الأخبار
أخبار إقليمية
نواب يطالبون بعدم توظيف أبناء الولايات بالخرطوم
نواب يطالبون بعدم توظيف أبناء الولايات بالخرطوم
نواب يطالبون بعدم توظيف أبناء الولايات بالخرطوم


الخرطوم اصبحت جمهورية.. الولايات فاضية
11-28-2014 03:15 PM
الخرطوم :عازة – نضال
انتقد نواب تشريعي الخرطوم توظيف ابناء الولايات بالخرطوم وقالوا ان" الخرطوم اصبحت جمهورية لان الولايات فاضية وانتقلت كل مشاكل الولايات لها" ،وطالبوا بمراجعة كل المشاريع التي نفذتها الولاية واشارت البرلمانية عائشة البدوي خلال جلسة التشريعي امس الى أن إرتفاع معدلات البطالة داخل الولاية يطرح تساؤلاً حول "هل هم أبناء ولاية الخرطوم أم أبناء الولايات ؟" وشددت على ضرورة توظيف الخريجين داخل ولاياتهم وقال النائب على مصطفى "نحن من احسن الدول في مكافحة البطالة اوجدنا للشباب مشاريع ودخلناهم السوق ".
وفي سياق متصل حذر النواب من زوال الولاية وقالوا انها مهددة بالزوال نتيجة لسياسات وزارة التخطيط العمراني التي اغفلت المجاري الطبيعية والمصارف فضلاً عن البناء والتشييد في مجرى النيل وتخوف النائب سليمان ادريس من زوال الخرطوم وقال انها ستكون "مستنقع مياه "نتيجة لسياسات التخطيط العمراني الخاطئة .

الجريدة


تعليقات 13 | إهداء 0 | زيارات 3400

التعليقات
#1159578 [أيام لها إيقاع]
0.00/5 (0 صوت)

11-30-2014 12:01 AM
الوالي الحرامي دة زاتو جاي من قرية ، اطردوهو أول حاجة

[أيام لها إيقاع]

#1159481 [sfubhan allah]
0.00/5 (0 صوت)

11-29-2014 07:39 PM
كلام غريب جدا جدا بمعني يا البشبر انت ما من سكان الخرطوم جيت من حوش بانقا وحكمتنا مفروض ترجع الحكومه للصادق المهدي مولود في الملازمين هههههههههههههههههههههههههههههههههههههههههههههههههه جنس عواره ونطالب الرئيس ود القري ان يغيل مجلس الولايه فورا لانه احرج الرئيس

[sfubhan allah]

#1159348 [Tarig Mohammed Ali Abdalla]
0.00/5 (0 صوت)

11-29-2014 12:13 PM
الخرطوم اسمها العاصمة القومية
و البقولوا الكلام ده ذاتهم اصلهم من وين
أخيرا انتو هناك ضاربنهم بالطيارات لازم تجى محل لو عاوز تضربهم الا تضرب نفسك كمان

[Tarig Mohammed Ali Abdalla]

#1159321 [أبو منيب]
0.00/5 (0 صوت)

11-29-2014 11:36 AM
إقتباسات وتعليق:
"انتقد نواب تشريعي الخرطوم توظيف ابناء الولايات بالخرطوم"
التعليق الفتنة نائمة هدى الله من إيقظها بهذا الأسلوب كل السودان خارج الخرطوم سيحمل السلاح على الخرطوم. وإ\ا حمل السودان السلاح قإن الصومال ستكون أرحم. الذي ينظر بهذا فإنه أجهل الناس بدستور البلاد في نقاطه التي لا تختلف عليها حكومة أو معارضة.
"هل هم أبناء ولاية الخرطوم أم أبناء الولايات ؟"
الرد: من أين أتيت أنت هداك الله؟ أليست من أبناء الأقاليم.
"حذر النواب من زوال الولاية وقالوا انها مهددة بالزوال نتيجة لسياسات وزارة التخطيط العمراني التي اغفلت المجاري الطبيعية والمصارف"
وزارة التخطيط نست المجارى ونست المقابر.

[أبو منيب]

#1159234 [محافظ بنك السودان]
5.00/5 (1 صوت)

11-29-2014 04:13 AM
يا اخوانا الراجل دا غلط هو مفروض يقول نرحل الشعب السوداني خارج السودان ونقعد نحن ناس الموتمر والحكومة بس في البلد عشان الخدمات تكفينا ونقدر نبيع الاراضي للمستثمرين الاجانب ونستمتع بتيار كهربائي مستمر ونبيع الباقي لدول الجوار وونحافظ على البترول وبي كدا السودان يكون دولة منتجة جاذبة لؤوس الاموال الاجنبية وبي كدا تكون المشكلة اتحلت من جزورها ولا رايكم شنو ؟؟؟؟؟؟!!!!!

[محافظ بنك السودان]

#1159177 [radona]
5.00/5 (1 صوت)

11-29-2014 12:09 AM
لكي تحل مشكلة يجب اولا ان تعترف بوجود المشكلة ومعرفة اسبابها لا ان تقفز فوق المشكلة قفزا دون معرفة الاسباب
اولا : السبب الرئيس في مشكلة البطالة هو المجالس التشريعية حيث ترهلت الولايات بالدستوريين وجنحت المجالس التشؤيعية لسن قوانين الجباية المتعددة والمختلفه مما تسبب في ترك المزارعين لمزارعهم والرعاة لمراعيهم والصناع لمصانعهم والنزوح الى العاصمة لامتهان المهن الهامشية على النحو المشهود حاليا
ثانيا : عدم وجود تطيط اجتماعي سليم حيث توسعت الحكومة وسمحت باستيراد الركشات مما تسبب في ضياع جيل او جيلين تماما كان من المفترض توجيه طاقتهم الى الزراعة كمزارعين وفلاحين حتى ان الجامعات اصبحت كلية الزراعة ليست من الرغبات للطلاب للتقديم للقبول فيها مع ان السودان بطبيعته بلد زراعي ولكن مع انعدام التوجيه وسؤ الادارة اصبح بلد يستورد غذاءه وملبسه ولا ينتجه
ثالثا: كيف لاصحاب الماشية ان يبقوا رحلا طلبا للماء والكلأ رغما عن وجود الموارد التي تضمن توطينهم واستقرارهم للاستفادة من انتاج مواشيهم من البان ولحوم مما جعل السودان يستورد الالبان مما يثير الدهشة والاستغراب فكيف لبلد مثل السودان يصل فيه سعر كيلو الجبن الى 60 جنيها
وقس على ذلك ستخلص الى نتيجة ان الامر سؤ ادارة من اوله الى اخره وليس غيره

[radona]

#1159051 [سجمان]
5.00/5 (1 صوت)

11-28-2014 05:44 PM
نواب تشريعي الخرطوم هم ذاتهم اصلهم من وين ؟

[سجمان]

#1159040 [abushihab]
5.00/5 (1 صوت)

11-28-2014 05:21 PM
هؤلاء الأبالسة لايحلون مشكلة الا بمشكلة أسوأ منها. يا سبحان الله

[abushihab]

#1159034 [سوداني ود بلد]
5.00/5 (1 صوت)

11-28-2014 05:08 PM
هل يستطيع نواب تشريعي الخرطوم الذين نادوا بعدم توظيف ابناء الولايات بالخرطوم, هل يستطيعوا أن يطلبوا من أعضاء حكومة المؤتمر الوطني وعلي رأسهم البشير أن يرجعوا الي الأقاليم التي أتوا منها مثل ود بانقا وغيرها؟

كان الأولي بهؤلاء النواب أن يطلبوا من الدولة توفير فرص كسب العيش والخدمات في الأقاليم وسيرجع أهل الأقاليم من أنفسهم وطواعية الي أقاليمهم, لكنه الغباء من نواب في مجلس تشريعي جاهلون بالقانون الذي يتيح للمواطن حرية الإقامة والعمل في أي مكان داخل وطنه.

[سوداني ود بلد]

#1159029 [hindi]
5.00/5 (1 صوت)

11-28-2014 04:59 PM
انت ياعلي مصطفي كـــــــــــــــــــــــــــــذاب

[hindi]

#1159015 [menshi]
5.00/5 (1 صوت)

11-28-2014 04:38 PM
بالله , قال شنو ؟ نواب يطالبون بعدم توظيف ابناء الولايات بالخرطوم , طيب, منو فيكم من ابناء الخرطوم اصلا ؟؟ ,. حسب التعريف ابناء الخرطوم الحقيقين كل من اباءه شهدوا الاستغلال هم كانوا مقيمين بالخرطوم فاحفاده من ابناء الخرطوم , بالبلدى كدا يعنى كل الاحياء التى انشئت حديثا فابناءه ليسوا من ابناء الخرطوم و يعنى نبداها من المنشيه و الطائف و الكلاكلات و ثلاث ارباع الخرطوم و جميع حارات الامبده و الخرطوم من نمره اتنين لامن اخر بيت فى اتجاه الحزيره و جبل اولياءدا كلو بره, و بحرى من سوق سعد قشره لامن جيلى كلوا بره . عارفين الكلام دا يا نواب .. و هذا يعنى نسبة لا تتجاوز ال 10 % فقط من سكان الخرطوم الحالى. و اول الخارجين من التوظيف هم ناس حميدتى و جميع افراد قواته , ديل اخر من سكنوا الخرطوم , فالنبدأ بهم اولا !!!!

[menshi]

#1159014 [ســــــــــارى اللــــــيــــــــل]
5.00/5 (1 صوت)

11-28-2014 04:37 PM
خلاص يا يا أم سكاسك نفذوا قرار الوالى البالى الخضر بعودة جميع مواطنى الولايات الى ديارهم على رأسهم رأس النظام و الوالى و ابو العفين و على السجمان و كل كوادر الوثنى مطبلايته و بذلك تخلى العاصمه من كل القادمين بعد 1989م و امتلك ارض او كشك جرايد أن شاء الله و نشوف علماء السلطان بطلعوا لينا بفتوة جديده ؟
الدستور بيعطى الحق لكل مواطن يجمل الجنسيه السودانيه بحرية التنقل و التملك و السفر و دا دستور ما مرسوم جمهورى بموجب الدستور المغيب و غير مفعل ؟؟؟؟؟

[ســــــــــارى اللــــــيــــــــل]

#1159008 [من الاقاليم]
5.00/5 (1 صوت)

11-28-2014 04:29 PM
من اين اتى نواب تشريعى الخرطوم ولماذا تركك ابناء الولايات
المتحده الغير سودانيه مناطقهم والنزوح للخرطوم هل تعلم
هذه العشه بان تكاليف الحياه اليوميه فى الولايات الانتاجيه
اعلى من خرطومك كيف لا ياتون وهم يقتلون ويغتصبون يوميا
فى دارفور وجنوب كردفان والنيل الازرق كيف لا ياتون ومشروع
الجزيره ومصانع النسيج والزيوت والمطاحن والغلال وتعليب الفواكه
وسكه حديد السودان والنقل النهرى ودباغه الجلود والاسمنت والصمغ
ومشروع الرهد والسوكى ومصانع الدالى والمزموم وعسلايه كيف لا ياتون
وتعليمهم وصحتهم وامنهم وشرفهم وانسانتهم وكرامتهم وارضهم اغتصبت
هؤلاء هم ابناء الاقاليم السودانيه فمن اين اتى النواب والسيده عائشه.

[من الاقاليم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة