الأخبار
أخبار إقليمية
سرقة العربات من داخل مطار الخرطوم الدولي!!!
سرقة العربات من داخل مطار الخرطوم الدولي!!!
سرقة العربات من داخل مطار الخرطوم الدولي!!!


شركة (الوثبة) مسؤولة عن دخول وخروج السيارات في المطار
11-04-2014 09:12 AM
بعث موظف يعمل في مطار الخرطوم برسالة للراكوبة يشكو في سياقها من سرقة سيارته الخاصة، وعدم وجود رقابة كافية في (مواقف) مطار الخرطوم الدولي. وننشر الرسالة كما جاءت، آملين ان تضطلع الجهات المختصة بواجباتها تجاه ممتلكات المواطنين.

اﻻ‌خ اﻻ‌ستاذ/ مدير تحرير صحيفه الراكوبه * * * * * * * * * *المحترم

بعد التحيه .. اكتب اليك رسالتي هذه وكلي امل في ان تهتم بموضوعي هذا .. انا موظف في مطار الخرطوم الدولي *في برج المراقبه الجويه قدت عربتي بعد صلاة الجمعه الموافق 24 /10 /2014 متوجهاً الى العمل .. حيث كانت مناوبتي من الساعه الثالثة ظهرا وحتى التاسعه مساءً .. اوقفت عربتي داخل ساحات المطار في وضع طبيعي جداً ... عند انتهاء مناوبتي وتسليمي لزميلي مهام العمل، وخروجي تفاجأت بأن عربتي قد اختفت تماما..
قمت على الفور بالذهاب لمكتب مباحث المطار واخبرتهم بالواقعه فقام المسؤول بارسال عساكره ليتحروا من الأمر ظناً منهم بانني قد نسيت مكان ركن العربة. وبعد دقائق قامو بالعودة مكتوفي الأيدي واخبروا الضابط بأن العربه ليست موجوده في أي موقف من مواقف المطار ..
عندها اخبرني بأن اذهب لفتح بلاغ في قسم الدرجه اﻻ‌ولى وعلى الفور قمت باتخاذ اﻻ‌جراءات اللازمة، وحُررت لي نشرة جنائية بالحادثة ..قمت بتوزيعها على اﻻ‌قسام المجاورة والبعيدة حتى صباح يوم السبت ... وقمت بمخاطبة مدير الصاﻻ‌ت ومسؤول الأمن والسلامة ومدير برج المراقبه الجويه ومدير المطار باﻻ‌نابة ... الفاجعة انه اتضح ان كاميرات المراقبه معطلة وليس هناك مايمكن عمله اﻻ‌ الدعاء بأن تعود العربه في اتم الصحه والعافيه ...
مع العلم ان مسؤوليه المواقف هي لشركه "الوثبة" وهي شركه خاصه وهي المسؤولة عن رسوم دخول العربات الى داخل المطار .. مع العلم ان مباحث المطار اخبرتني بانها ليست الحادثه اﻻ‌ولى وﻻ‌ العاشره التي تحدث .. ﻻ‌حظ يا استاذ المطار ممتليء بأفراد اﻻ‌من والمباحث واﻻ‌ستخبارات والكاميرات المعطلة وناس المرور الكتار ديل، وبعد دا !!.... سرقه تتم عيني عينك والمفترض انو المطار دا ائمن مكان للزول العايز يقرش عربيته .. يعني يا استاذ لو جيت مسافر وقلتا توقف عربيتك في المطار وتدفع بالساعه حتمشي وتجي تلقاها "بح" .. الشركه المسماه الوثبة دي من اولوياتها المحافظه على العربات داخل الباركن سواء قصير اﻻ‌مد او طويل اﻻ‌مد .. وحتى اﻻ‌ن لم تظهر عربتي ..
العربة فستو لونها ابيض .. رقم اللوحه خ3 61078 .. والبلاغ في قسم الدرجه اﻻ‌ولى برقم 3634 *.... من واجبات المراقب الجوي توفير *السلامة والراحة والطمائنينة للطائرات المغادره والقادمه لمطار الخرطوم الدولي فأذا كان هو شخصيا ما ﻻ‌قي الطمانينة دي حيوفرها كييييييييف.... فاقد الشئ ﻻ‌يعطيه .. وحسبنا الله ونعم الوكيل.


تعليقات 24 | إهداء 0 | زيارات 7084

التعليقات
#1221323 [سمل ود الولياب]
0.00/5 (0 صوت)

03-06-2015 09:32 AM
نفس السرقة من مطار الخرطوم اخى هرالدين بعد العثور للامجاد بعد 3شهور

[سمل ود الولياب]

#1141907 [أبو كلام]
0.00/5 (0 صوت)

11-04-2014 08:38 PM
أخينا الموظف في برج المراقبة بمطار الخرطوم الدولي صاحب العربة المسروقة نسأل الله لك الصبر وأن يجمع عربتك في القريب العاجل اللهم أجمع له عربته يا سميع الدعاء وصلي الله علي سيدنا محمد وعلي آله وأصحابه وسلم تسليماً كثيراً

[أبو كلام]

#1141718 [أفريقى]
5.00/5 (2 صوت)

11-04-2014 02:50 PM
نصيحتى ليك والله وعن تجربة شخصية أعمل إجتماع مع ناس المباحث فى المطار أرقع كل زول أو عسكرى بألف جنيه ( مليون بالقديم ) والملازم ألفين كبداية وشوف كمان ما جاتك عربيتك فى 3 أيام وبعد داك ممكن تدبل ليهم المبلغ والملازم أديهو 3 ألف جنيه لأنو حيدق ليك جرس وحيقول ليك نحنا تعبنا وجارينا وعملنا تلفونات والقصص دى لزوم تكبير الكوم . البلد بقت كلها بتأكل حراااام ويا حليل القيم والأخلاق

[أفريقى]

ردود على أفريقى
Saudi Arabia [ود البلد] 11-05-2014 01:35 AM
كلامك صاح مية المية .. لكن هو كان عندو القروش دي ما يمشي يشتري ليه عربية تانية وربنا يعوضو في الراحت دي بدل ما يخش مع الجماعة ديل في متاهات ساكت

Germany [wad-Andooka] 11-04-2014 03:26 PM
والله يا الافريقي اضحكتني رغم تعاطفي مع الاخ المسكين بس اعتقد تعليقك فيهو الحل السحري اذا ان في بلادي كل شئ قائم علي الرقعه... ربنا يجمع يا اخي والافريقي اداك الوصفه!!!


#1141705 [mh-dar]
0.00/5 (0 صوت)

11-04-2014 02:34 PM
اين ورقة الدخول للمواقف اذا موجوده لديك ممكن تقاضي شركة وثبة واذا تركتها في السيارة مبروك للحرامية هذا حلالهم

[mh-dar]

#1141671 [الممكون شديد وبطنه فايرة]
5.00/5 (1 صوت)

11-04-2014 01:56 PM
أول مهام شركة تشغيل زي الوثبة دي أنها تحصر السيارات الداخلة المطار بأرقامها وتوقيت دخولها وتقوم بحصرها عند خروجها بأرقامها وتوقيت خروجها.
فإذا أنت تركت كوبون (تذكرة) الدخول في السيارة فلا لوم عليهم أما إذا كان الكوبون معك فهذا دليل على تقصيرهم ولك الحق في أن تشتكيهم وتتهمهم بالتواطأ.
وإذا كنت مؤمن سيارتك فعليك بشركة التأمين، يعوضوك عن سيارتك وهم يصطفوا مع شركة الوثبة هذه.

ديل وثبة يا خي !!! هم الوثبوا عليك وشلعوك من سيارتك.

[الممكون شديد وبطنه فايرة]

#1141643 [سليم الذوق]
5.00/5 (1 صوت)

11-04-2014 01:16 PM
يا ناس خلوا عندكم ذوق الزول عرضؤمشكلتو عندكم كلمة طيبة قولوها ما عندكم انطموا و ساعدونا بالسكات

بقى ما عندكم احساس وﻻ اخﻻق زي المصريين

[سليم الذوق]

#1141624 [شاهد عيان]
5.00/5 (2 صوت)

11-04-2014 12:47 PM
السارق هو اخو البشير البلبس دائما جلابية وعمةولاشال ماعارف مطرز بى كور كده زى بيضات الارنب
شركة الوثبة دى حقتو ولقد شاهدته بام عينى وهو يقود سيارتك الفستو البيضاء .. رقم لوحتا خ3 61078
خرج بيها من المطار ومشى وقفا قدام مطعم الساحة وخلها مدورة لانو كان عندو عرض غنائى بالمطعم
ولو داير دليل ابحث فى الوتساب عن فيديو بغنى فيهو :" ليه ياقلبى ليه"

[شاهد عيان]

#1141618 [Abumohamed]
0.00/5 (0 صوت)

11-04-2014 12:46 PM
يا اخي 25 سنة و ما عرفت طريقة عمل الكيزان؟

حيرفدوك حيرفدوك
لو عندك قريب في ليبيا اضرب ليهو يرسل ليك عقد

[Abumohamed]

#1141597 [DOLY]
3.00/5 (1 صوت)

11-04-2014 12:21 PM
شركة الوثبة دي بتاعة ناس البشير, لو ماعرف اعرف وكفى

[DOLY]

#1141588 [aldufar]
5.00/5 (1 صوت)

11-04-2014 12:12 PM
دا اصلا ما احقو اطلقو عليه مطار دولي المفترض اكتبو عليه مطار الخرطوم الخولي ، اي خالي من ابسط مقوم مطارات العالم حماماته شوفوها دخلتها في شهر اكتوبر هذا وكنت مسافر وجدت حماما مليئا بالاوساخ اين مديره هذه المطار ،

صالة الطعام العليا التي ينتظر بها الركاب او المرافقين ما فيها موية كافتريتها خالية اليس من العيب ان ياتي اجانب وجدوا ابسط موية مافي تباع هنا او سندوتش ، اي مطار هذا تسمونه مطار الخرطوم اخجلوا يا ناس الطيران فضحتونا امام الدنيا كلها ويكفي انه غرغت كل الصالات دي بلد ما عندها وجيع .

بلد هاملة الله اكون في عونها لكن لمتى؟

[aldufar]

#1141587 [سوداني اصيل]
5.00/5 (1 صوت)

11-04-2014 12:12 PM
الأمر واضح يا اخوان سرقة اكثر من عشرة سيارات ما تجي بالصدفة الموضوع مخطط له من شركة الوثبة نفسها خاصة وان كاميرات المراقبة معطلة وتعطيلها بفعل فاعل لأغراض اخفاء هوية اللصوص وللعلم ما في حد يتجرأ ويسرق السيارات من المواقف الا شخص واثق من عدم كشف هويته وكل الأمور ميسرة له لتنفيذ السرقات دون خوف او وجل
الحرامية داخل شركة الوثبة وليس من خارجها

[سوداني اصيل]

#1141576 [الديمقراطي]
5.00/5 (5 صوت)

11-04-2014 12:06 PM
انت نسيت بسسسسسسسس .

امشي فتش خط هيثرو تلقاها واقفة هناك .

[الديمقراطي]

#1141545 [وحيد]
4.00/5 (4 صوت)

11-04-2014 11:43 AM
شركة الوثبة دي من صاحبها و كيف آل لها امر امن مواقف المطار؟
التمكين التمكين التمكين

[وحيد]

#1141543 [ماجد]
5.00/5 (5 صوت)

11-04-2014 11:43 AM
خﻻص الوثبة عملوها شركة خﻻص .. شاحد ربي و هم جايين نازلين من الوثبة دي ركبهم تزوغ زي زول كدا

عموما يا اخوي ربنا يجمع و ان شاء الله يحصل خير

[ماجد]

#1141537 [//ahmed//]
5.00/5 (3 صوت)

11-04-2014 11:35 AM
المهم الآن بعد ما يرفدوك أدينا خبر ....

[//ahmed//]

#1141535 [//ahmed//]
5.00/5 (2 صوت)

11-04-2014 11:33 AM
والله يا صاحب السيارة المسروقة لو دخلنا فى المفترض .. المفترض حتى مفتاح سيارتك تخلى داخل السيارة وذلك لسبب واحد أن هذه الشركة من اولى اولوياتها تأمين الدخول والخروج لصاحب السيارة وتزويد المنطقة بكمرات مراقبة هذا ابسط شىء ممكن يتعمل فى مواقف مطار دولى ... ولكن انصحك منطقة بهذه المواصفات التى ذكرتها ارجو أن تقنع من سيارتك ويعوضك الله فيها !!!

[//ahmed//]

#1141534 [Garfan]
5.00/5 (4 صوت)

11-04-2014 11:32 AM
شركة الوثبه دي جات قبل وثبة الرئيس ولا بعدها ? عشان تعرفو الوثبه دي ماسوره ....

[Garfan]

#1141531 [عصمتووف]
5.00/5 (2 صوت)

11-04-2014 11:28 AM
فتش اقرب مكان للمطار تجدها والله يستر اولا الحرام ما يكونوا شلعوها وشخصيا لا اعبئ سيارتي ب اكثر من 20/ 15 جنيه لو سرقوها بتقطع لهم بالرغم من رواسب التنك ف مافي غير الدعاء لك بالعثور عليها واللعنة تصيب الوثابين وبعدين غريبة المطار يعج بالقوات النظامية ولا يلا حظون المشبوهين

[عصمتووف]

#1141515 [ابو أحمد]
5.00/5 (3 صوت)

11-04-2014 11:16 AM
المفروض تفتح بلاغ كمان ض شركة الوثبة

[ابو أحمد]

#1141505 [المنفصل]
5.00/5 (3 صوت)

11-04-2014 11:00 AM
يا عمك اقوعد اشتكي كويس باكر لأ تلم فيها و في البرج

[المنفصل]

#1141490 [عبد الله خليفة]
5.00/5 (3 صوت)

11-04-2014 10:50 AM
شكلك قنعتَ من الشغل الناس ديل برفدوك بكرة دى

[عبد الله خليفة]

#1141469 [A BU ALI ALI]
5.00/5 (3 صوت)

11-04-2014 10:37 AM
بالله هذا يسمي مطار دولي قول مربط الحمير

[A BU ALI ALI]

#1141458 [hany]
5.00/5 (3 صوت)

11-04-2014 10:23 AM
اكيد شركة الوثبة صاحبها محمد عبدالعزيز مدير الطيران المدنى سابقآ ومدير عام مطارات السودان حالياولا مش كدا ياشركتى ياحقت واحد قريبو؟؟؟؟؟؟؟؟؟؟؟؟؟؟؟ظ

[hany]

#1141412 [الكدمبس]
5.00/5 (6 صوت)

11-04-2014 09:52 AM
الله يستر بكر مايرفدوك ,, وثبه قال؟؟؟؟؟ دى وثبة البشير ولاشنو ؟؟؟

[الكدمبس]

ردود على الكدمبس
Saudi Arabia [ابو الطماير] 11-05-2014 07:03 AM
يا اخوي البشير وثب بي شنو؟ ما قالو كرعينو الاثنين عمل فيهم عمليه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة