الأخبار
أخبار إقليمية
برلماني : جهاز الأمن شوه صورة الصحافة السودانية
برلماني : جهاز الأمن شوه صورة الصحافة السودانية
برلماني : جهاز الأمن شوه صورة الصحافة السودانية


11-05-2014 10:06 AM
البرلمان: سارة تاج السر
اتهم القيادي البارز بالحركة الإسلامية والنائب البرلماني عباس الخضر جهاز الأمن والمخابرات الوطني بتشويه صورة الصحافة السودانية بتدخلاته السافرة في مهنية الصحف بمصادرتها تارة وتجميد صدورها تارة أخرى، وشدد على ضرورة تعديل قانون الصحافة والمطبوعات الحالي بأعجل ما تيسر على أن يكون القانون هو الفاعل والحاكم.
ودعا الخضر في جلسة الهيئة التشريعية أمس الى استحداث مواد في التعديلات الجديدة لضبط الصحافة الإلكترونية ومنع الازدواجية وتقاطعات القوانين الأخرى، معتبراً أن الصحافة االسودانية تتمتع بحريات لا نظير لها في المنطقة حسب زعمه.
وطالب بتحديد أسعار السلع وعدم ترك الحبل على القارب للأسواق لتفعل ما تشاء بحجة ارتفاع قيمة الدولار وحرض البرلمان على التجار وقال: إذا لم يردعوا بالقرآن فلابد من ردعهم بالقانون.
واقترح الخضر إجراء انتخابات جزئية في رئاسة الجمهورية فقط، لإتاحة الفرصة للأحزاب الأخرى، وتمكينها من ترتيب أوضاعها واللحاق بالانتخابات الأخرى.

الجريدة


تعليقات 7 | إهداء 0 | زيارات 2452

التعليقات
#1143059 [سودانى شديد]
0.00/5 (0 صوت)

11-06-2014 05:57 AM
(إذا لم يردعوا بالقرآن فلابد من ردعهم بالقانون)!!!

أبوا يحفظوا السور وللا شنو يا عبس؟

[سودانى شديد]

#1142976 [الاسد]
0.00/5 (0 صوت)

11-05-2014 10:54 PM
جهاز الامن ده الفتح ليهو الباب يدخل منو مش مجلس الصحافة فى عهد على شمو وعثمان ابو زيد والذى ذهب وزيرا بالخارجية وما عارف اسمو منو

[الاسد]

#1142892 [ود الركابي]
0.00/5 (0 صوت)

11-05-2014 07:47 PM
شوف ليك كم نفر معاك وكرفسوهم في شوال وودوهم كوبر سجن المجانين . اهو تكونوا ريحتونا منهم ..

[ود الركابي]

#1142701 [لغوياًً الصحيح]
0.00/5 (0 صوت)

11-05-2014 03:17 PM
الصحيح لغوياً الغارب وهو مؤخرة رقبة البعير وليس القارب.. و المقولة كناية على ترك الحبل عنده ليسير الجمل او الناقة

دون الشد على الرسن بواسسطة من يعتلي السسنام ..

[لغوياًً الصحيح]

ردود على لغوياًً الصحيح
Sudan [القريش] 11-06-2014 08:40 AM
كلامك وتصويبك صحيح وفصيح لكن ماذا نقول اذا كان معظم سكان المدن يفهمون مفرده الجمل على انها هى البظر او فرج الانثى .ههههه الجمل الابل النوق كلها كلمات عربيه فصيحه لكن تم تحريفهاdeviated وانحرافها .


#1142671 [سيف الله عمر فرح]
0.00/5 (0 صوت)

11-05-2014 02:49 PM
يا برلمانى يا محترم عباس الخضر ، ما هذا التناقض فى كلامك ! . لو ما شاعر بالتناقض بتكون مصيبة ! .

أنت والبرلمانية سعاد الفاتح شايتين الكورة فى اتجاه المنصة الرئيسية ، والشبكة أمامكم ! . ده سوء فى النظر أم فى .......... ! .
الذكرى تنفع المؤمنين ، هل سمعتم أن سعر برميل البترول قد انخفض بحوالى 20% عالميآ ، أم نسيتم أن برلمانكم قد رفع الأسعار بالأمس لإرتفاع سعر البترول عالميآ ؟ .

صدقآ خلال عملكم السياسى الذى قارب الخمسين سنة ، لم تحترموا حقوق الشعب السودانى يومآ ، سخركم الله لخدمة إخوان الشياطين الذين صاروا منبوذين فى بلاد حسن البنا ، وسيد قطبى !، وارهابيين فى بلاد خادم الحرمين الشريفين ! .. وعشان كده نكر الأستاذ على كرتى ، ودكتور مصطفى اسماعيل ، بحاكمية الإخوان فى السودان ؟ ، انتو رايكم شنو ؟ . لسه مصرين بالمتاجرة باسم الله لكسب مغانم دنيوية ؟ ، ولسه رح تكذبوا بترديد لا للسلطة ولا للجاه ، وأنتم مكنكشين فى السلطة المغتصبة ؟ .

بعد العمر ده ، وربنا يزيدكم عمر وصحة وعافية ، اتقوا الله ، وحاولوا أن تحترموا أبناءكم وبناتكم ! ، أما الشعب فلا يعشم احترامكم له ! .. مش كويس أحفادكم يشوفوكم بتاجروا باسم الله لمغانم دنيوية ! .. البضاعة المغشوشة باسم الدين لا بركة فيها مهما تلألأت وخطفت الأبصار ! .

[سيف الله عمر فرح]

ردود على سيف الله عمر فرح
United Arab Emirates [ودالمك] 11-05-2014 08:00 PM
شوف التناقض : التدخل السافر للامن ومصادرة الصحف والصحافة تتمتع بحريات لانظير لها ههههههه هع هع هع , ده عباس اسألوا منو ناس عطبرة !!!


#1142569 [ملتوف يزيل الكيزان]
0.00/5 (0 صوت)

11-05-2014 01:25 PM
شغل الحاوي الكلو بلاوي ، الناس دي قايلا الناس عندها قنابير .
ده دليل قاطع ببداية الانهيار . كلو واحد شايت لاتجاه براهو والهضربة كترت نسوان و رجال (اذا صح تعبير رجال !) و كمان البشير قال لاول مرة يطلع مرتاح من زيارتة لمصر الظاهر ( الصعايدي سلاحو تقيل).

[ملتوف يزيل الكيزان]

#1142397 [ود النمر]
0.00/5 (0 صوت)

11-05-2014 11:04 AM
قال تدخلات سافرة من جهاز الامن ومصادرة الصحف !!! وان الصحافة تتمتع بحرية !!! ماغريبة ! ده عباس الخضر رئيس نقابة عمال السكة حديد ,, ذهب من عطبرة للخرطوم معارضا النميري وعاد الى عطبرة مبايعا للنميري ,, ترشح نائبا لجبهة الترابي بمؤهلات ابتدائي والان دكتور !!

[ود النمر]

ردود على ود النمر
Saudi Arabia [بلة الحــاضر] 11-05-2014 01:18 PM
الحنكوش العجوز دا تلقاهو هو زاتو مشارك في قرارات اهانة الصحافة السودانية!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة