الأخبار
أخبار إقليمية
بنك السودان : الدين الخارجي يتجاوز 43 مليار دولار
بنك السودان : الدين الخارجي يتجاوز 43 مليار دولار



11-19-2014 11:14 PM
البرلمان: ثناء عابدين :

كشف بنك السودان المركزي عن ارتفاع حجم الدين الخارجي إلى «43,8» مليار دولار في نهاية العام الماضي، لافتاً إلى أن نسبة 60%من هذه الديون ناجمة عن فوائد التعاقد والتأخير في السداد، مشيراً إلى أن أصل الدين يبلغ «17,1» مليار دولار، فيما بلغت الفوائد «26,2» مليار دولار، وأعلن محافظ البنك المركزي عبد الرحمن حسن عبد الرحمن عن أن استدانة الحكومة من الجهاز المصرفي بلغت «7,1» مليار خلال العام الحالي سددت منها وزارة المالية مبلغ 4,63» مليار جنيه.

وأقر المحافظ خلال تقديم بيان حول أداء البنك أمام البرلمان أمس بانخفاض أرباح المصارف إلى «3,013» مليون جنيه بنهاية العام الماضي مقارنة بـ «3,52» مليون للعام الذي سبقه إلا أنه وصفه بالطفيف، لافتاً إلى أن 4 مصارف لم تتمكن من الوفاء بالحد الأدنى المقرر لرأس المال، ودعا إلى ضرورة مراجعة قانون التصرف في المرافق المرهونة وإبراز النظام الإسلامي كبديل للنظام التقليدي فيما اعترف بانخفاض صادرات سلع البرنامج الثلاثي إلى «1,233,6» مليون دولار نسبة لانخفاض الكميات المصدرة من الذهب في العام الماضي، بجانب انخفاض صافي الاستثمار الأجنبي إلى «2,2» مليار دولار لذات العام، وأكد المحافظ أن سياسة البنط تهدف إلى توفير كميات وافرة من العملة الورقية والمعدنية «الفكة»، عبر نوافذ البنك والمصارف للحفاظ على التركيبة الفئوية للعملة حسب أوزانها.

آخر لحظة


تعليقات 7 | إهداء 0 | زيارات 1483

التعليقات
#1153893 [حبيبي حبسو]
0.00/5 (0 صوت)

11-20-2014 12:25 PM
اكلو ساي اصلا ماف دولة حتسجن ليها دولة
الله معاكم يا كيزان

[حبيبي حبسو]

#1153848 [العنطـــــــــــــــــــــج]
0.00/5 (0 صوت)

11-20-2014 11:37 AM
البلد ماشه بالربا و الحكومه شغاله تصنيف في خلق الله، غلفا و شايله موسها تطهر، النظام ده ماسوني صهيوني حسب كتاب بروتوكولات حكماء صهيون، ينفذ اجندة الصهيونيه الهادفه لتفتيت المجتمعات عبر التدمير الاخلاقي الممنهج و الافقار المنظم، اليهود اي شي محرم بيناتهم ممارستو تعتبر حلال مع غير اليهود(الأمميين او الغوييم)، دي تصرفات الكيزان يحاضرونا في الدين و يمارسو المحرمات معانا، اذن التحريم ساري بيناتهم بس، هسه يوم سمعتو كوز سرق كوز وللا كتلو؟! طيب الناس راجيه شنو، بعد ده الا يجي نبي يقول ليكم اقلبو الحكومه لأنو مافي زول عايز ياخد مبدأ تغيير النظام بجديه.

[العنطـــــــــــــــــــــج]

#1153845 [أمة الامجاد]
2.00/5 (1 صوت)

11-20-2014 11:34 AM
عمك عوض الجاز مطلوب منك ترجع لينا نصف ما نهبته حتى نغطى الديون بالله عليك رجاء خاص
الباقى بجى يوم الحساب
الله اكبر عليكم يا سفله
اين اموال البترووووووووووووووووووووووووووووووووووووووووووووووووووووووووووووول
يا عمر
اول سؤال لديك فى القبر اتقى الله يا عمر فى المسلمين

[أمة الامجاد]

#1153838 [خالد جعفر]
0.00/5 (0 صوت)

11-20-2014 11:28 AM
يا بنك السودان ، أخصموا من المبلغ 2 مليار ، تسجل في دفاتركم سلفة مستردة على الوزير السابق علي محمود لو ما دفع بيعوا القصر الاشتراهو

[خالد جعفر]

#1153546 [abubaker]
0.00/5 (0 صوت)

11-20-2014 07:34 AM
وبرضه عليزين ولاية تانية للبشير

[abubaker]

#1153431 [ِAburishA]
4.69/5 (6 صوت)

11-20-2014 12:11 AM
اقتراح بشأن هذا المبلغ الخرافي:
1)انكروا القروش دي بانكم ما اتدينتوها..وانتو الكضب والنكران عندكم لا فضحية لا عيب
2) رجعوا ليهم اصل الدين بالجنية ..الدولار يساوي جنيه واحد..لانه مافي زول بغلبكم في الغلاط واكل اموال الناس بالباطل.. وبعدين قولوا ليهم انحنا ما بنتعامل بالربا..
3)قولوا ليهم امشوا اشتكوا..او الحسوا كوعكم..لانه انتو متخصصين في الاستفزاز والكلام الشين.
4)قولوا ليهم شلناها واكلناها وما بنرجعها ليكم والزارعنا غير الله خلي يقلعنا !!!

[ِAburishA]

ردود على ِAburishA
Saudi Arabia [الزول السمح] 11-20-2014 10:41 AM
والله يا ابو ريشه انت زول مبدع عديل كده


#1153428 [بلدي ياحبوب]
0.00/5 (0 صوت)

11-19-2014 11:55 PM
وقاعدين مستنين شنووو!!!؟

[بلدي ياحبوب]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة