الأخبار
أخبار إقليمية
جهاز أمن البشير يصادر عدد اليوم من صحيفة "الجريدة "
جهاز أمن البشير يصادر عدد اليوم من صحيفة "الجريدة "
جهاز أمن البشير يصادر عدد اليوم من صحيفة


في زمن الوثبة والحريات المزعومة
11-30-2014 04:54 PM
صادر جهاز الامن والمخابرات الوطني عدد اليوم الاحد ٣٠ نوفمبر ٢٠١٤م من صحيفة (الجريدة) السودانية ومنع توزيعه بعد طباعته دون تقديم أية أسباب.

بعد الإدانة و(هضم) الضرر المادي نرد بكلمات الراحل المقيم محجوب شريف

قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله

و .. بكره نرجع تاني للكلمة الرحيمة .. شان هنانا .. شان منانا .. شان عيون اطفالنا ماتضوق الهزيمة (القدال)

اسرة الجريدة
٣٠ نوفمبر ٢٠١٤م

+++

عرض اكتافكم روِّحوا يلاَّ
محجوب شريف
شعبنا أصبح وأمسي وظل
كترتوها عليه الطله
أكَّلتوهُ زمانِك ممَّا
ولبّستوهُ كذلك ممَّا
عدّمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولّع
طَول منّها نار الحله
عِشنا وشفنا تب ماخفنا
العايزكم لمّن جرب كنتو اضلَّ
تلك مآذن ولاَّ مخازن ؟!
خمَّ ولمَّ فساد الدنيا
ثم اتنحنح …هي لله.. هي لله
كبر وصلي
لما رفعتو السيف والمصحف
ولافي المتحف بقى حق الله
باسم الدين والدم والدمعه
وباسم الخالق عزَّ وجلَّ
اتعذبنا … وما كذبنا
حليلو الفات … والمات وإتشل َّ
بيوت اشباح وجراح ومذله
دم الشهدا رصاصه رصاصه
وحبل المشنقه داك إدّلي
ومع ذلك حتي اللحظه
ما اتربَّصنا …ولا فجَّرنا
إلا كذلك ما اتحجَّرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلِّم سِلم
ما بنسلم وشعب مُعلم
ما بتخلَّي
حاشا وكلا ما بنتْخلَّي
غُبننا أكبر من تتصور
وحكم الفرد زمانك ولَّى
القذافي وأصبح مافي
حسني مبارك …وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرَّب هدم وجرب عَلاَّ
ما بالصدفه ولاها لعلَّ
فيكم ريحه من الشبيحه
خلوا البلطجه روِّحوا يلاَّ
كل العالم عين بتاوق
صوره وصوت وكتاب ومجله

( التحيه للشعب السوداني )

الجريدة


تعليقات 1 | إهداء 0 | زيارات 2763

التعليقات
#1160237 [البورد اللورد]
5.00/5 (1 صوت)

12-01-2014 02:10 AM
عاش نضال الشعب السوداني الحر

[البورد اللورد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة