الأخبار
أخبار إقليمية
رئيس لجنة الحسبة بببرلمان البشير : منظمة الشفافية العالمية ساسية وليست احترافية
رئيس لجنة الحسبة بببرلمان البشير : منظمة الشفافية العالمية ساسية وليست احترافية
رئيس لجنة الحسبة بببرلمان البشير : منظمة الشفافية العالمية ساسية وليست احترافية


أنجزنا مشروعات بالمليارات من الدولارات بدون "أن نسمع أن هنالك مجرد شبهة أو تهمة فساد"
12-08-2014 04:49 PM
البرلمان: سارة تاج السر
برأ رئيس لجنة الحسبة والمظالم بالبرلمان الهادي محمد علي السودان من تهم الفساد المنسوبة له من قبل منظمة الشفافية العالمية وقال إنه أنجز مشروعات ضخمة بعشرات المليارات من الدولارات بدون "أن نسمع أن هنالك مجرد شبهة أو تهمة فساد" وشن هجوماً قاسياً على منظمة الشفافية العالمية، التي صنفت السودان في ذيل قائمة الدول الأكثر فساداً، واتهم المنظمة بأنها تعمل على أساس سياسي وليس احترافياً، وقال إن المنظمة لا تخرج عن منظومة المنظمات الغربية التي تستهدف البلاد.
وأكد أن السودان من الدول القلائل التي لها مؤسسات مقتدرة في مجال المحاسبة المالية فضلاً عن أنه من الدول القليلة في الإقليم التي تراجع حساباتها عاماً تلو الآخر، ويقدم فيها المراجع العام القومي المستقل تقريراً مفصلاً عن أداء الدولة ومؤسساتها على الهواء مباشرة وأمام الصحافة.
وأبدى الهادي استغرابه من تقدم بعض الدول الإقليمية في تقرير منظمة الشفافية على السودان، وأكد أن منظمة الشفافية "المشبوهة" على حد وصفه تأخذ معلوماتها إما من دول معادية أو منظمات مجتمع مدني لها توجهات لا تتفق مع رؤية البلاد، وطالب باتخاذ بعض الإجراءات لعكس الصورة الحقيقة عن السودان، منها إجازة قانون حرية المعلومات الذي يتيح لكل مواطن الاطلاع على الإجراءات الحكومية المتبعة والتأكد من صحتها ومطابقتها للقوانين السارية.

الجريدة


تعليقات 26 | إهداء 0 | زيارات 2847

التعليقات
#1166442 [الشحمان مغسة]
5.00/5 (1 صوت)

12-09-2014 08:00 PM
كدي واحدة واحدة :
أنجزنا : كأنه من مالك الخاص ووينها هي زاتها مشاريعك الناجحة دي.
رئيس الحسبة والمظالم : يعني في مظالم يبقى في فساد يا ود امك.
دون ان نسمع ان هناك شبهة فساد : ياخي ياخي سيدنا عمر قبل كده عزل والي عشان الناس ما تمل منو تقول لي شبهة فساد انو الفساد زاتو بقى يفز جري منكم ومن عمايلكم.
وشن هجوماً قاسياً على .... الخ ... كتر خير المنظمة الصنفتك قبل الاخير ولا الطيش زاتو لانكم فارقتو الدرب من زمان زمن خلوها مستورة وترعتي كنانة والرهد وحرامية سندس وغيرو وغيرو كتيييير.
وأكد أن السودان من الدول القلائل التي لها مؤسسات مقتدرة في مجال المحاسبة: دي جبت ضقلها يتلولح وكشفت عن انك بتكذب كذب خرافي زي الوجع الخرافي كده واظنك انت زاتك ما مصدق الكضبة دي يا اما انت كمان في غيبوبة ليك 26 سنة.
الهادي استغرابه من تقدم بعض الدول الإقليمية في تقرير منظمةالشفافية..الخ : دي خرمجة ما كان يجب ان تسود بها الصحيفة لكن وضح السيطرة التامة لاجهزتكم الامنية على كامل الصحف لتصبح اشبه بونسة نسوان الحلة في نقل شمارات الصباح ودي يمكن يكون فيها فايدة اكتر على الأقل بتوريك المات منو والحي منو؟
عوقة ناقص الريالة

[الشحمان مغسة]

#1166175 [ود الركابي]
0.00/5 (0 صوت)

12-09-2014 01:56 PM
الهادي ده كمان طلع لينا من وين . كان في سبات شتوي ولاشنو . والعمارات الطلعت لينا زي النبت الشيطاني في الخرطوم . بتاعة مين . اسئل ليك اي واحد من كبار الحرامية بتاعين الانقاذ وتحت القسم بأن ثروته كلها حلال وبعرق جبينه . اذا حلف بنصدقك . لص صغير وكمان غبي ..

[ود الركابي]

#1166167 [مسطول]
0.00/5 (0 صوت)

12-09-2014 01:50 PM
بدون "أن نسمع أن هنالك مجرد شبهة أو تهمة فساد"

[مسطول]

#1166043 [murtada eltom]
1.00/5 (1 صوت)

12-09-2014 03:36 AM
l do swear to Allah ,,that this man is so ignorant and simple layman ...my respect to the laymen..just Bring a school boy of six years old and ask him about the corruption of this KAIZAN regime,,he will feed you back better than your dam vague PARlIMANT

[murtada eltom]

#1165987 [abushihab]
1.00/5 (1 صوت)

12-09-2014 01:16 AM
أتحداك أن تجيز قانون حرية المعلومات وتطبقه يا عبد الهادي.

[abushihab]

#1165929 [دولار]
2.00/5 (2 صوت)

12-08-2014 11:42 PM
المشكلة يا كيزان انتم تقيمون نفسكم بنفسكم يعني حتى حكاية اخوان مسلمين دي زاتها ..زكتوا فيها انفسكم بأنفسكم على اي اساس انتم اخوان مسلمين ؟؟ وهل طبقتم الاسلام في انفسكم ؟؟
ياخ اسلامكم دة زي اسلام البنغالة اسم سااااااااااااكت لكن عمل بتعاليم الاسلام .. نهي جايونقي ..

[دولار]

#1165855 [Atef]
3.00/5 (3 صوت)

12-08-2014 09:40 PM
لو نظرت في المراية ممكن تعرف الكلام ده بجيبوه من وين...والمصيبة ألاكبر لو ماعرفت ...

[Atef]

#1165791 [جزيرابي متخلف]
2.50/5 (3 صوت)

12-08-2014 08:09 PM
ان شاء الله ما تسمع بالوالي ولا بي اخوان البشير ولا بي الفاسدين
اسال المراجع العام يا ظلنطح

[جزيرابي متخلف]

#1165780 [AburishA]
1.00/5 (1 صوت)

12-08-2014 08:02 PM
تقرير المرجع العام كل سنة بختوا ليكم في تربيزتكم "مليان قل" لدرحة انه اكتر من سبعين وزارة ومؤسسة وجهة حكومية طردت المراجع العام وقالت ما عندها حسابات بتتراجع.. المراجع العام شكى لطوب الارض.. آها عملتوا شنو !!! قال رئيس لجنة الحسبة والمظالم..انت زاتك الظلم نفسه !!!

[AburishA]

#1165752 [الغريب عن وطنو]
2.50/5 (3 صوت)

12-08-2014 07:37 PM
(وإذا قيل لهم لا تفسدوا في الأرض قالوا إنما نحن مصلحون ** ألا إنهم هم المفسدون ولكن لا يشعرون ** وإذا قيل لهم آمنوا كما آمن الناس قالوا أنؤمن كما آمن السفهاء ألا إنهم هم السفهاء ولكن لا يعلمون ** في قلوبهم مرض فزادهم الله مرضاً ولهم عذاب اليم بما كانوا يكذبون) .

[الغريب عن وطنو]

#1165731 [ود احمد]
3.00/5 (2 صوت)

12-08-2014 07:01 PM
(الذين طغوا في البلاد فاكثروا فيها الفساد فصب عليهم ربك صوت عذاب ان ربك لبالمرصاد)
حقيقة كلما اقرا هذه الاية اتذكر الانجاس وما فعلوه بالشعب لقد افسدوا كل شيء لقد ظهر فسادهم في البر والبحر والهواء

[ود احمد]

#1165727 [Alrakoba tv]
2.38/5 (4 صوت)

12-08-2014 06:57 PM
"وأبدى الهادي"
أنا زاتى مستغرب من الكلام ده!!!
منظمة الشفافيه دى بتجيب الكلام ده من وين؟
مش عارفه إنو خط هيثرو تابع لى جمهورية الدومنيك, وإنو غسان مدير مكتب المستشاره الألمانيه أنجيلا ميركل وإنو شركة الأقطان تابعه لثوب الدفه , وإنو مشروع مطار الخرطوم الجديد ده إسم على إسم ساكت هو أصلا مشروع فى النرويج لاكن الحكومه النروجيه سمتو كده تيمناً بمطار الخرطوم الحضارى .
ولا ما عارفين إنوالسفينه بتاعت حاويات المخدرات رست فى بورسودان عشان تتزود بالوقود ومن ثم تكمل رحلتها إلى كوكب بلوتو .
ماليهم حق ناس الشفافيه ديل كان فى الأول يتحققو ما يتهمو السودان جزافاً ويقعو فى الأثم والضلال ولا يكونو ضحية للتقارير المغرضة التى تستهدف السودان وشعبه وعرضه وشرفه وترابه , الترابه فى خشمكم ده كان السودان فيه فساد.


إنتو يا ناس البرطمان ديل بس أصبرو لينا شهر بالكتير , موعدنا معاكم بداية البث فى قناة سودان الغد . خلاص بس على الFinishing

[Alrakoba tv]

#1165724 [حضرس]
1.00/5 (1 صوت)

12-08-2014 06:55 PM
والله الواحد لما يسمع كﻻم زي دا بطنو تطم ويقرب يستفرغ .. دا شنو دا ياخ المرض دا

[حضرس]

#1165723 [نيض التعب]
3.00/5 (2 صوت)

12-08-2014 06:54 PM
يا أهبل .. رئيسك السفاح والحرامي الكبير كوّن نفوضية للفساد وبعد شوية حلاّها عندما وصل رأس السوط لأشقائه وزوجته أرملة الهالك .. ثم أن برلمانك نفسه ما زال يُطال بمثول وزير المالية بخصوص فساد بنك الثروة الحيوان ورئيس مجلس إدارته جمال الوالي (الفاسد الأكبر) .. وخليك من حكاية عمالة وإستهداف منظمة الشفافية العالمية ، دايرين رأيك في التقارير السنوية التي تصدر سنوياُ من ديوان مراجعكم العام حول السرقات المليارية والتي تذهب أدراج (الفاسدين) .. وأيضاً عليك أن تحدثنا عنالأموال (المُجنّبة) والتي لا تدخل وزارة المالية ولا نريدك أن ترهق نفسك في البحث عنها فقط عليك بالمساءلة والمُلاحقة عن الموال التي جنّبها أبوريالة عبدالرحيم منذ أن كان وزيراً للداخلية والذي دخل في (إستراحة محارب) بعد فساده وفساد نسيبه في عمارة جامعة الرباط ، كما عليك البحث في أموال وزارة الدفاع التي عاد إليها بقرار من الرقّاص مترقياً من رتبة لواء لقريق بتوصية من والدة السفاح الحاجة هدية التي أحبّت وزير الدفاع بالنظر من خلال ثيرمس شاي اللبن و(جردل اللقيمات أو الزلابية)!! .. يا الأهطل الأهبل يا اللي إسمك الهخادي اللي يهدّك ويهِدْ حكومتك الفاسدة زي ما هدّيتو حيلنا طوال 26 سنة!!.

[نيض التعب]

#1165696 [radona]
3.00/5 (2 صوت)

12-08-2014 06:36 PM
صدقتم
الشعب جاهل لا يفرق بين العمولة والرشوة
ومابين التمكين والخدمة المدنية
ومابين الاسلام والعلمانية
سيبكم من الشعب وامضوا في تنميتكم ابتغاء وجه الله وهي لله
ويحرم مخاطبة عباد الله الصالحين هكذا مجددا
اما شعب جاحد

[radona]

#1165680 [A. Rahman]
3.00/5 (2 صوت)

12-08-2014 06:24 PM
يعني الزمن دا كله ما سمعت انه رئيسك فاسد حرامي و لص، و لا سمعت انه نسوانه فاستدارت و اخوانه فاسدي؟ دا انت ياخي لو كدا ما سمعت اي حاجة. نحن بقى عكسك، سمعنا باختفاء مليارات الدولارات و لم نسمع باي إنجازات.

[A. Rahman]

#1165679 [Abo Obayda]
1.00/5 (1 صوت)

12-08-2014 06:23 PM
دت رئيس لجنة الحسبة والمظالم ـ عايرة و ادوها سوط

[Abo Obayda]

#1165672 [Hamid]
3.00/5 (2 صوت)

12-08-2014 06:21 PM
(وأبدى الهادي استغرابه من تقدم بعض الدول الإقليمية في تقرير منظمة الشفافية على السودان)...
عيز تعرف ليه ...؟
السبب لأنو مافيهم كيزان منافقين ..

[Hamid]

#1165647 [Alrakoba tv]
3.00/5 (2 صوت)

12-08-2014 06:03 PM
"وأبدى الهادي استغرابه"
أنا زاتى مستغرب من الكلام ده!!!
منظمة الشفافيه دى بتجيب الكلام ده من وين؟
مش عارفه إنو خط هيثرو تابع لى جمهورية الدومنيك, وإنو غسان مدير مكتب المستشاره الألمانيه أنجيلا ميركل وإنو شركة الأقطان تابعه لثوب الدفه , وإنو مشروع مطار الخرطوم الجديد ده إسم على إسم ساكت هو أصلا مشروع فى النرويج لاكن الحكومه النروجيه سمتو كده تيمناً بمطار الخرطوم الحضارى .
ولا ما عارفين إنوالسفينه بتاعت حاويات المخدرات رست فى بورسودان عشان تتزود بالوقود ومن ثم تكمل رحلتها إلى كوكب بلوتو .
ماليهم حق ناس الشفافيه ديل كان فى الأول يتحققو ما يتهمو السودان جزافاً ويقعو فى الأثم والضلال ولا يكونو ضحية للتقارير المغرضة التى تستهدف النيل من السودان وشعبه وعرضه وشرفه وترابه , الترابه فى خشمكم ده كان السودان فيه فساد.


إنتو يا ناس البرطمان ديل بس أصبرو لينا شهر بالكتير , موعدنا معاكم بداية البث فى قناة سودان الغد . خلاص بس على الFinishing .

[Alrakoba tv]

#1165640 [القرص المفترس]
3.00/5 (2 صوت)

12-08-2014 05:59 PM
طوالي ولو الموية صبحت طين يقولولك دا من امريكا والعملاء حمونا الشب عيال الكلب
بما انو تقرير المراجع العام طوالي بذكر في الفساد والمال المجنب ومشاكل الاستثمار ودريم في الميدان وسد مروي الماسورة وبيع خط هيثرو والمطار الجديد والمتعافي وتدمير مشروع الجزيرة ومكتب والي الخرطوم وكافوري والاموال الخارج الوطن في سويسرا دا كلو في الجرائد والصحف موجود بعدين اي حاجة ترموها في العدوان الخارجي .
ماهو انتو العدوان الخارجي زاتو غيركم منو لعنكم الله واقتلعكم شعب السودان قريباً ان شاء الله

[القرص المفترس]

#1165639 [التلب]
3.00/5 (2 صوت)

12-08-2014 05:58 PM
واﻻختﻻسات والتجنيبات والمليارات التى ﻻتدخل ميزانية الدوله والتى يقدمها لكم فى مجلسكم هذا وفى كل عام مراجعكم العام هذا ...ماذا تسميها يارئيس الحسبه .. !!
طبعا نحن هنا نستبعد تماما مظاهر الثراء الفاحش والذى ظهر على كل المتنفيذين وبالطبع ( الزول ده زاتو معاهم ) والحكاوى التى يتداولها الناس عن مليارات الوسؤلين وابناء المسؤلين واهليهم..!!
وبالمناسبه دى انت ماسمعت بى قصر على محمود الذى اشتراه من ( الداعيه ) عصام احمد البشير بمبلغ اثنين مليووون دوﻻر...!!
ولﻻ لسع عندكم كضب ما كملتو زى رئيسك القال عندو بيت واحد ومزرعه وشقه وبس .. !! وزي نائبه الذى قال انا مرتبي عشره الف جنيه ﻻغير ..!!
والغريبه قالها فى نفس مجلسكم هذا...!!
الظاهر جابوكم لتقنين و ( تأصيل ) الكذب... قاتلكم الله..

[التلب]

#1165627 [وحيد]
3.00/5 (3 صوت)

12-08-2014 05:51 PM
لو اجاب رئيس لجنة الحسبة عن مصدر اموال مسئولي و متنفذي و منسوبي حزب الحكومة و من اين لهم القصور و الدور و الشركات الضخمة و المؤسسات الضخمة و الفلل في دبي و الفنادق في ماليزيا و الارصدة في بنوك العالم و لماذا يسيطر جماعة الحزب على كل اوجه النشاط الاقتصادي في البلاد... لو سال نفسه هذا السؤال و اجاب عليه لعرف ان كل كلمة في تقرير منظمة الشفافية هي صحيحة مائة بالمائة.

[وحيد]

#1165608 [ود الشريف]
2.88/5 (4 صوت)

12-08-2014 05:32 PM
هههههه حقيقة شر البلية مايضحك الراجل ده عايش وين ياخى الفساد الفي البلد يسمع بيه الاصم ويراه الاعمى اصبح كالهواء هو شنو المافيهو فساد كل مشاريعكم فاشلة وكلها فساد وامسك ليك اكبر مشروع ازعجتونا بيهو سد مروى الماسورة ارجع يا سيادة النائب وشوف المبالغ التى تم صرفها فى الوفود الزائرة للمشروع وشوف حجم الفساد هل تعلم انه ما تم صرفه على هذه الهرطقات يسوى سدين تانى ولا ارجع للخطوط الجوية السودانية ولا الخطوط البحرية ولا السكة حديد ومساحات الاراضى البيعت والموسسات التى تم بيعها من المشترى ومن قبض الثمن ياخى انت موظف وانتهازى كمان

[ود الشريف]

#1165593 [امتي يا امة الامجاد]
3.00/5 (4 صوت)

12-08-2014 05:13 PM
أنت اصلاً موظف و معين علشان ما تسعمع وما تشوف .
الجديد شنو ..

[امتي يا امة الامجاد]

#1165591 [نوم العافية]
2.88/5 (4 صوت)

12-08-2014 05:11 PM
فعلا الاختشوا ماتو.......................

[نوم العافية]

#1165585 [ابن رشد]
3.00/5 (4 صوت)

12-08-2014 05:06 PM
(السودان مستهدف) هي التهمة الجاهزة للكيزان وصحيح مأئة بالمئة ان السودان مستهدف ولكن من قبل الكيزان

[ابن رشد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة