الأخبار
أخبار إقليمية
فيديو: سوداني وصل به الحال إلى أن يدعو الصهاينة لاحتلال السودان وابادة نصف السكان
فيديو: سوداني وصل به الحال إلى أن يدعو الصهاينة لاحتلال السودان وابادة نصف السكان


12-05-2014 02:50 AM
يظهر في مقطع فيديو نُشر على يويتوب رجل سوداني في العقد السادس من عمره، وهو يعبر عن سخطه من حكومة الأنقاذ. فقد دعا لاحتلال السودان وحرق نصف السكان.
وقد اختار المتحدث أن يتم الاحتلال بواسطة الصهاينة لأنه يعتقد بأن اليهود أفضل من قادة البلاد الحاليين الذين يستحقون - حسب المتحدث - سوى الذبح والسلخ.

.


تعليقات 11 | إهداء 0 | زيارات 11037

التعليقات
#1164163 [Salah El hassan]
1.00/5 (1 صوت)

12-06-2014 04:23 PM
معك الف حق يا حاج لقد وصل الى مرحلة من القرف و الضيق بهذا النظام و بل بكل الأنظمة السودانية التى توالت على حكم السودان لأكثر من نصف قرن و لم نرى منها سوى الفشل و الاخفاق .!!! فقد مات الأباء والاجداد منذ استقلال السودان ونحن كل يوم من سوء الى الأسوأ ...فليذهب هذا النظام و كل احزابنا الى الجحيم .....

[Salah El hassan]

#1163655 [الغاضبة]
2.25/5 (5 صوت)

12-05-2014 05:58 PM
أها بعد كدا منتظرين شنو، حرام علينا الصمت حيال ما يحدث .... لقد فاض بأهلنا الكيل .... ماذا ننتظر، ايها العمال... أيها المثقفين هلا تركتم التنظير لحظة وفكرتم معنا في حل لهذه الازمة، أيها النساء والشباب والطلاب ... دعونا نمد أيدينا لانقاذ ما يمكن انقاذه في وطننا ....

[الغاضبة]

#1163607 [مقترح لعصيان مدني (للنقاش)]
3.00/5 (5 صوت)

12-05-2014 03:54 PM
المقترح هو (عصيان مدني شااااااااامل) يبدأ بالقطاع الخاص، كل صاحب متجر و محل و حرفه و اي مهنه غير حكوميه يضرب عن العمل لمدة اسبوع او اثنين بهدف خلق فجوه اقتصاديه و تعطيل حركة السوق و بالتالي ارباك الحكومه و اصابتها بالشلل. من المهن الحرجه ذات الأثر السريع في انجاز العصيان عندكم قطاع المواصلات الداخليه و السفريه، تجار المواد الغذائيه من جمله و قطاعي في الاسواق و الاحياء (الكناتين و البقالات، الخدرجيه الجزارين) و ديل ياريت يضربو بعد ما الناس تشتري المخزون الغذائي اللي حنذكرو لاحقا. اضف لذلك اصحاب المحال التجاريه (الملابس، المغالق، الصياغ، الخ) ديل طبعا مفروض اول ناس يبدو بالاضراب عن العمل لأن المهن بتاعتهم غير حرجه لذلك مفروض يتكلو من بدري و هم ما اقل اهميه لانهم كتيرين و موزعين في جميع الاتجاهات و غيابهم حيدي العصيان صوره اقوي و اوضح.
الهدف من البدايه بالقطاع الخاص هو عدم التزامهم للحكومه باي قيد و هم لحد بعيد احرار في العمل او التوقف عنه مقارنه بالقطاع الحكومي. بعد دخول القطاع الخاص في العصيان بايام قليله حتظهر آثارو علي سير الدوله و بصوره تلقائيه حيدخل القطاع الحكومي في العصيان و يصبح شامل و يشل الدوله و يعطل كل آليات الحكم و ما يفضل للكيزان خيار غير يتكلو علي الله.
التجهيزات اللوجستيه:
قضاء اسبوعين او اكثر في البيوت بدون حركه و انتاج حيخلق حاله استهلاكيه بحته وسط المواطنين، عشان كده اقترح العمل مبكرا علي تخزين مستوي ادني من المواد الغذائيه (خصوصا الجافه) و الماء و بقية المستهلكات اليوميه بما يكفي لاسبوعين او اكتر.
التكاليف الاقتصاديه:
كتير من الاسر في الاحياء ممكن ما يكون عندها حق الفطور ناهيك عن مخزون غذائي لقريب شهر. اقترح انو الناس في الاحياء تنسق و الناس الحالها ميسور تشايل الحموله مع المعدمين و الناس كلها تتكافل بنفس مبدأ (الضرا) بتاع رمضان. و الفقر ما مفروض يكون سبب لادانة الفكره لأننا في الحالتين جيعانين و الشعب كلو جيعان و لو جاع زياده ما فارقه معاهو احسن يجوع جوعه واحده تودي الطير ديل في ستين الف داهيه.
من الاساليب المجديه لتخفيف التكاليف الناس تحاول تركز علي الاغذيه المالئه الغير مكلفه و ذات نسب الياف عاليه تجنبا لامراض البطن في ظل حالة العصيان. ضروري جدا جدا الناس تقلل الحركه اثناء الفترة دي و كل ما قلت الحركه قلت حوجة الجسم للطاقه بالتالي الغذاء المستهلك.
الجدوي من هذا النوع من العصيان:
اولا:
الناس تعبانه و هلكانه و بصراحه دخلها خوف بسبب شراسة و دموية النظام من اول ما استلم البلد، و كل زول بقي شغال بسياسة الخواف ربي عيالو، و لا يلام احد.
تانيا:
النماذج الثوريه المعاصره في الدول العربيه اثبتت وجود مصالح كتيره جدا بتختلط مع الثوره و تفسد اهدافها الأوليه. عشان كده المواجهه المباشره حتجيب خساير غير محدوده في الارواح و تختلط اهدافنا بالانتقام و الغضب الغير موجه و ناس تقوم تتحالف مع قوي خارجيه و اكيد في مواهيم حيضربو لناس داعش ههههههه و بقية الصور النمطيه لفشل الثورات في الدول العربيه. لذلك العصيان المدني المقترح بالصوره دي حيمنع او في اسوأ الفروض حيقلل من درجة المواجهه المباشره مع مليشيات الكيزان و بالتالي تقل الخسائر في الارواح (الفيروس المدمر لثورات الربيع).
تالتا:
السودان ليهو خصوصيه اثنيه لا ينكرها احد، و الجبهه القوميه الاسلاميه اشتغلت في المجال ده و بدعت لدرجة انو بقينا نشوف صور في الفيس لقبايل تمثل بجثث اولاد عمومتهم. القبليه اتفشت و حصلت تصدعات في البنيه السكانيه. بالتالي السودان لا يملك مقومات صلبه لتأسيس ثوره ناجحه و ده ما انكار لاكتوبر و ابريل انما اعتبارا لسياسات التفريق و التشتيت اللي عملوها الكيزان في فترة حكمهم. زمان ما كان في قبليات و حساسيات و الانسان السوداني لا زال قادر علي صنع الثورات انما الاجواء مشحونه و ممكن تحيد بالثوره عن مسارها. عندك ليبيا و اليمن و سوريا امثلة ثورات فاشله رغم انو نظامهم القبلي ما معقد زي العندنا في السودان، فما بالكم لو حصلت ثوراتهم دي في السودان في ظل الشحن القبلي؟؟؟ كارثــه اكيد!
رابعا:
من اهم الاشياء انو نتيجة العصيان حتكون ملك حصري للشعب بمجهودو الخاص و مافي زول حيكون عندو عين يركب الثوره او يدعي ملكيتها ولا يجي يفرض نفسو لأنو من اسرة عريقه ولا حزب عتيق، خلاص الحنك ده بقي ما بياكل معانا، و الشعب حيكون خلق حدود واضحه لدور المعارضه في الثوره عشان ما تتكرر نفس الاخطاء.
خامسا:
تمن اي مواجهه مباشره مع النظام حتكون خسائرها فادحه جدا جدا، لسبب بسيط انو السودانيين ما عندهم جيش ينحاز ليهم. الجيش البنحاز للشعب كلو نزل الصالح العام او اترفد. الشايفنهم ديل كلهم عبدة النظام و مرتزقه متخصصه في القتل مقابل المال و لكم في الدعم السريع اكبر دليل بقيادة تاجر الحرب القذر سيء السمعه حميدتي.
اذا نحنا ما عندنا جيش و لو نزلنا الشارع و قفلنا عليهو حنكون قافلين علي كرت ميت و الكلاب الشايفنهم لابسين الميري ديل و الله ما فارق معاهم يصفو الشعب السوداني كلو طالما العداد رامي، و الما مصدق يراجع احداث سبتمبر.
القياده و تحديدها:
اي مقترح يبرز للسطح لتغيير اي نظام سياسي لا يمكن ان ينجح بدون قياده قويه و مؤثره و في نفس الوكت درجة الاتصال لا بد تكون عاليه جدا مع الجمهور بحيث انو لو القياده وصلت لأي قرار يصل للناس باسرع فرصه. مسألة التواصل مع الجمهور ما اظنها مشكله في وجود الانترنت و شبكات التواصل الاجتماعي، لكن مسألة تحديد القيادات فيها صعوبه لأنو الفكره لا زالت في طور البدايه، و عشان ما نتحصل علي قاده ناجحين لادارة العصيان لا بد ان نتخذ نقطة انطلاق مصحوبه بتنوير اعلامي و عرضها علي اكبر عدد من الناس في السودان (الفيسبوك، الفضائيات.. الخ). ضربة البدايه الاعلاميه حتدي المشروع دفعه قويه بعد داك كل شي حيكون ساهل بعد ما القيادات تتفق علي ساعة الصفر لبداية العصيان لكن علي شرط القيادات تكون محدده و متفانيه في الاداء و يتم جمعهم علي ميثاق شرف بتسليم نتيجة العصيان ايا كانت للشعب و الاتفاق علي ان الشعب هو المالك الحصري لهذا المشروع.
شرعية الفكره مفروض تكون مستمده من نبض الشارع و تجمعات المواطنين في الميادين اللي لازم تكون اصواتهم مسموعه و كل قرار منذ بداية العصيان مفروض الناس تصلو عبر الديمقراطيه و التصويت علي الهواء و كده الناس حتكون اتبنت الديمقراطيه من الصفر عشان تكون في النهايه ممارسه طبيعيه في مرحلة اعادة بناء الدوله.
عموما ما عايز استرسل في التفاصيل و استقراء المستقبل لأنو العلم عند الله، لكن نمد حبل افكارنا قدر النيه، و النيه خلاص الشعب و البلد قبل ما ندخل في دوامة الانقسام الكبري.
انها دعوه من اجل الوطن، فكره في طور التكوين، قابله للتلقيح و التطعيم بكل ما من شأنه ان يحول دون السودان و الهاويه. يلا يا اخوانا ورونا رايكم و خلونا نعمل منتدي لنقاش الفكره دي او اي فكره تاني ما مهم ايه المهم كفايه رقاد و اتكاليه و استسلام.

[مقترح لعصيان مدني (للنقاش)]

#1163465 [عبدالخالق]
2.75/5 (4 صوت)

12-05-2014 06:11 AM
هذا الرجل اخرج مافي مكنونات قلبه ياهاني المساله ما مسالت يعيش اين ولا اين المساله مسالت هذا العم حصل مرحله من الياس ما انزل الله بها من سلطان اماانتم تقولون السودان ملك مين منذ جاء هولا الي السلطه في ليلا بهيم احتفظ بتعليقك في داخلك

[عبدالخالق]

#1163466 [njmaldyn]
3.00/5 (2 صوت)

12-05-2014 06:11 AM
الظلم ظاهر على الدارفوريون

[njmaldyn]

ردود على njmaldyn
Saudi Arabia [سعد] 12-05-2014 08:21 AM
اكتر ناس مرطبين كل واحد عامل ليهو حركة و منتظر وزارة وحكومة السجم كلها من دارفور


#1163458 [بلد الحديد والنار]
5.00/5 (1 صوت)

12-05-2014 05:51 AM
ادعى انو الله يخلصنا منهم ومن عمايلهم الفاسدين تجار الدين

[بلد الحديد والنار]

#1163454 [ملتوف يزيل الكيزان]
5.00/5 (2 صوت)

12-05-2014 05:37 AM
قبل وصول الصهاينة ، سترى و تسمع بداية قصصقت اجنحتهم داخل العاصمة بالرصاص.

[ملتوف يزيل الكيزان]

#1163447 [فكري]
5.00/5 (1 صوت)

12-05-2014 05:17 AM
والله يا حاج الصورك دا هاوي مشاهدات علي اليوتيوب هو التنظيم العالمي للأخوان المسلمين ما يهودي والبحصل في السودان الآن والبسببوا قلت كلامك دا ما بعلم وتعليمات الماسونية اليهودية " والنصف البطالب بحرقوا حدث لأبرياء منذ زمن كنت وين إنت ؟؟

[فكري]

#1163423 [ذات المأكمــة]
5.00/5 (1 صوت)

12-05-2014 04:31 AM
في العام 2012 إنتشرت إشاعة إختباريه من الغرب تقول بان نهاية العالم ستكون يوم 21/12/2012 وسرت في كل العالم موجة من الترقب.
المدهش أن عمنا هذا يعتقد بأن القيامة لم تقم بعد..
ولا يدري بأن الصهاينة يحكموننا منذ أكثر من ربع قرن..
والمدهش أيضا أن لا أحد في السودان أو من خارج السودان يستجيب..
فهم كما يقولون " راجين الله ".
والغريب في فقاعة نخاية العالم وقيام القيامة ، فقد ثبت من الاستطلاعات ان لا أحد في السودان بصدق بأن القيامة ممكن أن تقوم لا 2012 ولا غيره..
؟؟ الحاصل شنو..؟؟

[ذات المأكمــة]

#1163397 [الحقيقة مرة]
3.66/5 (8 صوت)

12-05-2014 03:55 AM
بنو كوز شابكننا ليك صهيونية بهيونية وهم لقيناهم اردى من مشى على كرعين على الاقل الصهاينة الملاعين ديل ما بعذبوا شعبهم اليهودي وكمان بقصفو لينا مصانع السلاح حقت بنو كوز البحاربو بيها الشعب وكان ما غزة والقدس كان قلنا الصهاينة ديل احسن ناس اهع هع لكن لا نقول الا اللهم اضرب الظالمين بالظالمين واخرجنا من بينهم كحبة القمح من الطين

[الحقيقة مرة]

#1163385 [Hani]
1.13/5 (6 صوت)

12-05-2014 03:40 AM
لم أسمع المقطع ولكن هذا الشخص عليه بالذهاب لليهود لكي بعيش بينهم ويترك السودان لأهله

[Hani]

ردود على Hani
Belgium [ابن الهامش] 12-05-2014 06:04 AM
من هم اهل السودان يا هاني ؟؟؟ و هل اذا كان للسودان اهل كان خلوهو وصل المرحلة دي ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة