الأخبار
أخبار إقليمية
ولاية الخرطوم : لم يصدر أى قرار بحصر الخبز المدعوم على سودانيين فقط
ولاية الخرطوم : لم يصدر أى قرار بحصر الخبز المدعوم على سودانيين فقط
ولاية الخرطوم : لم يصدر أى قرار بحصر الخبز المدعوم على سودانيين فقط


11-03-2014 11:32 PM
الخرطوم (سونا) - أكدت ولاية الخرطوم أن ما نشر من اخبار حول مطالبات بتوزيع الخبز المدعوم للسودانين فقط دون غيرهم عبر بطاقات ممغنطة ماهو الا مجرد مداولات داخل ورشة عمل صناعة الخبز المقامة ضمن مهرجان الخرطوم الثانى للخبز فى اطار فعاليات اسبوع المستهلك وأن هذه المطالبات هى مجرد وجهة نظر اكاديمية داخل الورشة حول كيفية توصيل الدعم لمستحقيه ولم يترتب عليها البته اى قرارات جديدة بشأن الخبز لان مسألة دعم الخبز شأن اتحادى.
وتؤكد الولاية سريان الاتفاق السابق بين الولاية واتحاد المخابز بخصوص مواصفات وأوزان وأسعار الخبز على أساس (4) رغيفات زنة 60 جرام للرغيفة بواحد جنيه و(3) رغيفات زنة (80) جرام بواحد جنيه ورغيفتان زنة (120)جرام بواحد جنيه وتؤكد الولاية أن الرغيف بهذه الأوزان والأسعار متاح لكافة الناس (سودانين وأجانب) وبالكميات التي يطلبونها.
وتنوه الولاية الى ضرورة توخى الدقة والتحلي بالمسئولية فى نشر المداولات فى القضايا الحساسة وإظهارها في صورة قرارات او موجهات تخلق تشويشاً يؤثر على الرأى العام.


تعليقات 12 | إهداء 0 | زيارات 3311

التعليقات
#1141857 [طارق الباز]
0.00/5 (0 صوت)

11-04-2014 06:50 PM
بالله دى ما فضيحة؟ دول العالم كل يوم متطورين فى كل المجالات ونحن لينا خمسة وعشرين سنة ما وصلنا لحل فى مشكلة الرغيف؟

[طارق الباز]

#1141645 [ماجد]
5.00/5 (2 صوت)

11-04-2014 01:18 PM
هو وينو الدعم دا .. كﻻااام يا عبدالسﻻم

[ماجد]

#1141611 [radona]
5.00/5 (2 صوت)

11-04-2014 12:40 PM
بز مدعوم!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اول مرة نسمع بخبز مدعوم هذه .. دي جديدة دي لنج ...
اين يباع
كم بالف وكم وزنه تركي ولا بلدي
هل ياترى يباع في مراكز البيع المخفض
يبدو انه الاجانب عارفين مكانه والمواطنين غافلين ماعارفين
عجبي وا عجبي ثم واعجبي

[radona]

#1141532 [saif]
5.00/5 (1 صوت)

11-04-2014 11:31 AM
اجانب ؟؟ دى اول مرة اسمع بيها مالخرطوم وناسة كلهم اجانب

[saif]

#1141523 [منو العوض]
4.75/5 (3 صوت)

11-04-2014 11:20 AM
الدعم في مصر20رغفه بواجد جنيه وفي السعودية حوال الدقيق 50كيلو12ريال هذا هو الدعم الحقيقي !!!!!!

[منو العوض]

#1141513 [أدروب]
4.50/5 (2 صوت)

11-04-2014 11:10 AM
ما دام التسجيل في الانتخابات فشل وظهرت صفوف الرغيف من جديد أناأقترح على الأصم وزمرته أن يحولوا صناديق الاقتراع للمخابز . يرصوها هناك بعدين يصوروها ويقولوا في الاعلام ..أقبال منقطع النظير ناحية طاولات الانتخابات ..بس كتروا من البر والفتريتة رخيصات وصحيات ..

[أدروب]

#1141479 [عطوى]
4.50/5 (3 صوت)

11-04-2014 10:43 AM
.. اها للغوغاء الذين يدافعون عن حكومة الانغاز بانهم قبل حكومة الدمار كانو يقفون ساعات فى طوابير العيش والبنزيين ؟؟؟

..... الله فضحكم وفضحكم ولسا انشاء الله الكلاب ديل لو فى الموية تقيفو ليها بالطابور واحتمال فى مخيمات .....

[عطوى]

#1141431 [Altigani]
5.00/5 (1 صوت)

11-04-2014 09:59 AM
والله مساكين أهل المخابز يتحملون ويواجهون كل جهل أهل الولاية المهمومة بقوت المواطن.فعلا الدولة تدعم الدقيق وليس الخبز لأن الخبز ليس دقيق فقط والدقيق يمثل 47 % من لكلفة إنتاج الخبز ف هل الدولة تدعم باقى مدخلات منتجات الخبز والتى تمثل 43%؟؟ وبالتالى الحديث عن ثبات أوزان وأسعار الخبز ذر رماد على الوجوه.أما الورقة المقدمة من د.عادل عبدالعزيز الفكى فهى غير عملية فى ظل هذا الواقع الذى ذكرته لأن تحرير الأسعار ليس نص نص.

[Altigani]

#1141401 [اورو]
5.00/5 (1 صوت)

11-04-2014 09:44 AM
الخبز في الولايات متوفر اكثر من العاصمه حكاية الاجانب دى جديده ماسمعنا بيها

[اورو]

#1141216 [السودانى]
5.00/5 (2 صوت)

11-04-2014 07:18 AM
دة كلا ساى لادعم لا يحزنون
كلام للاستهلاك السياسي
الخرطوم اكتلر مدينة بالسودان تعانى نسبة للكثافة السكانية سودانييين واجانب مما انعكس سلبا على الخدمااااااااات لو جيت فى الطب احسن تموت برااااااااااااااااااك ولا تمشي لاكبراخصائ لانه سيعجل بتلفك او حملك على الاربعة والمرحوم والله جاء برجلينو ؟؟؟؟؟

[السودانى]

#1141127 [ملتوف يزيل الكيزان]
5.00/5 (2 صوت)

11-04-2014 01:45 AM
انتو شيلو زولكم ده الجايي من الاقاليم و ريحونا! واللا احسن نتفق نشيلم كلهم لمزبلة التاريخ.

[ملتوف يزيل الكيزان]

ردود على ملتوف يزيل الكيزان
Saudi Arabia [kam] 11-04-2014 08:51 AM
الاخ [Tow.ramadan] اعتقد واظن (وليس كل الظن اثم) ان الاخ [ملتوف يزيل الكيزان] يقصد بزول الاقاليم عبد الرحمن الخضر الوالي الحالي ولا اظنه يقصد انسان الاقاليم البسيط فهو مواطن سوداني ويحق له العيش في اي مكان في السودان ..ولا كلامي غلط يا [ملتوف يزيل الكيزان].

[Tow.ramadan] 11-04-2014 06:52 AM
عزيزى / انسان اﻻقاليم سودانى والفهم هذا هو الضيع السودان القبلية والجهوية واﻻثنية انتا اكتب عن صميم الموضوع هداك اللة لما فيهو خير المواطن والوطن


#1141102 [عبد الله]
4.50/5 (2 صوت)

11-03-2014 11:57 PM
الخبز المدعوم لناس الخرطوم فقط . كل شىء للخرطوم ولا شىء للولايات خاصه ولايات الهوامش . كان الله فى عوننا بولايه كسلا الرغيفه اصبحت فى حجم لقيمات الصدقه . لا والى ولا حكومه ولايه تتدخل من اجل المواطن . وكثير من الافران فى هذه الايام ليس بها خبز لشح الدقيق . يا ناس الخرطوم شيلو ناسكم ديل الفى الولايات والله ما نافعين . ريحونا .

[عبد الله]

ردود على عبد الله
Iraq [السودانى] 11-04-2014 07:19 AM
منو القال ليك فى دعم ؟ ديل بيعملوات فتنة بين الخرطوم والاقاليم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة