الأخبار
أخبار إقليمية
السودان بين الدول الثلاث الأكثر فسادا في العالم
السودان بين الدول الثلاث الأكثر فسادا في العالم
السودان بين الدول الثلاث الأكثر فسادا في العالم


12-04-2014 03:35 AM
أبوظبي - سكاي نيوز عربية
حل السودان في المرتبة الثالثة قبل الأخيرة بين الدول الأكثر فسادا في العالم، وفقا للمؤشر التابع لمنظمة الشفافية الدولية لعام 2014، فيما جاءت 5 دول عربية أخرى بين الدول العشر الأكثر فسادا.

وكشف التقرير أن السودان لم يبرح المراكز الأخيرة في السنوات الماضية، منافسا للصومال وأفغانستان اللتين لا تتوفر بهما أي أنظمة ثابتة، وكوريا الشمالية.

ووفقا للمؤشر الذي يعتمد على معايير اقتصادية معترف به دوليا، دون أي توجهات سياسية، فإن السودان جاء في المركز الثالث قبل الأخير وتحديدا في المركز 173، إذ حصل على 11 نقطة فقط، فيما حلت الصومال وكوريا الشمالية في المركز 174، بينما جاءت الدول الأكثر نزاهة الدنمارك (92 نقطة) ونيوزيلندا (91 نقطة).

وأوضح التقرير أن السودان الذي لم يتغير موقعه بين الدول الأكثر فسادا، تدهور أكثر في العام الحالي 2014، مقارنة بتقرير عام 2013.

وجاءت بعض الدول العربية متقدمة عن السودان، رغم أعمال العنف التي تجري في هذه البلدان، مثل العراق الذي حل في المركز 170، وليبيا في المركز 166، واليمن في المركز 161، وسوريا في المركز 159، إلا أن هذه الدول أيضا دخلت جميعها بين الدول العشر الأكثر فسادا في العالم.

في المقابل، جاءت دولة الإمارات العربية المتحدة الأفضل عربيا بحلولها بالمركز 25 عالميا، وحلت قطر ثانيا في المركز 26 عالميا.

وتشاركت البحرين والأردن والسعودية في المركز 55 عالميا بحصولهم على 49 نقطة، وسلطنة عمان في المركز 64 والكويت في المركز 67 وتونس في المركز 79 والمغرب في المركز 80 ومصر في المركز 94 والجزائر في المركز 100 ولبنان في المركز 136.

ويصنف مؤشر الفساد الدول وفقا لمستويات الفساد في القطاع العام فيها، وضمت القائمة 177 دولة تحتل فيها الدولة الأكثر فسادا المركز الأخير، والأقل فسادا المركز الأول.

وجاءت الدنمارك ونيوزيلندا في المركزين الأول والثاني بين 177 دولة في قائمة المؤشر، وحلت فنلندا في المركز الثالث، بينما تساوت النرويج وسويسرا في المركز الرابع، وجاءت بريطانيا في المركز 14 والولايات المتحدة الأميركية في المركز 20.

وتعد هذه المنظمة غير الحكومية، التي تتخذ من برلين مقرا لها، دليلا سنويا لانتشار الفساد بين الأحزاب السياسية والشرطة والنظام القضائي والخدمات العامة في جميع البلدان.


تعليقات 21 | إهداء 0 | زيارات 7275

التعليقات
#1163456 [ملتوف يزيل الكيزان]
5.00/5 (1 صوت)

12-05-2014 05:45 AM
اركزوا يا كيزان كباركم استعدوا للهروب الكبير ، تفضلوا انتو وكلاب الامن قوتا للمشانق والخوازيق. على الشباب الاستعداد لاستلام السلطة من الانقاذ المنهارة. وذيادة على ذلك البشير ركبو الهلواس وبقى زي مجنون الخور يفلع الصديق و العدو.

[ملتوف يزيل الكيزان]

#1163130 [ثورة محمية بالسلاح - كاودا وبس]
3.00/5 (4 صوت)

12-04-2014 08:42 PM
جضومها تلمع زي البلاستيك ... كانت مكرمشة زي شوال الخيش ... عمر البعير أسس لها منظمة سند الحرامية للسرقة المصلحة وهي ومعاها جمال الوالي نهبوا بنك الثروة الحيوانية وبنك أمدرمان اللاوطني وبنك الصفا ... وحولوا كلالاموال الى دبــــــــــــــــي وهاك يا شركات ومشاريع في الداخل والخارج ... ذات مرة سئل جمال الوالي في الدنيا (قناة النيل الازرق) قبل الاخرة من أين لك هذه الثروة الطائلة فقال : كنت موظف عادي ولا بحلم بقروش زي دي ولكن القروش دي جائتني في محلي وفجأة كده لقيتها قدامي ... بالله شوف ... البشير أتفق مع الوالي وولاه على أموالنا المنهوبة من البنوك السودانية وهي من حر أموال الشعب السوداني ... عشان اذا بتلاحظوا البشير محتضن الوالي ودايما تلقاهو في بيت وداد بائعة الجداد ... وقد كرمه عدة مرات بصفته رئيس نادي المريخ رغم أن الفريق لم يحقق أي انجاز ولكن تلك هي المجاملات ... وحتى صلاح ادريس داخل في لب الموضوع والحكاية كلها سرقة ... وسئل البشير في قناة النيل الازرق عن سرقة ونهب المال العام من قبل عضوية المؤتمر اللاوطني وعصابته وخصوصا ما يعرف بمصطلح المال المجنب فقال : يا خي دي اسمها النهب المصلح ... ده رئيس عصابة وليس رئيس جمهورية ... واحد حرامي بس .... شوف اخوانه اصبحوا من اثريا العالم ... زمان كانوا وين واسه بقوا وين ... سرقة واضحة بدون خجل .

[ثورة محمية بالسلاح - كاودا وبس]

ردود على ثورة محمية بالسلاح - كاودا وبس
Saudi Arabia [صديق الشيخ حمد النيل] 12-04-2014 10:32 PM
حليلك دا كله سحت وبيسيل زيت فى جهنم


#1163097 [الجابرابي]
5.00/5 (1 صوت)

12-04-2014 07:55 PM
نكره الفساد واهله.لكن هذه المنظمة تصنيفها سياسي والا اين تشاد ونيجيريا وكينيا
اذا عايز تعرفون حقيقة الفساد اسالوا من يعيش هنالك او مواطني تلك الدول.
والله السودان لا ياتي قطرة من بحر الفساد هنالك لكن تلك الدول مرضي عنها.ونحن المساكين نصدق تصنيفات هذه المنظمات التي لا ندري هويتها

[الجابرابي]

ردود على الجابرابي
Saudi Arabia [جركان فاضى] 12-04-2014 10:41 PM
يا الجابرابى خلينا من التصنيف صاح او غلط...انت شايف البلد راكبة عدله...كم نسبة الفقر فى السودان اليوم؟..وكم كانت النسبة قبل مجئ الانقاذ؟...بعدين فتش على الاسباب


#1163084 [عمر الرضى]
5.00/5 (1 صوت)

12-04-2014 07:29 PM
ما تداولته مواقع التواصل الاجتماعي بخصوص شابة في (عفراء مول) أحبت أن تشارك وتدعم مشروع (كسوة الشتاء) الذي تبنته الناشطة الاجتماعية (سلافة سعد) solafa saad وذلك لتوفير ملايات وبطانيات للفقراء والاطفال المتشردين ، أطفال الشوارع . وقد كانت الناشطة/ (#سلافة سعد) ماشة في شارع في احدى الامسيات بالخرطوم ورأت (أم) وطفليها وهما يحاولان الالتصاق بها وهي (مريضة) طلباً (للدفء) و(امهم ) رغم مرضها وقلة حيلتها وعجزها تحاول أن (تحضنهم) في ليلة شتوية .. بجوار احدى المستشفيات .. وتأثرت جدا من هذا (المنظر) وحلفت انها لازم تعمل حاجة عشان تساعد (الناس الفقراء القاعدين في الشوارع في عز البرد وزمهرير الشتاء) .. وأطلقت مبادرة (حضن دافئ) بجنيه واحد فقط من أجل توفير بطانيات وملايات للفقراء والمشردين النائمين في الشوارع ..ودعت مجموعة من زملائها في الجامعة ومن اصدقائها وصديقاتها في (الحيّ) لدعم مشروع بطانية لكل فقير.. او ملاية لكل محتاج .. وفعلا بدأت الحملة وتجاوب معاها (مئات البشر) ، وقاموا بتوزيع الدفعة الأولى أكثر من 150 بطانية وملاية للمشردين واولاد الشوارع والفقراء .. وفي احدى المرات كانت فعالية (التبرع) أمام (مول عفراء) بالخرطوم.. وكان جامعي التبرعات يحملون شعارات الحملة وهي عبارة عن (يافطة) مكتوبة باللغة الانجليزية (warm hug for only 1 Sudanese pound) ..وفي واحدة جات واتبرعت وقامت شالت (اليافطة) وقالت ليهم صوروني معاها.. وتعال شوفوا الفيسبوك وكل مواقع التواصل الاجتماعي والصحف الالكترونية نشرت الصورة وكتبوا تحتها: (حضن بجنيه واحد بس) !!! !!! وهاجموها من كل حدب وصوب وطلعوها (داعرة) ومنحلة ..وقليلة أدب .. ووووو !!!!!!
يعني حقيقة القصه كاآتي :
مجموعة من الشباب والشابات اطلقوا حملة (احتضان وكفالة يتيم) و(اﻻحتضان) (HUG) هنا شئ رمزي (تحضن اليتيم بعطفك وحنانك ومبلغ مالي يساهم في كفالته ) بالتنسيق مع عدد من الجهات الطوعيه الشعبيه الخاصة بكفالة اﻻيتام ومجهولي اﻻبوين .
وتم اطﻻق اسم حضن بجنيه ( والحضن متبوع بضمير غائب حرف الهاء راجع لليتيم *احضنه بجنيه * ) للحمله حتى يكون عنوان جاذب وﻻفت للنظر .
وقام مجموعه من الشباب الهميمين بتصميم اللوحة المكتوبه لجمع التبرعات . # شباب اوﻻد فقط رافعين اللافتات وليس من ضمن رافعات اللوحه بنات أو حتى طفلات صغار!!.
وانتشر الشباب في عفراء مول وبعض المراكز التجارية مع كثافة اعلان على الفيس بوك وتويتر . ووجدت الحملة تجاوب منقطع النظير لدعم المشردين وكفالة اﻻيتام وتوفير البطانيات للمشردين.
اما بخصوص اﻻخت الموجودة في الصوره كل الموضوع انها جاءت للتبرع للحمله وطلبت ان تاخذ (اللوحة) بتاعت (البوستر) لتتصور بها فقط وانتهى اﻻمر بمجرد التقاط الصوره بهاتفها المحمول الخاص .
اتمنى اكون قد افدت .. واوضحت حقيقة الحادثة . و يا عالم ما تتسرعوا وتظلموا الناس وتشوهوا سمعة الناس.. وتكسروا مقاديف العمل الخيري الشبابي وفعل الخير في بلد مكنتح بالهموم مليان غموم ..مستف ألم .. مدفوس وجع !!
ده تصيحيح للحملة بتاعت حضن دافئ..
كما وردتني من احد الاخوان ...والله من وراء القصد

[عمر الرضى]

ردود على عمر الرضى
Saudi Arabia [جركان فاضى] 12-04-2014 10:50 PM
شكرا اخى عمر الرضى...فكما ان هناك أناس سخرهم الله لفعل الخيرات فان هناك انجاس همهم عمل السيئات...والرحمة هى من الطف مايميز اهل الخير...والحمدلله ان البلد فيها الخير من امثالك ومن امثال الاخت سلافة سعد...بعدين كل من يفكر فى عمل الخير ينبغى ان يكون قويا ولايتأسر بأقوال السفهاء...اما صاحب المقطع المزيف للاخت التى اختذت صورة مع الشعارفهناك عقاب دنيوى واخروى لمن يريدون ان تشيع الفاحشة فى الذين امنوا.... والعقاب الربانى راجيه


#1163079 [مدحت الهادي]
0.00/5 (0 صوت)

12-04-2014 07:25 PM
بالله ناس الحكومة على الإطلاق ما يخجلوا وكأن الذي يقال هو كذب ..............ولا تعليق ولا أحد يسأل من البشر العايشة دي ماشة كيف ؟؟؟؟

[مدحت الهادي]

#1163014 [radona]
5.00/5 (1 صوت)

12-04-2014 05:52 PM
ان هذا المركز المتقدم في ممارسة الفساد يبين بوضوح مدى ذكاء النظام الحاكم في السودان والذي استطاع ان يتخفى بجلباب الاسلام ويرفع الشعارات المتنوعة لكي يخفي ممارسته للفساد الممنهج وليس هذا فحسب فالانقاذيون يتحدون الشعب السوداني بانهم الاطهار الانقياء ومن يتجرا ان يكشف شيئا من الفساد عليه ان يتقدا وينبس ببنت شفهليكون مصيره هو مصيره.. فسكت الناس !!

[radona]

#1163005 [محي الدين المسبعاتي]
0.00/5 (0 صوت)

12-04-2014 05:44 PM
ديمه بنسمع بانو فلان (حرامي) راجل يعني ..بس في حكومة السجم قصدي عصابة وليس حكومة نسمع إنو في (حرامية) أو (حراميات) بالمناسبة كترن بنات الحرام ديل.... أمسكها من بدرية... ووداد....وو..لاب ..لاب..لاب

[محي الدين المسبعاتي]

#1162943 [المغبون]
3.25/5 (3 صوت)

12-04-2014 04:53 PM
انا مستغرب الدول التى نقول عليها دول الكفر تأتى فى المراكز الاولى فى النزاهه والشفافية والدوله التى تقول انها صاحبت مشروع حضارى اسلامى تأتى قبل الاخير محرزة 11 نقطة

[المغبون]

ردود على المغبون
Saudi Arabia [حلايب ســــودانية] 12-04-2014 07:08 PM
دي دول ماسونية تعمدت هدم الاسلام من داخله وبمعاوله


#1162832 [المغصة كاتلاني]
5.00/5 (3 صوت)

12-04-2014 03:19 PM
يا شباب الراكوبة يا إما تطلعوا مظاهرات يا إما تخلو التعليقات الماااااا منها فايدة ... الناس تعبت خلاص ولازم يكون في حل جزري للكيزان الكلاب ديل ...
ويااا جماعة الراكوبة صدقوني لو ما نزل دم احمر في الشوارع الناااس ديل ما بنقلعو لازم يكون في دم ولا انتظروا المزيد من الذل والهوان من الطغمة الحاكمة الفاسدة...

ولكم التحية....

[المغصة كاتلاني]

ردود على المغصة كاتلاني
Sudan [WAD ALBASHA] 12-05-2014 01:08 AM
.

Saudi Arabia [رانيا] 12-04-2014 04:35 PM
أحييك عزيزي ده كلام الرجال لكن المظاهرات ما حتجيب نتيجة .. حيتكرر المشهد وحتخمد بسرعة لأنهم ما بيهمهم شعبنا ولو أبادونا كلنا لكن أنا بشوف الإستهداف لشخوص بعينهم ده أفيد وأفضل وأسهل وأسلم وأضمن لنا وللسودان . مافي فايدة لو الناس ماتت والمجرمين السفلة عايشين يرتعوا في الدنيا دي .
تحياتي أخي .


#1162746 [abubaker]
5.00/5 (1 صوت)

12-04-2014 02:11 PM
وكمان عايزين ولاية أخرى

[abubaker]

#1162680 [الجندى]
0.00/5 (0 صوت)

12-04-2014 11:39 AM
الكلام الكتير انتهى، جاء وقت البيان بالعمل، يا اصحاب نداء السودان يجب ان يكون نداؤكم هذا نداء رجال ولا ياتى النظام وينفرد بكم فيما بعد واحدا تلو الاخر ويغريكم بالوعود واشياء اخرى فتتراجعون ويذهب ريحكم ثم تنالون سخط الله والشعب.

عليكم وعلينا جميعا توعية الشعب وتحريضه بكل الوسائل المتاحه، فيس بوك، تويتر، مواقع الكترونيه، منشورات تحريضيه فى الاماكن العامه، فى الجامعات، المدارس والاماكن الشبابيه فالشباب هو الذى يقوم بالتغيير كما حدث فى كل ثوراتنا السابقه. انظروا الى الشباب التونسى والمصرى كيف استفادوا من المواقع الالكترونيه فى اشعال ثوراتهم. طلاب الجامعات هم الطبقه المستنيره التى اشعلت كل الثورات السودانيه السابقه، وعليهم وعلى النقابات السريه وبقية قطاعات الشعب المسحوقه البدء فى العمل منذ اليوم ضد هذا الفرعون الغبى وبطانته الفاسده المفسده. لقد وصل به الطغيان ان يقول كلاما كله كذب وبهتان فى حق المزارعين الغلابه فقد لهف واسرته واخوانه وبطانته النتنه البترول وترك الغلابه جوعى ونسى ان جميع ملته كانوا من الغلابه واعترف بلسانه انه كان يعمل طلبة مبانى ووقع عليه طوبه وكسر سنه . والان بعد ان صار رئيسا بدلا من ان يقف مع الغلابه تنكر لماضيه فافقرهم وجوعهم بل وفى نهايته صار يستفزهم ويشتمهم . يتحدث وكانه متحصل على مؤهل اكثر من ثانوى دون نجاح اى فاقد تربوى صار فى فلتة من الزمان رئيسا للجمهوريه بمساعدة ابن غفير حديقة الحيوانات المجرم على عثمان وتخطيط خايب حنتوب الارعن الزنديق حسن الترابى.

يلا استعدوا ياشعب السودان لقد بلغ السيل الزبى فلا خير فيكم بل وستنالون غضب الله ان لم تفعلوها, فالله لا يغير ما بقوم حتى يغيروا ما بانفسهم . هيا للاضراب السياسى والمظاهرات الليليه فى شتى الاحياء لتشتيت جهود الطغمه الظالمه . لتكن الخطه التوقف عن العمل خاصة اصحاب المواصلات لعدة ايام ، ثم الخروج فى مظاهرات صغيره ومتفرقه ومستمره فى الاحياء ليلا ، والهتاف الداوى ضد لصوص كافورى .. لو شتتوا جهود كلابهم حتشوفوا لو ما ارتبكوا وارتجفوا وبداوا فى تهريب اسرهم ثم اللحاق بهم ، فهم جبناء اكثر مما تتصورون لانهم حراميه وكذلك رئيسهم المطلوب للعداله الدوليه.

لازم الشعب يكون لجان فى الاحياء لتضع خططا لقيادة الجماهير وان تكون اللجان متتاليه، وفى حالة اعتقال احدى اللجان تتسلم اللجنه التاليه مهامها وذلك حتى لا تخمد الاحتجاجات بمجرد اعتقال القاده وذلك ان حدث لان الشعب لا بد ان يقاوم ويعامل بالمثل. المعارضه السياسيه يجب ان تكون فى المقدمه هذه المره كما فعلت المعارضه فى الثورتين السابقتين 1964 و 1985 وكل حزب يتخاذل سوف يتم كشفه وتعريته ووصفه بالخائن للوطن عندما تاتى الانتخابات الحره باذن الله . وعلى رؤساء الاحزاب الذين غادروا البلاد عليهم بالعوده فورا بمجرد انطلاق الثوره والا سيعتبروا متخاذلين ويتم عزلهم شعبيا حتى لا يفوزوا فى اى انتخابات مقبله. اما المعارضه المسلحه فعليهم تقع حماية الثوار . وبدلا من الحرب فى الاحراش عليهم ان ينقلوها لداخل العاصمه ضد الجنجوبد وكلاب الامن الذين يدافعون عن النظام . جرجروا الكلاب الضاله لداخل الاحياء ثم حاصروهم واقبضوا عليهم ثم شدوا وثاقهم ، اما اذا قاوموا فاستعملوا معهم السلاح الذى يفهمونه. فاذا تصديتم لهم مره او مرتين فسيولون الادبار لانهم مرتزقه وليست لهم قضيه يموتون من اجلها.اما بقية القوات النظاميه فبدون شك بل كما اكد الكثير منهم بانهم سيقفون بجانب الشعب كما فعلت القوات النظاميه فى الثورات السابقه، فهم ايضا اصابهم الكثير من الظلم والاهانه والتهميش.

استعدوا للاضراب السياسى والمظاهرات الليليه فى شتى الاحياء لتشتيت جهود الطغمه الظالمه . لتكن الخطه التوقف عن العمل خاصة اصحاب المواصلات لعدة ايام ، ولا عوده للعمل الا بسقوط النظام او هروبهم ، مواصلةالخروج فى مظاهرات صغيره ومتفرقه ومستمره فى الاحياء ليلا ، والهتاف الداوى بسقوطهم حتى ينهاروا ...

جميع الشعب الان ملتف حول قضية الحريه ، وجميع الكيانات متفقه عليها والرافض الوحيد لمنح الحريه هو هذا البغل الاصلع المنتفخ المكرش من مال السحت ، فهو وبطانته يريدون امتصاص عرق ودماء هذا الشعب الى ما لا نهايه حبا فى الحياه وخوفا من الموت ناسيين قوله تعالى : ان الموت الذى تفرون منه فانه ملاقيكم وستردون الى عالم الغيب والشهاده فينبئكم بما كنتم تعملون. صدق الله العظيم

الناس تخلى بالها حتى لا يفلتوا... التركيز على المطارات ومنافذ الحدود مع اثيوبيا ومصر وارتيريا وليبياو تشاد. اما جنوب السودان فالمجارمه لا يتجراؤن بالهروب اليه لانهم يعرفون مصيرهم هناك ... اسمعوا ماذا يقول رئيس كلابهم:
"الجهاز حيكون داعم للحوار الوطني – بس دا ما معناهو أي زول عايز يلم ليهو 10 او 15 نفر ويعمل ليو ندوة ويطلعوا يكوركوا في الشارع ويعملوا فوضى"

متى استعبدتم الناس ايها السفله وقد ولدتهم امهاتهم احرارا؟

قوموا الى ثورتكم يرحمكم الله ويوفقكم.

[الجندى]

#1162665 [المنجلك]
0.00/5 (0 صوت)

12-04-2014 10:21 AM
بالله الصورة العجيبة دي مال الشعب مورم وشها يدخل عليهم بالساحق والبلاء المتلاحق.

[المنجلك]

#1162649 [جاكس]
0.00/5 (0 صوت)

12-04-2014 09:00 AM
قل السودان ضمن ولا تقل بين...

[جاكس]

#1162595 [كاكا]
4.94/5 (5 صوت)

12-04-2014 06:15 AM
مفروض عمر البشير يدو جلده ! ليه السودان ما يجي الاول ؟ الصومال وافغانستان احسن مننا فو شنو؟!

[كاكا]

ردود على كاكا
United States [الحقيقة مرة] 12-04-2014 08:47 AM
حتى في الفشل ما ناجح


#1162589 [الحقيقة مرة]
4.00/5 (2 صوت)

12-04-2014 06:05 AM
القائمة دي كان قلبناها حنطلع التالت !

[الحقيقة مرة]

#1162588 [الحقيقة مرة]
5.00/5 (1 صوت)

12-04-2014 06:04 AM
القائمة دي كان قلبناها حنطلع التالت

[الحقيقة مرة]

#1162587 [ود الركابي]
4.00/5 (3 صوت)

12-04-2014 06:03 AM
اكيد دي مؤامره دولية معقول السنة الفاتت 173 والسنة دي 173 . مفروض نكون السنة دي الطيش ..

[ود الركابي]

#1162565 [الجعلي الصاحي]
5.00/5 (3 صوت)

12-04-2014 05:10 AM
يا وطن كيمان اذية
من فساد الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
كوم رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص و نتشابا على ظهر الغلابة
على كتف التعابة
ونقيف في راسا
وبهتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شب الحريق في كل ناحية
والحروب من كل زاوية
ومن هناك هبت عجاجة
وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مافي حاجة
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
الرطانة
وبي ثقافتنا وغنانا
وننبهر بي انتمانا لي وطن
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
شعب صاحي
شعب راصد
شعب صابر ما هو فاتر
ولو الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد

[الجعلي الصاحي]

#1162535 [alfeel]
3.00/5 (2 صوت)

12-04-2014 04:23 AM
مبروك عليكم هذا الانجاز يا ناس الانقاذ طبعا بكرة حتقولوا ناس منظمة الشفافية ديل شيوعيين وبيحاربوا مشروعنا الحضاري يا تجار الدين بالامس القريب كانوا بيقولوا العندو دليل على اي فساد يقدموا للسلطات اها جاءكم الدليل الآن من منظمة عالمية مستقلة لا تعرف من انتم ومن اين اتيتم يا شذاذ الافاق

[alfeel]

#1162533 [إبراهيم عبد الرحيم إبراهييم]
3.00/5 (3 صوت)

12-04-2014 04:20 AM
وداد بابكر عسل بس

[إبراهيم عبد الرحيم إبراهييم]

ردود على إبراهيم عبد الرحيم إبراهييم
United States [abdelrahman hadi] 12-04-2014 10:36 PM
يا راجل عيب عليك الكلام دا. أنحنا كلنا عندنا زوجات وبنات وأخوات وأمهات ، ودي ما أخلاق سودانيين. مهما إختلفنا مع عمر البشير، مما ممكن نقول كلام ذي دا عن زوجته. خلونا فى حربنا مع الفيل (البشير). وأبعدونا عن عائلته. كلنا عندنا عوائل.

Sudan [الاخو] 12-04-2014 06:44 PM
جاتك دهية ياسقراط


#1162527 [ود البلد]
3.00/5 (3 صوت)

12-04-2014 04:11 AM
هههههه الحكومة تكون فرحانة ما جات الطيش .... نائب الطيش ههههههه بلا يخمكم

[ود البلد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة