الأخبار
أخبار إقليمية
مجهول يعتدي على صورة الفنانة افراح عصام بشارع المطار - صورة
مجهول يعتدي على صورة الفنانة افراح عصام بشارع المطار - صورة
مجهول يعتدي على صورة الفنانة افراح عصام بشارع المطار - صورة


11-27-2014 02:31 AM
الخرطوم : بكرى خليفة
اعتدى مجهول على صورة الفنانة أفراح عصام بشارع المطار ، الاعتداء الذى شهده شارع المطار على الصورة الكبيرة للفنانة بعد تدشينها لألبومها الجديد (حبيبي لا لا) والذى دشنته الاسبوع الماضى بقاعة سبارك سيتى وحضره جمهور غفير من معجبي الفنانة بالاضافة الى زملائها فى الوسط الفنى وعدد من الملحنين والشعراء الذين تعاونوا معها فى ألبومها الجديد الذى وجد قبولا كبيرا وكانت أفراح عصام التى لمع نجمها فى برنامج (أغاني وأغاني) قد قامت باستعداد مبكر لإطلاق ألبومها الجديد الذي احتوى على العديد من الأعمال الجديدة التي وجدت قبولا كبيرا وخاصة الاغنية التى حملت اسم الألبوم (حبيبي لا لا) .
الاعتداءات على صور البنات بصفة عامة بالعاصمة الخرطوم لم تتوقف بداية من الفتيات اللائي يظهرن فى الإعلانات مرورا بإعلانات الحفلات وغيرها. الاستهداف الذى تبنته مجموعة متشددة كانت قد استنكرت ظهور الفتيات بكامل زينتهن على اللافتات الإعلانية باعتبار أنه مظهر يتنافى مع الدين الاسلامي ،وطالبت بإصدار فتاوى تحرم ذلك لكنها مضت فى تطبيق ما رأته بنفسها، بتشوية هذه الصور عبر رشها بمادة سوداء أو طمس معالمها كما حدث مع صورة الفنانة أفراح عصام بشارع المطار .

التيار

image


تعليقات 30 | إهداء 0 | زيارات 13215

التعليقات
#1158959 [منو القال ليك بنتحمل فراق عينيكِ]
0.00/5 (0 صوت)

11-28-2014 01:44 PM
هههههههه الموضوع دا دعاية لي البوما الجديد وبس , شكلو م مقطي,

[منو القال ليك بنتحمل فراق عينيكِ]

#1158791 [ود الركابي]
4.56/5 (11 صوت)

11-27-2014 11:41 PM
دواعش صغار كتار الليلة ..

[ود الركابي]

#1158719 [مراقب]
3.66/5 (9 صوت)

11-27-2014 08:07 PM
هسع الزول الاتعب نفسو وطلع فوف لليافطة دى مش كان أفضل يكتب احتجاج ضد حكومة الظلم والفساد بدل جلبطة الصور والحركات الصبيانية الفارغة الغير جادة دى, اذا دى من أولوياتكم فولاية عصابة الانقاذ عليكم حق.

[مراقب]

#1158710 [الصريـــــــــح]
1.41/5 (12 صوت)

11-27-2014 07:34 PM
يا ريت كان موية نار في وجه افراح نفسها بدل صورتها.

[الصريـــــــــح]

ردود على الصريـــــــــح
[ود الركابي] 11-27-2014 11:25 PM
وانت حارقاك وين يا ..


#1158668 [بت أمدرمان]
3.97/5 (7 صوت)

11-27-2014 06:15 PM
بختلف مع البيقولوا هسى دة موضوع مهم؟ أيوة موضوه مهم و مهم جدا. يعنى شنو يلخبط صورة عشان فيها صورة بت؟ نحن وين؟ هو الإسلام دة بس بيعرفوا يطبقوه على النسوان؟ الخرّب الصورة دة كان حيفبد الإسلام أكتر لو قال كلمة حق في وجه سلطان جائر. دى إسمها الغلبها راجلها جات تأدب جماها

[بت أمدرمان]

#1158650 [جنو منو]
3.21/5 (8 صوت)

11-27-2014 05:37 PM
الالبوم دة لود المك ولاشنو.. قال شنو حبيب لا لا !! غايتو اخونا لحس وفترك

[جنو منو]

#1158622 [احمد]
2.88/5 (5 صوت)

11-27-2014 05:00 PM
1000000 لايك

[احمد]

#1158590 [جعفر النميري]
1.57/5 (10 صوت)

11-27-2014 04:21 PM
الحمد لله رب العالمين الذي جعل فينا أمة محافظة على دينها وكرمها أمثال هذا الذي جزاه الله ألف خير لطمسه لتلك الصور السافرة السافلة في عهد الدولة الإسلامية بقيادة خليفة المسلمين (الخليفة عمر بن البشير) رضي الله عنه .. وربنا يستر من الدياثة والإعاذة بالله . لاحول ولاقوة إلا بالله.

[جعفر النميري]

#1158589 [badr]
2.29/5 (6 صوت)

11-27-2014 04:20 PM
هسه عليك الله دا موضوع يهمنا انشاءالله يعتدى على افراح وكل اسرتها خلاص المواضيع انتهت بقينا نسك الفارغه ورحم الله العطبراوى

[badr]

#1158586 [المهندس سلمان إسماعيل بخيت على]
2.51/5 (9 صوت)

11-27-2014 04:16 PM
ديل يا ناس داعش يا ناس داحش
مشكلة السودان أكبر من صورة بنت تعلق فى الشارع ونحن لمان نشوف صورة لبنت معلقة فى شارع من شوارع الخرطوم بنجير تلك الحادثة لفشل مشروع الجماعة الحضارى
من شوه الصورة من الجماعة الأسلامية الساخطة الغاضبة الحانقة على حكومتها فالجميع يعرف أنك لا يمكن أن تعلق أى شىء فى لوحة فى الشارع إلا بإذن من المعتمدية
يعنى صورة أفراح عصام دى علقت فى الشارع بقانون وأمر يملكه اللواء عمر نمر وقبض التمن
لكن الجماعة دى تسن القوانين تقبض التمن تعطيك أذن تعلق اللوحة لكن بعد دقيقتين ممكن يرسلوا زول من جماعتهم عشان يدمرها أو يشوهها ببوهية بخاخ
لسببين
الأول أنهم دائما فى حاجة للمال وجمعه من مصادر حلال أو حرام وتعليق صورة شابه زى افراح فى الشارع اكيد لو مش حرام تكون من المكروهات لكن المال لناس عمر نمر اهم من الحرام والمكروه
ولمان يقبضوا ويجى واحد من شيوخهم ينتقض الأمر ممكن يرسلوا واحد من أمنهم بموتر وعلبة بوهية يشوه اللوحه
يا جماعة انتم محكومون بواسطة عصابة مجرمية
تقبض المال وترضى اتباعها بإزالة المنكر لديهم
لكن دا مثال لأشياء كثيرة منكرة حدثت بعد فشل المشروع الحضارى الذى ولد ميتا
اليوم بعض الأسلاميين يمنى النفس بالوحدة ( بين الوطنى البشير والشعبى الترابى ) وهذا لن يحدث لأن البشير سلك طريق يصعب على الترابى المشى فيه
البشير اليوم يسير فى طريق يمر بالسعودية مصر الأمارات وليبيا حفتر وأردن الملك عبد الله ومن يمشى فى هذا الطريق يدمر اى جماعة أرهابية من الأخوان المسلمين وفروعها تقابله فى طريقه ولا تحسبن يا البشير دخول معسكر الأعتدال الكاره للارهاب تمرا أنت آكله
الترابى بحكم النشأة والتكوين وعلاقاته الداخلية والخارجية لن يسلك هذا الطريق ولو رغب
عشان كده انا عاوزكم بعد اليوم أى حدث يحدث حولكم تفكروا فيه بعمق
مثلا صورة فنانه شوهت ماتمر عليكم كحدث عادى تعمقوا فيما وراه
بص ضرب لستك ومات ركابه تابعوا وحققوا من اين أستورد هذا الكفر ومن الذى استورده
كل حادث وكل حتوته سودانية خلفها مصيبة كبيرة
وكل مصيبة خلفها كوز متمكن

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [المقدوم مسلم] 11-27-2014 09:03 PM
حقيقة كل مصيبة وراها كوز (( جاسوس ))معفن وسخ او كوزة شينة ..


#1158532 [محمد]
4.04/5 (8 صوت)

11-27-2014 03:08 PM
الزول العمل العملا دي مشكلة مع العيون والشفايف

[محمد]

ردود على محمد
Saudi Arabia [المهندس سلمان إسماعيل بخيت على] 11-27-2014 07:11 PM
يا محمد رسل لى صورتك وأنا بالأدوبفوتوشوب أعمل ليك عيون وأنف وشفايف وشعر ولا أجمل نجمة من نجمات هوليود
الزمن دا لو عاوز تتزوج من بنت أمشى زورها وقابلها وهى طالعة من الحمام قبل ما تقعد تعمل الرموش والحواجب
كل الشايفه قدامك دا مش حقيقى صدقنى وكذلك ماتشاهدون من لون للبشرة واتساع عيون
فى حقن اليوم تفتح البشرة
وتشد الخدود والعنق
وتوسع العيون وتتدخل الجراحة لوضع الأنف
اليوم خلقت ربك لو عاوزها أمشى الريف
والله انا مره فى موظفه فى سودانير مكتب بشارع عطبرة جنب بنك ابوظبى الوطنى بتكلم مع الموظفة ولمان طلعت يديها من خلف المكتب كنت عاوز اقوم جارى
الوش وش ابيض واليدين يدين عمك سلمان
اليوم بقت الحقن تبيض اليدين والساقين
لو عاوز تخطب إلا يجيبوها ليك ملط وترشها بموية
كل شىء بقى صنع فى الصين حتى الأخلاق والعياذة بالله

Saudi Arabia [المهندس سلمان إسماعيل بخيت على] 11-27-2014 06:02 PM
معقول ابوك سماك محمد


#1158498 [kmh]
2.23/5 (18 صوت)

11-27-2014 02:27 PM
هذه موضوع هايف لا يستحق النشر

[kmh]

#1158474 [جني]
2.88/5 (7 صوت)

11-27-2014 01:58 PM
المفروض يعتدي على الذين سمحو بعض صورتها بالشارع العام والله البلد دي فيها تخلف مبالغ فيهو وفساد فايت الحدود عشان كدة الله مسلط عليكم حكومة الجن دي 25 سنة ( كيفما تكونو يولى عليكم )

[جني]

#1158456 [مالك الحزين]
3.03/5 (13 صوت)

11-27-2014 01:38 PM
بالله أسه ده خبر ,, يهم الناس ؟؟؟؟ تبا لكم

[مالك الحزين]

ردود على مالك الحزين
Saudi Arabia [المهندس سلمان إسماعيل بخيت على] 11-27-2014 06:04 PM
دا أخطر خبر نشر حتى اليوم
حتى خبر بتاع فساد نظام
وفشل مشروع نظام يا مالك الحزين
تعمقوا فى البحث والتحليل
تجده خبر خطير يهم الناس
ولا يختلف عما تفعله داعش فى كردستان العراق وسوريا


#1158455 [aldufar]
2.13/5 (7 صوت)

11-27-2014 01:37 PM
اقول للاخت الفانة لا تفتكري عرض صورتك هو شهرة لكي كفنانة انت ستعذبي به يوم القيامة وواعدك ان استمريت في ذلك عذابك بكون اشد يوم القيام ولا مكان لك عند الله .


بالمناسبة ارجو ان لا تغرك صورتك ، دوام الحال من الحال وذلك ضد قيمنا الاسلامية ،

بالامس بالمناسبة توفيت الفنانة صباح التي كانت من اجمل المغنيات في وطننا العربي وهي صاحبة الجمال الاصيل والصوت الاصيل كما يدعونها ، فيا ترى هل انت مثلها المهم اختفت من الدنيا رغم كل ما كان فيها والآن قد تكون وجدت ما كانت تعمله عند عزيز مقتدر فاعملي للاخرة يا افراح .

ونحن ما حساد فقط ليس من قيمنا ان تطرح البنت صورتها للعامة إلا اذا كنت من غير المسلين فلا حرج .

[aldufar]

#1158451 []ديل بشر بالله ؟؟]
2.00/5 (12 صوت)

11-27-2014 01:24 PM
ياخ في ناس شوهوا صورة الإسلام جاي ان تقول صورة افراح !!!!؟؟؟ داهية تاخدك انت وهي
توووووفي عليك وعلى امثالك

[]ديل بشر بالله ؟؟]

#1158449 [منعم]
2.22/5 (8 صوت)

11-27-2014 01:24 PM
تسلم ايدك

[منعم]

#1158435 [Flowers]
2.11/5 (22 صوت)

11-27-2014 01:01 PM
آه كان مفروض يضربها هي وامثالها من أشباه المقلدين شعب يوهم يجري وراء المكياج والتزييف عجباً أصبح الفن مكياجاً حريقة فيك ياشعب ياوهم محظوظ الشاويش يحكم حظيرة أغنام !!!!!!!!!!!!!

[Flowers]

#1158422 [شمس]
3.19/5 (5 صوت)

11-27-2014 12:44 PM
الصورة التحت معبرة أكثر من الفوق

[شمس]

#1158413 [ابوعلي]
3.34/5 (17 صوت)

11-27-2014 12:36 PM
ياقوم ارحمونا

[ابوعلي]

#1158409 [Abo Obayda]
4.22/5 (11 صوت)

11-27-2014 12:32 PM
افراح دي مغنية يحبها الصم و يبغضها العمي.

[Abo Obayda]

ردود على Abo Obayda
France [الغريب عن وطنو] 11-27-2014 03:10 PM
تعليق اختصر كل الكلام ..
اعجبني جداً ..

Saudi Arabia [الكترابة] 11-27-2014 02:03 PM
هذا تعبير شامل وكافى عن حالة هذه المؤدية ياأبوعبيدة


#1158394 [مغبون]
4.79/5 (16 صوت)

11-27-2014 12:19 PM
نحنا ما ناقصنا افراح زلا عفراء نحن دارين نقلع الكيزان بس ...

[مغبون]

#1158352 [عصمتووف]
4.61/5 (11 صوت)

11-27-2014 11:46 AM
اكيد ديل عيال حسبو عدو المختونات

[عصمتووف]

#1158351 [abodaffalla]
4.23/5 (19 صوت)

11-27-2014 11:45 AM
فسوق ومجون صادر من حكومة البشير شفتو في العالم ده كلو رئيس برقص ( التقول ولدوا جوه دلوكة ) دمر القيم ودمر كل شي جميل لا اخلاق لاكرم لا مثل لاقيم لاانسانية اي واحد بقي الهث وراء الماده باي وسيلة . اتقي الله في نفسك وحاسب نفسك والذين تعينهم من قبلك خليك كعمر بن عبد العزيز في العدل

[abodaffalla]

#1158342 [مريود]
3.88/5 (9 صوت)

11-27-2014 11:33 AM
الله يعينهم .

[مريود]

#1158325 [njmy]
3.62/5 (23 صوت)

11-27-2014 11:21 AM
كـل الحوادث مبدأها من النظر *** ومعظم النار من مستصغر الشرر
كم نظرة فتكت في قلب صاحبها *** فتك الســهام بلاقوس ولاوتر
والعبــد ما دام ذا عين يقلبها *** في أعين الغيد موقوف على الخطر
يسـر مقلته ما ضـر مهجـته *** لا مـرحبا بسرور عاد بالضـرر

[njmy]

#1158317 [zoal]
2.21/5 (14 صوت)

11-27-2014 11:11 AM
ده كلام صاح بلا فنانات بلا فجور معاكم

[zoal]

ردود على zoal
[ود الركابي] 11-27-2014 11:35 PM
خلك في حالك مالك ومال الفن ..


#1158290 [فانتوم]
4.09/5 (19 صوت)

11-27-2014 10:34 AM
قالو مظهر يتنافي مع الدين رجالتكم مع البنات انتو ماعندكم موضوع ورونا عمايل اسيادكم الكيزان دي بتتوافق مع الدين روحو ياتيوس داهيه توديكم الخور8876

[فانتوم]

ردود على فانتوم
Sudan [fowzi] 11-27-2014 02:27 PM
نحن يا صاحبي مع الجكسي بس ما عندنا قضية مع الكيزان امشي حارب براك ورين انت رجالتك يا فانتوم


#1158265 [بيكانتو]
3.86/5 (14 صوت)

11-27-2014 10:02 AM
ده المطر غسل المكياج

[بيكانتو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة