الأخبار
أخبار إقليمية
العاملون بالتلفزيون الحكومي ينظمون العديد من الوقفات الاحتجاجيه لعدم تسلمهم مستحقاتهم لعده اشهر - شاهد الصور
العاملون بالتلفزيون الحكومي ينظمون العديد من الوقفات الاحتجاجيه لعدم تسلمهم مستحقاتهم لعده اشهر - شاهد الصور
العاملون بالتلفزيون الحكومي ينظمون العديد من الوقفات الاحتجاجيه لعدم تسلمهم مستحقاتهم لعده اشهر - شاهد الصور


هتفوا امام المدير الجديد السّموأل خلف الله
11-18-2014 11:45 PM
نظم العاملون بالتلفزيون العديد من الوقفات الاحتجاجيه لعدم تسلمهم مستحقاتهم لعده اشهر و هتفوا امام المدير الجديد السّموأل خلف الله و واجهوه بصروره الاهتمام بقضاياهم و عدم الثقه في قياداتهم الاخري التي وصفوها بانها من بقايا محمد حاتم سليمان و شلتو و هتفوا طويلا. المدير الفات سرقنا كتير. بدل يتحاكم يبقي سفير و اوضحوا ان اموال التلفزيون كان يتمتع بها مجموعه سلمهم م حاتم المسووليات الماليه رغم انهم منتدبين من جهات اخري و هم بدر الدين سيد. من شركه شيكان و محمد كبير من حكومه ولايه القضارف و موسي عوض من وزاره الصحه و علي الطيب و لا زال هولا موجودين في التلفزيون و نشرت صحف الخرطوم معلومات عن تهديدات بتفجير مبني الاذاعه و التلفزيون مرفق الصور و اللقطات.

image

image

image

image

image

image

image

image


تعليقات 28 | إهداء 0 | زيارات 8074

التعليقات
#1153390 [ود الركابي]
0.00/5 (0 صوت)

11-19-2014 09:51 PM
والله يتهيا لي تلفزيونا ده مافي واحد بيشاهدوا غير البشير وحريمه الاثنين وناس المؤتمر الوطني مجامله للبشير .. مامنافقين .

[ود الركابي]

#1153350 [ظلال النخيل]
0.00/5 (0 صوت)

11-19-2014 08:28 PM
التلفزيون هو الواجهة الاعلامية للحكومة وهو مركز الدجل والنفاق والتلميع وكسير التلج والتدليس والانبطاح والادعاء الاجوف ... عشان كدة بنعتبركم ايها المتظاهرون بانكم جزء من منظومة الحكومة ومشاركين في دجلها وغشها وكذبها من الغفير للمدير ..انتم من تكذبون على الشعب السوداني ...انتم من ساهمتم في افشال انتفاضة سبتمبر ...........

عشان كدة بنقول ليكم في ستيييييييييييييين داهية كلكم ان شاء الله تاكلوا الظلط...

[ظلال النخيل]

#1153281 [محفظة المغتربين]
0.00/5 (0 صوت)

11-19-2014 06:26 PM
والله انا ما بعرف زول في التلفزيون لكن اعتقد معظمهم موظفين عاديين وليهم حق يطالبو بيه ما في داعي للاستهزاء بهم والسخرية والشماتة ... معظمهم جارين وراء اللقمة لهم ولعيالهم ... وكان من الافضل دعمهم حتى ولو معنويا ... ارجوا ان لا نتخلى عنهم بسبب اجرام الكيزان وممثليهم ... كواحد من جمهور الراكوبةارجوا الانتباه لما نكتبه ... كفاية ظلم الكيزان لهم ولاهل السودان عموما

[محفظة المغتربين]

#1153204 [كرزاي]
0.00/5 (0 صوت)

11-19-2014 04:41 PM
يا ناس ناس ايناس والبقيه وين مرطبين وكل يوم بتوب جديد وحنه وكلو ده من وين وراتب مافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظظ

[كرزاي]

#1153067 [لواي سلسلن]
0.00/5 (0 صوت)

11-19-2014 01:56 PM
احسن تتفرقوا بدل تتفرغوا

[لواي سلسلن]

#1152970 [دمسورة]
0.00/5 (0 صوت)

11-19-2014 12:27 PM
ههههههههههههههههه اجمل تعليق بتاع الهير دو

[دمسورة]

#1152914 [Abo Obayda]
5.00/5 (2 صوت)

11-19-2014 11:33 AM
و الولية دي الشايلة يافطة مكتوب فيها : دايرين (نرصيكم) يا مشاهدين.. قاصدة يرصونا خلف المؤتمر واللا قاصدة نرضيكم بس التلفزيون لحس النقط زي ما لحس قروشم.
بعدين انت تعبانة و كاتبة اليافطة دي لي شنو؟ انت قايلة عندم مشاهدين!

[Abo Obayda]

#1152896 [الحدقنو]
0.00/5 (0 صوت)

11-19-2014 11:21 AM
جركان فاضي والله ضحكتني برضو .لكن ياخي اتعاطف شوية مع الهيردو عشان قروشو eddo . الزولة دي ممثلة بارعة ما تستاهل يظلموها بعد اللعلعة دي كلها وبعد ما حسها انقرش في الهيردو.

[الحدقنو]

#1152890 [Abo Obayda]
5.00/5 (1 صوت)

11-19-2014 11:13 AM
بالله هو السمؤال الدلاعهة بقى مدير التلفزيون؟
طيب فيها شنو . ما البشير بقى رئيس دولة!

[Abo Obayda]

#1152886 [ابو احمد]
5.00/5 (1 صوت)

11-19-2014 11:09 AM
احسن حاجة يغلقوا التلفزيون القومي ويصفو هؤلاء الماعندهم اي ابداع والعجزة والمسنين مليون موظف بدون برامج او مشاهدين اخير الليقففلوا وان يتحول العمل الى الانتاج الالكترونى عمك الشايب عايز كاميرا الناس الان بتصور بالهليكوبتر الالى او الكاميرا الطائرة ياعمك القالك ضمنة ولا مصيبه وخلى الخبز لخبازه وبعدين حبوباتنا ديل اخير يمشن لبيوتن ومذيعاتنا الواحدة من فوق ميرندا ومن تحت بيبسي كولا اخير عدمن عايزين افريقيات عديل من خليجى نص

[ابو احمد]

#1152865 [الكاهلى]
5.00/5 (1 صوت)

11-19-2014 10:47 AM
شعارات جبن وخوف ... جاكم البلا

[الكاهلى]

#1152828 [BLUNQ]
5.00/5 (1 صوت)

11-19-2014 10:08 AM
عجبنى للمرقووود

[BLUNQ]

#1152812 [Fatmon]
5.00/5 (1 صوت)

11-19-2014 09:54 AM
الموضوع وما فيه الانتخابات قربت تغيير هنا وتلميع هنا حبة حقوق هنا وخصوصا بعض الإعلاميين لزوم الذي منه وزيتهم في بيتهم أصله اي زول مستمر في شغله لسه منهم وفيهم يمهل ولا يهمل نشوف فيكم يوم يا كفرة يا حرامية من رئيسكم لغفيركم كلكم ملة حرامية ومرتزقة والسودانيين كلهم متبرئيين منكم الله يورينا فيكم عجائب قدرته قادر يا كريم

[Fatmon]

#1152806 [الهم الكاتل]
5.00/5 (1 صوت)

11-19-2014 09:46 AM
هو لسى حي ما مات بالله والله لكن روحه طووووووووووبله بشكل .. خلاص امشوووووا اهلكم

[الهم الكاتل]

#1152794 [مالك الحزين جدا جدا]
5.00/5 (1 صوت)

11-19-2014 09:33 AM
أبداع قال ,, والله كلكم كرور وجلافيط ,,

[مالك الحزين جدا جدا]

#1152741 [وين؟!!!!!!!]
5.00/5 (2 صوت)

11-19-2014 08:46 AM
طبعاً ناس إيناس وهالة محمد عثمان وباقي الشلة ما مع المحتجين..قابضين ومرتاحين!!!

[وين؟!!!!!!!]

#1152736 [جركان فاضى]
3.00/5 (6 صوت)

11-19-2014 08:43 AM
يعنى يا سامية حق الدعايات يسمك فيهو...لاخمانا كل يوم الهيردو الهيردو....اها الهيردو قروشو مابدو

[جركان فاضى]

ردود على جركان فاضى
[ود قيرادوم] 11-19-2014 10:37 AM
ههههههههههههههههههههههه

الهيردو الهيردو....

Saudi Arabia [مرحوم] 11-19-2014 09:47 AM
ههههههه ههه ه ريحتني في حناني والله


#1152734 [عثمان ديقتال]
5.00/5 (2 صوت)

11-19-2014 08:41 AM
ما في داعي أساسا لوجود تلفزيون ، ومعظم الشعب السوداني يتابع القنوات الفضائية الاخرى بسبب فقر التلفزيون السوداني. وكذلك لمعرفة أخبار السودان الحقيقية. كما أنني لاحظت من يشاهدون التلفزيون السوداني دائما يستعيذون بالله عن رؤية الترابي أو البشير وكل أفراد العصابة.
وعليه السموأل لا زال كوزا صغيرا له بعض النشاطات الابداعية في تكريم الفنانين والرجل يحتاج لوقت حتى يأكل ويوأكل من معه.
أصبروا يا ناس التلفزيون ده حال السودان.

[عثمان ديقتال]

#1152717 [ِAburishA]
5.00/5 (5 صوت)

11-19-2014 08:31 AM
خموا وصروا.. الزمن ده كلو تغشوا فينا الحكومة سوت..والحكومة فعلت.. وطلعتوا زيتنا وطلعتوا لينا السودان جنة الله في الارض بالكضب..آها الكيزان خرتوكم.. الله يعينكم..

كوسيلة ضغط.. قوموا لخبتوا البرامج مثلا اذان الضهر جيبوا الساعة تسعة ونص صباحا..

[ِAburishA]

ردود على ِAburishA
United Kingdom [aminov] 11-20-2014 02:40 AM
ما بقت ليك اللخبطة إلا في الآذان,والله إنت الخسران.

Saudi Arabia [المغبون] 11-19-2014 11:38 AM
يستاهلو كلهم كذابين ومنافقين ده حق الشعب المسكين البغشو فيهو مثل مابقولو (جاك الموت ياتارك الصلاة ) .


#1152709 [واحد طردوهو من بلدو]
5.00/5 (2 صوت)

11-19-2014 08:12 AM
مش انتو يا الموظفين كلكم كيزان وجيتو بسياسة التمكين طيب احتسبو زى ما بيقولو ليكم او اتخارجو برة البلد زى ما عملنا نحن ...
الناس الكانو شغالين قبلكم وفصلوهم بسياسة التمكين حقوقهم مشت وين

[واحد طردوهو من بلدو]

#1152704 [ثورة محمية بالسلاح ( كاودا بس)]
5.00/5 (3 صوت)

11-19-2014 08:08 AM
السمؤال مرتزقة
التلفزيون في المشروع الحرامي
نحن قاطعنا الاذاعة القومية + التلفزيون القومي + المسرح القومي ؟؟؟ لأنها أصبحت غير قومية ولا تعبر عن الشعب في شيء فقط تطبيل للنظام ... والموظفين ديل في نظري جزء أساسي من الحرامية وكلهم كيزان ... الله يجعل كيدهم في نحورهم ... اللهم أهلك الكيزان الظالمين وأكفنا شرهم . آمين .

[ثورة محمية بالسلاح ( كاودا بس)]

#1152691 [كضابيين]
4.00/5 (3 صوت)

11-19-2014 08:00 AM
لماذا هذا الضجيج .. والله انا أرى ان نكون بدون تلفزيون ولا اذاعة لانهما يكرسان للعنصرية والجهوية هذا حال اعلامنا .. وهناك صاحب قناه تبث بسمها الزعاف وينادي .. بود بلد نزيه يحكم البسودان . .. شوف مثل هذه المصطلحات المفخخة .. هذا الرجل الذي يدطل علينا ليل نهار وعامل فيها الناهي والآمر والمنظر لشئون هذا الوطن ... اقول لك اولاد البلد حكموا مذ الابستقلال لحتي الان عملوا شنو غير دخلوا البلد في جوع وذل وانفقصال وحروب .. اولاد بلدك ديل لو تغربلهم مائة مرة لم تجد فيهم مايصلح للبلد .. السودان للسودانيين علي مختلف اجناسهم وثقافاتهم واتجاهاتهم .. ليبس للانتهازيين

[كضابيين]

#1152683 [محمدين]
5.00/5 (2 صوت)

11-19-2014 07:57 AM
قال إيه: "دايرين نرضيكم يا مشاهدين" 26 سنة من التطبيل والتلميع للكيزان وتغييب المواطن البسيط ... تستاهلوا

[محمدين]

#1152678 [عبد الرحيم سعيد بابكر]
5.00/5 (1 صوت)

11-19-2014 07:54 AM
إننا لا نشاهد تلفزيون الحكومة..إذن فاليوقف البث!!

[عبد الرحيم سعيد بابكر]

#1152671 [abubaker]
5.00/5 (2 صوت)

11-19-2014 07:47 AM
انشا الله ما يدوكم جنيه واحد انتو شغالين بالدين ما عارفين الجماعة ديل شغهم كله دين في دين

[abubaker]

#1152653 [المتجهجه بسبب الانفصال]
4.00/5 (3 صوت)

11-19-2014 07:23 AM
إشمعنا لم تطالبوا المدير السابق ،، وهذا مدير جديد لنج GL ،، الظاهر الموضوع فيهو دفرة من المدير السابق خصوصا وقد ورد في الانباء تحذير بتفجير التلفزيون،، يا جماعة عشنا حرب أهلية 23 سنة مات فيها من مات من الطرفين في زول سمعتو بيهو فجر ليهو مزيرة موية سواء جنوبي او شمالي،، إن ثقافة التفجير والوجل من قطع الرزق ليست من شيمة أهل السودان بكافة مكوناتهم وسحناتهم ودياناتهم ،، إنما هي شيمة بقية الاسلامويون الانقاذيون والدليل قال تفجير التلفزيون بسبب تأخير الراتب او الاقالة من المنصب لا خلاص يا قناة بلومغر وفي رواية ال بي بي سي أو السي ان ان ،،،، الم اقل لكم ان الشعب السوداني صحابة مقابل الانقاذيين ،،،

[المتجهجه بسبب الانفصال]

ردود على المتجهجه بسبب الانفصال
United States [سؤال] 11-19-2014 08:09 AM
بل السؤال لماذا المدير الجديد هو من ادعى دون شهود ان قد اتصل به من يريد التفجير؟ لماذا لم يتصل بالبوليس او الامن مثلا؟ ولماذا نرى في الصور المدير الجديد في استقبال المحتجين؟ بل من دفرهم للاحتجاج اصلا ولم يقدروا ان يحتجوا قبلها؟
في نظري هو صراع ماكله بين الاسلاميين كماعهدناهم وهؤلاء الغلابه لن ينالوا من حقوقهم شيئا.


#1152633 [الجعلي الفالصو]
4.75/5 (5 صوت)

11-19-2014 06:54 AM
تلفزيون الخج والتطبيل ، أحسن والله يقلبوا حوش التلفزيون لزريبه لتجار الطلح والدخان

[الجعلي الفالصو]

ردود على الجعلي الفالصو
United States [بت البلد] 11-19-2014 08:21 AM
كان كدي في ستين هههه


#1152611 [بت البلد]
4.00/5 (3 صوت)

11-19-2014 05:50 AM
التلفزيون السوداني كان في خدمة من ؟؟؟ نحن ما كنا متابعين

[بت البلد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة