الأخبار
أخبار إقليمية
مجلس احزاب " الفكة" يتقدم بطلب لمفوضية الانتخابات لتجديد تمديد فترة التسجيل
مجلس احزاب " الفكة" يتقدم بطلب لمفوضية الانتخابات لتجديد تمديد فترة التسجيل
مجلس احزاب
عبود جابر


من طرائف إنتخابات حزب البشير
11-15-2014 11:03 PM
الخرطوم (سونا) - تقدم مجلس احزاب حكومة الوحدة الوطنية بطلب اليوم لمفوضية الانتخابات ،مطالبا فيه بمد فترة التسجل للمواطنين في السجل الانتخابي مرة ثانية لتمكينهم من التسجيل توطئة للمشاركة في العملية الانتخابية القادمه، وقال الامين العام للمجلس الاستاذ عبود جابر ان المجلس سلم الطلب لرئيس المفوضية الدكتور مختار الاصم مؤكدا اهمية التسجيل باعتباره مرحلة اساسية من مراحل الانتخابات لارتباطه بكامل العملية الانتخابية.
واضاف ان احزاب المجلس واحزاب من خارج المجلس تطالب بمد فترة التسجيل وتري معقولية الطلب الذي تقدم به المجلس ، مشددا علي ضرورة التمديد ، ونوه جابر الي وجود اعداد مقدرة من المواطنين في المركز والولايات اغلبهم من الذين بلغوا سن الثامنة عشرة ، لظروف الحصاد لم يتمكنوا من التسجيل ، الامر الذي يتطلب مد فترة التسجيل لضمان حقوقهم التي كفلها الدستور فيما يتعلق بمشاركة اكبر عدد من المواطنين في الانتخابات .
واعرب عن امل الاحزاب في الاستجابة للطلب ومد فترة التسجيل لاتاحة الفرصة ولافساح المجال للاخرين لللحاق بركب السجل .


تعليقات 14 | إهداء 0 | زيارات 2216

التعليقات
#1150692 [radona]
5.00/5 (1 صوت)

11-16-2014 12:29 PM
الامر لا يخرج ابدا من دائرة الكوميديا والفكاهة
من الغباء ان يتضايق احد من مثل هذه التصرفات ويفوت فرصة ان يضحك
يعني الاولاد عندهم قواعد لم يسجلوا بعد لذلك طلبوا التمديد
في الحقيقة مافي الا رئيس الحزب ونوابه واختام واوراق مروسة
لكنهم ايضا سينالون اصوات وسيشاركون في التشكيل الحكومي القادم على ايتها حال
بس والله كان انا من المؤتمر الوطني اقوم امقلبهم واخليهم يواجهوا حقيقة امرهم في الانتابات وطبعا سيستحيل منحهم مقاعد وزارية او دستورية واشوفهم حيسووا شنو بالضبط
بالله تخيل لو المؤتمر الوطني افاق فجاة الى رشده وقرر حل الحكومة والبرلمان وتكوين حكومة انتقالية من الاحزاب ذات الثقل الجماهيري والتي كانت في الحكم قبل انقلاب 89م
اين سيذهب هؤلاء
اين سيختفون
بماذا سيبررون انشقاقهم من اصولهم وماذا سيقولون واين سيفرون
الم اقل لكم ان الامر لا يخرج من اطاره الكوميدي ابدا

[radona]

#1150688 [منشى]
5.00/5 (1 صوت)

11-16-2014 12:26 PM
اعلان هام :
الفكه المعتمده من جانب واحد فقدت قيمتها التداوليه فى سوق السياسات السودانيه فعلى البنك الشعبى سحب تداولها من البورصات فورا.

توقيع :
ادارة البورصات السياسيه

[منشى]

#1150634 [الكوز الضارب الجداده وشارب البيض]
0.00/5 (0 صوت)

11-16-2014 11:22 AM
والله الزول المقنطر عمتو زي تاجر البقر دا حيرنا
مع احترامنا الشديد لتجار البقر

[الكوز الضارب الجداده وشارب البيض]

#1150483 [ابكر ادم احمد]
0.00/5 (0 صوت)

11-16-2014 09:14 AM
تكتيات الدغمسة بدأت بدري بدري وصارت ضرورية ولازمة هم قدوا اذنين الناس بكذبة كثرة عضوية المؤتمر الوطني وبعدين لما ما نفعت عملوا مسرحية مد فترة التسجيل وبدؤا معاها توجيه القوات النظامية والشبه نظامية بالتسجيل وربطوا المرتب ببطاقة التسجيل . عرفو الحقيقة المعروفة للناس كلها وما في طريقة الا يقوموا للدغمسة وبعد ما قالوا الرووووووووب

[ابكر ادم احمد]

#1150463 [nagatabuzaid]
0.00/5 (0 صوت)

11-16-2014 08:56 AM
هو اصلا فى تسجيل علشان يمدوا لكم الفترة يا كضابين بس ادوا العاطلات الشايلات دفاتر وحايمات فى البيوت للتسجيل حقهن وكمان عليكم الله امنحوهن علاوة على مجهودهن لاقناع النساء الرافضات للتسجيل وعلاوة كمان للفشل مناديبكم فشلوا فى التسجيل امشوا سجلوا من المقابر

[nagatabuzaid]

#1150413 [د. هشام]
0.00/5 (0 صوت)

11-16-2014 07:45 AM
تمديد التمديد و تمديد المُمَدد!!!

[د. هشام]

#1150405 [caeser]
0.00/5 (0 صوت)

11-16-2014 07:26 AM
عبود جابر يا بتاع اجزاب القكة .... الله يفك حنكك

[caeser]

#1150403 [نيض التعب]
5.00/5 (2 صوت)

11-16-2014 07:24 AM
إمام وخطيب مسجد الكلاكلة أم عُشر سكب (الجُرسة) في خطبة الجمغة الماضية لدرجة قال غيها للمُصلين أن تسجيا أسامائكم ليس للمؤتمر الوطني وإنما مسؤولية دينية يسألكم عنها الله وسبحانه وتعالى ، وهنا ــ أقسم بالله العظيم ــ أن عدد كبير من المصلين تعالت أصواتهم مطالبة الإمام بالنزول عن المنبر وإقامة الصلاة بدلاً عن نفاقه المُمارِس له داخل بيت الله! ، وما حدث من مُصلِّي مسجد أم عُشر يؤكد أن التململ طال وشمل كافة مرافق الحياة حتى داخل المساجد .. لقد أيقنت تماماً لحظنها أن الثورة قادمة من داخل بيوت الدين لكنس تجار الدين .. والله أكبر ولله الحمد.

[نيض التعب]

ردود على نيض التعب
Sudan [nagatabuzaid] 11-16-2014 09:29 PM
( التسجيل للمؤتمر الوطنى مسؤولية دينية يسالكم عنها الله سبحانه وتعالى ) الله يكسر رقبتك ويقطعك حتت حتت بساطور اب ساطور ربنا ينشف حنجرتك ويخليها تصفر ده مفروض تحرموا عليه المنبر وامامة الناس لانه يفترى على الله الكذب مفروض تحرموا عليه شارع المسجد لكن ما غريبة الائمة الكبار المستلمين المساجد الكبيرة بخرمجوا
يكونوا بدوهم كورسات فى الافتراء على الله الكذب لا حول ولا قوة الا بالله العلى العظيم


#1150382 [كوكى قرفان]
5.00/5 (1 صوت)

11-16-2014 06:41 AM
ههههه انتو مدوا التسجيل والشعب بمد لسانه.ههههههههههههههههقال حصاد بحصدوا شنو؟؟؟ طيب الشماليه والشرق والخرطوم والغرب زارعين شنو عشان يحصدوهو؟؟؟

[كوكى قرفان]

#1150374 [المشروع]
0.00/5 (0 صوت)

11-16-2014 06:01 AM
دا لف ودوران ومشاركة في الاثم والعدوان.. يا عبود يا قانوني ...اترك المكر والخديعة لأهلها يا جابر اقل شئ من باب (فليقل خيراً ا و ليصمت) ولا تركب مركب القوم الظالمين الذين يخططون لينقضوا على السلطة كالوحوش الكاسرة المرة الاولى انقضوا على الحكم باسم الشريعة والاسلام والآن تركوا كلمة شريعة وقالوا جايين بالديمقراطية والانتخابات والاستحقاق الدستوري..

[المشروع]

#1150367 [Xman]
0.00/5 (0 صوت)

11-16-2014 05:23 AM
انا ما عارف ليه عاملين انتخابات اساسا مافى زول مركز مع الموضوع و الناس كلها قنعت من الدنيا و بقت منتظرة يوم القيامة ! جننتوا والله يا كيزان مسختوها جد جد والناس حالتها بقت صعبة جدا و الشباب كلهم سافروا !

[Xman]

#1150335 [ناخب مضرب]
1.00/5 (1 صوت)

11-16-2014 01:06 AM
اليوم السبت هو آخر يوم للتسجيل حسب جدول الأصم والمؤتمر الوطنى بينما الذين سجلوا في كل السودان اقل من مليون (تحديدا 785000) من جملة 11 مليون حسب تقديرات الأصم ويدور الآن نقاش في صوالين المؤتمر الوطنى بفشل عملية التسجيل وعزوف الشعب عن تجربة إنتخابات الخجة مرة أخرى والرأى السائد الآن هو إلغاء التسجيل والعودة إلى كشف تسجيلات انتخابات الخجة السابقة لعام 2010 وطرحها للإقتراع وقد كان عدد المسجلين حينذاك حسب فبركة نافع على نافع 10 مليون لكن المشكلة هو أن فوق المليون شاب قد كبروا وتجاوز أعمارهم 18 سنة وسيتم حرمانهم من الإقتراع إذا تم إعتماد الكشوفات السابقة مما يعنى بطلان الإنتخابات،، دى مسرحية كاملة الدسم نقعد ونشوف البيحصل لكن الحل الوحيد هو تأجيل الانتخابات تكوين حكومة إنتقالية للإشراف عليها وحل مفوضية الأصم الحرامى.

[ناخب مضرب]

ردود على ناخب مضرب
Sudan [nagatabuzaid] 11-16-2014 08:43 AM
على قولك نقعد ونشوف البحصل ترانا قاعدين ومصنقرين راجين نشوف البحصل


#1150332 [شمبول]
5.00/5 (1 صوت)

11-16-2014 12:49 AM
الروب .. الروب .. بس ناقصة يصلونا ناخبين من مالي و بوركينا فاسو !!!!!

[شمبول]

ردود على شمبول
Sudan [الحالم] 11-16-2014 09:55 AM
ياريت يصلونا ناس فاسو و نرتاح من كمباوري بتاعنا .. خلاص فهمنا كمل .

Sudan [nagatabuzaid] 11-16-2014 08:48 AM
بتاعين مالى قاعديييييييييييين بتاعين بوركينا فاسو ما معروف بجو متين لكن بشوفهم ليكم ما انا اصلى قاعدة هناك زى ما قال واحد من الحايمين فى الراكوبة اها هسع ادونى منصب وزارى هناك اصدرهم لكم كيف برا ولا بحرا ولا جوا ؟


#1150313 [A. Rahman]
0.00/5 (0 صوت)

11-15-2014 11:14 PM
اذا كان للمؤتمر الوطني عبقرية واحدة فهي عبقريته في اكتشاف مثل هذه الاراجوزات، و زيادة على "الارجزة" يكون الواحد فيهم مجردا من اي قيم أخلاقية او "إحساسية" تمنعه عن فعل العيب.

[A. Rahman]

ردود على A. Rahman
[ashafokhalo] 11-16-2014 06:08 AM
للاسف يا ناخب انت ما نقشت خطه الموتمرنجيه التي ينفزها الاصم والجوغه بعد ان قبضوا التمن:
= الاصم يحتفظ بالتسجيل المخجوج وديل حوالي 10 ملايين بما في زلك الماتو والهاجروا والاسما الوهميه: ديل ماب يشملم التسجيل
= الاصم بيتكلم عن الناس الما مسجلين في السجل المضروب مثلا الكانو بره ورجعو السودان والاولاد البلغوا سن 18
= الاصم ح يطلع بملايين الناحبين والصناديق المخجوجه جاااااهزه والنتايج زاااااتا جاهزه يعني محاصصه متفق عليهاوهي كالاتي:
= الموتمر الوطني وقد احرز 55% من الاصوات
= يليه الموتمر الشعبي ونصيبو20%
= ويليه اتحادي المرغني ب 15% = يليه الاصلاح الان ب 5%
= واحزاب الفكه ادوها 3% بالاضافه لقطعه ارض جنب المطار الجديد لكل رييس حزب
= وامعانا في التضليل ف ال 2% المتبقيه هي اصوات تالفه عشان يدوا الانتخابات المخجوجه مصداقيه

حضروا كمراتكم لاخراج الفيلم القديم - الجديد وراقبوا الانتخابات المخجوجه وجيبوا اكبر عدد من المراقبيين الدوليين عشان يشهدوا الفضيحه ام جلاجل
= قوموا الي مظاهراتكم وانتفاضتكم يرحمكم الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة