الأخبار
أخبار إقليمية
محنة الحكومة والدولار..!!
محنة الحكومة والدولار..!!
محنة الحكومة والدولار..!!
هويدا سرالختم


مقال بسببه صودرت الجريدة اليوم
11-30-2014 04:50 PM
هويدا سرالختم

لا يزال الدولار يسجل ارتفاعا امام الجنيه السوداني..حتي كتابة هذا العمود وصل سعر الدولار مقابل الجنيه السوداني(9.300)جنيها..وفي طرف اخر بعض وسائل الاعلام تتحدث عن انخفاض في اسعار بعض السلع..ارجوكم نوروني كيف ذلك..فالثوابت الاقتصادية واضحة..حينما يصيب الميزان التجارى خلل بارتفعاع كفة الواردات مقابل الصادرات ينعكس ذلك علي قوة العملة وبالتالي علي حركة السوق..فتتدهور قيمة العملة المحلية امام الدولار فتقل السيولة المتداولة وترتفع اسعار السلع ويشح بعضها وينعدم كلما ساءت الامور..فتندفع الحكومة احيانا بجنون الي طباعة وضخ مذيد من العملة دون تغطية فيرتفع التضخم ويزداد الموقف تعقيدا اكثر من ذى قبل..!!

كلما ارتفع سعر الدولار مقابل الجنية بعد فترة قليلة نسمع عن هبوط كبير في قيمة الدولار مقابل الجنيه الذى يرتفع بالمقابل..وبالتاكيد هذا الهبوط غير حقيقي في كثير من الاحيان..فالدولة معطلة منذ سنوات طويلة عن ما يسمي بالانتاج..هجر المزارعون الزراعة ومعظمهم يقبع الان في السجون ومن ظل صامدا منهم يضرب كل موسم بسيف الحكومة قبل السوق فيفقد راس ماله وينصرف لمهنة اخرى..كل الصناعات التي كانت صمام امان هذا البلد توقفت(صناعة الغزل والنسيج,صناعة الزيوت,صناعة المواد الغذائية,صناعة الجلود,..الخ).محاصيل الاقطان والسمسم اساس الصادر مايعرف(بالمحاصيل النقدية)اول من ضرب بسيف الحكومة ولاتزال الضربات جارية..واخيرا فقدنا البترول النعمة التي اصبحت نغمة..فالحكومة ضحت بكل ماذكرت مكتفية(بالبترول المورد الناضب).بل انها لم تستفد من تدفق ايرادات البترول في تقوية وتاسيس الموارد الدائمة حتي تكون سندا لميزان الايرادات بعد زوال نعمة البترول..انتبهت الحكومة لهذا الخلل في الوقت الضائع فحدث الارتباك واصبحت تتخبط في اعداد البرامج للنهوض بالزراعة والصناعة(بنفس قصير) فلم تستطيع بهذا البرنامج محاصرة الازمة التي امامها..فلح الاحباط ببرامجها النهضوية واختارت طريق اخر لستر الازمة الاقتصادية الطاحنة(المتفاقمة).سترها وليس علاجها..كيف..اطلقت حبل الاقتصاد من اطراف اصابعها وتركت المركب تسير لوحدها..وركزت في الجانب السياسي باشعال الساحة السياسية..!

فقط لو وضعت الحكومة خطة اقتصادية تكتيكية(خطة طوارئ) واخرى استراتيجية بعد انفصال الجنوب واكتشاف خدعة الاعتماد علي البترول..لسيطرت علي الازمة حينها ولكانت اثمرت الخطة الاستراتيجة وينتظر الان نضوج ثمارها للقطف..لوكانت تعلم الحكومة ان حل المشاكل السياسية يكمن بين ثنايا الاقتصاد لما اهدرت وقتها في اللهث خلف المعارضة والحركات المسلحة..انسان هذا البلد لا يعنيه كثيرا التمعن في الشخصيات بقدر ما تعنيه الافعال..وربما كان يريد القليل من الافعال..ان ياكل ويشرب ويتعالج ويتعلم في الحد المعقول ودون رفاهية..وهذا احد اسباب(طولة بال) الشعب علي الحكومة تحمل العنت والمشقة والمزلة طالما ان العجلة دائرة حتي لو ببطء..غير ان العجلة تكاد ان تتوقف الان وصعب علي المواطن الاكل والشرب والعلاج والتعليم..صعب عليه(اضعف الايمان) في هذه الضروريات التي لا فكاك منها..ولن يفلح ثوب السترة السياسي في ستر الحال..ولكن ينخفض الدولار ابدا طالما ان الانتاج والصادر متوقفان وطالما الساسة منصرفون عن هموم الوطن والشعب بهموم اخرى تصب في المصالح الخاصة.
الجريدة


تعليقات 18 | إهداء 0 | زيارات 13114

التعليقات
#1160672 [jnobi]
5.00/5 (1 صوت)

12-01-2014 05:38 PM
لا تتركوا من هذا الجاهل ان يأثر فيكم وانجرافكم اليه وتتركوا هذا الموضوع الشيق الذي كشف عيوب هذا النظام . تشكري اختاه

[jnobi]

#1160289 [ود الفاضل]
4.00/5 (2 صوت)

12-01-2014 05:09 AM
هذه الصحفية كتبت الحقائق المرة وكل الكيزان للاسف لايسمعون ولا ينظرون ، فهم صم بكم عمي . زيادة على ذلك فهم فى غيبوبة تامة ، وجميعهم يرون ان السودان فى عهدهم اصبح دولة عظمى ، وكان معمر القذافي يحكم ليبيا اربعين عاما بنفس هذه العقلية ، حتى اطلق على ليبيا ( الجماهيريةالعربية الليبية الاشتراكية العظمى) وهي دولة يمكن استضافة شعبها كله فى فندق واحد فى بكين ..... فالكيزان بعد كل الدمار الذي حل بالسودان فى عهدم المشئوم فهم الان نيام اذا قامت ثورة عامة واقتلعتهم من جذورهم عند ذلك سينتبهوا ويرون مااقترفت يداهم الاثمة فى شعب السودان .... التحية للصحفية الجرئية .

[ود الفاضل]

#1160198 [معاويــــــــــــــــــــــــــــــــــــــة]
0.00/5 (0 صوت)

12-01-2014 12:53 AM
عمر حسن على عمر ده عاوز ليهو شطر او عندو شطر برضع منو اصلا هى الانسانيه انعدمت فى بعض البشر وامثالك ياحثاله انت ليهم يوم ان شاء الله تشوفوا بعيد ونحنا نشوفوا قريب
......

[معاويــــــــــــــــــــــــــــــــــــــة]

#1160137 [راااى]
1.00/5 (1 صوت)

11-30-2014 10:57 PM
النسوان لومازرعن الرجال مابزرعووعلى الحكومه ان تدعم الزراعه خلاص افتكر انونحنا فشلنا فى الصناعه خالص وبقت الجامعات خصم على الوطن لانهاتخرج شبباب من الجنسين مترفعيين عن مشاكل الوطن ولومشكلة السودان كانت في اي دوله اوربيه اوغيرهامن دول العالم الاول لانكبه جميع افراد المجتمع نساء ورجال على الزراعه بيزرعن الهنديات هل نسانااجمل منهن والسوريات والمصريات وحتى الاربيات يعملن بالزراعه

[راااى]

#1160121 [قساس فادي]
0.00/5 (0 صوت)

11-30-2014 10:32 PM
الحكومة دي تقول عندها كحجور على القسم المصريين والسوريين والتوانسة لو وصلوا مرحلتنا دي كانو ثارو قبل الف سنة .. دة شهب اقل ما يوصف به لو ما جبان كرور

[قساس فادي]

#1160102 [كسلاوي جد]
0.00/5 (0 صوت)

11-30-2014 09:51 PM
حبيبي حبك نار ولع زي الدولار
يوم طالع ويوم نازل خلا العقل محتار
فاتح ليك بابي وانت تأبى دخولو
ده حبك انا خليتو بيعتو باليورو

[كسلاوي جد]

#1160084 [أسمر جميل فتان]
4.97/5 (8 صوت)

11-30-2014 08:50 PM
اقتباس

(انسان هذا البلد لا يعنيه كثيرا التمعن في الشخصيات بقدر ما تعنيه الافعال..وربما كان يريد القليل من الافعال..ان ياكل ويشرب ويتعالج ويتعلم في الحد المعقول ودون رفاهية..وهذا احد اسباب(طولة بال) الشعب علي الحكومة تحمل العنت والمشقة والمزلة طالما ان العجلة دائرة حتي لو ببطء..غير ان العجلة تكاد ان تتوقف الان....))

والله يا بنتي يا هويدا كلامك الكتبتيه ده كلام اليقراه بتمعن من ناس الحكومة ديل بيشعر بنفسه عرررررررررريان عديل كده!!! وكلامك الانتي كتبتيه ممكن يكون في ذهن العديد من الناس ولكنك عبرتي عنه وجمعتي خيوط المقال في سلاسة ودقة تعبير جميلة جدا جدا وممتازة!!!!!

طيب والحل شنو؟؟؟ وبعدين بعد المقال ده في واحد عاوز يشتغل للحكومة دي!!!
وينك يا شعب يا سوداني وين اعتصاماتك وين عصيانك المدني؟؟؟؟

حقو نتحرك نحن المغتربين ديل "ونوقف" النقاطة دي !!! لحظتها حاتعرفوا الحكومات دي بيقلوبها الرجال كيفين؟؟؟!!!!!!

[أسمر جميل فتان]

ردود على أسمر جميل فتان
[جركان فاضى] 11-30-2014 10:46 PM
شكرا اسمر جميل فتان...الشعب السودانى ضيعته الصوفية...علمته الزهد الشديد فى كل شئ...ان يأكل طعاما فائدته اقل من المطلوب...ان ينوم على عنقريب عليه برش...ان يسكن فى الرواكيب...ان يلبس الالوان الضبابية مثل الرمادى والبنى الغامض والكحلى الباهت ...والناس يقولوا الشعب السودانى كسلان...لامش كسلان بل زاهد فى الحياة
هناك فئة اخرى من السودانيين...فهم الذين لاينسوا نصيبهم من الدنيا...وهى الفئة القادرة على التغيير السياسى والاجتماعى...وهى الفئة الفاعلة فى المجتمع...غير ان نظام الحكم طفشها من البلد وارتاح من نضالاتها


#1160079 [سامي]
3.00/5 (5 صوت)

11-30-2014 08:46 PM
هذا موضوع اكثر من عادي وليس فيه شئ غريب ..لماذا توقف الجريدة من اجل هذا الموضوع ؟وممكن اي واحد كان يمر عليه مرور الكرام او لايمر لكن مادام صودرت الجريدة فكل ممنوع مرغوب والكاتبة اشتهرت بدون تعب .

[سامي]

ردود على سامي
Saudi Arabia [M.khiery] 11-30-2014 10:38 PM
خلاص ياسامي صودرت الصحيفة بسبب الأخطاء الاملائية! مثل (نغمة) و(مزلة) و(مذيد). عرفت السبب؟ لك التحية.


#1160076 [مبارك]
4.82/5 (7 صوت)

11-30-2014 08:44 PM
التحية والتجلة للصحفية المناضلة الشجاعة هويدا سرالختم ونتمنى ان يحذو حذوها كل الصحفيين السودانيين بل كل السودانيين ، فانت يا اختاه والله ارجل بكثير من بعض الرجال .
فلو كل سوداني قال لا للمؤتمر الوطني ، لا للسرقات ، لا للنهب المنظم ، فلو كل سوداني استنكر الخطأ ورفضه لما وصلنا الى هذه الدرجة من الفقر والعوز وضيق الحال . فبعض الناس ياتيهم بتاع الضرائب او رجل المرور او اي سلطة جباية فيقوم يرشيه وبذلك يتعود المرتشي على الرشوة في ظل حكومة تشجع على ذلك وتصبح مهنته اليومية الرشوة ، اما اذا امتنع اي شخص عن اعطاء الرشوة فسوف لن يجد الفاسد من يرشيه وبالتالي سيترك المهنة او ينصلح حاله . حدثت حادثة خارج السودان ان طبيبا ارتكب خطأ طبيا في حق طفلة فماتت ، فما كان من والدها الا ان رفع بلاغ ضد الطبيب حتى لا يتكرر الخطأ الطبي في طفلة اخرى ، فلو حدثت هذه الحادثة في السودان لقال لك الناس قدر الله وماشاء فعل وما الى ذلك من كلمات الحق والتي يراد بها باطل ، فهذا الطيب الذي اخطأ يجب ان ينال العقاب الرادع حتى لا يتكرر ذات الخطأ .
كل الناس عارفين انو عصابة الانقاذ حرامية ومحترفين ، وكلنا يعلم ان الحرامي لو ما اخرك ما بقدمك ، فمثلا لو عندك محل تجاري مليان ووضعت فيه شخص حرامي فبعد شهر ستجد المحل فاضي ، كذلك ناس الحكومة بعد شوية حيفضوا السودان كله من ناسه وعندما يموت كل الناس سيأكل بعضهم بعضا

[مبارك]

#1160027 [ليدو]
5.00/5 (2 صوت)

11-30-2014 07:04 PM
يا كوز وزير الإستثمار بتاعك طبيب أسنان !!!!!!!!

[ليدو]

#1160019 [الكاهلية]
5.00/5 (3 صوت)

11-30-2014 06:50 PM
انتظروووونا في العرض الاخير من مسرحية الانتخابات المخجوجة

[الكاهلية]

ردود على الكاهلية
[جركان فاضى] 11-30-2014 10:47 PM
بطولة ضباط الشرطة الاحرار


#1160001 [عمر عبد الكريم]
4.75/5 (3 صوت)

11-30-2014 06:13 PM
خلو الدوﻻ ر في حالو .وخلونا في حالنا .

[عمر عبد الكريم]

#1159985 [مدحت عروة]
5.00/5 (11 صوت)

11-30-2014 05:54 PM
اذا بسبب هذا المقال التحليلى والذى يعبر عن وجهة نظر صاحبته فى محنة الدولار والاقتصاد والانتاج فكيف تقام انتخابات وحوار وطنى يا ناس الانقاذ؟؟؟؟؟
انتو ناس الانقاذ ديل او الحركة الاسلاموية فاقد تربوى ولا شنو ؟؟؟؟؟

[مدحت عروة]

#1159982 [Sudan the last cry]
4.94/5 (8 صوت)

11-30-2014 05:50 PM
تحليل الاستاذة منطقي والتقرير جاد ويعني ما يعني أما مصادرة الصحيفة دليل لغفلة الحكومة وأنها تتبع السياسة القمعية لتكميم الافواه

[Sudan the last cry]

ردود على Sudan the last cry
Sudan [very sudani] 11-30-2014 09:35 PM
والله البنت دي مفروض ناس وزارة المالية يدوها بوسة علي تحليلها الرائع ده مش يصادروهو


#1159981 [البدرنجي]
5.00/5 (5 صوت)

11-30-2014 05:50 PM
رد على ..عمر على حسن ..الاستاذة هويدا كتبت مقال عن الدولار.. ما قالت ليك هى خبيره ولا اعلامية..الدولار..طلع..الدولار نزل..هذة حكاية الحكومة معانا والدولار ملك ومال مساحيقها..كون موضوعى وجاد..الموضوع الدولار..بطل سفاسف الامور.ولا قاعدين للفارقه بس..

[البدرنجي]

#1159975 [العنقالي]
4.50/5 (5 صوت)

11-30-2014 05:39 PM
( العجلة تكاد ان تتوقف الان وصعب علي المواطن الاكل والشرب والعلاج والتعليم)

(ولن ينخفض الدولار ابدا طالما ان الانتاج والصادر متوقفان وطالما الساسة منصرفون عن هموم الوطن والشعب بهموم اخرى تصب في المصالح الخاصة)
________
شكرا للكاتبة المحترمة , المذكور فى المقال معروف للكل ولا يحتاج لخبراء

[العنقالي]

#1159964 [سيف الدين خواجة]
4.50/5 (4 صوت)

11-30-2014 05:18 PM
شكرا يا ابنتي لك التوفيق وكلامك عين الحقيقة التي لاتريد الحكومة ان تراها ونبحنا حتي بح حلقنا من ان الدولار لن ينخفض الا بالانتاج والتصدير وهذه قناعة راسخه اما انخفاضة ذاك فكان وهميا وليس نجاحا للبرنامج الاقتصادي بل هناك نافذون يضربون الاقتصاد في مقتل باللتلاعب بالدولار كيفما ارادوا ولكن من يسمع هذه هي الحقيقة ليست لدينا حكومة !!!

[سيف الدين خواجة]

#1159962 [عمر على حسن]
2.00/5 (10 صوت)

11-30-2014 05:12 PM
وانتي خبيرة اقتصادية اى اعلامي واعلامية يعمل ليك فيها خبير اقتصادى وسياسيى ارحمينا يااخت وشك كلو مساحيق قاتلك الله

[عمر على حسن]

ردود على عمر على حسن
Saudi Arabia [المستعرب الخلوى] 12-01-2014 10:20 PM
قاتلك أنت الله يا عمر على حسن .. ياكوز مصدىء ومعفن ..تركت لب الموضوع الهام ورحت تتكلم عن وشها الكلو مساحيق .. تباً لك ولأمثالك يا قذر ..الكاتبة جاءت بالحقائق المؤلمة التى لا تعجب أمثالك من الحرامية واللصوص يا اشباه الرجال..

United Arab Emirates [semsem] 12-01-2014 01:57 PM
قاتل الله امثالك المخنثين وكلام الانقاذ تعليقك يدل علي سذاجة فهمك وهذا لا يودد الا عندالكيزان...
بالله عليك احلف جاذمآ بان لا احد من اهل دارك الابرار يستخدم مساحيق التجميل وهل وجب منك الدعاء له بالهداية ام القتال؟؟؟
لن اقل لك الا : حفظ الله امك وشقيقاتك والكاتبة المحترمة لانهن قبل كل شئ هن امهاتنا واخواتنا هكذا تربئ اي سوداني اصيل ابن رجال ولاكن تعليقك يدل ع تربيتك السياسة تربية(الندوات ومؤاخذة ادبار بعضكم بعض) ت واعتقد ان امك الفاضلة هي ابعد من ان تكون انشأتك عليه.ت
وعفوآ اخواني القرأ واخواتي خصيصآ لو اختزلت كلماتي ولكن مثل عمر وعمر؟؟ لا يصح الرد عليهم الا بمثل تفاهتهم ..واللهم خلصنا من امثالهم وسلط عليهم الذي هو اقوي منا ومنهم واجعل اقوالهم حجارة من لهيب ترمي عليهم يوم الحساب.

[ود الركابي] 12-01-2014 01:38 PM
قاتلك الله انت ياقرد .. مساحيق مامساحيق البنت حلوة وكلامها حقيقة .. غبي .

[سودانى شديد] 12-01-2014 12:39 PM
إحترم نفسك يا ما عندك أدب. المقال ده المفروض تنعقد ليهو ورشة فى وزارة المالية موش يتحجب. بعدين ياخ إنتوا بتجونا هنا لييه نحن قاعدين نجيكم هناك؟ ما عندكم أى طريقة تعيشوا كمواطنين عاديين زينا فأنتم تعلمون أن اللعنات تطاردكم أينما حللتم.

[ابو شربيك] 12-01-2014 01:38 AM
ياعمر على حسن 18سودانى وسودانية رضعو من ثدى
ام سودانية قامو بالرد عليك
الكلام ده قولها لاختك شوف اذا بتقبل
انت ذاتك فاقد تربوى أظنك تقول ليها أنا تعبان ليه
انشاءالله ادوك وكيل عريف !!

Saudi Arabia [ظلال النخيل] 12-01-2014 01:00 AM
انت انسان عاجز وفاشل زي حكومتك يا عمر وما عندك منطق . هذه الصحيفة لم يوقفها جهازك الامني عشان المساحيق , اوقفها لأن المقال فيه كشف لفشلكم في ادارة الدولة وكذبكم الاعلامي في ما يسمى النشرة الاقتصادية..
بالله رجاء خاص اطلع من ضل الراكوبة دي وامشي اغتسل من درن الانقاذ ..الناس كرهت اسم عمر عشان رئيسك اسمو عمر حسن

[جركان فاضى] 11-30-2014 10:55 PM
الزول دا الاسمو عمر على حسن تعبان من خبر اسمو الدولار ارتفع...لانه عارف الدولار كان ارتفع تانى مافى دقارات بتوقفو...ويظل يرتفع ويرتفع ويرتفع...ومعه تنخفض القيمة الشخصية لعمر على حسن حتى يطير راسو مع الانقاذ

Saudi Arabia [وحيد] 11-30-2014 09:56 PM
طبعا يا عمر علي حسن كاتب اسمك بالكامل عشان تضمن المكافأة و كده ...
حركات بني كوز حتى الحمير البضبحوها و ياكلوها الناس في زمنكم بقت عارفاها و ما بتمشي عليها ... و الختلاق مواضيع انصرافية لشغل الناس ما عادت بتنفع ... الموضوع مكتوب قدامك رايك فيهو شنو؟! دولة فاشلة و فاسدة و مجرمة ضيعت البلاد و العباد و عبثت بالاقتصاد حتى قضت عليه و دمرت الزراعة و الصناعة و الموارد و باعت البترول بعد نهبت ما طلع منه و بقت تنهب مباشرة من الشعب الفضل ضرائب باهظة و دقنية و اتاوات و توزعها على كلابها .... شو رايك؟!

Germany [ahmed] 11-30-2014 09:20 PM
علبكم الله شوفو الوهم دا , ما الزيك دا هو الضيعنا وضيع البلد , قاتلك الله أنت ي وهم أنت ورجالك

Sudan [nda] 11-30-2014 08:35 PM
علاقة الموضوع بمساحيق الكاتبه شنوووووو
عالم م عنده موضوع وفارغ

[كرم] 11-30-2014 07:42 PM
كلامك مامحترم أبداً، إعتبرها أختك أو بنتك أو قريبتك ومافي داعي لهذه الطريقة في الكتابه . فنحن كلنا همنا أولا واخيرا هذا السودان وشعبه الطيب ، مش البذيء زيك .

Saudi Arabia [أبوقرجة] 11-30-2014 06:21 PM
ديل المدسوسين في أوساط الشرفاء من أبناء الشعب السوداني الذين يناضلون من أجل إزالة هذاالنظام ... وبما أنهم مستفيدين من النظام فهم يدافعون عنه بكل السبل ................ وكمان وجدوا في صحيفة الراكوبة الملاقه ضالتهم لان بها حرية لا توجد في السودان .... فالصحافه في السودان مقيده لأقصى حد ..


بقول ليك يا زول والله ليك يوم وستندم يوم لا يفيد الندم

Saudi Arabia [باب المندب] 11-30-2014 06:19 PM
انت كوز زجاجى ( مكسور )
اختشى

Sudan [زول] 11-30-2014 06:16 PM
لم تخرج من المقال بشئ غير التعليق على المساحيق ماهذه السطحية في التفكير . اي علامي من واجبه الكشف وتسليط الضوء على ما يهم المجتمع وليس بالضرورة ان يكون الصحفي طبيبا عندما يكتب عن خطأ طبي او عن حالة الخدمات الصحية .

United Arab Emirates [أبوعلي] 11-30-2014 06:15 PM
رد عليها بالمنطق والقرائن والأدلّة
وما هي رسالة الإعلاميّ أيّها الحصيف؟
وشك كلو مساحيق قاتلك الله !!!!!!
هكذا أنتم أيّها الكيزان الفارغون
تتهربون من المواجهة وتجنحون نحو الإساءة
قاتلك الله أنت وليس هي

[sami] 11-30-2014 06:08 PM
الأخ عمر....
الصحفي إنسان مطلع ومثقف ويمكنه أن يكون متمرسا على بعض المواضيع
كان الأجدر إحترام رأيها ... دون سباب

China [kanon] 11-30-2014 06:05 PM
الحكاية مافي انها خبيرة في الاقتصاد او غيرو الاخت تناولت موضوع الازمة اليومية للشعب السوداني بجدارة واي شخص يعرف ابجديات الاقتصاد اي لا يمكن ان ينصلح الحال دون معالجة جذور المشكلة وبدل الاساءة للاخت اطرح فكرك لو عندك فكر اصلا وعموما لو كنت كوز افضل تسكوت الفيكم اتعرف خلااااااااااااااااااااص

United States [Alrakoba tv] 11-30-2014 05:53 PM
Kaaaaaaaaaaak
ياخ فى محل جديد فى شارع 41 إسمو كاك فتحوهو مخصوص للزيك ديل (ده ما مكانك).

[ابو ليم] 11-30-2014 05:39 PM
انت امنجي وقح ومحروق قاتلك الله انت يا كلب

Saudi Arabia [سووداني] 11-30-2014 05:38 PM
قاتلك الله انت وامثالك

United Kingdom [احمد] 11-30-2014 05:38 PM
ليه الدعاء القبيح دا؟ مش كان أفضل الدعاء بااهدايه؟ ولك مثله

[محمد دفع الله] 11-30-2014 05:35 PM
الاقتصاد لو شهادات لما مسك زمامها صلاح كرار اقصد دولار ولو بالشهادات لالحسن قيادتها بدرالدين حمدي ... الشغله واضحه 1+1= 2

والبت دي ما اتكلمت الا حقائق بسيطه تعرفها نساء ودع فما بالك با اعلاميه ارجل من شنوب فارغه ...
المكياج لا يعيب المراه ليس عيب في حق المراة ولكن عيب في حق رجال اصبحوا اقرب للنساء في الخناعة والخضوع والتطبيل والتشكير في رجال يجيدون الرقص احسن من نساء

Saudi Arabia [مواطن سوداني] 11-30-2014 05:31 PM
هل هذا كل ما جنيته من هذا المقال ؟؟؟ "وشك كلو مساحيق" !!! ، يا ريت نهتم بلب الموضوع ونترك مثل هذه التفاهات التي لا تفيدنا ولا تفيد وطننا بشيء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة