الأخبار
أخبار إقليمية
الجيش الشعبي : بيان عاجل عن معارك الدلدكو والروصيرص
الجيش الشعبي : بيان عاجل عن معارك الدلدكو والروصيرص
الجيش الشعبي : بيان عاجل عن معارك الدلدكو والروصيرص


12-13-2014 02:19 AM


بيان عاجل عن معارك الدلدكو والروصيرص


دحراً لعمليات الصيف الساخن الذي أعلنته حكومة المؤتمر الوطني عبر رئيسها ووزير دفاعها وكبار مسئولي النظام العسكريين والمدنيين، وبداءوا فعلياً في تنفيذها في جبال النوبة، فقد تمكنت قواتنا ظهر أمس من مطاردة قوات النظام المهاجمة وملاحقتهم حتى أخلوا معسكري الدلدكو والروصيرص (17 – 12 كلم شرق كادقلي) تاركين خلفهم دبابة تي 55 بحالة جيدة ومدفع مضاد للطائرات عيار ذو 23 وعدد من الأسلحة والعتاد العسكري كذلك دمرت لهم قواتنا دبابة تي 55 وكبدتهم خسائر فادحة.

وفي نفس الصعيد تمكنت قواتنا من ملاحقة قوات النظام غرب مدينة كادقلي ودحرتهم من منطقة حجر نمر حوالي 7 كلم غرب كادقلي وغنمت كميات من العتاد العسكري جاري حصرها .

الجيش الشعبي سوف لن يتواني في الرد والدفاع عن المدنيين العزل من ضربات وهجمات قوات الصيف الساخن المنهارة، ويؤكد فشل مخططات البشير ووزير دفاعه على أرض الواقع، ويصر بأن الإتجاه العسكري الذي تبنته حكومة النظام لمخاطبة مشاكل السودان لن تجلب للبلد ولأبناءه سوى مذيداً من الدمار والخراب.

تطلب الحركة الشعبية من أفراد القوات المهاجمة وضباطها عدم الدفاع عن حكومة الظلم والطغيان في الخرطوم التي أفقرت وجوعت وشردت الشعب، وتقول لهم فكروا مليئا قبل تنفيذ أوامر رؤساءكم التي تؤدي بكم الي الهلاك أو الإصابة والأسر.


أرنو نقوتلو لودي


الناطق الرسمي باسم الحركة الشعبية لتحرير السودان شمال

12 ديسمبر 2014م


تعليقات 19 | إهداء 0 | زيارات 16168

التعليقات
#1169551 [بشير حسن بحرالدين نور]
0.00/5 (0 صوت)

12-15-2014 12:43 AM
ياالله متين نسمع بي وقوف الحرب مع وجود الحكومة المتعصبة التي رءت ان تكون هي الوحيدة الحاكمة للسودان فمتي يموت ابناء الوطن ونحن نتفرج اليس منا رجل له خوف من الله ومن الوطن وقصدي هنا ناس المؤتمر البطني والله عزبتونا وعزبتو الوطن اتقواالله كفاية قلنا الروب

[بشير حسن بحرالدين نور]

#1169079 [تمساح]
0.00/5 (0 صوت)

12-14-2014 05:55 AM
"الناطق الرسمي باسم الحركة الشعبية لتحرير السودان شمال"
يعني تابعين لحكومة الجنوب ؟
والا يعني حكومة الجنوب بعد الانفصال قالت ليكم باي باي وعشان كده عاوزين تركبوا علي ظهر النوبة واهل دارفور والنيل الازرق ؟؟
يعني عملاء لدولة خارجية ؟
مساكين المهمشين

[تمساح]

#1169070 [ا]
0.00/5 (0 صوت)

12-14-2014 05:14 AM
اليوم منو الموجود في الدلدكو الجيش ولا الحركه الشعبيه. دايرين اثبات
بطلو هبل وعبط

[ا]

#1168988 [nyala]
5.00/5 (2 صوت)

12-14-2014 02:24 AM
التحية لكل رفقا النضال وكل من يحمل هم هذا الوطن, الي الذين ماذالو يضربون طبول التقديس والتبجيل للموتمر البطني اظن انهم مرضا نفسين ويعانون من عقدة النقص , لا يعرفون ان حكومة الخرطوم تستخدم كل ماهو محظرو ضدد مواطنيها من اجل بقا اشخاص علي كرسي السلطة , لا تحلمو بمؤتمر سعيد فغدا كما اتي الرفاق سابقا بالزراع الطويل سناتي بها مرة اخري عن طريق الجبهة الثورية ,كما قال المثل الدارفوري الفي ..........عويش ما بنطي نار .اكتب بخط احمر

[nyala]

#1168953 [علي]
3.25/5 (3 صوت)

12-14-2014 01:09 AM
هوي يالفرحانيين البموت بجاي سوداني والبموت بقادك سوداني
والجماع قاعدين في الحكومه والتانيين مرطبين في الفنادق
اوعو ياناس

[علي]

#1168901 [Adam Alfakia]
0.00/5 (0 صوت)

12-13-2014 11:34 PM
why our commentry dont publised

[Adam Alfakia]

#1168889 [محمد الفاتح]
3.00/5 (3 صوت)

12-13-2014 10:50 PM
ديل رافضين بسم الله الرحمن الرحيم ورافضين الشريعة الإسلامية هل سينصرهم الله من فوق سبعة سموات مستحيل ثم مستحيل ثم مستحيل ( ولينصرن الله من ينصره إن الله قوي عزيز )

[محمد الفاتح]

ردود على محمد الفاتح
[مامون خميده] 12-14-2014 06:39 PM
يا ود الفاتح اين هى الشريعة عندكم وكيف ينصركم وانتم ظاليين


#1168697 [سوداني أصيل]
5.00/5 (2 صوت)

12-13-2014 04:46 PM
كادقلي امتا ح تخشوها وكذلك الدلنج.
وبعدين وين مضادات الطيران الحربي تبعكم والطيران ما ذال يقذفكم

[سوداني أصيل]

ردود على سوداني أصيل
Sudan [تفيدة] 12-14-2014 11:30 PM
وانت مال اهلك (يامصري) يامعفن ؟!!!!


#1168654 [قال مسلمين قال]
3.75/5 (5 صوت)

12-13-2014 10:53 AM
اقتباس
ومدفع مضاد للطائرات عيار ذو 23
انتو جادين مدفع مضاد للطائرات الحكومة تسوي بيهو خيمة في دلدكو و اللا شنو؟ انتو عندكم طائرات عشان الحكومة تجيب ليها مدفع مضاد للطائرات في دلدكو و الرصيرص؟ لما تفكوها بالله خلوها معقولة عشان نصدق!!!!
و اللا تكون جايباهو ليكم هدية.... الحمد لله استلمتوا الهدية!!!!

قال ذو 23 قال

[قال مسلمين قال]

ردود على قال مسلمين قال
Saudi Arabia [SONKEY] 12-13-2014 10:48 PM
أولا: معاك خبير عسكري
ثانيا: تستخدم كل انواع الاسلحة في المعارك منذ زمن طويل جدا وخاصة في الجنوب سابقا وحاليا في مناطق النزاع وعلي سبيل المثال المضادات الجوية مثل الرباعي والثنائي والزو والدوشكا في الحروب البرية.
عشان كده ماتستغرب.

Saudi Arabia [كنياتا] 12-13-2014 08:27 PM
إنت ما بتفهم في العسكرية عشان كدا عليك أن تسأل سيدك الصوارمي وهو المتخصص في "الفك" الذي تعنيه،،، أما أشاوس الجبال فلا يقولون إلا ما يحدث في الميدان، فإذا كانت لديك شكوك في ذلك فعليك أن تذهب بنفسك إلى هناك لترى بأم عينيك يا هذا

Russian Federation [كمرد] 12-13-2014 07:39 PM
والله انت السطحي الماناقش حاجة ولسانك طويل
امشي اتثقف في الاسلحة وبعدين تعال علق
انا ما بتهمك انك جدادة وكوز
لانو الكيزان عصابات وبعرفو السلاح اكتر من القلم
مضادات الطيران هي ايضا اسلحة يمكن استخدامها في تدمير المدرعات وقتل المشاة وتدمير المنشأت
فالرباعيات والدوشكات والسام 7 الذو جميعها تستخدم
فهمت ياطيرة ،والله مافي زول بكره التمرد الا تلقاه ابله راسو فارغ من القرويين والبدو العنصريين المافاهمين حاجة غير الاكل والشراب والنكاح
بلا يبليكم انشاء الله

United Kingdom [Freemantalker] 12-13-2014 07:05 PM
أمي
لا يعرفون أن هذا السلاح الثقيل له أهداف متعددة بصرف النظر عن الطائرات الجوية


#1168639 [عمار]
0.00/5 (0 صوت)

12-13-2014 09:00 AM
30/12/2014

[عمار]

#1168591 [:::بيكو:::]
5.00/5 (5 صوت)

12-13-2014 06:52 AM
لا قادرين تزيحوا النظام ونرتاح منو..ولا هو قادر يزيحكم ونرتاح منكم

كان الله في عون وطن يموت على رصيف الإنتظار

[:::بيكو:::]

#1168590 [حسن ام قزاز]
4.00/5 (3 صوت)

12-13-2014 06:51 AM
ارمو قدام .يفترض ان تنقل المعارك داخل البلد في عمق البلد بل الافضل الاعتماد على حرب العصابات وهذا ما يجعل كلاب بشة يتزوقون المر ويفقدون قوتهم الهجوم المباغت هو وسيلة جيدة لاسقاط النظام

[حسن ام قزاز]

#1168518 [ملتوف يزيل الكيزان]
4.61/5 (9 صوت)

12-13-2014 05:05 AM
لتشتيت جهود عصابة الانقاذ لابد من فتح جبهة جديدة بالعاصمة ، ليتزوق الكيزان و مغفليهم طعم الحرب.
علي الشباب و الشابات بخلايا المقاومة بالاحياء التنسيق مع مسربي الحركات لاشعال حرب عصابات المدن ، الحل الوحيد المتاح. البداية حرق بيوت الكيزان وكب الامن.

[ملتوف يزيل الكيزان]

ردود على ملتوف يزيل الكيزان
Saudi Arabia [ودالارباب] 12-13-2014 08:48 AM
مالك ومال العاصمة. حاقدين


#1168511 [الحقيقة مرة]
4.98/5 (13 صوت)

12-13-2014 04:49 AM
لن تنتهي الحرب وتجف الدماء ما لم يقعقع الكلاش وتزمجر الدوشكا في عمق كافوري

[الحقيقة مرة]

#1168496 [بت البلد]
4.50/5 (5 صوت)

12-13-2014 04:11 AM
يا عمر البشير كلامك فطير أرحم الشعب الفقير ...

[بت البلد]

#1168493 [حلفاوي]
4.50/5 (5 صوت)

12-13-2014 04:02 AM
لا تتركوهم .. عبدالرحيم المعفن ياخذ على دماغو .. ادخلو الخرطوم اقبضو على العصابة ورئيس العصابة عمر البشير وكتفوهم ..

[حلفاوي]

ردود على حلفاوي
[]ديل بشر بالله ؟؟] 12-13-2014 06:08 PM
ياخ خرطوم شنو البخشوها ديل هم 15 كيلو من مكانهم ماقادرين يتحركوا .... نحن كمان نبقى واعين ماننساق وراء الاعلام السياسي وحسي كمان الاعلام العسكري
دي تسمى استراتيجية الارهاب وطبعا كلنا عارفين حقيقة معركة الدلدكو والروصيرص وعارفين الجراء منو كان من الجهاز الامن وكان من الجيش الشعبي وعارفين الجيش عمل شنو عشان كدا الناس تشوف ليها حلول حقيقية بالله


#1168474 [Mohammed]
4.50/5 (5 صوت)

12-13-2014 03:03 AM
الكارب
خريفو وصيفو
ـــــــــــ

أملوهم نار الخونة اللئآم وعايزين المعركة في الخرطوم خلونا نولعها نار على الكيزان اولاد الكلب .

[Mohammed]

#1168465 [منصور]
4.75/5 (6 صوت)

12-13-2014 02:39 AM
والله دي بشارة خير نتمنى لكم التوفيق لدحر قوات الفساد والظلم

[منصور]

#1168460 [الشايقى]
4.81/5 (10 صوت)

12-13-2014 02:21 AM
امك كتمت كتمت وين ام العروس نافع...هههههههههههههههههههه

[الشايقى]

ردود على الشايقى
[كديس فى السروال] 12-13-2014 04:49 AM
كدى غير التعليق ده يا جنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة