الأخبار
أخبار إقليمية
افتتاح مكتب تقديم خدمات وثيقة أمان المغترب بجهاز المغتربين
افتتاح مكتب تقديم خدمات وثيقة أمان المغترب بجهاز المغتربين
افتتاح مكتب تقديم خدمات وثيقة أمان المغترب بجهاز المغتربين


11-17-2014 11:07 PM
(سونا) افتتح صباح اليوم بجهاز تنظيم شئون السودانيين بالخارج مكتب شيكان للتأمين لتقديم خدمات وثيقة امان المغترب التى تم التوقيع عليها مؤخراً .
واعلن السفير حاج ماجد سوار الامين العام لجهاز تنظيم شئون السودانيين بالخارج ان الجهاز الضامن الاول لشيكان داعيا المغتربين لابلاغهم فى حالة الرضاء والقصور .
واشار سوار الى اهمية الوثيقة التى تضمن للمغترب واسرته الصغيرة والممتدة للاستفادة منها بالداخل وخلال اجازاتهم وسيعمم تدريجيا ليشمل المغترب فى المهجر ،مؤكدا ان الفائدة ستعم المجتمع السوداني باعتبارها وثيقة تكافلية فى عملية التأمين وبزيادة شريحة المغتربين ستزيد مساحة التكافل فى السودان .
واوضح ان اللجنة المشتركة بين الجهاز والشركة اجتهدت لتقديم خدمات اخرى تشمل مجالات تعليم ابناء المغتربين وسداد الاقساط الدراسية والسكن وتغطية جوانب اخرى .
ودعا المغتربين للاسراع للاكتتاب فى الوثيقة ليضمنوا وضعاً صحياً افضل لاسرهم .،مبينا ان هنالك وفوداً ستتحرك للمهاجر المختلفة للترويج للوثيقة التأمينية ،مؤكدا انهم شركاء ورقيب عليهم .
واوضح انهم شرعوا فى اختيار وكلاء فى الدول الخارجية لتوسيع مظلة التأمين ،مشيداً بتجربة شيكان الرائدة فى سوق التأمين حيث تغطي 50% منه كما انها واسعة الانتشار والخبرات والكفاءات .
واوضح الاستاذ صلاح الدين موسى العضو المنتدب لشركة شيكان للتأمين ان النافذة التى تم افتتاحها اليوم لتقديم خدمة متميزة وللحاجة الملحة للمغتربين واسرهم ولتحقيق التكافل وتغطيات اضافية تلبي حاجات وطموحات المغتربين وقال ان المكتب له ما يؤهله لتطوير وتحسين الخدمات .
واضاف انهم عكفوا لايجاد وكلاء لتقديم الخدمة تلبية لقطاعات المغتربين .


تعليقات 39 | إهداء 0 | زيارات 4644

التعليقات
#1153224 [ظلال النخيل]
0.00/5 (0 صوت)

11-19-2014 05:10 PM
الارهابي الماسوني حاج ماجد سوار ..... وشك نحس وقبيح بقبح افعالك وجرائمك المرتكبة بحق الوطن..وتجارة السلاح في ليبياحتى تم طردك...

الحمد لله المغتربين ما محتاجين تأمين طبي لأنو صحتهم زي الفل .. شايفنهم عند حضورهم السودان منعمين بالحلال مش زيكم بالحرام ..


من هنا نناشد المغتربين عدم الانصياع لهذه المأكلة الجديدة ,..


ونناشدهم بمقاطعة شركات شيكان والمهاجر وسابحات الاخوانية ...

[ظلال النخيل]

#1152553 [ابومحمد]
0.00/5 (0 صوت)

11-19-2014 12:14 AM
المشكلة الكبرى والطاكه انكم غير متحدين ضد هذا الجبروت وبكرة تلقى فى ناس على ىطول موافقين بهذه المصيبة الجدية ياريت الاتحاد وعدم الموافقة على نظرياتهم وإفضال كل خططهم الرامية على تدميركم ايها المغتربون ... الوحدة الوحدة .. فى قرارتكم تمنع عنكم زيادة البلاء ...

[ابومحمد]

#1152327 [Abo Obayda]
0.00/5 (0 صوت)

11-18-2014 03:24 PM
عدد المغتربين بالميت كدا 3000000 ، تلاتة مليون
لو اخدنا من كل واحد بالميت كدا اتنين مليون في السنة ، يكون قيمة اللهطة 6 بلايين ، لشيكان شركة الكيزان ،
و احسبوا انتو نصيب حاج ماجد كم من العملية دي ، نظير تعبو و شقاهو للتسويق للفكرة.

[Abo Obayda]

#1152300 [الحالم سبانا]
0.00/5 (0 صوت)

11-18-2014 02:54 PM
اول حاجة عاوزين نعرف التأمين يخص شنو؟ هل هو تامين طبى ام معاشى ام تعليمى
ثانيا هل هو اجبارى ام اختيارى؟ ثالثا هل هومحتكر لشركة شيكان ام مفتوح
لجميع شركات التامين؟ رابعا كان المفروض تنشر مع المقال نص العقد او الوثيقة
لنعرف اذا كان مفيده ولا نجليها

[الحالم سبانا]

#1152237 [مرحوم]
0.00/5 (0 صوت)

11-18-2014 01:21 PM
وبزيادة شريحة المغتربين ستزيد مساحة التكافل فى السودان؟؟؟ يعني عايزين تتطفشو الناس عشان يغتربو وتلحسوهم وتشيل الجمل الماحمل قوم لما ياخ والله المغتربين ديل يحننو لا بتحلو مشاكلهم ولابتقيفو معاهم لكن عايزين تعبم وشقاهم ....

[مرحوم]

#1152230 [الأشـعـة الـحـمــراء]
0.00/5 (0 صوت)

11-18-2014 01:15 PM
حـاج ســوار .. أحـمـد كـرمـنـو .. مـسـاطـيـل مـؤتـمـر الـكـهـانـة .

[الأشـعـة الـحـمــراء]

#1152168 [المتجهجه بسبب الانفصال]
5.00/5 (1 صوت)

11-18-2014 12:15 PM
أمان المغتربين !! أمانة عليك تقطع اضنيك مش انت عارف انك كذاب ،،،

[المتجهجه بسبب الانفصال]

ردود على المتجهجه بسبب الانفصال
Saudi Arabia [الفيل] 11-18-2014 06:43 PM
احيانا يصل الواحد لمرحلة من الكذب عافانا الله واياك حتى هو يصدق نفسه ههههههههههههههههههههه


#1152146 [المشروع]
5.00/5 (1 صوت)

11-18-2014 11:55 AM
لمصلحة من يقوم الجهاز بتسويق بطاقةامان المغترب ؟

لا يا جهاز ما هكذا تورد الابل وهل تعتبروا سكاتنا من دروشة او غباء او غفلة ؟

[المشروع]

#1152085 [الزيات]
5.00/5 (2 صوت)

11-18-2014 11:01 AM
الكيزان تراجعوا من شعار الاسلام هو الحل الى المغترب هو الحل !!!!

[الزيات]

ردود على الزيات
[زول اصيل] 11-18-2014 01:00 PM
عذرا المغترب الداقس بس


#1152038 [يوسف خالد]
5.00/5 (1 صوت)

11-18-2014 10:22 AM
يا حاج ماجد الافضل من ذلك ان تضيف قيمة وثيقة التامين الى الذكاة الزائفة بدلا من ان تتعب نفسك بابتكار وسائل جديدة لاخذ الجبايات من المغتربين

[يوسف خالد]

#1152030 [نور الدين حسن]
5.00/5 (2 صوت)

11-18-2014 10:19 AM
الوثيقة تضمن للمغترب واسرته الاستفادة منها ).
يتساءل المغترب من أين له أن يضمن لشيكان بواسطة هذا الجهاز ، نسأل الله أن لا تكون هذا الوثيقة إجبارية فتقضي على رغبة الحضور للسودان . فهذا الحاج لا يدرك أبعاد هذه القضية كما يعلمها أسياده .
كذلك لا يريد المغترب ضمان لأسرته يميزها عن باقي الغبش ، وكل المطلوب هو تسهيلات للمغترب عند عودته في الاجازة. إعفاء جمركي ، إعفاء سيارة وما شابه ذلك .
يا حاج ماجد أظن أن المغتربون يعلمون علم اليقين بالمشاريع السابقة الفاشلة ، مشروع سندس ومشاريع الاسكان وبيع قطع الاراضي .
كما أن معظم مشاريع السودان تنهار واحدا تلو الآخر ، الصحة والمستشفيات والخطوط الجوية السودانية والخطوط البحرية والسكة حديد ومشروع الجزيرة - وإنعدام الدواء وانعدام الخبز و الامن وغلاء المعيشة الطاحن وإغتصاب النساء والاطفال القصر وفساد الكيزان والمؤتمر الوطني ووالي الخرطوم ينهب وغسان ينهب ويتحلل ولا زال الكل ينهب والساقية تدور في صديد الانقاذ ولا أحد يتكهن متى يزول هذا الورم الخبيث.
يا مغتربين أعزكم الله من أفعال هؤلاء الخونة والمأجورين انتبهوا جيدا.

[نور الدين حسن]

ردود على نور الدين حسن
Saudi Arabia [حسان الرشيد الكلس] 11-18-2014 11:03 AM
الناس ديل إنتهوا .. الحكومة دى على شفا حفر وهى على شفير الهاوية واصبحت قاب قوسين ومن لم يمت بالسيف مات بغيره .. قريباً سيحصل الشقاق بينهم بإذن الله وتولع الحرابة بين ناس الأمن والجيش والإحتياطى المركزي والسائحون والدبابين وستدخل الحركات الثورية وسيهرب الجبهجية من مطار الخرطوم وعبر الحدود وسيكون هناك صوملة وبلقنة وسودنة والله يستر .


#1151975 [ود نعمة]
5.00/5 (1 صوت)

11-18-2014 09:20 AM
ياأخوانا كدي روقوا المنقة.... انتو حتعرفوا الشغلانة دي في مصلحة المغترب ولا في مصلحة (حاجة تانية حامياني) بسؤال واحد بس : التأمين دا إجباري ولا إختياري؟؟!!!!!!!!

[ود نعمة]

#1151965 [m..ali...]
5.00/5 (1 صوت)

11-18-2014 09:09 AM
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

جديدة لنج

[m..ali...]

#1151958 [البانوشى]
5.00/5 (1 صوت)

11-18-2014 09:06 AM
المغتربين ما دايرين منكم اى حاجة . اختونا وبس كفاية 26 سنة تطبيل و دجل و نهب مقنن . حليل زمن المغتربين كانوا( فارات )

[البانوشى]

#1151956 [الممكون شديد وبطنه فايرة]
5.00/5 (2 صوت)

11-18-2014 09:04 AM
يا حاج سوار لماذا شيكان للتأمين بالذات؟
لماذا لا نستفيد من التاريخ ؟
لماذا لا تعمم المنافسة على كل شركات التأمين إذا كانت الوثيقة التأمينية مجدية وتم الموافقة عليها من السيد مراقب التأمين؟
أليست شركة شيكان نفسها هي نفس الشركة التي كانت بقيادة مديرها المقال عثمان الهادى هي التي سنت سنة التأمين الشامل إجبارياً على سيارات المغتربين عند مرافئ الدولة وموانيها (دخول تربتك) بديلاً عن تأمين الطرف الثالث المتعارف عليه عالميا في كل موانئ الدنيا؟
يا حاج سوار أرحمونا يرحمكم الله.

[الممكون شديد وبطنه فايرة]

ردود على الممكون شديد وبطنه فايرة
United Arab Emirates [موردة حضارة] 11-18-2014 11:54 AM
ياسلام عليك والله كلام في الصميم


#1151951 [شـريان الشمال]
5.00/5 (1 صوت)

11-18-2014 09:01 AM
مصدقية تتم فى الغاءكم مبنى جهاز المغتربين نهائيا والمغترب يحضر لاسرتو يوم الخميس ويرجع السبت بدون مقابلة اى موظف وبيعوا مبانى الجهاز مبروك عليكم ما حنزعل دخلوا فى جيوبكم حلال عليكم قسم المبنى بيناتكم بنكون فرحانيين غير كدة كلامكم كل كلام الطير فى الباقير

[شـريان الشمال]

#1151950 [ابومرام]
5.00/5 (1 صوت)

11-18-2014 09:01 AM
مصدر جديد للرسوم بلا وثيقة بلا دجل معاكم مرة بطاقة المغترب مرة ماعرف شنو انتم والله الدولة الوحيدة في العالم بتاخذ ضرائب ةزكاة على مرتبات المغتربين واذا الواحد جاب اي حاجة طوالي جمارك عشان كدة مافي مغترب بحول عن طريق البنوك والله شعوب اخرى بدفعوا مبلغ ثابت اثنين دولار في كل حوالة دعم لاقتصاد بلدهم)(مصريين) لان الدولة لا تفرض عليهم اي رسوم اخرى ولا جمارك على اي حاجة لكن نحن تدفع دم قلبك عشان شاشة بلازما ودارين ندعم اقتصاد المؤتمر الوطني بعدكم قوم لف ياسوار شوف ليك شغلة احسن ليك زمن المهازل

[ابومرام]

#1151947 [وحيد]
5.00/5 (1 صوت)

11-18-2014 08:59 AM
اؤيد الاخوة الذين تاساءلوا لماذا شركة شيكان دون غيرها، و لماذا تحتكر التامين في كل مكان في السودان؟ حين كنت اعمل في السودان اكتشفت ان راتبي به خصم شهري لشيكان لم يخطرني احد ما هي شيكان و لا لماذا يخصم من راتبي لشركة خاصة لم اذهب اليها و لم اوقع معها عقدا و لا تقدم لي اي خدمة ....
هل شركة شيكان تتبع لجهاز الامن كما نسمع؟ و ان كانت هل ندفع من حر مالنا لجهاز الامن ليغتني و يشتري السلاح الذي يقتلنا به؟
متى تزول هذه العصابة و مت ينتهي حكم الجريمة المنظمة التي تنهب اعمارنا و اموالنا؟!

[وحيد]

#1151946 [الزول]
5.00/5 (1 صوت)

11-18-2014 08:59 AM
يا خى عيب أنت يا سوار مسلطنك على المغتربين ..
أى حاجة عن المغتربين لازم يكون فيها مص لدماء المغترب
كفاية عليكم سندس , الوادى الأخضر , الجبايات , وووووو
الأمان أمان الله لا سوار وكتر ألف خيرك , شوف غيرنا
أولا عشان نصدقكم لالالا ما بنقدر

الوادى الأخضر ( خدمات مافى ـــ كهرباء موية )

سندس ( أدو الناس حفهم )

رسوم تعليم أبناء المغتربين ( دولار , يورو , ين , )

الجبايات ( خدمات , على شنو / زكاة عندنا الأولى بيها / ضرائب , قدمتو لينا شنو / دمغة الشهي , الترابى قال فطايس )
ادونا حفنا وبعيد نشوف الجديد
مفهوم يا كابتن ماجد

[الزول]

ردود على الزول
Qatar [sasa] 11-18-2014 12:26 PM
يا ابن عمى ( الزول ) روق المنقة مايصيبك ضغط وسكرى ....الخ طنش وسيب هؤلاء الوهم م م م فى وهمهم م م م لعنة الله على الكيزان بدء من الترابى والبشير والى من هو نطفة فى رحم الكوزة ولو كانت فاطمة خالد او وداد؟؟؟


#1151945 [Suliman]
5.00/5 (1 صوت)

11-18-2014 08:57 AM
مصابين بجنون المغتربين هو مافي غير المغترب طلعو البترول وألهط فيها

[Suliman]

#1151939 [تأشيرة خروج]
5.00/5 (1 صوت)

11-18-2014 08:53 AM
تلقوها عند الغافل..لكن السؤال هل تم طرح برنامج التأمين في عطاء نزيه ؟ كالعادة زيتنا في بيتنا بحكم عملي كمستشار قانوني في الخليج راجعت كثيراً من العقود في جنوب أفريقيا ,أدهشتني الصرامة والنزاهة في ال Procurement Laws الخاصة بالمشتريات والعطاءات الحكومية..لا تستطيع أن ترسي مشروع لشركة حتى ولو كانت قيمته 10 جنيه ما لم تتبع الإجراءات القانونية.

[تأشيرة خروج]

#1151918 [الليل]
5.00/5 (1 صوت)

11-18-2014 08:42 AM
(لا نريد ان يكون الجهاز وكالة دعاية واعلان لغيره من الشركات)

[الليل]

#1151913 [المغتررررررب]
0.00/5 (0 صوت)

11-18-2014 08:39 AM
ما عايزين منكم شي
قرفنننننننننا والله

[المغتررررررب]

#1151911 [حالم بوطن أحلى]
0.00/5 (0 صوت)

11-18-2014 08:38 AM
الغرض هو استقطاب مال المغترب وليس خدمة المغترب وبكرة تظهر الحقيقة. اذا الكلام دا حقيقي ما تعينو مقدم الخدمة خلوا الناس تتنافس ويتم إختيار أكثر من جهتين ولو إنو في شك إنكم تختارو الافضل لانكم برضكم حتختارو شيكان. وهذه مسألة مكررة للتأمين الصحي الذي لا يغطي 10 ألف جنية للمريض بل الادوية التى لا تتجاوز قيمتها العشرة جنيهات ناهيك أنه لا يغطي العمليات الكبيرة بالمرة. خافوا الله فينا وأظهروا حسن النوايا بالعمل الحقيقي الطيب ان كنتم تريدون توفيقا من الله قبل استقطاب الناس.

[حالم بوطن أحلى]

#1151909 [الفاتح الاسد]
0.00/5 (0 صوت)

11-18-2014 08:37 AM
أرجو أن يكون جميع المغتربين جادين جدا هذه المرة تجاه هذا المخطط الجديد ال sugar-coated لسرقة أموال المغتربين . لا تنخدعوا يا أخوان ، فقد سرقوكم كثيرا جدا واستغلوكم أبشع استغلال طيلة عقود وعقود . قاطعوا هذا المخطط اللئيم ، قطعوا هذا المخطط ، قاطعوا هذا المخطط ، لا تشتركوا فيه ، لا تساعدوا هؤلاء الحرامية على نهبكم وسرقتكم برضائكم ولا تنخدعوا بمعسول الكلام ولا تجربوا المجرب حتى لا تصابوا بالجرب .كفاكم اهانة و ذلة.أقرأوا كلام الاستاذ / عبد الرحيم وقيع الله ، أعلاه وكفى . اللهم اني قد بلغت ، اللهم فاشهد.

[الفاتح الاسد]

#1151883 [صلاح مرقة]
3.00/5 (1 صوت)

11-18-2014 08:17 AM
يا اخوانا لو تلاحظو كثرة في الاونة الاخيرة العديد من اساليب النصب والاحتيال.والجماعة
اصلاً اتو للسلطة رافعين شعار(هي لله هي لله لا للسلطة ولا للجاه).اليس كذالك.وها هو حالنا وحال بلدنا في ظل حكمهم علي مدي 26 سنة. وها هي النتيجة.وما زال مسلسلهم يتواصل.السؤال: هل ما زال هنالك سازج مقتنع بسياسة هؤلاء؟؟؟؟؟؟؟؟؟؟؟؟؟؟؟؟؟؟؟؟؟؟

[صلاح مرقة]

#1151870 [البورد اللورد]
0.00/5 (0 صوت)

11-18-2014 08:05 AM
هيا يا مغتربين لنسرع نحو وضع صحي افضل!!! في الداخل والخارج يعني بره وجوه تشطيب دلكس..هههههههه . بقياده الكابتن ماجد

[البورد اللورد]

#1151857 [عبدالرحيم وقيع الله]
5.00/5 (3 صوت)

11-18-2014 07:48 AM
لا نريد ان نكون اول المعترضين ولا نريد ان نثبط همم الذين يعملون حتى لو كان عملهم من جنس (عاملة ناصبة) ومع ذلك تصلى نار حامية برغم انهم كانوا يعملون واخلصوا في اعمالهم لدرجة التعب والنصب والارهاق

صحيح ان شركة (ش)لها خبرة كبيرة في مجال التأمين ومن الشركات الرائدة في سوق التأمين في السودان ولا نشك في كفاءتها ونزاهة القائمين عليها ولا نتهم في دين او خلق او عمل ولكن لماذا شركة واحدة تحتكر سوق التأمين للمغتربين ؟ ولماذا يضمن الجهاز شركة واحدة ولماذا لا يعمل الجهاز على تأهيل اي شركات تأمين اخرى كما عمل على تأهيل شركة شيكان للتأمين؟ ولا حقيقة لا ادري ما هو الضمان الذي يقدمه الجهاز للمغتربين في حال عودتهم للبلاد لقضاء الاجازة او لأبناءهم المقيمين بالسودان من شركة التأمين..

الحقيقة لله ان شركة (ش)اجتهدت كثيراً في تقديم هذه الخدمة واختارت افضل المستشفيات والمراكز الصحية وأفضل الاطباء بالعاصمة والأقاليم لذلك كانت اسعارها غالية جداً مقارنة بأسعار التأمين الطبي الموجودة بالسوق وهل الجهاز يضمن هذه الأسعار الغالية؟؟؟ هل الجهاز يعمل على استنزاف المغترب فقط لا يعلق ان يكون التأمين للزوجة فقط بملغ مليونين واربعمائة الف في العام مع احتمال انها لا قد لا تذهب الى الطبييب خلال العام الا مرة او مرتين خاصة وان غالبية نساء المغتربين المقيمات بالسودان مع اولادهن اصبحن من اللائي (يئسن من المحيض) هذا إن لم يكن من القواعد من النساء ... فلماذا لا تفرق شركة شيكان ما بين المرأة في سن العشرينات وسن الخمسين من حيث قيمة التأمين؟

انا لا اتحدث عن غلاء التأمين اصلا وهذا مجرد مثال سقته لأبين غلاءالتأمين ولكن حديثي في الأصل ينصب على مبدأ الإحتكار حتى ولو اجتهد شركة شيكان وجهاز المغتربين لتقديم ما يعرف بأمان المغترب .وهي من الاسماء الرنانة لجذب الناس الى مصارعهم مع العلم أن جهاز المغتربين يتحاشى الحديث عن الاسعار لانها غالية مقارنة بالأسعار السائدة في سوق التأمين..
ولعمري لأول مرة ارى واقرأ ان تقوم جهة حكومية طائعة غير مكرهة بالترويج والإعلان لشركة تجارية تعمل في السوق على مبدا الربح والخسارة ونحن لا نريد ان يكون الجهاز وكالة دعاية واعلان لغيره من الشركات مهما كانت نزاهة تلك الشركات او حرصها على تقديم الخير وما ينفع الناس مع العلم ان الجهاز لم يبين لنا ما هو نوع الضمان الذي يقدمه للمغترب مقابل رعايته لهذه الشركة؟؟؟ ونقول لجهاز المغتربين ان هذا ليس بدوركم ونحن نود ان تعود ثقة المغترب في جهاز يخدمه الا انكم بمثل هذه الاعمال تزيدون الشقة اتساعاً.


واخيراً نحن ضد مبدأ احتكار الخدمات وضد ان يقوم جهاز المغتربين بضمان شركة واحدة لتقدم خدماتها لشريحة معين من الناس اياً كانت الأسباب والمسببات وليفتح باب المنافسة للشركات الأخرى العاملة في مجال التأمين لتطرح لنا بضاعتها في سوق التأمين وان لم يرى الجهاز بداً الا ضمان هذه الشركة فليكن نوع التأمين المقدم للمغتربين ضمان تعاوني ما بين المغتربين وشركة شيكان يتم جرد التأمين في نهاية السنة ويعاد ما تبقى من التأمين غير المستخدم او جزء منه الى اي جهة خيرية آخرى وما اكثر المنظمات الخيرية التي تحتاج الى التمويل خاصة المنظمات العاملة في مجال رفع البؤس والفقر او منظمات غسيل الكلى او مكافحة العمى او اي من المنظمات المنتشرة في بقاع السودان..

[عبدالرحيم وقيع الله]

ردود على عبدالرحيم وقيع الله
Saudi Arabia [ابواسراء] 11-18-2014 01:14 PM
الاستاذ عبدالرحيم
كلامك معقول جدا جدا

لقد اسمعت لو ناديت حياً ..................


#1151849 [الغاضبة]
5.00/5 (4 صوت)

11-18-2014 07:38 AM
لو لسة في مغتربين بصدقوا خزعبلاتكم دي تكون مشكلة والله ....

[الغاضبة]

ردود على الغاضبة
Saudi Arabia [رانيا] 11-18-2014 08:17 AM
إنتي شوفي إسمها "وثيقة أمان المغترب" هه محاولة مريبة لإظهار "حسن النوايا" وده في حد ذاته يخوف !


#1151842 [الفنجري]
5.00/5 (3 صوت)

11-18-2014 07:26 AM
عينكم في الفيل وتطعنوا ضلوا... المغترب همومه معروفة : السكن والتسهيلات الجمركية يا ملاعين .. دي همومكم إنتو مش هموم المغترب

[الفنجري]

#1151840 [محمد عثمان]
5.00/5 (2 صوت)

11-18-2014 07:20 AM
والله ده مؤشر خطير ودال علي ان عملية استحلاب مدرخات المغترب اصبح هناك فن يديرها مما يصعب علي المغترب محاربتها بشكل سليم ..
وفي الحقيقة مشكلة المغترب تتمثل في ( التعليم ) وضحالة الوفود الدبلوماسية ..

[محمد عثمان]

#1151835 [احمد ابو القاسم]
5.00/5 (1 صوت)

11-18-2014 07:09 AM
ياماجد سوار ياارهابي اتا ماتشوفليك عضه في محلا تانيه المغتربين ديل مابتلقي معاهم اى طريقه
وبعدين ايه حكاية سفير دى اللصقوها ليك بنكورين ومادايرا تطلع خلاس كتا سفير وفشلت وجابوكا للمغتربين
افتكر كفايه عليك حاج ماجد وخلاس .

[احمد ابو القاسم]

#1151834 [مريود]
5.00/5 (2 صوت)

11-18-2014 07:09 AM
المغتربو يدفعون بل تقلع منهم الزكاة.
لماذا لا ترد إليهم عند الحاجة وانتهى الأمر.

وهل فكرة التأمين أصلا شرعية ومتفق عليها؟.


هذا عقد غرر والكلام يطول .

آخر المقالب أرض الوادي الأخضر.

وادي أجرد سموه أخضر. ممكن تيمنا.

يعني ممكن قمار يسموه تكافل. باعاتيار ما سيكون.

[مريود]

#1151831 [abubaker]
5.00/5 (2 صوت)

11-18-2014 07:05 AM
احلفكم بالله ان تتركو سبيلنا بعد ما شرتونا من السودان كمان ملاحقننا في الخارج (الله والنبي تختونا جاي والله جاي )

[abubaker]

#1151822 [ود احمد]
5.00/5 (3 صوت)

11-18-2014 06:43 AM
نحن لا نريد منكم تامينا فالامان عند الله سبحانه وليس عندكم يا ايها الانجاس هل انتم حريصون على مستقبل ابنائنا واذا انتم كما تزعمون فلماذا الخصومات من نتائج ابناء المغتربين لعنة الله عليكم ومن هنا انادي جميع المغتربين بان لا يشتركوا في هذه السرقة والتامين الوحيد لهم هو الاستغفار والدعاء بان الله يزيد هذه الحكومة التي نهبت اموال الشعب وشردته(وليخش الذين لو تركوا من خلفهم ذرية ضعافا فاليتقوا الله وليقولوا قولا سديدا)
هذا هو التامين الحقيقي وليس تامين الانجاس
لا لمؤسسات النهب الكيزانية قاطعوهم

[ود احمد]

ردود على ود احمد
Saudi Arabia [رانيا] 11-18-2014 08:19 AM
صدقت .


#1151809 [barrcuda]
5.00/5 (2 صوت)

11-18-2014 06:19 AM
كدي سيبونا من الكلام الفارغ الذي لا يسمن ولا يغني من جوع ، وفورا أستخراج الجواز الالكتروني للمغتربين في السفارات والقنصليات بدلاً عن البهدلة .
بعدين المغتربين عندهم رعاية صحية وعلاج متوفر في مستشفيات على مستوى عالمي ، لما نسمع توفير العلاج للمغترب في السودان نفتكر انه هناك مستشفي كليفلاند ولا مايو كلينيك " مش مايو بتاعتنا " ولا مستشفيات زي ميونخ او لندن أو باريس .
اوقفوا سرقة المغتربين ، اوقفوا سرقة المغتربين ، اوقفوا سرقة المغتربين

[barrcuda]

ردود على barrcuda
Saudi Arabia [رانيا] 11-18-2014 08:21 AM
ههه أبشرك بأنه مافي مستشفيات والشعب بيتعالج بالطب النبوي والله أكبر .


#1151786 [ما مرتاح ....وما مرتاح]
5.00/5 (1 صوت)

11-18-2014 04:50 AM
هل هذه نافذة جديدة للهط؟

[ما مرتاح ....وما مرتاح]

ردود على ما مرتاح ....وما مرتاح
Saudi Arabia [مرحوم] 11-18-2014 01:32 PM
وبوابه كيزانيه اوتومانيك كمان ......لكن حلم الكلب في مويه الابريق

Saudi Arabia [رانيا] 11-18-2014 08:23 AM
لا هي بوابة كبييرة بالقزاز والقريل الأسود بالدهبي .


#1151766 [ودالباشا]
3.00/5 (4 صوت)

11-18-2014 01:54 AM
يا خى المغتربين لايريدون منكم خدمة صحية ولا اى ثوائق المغترب يريد منكم اشياء معينة طرحوها مرارا اذا كنتم فعلا يهمكم امر ه اولها الثقة واخرها تعليم ابنائهم نفس ما يعامل به نظيره بالداخل وبلاش لف ودوان كل ما تقدموه للمغترب الغرض منه جيبه فقط لاغير

[ودالباشا]

ردود على ودالباشا
Saudi Arabia [رانيا] 11-18-2014 08:26 AM
عزيزي حاليا المغترب فعلا ما عايز أي حاجة ولا حتى بيقارن نفسه بمواطن الداخل عايزنهم يسدوا فمهم وبس .


#1151760 [أنصاري]
3.00/5 (4 صوت)

11-18-2014 01:31 AM
تطور ثعلبي في فن السرقة والنهب المقنن والمشرعن بالسلطة الفاشية لإمتصاص وحلب عرق ودماء المغتربين.. بقيادة الدباب حاج ماجد سوار مجرم الحرب.

[أنصاري]

ردود على أنصاري
Saudi Arabia [رانيا] 11-18-2014 08:28 AM
هههه دكتوارة في النصب بلا فخر .

[Khider] 11-18-2014 02:45 AM
والله سبقتنى على التعليق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة