندى حاجات تانية ووريتا الاصناف الجايباها ابت تقعد وقالت لى لا يا بتى انا بفتش ليعصيدة وملاح واتاسفت ليها شديد وندمت انى ما جبتهم ومشت مسرعة تفتش ما عارفاها لقت ولا لا لكن لا اعتقد لانو تقريبا الاذان كان خلاص ... العايزه اقولوا انو السعوديين بقوا عارفين السودانيين بحبوا اكلاتهم وقد يكون دا السبب الطلبوا بيهو طباخين سودانيين ... اسفة للاطالة ... تحياتى لكما ...

[تينا]

ردود على تينا
Sudan [بابكر] 10-30-2014 05:22 PM
شكرا اخت تينا ليك و للاخ ماجد
لكن حجاجنا ديل اكتر من 11 شهر بياكلوا في المفروك و العصايد ما يغيروا حبة !!
فكرة ماجد سليمة جدا و ارجو ان تنفذ ﻷن البيك ما شاء الله جودة و نوعية و طعم و سعر رخيص

Oman [آمال] 10-30-2014 04:45 PM
تسلمي اختي الغالية

Oman [الجابري] 10-30-2014 04:35 PM
هو يا جماعة الحج دا مفروض الانسان يكتفي فيه بما يسد الرمق من الطعام وليس "تستيف" البطن.. هو وقت للعبادة والذكر .. وسمعت عن أناس يكتفون فيه بماء زمزم فقط وبيتموها يقين وعشان ما يكثروا من الذهاب للحمام.. مش يقعد يسفسف .. وكمان داير يتشهى عصيدة وملاحات؟


#1138079 [صاحب تار]
5.00/5 (2 صوت)

10-30-2014 01:04 PM
قلت لى منو بدر الدين طه ؟؟ وتيب !!

[صاحب تار]

ردود على صاحب تار
United States [A. Rahman] 10-30-2014 05:33 PM
يا صاحب التار انت ما عارف بدر الدين طه دا منو؟ دا اول حرامي بالمفتشر (هم كلهم حرامية لكن دا حراميته يقرحوا بيها)، و كان والي الخرطوم ثم مدير للبنك الزراعي (او العكس). الهم انه منزل مدير البنك الزراعي كا ملكا للبنك، بدر الدي طه عمل ليه صيانة كاملة بواسطة وزارة الاشغال كلفت ملايين، ثم اشترى هو البيت بأقل من كلفة الصيانة، و مساحة البيت خرافية و موقعه في المقرن. ارجو ان يعلم الشباب هذه الامور حتي يعرفوا حقوقهم كويس.


#1138053 [آمال]
5.00/5 (1 صوت)

10-30-2014 12:34 PM
و ليه قالوا طباخين سودانيين بالذات عشان هم شايفين ان دي المهن البيتليق بينا و اننا عادي بينشتغلها و لا شنو يمكن عشان كده قالوا يستقدموا خدامات مننا

[آمال]

ردود على آمال
Oman [آمال] 10-30-2014 07:47 PM
صدقت ما في اسوأ من بعثة الحج السودانية العذبت الحجاج معاها و هم بعد ده ناكرين اي شيء

Saudi Arabia [كاكا] 10-30-2014 03:53 PM
لانو بعثة الحج السودانية اتعاقدوا مع مقاول سعودي بمبلغ **** لاطعام الحجاج ولغفوا الباقي علما بان اي حاج دفع 1000 ريال نظير الطام لمدة عشرة ايام فقط . المقاول السعودي قدم اكل ردئ فول وعدس بايت وجبنة طبعا حسب مبلغ التعاقد وبالاتفاق مع بعثة الحج و الاحجاج احتجوا والمسؤل السعودي وبخ البعثة وفال لهم حرام عليكم استحوا.. وكالعادة نفي رئيس بعثة الجح السوداني الواقعة واضاف ان الحكومة السعودية شكرت البعثة السودانية علي مجهوداتهم الجبارة في خدمة حجاج السودان
( وجّه مجلس حكومة الخرطوم إدارة الحج والعمرة بالولاية، بتحمل مسؤوليتها كاملة تجاه الحج ومعالجة الإخفاقات التي حدثت في الإطعام، وأكد المجلس على ضرورة تحديد مسؤوليات وزارة الإرشاد الاتحادية لتجويد الخدمة، ) لاحظ التناض السعودية تشكر حسب رواية بعثة الحج ومجلي الحكومة تحمل المسؤولية

Saudi Arabia [المقدوم مسلم] 10-30-2014 03:29 PM
الخدم والحشم

Saudi Arabia [sen] 10-30-2014 03:10 PM
انتي متخلفة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Sudani Fashil] 10-30-2014 03:05 PM
المقصود يااخي على بعثة السودان تحضر معها طباخينها حتى تتفادى الجوع والفشل الحصل للحجاج هذا العم

Saudi Arabia [هشام إبراهيم] 10-30-2014 02:19 PM
طباخيين للحاج السودانيين (فقط) .. مش إقامات للسوادانيين بمهن طباخيين؟


#1137999 [عبدالرحيم ابراهيم]
5.00/5 (1 صوت)

10-30-2014 11:40 AM
بدر الدين طه ريس المجلس الاعلى للدعوه والآرشاد

[عبدالرحيم ابراهيم]

#1137990 [ماجد]
5.00/5 (2 صوت)

10-30-2014 11:32 AM
ياخي ﻻ محتاجة طباخين ﻻ حاجة .. تعاقدوا مع مطعم البيك لتقديم وجبات للحجاج الوجبة سعرها 12 ريال تتكون من جداد و رز او بطاطس و بتأكل نفرين

غايتو اﻻ الحجاج ديل اشتهوا اللايوق و المفروك

[ماجد]

ردود على ماجد
Saudi Arabia [babo] 10-30-2014 02:35 PM
كلامك صاح وعين العقل ولكن الثقافة الغذائية للسودانيين تتركز في ملاح الروب والتقلية والعصيدة والقراصة والكجيك والكول وشنو شنو ومفروض الحجاج يركزوا على الفواكه والعصاير والوجبات الخفيفة (تيك اوي)


#1137952 [أبوالكجص]
5.00/5 (2 صوت)

10-30-2014 10:58 AM
إقتباس: جّه مجلس حكومة الخرطوم إدارة الحج والعمرة بالولاية، بتحمل مسؤوليتها كاملة تجاه الحج ومعالجة الإخفاقات التي حدثت في الإطعام،

هههههههههههههههههههههههههههههههههههههههههههها

ياالبتوجهو نقول ليكم (سبق السيف العزل) زي ما المثل بقول. الحجاج مشو وأدوا الفريضة ربنا يتقبل منهم لكن إنتو يا المسئولين جوعتوهم لغاية ما السلطات السعودية قالت ليكم (عيب عليكم)، دحين ياتو معالجة لي إخفاقات البتقصدوها دي .. هل الإخافات الفاتت أم القادمة. إذا بتقصدوا الفاتت رجعوا للحجاج قروشهم الشلتوها منهم للأكل وإذا بتقصدوا الإخفاقات القادمة فهذا يعني أنكم مبيتين النية لتكرار ماحدث زي كل سنة.

[أبوالكجص]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة