الأخبار
أخبار إقليمية
لجنة طارئة برئاسة بدرية سليمان لدراسة التعديلات الدستورية
لجنة طارئة برئاسة بدرية سليمان لدراسة التعديلات الدستورية
لجنة طارئة برئاسة بدرية سليمان لدراسة التعديلات الدستورية


عضوية طه ونافع والامين
11-04-2014 10:52 AM
البرلمان: سارة تاج السر أودع وزير رئاسة الجمهورية صلاح الدين ونسي منضدة الهيئة التشريعية القومية أمس، مشروع تعديل الدستور الانتقالي لعام 2005م، بناء على توجيه الرئيس عمر البشير، متضمناً التعديلات الخاصة بانتخاب ولاة الولايات وقضايا الحكم اللامركزي، في الأثناء شكلت الهيئة لجنة طارئة لدراسة مشروع التعديل من 55 نائباً، برئاسة بدرية سليمان .وأقر ونسي بأن النعرات القبلية التي ظهرت خلال الفترة الماضية أدت الى عدم استقرار الحكم مشيراً الى أن التنافس للترشح على منصب الوالي أفرز أساليب افتقدت للشفافية وقال إن التعديلات المقترحة تقتضي أن يكون تعيين وعزل الولاة بيد رئيس الجمهورية بدلاً عن استخدام حالة الطوارئ لعزلهم، مع مراعاة التمثيل العادل لكل أهل السودان، وقال ونسي إن التعديلات تشتمل على محور يتعلق بمركزية الأراضي القومية لإنهاء حالة التقاطعات التي تحدث في كثير من الأحيان بين السلطات الولائية والمركزية والتي قادت الى إضعاف الاستثمارات بالبلاد.بينما شكل رئيس الهيئة الفاتح عز الدين لجنة طارئة لدراسة مشروع تعديل الدستور من 55 نائبا برئاسة بدرية سليمان، وأحمد إبراهيم الطاهر،و سليمان آدم وتهاني علي تور الدبة، رؤساء مناوبين، وعضوية آخرين على رأسهم علي عثمان محمد طه ونافع علي نافع، محمد الحسن الأمين، إسماعيل الحاج موسى، الأمين دفع الله، مهدي إبراهيم مهدي بابو نمر، عثمان آدم نمر، إسماعيل حسين.. وأضاف لهم في نهاية الجلسة أحمد عبد الرحمن والفاضل حاج سليمان .

الجريدة


تعليقات 16 | إهداء 0 | زيارات 3686

التعليقات
#1141965 [nagatabuzaid]
0.00/5 (0 صوت)

11-04-2014 10:33 PM
الاخ الكريم مهندس سلمان رغم معارضتك الظاهرة للنظام لكن احيانا اشعر بانك تنتمى لهم فى ردودك وتعليقاتك الجهوية وتعمدك اذكاء القبلية مثال قولك بتنا الرباطابية فلانة لاحدى المعلقات مع انها شخصيا لم تتحدث عن رباطابيتها وعرفنا ذلك من خلال غضبها فى احدى التعليقات عن السد وظلم اهل المنطقة وامين حسن عمر ما تابعت اهل امك الجعافرة لكن اهل ابوك القبيلتهم شنو ما بعرف داك واحمد عبد الرحمن ينضم لاهله العبابدة نحن هنا نحاول بقدر الامكان تهدئة النعرات القبلية التى نشرتها الانقاذ ةتعليق هطربنش عين الحقيقة ماذا ان اعتبرنا انفسنا جميعا ابناء السودان وتكاتفنا من اجل عودة سودان جميل كما كان نرجو ذلك

[nagatabuzaid]

#1141910 [طارق الباز]
0.00/5 (0 صوت)

11-04-2014 08:41 PM
غايتو نسوان الانقاذ ديل كانن هياكل ما شاء الله شحمن وكوضمن بالساحق والماحك.

[طارق الباز]

#1141904 [الشوف في بلد العمي طشاش]
0.00/5 (0 صوت)

11-04-2014 08:26 PM
هههه بي دستوركم تعفو وترضو ... ي ربي ح يعدلو قانو الولي بس ولا معاهو كم حاجه كدا ويعملو لينا مفاجاه
ويقولو لينا سوبرايس عدلنا ليكم معاه قانون الصحافه وقانون الأمن وقانون الطوارئ وكم حاجه كدا يتعرفو بعدين

[الشوف في بلد العمي طشاش]

#1141880 [المشروع]
5.00/5 (1 صوت)

11-04-2014 07:45 PM
وأقر ونسي بأن النعرات القبلية التي ظهرت خلال الفترة الماضية أدت الى عدم استقرار الحكم :

النعرات القبلية كانت سياسة ممنهجة ومقصودة من الكيزان ولم تفرزها تجربة الحكم اللامركزي .. اسألوا المتعافي الذي اقر بذلك صراحة في برنامج (حتى تكتمل الصورة) وذكر هذا الحديث قبل ثلاثة شهور تقريبا ونعى فيه الحكم اللامركزي بسبب سياسة الدولة التي ادخلت النعرات القبلية ضمن برامج الحكومة لتفكيك السودان والولايات وتفكيك الأحزاب الكبيرة

اما وجودالعدد الكبير من الاحزاب الذي يتجاوز 85 حزباً فهو ايضا سياسة ممنهجة من الدولة لتفكيك السودانيين وتشتيتهم فهي تريد ان تجمع الكيزان في حزب واحد وتقوم بتشتيت شمل السودانيين الذين لا ينضمون اليها ويحاول الكيزان والمؤتمر الوطني بكل ما اوتوا من قوة تقسيم الاحزاب الكبيرة والصغيرة لذلك فهم ضد الجبهة الثورية كفصيل واحد ولكنهم يعترفون بإحزابها حزبا حزباً متفرقين اما اذا اجتمعوا فإن الحكومة والحزب الحاكم لا يعترف بهم اطلاقاً
وكذلك الحكومة لا تعترف بالتجمع الديمقراطي وتحاربه ولكنها تعترف بإحزابه ومستعدة للجلوس مع كل حزب على حدة

فالحزب الحاكم والكيزان هم عدو وحدة السودان والسودانيين وهي تعمل بسياسة فرق تسد وتطبقها بحذافيرها

ديل افظع من اليهود..

[المشروع]

#1141875 [همت]
0.00/5 (0 صوت)

11-04-2014 07:32 PM
حتى يتأكد للجميع أن إزاحة نافع علي نافع وعلي عثمان طه من مناصبهم كانت لذر الرماد في العيون فقط وحتى نعرف أن علي عثمان ونافع علي نافع لا يزالون يديرون السودان ولو من منازلهم ... يديرون البشير نفسه ... هذه هي مراكز القوى التي تدير البشير والبشير يجعجع "لن نسمح بمراكز قوى داخل الحزب" ... من يكذب لأكثر من خمسة وعشرين سنة لن يصبح صادقاً بين عشية وضحاها

[همت]

#1141869 [Almisahir fi izallail]
0.00/5 (0 صوت)

11-04-2014 07:24 PM
يا ود العباديه .. يا ابو "عفاف" الوزيره السابقه!! .. ان شا الله ما تكون دا انت احمد عبدرحمن محمد احمد.. الخالك المرحوم الصايم محمد ابراهيم .. عينوك عضو فى اللجنه دى! ان شا الله يطلع زولن غيرك .. وساكت اسم على اسم..
*ان بقيت ايّاك انت .. وا فضيحتك .. وفضيحة اصحابك المتصوّر معاهم لما تخرجتو بسلامتكم فى جامعة الخرتوم فى زمنا قديم.. (مولانا ابو القوانين دفع الله حاج يوسف ..و احمد ود اب سن .. والسفير على ود ياسين قيلى) ...
* يا راجل يا الضربت التمانين ان ما تكون اتعديتا بيغادى ,, هل تانى فيك قدرة على قعاد الاجتماعات و"اللجغى والفجغى" بين "السغار"الماشى تقعد وصطهن وكمان تترأسك بدريه!!! اما سمعت من قال : "رحم الله امرءا عرف قدر نفسه" .. والشاعراللى قال: " ان الثمانين وقد بلّغتها ( يبدو انّو كان موجه كلامو ليكا انت) قد احوجت سمعك الى ترجمان"..
* اكرينا نخجل ليك!!! العبابده كووولهم زعلانين.. جزى الله "الدّولّب" خيرا.. فقد عرف قدر نفسو .. وتوارى واحتجب لما احس انّو كبر (رغم انّو اسغر منك فى العمر) والحكايه وصلت ليعند بناتو ناس "مشاعر" والفى عمرهااللى اصبحن هن ستات الوزارات واللجان والأضواء
* موش كفايه .. تاكلو خريفكم وخريف غيركم؟! يعلم الله اعوج مجرد يجيبو سيرة اسمك فى الهيصه دى! "يا ما بكره تندم وانا حالك بنشوفو" ألأغنيه اللى بدا بيها شرحبيل بن احمد غناه فى حفلة العرس ..اها تفتكر العريس عمل شنوووو!!! وانت حسّ مفروض تعمل شنووو
والله ما شايفين ليك غير ألأعتذار عن المشاركه فى اللجنه دى!!

[Almisahir fi izallail]

ردود على Almisahir fi izallail
United Arab Emirates [العربي شراب الروب] 11-04-2014 09:24 PM
يا أخوي الكلام دا مانا فاهمنو يمكن يكون تلاويح بينك وبين صاحبك دا أخير تواجهو عديل بدل الكلام اللغز دا.


#1141764 [الــســيــف الــبــتــار]
5.00/5 (1 صوت)

11-04-2014 03:56 PM
السؤال الذى يطرح نفسه هل لدينا دستور حاليا ام أن الدستور المعمول به هو الدستور الانتقالى للعام 2005م وشارك في اعداده الحركة الشعبيه و فيه بنود و مواد تشير الى حكومه مشتركه بين الحركه و الافساد الوثنى ؟
من ضمن مطالب المعارضة وضع دستور يتفق عليه جميع الاطراف كمسودة و يطرح بعد اجازته مبدئيا الى الشعب للاستفتاء عليه ؟
لم يتم ذلك و اى تعديل للدستور الحالى الذى فقد شرعيته بانفصال جنوب الوادى و حتى البرلمان و المجلس التشريعى فقد شرعيته لخلو مقاعد الحركة الشعبيه من اعضاء منتخبين او تم تعينهم بموجب اتفاقية الحطام التى أدت الى تمزيق الوطن و تشتيت الاسر و انهيار الاقتصاد وتراكم الديون الخارجية و تحميلها الى الخرطوم والتى لا تمتلك القدرة على تغطية تكليفة استيراد الادوية و ضروريات الحياة ؟
ما يتخذه القشير من قرارات او تمكليف للمجلس التشريعى و ما ينبسق منها من لجان مخالف للدستور الانتقالى و من المفترض تمليف لجان واهل الخبرة من خارج النظام بوضع مسودة دستور و طرحها للتداول و النقاش والموافقه عليها اولا وبعدها يتم اكمال موافقة الشعب عليها ؟
ولكن فى عهد الافساد و المفسدين و تجار الدين كل شىء جائز و كل قانون او دستور مبنى على حكم الفرد و هو الجاهل بالقانون و حقوق الاسان و المواثيق و التعهدات الدوليه و نظام الحكم الديمقراطى و لا الشريعه الاسلاميه ؟

[الــســيــف الــبــتــار]

#1141763 [كورنجى]
5.00/5 (1 صوت)

11-04-2014 03:56 PM
تعديل الدستور لا تعليق

[كورنجى]

#1141690 [mansour]
5.00/5 (2 صوت)

11-04-2014 02:18 PM
انتو وي الراجل بتاع السوان الاسموحسب الرسول ولا حاجه كدي

[mansour]

ردود على mansour
Sudan [سجمى سجمى] 11-04-2014 05:30 PM
سجمى سجمى انت ماعارف ولاشنو؟
الشيخ التقى الورع حسب الرسول دفع الله الشهير ب "حسبو تحسبو لعب..." ماهو البجهز الشف والطلح والدلكة الخ لبدرية سليمان


#1141609 [تيس البرلمان حسب الرسول دفع الله]
5.00/5 (2 صوت)

11-04-2014 12:37 PM
"شكلت الهيئة لجنة طارئة لدراسة مشروع التعديل من 55 نائباً، برئاسة بدرية سليمان"
ياسلام دستور دستور ياناس برائحة دخان وكبرتة بدرية نفسها
عاد تانى دايرن شنو؟
مد مد مد
تيس البرلمان حسب الرسول دفع الله

[تيس البرلمان حسب الرسول دفع الله]

#1141599 [radona]
5.00/5 (2 صوت)

11-04-2014 12:21 PM
يالهم من عباقرة في العمل الدستوري
زي ما عايز يفصلوا ليك الدستور حتى ترضي
عايز دستور بنطلون وقميص .. جلابية انصارية .. جلابية ختمية .. على الله انصارية .. عراقي بصديري .. عمة وشال مزركشة مؤتمر وطني .. لبسة فرعونية من حرير .. حتى لو داير ساري هندي ولبسه غاندي توب فتقة واحدة
كل الطلبات متوفرة وبمقاسات مختلفة والوان زاهية ومتعدده

[radona]

#1141546 [الحاج]
5.00/5 (3 صوت)

11-04-2014 11:45 AM
بدرية
محمد الحسن الامين(ام الحسن)
اسماعيل الحاج موسي
ناقصة صديق عشكوبي وود الحافظ

[الحاج]

ردود على الحاج
Sudan [Hisho] 11-04-2014 10:17 PM
رحم الله صديق عشكوبى .. والله لقد ظلمت الرجل عندما وضعته مع هؤلا .. صديق رجل كان كريم وجدع منتهى الجود ومنتهى الكرم ومنتهى الجدعنة ..

Sudan [أفريقى] 11-04-2014 02:36 PM
ههههههه بس ياها ذاتا والله يا الحاج


#1141540 [وحيد]
5.00/5 (3 صوت)

11-04-2014 11:39 AM
هو بدرية دي لسه حية؟ و كمان اسماعيل الحاج موسى كمان حي؟ ديل صقور لا بموتوا و لا بفوتوا؟ راكبين مع اي حاكم عسكري و حكومة شمولية؟ ساكنها من الاتحاد الاشتراكي و تحالف القوى العاملة لي المؤتمر الوطني؟
يا ربي بدرية بعد قربت لي ود الاحد خلت الحنة و الدخان و الريحة و لا ربنا هداها و تاب عليها؟ طبعا ما غريب لانه جماعة المؤتمر كانوا برضو اعضاء في الاتحاد الاشتراكي

[وحيد]

ردود على وحيد
Saudi Arabia [mogahid] 11-04-2014 02:38 PM
مفروض بالدخان والريحة واحمر الشلاليف ده ... تترشح لرئاسة الجمهورية ضد بشة .. شوف كان ما السودان كلو اداها صوتو وخاصة لو رجعو الجنوب ... عشان ناس الجنوب بحبوها حب شديد ..... ديل ناس الفتيحاب حطب الدنيا ده كلو مابكفيهم للدخان ...


#1141539 [خبير]
5.00/5 (3 صوت)

11-04-2014 11:39 AM
ياشماتت ابلة ظاظا فيك يا"على عثمان " بقية تقعد في للجنة ترئسها بدرية سليمان ولسه يل ما حتشوف يامعرص .

[خبير]

#1141509 [أبو رنات]
5.00/5 (3 صوت)

11-04-2014 11:04 AM
مسكينة بدرية جايبنها شماعة للقوانين الخلافية منذ عضوية المكاشفي و عوض الجيد بعهد نميري الي زمان ( اولاد الترابي نافع و علي طه ) !!! بلدآ غاب عنها مولانا حمدنا الله قدلت فيها بدرية

[أبو رنات]

#1141507 [المهندس سلمان إسماعيل بخيت على]
4.13/5 (4 صوت)

11-04-2014 11:03 AM
بالله ديل رجال على الطلاق مابقبل أكون عضو لجنة رئيستها بدرية بتاعت الأتحاد الأشتراكى عيب يا أحمد عبد الرحمن أفضل ليك تنضم لأهلك العبابدة فى حلايب بدل المرمطة دى يلعن الله أبو القروش البتجى بالهانة

[المهندس سلمان إسماعيل بخيت على]

ردود على المهندس سلمان إسماعيل بخيت على
Sudan [Hisho] 11-04-2014 11:11 PM
تانى عبابدة وما عارف شنو .. ياخى اتق الله فى نفسك .. والله انت ما عارف نفسك البتكب فيهو دا شنو ..
بدرية سليمان كانت مستشارة قانونية فى رئاسة الجمهورية ابان العهد المايوى وقد عينها فى القصر د. بها الدين محمد ادريس , وكانت عضوة فى لجنة قوانيين سبتمبر البغيضة النتنة عام 1983 مع النيل ابو قرون ومولانا عوض الجيد , لم يعرف لها اى دور فى الاتحاد الاشتراكى كانت مجرد عضوة فقط ولم تكن حتى فى اللجنة المركزية للاتحاد الاشتراكى , النساء اللواتى كن عضوات فى اللجنة المركزية ولهن ادوار هن , د.فاطمة عبد المحمود , امال عباس , ام سلمة سعيد , نفيسة احمد الامين ,هل لمثل بدرية سليمان مكان بين هؤلا المحترمات ؟؟
احمد عبد الرحمن كان ايضأ عضو فى الاتحاد الاشتراكى و تقلد منصب وزير الداخلية بعد المصالحة 1977

Australia [هطربنش] 11-04-2014 07:22 PM
برضه تانى ياسلمان العبابدة والقبلية واثارة النعرات .. ياراجل ما تكبر شوية وتبطل هذه التعليقات الضارة التى تكرس التفرقة بين اهل السودان .. أعقل شوية ياخى .. صحيح وضعه فى هذه اللجنة بهذه الصورة ومعه آخرين مسئ لهم ولكن النقد باسلوبك خاطئ بالرغم من ان جميعهم يستاهلوا ياخدوا بالشلوت .. ولكن اذا ارتضوا لنفسهم ذلك فلتعمل بالمثل السودانى : سيد الحق راضى شن ن..س القاضى .. ومن يهن يسهل الهوان عليه ...الخ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة