الأخبار
أخبار إقليمية
الخرطوم تدعو الصادق المهدي إلى العودة والمشاركة في الحوار
الخرطوم تدعو الصادق المهدي إلى العودة والمشاركة في الحوار
الخرطوم تدعو الصادق المهدي إلى العودة والمشاركة في الحوار


11-24-2014 06:57 PM
الخرطوم – النور أحمد النور

دعت الحكومة السودانية أمس، زعيم حزب «الأمة» المعارض الصادق المهدي للعودة إلى البلاد، والمشاركة في طاولة حوار للمصالحة الوطنية، في خطوة اعتبرت تراجعاً بعدما هدد الرئيس عمر البشير في وقت سابق باعتقاله ومحاكمته فور عودته لتحالفه مع متمردي «الجبهة الثورية». وقال وزير الاستثمار والمسؤول السياسي في الحزب الحاكم مصطفى عثمان إسماعيل للصحافيين، عقب اجتماع اللجنة التحضيرية للحوار الوطني، إن مكان الصادق المهدي في لجنة الحوار لا يزال شاغراً، و»مكانه الطبيعي أن يكون في داخل البلاد»، لكنه طالبه بخطوات في الخارج لدعم السلام من أجل تسهيل عودته.

ووقع المهدي اتفاقاً مع تحالف متمردي «الجبهة الثورية» في باريس وقرر الإقامة في الخارج موقتاً، وقاطع حزبه اللجنة التحضيرية للحوار الوطني.

وقال المهدي، في تصريح أمس من مقر إقامته في القاهرة، إن النظام السوداني ينطلق من مرجعيات «إخوانية»، مؤكداً أن السودان يحتاج لرئيس توافقي خلال هذه المرحلة الحرجة.

وأضاف أن ترشح البشير لدورة رئاسية جديدة يستنسخ الأزمة، فضلاً عن انتهاكه للدستور والقانون. وشدد المهدي على أن الدستور السوداني يمنع الترشح لفترة رئاسة ثالثة، وأن البشير استمر في حكم السودان لمدة ربع قرن، واجهت فيها البلاد «انتكاسات كبيرة»، من انفصال الجنوب واشتعال الحرب في دارفور.

وأشار المهدي إلى أن السودان يعيش في عزلة من الأسرة الدولية، وأن ما يحدث به درجات عالية من التقلبات، و»يجب أن يستعد السودانيون لنظرة جديدة للخروج من هذا المستنقع»، لافتاً إلى أن هناك جرائم عدة ارتكبت في عهد البشير، لكنها ليست الوحيدة في المنطقة.

دار الحياة


تعليقات 12 | إهداء 0 | زيارات 2982

التعليقات
#1157326 [زول]
5.00/5 (1 صوت)

11-25-2014 05:18 PM
لولا الجيش والكلية الحربية يا عمر البشكير كان تكون حسي قاعد في زريبة فحم وبتبيع طلح وشاف، وسروالك مدلدل، لكن نقول شنو في بلد ادمنت حكم العساكر وختتهم في مكانة اعلى من مكانة الحق

جامعة الخرطوم والكلية الحربية هم سبب بلاوي السودان

جامعة الخرطوم فرخت كل الكيزان والكلية الحربية فقست كل المستبدين

[زول]

ردود على زول
Ireland [Amin] 11-26-2014 10:20 PM
والله كلامك حق .. وانت زول حقيقي


#1157140 [كاره العنصرية]
0.00/5 (0 صوت)

11-25-2014 01:23 PM
لماذا الاستعجال خلو الرجل يكمل مهمته ويفرتق دين ام الجبهة الثورية ومن ثم يلتحق بأبنائه في القصر الجمهوري

[كاره العنصرية]

#1156958 [حركات حزب الامة]
0.00/5 (0 صوت)

11-25-2014 10:05 AM
خروج الصادق دي وتكرارها مع فترة الانتخابات لعبة مكشوفة لبيع القضية ولشراء وتشتيت الاصوات على المنافسين للبشير بزعم ان الصادق معارض يكسب اصوات المعارضين وقبيل الفرز يعلن انسحابه من الانتخابته وقد صوتت له الملايين تصبح اصواتهم خارج المنافسه .

حرام عليكم يا عجائز ما نفعتو الجماعة المعاكم في حزبكم ولا الوطن وديتوه لي قدام .

البشير فايز فايز حمره عين ساكت والفترة اللي بعديها لحدي ما يعمر ويحكمنا من سريره وقدامه عجازة ويقولو ليه انت حاكم السودان يقول ليهم اها قلتو شنو انا لس ريس حاكم السودان كدي معقول مخلصين للدرجة دي انا نسيت اني حاكم قح قح قح (قحة العجائز فوق ال 90 سنة ) كدي غطيني يا ولدي ننوم وبعدين اصحى للصلاة . قح قح قح خرررررررررف وزهايمر

[حركات حزب الامة]

#1156792 [فانتوم]
0.00/5 (0 صوت)

11-25-2014 06:33 AM
الصادق المهدي له تجارب مع الحركات المسلحة لدخول اخرطوم مع الكيزان 76بس المره دي بكون استفاد من التجربة السابقة مش كده ياغازي والبشر ده كان سنكوح ضابط م/اول مش كده يابشبش

[فانتوم]

#1156751 [الجندى]
0.00/5 (0 صوت)

11-25-2014 03:29 AM
"لكنه طالبه بخطوات في الخارج لدعم السلام من أجل تسهيل عودته."

الكلام اعلاه واضح ما داير تفسير. يعنى يا مهدى حسب اتفاقنا معاك كمل خطواتك فى الخارج وجرجر ليتا ناس الثوريه ديل وجيبهم لينا هنا او رسل لينا تقاريرك المفصله الجمعتها عنهم عشان نقدر نقرضهم بسرعه ونكون دعمنا السلام، بعد داك نسهل عودتك ونضمن ليك حقك وعمولتك جاهزه... يا اسنان وضروس جاك ابوكماشه اسماعيل شايل كماشته بدون بنج .. ههههه...

[الجندى]

ردود على الجندى
Saudi Arabia [المستعرب الخلوي] 11-25-2014 07:58 AM
كر كر يا دجاجة ,,, امثالك يشكك في نوايا الوطنيين الحادبين ,, الصادق المهدي لا يحتاج الى تزكية منك هو انسان وهب نفسه لخدمة هذا الوطن لو اراد مالا وجاها يمكنه الوصول لذلك عسكريا وديمقراطيا لكنه حمل هم الوطن ليدافع على امثالكم ابطال الكيبورد وابطال التخذيل


#1156721 [Amin]
3.00/5 (2 صوت)

11-25-2014 12:25 AM
رفض المهدي إستجداء الحكومة له بمقابلة البشير في القاهرة
الرجل إكتفى من مماطلة وسخافات الكيزان

وعنده مهام أكبر من لواقة الجماعة

والكبير كبير

[Amin]

ردود على Amin
United Arab Emirates [سوداني انا] 11-25-2014 10:38 AM
الصورة براها تكفي ! قال رفض المقابلة ! (البشير جلدنا ومابنجر فيهو الشوك ), ودي ذيها ذي تهتدون الفضحوا فيها مبارك الفاضل ,,, وهمممممم وههههههم والبصدق متخلف

[الانصاري الدلاهه] 11-25-2014 03:54 AM
والله ضحكتنا .. مهام قال ..بكرة نشوف


#1156674 [AburishA]
1.00/5 (1 صوت)

11-24-2014 09:55 PM
(لكنه طالبه بخطوات في الخارج لدعم السلام من أجل تسهيل عودته)
** طيب ما ياهو الصادق المهدي وقع اعلان باريس مع الجبهة الثورية من اجل السلام!!!
الصادق قال ليكم ما بجي راجع الا بعد ما تعترفوا باعلان باريس.زآها رايكم شنو؟!!

[AburishA]

ردود على AburishA
United Arab Emirates [سوداني انا] 11-25-2014 10:44 AM
الصادق متخبط ومتناقض , قبل كده قال شنو عن الجبهة الثورية ووسط دهشة الجميع عمل معاهم اعلان باريس , الكيزان دخلوهوا سنة اولى سياسة وضيعوا ليهو عمرو في المغالطات لحدي مافقد الاحساس بالزمن ,, ههههه مسكين لاظهرا ابقى ولا واد قطع ,,


#1156651 [عبد الرحمن محمد الحسن]
2.00/5 (2 صوت)

11-24-2014 08:40 PM
" لكنه طالبه بخطوات في الخارج لدعم السلام من أجل تسهيل عودته"..
يعني " يتحلل" من إعلان باريس..

[عبد الرحمن محمد الحسن]

#1156625 [ملتوف يزيل الكيزان]
2.50/5 (2 صوت)

11-24-2014 07:56 PM
الشباب لا ينتظر الحوارات و المحادثات و الانتفاضة الشعبية. الشباب يكونون خلايا المقاومة بالاحياء لاستلام السلطة بالقوة. فمن اراد الانخراط في المقاومة الطريق واضح و من اراد الاختباء خلف شعارات الانتفاضة السلمية فعلية عدم التشويش على الذين يمسكون بجمر البندقية جمر القضية.

[ملتوف يزيل الكيزان]

#1156618 [النيل ابونا]
2.25/5 (3 صوت)

11-24-2014 07:33 PM
لا تنحني
لو ينحني الصخر الأصم
ويرتد وش الضي غرر
لو عدى عكس الريح شراع
وانهدا حيلاً فيك تعب
اتجرع الحنضل و اقيف
فوق المسامير بالغصب ...
لا تنحني...
يا زاهد العيشه الفقر
فاضلك ايه وبتملكو
غير صوتك الدغري وسنين
غير نجمك العالي وامين
يهدي الضهابا المتعبين
لا تنحني...

[النيل ابونا]

ردود على النيل ابونا
United Arab Emirates [انا السودان] 11-25-2014 10:51 AM
مابنحني هههه هع هع الصورة تكفي ,, مابنحني هع هغ هغ في اللقاء ده قال انو البشير اصيل وود بلد وجلدنا ومابنجر فيهو الشوك ,, ونسى انو ده الزول السرق السلطة منو قبل 25 سنه وخلاهو يحلق دقنو وينط الحيطه, مابنحني ههههه

[الانصاري المر] 11-25-2014 12:12 AM
الشايفنو في الصورة فوق ده انحني لمن قال واااااي


#1156613 [abognbor]
1.00/5 (1 صوت)

11-24-2014 07:23 PM
الســـــــــاقيـــــــة ..

[abognbor]

#1156606 [مغبون من استهبالات الإنقاذ]
3.00/5 (2 صوت)

11-24-2014 07:14 PM
أخيرا وصلتوا لقناعة بأن الأحزاب التي جرجرتوها لما أسميتموه بالحوار كلها أحزاب فشنك ؟ طيب ما البشير قال " ستتم محاسبته اذا جاء المهدي السودان ..ما الذي استجد ؟ وبعدين مصطفى عثمان عامل فيها ذكي ويطالب المهدي بعمل خطوات من اجل السلام حتى تتم عودته بسهولة .. يعني الحاجة الغلبتكن يا محاوري الإنقاذ عايزو يجيب ليك " مقشرة " لتلتهموها .. أنت معتقد المهدي " سنة أولى سياسة " دي تلقاها عندي شخص غافل ..
المهدي قال رأي بوضوح وهو مضمن في هذا الخبر .. عايزين مخارج طبقوا رؤيته وبطلو المجمجة وتضضيع الزمن

[مغبون من استهبالات الإنقاذ]

ردود على مغبون من استهبالات الإنقاذ
United Arab Emirates [ود البلد] 11-25-2014 10:59 AM
هو عندو رؤية !! ده ضيع زمنو وزمن السودانيين وطول عمر الانقاذ في المغالطات والتناغض تهتدون وتهربون , وبعد 25 سنة , زولك ده فقد الاحساس بالزمن وماعارف نفسو بعمل في شنو , ونهايتو اولادو في قلب الحكومة واحد في القصر وواحد في الامن ممكن يكون عندو رؤية ,



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة