الأخبار
أخبار إقليمية
85 مليار جنيه ديون متعثرة ببنك الثروة الحيوانية !!
85 مليار جنيه ديون متعثرة ببنك الثروة الحيوانية !!



11-18-2014 04:12 PM
الخرطوم

إتهم نوابٌ بالبرلمان أمس وزير المالية بالتدخل لحماية مدير عام الثروة الحيوانية وذلك على خلفية التعثر والمشاكل المالية التي يشهدها البنك وطالبوا بتكوين لجنة تحقيق وقال النائب البرلماني أبو بكر الربيع : (إنَّ علة البنك في مديره العام وأن مجلس الإدارة قدم إستقالته لأن وزير المالية تدخل وأوضح بأن إجابة وزير المالية للرد على المسألة المستعجلة حول البنك غير مقنعة مبيناً أن البنك باع أصوله لأعضاء مجلس الإدارة وطالب بتكوين لجنة تحقيق). وقال نائبٌ آخر : (إنَّ البنك فشل في مهمته وأضاف أن البنك محمي من الوزير). ومن جانبه قال رئيس مجلس إدارة البنك : (بإنَّ التعسر إنخفض من 180 مليار إلى 85 مليار).
الميدان


تعليقات 12 | إهداء 0 | زيارات 3691

التعليقات
#1153196 [اسد]
0.00/5 (0 صوت)

11-19-2014 04:21 PM
أنا مساهم قديم في هذا البنك ، لا أعرف أي حاجة عنه غير أنه مؤسسة مسيطرة عليها شلة تجار، مفيش اي معلومات حقيقة كلو تلفيق وغش .

[اسد]

#1153180 [Mat too]
0.00/5 (0 صوت)

11-19-2014 04:04 PM
بنك الثروه الحيوانيه الرماد كال خشم حماد
هذا البنك الذي يجب ان يكون متخصص في تنمية وتجارة الثروه الحيوانيه لم نسمع له صوت ولم نري له حس في مجال الثروه الحيوانيه ، رئيس مجلس الاداره احد رجال الأعمال المستجدين الذي بين ليلة وضحاها اصبح من أصحاب المليارات ويشار اليه بالبنان ان الله إعطاء الرجل والله اخذ اموال البنك الحمد لله فقد انطبق علينا المثل يكاكي عندنا ويبيض في لندن يعني القروش حولت وتحررت بالاسترليني واخوه الدولار .
واسمحوا لي سادتي ان اشرح لكم...............كيف تسرق هذه البنوك .......................................
بالاتفاق بين جوكي وشخص متنفذ جدا داخل البنك مثلا. رئيس مجلس أداره او عضو في مجلس الاداره او المدير او أي من أعضاء البنك علي شريطه ان يكون ذو موقع حساس داخل منظومة البنك ولا ننسي ربما يكون صاحب موقع في بنك السودان .
يتقدم الجوكى مسنودا بصاحب مصلحه من المذكورين أعلاه ويمر من المخاطر ومن بنك السودان بنظام شيلني واشيلك ويمنح سلفية ضخمه بضمانات ضعيفه جدا وبعد داك الجوكي يأخذ نصيبه البسيط نسبيا ويكون النصيب الاكبر للباشا المتنفذ، اما الجوكى يخارج نفسه بالسفر الي دبي او مصر وحتي الصين المهم يختفي وهكذا يكون النصيب الأكبر للمتنفذ في البنك او الأطراف الأخري ،المهم تصرف المرابحة بدون ضوابط هكذا تتسرب أموال البنوك وهذا ماحدث لبنك الثروه الحيوانيه.
بعض الناس تجدهم أثروا ثراء فاحش وظهروافجأة وبدون مقدمات ويصرفون صرف يصل الي حد السفه أنها أموال البنوك المنهوبه هي السلفيات الغير مسترده وهذا ما حدث في بنك الثروه الحيوانيه.
والبعض الآخر يستلف وينتظر صعود الدولار حتي إذا ما ارتفع سدد للبنك بقيمه اقل ، اما إذا الدولار توقف في مكانه او هبط فالشرده واجبه وعندما يرتفع الدولار اوتنصلح الامور يسدد ما عليه من خلال محامي او قريب ثم يعود للسودان وما عليهو أي مسوليه وكثير من الخطط تهندس أيضاً بالاتفاق مع الجماعه في البنك بدفع المعلوم
هذه بعض الحيل التي تتسرب بها أموال البنوك وأموال الشعب السوداني وهناك كثير من الحيل بمساعدة العاملين في البنوك وكثير من الديون الهالكه.
اما إذا كان لديك عمل حقيقي ربنا يساعدك ويسهل عليك.وينطبق عليك قول الفنان(مافي داعي تقولي مافي.)
السيد جمال الوالي رجل مهذب جدا ولكن قام من نومه ولقي كومه حوله مجموعه من الصعاليك ًو الارزقيه وأكيد مستفيدين منه أمثال حارس المرمي السابق الفاشل القصير المتسلق الجاهل وغيره(لك ان تتصور ) وجمال رجل مهذب ومن بيت محترم بفداسي الجزيرة ،ولكن لا يخلوا من عبط وسفه ،فالكوره ليست مجاله هناك نوعيه معينه تصلح لهذا المجال فهي مكب للاوساخ في مجتمعنا تجد فيها كل أنواع القاذورات إلا من رحم ربي وجمال لا يشبه هذا المجال ولم يكتفي بذلك بل صرف عشرات المليارات في هذا الوسخ وصار كنافخ الكيرالذي تلاحقه رائحت الكير المنتنه أينما ذهب ، لذلك وبكل أسف نصفه بالعبط والسفه.
لقد عمل جمال مع عديله صلاح إدريس وربما تعلم منه هذا السفه فالآخر يحمل درجة الدكتوره في السفاه فهو فنان وملحن وشاعر وبتاع كوره وبتاع أي حاجه وكمان سعودي الجنسيه يبعثر الأموال يميناوشمالاوهو أيضاً أمواله مجهولة المصدر فقد كان موظف بنك في السعوديه ،السيد جمال انت لا تصلح رئيس لمجلس إدارة بنك فلا خبره لك ولا استقرار نفسي. ولا انكر انك متواضع ومحترم جدا.
وسمعنا ان أسرتك سوف تعيش في انجلترا، أكيد انت كمان ناوي ربنا يحفظك ولاموال الشعب السوداني و بنك الثروه الحيوانيه رب يحميها، والرماد كال خشم حماد في بنك ثروتنا الحيوانيه .....

[Mat too]

#1152809 [Abu albra]
0.00/5 (0 صوت)

11-19-2014 09:52 AM
يتحدث جمال الوالي الحرامي عجز في بنك الثروة الحيوانية وكيف لا يتأثر البنك ويفلس اذا كان كل القروش منهوبة من البنك لتسجيل اللعيبة وبناء عمارات وركوب عربات فارحه .الان بنك الثروة أعلنت إفلاسه وبكرة البنك الزراعي وبعده النبك الفرنسي وبعده بنك التنمية و.....و.......و......و......حتي يعلن بنك السودان إفلاسه وبعدها يكون الشعب السوداني جالس بدون بنك يحفظ لهم حقوقهم لان القروش كل حيبقي في يد الحرامية وتجار الدين يا أيها الشعب الفضل

[Abu albra]

#1152773 [بتاع ورنيش]
0.00/5 (0 صوت)

11-19-2014 09:16 AM
مافي حاجة ماشة صاح في البلد دي ؟؟؟؟؟؟؟؟؟؟؟؟؟؟؟

[بتاع ورنيش]

#1152735 [watani adeel]
0.00/5 (0 صوت)

11-19-2014 08:42 AM
mimo copany belong to bankmanager
and alwali where found many before alengaz works as gaurd close and open doors in alhkalige all these mony belong sudanes poors and almariekh eating sakit without shame

[watani adeel]

#1152603 [الجن الكلكي]
0.00/5 (0 صوت)

11-19-2014 05:18 AM
الوالي لم نوالي عير الوالي الرئيس الطوالي

[الجن الكلكي]

#1152559 [fatmon]
0.00/5 (0 صوت)

11-19-2014 12:29 AM
أمكانيات البنك ده يعني كانت مسخرة للكورة ما للثروة الحيوانية؟؟؟؟؟؟؟ ده سؤال برئ؟؟؟

[fatmon]

#1152506 [بت الخرطوم]
0.00/5 (0 صوت)

11-18-2014 09:10 PM
العارف عزو مستريح عضو المجلس والكل فى الكل بالبنك المنكوب ورئيس نادى المريخ الذى ينفق بما لا يخشى الفلس كلمة السر فى هذا البنك وطبعا رئيس المجلس فى ذات نفسو ما بقدر يقول البغلة فى الإبريق فى موضوع يخص الوالى رئيس طوالى ماتعبوا يا نواب الغفلة قنعنا من خيرا فيكم

[بت الخرطوم]

#1152490 [قرفان من الكيزان]
0.00/5 (0 صوت)

11-18-2014 08:39 PM
ربنا ينتقم منكم جميعا يا اخوان الشيطان ... طلعوا زيت البلد .. نسفتوا الأخضر و اليابس يا حرامية يا سفلة ..
الله لا جعل بركة فيكم و لا في ذريتكم من بعدكم يا ملاعين .

[قرفان من الكيزان]

#1152485 [دردوق]
4.00/5 (3 صوت)

11-18-2014 08:27 PM
هو انتو اصلا بنك الثروه الحيوانيه ! دا بنك بتاع شنو ? و الله سؤااال

جااااادي !!

لانو بصراحه معرفتي في البنووك ضعيفه !! اخر مره شفت بنك

بنك امدرمان الوطني ! كان جايب رقشات وصاجااات بتاعت عواسه!!

ناس البنوكه ورونا و فهمونا !!

[دردوق]

#1152414 [عمرالبشير]
4.50/5 (4 صوت)

11-18-2014 05:45 PM
ال 85 مليار دى شفطها عميل واحد فقط وهو حسن خضر الديموقراطي القابع في سجن الهدى الان والقروش شغاله بره زى الترتيب وطبعا القروش دى اخدها ود الديموقراطي بمساعدة الحرامي جمال الوالي البيتحدا اى زول عندو مستند بينه علي الفساد عليكم الله كلفوا اى زول يمشي سجن الهدى يقابل ود الديموقراطي وسيسمع منه عجبا.

[عمرالبشير]

ردود على عمرالبشير
China [ابو محمد] 11-18-2014 08:15 PM
ود الديمقراطى بتع الافرى كولا ود مدنى

[عمار] 11-18-2014 08:02 PM
بس ليه يشفط منهم 85 مليار كان يشيل 10 مليار , اصلو هو حيعيش 300 سنة , المشكلة في السودانيين لمن الواحد يجي ينهب بنهب بمبالغة زاتو كانو داخل في منافسة مع اقرانه في النهب , طبعا في النهاية لو نهبتا جنيه او ترليون كلو في النهاية حيتوزن بمثقال الزرة في يوم الميعاد

Saudi Arabia [جركان فاضى] 11-18-2014 06:52 PM
كدى امشى الحقوا فى سجن الهدى وفتش المشاكل براك...انا خايف يلحقوك مدير الاقطان السابق


#1152400 [Gawish]
4.50/5 (4 صوت)

11-18-2014 05:16 PM
ديل ضربهم تحت الحزام

[Gawish]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة