الأخبار
أخبار إقليمية
مدير سودانير يتقدم باستقالته ويعكتف بمنزله
مدير سودانير يتقدم باستقالته ويعكتف بمنزله
مدير سودانير يتقدم باستقالته ويعكتف بمنزله


12-11-2014 08:20 AM

الخرطوم: هالة حمزة
أبلغت مصادر موثوقة ، تقدم المدير العام للخطوط الجوية السودانية (سودانير) عبدالمحمود سليمان باستقالته من منصبه لوزير النقل واعتكافه في منزله.
وقالت المصادر، إن وزير النقل لم يبت إلى الآن في شأن الاستقالة المكتوبة لمدير سودانير والتي عزاها المدير لتقاعس الجهات المختصة عن الاستجابة لمطالب الشركة فيما يلي توفير التمويل اللازم للنهوض بمهامها كناقل وطني، فضلاً عن عدم الاستجابة لمتطلبات العاملين واستحقاقاتهم .
في السياق أكد رئيس نقابة العاملين للشركة الزبير حمد لـ(السوداني) استقالة المدير العام للشركة، وقال إن استقالته خلقت المزيد من الفراغ الإداري بالشركة والتي تخلو زهاء الـ(14) شهراً من مجلس الإدارة وتبعه الآن المدير العام، كاشفاً عن قيام وزارة المالية بصرف راتب شهر أكتوبر المنصرم فقط للعاملين بالشركة، بينما لا تزال بقية مطالب النقابة عالقة

السوداني


تعليقات 11 | إهداء 0 | زيارات 5451

التعليقات
#1168048 [Hisho]
0.00/5 (0 صوت)

12-12-2014 05:37 AM
هى لسع فى شركة اسمها سودانير, وعندها مدير, و كمان مديرها بيقدم استقالة من الشركة ... حاجة عجيبة .. سودانير بعد اللعب والفساد والنهب والسرقة والفشل .. لسع موجودة .. والله روحها روح كلب ..

[Hisho]

#1168038 [آمال]
0.00/5 (0 صوت)

12-12-2014 05:11 AM
الا يجيبوا بس مدير يقدر عليهم كلهم و يرجع سودانير زيما كانت زمان

[آمال]

#1168003 [جنوبي]
0.00/5 (0 صوت)

12-12-2014 03:05 AM
واحدة قايمه والتانية نايمة وكمان عاملين ليها مدير عام ومجلس ادارة !!؟
الله يرحمك يا طيران الشمس المشرقة !!

[جنوبي]

#1167988 [الحقيقة مرة]
0.00/5 (0 صوت)

12-12-2014 02:16 AM
اكون معتكف في بيتم عشان ما في زول اشوفو ببكي واجعر من الفشل

[الحقيقة مرة]

#1167878 [داجن الداجن]
0.00/5 (0 صوت)

12-11-2014 10:33 PM
فشل فشل فشل

[داجن الداجن]

#1167750 [sasa]
3.00/5 (2 صوت)

12-11-2014 07:52 PM
اليكم الخبر اليقين مدير سودانير بصدد التعاقد مع شركة طيران خليجية بمواصفات عالمية ؟؟؟

[sasa]

#1167701 [قاسم الامين عبود]
4.00/5 (3 صوت)

12-11-2014 07:04 PM
الخطوط الجوية السودانية عبارة عن طيارة واحده تدعي بدر تقوم من الخرتوم ترك في جده وتطير تاني ترك في دبي وترجع من دبي ترك في الخرتوم ثم تطيرتاني وترك في الرياض بعد تاخير 14ساعة وبصورة مستمرة والنغمة كالاتي حضور الساعة اربعة صباحا المطار والاقلاع الساعة تمانية صباحا وطبعا ليس مفاجاة ان يقول لك بعد ايمسك منك رسوم الوزن الزائد ويقول ليك خلاص ارجعوا البيوت وتعالوا الساعة خمسة مساء وترجع علي مضض اذا كنت من اهل الرياض اما اذا كنت من الشرقية او القصيم تتوسد البلاط وترقدوالساعة خمسه ولا اعتزار ولاكلام فاضي يجوا الساعة ثمانية مساء تسحب البوردباس ثم تدخل صالة المغادرة وترك الطائرة الميمونه الساعة خمسه صباحا ثم بعد ساعة ونص نضافه وكلام فاضي جنس لعب وكلام فاضي يعني الرحلة المبرمجة الي الولايات المتحدة الاميريكية تكون سافرت ورجعت ونحن نزح في المطار وطن عجيب وغريب اى مرفق فيه منهار ديل منتظرين شنو يا جماعة الخير بالله عليكم

[قاسم الامين عبود]

ردود على قاسم الامين عبود
Saudi Arabia [جركان فاضى] 12-12-2014 01:16 AM
منظرين شنو؟...منتظرين طيارة بدر تجيكم الرياض


#1167685 [د. سهير محمد زين]
5.00/5 (3 صوت)

12-11-2014 06:48 PM
هو يعنى لو قعد فى مكتبو ولا فى البيت قرقت فى شنو؟؟؟ انا لو كنت فى محلو كنت انتحرت عشان اسبت وجهة نظرى.... خيبك الله فى الدنيا وفى الاخرة

[د. سهير محمد زين]

#1167645 [مريود]
4.75/5 (5 صوت)

12-11-2014 05:56 PM
يا جماعة بجد في ناس لس بتسافر على سودانير؟

[مريود]

ردود على مريود
Qatar [الكردفاني العدييييييييييييييييييييييييييييييييييييييل] 12-11-2014 10:40 PM
الا الغلبان ........... حيلة


#1167635 [جركان فاضى]
5.00/5 (1 صوت)

12-11-2014 05:48 PM
ديون سودانيير اكبر من رأسمالها...وهكذا كلما دخلت الانقاذ شركة تسارع اليها الفساد

[جركان فاضى]

ردود على جركان فاضى
[قاسم الامين عبود] 12-12-2014 03:47 AM
انت جركان مليان وكلامك كلو مليان يا جركان مش لو دخلوالشركة ديل لو جو ماشين بشارعها ساكت تسارع الفساد فعلا


#1167616 [بت أمدرمان]
4.88/5 (6 صوت)

12-11-2014 05:31 PM
الله يرحمك يا سودانير ، خطوط جوية عريقة أصبحت بدون طائرات. فضيحة دولية، و لا يزال البشير يرقض و يقدلو يتفاصح

[بت أمدرمان]

ردود على بت أمدرمان
Sudan [nagatabuzaid] 12-12-2014 12:55 AM
يا بت امدرمان بقدل ويتفاصح لانه عنده طائرة رئاسية خاصة وعنده طائرة جمال الوالى البسافروا بيها المدامات حدهن لندن مالوا ومال سودانير ومالوا ومال الشعب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة