الأخبار
أخبار إقليمية
اقتراح من رئاسة الجمهورية بتعديل جديد في المادة 61 من الدستور الانتقالي
اقتراح من رئاسة الجمهورية بتعديل جديد في المادة 61 من الدستور الانتقالي
اقتراح من رئاسة الجمهورية بتعديل جديد في المادة 61 من الدستور الانتقالي


11-17-2014 10:30 AM
البرلمان: سارة تاج السر
أبلغت مصادر برلمانية أن رئاسة الجمهورية دفعت بتعديل جديد في المادة 61 من الدستور الانتقالي لم يكن ضمن التعديلات التي أودعت منضدة الهيئة التشريعية في بداية الدورة، والتي تنص على أنه يجوز الطعن بالمحكمة الدستورية في أي قرار إعفاء أو إحالة للمعاش للقوات النظامية، بينما التعديل المقترح ينص على أنه لا يجوز الطعن وعدم التقاضي في المحكمة الدستورية لقرارات رئاسة الجمهورية في حال الإعفاء والإحالة للمعاش لأفراد القوات النظامية.
في الأثناء اعترضت قيادات برلمانية نافذة على التعديل نظراً لأن المذكرة التفسيرية التي تقدمت بها وزارة العدل للهيئة التشريعية القومية لم توضح أسباب ودواعي التعديل.
وأكدت المصادر أن التعديل للمادة 61 يعني زيادة صلاحيات الرئيس، واعتبرت أن التعديل جاء كرد فعل لحكم البراءة الذي صدر أخيراً من المحكمة الدستورية في حق نقيب شرطة أبو زيد في قضيته المشهورة وإغلاق الباب أمام عدد من الضباط الذين تم فصلهم عن العمل من اللجوء للمحكمة الدستورية.

الجريدة


تعليقات 18 | إهداء 0 | زيارات 3922

التعليقات
#1152298 [محمد عبد اللة]
0.00/5 (0 صوت)

11-18-2014 02:43 PM
هل اصبحنا عندنا ترزية قوانين مثل فتحى سرور أشهر ترزى قوانين فى البرلمانى المصرى وكان يفصل القوانين على مقاس حسنى مبارك هل اصبحنا عندنا فرعون فى السودان يحصن أى قرار يصدرة بعد تعديل المادة 61 وطبعا الكيزان فى المجلس موافقين هل فعلا عندنا مجلس سوف يأتى التغير مهما طال الزمن وسوف يكون الحساب عسير

[محمد عبد اللة]

#1151736 [ود الركابي]
3.00/5 (2 صوت)

11-17-2014 11:32 PM
اقتراح شنو جيبوه بندفس ليكم اي ماده جديده وبنبصم بالعشرين . الامضاء البصمجية ..

[ود الركابي]

#1151682 [خضر عابدين]
3.00/5 (2 صوت)

11-17-2014 08:05 PM
الما بوافق يطرد فورا ويجوع وتصادر اموالة فورا ! حاضر يابشة كلة تمام نعدلووووووووووووووووووووو

[خضر عابدين]

#1151568 [غبيش]
3.00/5 (2 صوت)

11-17-2014 03:35 PM
مافي ابن حلال ممن حول الرئيس يقل له هدئ اللعب .. الفرعنة الزائدة و قلة العقل هي التي أودت بالفرعون و أشباهه .. و مش كل العظم اللي ينكسر زي عضم الشيطان بتاع حجة هدية .. فالدنيا دوارة و ما كمباوري ببعيد !!!

[غبيش]

#1151529 [معاويـــــــــــــــــــــــــــــــــــــة]
4.00/5 (3 صوت)

11-17-2014 02:33 PM
فعلا انتو يا الاسمكم برلمانيون الغو القديم واعملوا واحد جيديد حسب المقاس الجديد الراجل ركب ركب جديده لازم قانون جديد كمان عشان يلعب فى الميدان الجديد

[معاويـــــــــــــــــــــــــــــــــــــة]

#1151516 [حسكنيت]
3.00/5 (3 صوت)

11-17-2014 02:14 PM
مرة يعدلوا ليهو الركب ومرة الحاشية ومرة الدستور ( لو عندهم طريقة كان عدلوا ليهو سنين عمره)

[حسكنيت]

#1151483 [ديكتاتــــــــــــــــــــــــــــــــور]
3.00/5 (2 صوت)

11-17-2014 01:19 PM
لو ما عملت كدا حتبقى ديكتاتور كيف؟؟
ومع ذلك ومهما فعلت .. سوف لن تفلت من عدالة السماء!

[ديكتاتــــــــــــــــــــــــــــــــور]

#1151479 [العنطـــــــــــــــــــــج]
4.75/5 (7 صوت)

11-17-2014 01:13 PM
ايها الساده كما لا يضير الشاة السلخ بعد ذبحها فانه لا يضيرنا ان حكمنا عمر البشير بدستور السودان ام حكمنا بدستور باب ولا بالرجاله و الفتوه.

و حكينا القصه دي ليــــــــــــــــــــــــــــــــــــــــه؟
عشان الناس تبطل تستخدم مصطلحات قانونيه في مقارعة نظام انقلابي غير شرعي.

لا يحق لعمر البشير حتي كان ولد بعد عقر، و سلمها لولدو، و كل الاجيال الحضرت انقلابو و سمعت بيهو انقرضت، و حتي لو الشعب انتخب ولدو بنسبة ١٠٠%، في النهايه انا العفيييييين ده بوصي يكتبو في شاهد قبري الجمله الآتيه:
يا عمر البشير كل الذي فوق التراب تراب و ما أُسِّـس علي الباطل فهو باطل و حكمك باطل بطلان بائن و شفت لو عست عواسه في الدستور و بقيتو لينا زي جريدة الدار و امرت ائمتك يقروهو لينا في دبر كل صلاه، برضك رئيس غير شرعي حكم السودان من دون رضا الشعب و بقوة الحديد و النار و الظلم و البطش.

[العنطـــــــــــــــــــــج]

#1151445 [اسامة]
3.00/5 (2 صوت)

11-17-2014 12:30 PM
استغفر الله العظيم .... هي بقت علي تعديل الدستور بس .. ديل شكيتهم للواحد الاحد ربنا ينتقم منهم ان شاء الله

[اسامة]

#1151423 [ود النيل]
3.00/5 (3 صوت)

11-17-2014 12:02 PM
انا ربكم الاعلى،، ويا بدرية سليمان سوطى الحلة أصلك فالحة فى السواطة دى من زمن نميرى وقوانين سبتمبر الشريعة.

[ود النيل]

#1151414 [radona]
1.00/5 (1 صوت)

11-17-2014 11:40 AM
ماهذه الانصرافيات
هل قرارات الرئيس في حاجة الى دستور او قانون
وماهذه السيناريوهات الفارغة من المعنى والمحتوى
خلاص قالوا ليكم ارقعوا المادة 61 يعني ارقعوها الغوها الغوها
هل نسي هؤلاء البرلمانيون انفسهم ام ماذا وهل نسوا من جاء بهم ليكونوا اعضاء بالبرلمان ومنذ متى تريد السلطة التنفيذية شئ بيعترضوا عليه
عدلوها لماضة فارغة يعني عدلوها والا .........ز

[radona]

ردود على radona
[صالح عام] 11-17-2014 02:08 PM
نقول ليكم ارقعو الماده 61 ارقعوها ما عايزين اى مجمجه البلد بلفها عندنا ولا مش كده يا رادونا


#1151402 [ود خوجلي جربا الفول]
2.88/5 (5 صوت)

11-17-2014 11:31 AM
مولانا سيف الدولة الذي كتب في مقال لم يجف حبره كان منشور هنا في الراكوبة قال:

(لا يمكن النظر للقرار الذي أصدره رئيس الجمهورية بتعيين الدكتور وهبي محمد مختار رئيساً للمحكمة الدستورية بمعزل عن الحكم الذي أصدرته المحكمة الدستورية بإبطال الحكم الظالم الذي أصدرته محكمة الشرطة بسجن النقيب أبوزيد عبدالله، والذي إنتهت فيه أيضاً إلى تقرير عدم دستورية نظر محاكم الشرطة للجرائم المشمولة بقانون العقوبات، وإعتبار قرارات محكمة الشرطة في حكم العدم وكأن لم تكن، فليس هناك صدفة تجعل الرئيس يقوم بإجراء هذا التعيين بعد يوم واحد من قيام المحكمة الدستورية بإصدار هذا الحكم في المنصب الذي ظل خالياً منذ سبعة أشهر (أبريل الماضي).

هذا الحكم أصاب عقل النظام بلوثة، خاصة وأن الحكم بإبطال قرار فصل النقيب أبوزيد من العمل قد أغرى بالفعل عشرات الضباط الذين تم فصلهم بموجب نفس القانون لرفع دعاوى دستورية للمطالبة بالعودة للعمل)

تقولي منو وتقولي شنو !!

[ود خوجلي جربا الفول]

ردود على ود خوجلي جربا الفول
[حجاج] 11-17-2014 11:19 PM
والله مولانا سيف الدوله لقطا طايره !!ودي فعلا لوثه الغريبه ياكيزان اللعب بتاعكم بقي مكشوف واي واحد بسيط بقي يشوف خطوتكم الجايه ولو كانت بعد شهر واقول ليكم حاجه انتوا ماعرفنها ياكيزان انكم وفي فترة زمنية قريبه جدا سوف تنحرون بعضكم والشعب كلو عارف كده الا انتم عارفين ليه لانكم تتوهمون ان المصائب لاتاتي علي بابكم وهاهي قد اتت وانتم في غيكم تعمهون ولن يحجزكم احدلانه مامن احد لديه رغبه في رؤيتكم مره اخري .


#1151396 [اقلام رصاص]
3.00/5 (4 صوت)

11-17-2014 11:19 AM
بعد كل الذي عملتو في القوات النظامية,ولم يصفى لك الحكم ..تتطلب المزيد !!! ولكن مصيرك المحكمة الجنائية الدولية مهما طال الزمن

[اقلام رصاص]

#1151393 [سوداني ود بلد]
3.00/5 (5 صوت)

11-17-2014 11:16 AM
يالبشير ويابرلمان البشير الكرتوني عدلوا في الدستور وكل القوانين ماشئتم ان تعدلوا لتركزوا كل السلطات والقرارات في يد فرد واحد هو بشيركم وتنزعوا كل الحقوق من الملايين من شعبنا وتحرموا هذه الملايين من مجرد الإعتراض والطعن والرفع للقضاء في قرارات بشيركم وكانها قرآن منزل لا يقبل الطعن فيه
ولماذا من اصله دستور وقوانين وتعديلات وانتم لاتعترفون لا بدستور ولا قوانين وتفعلون ماتشاؤن حتي لو خالفت افعالكم الدستور وهتكت كل القوانين, وما اصراركم علي ايقاف الصحف برغم حكم اعلي سلطة قضائية وهي المحكمة الدستورية للصحفي عثمان ميرغني بعدم دستورية قرارات ايقاف الصحف إلا ابسط دليل علي ما اقول , هذا خلاف اصراركم علي اعتقال كل من يعارضكم حتي ولو سلما لفترات تطول بدون توجيه اي تهمة في مخالفة صريحه للدستور وكل القوانين.
اقول للبشير وكل الهتيفة لجبروته خذوا العبرة من مصير كل الطغاة من فرعون وحتي القذافي.

[سوداني ود بلد]

#1151392 [أبو محمد]
3.00/5 (3 صوت)

11-17-2014 11:16 AM
والله أحسن تعليق هو تعليق ( رانيا )

[أبو محمد]

ردود على أبو محمد
Saudi Arabia [رانيا] 11-17-2014 04:18 PM
شكرا أبومحمد تسلم .

United Arab Emirates [تمهل] 11-17-2014 02:08 PM
فعلا دكتورة (رانيا) ماقصرت


اللهم أشف كل مريض


#1151376 [رانيا]
3.00/5 (7 صوت)

11-17-2014 11:02 AM
أنا من رأيي أرموا القديم وأعملوا واحد بتفصيل جديد على مقاس "الغول" وكده أسهل بدل "اللتيق" الكتير .

[رانيا]

ردود على رانيا
Saudi Arabia [رانيا] 11-17-2014 04:27 PM
هههه المشروع أنا أصلي أثرية .
ردا على إنه الإسلام هو الحل ده شعار جميل ورنان لكن إحنا ما زلنا بنفتش على الإسلام فكيف حنلقى الحل .

أهلا بالأستاذ أحمد أبو القاسم .
الرجل مصدق نفسه ولا هو بيستعبط ما عارفين لكن هو مادة للسخرية يجب أن تدرس في كبريات الجامعات . هذا الشخص يذكرني بعاد إمام في شخصية (مرجان أحمد مرجان) وقصيدته الشهيرة "الحلزونة" !!!

شكرا وتقبلوا تحياتي .

Egypt [احمد ابو القاسم] 11-17-2014 11:50 AM
فعلا يارانيه بعد الركب الصينيه الجديده محتاج يفصلوا ليو دستور جديد يليق بالركب الجديده خصوصا الركبه
الشمال .انا افتكر انو البشكير لافاهم في الدستور ولا حتى كان علي بالو اجراء أى تعديل الفكره كلها من اولاد وبنات الحرام العاملين فيها قانونيين بدل ماينصحوهوا بغرقوهوا والحمار فرحان والله فعلا رئيس لتخ .

Saudi Arabia [المشروع] 11-17-2014 11:31 AM
سلام
انا موافق اقتراحك الجيد بتفصيل بدلة (دستور) جديدة على حسب المقاس .. وفعلا دا احسن اقتراح يا رانيا ما بعرف كلمة لتيف دي جبتيها من ياتو سحارة اصلا الجماعة ديل ونوابهم شغالين ترزية وليس نواب برلمان .. لكن قالوا اليتيم ما بوصوه على البكاء ...لأنو ديل ونوابهم جاهزين للتعديل والتلتيق بما يوافق هواهم ومصالحهم في اي وقت .. يا اخي ديل عايزين يغيروا شعارات الحركة الاسلامية كلها وقالوا عايزين يغيروا (الاسلام هو الحل) وما عاجبهم الشعار دا اذا كان عايزين يغيروا شعار الحركة الاسلامية الدستور يساوي شنو قدامهم ؟؟؟ بس الشعار الجديد دا حا يكون كيف ومقاسوا قدر منو؟ قدر الترابي ولا البشير ولا الشيخ على.
اعوذ بالله (مع الاعتذار لمالك العلامة التجارية)


#1151369 [تهارقا]
3.00/5 (4 صوت)

11-17-2014 10:53 AM
قيل لفرعون ايه فرعنك ؟ ؟

قال : ما لقيتش حد يقل لي ( لا )
..........

و ان دامت لغيرك ما آلت اليك ..

و( تلك الايام نداولها بين الناس ) .. صدق الله العظيم .

[تهارقا]

#1151361 [المشروع]
3.00/5 (7 صوت)

11-17-2014 10:44 AM
في البداية
- واعترضت قيادات برلمانية نافذة على التعديل????????
وفي النهاية:
- ثم وافقت القيادات البرلمانية النافذة على التعديل

ويادار ما دخلك شر ؟

[المشروع]

ردود على المشروع
Saudi Arabia [رانيا] 11-17-2014 11:00 AM
ههههه البيكيج باودر حقهم ضارب يتنفخوا ويتنفشووا وينزلوا على المافي !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة