الأخبار
أخبار إقليمية
محمد الحسن الامين يتوقع تشكيل حكومة مؤقتة برئاسة البشير
محمد الحسن الامين يتوقع تشكيل حكومة مؤقتة برئاسة البشير
محمد الحسن الامين يتوقع تشكيل حكومة مؤقتة برئاسة البشير


10-30-2014 10:22 AM
البرلمان - سارة تاج السر

توقع القيادي بالحزب الحاكم محمد الحسن الأمين تشكيل حكومة مؤقتة بواسطة رئيس الجمهورية بمشاركةالقوي السياسية لادارة البلاد في فترة الانتخابات لمدة لاتتجاوز ثلاثة شهور مع الابقاء علي الرئيس وكافة اجهزته في السلطة . وكشف الأمين في تصريحات صحفية عن امكانية اقامة حكومة مؤقتة لضمان حيادية ونزاهة الانتخابات الزي تنادي بها المعأرضة ورفض تسميتها انتقالية أو قومية وجدد التأكيد علي اقامة الانتخابات في مواعيدها المحدده باستثناء انتخابات الولاة الخاضعة للمناقشة. وأكد الأمين عن تعديلات ستطال الدستور تمنح الرئيس صلاحيات مركزية لتحديد في أراضي قومية للاستثمار منعا لتدخل لنشوب. صرعات بين المركز والولايات.

الجريدة


تعليقات 22 | إهداء 0 | زيارات 4809

التعليقات
#1138476 [سودانى شديد]
0.00/5 (0 صوت)

10-31-2014 03:36 AM
(((وأكد الأمين عن تعديلات ستطال الدستور تمنح الرئيس صلاحيات مركزية لتحديد في أراضي قومية للاستثمار منعا لتدخل لنشوب. صرعات بين المركز والولايات.)))

هذا هو الكلام الخطير. تلك هى الحلقة الأخيرة فى مسلسل عمالة البشير و خوفه على رقبته الذى جعله يرضخ لكل الضغوط. هناك أخبار عن البدء فى تفعيل منحة البشير الخاصة بالأراضى الممنوحة للمصريين و البالغة مساحتها مليون فدان (حوالى 4200 كيلومتر مربع)، لذلك يسعى البشير لتغيير الدستور حتى يتسنى له منح تلك الأراضى لمصر و غيرها (أعطيت فعليا) للخليجيين دونما فائدة تذكر للدولة. الأخطر من ذلك أن الأراضى الممنوحة للمصريين يراد زراعتها بواسطة مصريين مما يعنى بأنها عملية إستيطان مسسترة تهدف لتذويب الشعب السودانى و إنهاء حضارته و مكوناته التراثية و الحضارية.

لن تبلغ مبتغاك مهما رضخت للضغوط و إستجبت للروشتة الخليجية بواسطة مندوب البريد المصرى.

[سودانى شديد]

#1138339 [ود الركابي]
0.00/5 (0 صوت)

10-30-2014 08:15 PM
عليك الله يااستاذ محمد الحسن . توقعت .. ولا دفروك تقول الكلام ده . ثم بعدين حكومة مؤقته لي شنو مااهو معاكم ناس الاتحادي والامة في داعي لبعذقة الفلوس في الفاضي . الدكتاتور مابصنعوه الا الانتهازية والمصلحجية والطبالين اصحاب القلوب الميته وعديمي الضمير والوطنية والتربية . اراضي الدولة مامفروض يتحكم فيها والي ولا رئيس ولا غير من المفروض تعرض للبرلمان اذا كان منتخب ديمقراطيأ ماكلهم منتمين لحزب واحد بي رئيسهم .. الله بفرجها اكيد ..

[ود الركابي]

#1138290 [Hisho]
0.00/5 (0 صوت)

10-30-2014 06:50 PM
حكومة انتقالية قومية تتالف من شلة الدقير وشلة مسار وشوية حرامية من هنا وهناك .. وهاهى الحكومة القومية وبعدين مدتها تلاتة شهور وبعدها يفوز الرئيس ويشكل الحكومة الكبيرة المحترمة من الحرامية الكبار ... ما ترمى له ام الحسن عشان بعدين يقولو الانتخابات حرة ونزيهة تمت فى ظل حكومة قومية ... والله يا ام الحسن انتم اصبحتم محترفين فى التلفيق والاستهبال ..

[Hisho]

#1138240 [تسيفايا مليس]
0.00/5 (0 صوت)

10-30-2014 05:14 PM
يا جماعه الأستاذ محمد حسن الامين ده أستاذ كبير وراجل شاطر ومحامي لايشق له غبار وهو مكسور شويه لكنه راجل ما فيهو كلام ،يعني كلمة أم الحسن دي لاتليق برجل فحل مثله. لكن عيبه ثرثار ومتطلع وغيور وحبوب، ياشاب لم خشمك عليك والبد ونوم في الخط أمكن تضرب معاك.
بس عندي سؤال واحد! هل انت ناطق رسمي ولا شمشار؟؟؟؟

[تسيفايا مليس]

#1138225 [تينا]
5.00/5 (1 صوت)

10-30-2014 04:49 PM
اطرشنا جنس دا ما سمعنا بيهو قبل كدا وما اظن حانسمع بيهو يا (((محجوب معنى))) اخوى تسلم ... تحياتى ...

[تينا]

#1138221 [ابومالك]
5.00/5 (1 صوت)

10-30-2014 04:43 PM
لضمان نزاهة و حيادية الإنتخابات و يبقى الرئيس بكامل سلطاته
كدي خلينا من السياسة يا أم الحسن عليك الله انتي قريتي قانون جد جد ؟!

[ابومالك]

#1138204 [عمر]
5.00/5 (1 صوت)

10-30-2014 04:11 PM
كلب لسه جعان

[عمر]

#1138165 [المجنون]
5.00/5 (2 صوت)

10-30-2014 02:59 PM
برئلسة البشير وبجهاز البشير

والمرشح البشير

قوم لف لفاك قطار

[المجنون]

#1138147 [معاويـــــــــــــــــــــــــــــــــــــة]
5.00/5 (1 صوت)

10-30-2014 02:40 PM
ده يا اخوانه ولاءه لجيبه فقط ام الحسن الامين دى عندها المحن لمان مشى مع الترابى ولقى القصه صراع وسجون وهو زول كريمات وبخور قال اخير اتلم على البارده دى مالى ومال الحجار والجديع وهسع متربع فى حفرة دخانو ويصرح مالو ومال القرايه ام دس واكيد التشكليه الجاى ليهو وزاره مدنكله وانا واتوقع النائب العام امال التصريحات دى يرموها فى البحر ماهو زى المره البتسير للعريس لازم يدوها غمته قوية تفو عليكم ناس ما عندها اخلاق لعنىة الله تبراكم وين ما مشيتو ...............................

[معاويـــــــــــــــــــــــــــــــــــــة]

#1138144 [سيف الدين الجميلى]
2.75/5 (3 صوت)

10-30-2014 02:34 PM
شن الفائدهأذا كان راس الدودة الشريطية ملتصق بجدار الامعاء فباقى الجسم يمكن أن ينمو من جديد؟؟؟؟يجب ازالت راس الدودة

[سيف الدين الجميلى]

#1138137 [جعفر النميري]
5.00/5 (1 صوت)

10-30-2014 02:30 PM
تمخّض الفيل بعُسرٍ فولد فأراً ...

[جعفر النميري]

#1138103 [مكى حسن]
5.00/5 (1 صوت)

10-30-2014 01:38 PM
على منو دى يا أم الحسن حكومة مؤقته وتعملو العاوزنه وبعد تقولو انتجابات نزيه

[مكى حسن]

#1138088 [محجوب عبد المنعم حسن معني]
5.00/5 (2 صوت)

10-30-2014 01:19 PM
عليكم الله يا ناس الراكوبة جنس ده سمعتو به قبل كده.

ده زي نكتة بتاعت واحد قالو الزول ده ما بعرف يعلق ابداً على اي حاجة تعليقه بيكون مصيبة واشتر.
المهم
قالو مرة مرتو جابت ليهو شاي، صاحبنا شرب ليهو جغمة وبسرعة جداً تفاها، قال ليها اعوذ بالله ده شاي ولا حمار

مع مودتي

[محجوب عبد المنعم حسن معني]

#1138068 [radona]
5.00/5 (1 صوت)

10-30-2014 12:51 PM
ابدا مافي داعي لحكومة انتقالية ولا حاجة
هل يستطيع اي من كان ان يقف في وجه المؤتمر الوطني مطالبا بقانون او دستور
وحتى الانتخابات مافي ليها داعي تب
للاسباب الاتية
اذا كان المؤتمر يحكمه دستور لفقد شرعيته الدستورية بعد انفصال الجنوب مباشرة واقلها ان يدعو الرئيس لانتخابات مبكرة رئاسية وبرلمانية لان دستور 2005م قد انتهت صلاحيته وفقدت الحكومة صلاحيتها للفشل في الحفاظ على وحدة البلاد التي انتهت بانفصال الجنوب تماما
اما اذا كانت الحكاية نابعة من حنو المؤتمر الوطني على احزاب المعارضة بعد صيام طويل عن السلطة والمال العام فانها منحة قوامها 3 اشهر فقط وستعود حليمة لعادتها القديمة وكانك يابوزيد ماغزيت والافضل تركهم في صيامهم
وعلى المؤتمر الوطني عدم تبديد الاموال في الانتخابات واعتبار نفسه فائزا في هذه الانتخابات التي ينافس فيها نفسه بنفسه بناءا على مقاطعة الشعب السوداني باصرار وعزيمة لهذه الانتخابات وكذلك الاحزاب المعارضة ومن يريد السلطة والمال عليه بحمل السلاح واثبات جدارته ميدانيا ومن ثم يتم اجراء تفاوض معه من احدى العواصم الاقليمية وبذلك يكون مؤهلا لنيل السلطة والمال وهكذا ناضل اغلبية الوزراء والولاة الذين ترهلت بهم الحكومة حتى لم تعد هنالك موارد مالية تكفي للصرف عليهم الا باقتلاع لقمة الخبز وجرعة الدواء من فم المواطن كما يجري الان .

[radona]

#1138042 [د. فؤاد]
5.00/5 (1 صوت)

10-30-2014 12:22 PM
الفايدة شنو من حكومة مؤقته والبشكير متطغطي بيها احسن عو قاعد فيها وبدون جديد

[د. فؤاد]

#1138005 [مفجوع]
5.00/5 (1 صوت)

10-30-2014 11:47 AM
وماذا عن السجل الإنتخابي أكيد ظبطوه كويس ، شي ميتين وآخرين دبلتوهن وشطبتم من تشكوا في ولائه ..
وماتنسي لجنة الأصم من قولة تيت منحازة .
يا أم الحسن دا كلام مابيدخل الرأس ألعب غيرها .

[مفجوع]

#1138003 [Haj Ahmed]
5.00/5 (2 صوت)

10-30-2014 11:46 AM
"تشكيل حكومة مؤقتة بواسطة رئيس الجمهورية مع الابقاء علي الرئيس وكافة اجهزته في السلطة ."...الله يجازيى محنك يا ام الحسن

[Haj Ahmed]

ردود على Haj Ahmed
United Arab Emirates [البادرابي] 10-30-2014 12:38 PM
انتو ده مش كان مع الترابي وعامل فيها عندو ولاء لي شيخو ,


#1137989 [dax]
5.00/5 (2 صوت)

10-30-2014 11:31 AM
الزول ده دلدول بمعنى الكلمه...

[dax]

#1137978 [البدرنجي]
5.00/5 (2 صوت)

10-30-2014 11:22 AM
واشهد اللة قريت كلام ود الحسن الامين مرتين لم افهم مايقصد بحكومة انتقالية مع الابقاء على الرئيس وشلتة ما دام الرئيس قاعد والكومبارس قاعد الحكومة الانتقالية عشان تعمل شنو ....فهمونا...كل يوم نصاب بالتبلد رجعونا لاولى ابتدائى علشان نفهم لقدام شئى جديد ...والساقية لسة مدورة...

[البدرنجي]

ردود على البدرنجي
Saudi Arabia [جنرال زمان] 10-30-2014 01:49 PM
دي الحاجة أم الحسن يا البدرنجي ولية مخرفة وحفرة الدخان ملخبطة سلوكها شوية فاعذرها يا أخوي


#1137941 [الوتقيق]
5.00/5 (1 صوت)

10-30-2014 10:52 AM
الكلام ما المسميات الكلام الحكومة دى صلاحياتها شنو ؟دعكم من الاسماء الفضفاضة قوميةقتة او انتقالية او مؤقتة و من منو ؟

[الوتقيق]

#1137933 [المشروع]
5.00/5 (2 صوت)

10-30-2014 10:45 AM
دا لعب عيال

[المشروع]

#1137925 [أبوعلي]
3.50/5 (2 صوت)

10-30-2014 10:39 AM
مع الابقاء علي الرئيس وكافة اجهزته في السلطة

ياخي انت ذكي خالص !!
وتنتهي القضيّة ببقاء الرئيس واجهزته وزوجاته
ياسلام عليك ياولد الترابي: حلّ (خلفي واسع)

[أبوعلي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة