الأخبار
أخبار إقليمية
صدقي كبلو : تربية الحزب الشيوعي للمزارعين بالجزيرة تهمة لا تردُّ إنكاراً
صدقي كبلو : تربية الحزب الشيوعي للمزارعين بالجزيرة تهمة لا تردُّ إنكاراً
صدقي كبلو : تربية الحزب الشيوعي للمزارعين بالجزيرة تهمة لا تردُّ إنكاراً


12-05-2014 05:17 AM

الميدان: عادل كلر

إنتقد الخبير الإقتصادي وعضو اللجنة المركزية بالحزب الشيوعي د. صدقي كبلو تصريحات المشير البشير الأخيرة حول مشروع الجزيرة والتي نعت فيها مزارعي المشروع بأنهم “ترباية شيوعيين”، وقال كبلو: (هي تهمة لا يردُّها الحزب الشيوعي إنكاراً ولكنه شرفٌ لا يدعيه) مضيفاً بأن كل ما فعله الشيوعيين هو مساعدة مزارعي المشروع في تنظيم أنفسهم وتكوين إتحاد مزارعي الجزيرة، وفنَّد الإدعاء بأن المشروع فاشل منذ الستينيات بأنه “قول غير صحيح من الناحية التاريخية المحضة”، مردفاً بأن المشروع بدأ تدهوره في السبعينيات بسبب العجز في آليات الري، رغم محاولات مهندسي هيئة الري والوزارة، والتي مثلت أزمة حقيقية للمشروع، إذ أصبح الري أزمة هيكلية نتجت بسبب التوسع الأفقي بزيادة مشروع المناقل دون وضع إحتياطي ري وبسبب عدم شق قنوات جديدة بعد قيام الروصيرص، وقال: “ومع ذلك لم تؤثر هذه المعضلة في مقدرة المزارعين على الإنتاج” حيث ظلَّت الحكومات المتعاقبة تنظر للمشروع كمورد للنقد الأجنبي بالميزانية، دون أن تعمل على تحديثه و”مكننته”، بل إتخذت قراراً في منتصف الستينات بتكثيف الزارعة بالجزيرة وأدخلت محاصيل جديدة كالقمح والفول بدون إدخالها في نظام الشراكة، وأشار إلى أن (42%) من دخل المشروع كان يرجع إلى خزانة الحكومة من الدخل الصافي بعد خضم الحساب المشترك، وقال بأن الطامة الكبرى التي شهدها المشروع كانت إدخال الحساب الفردي بناءاً على توصية البنك الدولي، حيث لم تكن الحكومة تقدم سلفيات للمزارعين بل كانت إدارة مشروع الجزيرة تقوم بتمويل كافة العمليات الزراعية وتقوم بخصم كلفتها قبل دفع نصيب المزارع. وأوضح كبلو أن المشروع كان يضم (2) مليون مزارع و(2) مليون عامل زراعي وآلاف الموظفين والعمال.

الميدان


تعليقات 6 | إهداء 0 | زيارات 1853

التعليقات
#1164491 [على]
0.00/5 (0 صوت)

12-07-2014 03:32 AM
كل المعارضين القدامى من احزاب الطائفية كانوا بيشهدوا بنزاهة الشيوعين وكانوا هم عصب الخدمة المدنية التى كان الانجليز ينصحوا بها الدول الاخرى للتعلم من السودان وعندما جاء نميرى وبداء مايسميه بتطهير الخدمة المدنية وتشريد الشيوعيين منها انهارت الخدمة المدنية وبالتالى انهار السودان فهذه هى قليل من المعرفة التى ذكرها الشهيد عبد الخالق

[على]

#1163783 [خالد حسن]
5.00/5 (1 صوت)

12-05-2014 11:51 PM
بلد فيها ناس زي صدقي كبلو ويقدل فيها الورل ناس ظعيط ومعيط .. علي محمود وماعارف الوزير الجديد بتاع الماليه اسمه منو
ناس ماعندهم اي اسهامات لافكريه ولاعلميه عشان يقدموا للبلد حاجه ..
فعلا اذا كان رأس الدوله حمار علي راسه علم وزراءه حايكونوا منو غير زعيط ومعيط
وعاش نضال الحزب الشيوعي مربي الاجيال معلم الشعب الوطنيه وحب الوطن

[خالد حسن]

#1163699 [احمد ابو القاسم]
0.00/5 (0 صوت)

12-05-2014 07:48 PM
في زول يقدر يطلع لي شيوعي سوداني كذاب او رقاص او حرامي او مدعي ؟

في زول يقدر يطلع لي شيوعي سوداني عندو عماره والا فيلا والا جتى بيت فخم عمارات وفيلل وقصور الكيزان؟

في زول يقدر يطلع لي شيوعي سوداني عندو برادو والا كورولا والا كامرى والا اى عربيه باهظة الثمن وفخمه
كعربات الكيزان الماليها عدد.؟

في زول يقدر يطلع لى شيوعي سودانى معرس اربع نسوان سمحات دى تضرب دى بالسماحه؟

في زول في السودان يقدر يطلع لي شيوعي سوداني تحرش او اغتصب اى انثى من جرائر البلد او اغتصب طفلا او
طفله من اطفال وزهور البلد او في زول في السودان يقدر يطلع لي شيوعي لوطى؟ لا والف لا فكل الشواذ والمنحرفين والمثليين واللوايطه ومغتصبي الاطفال والحرائر من الاسلامويين والسلفيين الأشد والانكي من اخوان
الشواطين اولاد الابالسه شذوذاوانحرافا ولواطه .!!!

في زول يقدر يطلع لي شيوعي سوداني أختلس او سرق أو نهب اموال الدوله وأراضيها ؟

في زول يقدر يطلع لي شيوعي سوداني جاهل وغير مثقف وحمار وحيوان ؟

في زول يقدر يطلع لي شيوعي سوداني عميل فرط في تراب البلد .؟

في زول يقدر يطلع لي شيوعي سوداني بات شبعان وجاره جوعان .؟

هم أشرف وأعظم أبناء وبناتك ياوطنى ....

[احمد ابو القاسم]

ردود على احمد ابو القاسم
Sudan [omer] 12-06-2014 03:03 AM
لم يرد عليك احد لانه اسلوبك وكلامك كعب وشين .....


#1163681 [حسن النور]
0.00/5 (0 صوت)

12-05-2014 07:24 PM
يادكتور....هي قول لانقبله كتهمة ..انها حقيقة....لن نقبل اتهام البشير لقد اهدرت الدكتوتاريات العسكرية مشروع الجزيرة كثروة قومية .
نتوقع منك دراسة اقتصادية عن المشروع توضح كذب ادعاء القاتل وشكرا

[حسن النور]

#1163616 [Quickly]
3.00/5 (4 صوت)

12-05-2014 04:17 PM
وقال كبلو: (هي تهمة لا يردُّها الحزب الشيوعي إنكاراً ولكنه شرفٌ لا يدعيه) مضيفاً بأن كل ما فعله الشيوعيين هو مساعدة مزارعي المشروع في تنظيم أنفسهم وتكوين إتحاد مزارعي الجزيرة،
فعلاّ هو وسام على صدر الحزب الشيوعي
لا انتمي للحزب الشيوعي ولكن الحق يقال هو الحزب الوحيد الذي تمتع ويتمتع الى الآن بقدرة تنظمية عالية وهو الاعرق بين الاحزاب غير الطائفية ولهم الفضل في نجاح مشروع عملاق كمشروع الجزيرة وسكك حديد السودان الكيزان طبعاّ حاولوا يتعلموا منه ولكنهم لم ينجحوا والسبب ان منسوبي الحزب الشيوعية من القيادات و حتى القاعدة هم من العباقرة المتفوقين والمثقفين المتميزين وذوي الحنكة والتجربة بينما منسوبي الاسلاميين من القيادة والى القاعدة هم الحمقى الفاشلين والفاقد التربوي الاخلاقي ,,,, والحرامية

[Quickly]

#1163500 [حسن جادالله]
2.88/5 (5 صوت)

12-05-2014 10:32 AM
أها ياعميد الجيش السابق عمر حسن احمد البشير .. نعم هذا هو التايتل بتاعك .. عميد منفلت .. صفا .. انتباه .. الى اليمين دور .. ثابت :
عاوز اسألك سؤال : وين قريت اقتصاد ؟؟؟ عسكرى ثابت .. ولا حركة .. السصؤال تانى : الشهادة ثانوية ثم الكلية الحربيه.. ورئيس جمهوريةومشير بالسطو المسلح .. العرفك شنو بالاقتصاد ياحمار ..
واترك المايكرفون للاقتصادى الضليع صدقى كبلو ليقول ليقول لك ما يقول فى اقتصاديات مشروع الجزيره .. اما الحمار عميد الجيش المنفلت عليه ان يجلس امامه ليستمع وبأدب واكيد سوف ينتفع اذا اصفى بأدب وبطل الحيونه بتاعتو دى ..

[حسن جادالله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة