الأخبار
أخبار إقليمية
مدير استاك: يجب الاستعداد للأسوأ بشأن الإيبولا
مدير استاك: يجب الاستعداد للأسوأ بشأن الإيبولا


11-17-2014 10:17 AM
البرلمان: سارة تاج السر
كشف مدير قسم الوبائيات بالمعمل القومي للصحة العامة الشهير بـ"استاك" دكتور عصام خضر، عن عدم وجود معامل وأجهزة فحص وتشخيص بالبلاد، لاكتشاف فيروس الإيبولا، وأكد عدم تسجيل أي إصابة بالمرض حتى الآن، لكنه حذر المسؤولين من التراخي؛ وطالب بالاستعداد لما هو أسوأ، ووصف خضر التصريحات المطمئنة بعدم وصول المرض السودان بـ"مناعة فالصو".
واعتبر خضر، خلال زيارة لجنة الصحة بالبرلمان للمعمل أمس، بشأن الوقوف على جاهزيته في لتعامل مع الفيروس، أن الإيبولا، مهدد للأمن القومي، وشدد على ضرورة وضع تدابير صارمة في مداخل البلاد لمنع دخولها، وأشار الى أن المرض يحتاج الى وقفة وطالب بالاستعداد لما هو أسوأ.
وأقر خضر بأن الطفلة المصابة بالرعاف، في مستشفى إبراهيم مالك أحدثت "ربكة" بحسبان أنها مصابة بالإيبولا معتبراً أن تشابه أعراض الإصابة بالإيبولا مع أعراض الملاريا والإنفلونزا وحمى الضنك والحمى النزفية، يخلق عملية خلط، واتهم خضر الولايات بالتراخي، وأكد خضر أن استاك لا يمتلك أي أجهزة تمكنه من استلام وفحص عينات الإيبولا، وأضاف: "ما بنقدر حتى نلمسا" وأشار الى أن السودان يرسل العينات الى معامل السنغال وألمانيا.
وأكد مدير قسم الوبائيات بمعمل استاك أن فيروس الإيبولا سبق أن دخل السودان في سبعينات القرن الماضي وصنفه الى 5 أنواع منها السوداني والزائيري واليوغندي وساحل العاج مشيراً الى أن الزائيري هي الأعنف.
وأقر نائب مدير معمل استاك للشؤون الفنية، أبو شادي عبد الفضيل بصعوبة كشف أي حالة وبائية في الولايات واتهم وزارات الصحة الولائية بتجاهل معامل الوبائيات لأنها لا تحقق أي أرباح وتتطلب صرفاً مقدراً، وأضاف: "ما شغالين بيها" لافتاً الى أن اعتمادهم الأساسي ينصب على المركز "استاك".
وأكد أبو شادي جاهزية المعمل واستعداده لاكتشاف وتشخيص وبائيات العينات المعروفة لكنه أقر بأن الإشكالية تأتي عندما يظهر مرض جديد وأضاف: "بجهجهنا"، وعزا ذلك للحظر المضروب على السودان، مشيراً الى أن الحظر حرم السودان من استلام حصته من محاليل فحص فيروس إنفلونزا الطيور في السابق، الى أن تم الحصول عليها من الصين "باللفة".
في الأثناء دعا رئيس لجنة الصحة بالبرلمان عبد العزيز اثنين الإعلام لتوخي الحيطة الحذر في نقل المعلومة الخاصة بفيروس الإيبولا، وشدد على ضرورة إغلاق المنافذ حتى لا ينتقل المرض للسودان وكشف عن تجاه البرلمان لتنظيم حملة توعية للمواطنين توضح كيفية التصرف والتعامل مع الحالات المشتبه فيها.

الجريدة


تعليقات 6 | إهداء 0 | زيارات 3414

التعليقات
#1151706 [عصمتووف]
3.00/5 (2 صوت)

11-17-2014 09:25 PM
جاهزين جاهزين والموت واحد مرض ولا ذخيره طائشة لكن ف النهاية امارة الخليفة خادم النيلين الشريفين قدس الله سره عمربن حسن بن احمد بن البشير الشريفة مستعده لشراء اليخوت واللاند كروزات والبرداوات وكل ما تشتهية نفس الخليفة المعتصم ب الفصر الرئاسي طال عمره وابقاه خادم النيلين المفدي

[عصمتووف]

#1151499 [رؤيا]
3.00/5 (2 صوت)

11-17-2014 01:43 PM
بلاوى جاءتنا من وراء الانقاذ دى .. يا اخى اتقوا الله فى خلقه لفوا علشان الشعب يقدر يتعالج ويتعلم ويفحص بدون لف دوران ... يا ربى لمتين زز بس الحمد الله زز وحبسنا الله ونعم الوكيل فيك يا رئيس ومن معك من الظلم الوقع علينا ..

[رؤيا]

#1151469 [Abdelazim Mekki]
3.00/5 (2 صوت)

11-17-2014 12:57 PM
الايبولا بدات في السودان وانواعه منها السوداني ولا توجد معامل وأجهزة فحص وتشخيص بالبلاد

[Abdelazim Mekki]

#1151468 [الراصد]
3.00/5 (3 صوت)

11-17-2014 12:56 PM
الغريبة مع كل حالة اشتباه بتجيك الاخبار مطمئنة في الصحف (( اكدت نتيجة الفحوصات خلوه من الايبولا واصابته بالشئ الفلاني))... ياربي فحصهم ده (طبي) ولا (آلي) تبع الحركة!!??

[الراصد]

ردود على الراصد
Sudan [MIMI] 11-18-2014 10:00 AM
ما قالوا ليك برسلوهاالسنغال وألمانيا


#1151410 [karlos]
2.88/5 (5 صوت)

11-17-2014 11:36 AM
تم الحصول عليها من الصين "باللفة". سلم نفسك يا البشير عشان نستلم حاجاتنا بدون لفة

[karlos]

#1151386 [الشال قلبى وسلا]
3.00/5 (2 صوت)

11-17-2014 11:12 AM
(نص مليون ميل مربع )مافيه جهاز او محاليل لفحص الايبولا ونحن في فلب افريفيا وده كلو عشان الحصار والحصار عشان منو عشان الحكومة والحكومة حكومة منو حكومة المؤتمر الوطنى والمؤتمر الوطنى مالو رئيسه البشير والبشير مالو مطلوب للجنائية والجنائية ماله عشان دارفور ودارغور فيها شنو وللقصة بقية ........

[الشال قلبى وسلا]

ردود على الشال قلبى وسلا
Sudan [Hisho] 11-17-2014 01:11 PM
جهاز لفحص عينات الفيروس ايبولا .. عشان ايه .. عشان الشعب .. هو الشعب قاعد يدفع للحكومة شنو عشان تجيب اجهزة فحص للايبولا .. وبعدين الحكومة دى مالها ومال الايبولا .. البتجيهو ايبولا يشوف ليهو طريقة يتعالج بيها لو اتعالج اهلأ وسهلأ لو مات ما خلاص يعملو ليهو شنو .
اول حاجة الحكومة اليومين دى ما فاضية وما عندها زمن عشان الايبولا ولا غيرها .. الايام ايام انتخابات .. عارفين شنو انتخابات .. يعنى .. انتو دايرين تقعدو بدون رئيس ولا شنو .. ؟؟ اول حاجة شوفو موضوع الرئيس بتاعكم بعد ما يتوهط كويس ويستعدل فى الكرسى .. تانى شوفو موضوع الايبولا دا .. وبعدين السودان دا مستهدف لانو السودان بيطبق الشرعية الاسلامية , عارفين شنو شريعة اسلامية .. العالم دا كلو ما عندو شغلة غير موضوع الاسلام والشريعة عشان كدة مستهدفين السودان لازم تخلو بالكم من الاستهداف الصهيونى و مؤامرات الدوائر الغربية ومربعات ومستطيلات الدوائر الشرقية .. ايبولا بتاعت ايه.... دى كلها مؤامرات صهيونيةوكلام يروج له العملاء والمنتفعين والشيوعيين والعلمانيين والطابور الخامس .
لو عايزين تعرفوا المؤامرات والصهيونية والاستهداف اسالوا مصطفى عثمان اسماعيل حا يوريكم كيف السودان مستهدف وكيف الصهيونية مستهدفة السودان , بالامارة اسرائيل قامت بتنفيذ اربعة ضربات جوية محكمة فى عمق الاراضى السودانية ولا لقت زول يقول ليها اى حاجة .. لكن قالو ( محتفظين بحق الرد) يوم القيامة عشان بعدين الحساب عسير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة