الأخبار
أخبار إقليمية
ملثمون ينهبون (800) مليون من متجر بوسط الخرطوم
ملثمون ينهبون (800) مليون من متجر بوسط الخرطوم
ملثمون ينهبون (800) مليون من متجر بوسط الخرطوم


نفذوا جريمتهم في رابعة النهار
11-20-2014 07:03 PM
الراكوبة الراكوبة - الخرطوم

في حادثة اعادت الى الاذهان حوادث الاختطاف والسلب والنهب التي تحدث في اقليم دارفور المضطرب، اقدم اربعة ملثمين على نهب حقيبة بداخلها مبلغ " 800" الف جنيه، من احد المحال التجارية جوار مبنى القنصلية المصرية بالخرطوم.

وفسر مراقبون الواقعة بانها دليل على الحالة الرخوة التي تعيشها الخرطوم، من حيث الانفلات وفقدان الامن، وذلك لكون الواقعة حدثت في رابعة النهار.

وتعود التفاصيل الى ان تاجر يبلغ من العمر 75 عاما تعرض لعملية نهب في وضح النهار، بواسطة اربعة ملثمين هجموا عليه داخل مكتبه بالقرب من مبنى القنصلية المصرية بالخرطوم، ولكموه على وجهه بـ"البونية"، ونهبوا منه حقيبة بها مبلغ " 800" الف جنيه.

وعند محاولتهم الفرار اعترضهم عدد من الجالسين على بوابة العمارة، فما كان من الجناة الا ان اشهروا اسلحة بيضاء (سكاكين) في وجه من اعترضوهم من المواطنين، وسريعا صعد الجناة الى عربة كوريلا كانت فى انتظارهم ولازوا بالفرار.

وقال شهود عيان ان ان الملثمين كانوا يرصدون الموقف من مكان قريب من المحل، وعندما شاهدوا ابن التاجر وهو يهم بالخروج الى المطعم لاحضار وجبة الطعام، انتهزوا الفرصة وهجموا على التاجر ونفذوا جريمتهم.

وابلغ التاجر شرطة الخرطوم شمال بالحادثة وذكر الشهود انهم تعرفوا على اربعة من الارقام المكونة للوحة العربة، لكن الشرطة ذكرت لهم ان اللوحة تتكون من خمسة ارقام.


تعليقات 27 | إهداء 0 | زيارات 12609

التعليقات
#1154611 [اندروس]
0.00/5 (0 صوت)

11-21-2014 06:02 PM
النهب المسلح وصل شارع الجمهورية الموازى لشارع الجامعة الذي تقع به الناحية الغربية للقصر الجمهورى .. يعنى الحادث فى قلب الخرطوم .. اذا كان ده الحال انتظروا القادم

[اندروس]

#1154475 [أرسطو]
5.00/5 (1 صوت)

11-21-2014 11:17 AM
أمكانية حصول السرقة المسلحة فى وسط الخرطوم ممكنة - لكن أن يكون المبلغ المسروق 800 مليون (مليار الا شوية ) أعتقد دى مبالغة حتى لو كان تاجر عملة - لأن المبلغ فى حجمه و كميته كبير و لا أعتقد بان تاجر العمله قد يحتاج لتصريف عملياته بكل هذا المبلغ فى يوم واحد - أنا صاح واللا غلطان !!!!

[أرسطو]

#1154464 [ابوالبـــــــــنات]
4.50/5 (2 صوت)

11-21-2014 10:31 AM
عرض تاجر عملة بالخرطوم شارع الجمهورية إلى عملية نهب من قبل أربعة مجهولين مسلحين كانوا على متن مركبة صالون كورلا، حيث قام المسلحون نهار أمس بالتهجم على التاجر وأشهروا سلاحهم حيث يحمل أحدهم مسدساً والثلاثة الآخرون يحملون سكاكين، وقاموا بإرهابه ونهب مبلغ «500» ألف جنيه ولاذوا بالفرار.

اها يااخوانا نصدق منو ؟؟؟؟؟؟؟؟؟؟؟؟؟

[ابوالبـــــــــنات]

ردود على ابوالبـــــــــنات
Sudan [nagatabuzaid] 11-21-2014 12:34 PM
دى معقولة اما ال 800 الف دولار ؟؟؟؟؟؟؟؟؟؟ والله اعلم


#1154372 [ملتوف يزيل الكيزان]
5.00/5 (2 صوت)

11-21-2014 05:40 AM
اول الغيث قطرة . اللهم زيد و بارك.
حرامية و عساكر ! اهو دا اللعب!

[ملتوف يزيل الكيزان]

#1154349 [Ahmed Ali]
4.50/5 (2 صوت)

11-21-2014 03:40 AM
انت فى السرقه ولا شارع الجمهوريه الجابو للسوق العربى شنو.. غايتو ناس تكتب سااااااااي من غير مراجعه لصحة المعلومات!!!!

[Ahmed Ali]

#1154342 [فكري]
5.00/5 (1 صوت)

11-21-2014 01:57 AM
تقريبا ديل الدقو عثمان ميرغني أريتو كان كتلو ...

[فكري]

#1154321 [دفع الله عبداللطيف]
4.88/5 (6 صوت)

11-21-2014 12:17 AM
انا دفع الله عبداللطيف صاحب العماره انقزتني العنايه الالهيه عند مروري بلممر اسناء حادثة السرقه ولا نملك غير حسبنا الله ونعم الوكيل والبلد ما امنه ما امن...............حسبنا الله ونعم الوكيل ........

[دفع الله عبداللطيف]

ردود على دفع الله عبداللطيف
Saudi Arabia [عبدالرحيم] 11-21-2014 11:17 AM
قلت لي انقزتني يا صاحب العمارة


#1154294 [الكاهلي]
4.50/5 (4 صوت)

11-20-2014 11:08 PM
بلد سايبه أمن في السوق العربي بي النهار مافي تاني خليتو لينا شنو يا الإسلامين شوهتو اسم الاسلام ياوسخ جوع وفقر ومرض وكمان عدم امن الله انتقم منكم يا حكومه المرض

[الكاهلي]

#1154289 [Adil A Omer]
5.00/5 (2 صوت)

11-20-2014 10:53 PM
ووين حميدتى

[Adil A Omer]

ردود على Adil A Omer
[Mousa] 11-21-2014 07:46 AM
والله هووالجنجويد بتاعوالشالو القروش صدقنى


#1154287 [ابو الرجال]
5.00/5 (1 صوت)

11-20-2014 10:52 PM
ياناس الحكايه واضح ما حرميه غير الانقاذ وما قي شايل سلاح غيرهم هم الحرميه سرقو البلد كلوودمروا

[ابو الرجال]

#1154279 [ahmedali]
4.00/5 (3 صوت)

11-20-2014 10:33 PM
يا اخوانا ده فلم هندي قدر ما حاولوا ينزلوا الدولار غلبهم ومطاردة تجار العملة وارهابهم هو اخر حلولهم وهذا التاجر اكيد موتمر بطني واطي ولكنه ينتمي لجناح اضعف ويكونوا كما قال احدهم استعملوا معاه كل الطرق لكي يحصلوا علي نصيب ولكنه رفض ولذلك دبروا له هذا الفلم وفقد قروشه

والسناريو الاخر يكونوا دبروا هذه العملية معه لتوصيل الرسالة لاخرين هم المقصودين

يجب ان تفكروا في كل الاحتمالات فالكيزان اخبث المخلوقات واقذرها لذلك توقعوا منهم كل شي

وتستحضرني نكتة وهي ان احد المطششين سئل هل الثعلب يبيض ام يلد فقال لهم ده مكار اتوقعوا منه اي شيء

وهكذا هم بني كوز المجرمين القتلة

لعنة الله علي الكيزان ومن والاهم

[ahmedali]

#1154276 [AburishA]
5.00/5 (3 صوت)

11-20-2014 10:30 PM
سؤال برئ: بس أوع يكونوا ملثمين...والعربية ما عندها لوحات..

[AburishA]

ردود على AburishA
United States [Abu] 11-21-2014 07:47 AM
Thanks for the laugh AburisA...


#1154273 [دونت تتش ماى ريشة]
3.75/5 (3 صوت)

11-20-2014 10:26 PM
مال حرام و وقع فى ايد الحلال

[دونت تتش ماى ريشة]

#1154272 [كدمبس]
4.66/5 (6 صوت)

11-20-2014 10:26 PM
" وسط دهشه المواطنيين" وزير المالية السابق يشترى قصر وسط دهشه المواطنيين. . مدير شركه الاقطان ينهب كم مليون يورو وسط دهشه المواطنين. . المتعافي وفساد الزراعه .. الشريف بدر وخط هثرور .. و و و و و .. تستمر الدهشه.. الغريبه اغتصاب نسوان تابت بدارفور ما اندهشنا فيهو.. يابلد مليان مواجع..

[كدمبس]

ردود على كدمبس
United Arab Emirates [ودالباشا] 11-21-2014 02:16 PM
يعنى هم لا يكتبوا دهشة المواطنين حتى تكون دهشة حتى الدهشة هم يحددوها

[أكبر دهشه] 11-21-2014 09:34 AM
وين رجال تابت البخلوا نساوينهم يغتصبوا ويكوركوا فينا


#1154259 [الكاريبي]
4.25/5 (4 صوت)

11-20-2014 09:45 PM
الناس دي بتجيب القروش دي من وين ؟؟!!!

[الكاريبي]

#1154256 [عمار]
4.50/5 (4 صوت)

11-20-2014 09:41 PM
وسط دهشة المواطنين!!!!!!!!! الناس خلاص بالجد بقت تخاف علي رقبتها وبعد ده ماف زول يرجي الشهامة والمروة في الشارع

[عمار]

#1154252 [ايوب مبارك]
4.50/5 (2 صوت)

11-20-2014 09:31 PM
معقولة حكومتنا وين ولابقت القوى اكل والضعيف ماكول ولانحن بتحكمنا المافيا

[ايوب مبارك]

#1154248 [مالك الحزين جدا جدا]
4.88/5 (12 صوت)

11-20-2014 09:25 PM
وسط دهشة المواطنين.
هو المواطنين بيندهشوابالله ؟؟؟؟ ديل فقدوا الدهشه من زمااااااااااااااااااااااان

[مالك الحزين جدا جدا]

#1154239 [عزوز الفاضل]
5.00/5 (1 صوت)

11-20-2014 09:04 PM
كدي بالله شوفو الزول دة كاتب شنو عشان كدة البلد بقت فوضى وسرقات واغتصابات لانها مليئة بصعاليك الجبهة اللا-إسلامية واكيد الحرامية ديل منهم

Quote:
[16/11 23:37] +254 707 621807: ًالسلام عليكم

أخى بروف غندور .. تحياتى و ودى ..
عفوا هؤلاء الصعاليك الذين تحاورونهم لا يفهمون الا لغة البوت والشلوت . . دعنا لهم واخوانى
الطيب مصطفى وشرف الدين على مختار واسحق فضل الله ويس محمد نور ومجمد عبدالله شيخ
ادريس وانس عمر وابراهيم الخمينى وعبدالله بكير وعبدالله الجيلى ومحمد بخيت المفتى والطيب
سيخة والطيب المصباح و ودابراهيم واليسع الصديق والصعاليك السبعة والشياطين الحداشر
وشخصى الضعيف . . كفاية مرمطة فى بلاد العجم والعرب فالذى لا تقولونه تأدبا نحن نقوله تعبدا
والذى لا تفعلونه ترفعا نحن نفعله تقربا ففينا من يجهل فوق جهل الجاهلين وفينا من يرد الصاع
صاعين و فينا من لا يجد نفسه الا فى حلوقهم وخواصرهم وفينا من ينحرهم نحر الابل ولو تعلقوا
بأستار الكعبة .. فلا نزال كيوم المغيرات صبحا والفتح المبين والميل اربعين وتلشى وسندرو
وسالى وشالى وروكن وسلطان جامبو وليريا وتوريت وكبويتا وهمشكوريب وطوكر وطوقان
ومرافيت وخور كبريت .. ومئات المواقع الخوالد ... لن تخسروا شيئا قط .. فقط جربونا مرة
واخيرة وستنتهى العمالة فى كل العالم للأبد ..
اخوك جعفر بانقا
صعلوك الحركة الاسلامية والانقاذ


[عزوز الفاضل]

ردود على عزوز الفاضل
Saudi Arabia [واحد مهموووووووووم] 11-21-2014 03:27 PM
جعفر بانقا ههههههههههه
كان معتمد شندي ههههههه
ياخي الجماعة ديل ما بيستحو ابدا
تفوووووو

Australia [sami] 11-21-2014 12:08 AM
داواحد نسل سيبك منو , دا فنقاس الحركة الاسلامية


#1154214 [سالم كلجكال معجون سيجنال]
4.00/5 (2 صوت)

11-20-2014 08:12 PM
عييييييك هو في زول واحد مخلي برؤوس قدر دا كاش عندوو

[سالم كلجكال معجون سيجنال]

#1154212 [عبد الله]
5.00/5 (1 صوت)

11-20-2014 08:10 PM
هذا يعنى ان المواطن فقد الامن والامان . يعنى ان هناك انفراط حقيقى فى مساله الامن . يعنى ان وزاره الداخليه لاتمارس عملها بالصوره المطلوبه وان كوادرها ضعيفه تفلح فقط فى تفريق المظاهرات . فى الماضى كان رجال المباحث ينتشرون فى تلك الاماكن الحساسه والان لا مباحث ولا يحزنون . كل الرجال المتدربين من الشرطه الان فى الشارع بدون عمل . لا احترام للخبرات ابدا . وعلى الداخليه ان تعيد النظر فى سياستها . ومن مهام الشرطه كشف الجريمه قبل ان تقع . والان على الدنيا السلام .

[عبد الله]

#1154210 [ودالباشا]
5.00/5 (2 صوت)

11-20-2014 08:04 PM
بالسوق العربى وسط البلد وكمان بالنهار ومسلحين وسط دشة المواطنين ياربى يكونوا منوا ديل..؟

[ودالباشا]

ردود على ودالباشا
[Mousa] 11-21-2014 07:44 AM
انت ما عارف فى جنجويد ودزهم من دارفور عشان يجيبو مرتبات من الخرطوم؟


#1154203 [المغبون]
0.00/5 (0 صوت)

11-20-2014 07:57 PM
البلد بقى مافيها امان ربنا يستر بعدين اكيد راقبوه ولقوه راقد فى الامان وما عامل حسابو عشان كده هجموا عليه هذا درس لكل واحد معاه عمله يعمل حسابو الحكاية بقت همبته ساكت وفى وضح النهار والسلاح مع كل من هب ودب .

[المغبون]

#1154201 [مغبون]
5.00/5 (4 صوت)

11-20-2014 07:49 PM
الامر وآضح وضوح الشمس .... لا يوجد لصوص يتجرأون في قلب الخرطوم ويهددون تاجر عمله !!! الامر محبوك ومقصود والهدف تخويف تجار العمله الآخرين !! ربما يكون هذا التاجر لم يرضخ للانذارات التي ارسلت له باي اسلوب وفي النهايه صودرت امواله كما صودر كل السودان !!!

[مغبون]

ردود على مغبون
Sudan [nagatabuzaid] 11-20-2014 10:54 PM
القروش حقتهم والتاجر منهم والحرامية تابعين ليهم وتمثيلية وفى كل الاحوال قروشنا ويستاهلوا وقد يكونوا جنجويدهم سرقوهم


#1154196 [عصمتووف]
5.00/5 (1 صوت)

11-20-2014 07:39 PM
الله لا عوضك وعقبال علي البقية من تجار الي مكتنزين ب سببكم وصلت اسعارالسلع الي الصين من اكل ل دواء ل مسكن ل ايجار الله لا كسبكم مالا ولا تجاره

[عصمتووف]

#1154186 [ابومحمد]
4.75/5 (10 صوت)

11-20-2014 07:20 PM
اكيد نظاميين تبع الحكومة مافي حرامية في البلد غيرهم كلنا شرفاء والحمدلله

[ابومحمد]

ردود على ابومحمد
United Kingdom [خالد حسن] 11-20-2014 09:12 PM
صدقت الحراميه نوعان نوع مدني تابع للانقاذ ونوع عسكري
البغتصبوا النساء والقصر ماتستبعد يسرقوا
حليلك تسرق ملايه وغيرك يسرق ولاية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة