الأخبار
أخبار إقليمية
قالت إن "نداء السودان" سيكشف ظهر الحكومة.. سارة نقد الله: "ناس الإنقاذ أكلوا حقوقنا وقتلوا أحلامنا"
قالت إن "نداء السودان" سيكشف ظهر الحكومة.. سارة نقد الله: "ناس الإنقاذ أكلوا حقوقنا وقتلوا أحلامنا"
قالت إن


12-10-2014 04:26 AM

الخرطوم: عبد الوهاب موسى

أكد حزب الأمة القومي أن الانهيار الاقتصادي لا يحتاج لدليل، واتهم الإنقاذ بتحويل "دولة الرعاية إلى دولة الجباية"، وأشار إلى أنهم قضوا على أحلامنا.

وقال اللواء فضل الله برمة ناصر رئيس حزب الأمة القومي بالإنابة: "إن الانهيار الاقتصادي في البلاد لا يحتاج لدليل، وتحكي عنه قفة الملاح"، وقطع بأن كل إنسان أصبح "واطي الجمرة".

وقال ناصر أمام حشود من الأنصار ومؤيدي حزبه، في ندوة أقامها الحزب بمدينة كوستي أول من أمس (الأحد): "تبشركم الحكومة برفع الدعم عن القمح والوقود وتزداد المعاناة أضعاف.. أضعاف"، ونبه إلى أن إعلان باريس جاء ليبحث الحل لـ 50% من أراضي البلاد تدور فيها حروب، مشيراً إلى أن حزبه اختلف مع حملة السلاح في وسيلتهم لحل الأزمة في البلاد، واعترف بقضاياهم على أن يكون حلها سلمياً، ورأى أن السبب الأساسي لرفض الحكومة لإعلان باريس أنها تعتقد أن حزب الأمة سحب البساط من تحتها، وأن كل سلام يتحقق لا بد أن يتم على يدها. وقال برمة: "إن رئيس الحزب موجود خارج السودان بتكليف من المؤسسات، وليس بإرادته لتنفيذ مهمات متعلقة بتسويق إعلان باريس".

من جهتها، قالت سارة نقد الله الأمين العام لحزب الأمة القومي: "إن نداء السودان سيكشف ظهر الحكومة وعليها أن تركز". وتابعت: نحن أصحاب وجعة، ووجهت انتقادات للحكومة، وقالت "ناس الإنقاذ حولوا دولة الرعاية إلى دولة الجباية وقضوا على كل أحلامنا، ولكنهم سيدفعون الثمن غالياً، لأن أهل السودان يستاهلوا كل خير، وتابعت: "أكلوا حقوقنا وزردوا حلوقنا، لكن بينزردوا بإذن الله". ووجهت سارة الهادي أبو راية رئيس حزب الأمة بالنيل الأبيض بتكوين جبهة عريضة لإنزال "نداء السودان" لأرض الواقع لتحرير البلد للمرة الأخيرة بقيادة الإمام الصادق المهدي، على حد قولها

التغيير


تعليقات 13 | إهداء 0 | زيارات 3107

التعليقات
#1167208 [ابومحمد]
5.00/5 (1 صوت)

12-10-2014 06:50 PM
ما ولد من من يهدم السودان ويقضي على الامال والاحلام فالشعب السوداني صانع الثورات سيهزم الجمع ويولون الادبار فالله يمهل ولا يهمل والهبة الشعبية قادمة وقريبا جدا فالشعب قائد المسيرة وليس الاحزاب ( مواطن سيساهم في هذا اليوم ) وماضاع حق وراه مطالب ما بداخلنا حق وليس احلام حق في الحياة الحرة الكريمة

[ابومحمد]

#1167115 [ابوياسر]
3.00/5 (1 صوت)

12-10-2014 05:18 PM
والله الشعب السوداني كان راجي ناس حزب الامه والمرغني يسقطوا ليهو النظام وطاتو اصبحت. لالالالالالالالالالالا للكهنوت الكهنوت اخير منو الموت

[ابوياسر]

#1167041 [حسن مسالا]
5.00/5 (1 صوت)

12-10-2014 04:08 PM
ما يعجبنى حاليا فى حزب الأمة خلال القترة الحالية بعيدا عن كل شئ، هو وجود كوادر نسائية تحتل مناصب قيادية بالإنتخاب فغير سارة نقدالله فرئيس حزب الأمة فى النيل الأبيض هى سيدة فاضلة (سارة أبو راية).
فتخيلوا أن أنصار ولاية النيل الأبيض المعقل التقليدي للأنصار قد أنتخبوا إمرأة على رأس حزبهم، لهم التحية (أكمل المؤمنين أيماناً، وأقربهم مني مجلساً، ألطفهم بأهله)

[حسن مسالا]

#1166996 [المقدوم مسلم]
5.00/5 (2 صوت)

12-10-2014 03:31 PM
عاجلاً ام اجلاً ستسقط حكومة الكيزان وسنقيم محاكم التفتيش بالمدن والقرى والاحياء والمؤسسات الحكومية والجامعات و المستشفيات بغرض القبض على الكيزان والمتاسلمين وقتلهم وسحلهم بدون محاكمة.....الخبر الجيد ان كل الكيزان والكوزات و جواسيس الكيزان و غواصاتهم والانتفاعيين مرصودين فى قوائم منذ زمن بعيد ..وسيتم القبض عليهم ومحاسباتهم حساباً عسيرا بعد ايلاج عود القذافى بمؤخراتهم المكتنزة .. فليهرب كل كوز من الان ويشوف ليهو بلد تانى يعيش فيها..وليس ذلك بمنجيه فقوائم واسماء الكيزان والكوزات ستظل موجودة عشرات السنين ..

[المقدوم مسلم]

#1166962 [MYOYA]
4.50/5 (2 صوت)

12-10-2014 02:57 PM
مظاهرات التسعين يوم .

ادعو كل الشرفاء لنشر الفكرة ... تقوم الاحياء بعمل مناقشات او اركان نقاش داخل الاحياء اكرر داخل الاحياء .. جاري وجارك وجارنا.. شلة اللستك .. شلة العمود ..نسوان الختة .. شلة البلاي ستايشن .. شلة الدكان ... الشهر الاول الناس بس يتلموا يتكلموا في الوضع الحاصل ومستقبل السودان نقاش عام يتكلموا ساي في الوضع يتفشوا .. الهدف إنوا يكسرو حاجز الخوف من اللمة والجهر بصوت الحق .. يكسرو قيد الخوف .. و ده كلو جوه الحله .. في شوارعها وزقاقاتها وحواريها ... شوية شوية يعملوا مسيرة داخلية يحددو ليها زمن نقول من بعد المغرب لحدي اذان العشاء تطوف داخل الحي أكرر داخل الحي ... يهتفوا ويطلعوا الجواهم بالهتاف .. قرفنا قرفنا .. كفاية كفاية الظلم كفاية .. اي هتاف أي هتاف .. المشروع ده نخت ليهو تسعين يوم لحدي ما الناس تكون كسرت القيد و تملكتها الشجاعة ... وبعد تنسيق بين الاحياء و المدن كلها .. يطلعو الشارع العام في نفس اليوم بنفس واحد .. الي سقوط النظام ..
اساسا في احياء جاهزة .. وجربت الفكرة دي ... شمبات .. بري .. امتداد ناصر .. ودنوباوي .. العمدة .. الشجرة .. امتداد ناصر .. .

تاني لارصاص بوقنا لا بمبان برجعنا ...

[MYOYA]

#1166946 [جركان فاضى]
1.00/5 (1 صوت)

12-10-2014 02:46 PM
يا سارة نقد الله...طلعى نداء السودان من شنطتك واجدعيه فى الشارع...وخلى الشارع يغلى لمن يتدفق...ارجوكى لا تقومى بتخزين نداء السودان

[جركان فاضى]

#1166933 [ثورة محمية بالسلاح - كاودا وبس]
0.00/5 (0 صوت)

12-10-2014 02:34 PM
نداء السودان ... ثورة عارمة تقتلع العصابة من جذورها وتستأصلها للأبد
قناة فضائية مطلب شعبي عاجل وضرورة ملحة ... قناة دبنقا الفضائية الحرة

نعم الوحدة هي وتكون باحدى الطريقتين :
1- النظام الفدرالي خيار ممتاز
2- النظام الكونفدرالي نظام ممتاز أيضا
شوف كندا نظامها فدرالي ومقاطعو كيبك تتكلم الفرنسية ولها حكومتها المستقلة في إطار الوحدة ... لا للعنصرية بتاعة الكيزان ونحن دولة أفريقية محضه من حيث الثقافة والتاريخ والحضارة وسحنتنا واحدة ... أطلع بره السودان وشوف الكيني واليوغندي تلقاهم بشبهونا زي أخوانا في البيت ... وعنصرية الكيزان ومثلث حمدي الحلبي مرفوض تماماً .
نحدد هويتنا وهي أفريكانية 100% ونضع دستور دائم للبلاد ونبني دولة الديموقراطية والمواطنة ولدينا الثروات والكوادر المؤهلة ولن يتم ذلك إلا بتفكيك دولة الحزب الواحد دولة المؤتمر اللاوطني ... التي يتمتع فيها الكوز بكل خيرات البلاد وباقي الناس شاربة هوى ... لابد من العدالة الاجتناعية ... وموضوع الدين لا بد من فصل الدين عن الدولة حتى لا يجينا واحد كضاب زي البشير ويدقس الناس بأسم الدين وهو أعماله وأفعاله وأقواله كلها فاقت الشيطان ولا نقبل أن يكضب علينا أي واحد باسم الدين وشفنا كيف الكيزان يهللون ويكبرون وكبرت كروشهم وأنتفخت جيوبهم بالمال الحرام - المال العام - السرقة ثم السرقة وإطلاق اللحى وأخوات مصيبة يغطين رؤوسهن ومن تحت .... كاشفات والهدف دنيوي بحت ليس للدين علاقة ... لا بد من إستعادة الوحدة مع جنوبنا الحبيب وتطبيق ما ذكر في 1 أو 2 ونكون أقوى دولة في العالم ...

[ثورة محمية بالسلاح - كاودا وبس]

#1166887 [mohamed]
0.00/5 (0 صوت)

12-10-2014 01:56 PM
التحيه والتجله للاستازة ساره نقد الله
انا احد طلابها
لكي مني وافر السلام والاحترام يا استازة

[mohamed]

#1166860 [مهدي إسماعيل مهدي]
5.00/5 (1 صوت)

12-10-2014 01:20 PM
هذا أنسب وقت لعودة السيد/ الصادق المهدي إلى السودان، إن دخوله السجن يُدخل الإنقاذ في ورطة كبيرة، ويجعل إنتخاباتها المزعومة مهزلة كُبرى أمام المُجتمع الدولي والإقليمي.

إرجع إرجع يا إمام، القيادة من الأمام يا إمام.

[مهدي إسماعيل مهدي]

#1166770 [الحقيقة مرة]
5.00/5 (3 صوت)

12-10-2014 06:40 AM
يا استاذة سارة الشعب مريض وراقد تعبان لكن طلتكم انت وياسر عرمان سوا بتفرحو وترفع روحو المعنوية شوية ان شاء الله حيقوم بالسلامة ويبقى اقوى مما كان وينتصر

[الحقيقة مرة]

#1166751 [أبو عبدالله]
5.00/5 (1 صوت)

12-10-2014 05:32 AM
شعار الثورة
نداء السودان ... نداء السودان
يا جماهير شعبنا في كل مدن وقرى السودان
اكتبوه على الجدران .... اكتبوه على المنازل ... اكتبوه على الاوراق بخط اليد وارموها في البصات و الركشات ... و ارموها في منازل كلاب النظام و حتى في مكاتبهم و اماكن عملهم
ارسلوها للاهل و الاصدقاء في رسائل من الموبايلات من داخل وخارج السودان
ارسلوها لجماعتهم و هيئاتهم و ائمة مساجدهم ... الخ
فقد ظهر الخوف و الرعب بينهم حينما ادركو ان السفينة تغرق فذيدوهم رعبا وخوفا و الثورة مستمرة ... يرونها بعيدة و نراها قريبة واقرب من ما يتصورون
االتحية لارواح شهدائنا الابرار
التحية لكل معتقلينا و معتقلاتنا الابطال
التحية للزعيم رجل الدولة و القانون الاستاذ فاروق ابو عيسى و الدكتور امين مكي
التحية لجماهير شعبنا الصابر على كل هذه الاهوال
و الثورة مستمرة
و مليون شهيد لعهد جديد
وعاش كفاح الشعب السوداني

[أبو عبدالله]

ردود على أبو عبدالله
Libyan Arab Jamahiriya [ملتوف يزيل الكيزان] 12-10-2014 08:09 AM
يا ابو عبد الله ، تحية النضال. نعم هكذا تكون الكتابة الان خلاص كفاية تحليلات و تنظير.علي كل واحد ان يكتب ويقول لنا ماذا نفعل في يومنا . كل انواع النضال تصب في طريق خلاص الوطن. اكتبوا في حيط البيوت و اماكن السكن و العمل في الشوارع و الازقة. وليكن شعار الحملة "سهر الجداد و لا نومو"


#1166747 [حسن النعجة]
5.00/5 (1 صوت)

12-10-2014 05:22 AM
يا سارة .. كيف لنداء السودان ان يتحقق ؟؟ ياسارة ما تكون تصريحات ساكت بعد ان تنفض اجتماعات الغرف والصواليين ..السودان ما ودنوباوى وجامع الخليفة الذى يتجمع فيه نفر لا يسوى شئ من السواد الاعظم من اهل السودان .. كيف تصلون للجماهير العريضة .. حلفا .. بورتسودان .. عطبرة .. ابوحمد .. شندى .. (هل تعرفين ابو حمد)
جبيت (هل زرتيها) ؟؟ هيا .. سنكات .. اروما .. محطات النمر .. كريمة .. دنقلا ..
السوكى .. الدندر الرهد .. بابنوسة .. الابيض .. رهيد البردى .. الحصاحيصا .. رفاعة .. مدنى .. القضارف ..نيالا .. الفاشر الجنينة ود ***** .. ود خمجان الخ ..
نعم الجماهير جاهزه لكن حتصلوا ليهم كيف ؟؟ اوعك تقولى لى جامع الخليفة وود نوباوى وجماهير محتشده .. صدقينى %80 من الشعب مغيب عن مجهوداتكم .. اكثر من هذه النسبة لا يمتلكون اجهزة حاسوب وبالتالى لا يجدون سبيلا لصفحات الانترنت .. البقية القليلة معظمها خارج الحدود وقلة هى التى تمتلك اجهزة حاسوب داخل الوطن .. يخيل اليك انك عندما تكونى جالسة امام حاسوبك ان السودان كله يقرأ معك .. وبالمناسبة تصريحك هذا والمنشور اعلاه جل اهل السودان لا يعرفون عنه شئيا ..عاوزين نربط الناس بالذى يدور بين قادتهم ..ليعرف كل واحد دورة وموقعه من نداء السودان حتى تكون الضربة قاضيه .. ما نقعد نتكلم كثير .. نداء السصودان .. نداء السودان .. وفى الحقيقة الاسم يكون كالاتى : نداء الشعب السودانى للخروج .. اذن كيف نوصل النداء ؟؟ بسيطة .. اتركوا اللف والدوران حول الذى تم .. ولتكن المرحلة القادمة مرحلة البحث عن الاليات التى يمكن ان يتحقق من خلالها نداء الشعب السودان للخروج .. واحدة من هذه الاليات انشاء قناة فضائيه تمهد لاليات اخرى ..

[حسن النعجة]

ردود على حسن النعجة
Netherlands [Aldugiri] 12-10-2014 09:16 AM
كلامك مقبول يا حسن بس ما تفتكر حزب الامة بتعامل مع عضويتو بالنت حسع الكلام القريتو دا اتقال في كوستي مش ود نوباوي واطمنك نداء السودان وصل اركان السودان الاربعة والايام حبلى وماتنسى النظام نفسو بتصريحات قادتو ضد النداء في الاجهزة الاعلامية ساهم في نشر النداء


#1166746 [مستقل]
5.00/5 (1 صوت)

12-10-2014 05:20 AM
ما دام أنصار حزب الأمة لا يتابعون أنشطة حزبهم و يخافون حتي من التعليق علي أقوال قادتهم وترويجها ومناصرتها فأبشري بطول إقامة يا إنقاذ!!!!!!!!

[مستقل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة