الأخبار
أخبار إقليمية
السودانيين (زعلانين)...والاماراتيين (مصدومين).! (فضيحة) مهرجان الامارات...التفاصيل الكاملة.!
السودانيين (زعلانين)...والاماراتيين (مصدومين).! (فضيحة) مهرجان الامارات...التفاصيل الكاملة.!



12-09-2014 05:45 AM
دبي: تفاؤل العامري
اعلانات مكثفة عبر الصحف والفضائيات وبوسترات ملات شوارع الامارات تعلن عن حفل يضم عدد من نجوم الطرب السوداني علي راسهم الموسيقار محمدالامين وفنان الشباب عصام محمد نور والشقيقان حسين واحمد الصادق وفنان الطنبور عبدالرحيم البركل بالاضافة الي الواعدة شادن، الشئ الذي دفع الاسر السودانية المتواجدة بالامارات تسارع لاقتناء تذاكر الحفل رغم ارتفاع اسعارها لان رغبتهم العارمة في تجمع يلم ابناء الوطن في سقف واحد كانت اكبر من أن يقفوا عند المبلغ.
حادثة مؤسفة:
ضرب ابناء الجالية موعدا للتلاقي يوم الجمعة الماضي امام حديقة الممزر بدبي التي كان من المفترض أن يقام بها كرنفال الفرح السوداني لكن ماحدث لم يكن في الحسبان اذ تفاجا الجميع بخلو الساحة من الفنانين وغياب منظم الحفل وشهدت الحديقة اكبر تجمع اذ احتشدت الجالية داخل باحة الحديقة كل يمني نفسه بقضاء يوم جميل، لنقف امام تجمهر ابناء الجالية الذين بدا الغضب يرتسم علي ملامحهم فجاءت عباراتهم ساخطة والحسرة تبدو عليهم مؤكدين أن ماحدث شئ مؤسف يمس سمعة بلد باكملها.
بلاغات بالجملة:
في البداية تحدثت الينا السيدة مشاعر احمد محمد زين من مدينة العين قائلة :(والله كل همنا كان في المقام الاول أن نجتمع في جو سوداني بعيدا عن مشاغل الحياة اليومية لكن وبكل اسف اتخذلنا وتفاجئنا بما حدث رغم أن آل حاكم كثيراً ما شرعوا في تنظيم حفلات وجدت النجاح والاقبال)، واضافت: (قمنا بحجز تذكرة عائلية بمبلغ 750 درهم منذ فترة حتي نحظي بلقاء ابناء الوطن الواحد لكن للاسف ماحدث سيجعلنا نفقد الثقة في اي عمل مشابه)، ولم تكن اخلاص عبدالرحمن اقل غضب من صديقتها لافتة الي ندمهم واسفهم بان تشوه سمعة السودان بهذه الطريقة.
نشتكي لي منو.؟
اماعثمان عبدالقادر المقيم بدبي فاشار الي انه كان متابع جيد لجميع اعلانات الحفل ومن خلال تلك الاعلانات تحصل علي التذاكر هو وافراد العائلة قائلا: (المتعهد استغفل الجميع بما فيهم القنوات الفضائية التي عملت علي بث الاعلان للحفل قبل شهر من الان لافتا الي انهم سيشرعوا في فتح بلاغ في مواجهة المدعو (ع.ب) حتي ينالوا حقوقهم كاملة، وبلهجة اسفة تسال معتصم محمد قائلا: (نشتكي لي منو ونعمل شنو لاسفارة ممكن تحلنا ولاقنصلية لكن لازم ناخد حقنا واكتفي بذلك).!
سمعتنا انتهت:
(سمعتنا انتهت)...هكذا ابتدر أحمد موسي المقيم بالمنطقة الغربية حديثه لـ(السوداني) قائلاً: (نحن فقدنا الثقة في كل زول واكيد حنقاطع اي حفل رغم اننا نسعي لان نكون يد واحدة في الغربة)، لافتا الي أن عدد من المقيمين غير السودانيين احتشدوا لحضور الحفل وبعد الاحداث المؤسفة التي حدثت تعجبوا بان يكون هذا المتعهد السوداني لما عرفوه عن السودانيين من مصداقية).!
قنوات وفنانين:
على ذات السياق اشار محمد حمدي من مدينة دبي الي أن القنوات والفنانين يتحملوا مسئولية ماحدث موضحا بقوله: (عملت بعض القنوات علي بث الاعلان لاكثر من شهر دون عقود مبرمة وكانت سبب اساسي في اسراعنا بحجز التذاكر وكذلك الفنانين الذين اكدوا بعد الواقعة انهم لايعلموا شيئاً عن الحفل فان كانوا لايعلموا حقا لماذا سمحوا ببث الاعلانات لفترة تعدت الشهرين)..؟
تفاصيل جديدة:
(السوداني) التقت كذلك بالمدير العام لميديا ستار أواب احمد الذي كان من المفترض أن يقوموا بتصوير الحفل بعد أن وقع عقدا مع المتعهد الذي منحهم شيكات مرتدة ما دفعهم للتوجه لادارة السياحة وفتح بلاغات في مواجهته، كما حرصنا علي مقابلة الامين العام للجالية السودانية بالامارات علي اسماعيل للوقوف علي ماحدث وعن الخطوات التي من المفترض أن يقدموا عليها، حيث كشف اسماعيل لـ(السوداني) انهم سيعملوا علي الشروع في الاجراءات القانونية ضد المتعهد بعد التوجه لإدارة السياحة التي منحته التصاديق وعقد اجتماع عاجل مع افراد الجالية لمعالجة الوضع واول تلك الخطوات كانت الاتصال بالموسيقار محمدالامين المتواجد بمدينة العين لاقامة حفل مجاني يوم الخميس المقبل كتعويض نفسي لابناء السودان ولم يتردد محمدالامين في الموافقة لاقامة الحفل.
اسف عميق:
بينما ابدي مدير الحديقة خالد الشرهان اسفه علي ماحدث قائلا أن ماعرف عن السودانيين الصدق والطيبة لكن أن يغدر ابن الوطن بابناء بلده فهذا شئ مؤسف مشيرا الي انهم لم يترددوا في منحه التصديق لاقامة الحفل رغم أن المبلغ لم يكن كاملا لكن لثقتهم في السودانيين تعاملوا معه بحسن نية، اما مدير الفندق الذي كان من المفترض تقيم به البعثة السودانية فاكد أن (ع.ب) قام بحجز 70 غرفة وانهم تعاملوا معه بكل احترام خاصة وانه استغل غرفة لفترة اسبوع لم يقم بسداد المبلغ وقام بمنحهم شيك ارتد واكتشف أن الحساب مغلق منذ اكثر من ثمانية اشهر.!

السوداني


تعليقات 24 | إهداء 0 | زيارات 16283

التعليقات
#1166836 [مواطن]
0.00/5 (0 صوت)

12-10-2014 12:15 PM
مشروع وداد الاستثمارى

[مواطن]

#1166599 [حامد عوض]
5.00/5 (1 صوت)

12-09-2014 11:23 PM
نداء السودان محتاج لاموالكم ... ركزوا مع البلد شويه علشان لمن تقرروا ترجعوا تلقوا ليكم بلد يلمكم .

[حامد عوض]

#1166579 [Khalid Abdalla Ragab]
0.00/5 (0 صوت)

12-09-2014 10:58 PM
Salam for all the Sudanese
For sure he is one Koz sent by ElMutamar ElGair Watani to collect money from those who stopped going to Sudan during their vacations! Since every thief is protected by the Big Gang of Khartoum and since there is Figh ElSutrah and ElTahlol, he will run back home to his protectors. At the end we say La hawla wa la goata ila billah wa rabana ala elzalim wa elmuftari

[Khalid Abdalla Ragab]

#1166560 [آمال]
0.00/5 (0 صوت)

12-09-2014 10:18 PM
و لشنو عاملين اعلان للحفل و غاشين به الناس وقت هم ما دايرين يعملوه ساي ادوا الناس انطباع عننا

[آمال]

#1166531 [محمد هاشم]
5.00/5 (1 صوت)

12-09-2014 09:48 PM
عفيت منك والله ناس ماعندها موضوع ومبارية الفارغة يستاهلو

[محمد هاشم]

#1166485 [jafar]
0.00/5 (0 صوت)

12-09-2014 08:54 PM
لكن الزول ما لعبها صاح .. أنا قلت شنو حكاية الاعلانات حقت الحفلة دى الداقة ليها شهر كامل .. هترى الزول ضارب ونائم على حقة الوطاويط بتاعة لؤلؤة الخليج .. بس كمان حرام عليه فوق ال 750 درهم غرمهن برضو حقت كريمات التبييض وكوافير جزيرة النخلة .. المهم الله يعوضكم يا ناس الدراهم

[jafar]

#1166470 [تينا]
0.00/5 (0 صوت)

12-09-2014 08:28 PM
اها وقناة النيل الازرق سفرت واحدة من (((مذيعاتا))) كالعادة عشان تذيع الحفل دا ولا لسة ما كانت وصلت ؟ يعنى يا قناة النيل الأزرق راحت عليك حفلة كااااربة وهجيج شدييييد كنتى حاتملى بيهو برامجك !

[تينا]

#1166457 [نوم العافية]
0.00/5 (0 صوت)

12-09-2014 08:15 PM
الانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربولالانتربول الانتربول الانتربول الانتربول
هو الحل

[نوم العافية]

#1166384 [daldoum]
0.00/5 (0 صوت)

12-09-2014 06:43 PM
لماذا لايكون هنالك جهة محددة للقيام بالتعهد في مثل هذه الحفلات بالخارج وباخطار السفارة .
واين كان الفنانون المعنيون عندما تمت الاعلانات عنهم طيلة هذه الفترة بلا نفي
واما مسألة التباكي على اللبن المسكوب ،دعونا اولا أن نحارب الفساد بالداخل وترسيخ مفهوم الامانة .
وايه الجديد يعني خليكم من تذاكر دا احنا بعنا بعنا حلفا 18000 مليون دولار وغرقنا اكثر من 200كيلوا بمياه السد العالي في وقت كان الجنيه السوداني يعادل اكثر من 3$
وكانت حكومة الانقاذ تاخذ سكر ابناء السودان بالولايات مقابل بناء الطرق ومع ذلك لم تبني طريق بل راحت كل الاموال فسادا.
ايه الجديد وكل السودود والطرق التي يتباهوا بها منى واذى دين في ذمة الاجيال
اما حكاية (انحنا وانحنا دي بالله خلوها) اذا كنا سمعتنا طيبه الاخر سوف يحفظ لك ذلك
وما شذ سوف يبقى نشاز (شونو امين في بلد الناس ، بالمقابل يجب أن تكون امين في بلدك)

[daldoum]

#1166317 [mabo]
2.25/5 (4 صوت)

12-09-2014 05:15 PM
تستاهلو اكتر من كدا انتو مفروض تقعدن يا نسوان فى بيوتكن تتلفحن بالسواد على الحاصل فى بلدكم من المرض والجهل والعوز البسوى فيكم البشكير وعصابته وياالرجال التيوس ادخلو المساجد وارفعو ايديكم لله عز وجل يزيح هذا الكابوس مش تدفعو مئات الالوف من الدراهم عشان تشوفو وتسمعو وترقصو على انغام البهم الاتولدو من رحم الانقاذ والاتربو من فتاتها(مخانيس الانقاذ) ونحنا كمان ناقصين فضايح !!!

[mabo]

ردود على mabo
United Arab Emirates [hiro] 12-10-2014 02:10 AM
يا بت امدمااااان
هوووووى لما جدادك الدخل امى واخت شنو الجاااما ال.....،
والفى بطنوا حرقص......
كلامى ده مممغوص من واقع الحال من الفعايل الى بقت ظاهر للكل داخل وخارج السودان من انفلات
وانا ماااا عممتا قلتى الا ما رحم الله اللى هن امهاتنا امهات الزمن الجميل مش هذا الزمان البقى نسمع ما يطمم البطن ومافى داعى نكرر ونذكر الفعايل والعمايل ودار المايقوما ودبى
واحمد الله انا واهلى تربية اقاليم رضعنا الشرف والامانه
وخليكى فى حالك وبلاش تجريح انا قصدتا واقع حال معاش يومى
واكرر احترامى وتقديرى لسودانين الزمن الجميل الغبش وهم من رحمهم الله الماسكين على جمر التقوى
والفضيلة لهم الود والتقدير

United Arab Emirates [بت أمدرمان] 12-09-2014 08:46 PM
حريم السودان الجابوا العار ليكم ديل هم أمك وأختك و زوجتك و بتّك، . طيب قبلنا نحزن ونلبس السواد ، أها إنت يا المغوار حتغمل شنو منك ليه انت و هو؟ دى رجالتكم؟فلاحتكم في النسوان؟ الغريبة السرق القروش و هرب رااااجل، و مّال لو كانت (حرمة) زى ما قلتوا،كان حصل شنو ؟

United Arab Emirates [hiro] 12-09-2014 06:22 PM
فعﻻ اخى حريم الزمن ده اﻻ مارحم الله الكل جاب العار والفضائح لسمعة
السودان التى كانت متل الجنية الدهب محل ما مشيت ولﻻسف رجال
ورق ﻻ يهش وﻻ ينش ولﻻسف هو يساعد وماشى معاها مثل الحمار
ربنا مااااا ظلمنا ان كان سلط علينا الكيزان طووول هذا الوقت ﻻنوا
عمايل الكل بقت الله المستعان . اخر الحوداث فى عطبره لقيط جوه
زير السبيل .يعنى الشيطان زااااتو اتحير مننا حكام ومحكومين
والتلفزيون من صباح الى اخر الليل المزازيك شغاله اها عاد رحمة الله
تنزل علينا كيف والله يستر من الجاى والجيل الجاى


#1166301 [هاشم محمد عبدالكريم]
4.13/5 (4 صوت)

12-09-2014 04:59 PM
كلام الغاز ماعرفنا اي شي من الكلام دي المتعهد عمل شنو فسرو الحاصل بوضوح

[هاشم محمد عبدالكريم]

ردود على هاشم محمد عبدالكريم
Greece [zaki] 12-09-2014 07:46 PM
المتعهد بتاع الحفلة ركب الناس ماسورة قبض القروش وباع ليهم الهواء


#1166283 [فتحي محمدحسن امين]
5.00/5 (2 صوت)

12-09-2014 04:31 PM
بدا بعض السودانين يأتي بأفعال لم تكن موجودة في مجتمعنا الذي كان بعيدا كل البعد عن هذه الأفعال المشينة التي تمس سمعة الوطن بأكمله وليس الشخص الفاعل لذا يجب عدم السكوت علي هذا الفعل ومعاقبة الفاعل حتي يخاف كل من تسول له نفسه بمثله

[فتحي محمدحسن امين]

ردود على فتحي محمدحسن امين
United Arab Emirates [ابوخالد] 12-10-2014 12:51 PM
الاغتراب كان زمان وسفراء السودان ماتوا من بدرى


#1166281 [mohamd]
5.00/5 (3 صوت)

12-09-2014 04:31 PM
يستاهلو لانو بيدفعو للحفلات 750 درهم ولو فقير طلب منهم 1 درهم مابيده

[mohamd]

#1166263 [أبو مصطفى]
5.00/5 (2 صوت)

12-09-2014 03:58 PM
هههههههههههههههههههههههههههههههههه هههههاى حلوة وجميلة وملعوبة تستاهلوا الدق علشان قلة الأدب ، فى ناس فى سودان السجم كايسين والله حق الوجبة والله فى ناس بيأكلو من الزبالة ، والله العظيم أنا جاى من البيت لمحل الشغل الصباح دا فى اثنين من النسوان السودانيات - السودانيات بنات البلد بالجد بالجد والله بلقطن فى محل الزبالة فى الأكل المجدع تقولوا حفلة ب750 درهم - الله يهدينا ويهديكم .

[أبو مصطفى]

ردود على أبو مصطفى
United Kingdom [المهندس] 12-10-2014 01:01 AM
ابو مصطفى السلام عليكم

السودانيات البنات بلد بي الجد البلقطن في الزبالة ان شا الله نزلت عليهم و سترتهم بي حق الأكل ؟


#1166236 [ود السودان]
3.00/5 (2 صوت)

12-09-2014 03:23 PM
أين السفير السوداني وأين السفارة ؟؟؟؟؟؟

[ود السودان]

ردود على ود السودان
United Arab Emirates [بت أمدرمان] 12-09-2014 08:48 PM
يكونوا بيلعبوا كوتشينة


#1166201 [البورد اللورد]
5.00/5 (2 صوت)

12-09-2014 02:41 PM
ههههههه حضرنا ولم نجدكم تاني بتجوا

[البورد اللورد]

#1166194 [رانيا]
5.00/5 (1 صوت)

12-09-2014 02:25 PM
السودانية بقوا يغشوا المصريين ويضربوهم .. بالله في واحد بقدر على المصريين ؟ فعادي جدا يضربوا سودانيين ذييهم . على كل نقول لحبايبنا معليش تعيشوا وتاكلوا غيرها .

[رانيا]

#1166171 [عثمان كريم]
4.75/5 (4 صوت)

12-09-2014 01:52 PM
والله تستاهلوا لان حريمهم السبب فالواحدة تصر علي راجلها انها تمشي الحفل وتدفع من لقمة عيالها 750 درهم ويمكن اهل الراجل تعبانين ومحتاجين ولكن المراة وعشان تتصور وتشاهد نفسها فى قناة النيل الازرق لازم تمشت وتتبختر وتورى الناس دهبها المغشوش,الرجال فطايس , والله انا لي 37 سنة وما بدخل الا فى الحفلات التي تعمل من اجل الوطن , يلا اكلوا تبن وعشان تصدقوا اى شئ فى الزمن الاعبر دا

إنت صاح 100% الرجال مغلوبين على أمرهم والسودان مغلوب
أقيم منذ 25 عاماً في هذه الدولة الكريمة ولم ولن أدخل حفلة لا للوطن
ولا للترفيه ، ماهو عندنا 7 قنوات فضائية بتحتفل وتغني يومياً ؟!

[عثمان كريم]

ردود على عثمان كريم
United Arab Emirates [بت أمدرمان] 12-09-2014 08:50 PM
ما تنسى إنه (حرمتك) واحدة من الحريم ديل. الشر بيعم و الخير بيخص


#1166166 [أيام لها إيقاع]
5.00/5 (1 صوت)

12-09-2014 01:49 PM
و الله أنا مبسوط للحصل ليهم ،و يستاهلو ، ناس يدفعوا 750 درهم عشان يسمعوا معيز مثل عصام و أولاد الصادق ،، الله ينعل أبو الزمن البخلي بتاعين الكارو يغنوا

[أيام لها إيقاع]

#1166161 [السودان الفاشل]
5.00/5 (3 صوت)

12-09-2014 01:40 PM
فشل يلاحقه فشل فى كل شئ ويلقون بالتهم على غيرهم .بلد دائما يسير عكس مسيرة الحياة الطبيعية يسير من السئ الى الاسوا بلا يخم السودان واهل السودان يافاشلين انا اعتقد ان الفشل سوف يشكو منكم يافشلة

[السودان الفاشل]

#1166152 [سامي]
5.00/5 (2 صوت)

12-09-2014 01:29 PM
ههههههههههههههههههههههههههههههه
قال نجتمع في جو سوداني
تعشقون الفارغة

[سامي]

ردود على سامي
United Arab Emirates [بيكانتو] 12-09-2014 04:29 PM
تعالوا سباق الخيل يوم الجمعة بجبل على مجـــــاااانى و جو عائلى سودانى


#1166143 [محمد فريد]
5.00/5 (14 صوت)

12-09-2014 12:42 PM
الشئ المحير ليه الإشاره لإسم المحتال بالحروف الاولى بدلاً من كتابة اسمه كاملاُ حتى تعرفه الناس وتحذر منه مستقبلاُ ويكون عبره لغيره

[محمد فريد]

ردود على محمد فريد
Sudan [nagatabuzaid] 12-10-2014 03:12 AM
نفس تعليقى اكتبوا الاسم داسنوا لى شنوا


#1166139 [احمد محمد الحاج]
5.00/5 (5 صوت)

12-09-2014 12:20 PM
والله تستاهلوا لان حريمهم السبب فالواحدة تصر علي راجلها انها تمشي الحفل وتدفع من لقمة عيالها 750 درهم ويمكن اهل الراجل تعبانين ومحتاجين ولكن المراة وعشان تتصور وتشاهد نفسها فى قناة النيل الازرق لازم تمشت وتتبختر وتورى الناس دهبها المغشوش,الرجال فطايس , والله انا لي 37 سنة وما بدخل الا فى الحفلات التي تعمل من اجل الوطن , يلا اكلوا تبن وعشان تصدقوا اى شئ فى الزمن الاعبر دا

[احمد محمد الحاج]

#1166130 [حنظلة]
5.00/5 (9 صوت)

12-09-2014 11:50 AM
اتقوا الله حفلات شنو بالله عليكم تذكرة عائلية ب 750 درهم لو انفقتوها على فقير او مسكين في بلدكم كان افضل ولا دة ما بتلم الشمل ولابتسعد زول ؟

[حنظلة]

ردود على حنظلة
[aborafat] 12-09-2014 03:15 PM
والله يا حنظله كلامك ذى العسل .والحمدلله الذى سلط هذا المحتال على الراكضين وراء الغناء والرقص والعربده .نسأل الله لهم التوبه بعد ان صرف الله عنهم الليله الماجنه التى يتحسرو عليها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة