الأخبار
أخبار إقليمية
الاتهام يكشف معلومات خطيرة عن محكمة حاويات المخدرات
الاتهام يكشف معلومات خطيرة عن محكمة حاويات المخدرات



12-10-2014 04:22 AM

بورتسودان: عبد القادر باكاش
كشف رئيس فريق التحري في قضية حاويات المخدرات، العقيد شرطة خالد محيي الدين قناوي، عن معلومات جديدة وخطيرة عن شحنة حاويات المخدرات، التي ضبطت بميناء بورتسودان. وقال قناوي في تلاوته لإفادات المتهمين في يومية التحري، في جلسة أول أمس - إن المتهم الرئيس سوري الجنسية، يُدعى أبو صطيف مصطفى، تمكن من إيجار رخصة تجارية من شركة أولاد سليم للحلول المتكاملة، وهي شركة حديثة التكوين، تم ذلك بواسطة متابع تخليص يعمل برخصة أحد مخلصي مدينة بورتسودان. وكشف المتهمون في أقوالهم أن المتهم السوري أدخل من قبل ثلاث شحنات من الذرة الشامية من نفس دولة المنشأ بواسطة أسماء أعمال سودانيين. وقال رئيس فريق التحري خالد محيي الدين قناوي، إنه من خلال يومية التحري تبيَّن تورط خمسة متهمين أجانب في البلاغ، وهم سوريان وثلاثة لبنانيِّين، وتم فصل الاتهام لأن هناك إجراءات تمت لفتح بلاغات في مواجهة اللبنانيِّين بدولتهم، وتم طلب إفادة قضائية بشأنهم من القضاء اللبناني، أما السوريون وللظروف الأمنية التي تمر بها سوريا في الوقت الراهن، فقد تمت مخاطبة المدعي العام لجمهورية السودان لإحضارهم بواسطة الإنتربول.

السوداني


تعليقات 28 | إهداء 0 | زيارات 8862

التعليقات
#1215974 [خالد المصطفي]
0.00/5 (0 صوت)

02-25-2015 11:08 PM
كلام فارغ واستهتار.فكو الحمار ومسكو البردعة

[خالد المصطفي]

#1215969 [خالد المصطفي]
0.00/5 (0 صوت)

02-25-2015 10:58 PM
كلام فارغ واستهتار

[خالد المصطفي]

#1167517 [ود البلد]
0.00/5 (0 صوت)

12-11-2014 09:50 AM
ههههههههههههههه وريتونا حاجة

[ود البلد]

#1167405 [يونس]
0.00/5 (0 صوت)

12-10-2014 11:59 PM
فصية وحبكة قوية غايتوكان فيتهموا حاجة فهمونا وعندي (سعال لي ابوصالح هل العيش الريف المحلي والمستورد بتاع اولاد سليم دا في فرق من حيث واسالوا اهل الذكر ان كنتم لا تعلمون)

[يونس]

#1167403 [Rebel]
5.00/5 (2 صوت)

12-10-2014 11:52 PM
* مش كان تقولوا عليهم "مختلى العقل" فى حينه و تتلهوا, بدل الإنتظار سنه و نص و تطلعوا لينا بالكلام الخايب زيكم ده!!
* لعنة الله على الكيزان تجار الدين و المخدرات!

[Rebel]

#1167352 [الفطقي]
5.00/5 (1 صوت)

12-10-2014 09:54 PM
السيد العقيد أرجو أن أجد إجابة لأسئلة محددة:
1/ خط سير الباخرة؟ ومكان تحميل الشحنة؟ وكيف مرت من المنشأ حتي بورتسودان؟
2/ المتهمين قاموا بإدخال شحنات (ذرة شامية) كما ذكرت سعادتك فهل شمل التحري هل كانت تلك الشحنات حقيقة ذرة شامية؟ وهل نحن نستورد ذرة شامية؟ ولصالح من كانت تلك الشحنات - حسب إفادتكم فان شركة أولاد سليم شركة جديدة؟ هل شمل الإشتباه كل من تعامل مع الموردين المذكورين في البلاغ من قبل؟
3/ لم يرد ما يفيد عن الأطراف السودانية ؟!!!؟ وتعلم سعادتك أننا لا يهمنا في القضية محاكمة السوريين ولا اللبنانيين بقدرما يعنينا محاكمة الطرف السوداني في الصفقة
شكرا لحلمكم في تقبل أسئلتنا التي تدفعنا لها المصلحة العامة

[الفطقي]

#1167336 [محروق الدم]
5.00/5 (1 صوت)

12-10-2014 09:32 PM
يعني اولاد سليم البلد حقت ابوهم يدخلو زي ما عايزين
وديل طلعوا اجانب والحكاية ماتت علي كدا

[محروق الدم]

#1167313 [ادم ضحية]
0.00/5 (0 صوت)

12-10-2014 08:49 PM
يا أولاد سليم السودان دا ولدوه سليم ، خلوه يعيش سليم ، يا ود يا سليم .كنت في اجازة فبل اسابيع مع بداية نسمات الشتاء. يوم اشتهيت لي عيش ريف ( موش اياه الذرة الشامي) مشوي في الشارع وضربت لي منو اتنين . في الساعة الأولى ما شعرت بأي حاجة ، لكن بعد ساعتين تلاتة بديت أشعر بي لفة راس وخيالات وهلاويس كده.المهم بعد داك بقيت كويس .الجماعة شكو في وقالوا لي انت بقيت بتاع خدرة وخشخاش وما عارف شنو وكدة.حلفت ليهم بالله أنا ما ضقت غير عيش ريف اليوم داك .أتاريه عيش الريف بتاع ابو صطيف واولاد سليم دا فيهو منشطات . الله يجازيكم كان دايرين تدمرونا على كبرنا.

[ادم ضحية]

#1167292 [ليل الهجعه]
0.00/5 (0 صوت)

12-10-2014 08:24 PM
ياعقيد ياواطي وين التصنيع الحربي وعلاقة التصنيع الحربي بالذرة الشاميه شنو عالم كلهم فساد ربنا يورينا فيكم يوم اسود وهو القادر علي ذلك ان شاء الله قريب.

[ليل الهجعه]

#1167204 [محموم جدا]
0.00/5 (0 صوت)

12-10-2014 06:48 PM
بعد سنة و زيادة دا كل فايل التحري ياسعادتو .. كل قضية ما دايرين تلمسوا فيها الكبار تفبركوها بهذا الشكل و تلعبوا على عامل الزمن و نسيان الناس .ز و ين دبي في القضية و ين الشركاء المحليين وين إعدام الشحنة الخازوق توزعت و القضية نايمة و الاعلان عنها في هذا الوقت للتهديد بعد الاختلافات في قسمة العائد منها.. كدا ما ظبطت !!!! و قضية بهذا الحجم لماذا يعلن فيها المتحري اين وزير اللت والعجن(العدل) و اين النائب العام دي كدا ما ظبطت !!!! و تقول ثلاث شحنات ذرة شامي هذا الاسم أوحى لكم بتدبيس القضية في شوام و منو الاكل الذرة الشامي البيساوي 120 طن أو اقله 60 طن لو دا مستوى التحري عندنا في قضية بهذا المستوى معناه البلد طلقت.. و عايرة و أدوها سوط..نشوف لينا بلد غيره نربي فيها أولادنابعيدا عن الذرة الشامية..خربتوووووووووووووها الله يخرب شعفتكم

[محموم جدا]

#1167136 [adilnugud]
5.00/5 (1 صوت)

12-10-2014 05:43 PM
الانتخابات قربت عشان كده هذه المسرحية والاخراج...........يعني مافي اي محاكمة مادام المتهمين لم يقبض عليهم

[adilnugud]

#1167050 [شمام]
5.00/5 (3 صوت)

12-10-2014 04:18 PM
خلوا السوريين واللبنانيين وامسكوا لينا اولاد سليم ديل حققوا معاهم قال قناوى انها شركة حديثة التكوين لماذا تكونت حديثا وما هى اغراضها اذا كان اول عملية
تجارية من الصنف الممتاز ... امسكوا اولاد سليم وحققوا معاهم بلاش لف ودوران؟؟

[شمام]

#1167031 [Haj Ahmed]
4.00/5 (3 صوت)

12-10-2014 03:55 PM
تطير عيشتنا...يعني قبل كدة في تلاتة شحنات "ذرة شامي" دخلت البلد. شبابي يلقط الحبة ويغرود وهو مبسوط

[Haj Ahmed]

#1167021 [الغريب عن وطنو]
5.00/5 (2 صوت)

12-10-2014 03:48 PM
يا فرده ..
مكنتك دي ماااااا قسمت معانا ..
دي حاول تاني بالله يمكن تظبط ..
.
.
آي صاح نحن شعب جبان واي حاجة ..
لكن ما حمير ياخ ..
قولو لينا جبناها نحنا عديييييل ..
زوووووول سائلكم مافي ..
انتو العملتوه فينا هين؟ يعني خلااااااص بقت على شوية الحبوب دي؟

[الغريب عن وطنو]

#1166989 [babo]
5.00/5 (1 صوت)

12-10-2014 03:23 PM
يعني ده ما اول مرة تدخل المخدرات للسودان وبالتأكيد الشحنتين السابقتين كانت مخدرات ودخلت السودان بدون تفتيش وتكتم شديد بعيدا عن الاعلام ولما كانت الأرباح مهولة تم جلب الشحنة الثالثة ولكن الفأر لعب بعب بعض المشاركين في العملية فحصل خلاف واختلاف فيما بينهم فظهرت لعبة المجرمين وصراع الكبار على السطح ومرة اخري وثالثة من هو مالك شركة أولاد سليم وهي شركة جديدة وفجأة تستورد بالمليارات وهل يعقل أن يجازف السوريون واللبنانيون بادخال هذه الكميات من المخدرات علانية وبميناء رسمي الا اذا كان الممول والمتابع والمستلم والموزع والرابح طرفا سودانيا ونافذا من العشرة الجالسين في القصر وهذه القصة اعادة لتفاصيل فيلم صراع الجبابرة ولكن باخراج سوداني سيء ...

[babo]

#1166949 [ال]
4.50/5 (2 صوت)

12-10-2014 02:48 PM
طيب يا سيادة العقيد اذا كان كلامك حقيقى شركة أولاد سليم دى يفترض تدخل فى القضية عشان سيادتك وعشان الشعب الشغالين فيه تدمير يعرف الحقيقة
عالم ما تختشى .
ويا سيادة المتحرى من هم أصحاب شركة أولاد سليم التى دخلت بواستطها ثلاثة شحنات
أسمك صار معروفا ايها المتحرى وسوف تدفع الثمن مضاعف اذا لم تكشف من هم وراء هذه الشحنات والشعب لن يرحمك .

[ال]

#1166907 [Abo Obayda]
5.00/5 (5 صوت)

12-10-2014 02:16 PM
شوف سعادتك لو ابو صطيف مصطفى دا و اللبنايين المعاهو ديل انسطلوا بنص الشحنة دي ما يفكروا يجيبوا المخدرات دي السودان ، لأننا ما قادرين نشتري البرنجي بتاع حجار و بقينا نشتري التمباك قدر ظروفك ، كيف حيحققو ربح مننا.
حاولوا محاولة تانية لو سمحتو ، دا حنك بيش

[Abo Obayda]

#1166904 [منذر محمد حمد]
5.00/5 (1 صوت)

12-10-2014 02:12 PM
افضرضنا جدليا أ؟ن المتهمون سوريون ولبنانيون,,,,اول حاجة ده لاينفى ,,,,أن المعاطون للمخدرات بهذه الكمية وسط الشعب السودانى بقت حاجة مخيفة وتفكفك واضح فى تركيبة المجتمع السودانى وهو من ضمن الفساد الذى اصاب جميع مؤسسات ومرافق الدولة,,,,,,ولكن هل يعقل أن يأتى أجانب من دولة تانية ويدخلو 2كنتونر من المخدرات بالميناء الرئيسى للدولة لو ما كان عندهم نفوذ وقيادات كبيرة تحمى تجارتهم المشبوهة وشركة اولاد سليم ده شنو وتابع لمنو والله عجائب ,,,,والله شافع عمرو7سنين مايصدق كلامكم ده ,,,,,جيبو غيرو

[منذر محمد حمد]

#1166902 [abubaker]
5.00/5 (3 صوت)

12-10-2014 02:07 PM
خلاص يعني خليتو الموضوع سوري لناني ما سالتو مين زراعهم داخل السودان واولاد سليم مين الصدق ليهم رخصة تجارية وكيف تم انشا الشركة (لكن امكن السوريين واللبنانيين جابها هدية لينا ) اتقو الله في انفسكم ودي فبركة ما بتفوت على ابسط شخص لانكم بسطاء ومفتكرين الحوليكم بسطاء زيكم

[abubaker]

#1166886 [بدر نورالدائم]
5.00/5 (1 صوت)

12-10-2014 01:55 PM
سبحان الله الحقيقه واضحه ذى الشمس بعد طيلت هذه الفتره عرفت هم اجانب طيب كيف يتم التسويق لان فى راس كبير يتم عن طريقه التسويق

[بدر نورالدائم]

#1166858 [Abo Abda]
4.50/5 (2 صوت)

12-10-2014 01:09 PM
على موسى يا فرعون

[Abo Abda]

#1166845 [حنونا بزيد فى جنونه]
5.00/5 (1 صوت)

12-10-2014 12:34 PM
مصطفى ابو صيف انا عشت اربعه شهور فى حلب ولا يوجد شخص بهذا الاسم لا فى حلب ولا ريف دمشق عيب البيت عمل ده سورة وللبنانيين طيب دخل السودان استعمال خاص ولا شنو يعنى مافى زول بي عرفهم حائزو عدوها كيف. قنا بير يا ساعده العقيد

[حنونا بزيد فى جنونه]

#1166819 [ود التوم]
0.00/5 (0 صوت)

12-10-2014 10:51 AM
قصه !!!!!!!!!!!!!!!!!!

[ود التوم]

#1166797 [ملتوف يزيل الكيزان]
4.00/5 (1 صوت)

12-10-2014 08:49 AM
بلاوي السودان في هذا العهد المبارك، سيكتبها التاريخ مع دولة الحشاشين و كانت موجودة بالفعل شرق العراق وقيل انها كانت في المكان المسمى الان افغانستان.وهذه الدولة كانت تشتهر "بالاقتيالات السياسية" و جاءت منها كلمة القتلة في الانجليزية أساسن.
طيب عرفنا الان القاسم المشترك: الحشيش مخدرات ، وهذه حبوب بورسودان.و قتل الناس بدون محاكمات وهذه اغتيالات الموقوفين ببيوت الاشباح و تقتيل ناس دارفور.وبشر البشير بتصدره قائمة السفاحين. وفي المستقبل سيكون رمز الشر و الموت و الدمار زي هتلر تماما.

[ملتوف يزيل الكيزان]

#1166768 [Hisho]
3.88/5 (4 صوت)

12-10-2014 06:28 AM
القضية انتهت خلاص .. سيتم اطلاق سراح المتهمين السودانيين لعدم كفاية الادلة و لعدم التمكن من اخذ افادات متهمين غير موجودين .. وقال المدعى العام السودانى .. هم فاضيين من تسجيل اراضى الشعب

[Hisho]

#1166761 [دافعوا عن انفسكم]
4.75/5 (4 صوت)

12-10-2014 06:01 AM
اها اها اها ... طبعا مطلوب مننا نصدق القصة دي .... ونصدق انو نافع ما عندو علاقة بالموضوع ...نحنا عندنا قنابير؟؟!

[دافعوا عن انفسكم]

#1166758 [ElHaris]
5.00/5 (2 صوت)

12-10-2014 05:48 AM
شركة جديدة و أول الصفقات مخدرات بالمليار. والشحنة السابقة هل دخلت البلاد عن طريق نفس الشركة(أولاد سليم). أم شركة أخري قامت بإدخال الشحنة الاولي.و من هم أولاد سليم؟

[ElHaris]

#1166741 [nagatabuzaid]
4.88/5 (5 صوت)

12-10-2014 05:10 AM
شركة اولاد سليم بتاعت منو؟؟؟؟؟؟؟؟؟؟؟؟؟؟؟؟؟ والسوريون واللبنانيون وراهم منو؟؟؟
الشعب السودانى واااااااااااعى وما عنده قنابير عايزين تركبوا ليه قنابير باروكة ؟؟؟؟؟؟؟؟

[nagatabuzaid]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة