الأخبار
منوعات سودانية
أغلى لاعب سوداني "بكري المدينة" على قائمة المشطوبين من العزوبية
أغلى لاعب سوداني "بكري المدينة" على قائمة المشطوبين من العزوبية
أغلى لاعب سوداني


11-21-2014 11:06 PM
الخرطوم: حسن محمد علي

ودَّع لاعب المريخ الدولي بكري المدينة حياة العزوبية بعد عقد قرانه أمس لست الحسان (سمية) التي اختارها شريكة لحياته بأمل تمرير الباصات البينية لأجل حياة مستقرة وهانئة من ضغوطات اللعبة الشعبية ذات الحماس العالي والخلاف الطاغي، (المدينة) اختار أن يبدأ حياته مع فريقه الجديد (الأحمر الوهاج) متحررا من ربقة العزوبية مؤهلا نفسه عريسا، وكما يحلو للجماهير المريخية في المفاضلة بينها وندها التقليدي، فإن العرس المضروب مساء أمس في صالة نيلتون التنس، سيجيئ محققا الأرقام القياسية في الحضور والابتهاج بنجمهم الجديد.

(1)

"يدعوكم آل عبد القادر بابكر وآل صلاح عدلان لتناول وجبة الغداء يوم الجمعة، وذلك بمناسبة زواج ابنهم بكري (المدينة) على ست الحسان (سمية)"، بهذه الصيغة جاءت رقاع دعوة نجم المريخ الجديد ومهاجمه الخطير، لكل أصدقائه وأهله ومعارفه لتشريفه في زواجه الميمون، وكعادة المريخاب في مناسباتهم فإنهم يخفون لمؤازرة العريس والفرح معه، في هذه الاحتفالية الأنيقة والكبيرة كناية عن الرابط الاجتماعي القوي الذي يربط جماهير الصفوة.

(2)

لاغرو ولو كان بكري المدينة قد انتقل إلى العرضة جنوب مودعا، فريقه السابق الهلال في العرضة شمال فإن مساحات الروابط لن تنقطع، فذات الفرح سيضم الهلالاب أيضا وإن بدأ داخل دور الرياضة وفي صفحات الصحف الخلاف والتعصب بين جماهير وقيادة الناديين، إلا أن الدور الاجتماعي الذي عرف به السودانيون يكسر كل حواجز التنافس والندية، وسيزيل العرس بعضا من مرارة تجرعها الهلالاب في انتقال المدينة من ناديهم، لكن يبقى العزاء عندهم أن الهلال أيضا قد اكتسب توقيع لاعبين مريخاب في أوقات سابقة وحالية، ويبقى الشاطر هو من يضحك أخيرا، وفي قاعة نيلتون سيكون موعدا لمباراة بلا تشنج بل إعلان لفرح عامر بطله لاعب المريخ ونجمه الجديد (بكري المدينة).

(3)

وينحدر المدينة من ديم المشايخة بولاية سنار، حيث ترعرع هنالك ولعب في فريق ديم المشايخة، وانتقل بعدها لنادي أهلي مدني ثم وقع لفريق الهلال في العام (2009)م، ليتم اختياره في قائمة المنتخب الوطني، وعرف عن اللاعب بعثرات كبيرة في مسيرته الرياضية، حيث أمضى في كشوفات الهلال فترة كبيرة قبل أن يلمع نجمه مرة أخرى في عهد مدرب الهلال التونسي، ويعود للواجهة كأخطر مهاجم في الساحة ليظفر المريخ بتوقيعه في صفقة تُعد الأغلى في تاريخ الكرة السودانية.

اليوم التالي


تعليقات 14 | إهداء 0 | زيارات 6291

التعليقات
#1155233 [هههههههههههههههههه بس]
1.00/5 (1 صوت)

11-22-2014 08:39 PM
انت ماعندكم موضوع هو في كوره في السودان اول مره اسمع في كوره ولعيبه بدفوع ليهم بالمليارات ما شايف كاس محترم وصل السودان

[هههههههههههههههههه بس]

#1155145 [ابومحمد]
5.00/5 (1 صوت)

11-22-2014 04:27 PM
مبروك ياعريس وبيت مال وعيال ومرحب بيك فى بيتك الجديد المريخ زياريت تسعد جماهير الاحمر ...

[ابومحمد]

#1155138 [صادميم]
1.00/5 (1 صوت)

11-22-2014 04:09 PM
يعني غير للمريخ لانه ما عنده حق العرس غلطانه يا إدارة الهلال

[صادميم]

#1155110 [هلالابي يحب المريخ واي لعبه حلوه]
1.00/5 (1 صوت)

11-22-2014 03:16 PM
مافي زول يغالطني بعد العقد مباشره لو لقي احلي منها بطلقا طوووالي ويشوف التانيه لم اقسوا عيك اخي بكري انت موهوب لكن اروش تشوت خارج القون وخائن درجه اولي وحقوا المنتخب مايتشرف بي زول خان عهده والان اموال الهلال في بطنك وياعروسه اعملي حسابك الزول دا ماعندوا فايده انا ما بعرف مداراه الكلام دا طبعي يمكن انا كعب

[هلالابي يحب المريخ واي لعبه حلوه]

#1155037 [السودان بلدنا]
5.00/5 (1 صوت)

11-22-2014 01:07 PM
الهلال تعيس يادوب اللاعب ظهر وبقى يجيب الاهداف ويغير النتيجة ,,, عمرو الهلال مايجيب كاس بالطريقة دي ولا حتى سيكافا ماقدر عليها ,, كرهنا تشجيع الهلال واللون الازرق

[السودان بلدنا]

#1155006 [ابواحمد]
5.00/5 (2 صوت)

11-22-2014 12:24 PM
المبلغ الذى تقاضاه بكرى المدينة لتسجيله للمريخ ليس بهذه الضخامة مقارنة بالمبالغ التى يدفعها الهلال والمريخ فى لاعبين من نفايات الاندية الاروبية المغمورة والافريقية الحديثة العهد غير المعروفة ولاعبين مصابين منتهى الصلاحية ...
المبلغ الذى تقاضاه بكرى يساوى حوالى 350 الف دولار .. اذا قارناه بما دفعة المريخ ملايين الدولارات لعصام الحضرى ووارغو وحتى كلتشى ومادفعة الهلال لاتوبونج والبرازيلى نجده لايذكر .. بكرى المدينة لاعب وطنى وصغير فى السن ويحتاجه المنتخب الوطنى ...
عجيب حالنا ( نقوم الدنيا ولانقعدها ) لمبلغ دفع لللاعب وطنى ونغض الطرف عن الملايين التى تدفع لاشباه اللاعبين والمؤلفة قلوبهم وعابرى السبيل الاجانب ...
حلال عليك ياعريس واحسن قروشنا تفضل فى بيوتنا ...

[ابواحمد]

#1154958 [ابو روان]
5.00/5 (1 صوت)

11-22-2014 11:37 AM
تمنياتي لك بحياة زوجية سعيدة وبيت مال وعيال.

[ابو روان]

#1154891 [اشرف مختار]
3.00/5 (2 صوت)

11-22-2014 09:49 AM
الى بكرى المدينة

ما كان رجلا من يبدل عهده
وما اغرى بريق المال اى رجالا
المال لا يهدينا عزة انفس
فالعهر ايضا يجلب الاموالا

[اشرف مختار]

#1154882 [كوكي]
1.00/5 (1 صوت)

11-22-2014 09:40 AM
الجعان دة بكون خاتم الدعوة ب ( العاقبة عندكم في المسرات )

[كوكي]

#1154832 [البورد اللورد]
1.00/5 (1 صوت)

11-22-2014 08:13 AM
الزول ده طواالي منطط عيونه مالو ... مبروك بس بطل الحفلات والقعدات يا مدينه

[البورد اللورد]

#1154778 [حماميزو]
1.00/5 (1 صوت)

11-22-2014 03:50 AM
لست الحسان (سمية) التي اختارها شريكة لحياته بأمل تمرير الباصات البينية لأجل حياة مستقرة .. هههههههههههههههه

[حماميزو]

#1154749 [Ali hassan]
1.00/5 (1 صوت)

11-22-2014 01:16 AM
وودعت النجومية

فالهلال من يصنع النجوم


والمريخ يطمسها


ديم المشايخة في الجزيرة وليست في سنار ياناس اليوم الماضي

[Ali hassan]

ردود على Ali hassan
Sudan [ابومروه] 11-22-2014 04:31 PM
و كمان جنوب الجزيره يا علي


#1154743 [كاكوم]
1.00/5 (1 صوت)

11-22-2014 12:47 AM
والله ماحاتنفع تشوف بس

[كاكوم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة