الأخبار
أخبار إقليمية
الانتباهة : أزمة دبلوماسية بين الخرطوم والقاهرة بسبب جمعة حقار
الانتباهة : أزمة دبلوماسية بين الخرطوم والقاهرة بسبب جمعة حقار
 الانتباهة : أزمة دبلوماسية بين الخرطوم والقاهرة بسبب جمعة حقار


القاهرة تدعم أطرافاً مسلحة وتساهم في إفلات مطلوب للعدالة
11-10-2014 12:31 PM
الخرطوم: المثنى عبدالقادر
كشفت مصادر عن أزمة دبلوماسية بين السودان ومصر، عقب توجيه الخرطوم اتهامات للقاهرة بالتواطؤ وتهريب القائد العام لجيش حركة تحرير السودان الفريق جمعة محمد حقار من على أراضيها، وصرح مصدر دبلوماسي رفيع لـ«الإنتباهة» بأن الأزمة نشبت بين البلدين عقب قيام السلطات المصرية بعلاج المتمرد جمعة محمد حقار لأكثر من ستة أشهر ونقله إلى جوبا بدولة الجنوب، وأضاف المصدر بأن السلطات المصرية رفضت طلب الخرطوم بتسليم الفريق جمعة محمد حقار عقب القبض عليه في مطار القاهرة أثناء مغادرته إلى جوبا بجواز سفر سوداني مزور، وأشار الدبلوماسي إلى أن السلطات المصرية رفضت محاكمته أوترحيله للسودان، ما يشجع على خرق قوانين الهجرة وتراجع ملفات التعاون بين البلدين، وقال المصدر إن رفض السلطات المصرية أعاد العلاقات بين البلدين للمربع الأول وجاء بعكس الروح التي سادت العلاقة بين البلدين، عقب زيارة الرئيس عمر البشير للقاهرة التي طوت الفتور بينهما.

ونبّه المصدر بأن القاهرة بتصرفها تكون قد دعمت أطرافاً مسلحة وساهمت في إفلات مطلوب للعدالة في السودان، حيث يواجه جمعة حقار تهماً تتعلق بجرائم في دارفور على خلفية اشتراكه في الهجوم على مدينتي الفاشر ومليط، والهجوم على مدينة برام بجانب الهجوم على منطقة قريضة، ويبين المصدر بأن حقار مسؤول عن مقتل مدنيين وعسكريين وتصفية المئات من المواطنين إلى جانب تدمير عدد من المنشآت والمرافق العامة والخاصة.

الانتباهة


تعليقات 25 | إهداء 0 | زيارات 12643

التعليقات
#1146930 [تعليق]
0.00/5 (0 صوت)

11-11-2014 08:54 AM
بأن الأزمة نشبت بين البلدين عقب قيام السلطات المصرية بعلاج المتمرد جمعة محمد حقار لأكثر من ستة أشهر ونقله إلى جوبا بدولة الجنوب، وأضاف المصدر بأن السلطات المصرية رفضت طلب الخرطوم بتسليم الفريق جمعة محمد حقار عقب القبض عليه في مطار القاهرة أثناء مغادرته إلى جوبا
السؤال هو يعد ست شهور علاج وترحيله الي جوبا كيف يكون تم القبض عليه وهو متجه الي جوبا.... الكلام ما موزون اول شيء اقنعونا بالكلام المتخبط دا

[تعليق]

#1146790 [ســــــرحــــــان]
5.00/5 (1 صوت)

11-11-2014 06:19 AM
بالله شوف "العُر" ده !
المصريين استقبلو "الرصين و المع الرصين" استقبال الفراشين (بدون علم) , يعني ما معترفين
بيهم ذاتو , و الجماعه قعدو ساكتين زي التلاميذ أو بالأصح زي "الترابيز" و بعد كل الإهانات
يجو يقولو لينا " خرق قوانين الهجرة وتراجع ملفات التعاون بين البلدين.

ياخي إنتو المصريين ديل خرقوكم حتي إستعصى الفتق على الراتق !

[ســــــرحــــــان]

#1146688 [كوكاب]
1.00/5 (1 صوت)

11-10-2014 11:38 PM
الانسان الذي يشعر بان انسانيته مهددة فعليه ان يخرج من طاعة الحاكم الذي لم يراع انسانية رعاياه ،وهذا هو ما يجري في السودان ،حاكم جاء على ظهر دبابة وسطا على السلطة وسخر كل الامكانيات لمحاربة أبناء الوطن الاشراف ،الى ان أصبح طريدا لدى الجنائية الدولية كمجرم حرب أباد نصف شعبه من اجل ان يبقى ونسوا بان البقاء لله وحده .

[كوكاب]

#1146656 [عبدالله نوقية دوسوما]
4.00/5 (3 صوت)

11-10-2014 10:11 PM
عجبا لهذا المعتوه، اذا كان هو فاكر ان المناضل جمعة حقار مطلوب من الحكومة السودانية، فان البشكير نفسه مطلوب امام ارفع هيئة عدلية على وجه الكون.
هل يجوز للسيسى ان يسلم مجرم حرب الدولى الهارب من العدالة الدولية الى لاهاى ام يتوجب عليه ان يسلم هذا المناضل الزى يدافع عن حقوق الغلابة الزين احرقت قراهم وسلبت ممتلكاتهم وقتل فلذات اكبادهم وشردتهم البشة من حواكيرهم.
تسلم سيسى ويحيا العدالة وعاش الرفيق المناضل جمعة حقار حيا وميتا ابدا ما عاش فوق الارض وتحت الشمس.
وعاشت الكفاح الثورى مستمر.

[عبدالله نوقية دوسوما]

#1146611 [ملتوف يزيل الكيزان]
1.00/5 (1 صوت)

11-10-2014 08:52 PM
المجرم باثبات الجنائية الدولية بعد تحقيق اقره القضاء ، يطالب بتسليمه المناضلين الاحرار. هزلت!

[ملتوف يزيل الكيزان]

#1146593 [معاويـــــــــــــــــــــــــــــــــــــة]
1.00/5 (1 صوت)

11-10-2014 08:17 PM
ههههههههههههههههههه قال متهم ب جرائم حرب وانتو متهمين ب شنو انتو متهمين ب تدمير السودان كلو اها انتو يودوكم وين والله لو نار زى نار جهنم يكبوكم فيها من هسع لا يوم الغيامه وانتو السبب فى ده كلو هو لو ما نتو جمعه ده زاتو كان اتمرد ............

[معاويـــــــــــــــــــــــــــــــــــــة]

#1146542 [عصمتووف]
2.00/5 (3 صوت)

11-10-2014 07:06 PM
شئ عجيب حقار متمرد سياسي وليس مجرم تاجر مخدرات او مغسلا للاموال او مهربا للبشر هذه قضية اخري هنا كم معارض اخواني متواجد ف المبدا التعامل ب المثل والاسلام يدعوا للاجارة ف اجاروه وغيره والقاهرة لا تحدد مسير اي شخص اما الجواز ف هل انتم اعلم من الاجهزة المصرية

[عصمتووف]

ردود على عصمتووف
[ashafokhalo] 11-10-2014 10:56 PM
ما لم تزكره صحيفه الغفله انوا المصريين عايزين يرسلو رساله تقول للبشير:
سلم الاخوان المعاك نسلمك جماعتك المعانا والا فسوف ندعم المعارضه
بعدين يا خال الرييس كيف تقارن بين شخص يحارب دفاع عن نفسوا وبادو مع ود اختك المطلوب من الجناييه


#1146495 [المهاجر]
3.00/5 (2 صوت)

11-10-2014 05:59 PM
الحمد لله لا نريد مصاريه فى السودان والله انى دعوت الله ان تقطع العلاقات

[المهاجر]

#1146485 [nagatabuzaid]
3.00/5 (7 صوت)

11-10-2014 05:41 PM
البشير زى ما بقولوا الشفع (عاوز يعمل زوغبير ويكب الزوغة ) المخلوق ده اتفق وتعهد وبصم بالعشرة وحلف بالتقطعوا وتقطع جماعتوا انا يا السيسى ما بلم الاخوان الهاربين من مصر وما بدخلهم على والدخلتهم هسع دى قبال اصل السودان بالتلفون الجنبك ده هسسسسسسسع اصدر تعليمات بطردهم من السودان وانت يا السيسى تعمل نفس الحكاية مع المعارضين العندك والخاين الله يخونوا السيسى صنقع ودنقر وقال له كويس وما حلف وما بصم بالعشرة وهو متاكد من امرين عمر البشير معروف على مستوى العالم لا عنده عهد ولاذمة ولا كلمة وبياع وغدار حتى مع قطر بدليل انه فى عهده للسيسى خان قطر والامر التانى السيسى عارف البشير قبض من قطر وبلع وهضم ثمن استضافة اخوان مصر الهاربين وهو ثمن دسم ومسح خشمه لازالة اثار البلع مثل البدخل المطبخ ويبلع ويمرق يمسح خشمه زى الما سوا شىء والان البشير مزرور ممن دفعوا ولازم كراعوا فى رقبتوا يستقبل اخوان مصر ولا كتر خيروا ولا بارك الله فيهوا اها يتصرف كيف ؟؟ ويتخارج من قطر الدفعت ولا مصر العاهدت شاور مدام ارملة شمس الدين قالت ليه هوى يا روح ما بعدك روح نحن اول بالتبادى نرجع قروش قطر ده خط اححححححمر المدفوع لا يسترد وتانيا اولادى بدرسوا فى قطر والولد فى الكلية العسكرية القطريةشوف لك طريقة مع السيسى وطبعا كلام المدام ما بتكسر وهو وفى اختراع المشاكل ما بتلفت وفى نكص العهود وبلع كلاموا مافى زول بلحقوا طوالى عمل موضوع حقار سبب لكب الزوغة والزوغبير ودى طبيعة معروفة فيه
السىسى عمل مع حقار نفس السواه معاك ماسلمك للجنائية وما سلم حقار لشخصيتك الشيطانية انت زغت كم مرة من الجنائية وما تتكيف الا لما تحرج الدول المضيفة لك مع الجنائية تفتكر انها رجالة هسع الواجعك شنوا وليه داير لك سبب والمصرين الاخوان سجم خشمم بعد تعمل تحلل لقروش قطر حتسلمهم للسيسى

[nagatabuzaid]

ردود على nagatabuzaid
Egypt [احمد ابو القاسم] 11-11-2014 01:47 AM
نسيت حاجه مهمه يالأسمك نجاة انو السيسي بفعلته هذه اثبت انو لاعب من الطراز الأول اذ بفعلته هذه ارسل رساله مفاده انو انحاز للشعب السوداني وأبطاله ولم يلقي بالا للكذاب السفاح .


#1146479 [ود الشبارقة]
3.00/5 (2 صوت)

11-10-2014 05:28 PM
ايها الأخوة يا من تعلقون على معا
لة طرفها السودان وطرف اخر سمه ما تسمه انتم بذلك تسيئون لوطنكم اولا ولانفسكم ثانيا البشير رئيس يذهب وياتي غيره ويبقى السودان فرجاء علقوا بعقل لا بعاطفة السودان اكبر منك ومن البشير ومن غيره ، ام ترون حال السوريين يهيمون على وجوهوم في اخر هوان وملطشة ، الشئ المعلوم والذي يعرفه القاصي والداني ان المصريين يعاملون السودانيين معاملة اشبه بفترة الحكم الثنائي ، وهذه العقلية موجودة عند كل مصري من رئيسهم الى غفيرهم فلا ترجو خيرا لا من مرسي ولا سيسي ولا اي مصري فكلهم من طينةواحدة لا تعرف غير حب مصر وحب الذات والانانية والصلف نحن في الغربة نواجه انواعا من الصلف والكبرياء المصري والمعاملة التي تصل الى حد توريط السودانيين بلا ذنب في قضايا هذا هو المصري وهذه عقليته فارجوان تحافظوا على من تبقى من بلدكم ولا تاخذكم العزة بالاثم لو صار للسودان لا قدر الله كما يصير لسوريا فسوف تطردون من اراضي كانت سابقة لكم اخذوها المصريين على حقبة عبود سئ الذكر ، فحافظوا على السترة وانتم الآن على ما ترون من ضنك افضل من غيركم اللهم عليكمبالدعاء والابتهال الى الله ان يفرج علينا وان ينصرنا على كل ظالم داخل الحدود وخارج الحدود .

[ود الشبارقة]

#1146439 [سوداني]
2.88/5 (6 صوت)

11-10-2014 04:48 PM
الأهبل العبيط الأرزقي الخائب العنصري البغيض فني اللاسلكي الذي صار في زمن الغفلة وزمن الأوهام من رويبضة **** خامل الذكر إلي جعجاع يملك صحيفة :

ود أختك الرقاص أيضا مطلوب للعدالة بتهم القتل والتطهير العرقي والاغتصاب والفساد , وذهب للقاهرة فلماذا لم يتم تسليمه لمحكمة الجنايات الدولية يا أهبل يا فاجر يا كاذب ؟؟؟؟؟؟؟؟ تفووووووو عليك وعليه , اسكت الله حسك .

[سوداني]

#1146428 [ظلال النخيل]
2.47/5 (8 صوت)

11-10-2014 04:35 PM
شر البلية ما يضحك معقول البشير المطلوب داخليا ودوليا يطالب بتسليم شخص يطالب بمطالب أهله...
البشير مطلوب لدى المحكمة الشعبية السودانية والمحكمة الجنائية الدولية ونطالب سلطات كل الدول المجاورة ودول افريقيا و الخليج بالقبض عليه وتسليمه لدى مقر المحكمة الشعبية السودانية في ميدان ابو جنزير...

[ظلال النخيل]

#1146416 [جون قرنق]
2.50/5 (4 صوت)

11-10-2014 04:22 PM
والله كان المصريين يقبضوا بشه ويسلموه للجنائيه ويريحونا !!!

[جون قرنق]

#1146394 [الــســيــف الــبــتــار]
2.72/5 (6 صوت)

11-10-2014 03:55 PM
خلو الطابق مستور و ما تقعدو تنبشو و تحفرو وتجيبوا لروحكم البلاء واحمد الله انو القشير رجع فرحان و قال لاول مره احس بانى مرتاح نفسيا علشان ما سلموه الى الجنائيه الخرتيت السفاح .

[الــســيــف الــبــتــار]

#1146381 [سوارى]
2.50/5 (5 صوت)

11-10-2014 03:33 PM
((ونبّه المصدر بأن القاهرة بتصرفها تكون قد دعمت أطرافاً مسلحة وساهمت في إفلات مطلوب للعدالة))

طيب وبشبش وأبوريالة ما هم مطلوبين أيضا للعدالة؟؟ حرامية هبل.

[سوارى]

#1146380 [njoom]
2.72/5 (6 صوت)

11-10-2014 03:29 PM
اقبضوا علي بقايا مرسي الدخلوا السودان عن طريق قطر بعد داك طالبوا بمعاملة بالمثل

[njoom]

#1146374 [فكري]
2.75/5 (5 صوت)

11-10-2014 03:24 PM
السيسي لايتعامل بالعواطف من شاكلت ( حلايب منطقة تكامل .. وعلاقتنا بأشقاءنا في السودان أكبر من خلاف علي أرض جرداء ) كما يتوهم ويصدح بها مسؤلينا الجبنا ولكن بعون الله حينما يأتي رئيس يعامل بالمثل سنري السيسي يقبل يده ويسحب قوأته من حلايب وشلاتين وأبورماد ...

[فكري]

#1146375 [الغاضبة]
2.72/5 (6 صوت)

11-10-2014 03:24 PM
ونحن ندين السلطات المصرية على عدم تسليمها للمجرم الهارب من العادلة عمر حسن احمد البشير المدان بجرائم الابادة الجماعية في بلاده والسماح له بدخول اراضيها ومغادرتها متجاهلين مشاعر الشعب السوداني والمجتمع الدولي (من لا يهمه الامر يسكت وما ينط لي في رقبتي) ....

[الغاضبة]

ردود على الغاضبة
[AburishA] 11-10-2014 06:08 PM
جبتي الكلام من اخره اخت الغاضبة.. ولم تتركي لنا مجالا بالاختراق والتعليق..خالص الاحترام..

Sudan [nagatabuzaid] 11-10-2014 05:08 PM
تسلمين يا الغاضبة ونحن معاك من المصريين زعلانين زعلانين


#1146361 [عصفور]
2.00/5 (5 صوت)

11-10-2014 03:02 PM
بعدين اللمبي ابو رياله دا ما داخل ومارق علي مزاجو ما اقبضو برضو

[عصفور]

#1146359 [عصفور]
2.00/5 (5 صوت)

11-10-2014 03:00 PM
اسي البشير ما كان في القاهرة وهو برضو مجرم حرب ومطالب دوليا ليه ما قبضو ولا هم قايلين العالم دا كلها سودانيين ممكن اتحقر بيهم احي مصر واحي اي زول بقدر امغس الكيزان....

[عصفور]

#1146270 [المهندس سلمان إسماعيل بخيت على]
2.50/5 (6 صوت)

11-10-2014 01:23 PM
القاهرة لم ولن تخطىء فقد كان فى زيارتها مطلوب للعدالة الدولية بلاهاى فأحسنت ضيافته وأمضى بها يوميا وعاد معززا مكرما لوطنه هو المشير البشير
إشمعنى يسلموكم الفريق جمعة محمد حقار يعنى عشان مش مشير
ياخى خلاص رفعناه ليكم مشير
وصافية لبن مصر والسودان
ماتدوئش

[المهندس سلمان إسماعيل بخيت على]

ردود على المهندس سلمان إسماعيل بخيت على
[AburishA] 11-10-2014 06:10 PM
لك التحية باشمهندس..كلام عقل.. ومصر لها تقديراتها التي لا تفرط فيها..خالص التقدير..


#1146266 [محمد عبد الرحمن]
2.00/5 (5 صوت)

11-10-2014 01:20 PM
المجرم الذي تلام مصر علي عدم تسليمه للعدالة هو عمر البشير الكذاب و ليس القائد حقار
في علي عمر البشير ان يبوس جزمة السيسي الذي لم يسلمه للايسيسيي

[محمد عبد الرحمن]

#1146261 [غضبان]
2.00/5 (4 صوت)

11-10-2014 01:15 PM
لازم تفهموا انكم ما عندكم حليف غير الابليس

ايها اللصوص الابالسة

[غضبان]

#1146234 [مفجوع]
2.50/5 (7 صوت)

11-10-2014 12:44 PM
وإنتو ما مسكنين ومتكفلين بي إعاشة الألآف من أنصار مرسي ليه يبقالكم حار ...؟

[مفجوع]

#1146231 [Locolo]
2.00/5 (5 صوت)

11-10-2014 12:41 PM
ود آختك عمر البشير قتل الاف من المدنيين و هو هاربمن العداله الدولية ،،، رايك شنو الطيب مصطفى ،،

[Locolo]

ردود على Locolo
United Arab Emirates [saeed] 11-10-2014 01:28 PM
الطيب مصطفى تمت اقالته من الانتباهة , واصدر جريدة الصيحة , انت مغنتس وين يااخوى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة