الأخبار
منوعات سودانية
رئيس الهلال يوضح حقيقة عودة هيثم مصطفى
رئيس الهلال يوضح حقيقة عودة هيثم مصطفى
رئيس الهلال يوضح حقيقة عودة هيثم مصطفى


11-21-2014 09:25 PM
استبعد أشرف سيد أحمد الكاردينال ، رئيس نادي الهلال السوداني، عودة هيثم مصطفى قائد الفريق الأسبق بعد نهاية عقده مع المريخ مؤكداً أن الأمر خارج حسابات ناديه.

وقال الكاردينال إن مجلس الإدارة لم يبحث أمر عودة هيثم من عدمه في الاجتماع الذي عقده ، ا الخميس ، إلا أنه أكد أن المجلس سيعقد اجتماعاً أحد يومي الأحد أو الاثنين المقبل وسيتم التطرق لمناقشة الأمر.

واستنكر رئيس الهلال الأسلوب الذي انتهجه بعض جماهير النادي في الفترة الماضية حول قضية هيثم مصطفى مؤكداً أن جماهير الهلال ليست صاحبة القرار ، وقال: "إذا أراد المجلس إعادة اللاعب سيفعل ذلك حتي إذا اصطفت جماهير الهلال الرافضة لفكرة عودته من الخرطوم حتي بورتسودان - في أقصي شرق البلاد- وإذا قررنا عدم إتاحة فرصة إنهاء مسيرته الكروية في الهلال لن تهمنا الجماهير التي تطالب بعودته حتي لو اصطفت من الخرطوم لنمولي - أول مدينة مجاورة للسودان من الجنوب-".


وشرح الكاردينال تفاصيل مفاوضات ناديه مع مهاجم الفريق المنتهية فترة قيده بكري المدينة وانتقاله للمريخ ، وقال إن الهلال أكبر من بكري وأي لاعب آخر .

وكشف رئيس الهلال أنه كان ضد فكرة التجديد لمهاجم الفريق بكري المدينة ولكنه تراجع تنفيذاً لرغبة مجلس إدارة ناديه واللجنة الفنية موضحاً أن ناديه سيواصل مقاضاة اللاعب ونادي المريخ جنائياً وعبر الاتحاد الدولي لكرة القدم "فيفا".

وأشاد رئيس الهلال بالصفقات الجديدة موضحاً أن جمعة جينارو حارس الفريق سيصل يوم الأحد المقبل بخلاف لاعب برازيلي سينضم للفريق في نفس اليوم.

كووورة


تعليقات 16 | إهداء 0 | زيارات 5817

التعليقات
#1155136 [حلفانكيل]
4.04/5 (20 صوت)

11-22-2014 04:03 PM
ليس بالصعاليق تدار الاندية العريقة ايها الكردينال تيتو

[حلفانكيل]

#1155093 [فتحى ودام درمان]
3.91/5 (20 صوت)

11-22-2014 02:43 PM
انتو الدعى الجابو منو ريئس؟ سبحان الله ناس حياتهم كلها محاكم يجوا روسا اندية كبيرة؟

[فتحى ودام درمان]

#1155076 [العجب الركبو حديد]
1.68/5 (9 صوت)

11-22-2014 02:15 PM
بالله شوفو الجخص الامرد ده التقول رئيس نادى ببرشلونة ولاالباير ولا ليفربول
هو فى لعيبة كورة اصلا فى السودان؟
قوم شوف ليك تلفونات ثريا ولا عربات خردة تسمسر فيها

[العجب الركبو حديد]

#1155053 [tblack]
0.00/5 (0 صوت)

11-22-2014 01:38 PM
والله تعرض هذه القضيه للفيفا وتقول ليهم بتخص لاعب اسمو بكري المدينه وفريق اسمو المريخ صدقني سوف تعرض نفسك للمساله في المحكمه الجنائيه مع عمك عمر.. اسمع نصيحتي واعمل رايح مدينة شنو و مريخ شنو وهلال شنو وموردة شنو وكلام فارغ شنو خليكم مع الدافوري بتاعكم ده.....هوووووووووي

[tblack]

#1155046 [أبو سارة]
0.00/5 (0 صوت)

11-22-2014 01:30 PM
"إذا أراد المجلس إعادة اللاعب سيفعل ذلك حتي إذا اصطفت جماهير الهلال الرافضة لفكرة عودته من الخرطوم حتي بورتسودان - في أقصي شرق البلاد- وإذا قررنا عدم إتاحة فرصة إنهاء مسيرته الكروية في الهلال لن تهمنا الجماهير التي تطالب بعودته حتي لو اصطفت من الخرطوم لنمولي - أول مدينة مجاورة للسودان من الجنوب-".

لغة إنقاذية جاهلية منحطة تنم عن قلة أدب واستهتار بالجميع من لسان جاهل متسلق جوكي غسّال أموال لا يفقه لا في الكورة ولا في الرياضة ولا في السياسة ولا في الصحافة ولا يعرف كيف يتكلم , صعلوك سوقي سمسار اسمه ( أفسد الكاردينال ) أتى في هذا الزمن الأغبر الفاسد مع باقي الجراثيم والطحالب والطفيليات والقراد مصاص الدماء , وأستغرب في جماهير الهلال التي يتحدث عنها هذا المعتوه الأفّاك الصعلوك بهذه الطريقة الشوارعية ؟؟؟!!! .

تفووووووووووووووووووووووووووو

[أبو سارة]

#1155036 [الطريفي العاشق]
4.00/5 (1 صوت)

11-22-2014 12:59 PM
من أي كوكب أتى أمثال الكاردينال والبرير الأول يطلب من الجمهور تعلم الأدب ياخي ربي نفسك أولا النادي الإنت رئيسه دا مكتوب فيه نادي الهلال للتربية, هو زول بتاع جوكي يشتم الناس كمان والله هانت والله لولا الديمقراطية لما رأس أمثالك الهلال
والثاني يقول ديل شماشه , هو في شماشي أكبر منك ياالبرير

[الطريفي العاشق]

#1155001 [ود الركابي]
0.00/5 (0 صوت)

11-22-2014 12:21 PM
والله مع اني مريخ لكن والله مااحترمت جمهور الهلال ياكردينال . هو في نادي في الدنيا بتقوم ليهوا قائمه لو لا الجمهور . خصوصا جمهور متعصب زي جمهور الهلال . قول الحمد لله علي النعمه الانت فيها ولا تستهتر بالناس . زمن اغبر ..

[ود الركابي]

#1154986 [سؤال]
5.00/5 (1 صوت)

11-22-2014 12:03 PM
سؤال برئى ماسر تسميتك بالكاردينال وانت لاكاثلوكى ولا ارتودكسى ؟؟؟

[سؤال]

#1154965 [طلال قمبره]
5.00/5 (1 صوت)

11-22-2014 11:40 AM
((من الخرطوم لنمولي - أول مدينة مجاورة للسودان من الجنوب))...
يا ابو جهل يا فاقد ياتربوى.... نوملى مجاوره ليوغندا فى اقصى دولة الجنوب.
يعنى كيف بس تجاور الشمال.

سؤال برئى ... من اين لك باسم الكاردينال يا سمسار مرديان؟؟؟؟؟ ...

[طلال قمبره]

#1154928 [يونس]
0.00/5 (0 صوت)

11-22-2014 10:39 AM
نعم ايه السيد الادارة لها الحق في ما تريد ولكن من اين اتت الادارةا ليس كما تقول عن طريق الا نتخابات الحرة اما ورثة من العائلة ليك انها الجماهير التي تريد انتتصف من اقصي الشمال الي اقصي الجنوب دون ان تعيرها اهتمامك ولا كان ايها الابله هي الجماهير التي علتك رئس النادي وام انتخابات كانت بالفلوس فقط

[يونس]

#1154884 [هلالابى]
0.00/5 (0 صوت)

11-22-2014 09:43 AM
اقترح ان يعاد تسجيل هيثم ويعتزل اللعب بعد ثلاثة اشهر للاتى
ان يعرف كل لاعب ان الانتماء للهلال اكبر من كل شى حتى المال ولا يعوض
هيثم اعترف بخطاءه وحتى لا يكون الهلال غير بارا بابناءه
هيثم خدم الهلال وقدم له كثيرا ويجب تكريمه على ذلك حتى وان كان لاعبا بالمريخ
حتى تكون اصول واخلاق الهلال غير الفرق الاخرى
الهلال للجميع وان يسمع المجلس راى المنتمين كلهم

[هلالابى]

#1154856 [هارب بي جلدوا]
5.00/5 (1 صوت)

11-22-2014 08:55 AM
كل شىْ تدني في السودان الحبيب وصارت كرة القدم في اعظم نادي وجمهور تدار بواسطة السماسرة فاقدي المنطق ، لك الله ياسودان تعيش كتير تشوف كتير .

[هارب بي جلدوا]

#1154836 [البورد اللورد]
0.00/5 (0 صوت)

11-22-2014 08:19 AM
مدير نادي برتبه سمسار بالله امس الحلقه التقول عملنها في دلاله المريديان

[البورد اللورد]

#1154754 [ابوايات]
5.00/5 (1 صوت)

11-22-2014 01:26 AM
سبحانه الله ده رئيس نادي بي قول كده لو لا الجمهور لما كان الهلال ولا المريخ عشان كده احترم الجمهور يا السيد الرئيس

[ابوايات]

ردود على ابوايات
[رجوبة] 11-22-2014 09:23 PM
الخطا الوحيد لاشرف كان موضوع كابتن هيثم وقد اصبح خميرة عكننة لاى نادى يذهب له
وكفى


#1154707 [abdeazim MEKKI]
0.00/5 (0 صوت)

11-21-2014 10:58 PM
مؤكداً أن جماهير الهلال ليست صاحبة القرار ، وقال: "إذا أراد المجلس إعادة اللاعب سيفعل ذلك حتي إذا اصطفت جماهير الهلال الرافضة لفكرة عودته من الخرطوم حتي بورتسودان - في أقصي شرق البلاد- وإذا قررنا عدم إتاحة فرصة إنهاء مسيرته الكروية في الهلال لن تهمنا الجماهير التي تطالب بعودته حتي لو اصطفت من الخرطوم لنمولي - أول مدينة مجاورة للسودان من الجنوب-".

تشبع اشعب السوداي بثقاة النقاز

الفهم قسم

[abdeazim MEKKI]

ردود على abdeazim MEKKI
Norway [حماميزو] 11-22-2014 03:58 AM
ياخي الزول دة جوكي وسمسار وبتاع سيري بيري وشيكات طائرة وكسر وتربيزة ؟؟؟


#1154703 [مجاهد]
0.00/5 (0 صوت)

11-21-2014 10:52 PM
.... ياجماعة مجرد سؤال .. الراجل ده جدو اسمو الكاردينال ... ولاشنو وسيداحمد ابوهو ده هل هو سيداحمد الحسين بتاع الجوازات الزمان داك ولا اسم علي اسم .. وبعدين انحنا في السودان دائما عندنا مشكلة في كل الرؤساء (البلد .. الاتحادات الكروية .. الاندية ... الي رؤساء اللجان الشعبية في الاحياء ) كلهم تحس انو عندهم غبائن ولا نقص معين ولا عندهم مشكلة سابقة في حياتهم ... عشان كدة اول مايظهر الواحد في الاعلام اعمل ليك فيها (دارسنجا ) طبعا دارسنجا دي للناس الكانو بخشو السينما زمان بيعرفوها ... واحد يعمل ليك فيها عنتر بن شداد يمكن دي تكون واضحة شوية... من الخرطوم الي نمولي ... ومن الخرطوم الي بورتسودان .... طيب ماكان تقول ليهم من قناة النيل الازرق الي مصنع البيرة في اديس ابابا...

[مجاهد]

ردود على مجاهد
[ود قيرادوم] 11-22-2014 01:56 PM
يا مجاهد الزول ده أبن مدينتى أكبر نصاب على وجه الأرض و فلم صقر قريش هو بطله ..
لقب بالكاردينال لأنه زور أوراق صادرة من الفاتيكان لبيع أحد الكنائس لمصلحته و كان دلك بداية حياته في النصب و الأحتيال .. و هو للعلم أكبر مستفيد من الأنفصال ..
و حتى خروجه من بورتسودان كان لا يمتلك حق السفة و عدبنا ايام الدراسة بشحدة الصاعوط .. شاهدنا قبل ايام و نحن شلة من ابناء بورتسودان مقدم البرنامج يقدمه بي الدكتور هههههههه والله الأ دكتوراه في النصب و الأحتيال .. لكن دا حال السودان في زمن الأنتكاس الحرامية اصبحوا وجهاء البلد ...

Norway [حماميزو] 11-22-2014 03:57 AM
الكاردينال لقب ليهو .. وسيداحمد ابوهو اسم علي اسم ساااي ..؟؟ ياخي الزول دة جوكي وسمسار وبتاع سيري بيري وشيكات طائرة وكسر وتربيزة ؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة