الأخبار
أخبار إقليمية
وزير الدفاع بالنظر يطالب المواطنين بالدعاء لنصرة القوات الحكومية المسلحة
وزير الدفاع بالنظر يطالب المواطنين بالدعاء لنصرة القوات الحكومية المسلحة
وزير الدفاع بالنظر يطالب المواطنين بالدعاء لنصرة القوات الحكومية المسلحة


برلماني : حشود عسكرية "ضخمة" للحركة الشعبية تسعي للغدر بالسودان كله،
12-10-2014 05:28 PM
البرلمان: سارة تاج السر
أعلن عضو البرلمان عبد الله كافي توتو عن حشود عسكرية وصفها بـ"الضخمة" للحركة الشعبية قطاع الشمال في مناطق "كرنقو عبد الله، هيبان، رتنق" بولاية جنوب كردفان اتهمها بالسعي للغدر بالسودان كله، وقال: "نحن نعلمها والإخوة موجودين وهم يعلمونها"، واستعجل النواب بدعم القوات المسلحة ورفدها بـ(10) أشخاص من كل دائرة معتبراً أن الحركة الشعبية لا تفهم سوى لغة القوة، بينما كشف وزير الدفاع الفريق أول عبد الرحيم محمد حسين عن تحرك قوات كبيرة من القوات المسلحة لمناطق العمليات في ولايتي جنوب كردفان والنيل الأزرق، وبث تطمينات باستلام الجيش زمام المبادرة والسيطرة على الموقف في مناطق القتال، قبل أن يطالب المواطنين بالإكثار من الدعاء لنصرة القوات المسلحة.

واتهم رئيس لجنة الأمن والدفاع بالبرلمان مالك حسين خلال بيان خطة وزارة الدفاع للعام 2015م بالبرلمان أمس من أسماهم " الأعداء" بالتربص بالبلاد مشيراً إلى ما وصفها المحاولات اليائسة لقطاع الشمال على كادوقلي ونبه الى أن خطط وزارتي الدفاع والداخلية جاءت متماشية مع الخطة الخمسية للبلاد، بينما هاجم النائب آدم مدير عبد الصمد الصحف لنشرها خبر انتشار القوات المسلحة في الإعلام ورأي أن "هذا يؤثر على تقدم القوات المسلحة" لأن فيه إفشاء لأسرارها، ودعا النائب عبد الرحمن عبد الله حمد الله أهل السودان للوقوف ضد مطالبي إلغاء الشريعة وقال إن هؤلاء يستهدفون النظام ويقعون في أحضان المستعمر ودعا الى احترام العدو مهما كان حجمه وشدد على تقوية نقاط الشرطة ببعض الولايات نظراً لأنها أصبحت هدفاً للمتفلتين.
في غضون ذلك تعهد الوزير بانطلاق عمليات الصيف قريباً، وقال إن هناك "كلام كثير عن التسلل الذي يحدث من حين إلى آخر في مناطق جنوب كردفان"، وتابع: "داير أطمئن الناس بتحرك قوات كبيرة لمناطق النيل الأزرق ومناطق العمليات وأن الموقف مسيطر عليه، وأن المبادرة لا تزال في أيدي القوات المسلحة، وأردف: "الناس يطمئنوا ويكثروا من الدعاء".

وقال إن خطته للعام 2015م تضمنت أولويات رفع قدرات تأمين الأجواء السودانية بتطوير معدات الدفاع الجوي والاستمرار في تطوير الذراع الجوي الطويل برفد القوات الجوية بأحدث الطائرات وربطها بأجهزة متطورة بجانب توفير المعدات الفنية لرفع القدرات للحركة والمناورة في كافة مسارح العمليات.
وأوضح حسين أن محاور الخطة ترتكز على إعداد مشروع نزع السلاح من أيدي الأفراد خارج نطاق القانون بالتنسيق مع القوات النظامية الأخرى والأجهزة العدلية وفرض هيبة الدولة وحصر السلاح في أيدي القوات النظامية فقط بجانب حظر واستخدام السلاح الكيماوي في مناطق الصراع مشيراً الى أن الخطة تحتوي على (55) مشروعاً.

الجريدة


تعليقات 30 | إهداء 0 | زيارات 9823

التعليقات
#1168015 [ود الكوتش]
0.00/5 (0 صوت)

12-12-2014 03:50 AM
مدام معانا ناس توتو وسوسو عوجه مابتجينا تب
اللمبي انت أحلى زول ، دعاء بس قلت لي ، روح والقلب داعي لك

[ود الكوتش]

#1167696 [المشروع]
5.00/5 (1 صوت)

12-11-2014 06:58 PM
اي نحن ندعو وانتو تلهطو اولادنا يقاتلوا مخدوعين واولادكم اخر جوالات وخلط

[المشروع]

#1167501 [خالد]
4.00/5 (2 صوت)

12-11-2014 08:12 AM
سٌئل مسطول ، رأيك شنو في
نظرية (الدعاء للنصرة )دي ؟!!
والله انا شايف إنو
نظرية (الدفاع بالنظر ) فشلت !!

[خالد]

#1167450 [التلب]
4.75/5 (3 صوت)

12-11-2014 05:47 AM
ماشاءالله على وزير دفاعنا...ﻻختراعه آخر نظريات الحروب وما أنتجته المعاهد العسكريه من تكتيكات لحظة الدفاع ( الدفاع بالنظر ) وعند الهجوم ( الهجوم بالدعاء )
والله الزول ده حرام يكون مجود فى دوله من دول العالم الثالث... ده مفروضى يكون محاضر فى اكبر معاهد تكنلوجيا الحروب ليدرس القاده العسكريين تلك النظريات خاصة قد تزداد الحوجه له فى ظل الحروب الجاريه حاليا ضد اﻻرهاب ...!! ( بس بشرط مايكون المعهد ده فى ﻻهاى..!!)
انا على يقينمن أن تكتيكاته تلك سوف تحدث ثوره فى عالم الخطط الحربيه وسوف تحقق نجاحات مبهره - خاصة وقد تنبئت له والدة البشير منذ وقت مبكر بالنباهة وقالت لولدها ما عافيه منك لو شلتو..!!

[التلب]

#1167433 [الحقيقة مرة]
5.00/5 (5 صوت)

12-11-2014 05:10 AM
يطالب المواطنين بالدعاء
_____

صحي المفارق عينو قوية

[الحقيقة مرة]

#1167429 [saleh]
4.82/5 (6 صوت)

12-11-2014 04:48 AM
اللهم يا عادل يا مغيث انصر اهل الحق الذين ينصرون عبادك السودانيين - واخذل كل من ظلم واهان هذا الشعب وسرق قوته وماله وحرمه حقوقه من صحه وتعليم وامن وبخس مكانته بين الشعوب ، اللهم انّا ندعوك وانت السميع البصير ، الذي لا يمكر عليك ومكرك فوق مكر الماكرين الذين يستغلون دينك الحق في في حرق البلاد والعباد يسرقون ويقتلون ويظلمون باسمك ، اللهم اجرِ عليهم عذابك وبين فيهم قدرتك ، اللهم عليك بنافع علي نافع واشباهه، اللهم انها دعوة مظاليم ليس بينها وبينك حجاب نسألك الاجابه والنصر علي الظالمين يا ربنا ورب المستضعفين وصلي وسلم علي نبيك الذي ارسلته رحمة للعالمين .

[saleh]

ردود على saleh
Saudi Arabia [عكاشة] 12-11-2014 09:31 PM
اللهم امييين

Netherlands [Mohammed] 12-11-2014 07:03 AM
الكارب
خريفو وصيفو
ـــــــــــ

آآآآآآآآآآآآآآآآآآآآآآآآآآآآآآآآآمين


#1167396 [القعقاع الفي القاع]
5.00/5 (1 صوت)

12-10-2014 11:21 PM
الدعاء بالنظر ؟؟

[القعقاع الفي القاع]

ردود على القعقاع الفي القاع
United Kingdom [خالد حسن] 12-11-2014 05:41 AM
ههههه
قبيل داير اعلق نفس تعليقك لكن النت خزلني
بالله ده وزير دفاع ولادلوكه


#1167394 [خارج الشبكـــة حاليا]
5.00/5 (3 صوت)

12-10-2014 11:19 PM
عالم غريب ليست لهم أي جدية فى الحوار او أي إستعداد لحل مشاكل البلاد ولما ناس الجبهة الثورية يحركو قواتهم يقومو يكوركو زي البعوضة فى القضارف

[خارج الشبكـــة حاليا]

#1167382 [ود الدلنج]
5.00/5 (2 صوت)

12-10-2014 10:48 PM
هذا المخلوق لمسمى نفسة توتو والله لم اشاهدة ولا اعرفة ولكن بحكم اننى من منطقة الدلنج هذا برلمانى بيكون من منطفة كرنقو او منطقة كاتشا اوهيبان جنوب كادقلى وتعتبر هذة المنطقة من مناطق جبال النوبة المجنى عليها تارييا لا تنمية ولا ولا ...... بدلا من ان يطلب من هذا النظام المعلم والكتاب يطلب جيش وسلاح من اجل القتل والحرق بالله عليكم فى كسر تلج اكتر من كدة

[ود الدلنج]

ردود على ود الدلنج
United Kingdom [خالد حسن] 12-11-2014 05:44 AM
الشعب ده مابخزلوه الا ماسحي الجوخ
والنوع ده لاينمو الا في جو عسكري ديكتاتوري
واي ديمقراطيه بعملوا بيات شتوي لانه اجواء الديمقراطيه لاتساعد علي نمو الحشائش الضاره والضريسه


#1167364 [فرح ود تكتوك]
0.00/5 (0 صوت)

12-10-2014 10:11 PM
عضو البرلمان قال أنه شاف حشود ضخمة للحركة الشعبية قطاع الشمال فى جنوب كردفان . مش عارف هو ليه بيبلغ البرلمان ؟ ، يمكن يكون خطة جهنمية من وزير الدفاع ليسحبهم داخل المدينة ، ثم ينتهى منهم بهجمة واحدة قبل حلول الصيف الموعود ، زيما حصل لقوات حركة المرحوم دكتور خليل ابراهيم فى أمدرمان . كده عضو البرلمان عبد الله كافي توتو ، قد أفشل خطة وزير الدفاع ، وناس عبدالعزيز الحلو رح يسحبوا حشودهم الضخمة بهدوء .

يا كيزان أرحموا جيشنا يرحمكم الله ! .. ليس من مهمة عضو البرلمان أن يتحدث لزملائه أو غيرهم عن تحركات حشود عسكرية ليدغدغ بها عواطفهم !! ، فهذه مهمة أناس مدربون تدريبآ متخصصآ وعاليآ ، وقادة الجيش أدرى بإحتياجات الجيش ، وعارفين مسار القنوات الواجب تتبعها لدعم الجيش .. كده والله بتخجلونا وتخلوا الناس يضحكوا علي السودانيين !! . انا لو كنت عندى صلاحيات حاكم ديكتاتور مثل البشير ، كنت قد جلدت العضو عبدالله كافى توتو أمام زملائه داخل البرلمان لكى لا يتحدث علنآ مرة أخرى عن تحركات الحشود العسكرية حتى ولو هذه الحشود للأعداء ! ، لأن مثل هذا الكلام يفشل خطط الجيش لردع الحشود الضخمة ( عدد أم حجم ) .هو بيفتكر الحشود دى رح تنتظر مجىء قوات الدعم السريع ليبيدها عن بكرة أبيها .

[فرح ود تكتوك]

#1167350 [ابو عرب]
5.00/5 (4 صوت)

12-10-2014 09:49 PM
قوات الحركةةالشعبية شنو من كوكب تاني او بلد تاني ما الشعب السوداني المغلوب علئ امره وان شاء الله يغلبوكم ويمسكوا البلد حندعوا للحركة الشعبية بالنصر والتمكين ان شاء وحندعمهم كمان دعم مادي ومعنوي ودين شنو الدين قوا فيه يا حرامية سارقين البلد وبتبيعوا فيها وفي ناسها وضرائب وغيروا وبتقولوا نحمي الدين ههههههههههههههه والله الضحك والبكاء شرطنا منكم لكن انتو شوية مقاديد حثالة جاثمين علئ الحكمةبالماسونية والمرتزقة وبتنهبوا في البلد ودمرتوها عشان كدا ما حتقعدوا كتير اسمعوا الكلام دا كويس

[ابو عرب]

#1167319 [طة القرشي مريض]
4.00/5 (1 صوت)

12-10-2014 09:03 PM
1-الدفاع بالنظر
2-الفاع بالدعاء
3-الدفاع بالهزار
أنعم بها من دفوع استراتيجيات القرن الواحد والعشرون لجيش السودان النظامي

[طة القرشي مريض]

ردود على طة القرشي مريض
United Arab Emirates [أبو مهند] 12-11-2014 06:00 PM
يا أخ طه ممكن نضيف دفاع آخر وهو (الدفاع بالفرار)


#1167309 [حضرس]
3.00/5 (1 صوت)

12-10-2014 08:45 PM
انتو مﻻحظين الناس جبناء جدا .. قول ليهم أرجو الراجياكم يا وسخ

[حضرس]

#1167297 [الجعلي ود المتمة]
4.88/5 (4 صوت)

12-10-2014 08:30 PM
والله كرهتزنا الصيف ذاته انتو كل كضبكم بقى مربوط بالصيف ..كيف تعهد الوزير بانطلاق عمليات الصيف قريباً ونحن دخلنا في الشتاء!!
ابو ريالة دا قايل الصيف معناته صف وطابور ؟؟
وبعدين انتوا من خمسة سنوات قلتوا الصلاة في يوم الجمعة القادمة في كاودة !!
اها نحن بنديكم يوم الجمعة البعد يوم القيامة مباشرة تنفع معاكم كده ؟
تفووووووووو ياخ

[الجعلي ود المتمة]

#1167296 [خالد حسن]
4.75/5 (5 صوت)

12-10-2014 08:27 PM
غايتو انا بدعي ربنا يحرق الجيش السوداني بمن فيه ويدمره زي مادمر بلدتا
روح بلايخمكم عساكر فاشلين ومجرمين

[خالد حسن]

#1167284 [أبو مصطفى]
5.00/5 (2 صوت)

12-10-2014 08:16 PM
ندعو للقوات المسلحة علشان شنو يعنى ، ما كانت موجودة فى هبة سبتمبر وخلت الجنجويد و كلاب الأمن يقتلوا فى المواطنين زى ما عايزين 200 شاب من خيرة ابناء هذا الوطن راحت دماءهم هدراً، وتجى تقول قوات مسلحة.

[أبو مصطفى]

#1167276 [المجنون]
5.00/5 (2 صوت)

12-10-2014 08:05 PM
تأكلوا قروشنا

تحولوها للحرب
ما تعالجوا اهلنا ولا تقروا اولادنا
وكمان ندعو ليكم

الله يورينا فيكم قوته بقدر ما بتتقوا علينا

[المجنون]

#1167268 [ود ابراهيم]
5.00/5 (1 صوت)

12-10-2014 07:55 PM
.

[ود ابراهيم]

#1167264 [ملتوف يزيل الكيزان]
4.50/5 (4 صوت)

12-10-2014 07:50 PM
الهبالة و الريالة لزوم التماهي مع الهبل المجندين بالاستهبال و الدايرين لقمة عيش و ماعارفين انها مغموسة في دم اهلهم ابناء عمومتهم .
لو كان دعاكم يفيد ، ما تقعدوا كلكم تدعو الله لخسف لاهاي؟؟لينجو البشير من الملاحقة. اخجلوا ناس رئيسم ملاحق بالانتربول. عشان كدة بقى يبول في ملابسه حسب كلام ناس قراب منو و اصبح لا يتحرك الا لابس سروال بلاستيك مربوط بقوة عشان بولو ما يظهر قدام الناس.

علي شباب المقاومة اكمال قواعد البيانات و اشراك الشابات في عمل حصر الكيزان وكلاب الامن و احصاء تحركاتهم و مكامنهم.

[ملتوف يزيل الكيزان]

#1167240 [اقلام رصاص]
0.00/5 (0 صوت)

12-10-2014 07:26 PM
الحقيقة انو الجيش لا يريد ان يحارب..والكيزان مرتاحين في الخرطوم

[اقلام رصاص]

#1167235 [ربش]
5.00/5 (2 صوت)

12-10-2014 07:20 PM
خلي الجرسه يا أبو رياله وشد حيلك ... الطوفات آتي لا محاله لإقتلاعكم من جذوركم يا قتله و لا نامت أعين الجبناء.

[ربش]

#1167232 [شمام]
5.00/5 (2 صوت)

12-10-2014 07:16 PM
لن ندعو الا عليكم ايها الظلمة الفاسدين دمرتم الجيش و حولتوه الى مطية لتنفيذ مراميكم الى التمكين وقتلتم الشباب بفرية الجهاد واخيرا اعتبرتوهم فطايس بعــد ان كانت آلة اعلامكم تصفهم بالشهداء ندعو الشرفاء فى الجيش الا يطيعوا اوامركم لقتل الابرياء والانقلاب عليكم والوقوف بجانب الشعب المقهور وندعو الشباب الا ينساقوا الى ترهاتكم وكذبكم فاننا لن نصدق قصة عباس والنمر توفووووو عليكم
ايها الفاسدين الغاصبين

[شمام]

#1167231 [الفاروق]
4.50/5 (2 صوت)

12-10-2014 07:16 PM
امك . مقولة نافع سببها صار معلوم . اركز ياجعلى .

[الفاروق]

#1167216 [التكي تاكا]
5.00/5 (2 صوت)

12-10-2014 07:02 PM
قتل المسلم للمسلم حرام ولاجهاد في قتل مسلم وهدم الكعبه عند الله اهون من قتل مسلم والقتال الان من اجل الحكم وحرام القتل من اجله

[التكي تاكا]

#1167207 [كبسول]
3.00/5 (2 صوت)

12-10-2014 06:50 PM
والله حاجة غريبة
وزير الصحة يدعوا للابتهال لله لمنع دخول الايبولا
وزير الداخلية يدعوا بالدعاء لنصرة الجيش السوداني
اين علمائهم علماء الضلالة ناس الكاروري وعصام وعبدالحي
نحن شذاذ الافاق لا تستجاب دعواتنا
بدليل اننا ندعوا عليكم 25 سنة ولا زلتم جاسمين علي صدورنا

[كبسول]

ردود على كبسول
Saudi Arabia [كبسول] 12-10-2014 10:18 PM
شكرًا سوداني
غلطة مطبعية
ذي غلطتك اتجروا بدل اتحروا
المهم المعني مفهوم
مع تحياتي واعتذاري

Saudi Arabia [jafar] 12-10-2014 09:42 PM
اتحر على الكتابة الصحيحة با سودانى .. اتحروا وليس اجروا

[سوداني] 12-10-2014 08:51 PM
يا جماعة الخير الله يهديكم
اتجروا الكتابة الصحيحة
جاثمين يا كبسول وليس جاسمين


#1167205 [nazar]
5.00/5 (2 صوت)

12-10-2014 06:49 PM
الحركه الشعبيه هي الفيصل الوحيد لسودان من ازال النظام والكلام الكتير مابنفع الايام هي البتوري

[nazar]

#1167194 [السودانى ابو شلضومة سوداء وزرقاء]
5.00/5 (2 صوت)

12-10-2014 06:41 PM
ايها الانقاذيون انتم تعلمون تماما ان الشعب يدعو عليكم وليس لكم كما تعلمون ان الدعاء السئ ينعكس عليكم بالايجاب لذا طلبتم من الشعب ان يدعو لكم وانتم تعرفون فى قرارة نفسكم انه يدعو عليكم حتى تنالوا الرضا من الرب وانا ادعو لكم بالنصر المؤزر على الشعب القذر والمخنث والذى يستاهل منكم كل ما فعلتموه به من جرائم وخلافه كما ادعو الله ان يديم حكمكم للبلاد والعباد 50 سنة اخرى حتى تجهزوا على ماتبقى وان تمحوا اسم السودان من الخارطة محوا ليس بعده رجاء .لعل وعسى ان يكون دعائى ياتى بالمقلوب عليكم

[السودانى ابو شلضومة سوداء وزرقاء]

#1167190 [radona]
4.00/5 (1 صوت)

12-10-2014 06:39 PM
كيف عرف هذا (العضو) بامر هذه القوات هل هو زرقاء اليمامة
يجب ان يتم ارسال هذا العضو الى مناطق العمليات للاستفادة منه بدل رادار
ارى ان هذا العضو طابور خامس يعمل على ترويع الحكومة
ويجب اعتقاله والتحقيق معه بصورة دقيقة

[radona]

#1167188 [مامون خميده]
5.00/5 (2 صوت)

12-10-2014 06:37 PM
انشاء الله سوف ندعوا عليكم باسم الواحد الاحد القهار الذى لا اله الا هو ان ياخذكم اخذ عزيز مقتدر ويريح الشعب الغلبان منكم ..

[مامون خميده]

#1167134 [جنوبي]
5.00/5 (10 صوت)

12-10-2014 05:40 PM
" قبل أن يطالب المواطنين بالإكثار من الدعاء لنصرة القوات المسلحة."

هو لو دعانا مُجاب كان قعدتوا فوقنا لحدي هسي !!؟
دعانا خليهو ! شوف شغلك انت كان بتقدر ..

[جنوبي]

ردود على جنوبي
Sudan [Locolo] 12-10-2014 07:06 PM
هههههههههههههههههههههههههههههههههاى لزيز و الله يا جنوبى ،،،
كلامك ده زكرنى واحد فى صلاة الجمعة الامام قاعد يدعوا وبيقول اللهم لا تسلط علينا من لا يخافك ،، آلخ .الزول قام وقف فوق وقال لللامام بالله غير دعوتك دى لان ربنا سلط علينا الكيزان المابخافو ربنا ديل و طلعوا زيدنا كمان ،،،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة