الأخبار
أخبار إقليمية
تذمر (20) مزارع لعدم ترحيلهم إلى الجزيرة..نثرية فطور لكل مزارع بـ33 جنيه،
تذمر (20) مزارع لعدم ترحيلهم إلى الجزيرة..نثرية فطور لكل مزارع بـ33 جنيه،
تذمر (20) مزارع لعدم ترحيلهم إلى الجزيرة..نثرية فطور لكل مزارع بـ33 جنيه،


من فضائح نفرة البشير بقاعة الصدقة
12-14-2014 08:18 PM
الخرطوم: سعاد الخضر
تذمر أكثر من 20 من مزارعي مشروع الجزيرة المشاركين في لقاء رئيس الجمهورية من عدم إيفاء اتحاد المزارعين بإعادة ترحيلهم إلى الولاية وقالوا إنهم مكثوا أكثر من ثلاث ساعات دون جدوى وطالبوا البشير في الوقت ذاته بإصدار قرارات عاجلة لإصلاح المشروع وقال المزارع الحاج عبد الرحيم - إنهم تفاجأوا بعد نهاية اللقاء بتنصل الاتحاد من مسؤوليته تجاه ترحيلهم مؤكداً أن رئيس الاتحاد صلاح المرضي قال لهم إنه وجه رؤساء الأقسام الخمسة للقيام بذلك، وأضاف: مدير قسم المنسي ذهب واستلم الأموال ودفع للحافلة التي تتبع له فقط.
وكشف مزارع فضل حجب اسمه أن الاتحاد خصص مبلغ 2500 جنيه لكل حافلة بواقع 1500 للذهاب والإياب بينما تم تخصيص نثرية فطور لكل مزارع بـ33 جنيه، وأعرب المزارع عن استيائه لعدم إصدار الرئيس لقرارات فورية لمعالجة مشكلات المشروع.
وفي السياق شدد المزارع سعد الدين الأمين على الحكومة لإعادة دورها في إدارة المشروع وقال إن الحكومة تخلت عن مسؤولياتها تجاه المشروع وتركته للمزارعين مما أدى الى تدميره.

الجريدة


تعليقات 31 | إهداء 0 | زيارات 7288

التعليقات
#1170203 [abin albad]
0.00/5 (0 صوت)

12-16-2014 01:27 AM
ردا على المنسي :ورئيسك والترابي وطه والجاز وغيرهم اصلهم شنو

[abin albad]

#1170005 [الرحال]
5.00/5 (1 صوت)

12-15-2014 07:52 PM
تستاااااهلووووووو سيبو التملق عزيزين مكرمين الوداكم شنوووووو يعني الفطور للشخص اقل اربعة دولارات اللهم عفنا بما رزقتنا واجعل لنا فيه القناعه

[الرحال]

#1169851 [ود الجزيرة]
0.00/5 (0 صوت)

12-15-2014 05:13 PM
نعم الحكومة هي السبب المباشر في التدمير الممنهج لمشروع الجزيرة وذلك بعد بيع أصول المشروع بأتفه الأثمان لصالحهم وذلك لشيء في نفس يعقوب .
وكما يعلم الجميع قبل مجيء ( الأبالسة ) كان المشروع يمثل العمود الفقري لإقتصاد السودان ( و أذكر في في فترة الثمانينات ) أن كنت شاهد على العصر كان والدي يقيم في مدينة ودمدني حيث كنا نسكن مارنجان السودان و رأيت بأم عيني كيف الحياة تدب في مدينة مارنجان في الموسم وذلك بعد توافد العمال إليها من كل حدب وصوب . أين المحالج اليوم أين مصانع الغزل والنسيج ؟ أين السكة حديد ؟ أين , أين ؟ للأسف اصبحت سياسة البشير , اعوانه مكشوفه عندما صرح بأن مزارعي مشروع الجزيرة اتعودوا على أكل مال الحكومة ؟؟؟ و أن المشروع ظل يمثل عبئاً على البلاد منذ الستينات ؟ نقول لا و الله وألف لا والكل يشهد بذلك
عرفت عندما صرح بهذا التصريح بأن هناك تحت السواهي دواهي والقادم ستكشفه الأيام ؟
ملحوظة : أنا أرى ان السبب في تدهور المشروع و أنا مزارع من الجزيرة و شاركت في مظاهرات عديدة ضد نظام البشير عندما كنت بالجامعة السبب هو الحكومة والتدمير ممنهج والكل يعرف السبب و السبب الثاني المزارع نفسه كيف ذلك ؟ ( مثلاً كان في السابق بعد نهاية موسم زراعة القطن يتم حرق حطب القطن لكي لا يتسبب في تلف الأرض ) أما الآن أصبح المزراع لايهتم بنظافة أرضه .

[ود الجزيرة]

#1169720 [نص صديري]
5.00/5 (2 صوت)

12-15-2014 06:59 AM
عشان تعرفوا ياناس الجزيرة الكيزان باعوكم بفلوسكم للمصريين وقبضوا التمن اطلعوا هنا على الفضيحة التي اخفاها البشير عنكم
http://www.alarabonline.org/?id=39927

[نص صديري]

#1169708 [مشكلة]
5.00/5 (3 صوت)

12-15-2014 06:29 AM
انتم الجابكم شنو قال صرح قال اي ارجعوكم ليش مش خلاص فطروكم فضحتو اهلكم

[مشكلة]

#1169705 [Abu]
4.00/5 (1 صوت)

12-15-2014 06:23 AM
Unquestionable, this is the right and correct name for this hall: -
قاعة الصدقة

[Abu]

#1169682 [ابوعديلة المندهش]
5.00/5 (5 صوت)

12-15-2014 05:28 AM
والله أنا أشك بأنكم تمثلون مزارعى الجزيرة بل أشك فى رجولتكم من أصلها يا وهم . قال ما أدونا حق المواصلات الرجعة قال . والله كل واحد فيكم يستاهل شلوت يطيرو أهلو .

[ابوعديلة المندهش]

#1169676 [ابو عرب]
0.00/5 (0 صوت)

12-15-2014 04:50 AM
النظام في نفسه الاخير والله لا اكذب ههههههههههه ويلا لكل من والاه ووقف معه ولو بدعوة بس احسن لكل واحد بيعرف ليو موالي للنظام ينبهوا ويفتح اضنينوا النظام واقع وقعة سوداء والانتخابات دي دق النعش الاخير له الاجتمعوا كلهم مع النظام منتفعين وكانوا ياملون في جزرة لكن رجعوا حاف حق المواصلات ما لمو فيهةيعني اغروهم بالفطور بس بعد كدا الدنيا حتكون حسابات كدا الجماعة ديل حيستثمروا طلقة واحدة بس عشان يجيبو قطيع والقطيع بعد داك ياكل خازوق انتو عارفين بدات النهاية بتين لهذا النظام عندما انفصل عن الترابي وقطيعه والترابي اثبت انه انتهازي ورجل دنيوي منحط مستعد انه يغير دينه عشان اي حاجة فالموضوع الان بقا واضح اظن النظام واقع واقع نبهوا الموالين اصحابكم واهلكم ونحن قاعدين نجهز للاهاي ان شاء الله

[ابو عرب]

#1169673 [ابو شامه]
5.00/5 (2 صوت)

12-15-2014 04:34 AM
يا جماعه المشوا ديل ما بمثلوا ناس الجزيره ديل ناسن ..موتمر وطني

[ابو شامه]

#1169667 [هانيبال]
5.00/5 (1 صوت)

12-15-2014 04:25 AM
ي جماعة المزارعين الحضروا اللقاء هم من منسوبي القشيييير ال (م) وطني...ولا بتفتكروا انهم متعندهم ناس في اوساط المزراعين...وشوف العدد 20 شخص...الجواب يكفيك من عنوانه...

[هانيبال]

#1169659 [عصمتووف]
5.00/5 (2 صوت)

12-15-2014 04:10 AM
واحد من قاطني الجزيرة كنت اندهش حين ينعت مواطيني الجزيرة بالمصلحجية فعلا بالامس تعمد مشاهدة نشرة الساعة ال10 مساء عند احد الجيران وراعني ما شاهدته من هتيفة وصفيقة وهليلة رجع ب شريط هذا الزميل سالت نفسي بعد تدمير مزارعهم لماذا يحشدون ك الاغنام بالقاعة و من كائن كال لهم بالامس ونعتهم باللصوصية هل من اجل 33 جنية فطور و250 مواصلات ومشاهدة القاعة والجلوس مع سيدهم السؤال ماذا بعد وب صحف اليوم الصادرة قرر 1000 من مواطني الجزيره ترشيح البشير لدوره جديدة كم قبضتم وكم قبض السمسار

[عصمتووف]

#1169647 [ali]
0.00/5 (0 صوت)

12-15-2014 03:32 AM
اين الكرامه بعد م القالو البشير يا ناس المشروع

[ali]

#1169609 [ايوب عثمان]
5.00/5 (1 صوت)

12-15-2014 02:09 AM
حاجة غريبة شتم واساءة وبعد ده حضرو لقاعة الصداقة وين بيانات اهل الجزيرة راحات وبعدين المؤتمر ده وراهو لحسة كبيرة غشو بيها ناس الجزيرة

[ايوب عثمان]

#1169599 [دوشكا]
5.00/5 (4 صوت)

12-15-2014 01:47 AM
بعد الكلام القالوا الرئيس فيكم تجو تعملوا شنو عشان الآكل تأكلوا السم يا متخلفين بدل ما تفرقوع القاعة وتكسروا فوق دماغ الرئيس تهللو الله لا جاب باقكم عالم وهم

[دوشكا]

#1169594 [ودالعمدة]
5.00/5 (1 صوت)

12-15-2014 01:40 AM
أتلوم تب بشبش وجماعته الما رقعوكم بي حق الرجعه وحق "الجبنه" ,مني ومنكم امسك في حلق ريسكم الجابكم من مدني "مدقسين" وملحكم ماسورة خنق وزرد لين يمرق قريشاتكم اللهطه من بشبش وكب الزوقه

[ودالعمدة]

#1169575 [بورتبيل]
5.00/5 (1 صوت)

12-15-2014 01:11 AM
انتو طير وتسنتهلوا ماشين ليه ياسجم ياجعاتين هو شتمكم دة بمشي ليه تانى تستاهلوا اكثر من كدة

[بورتبيل]

#1169567 [مبارك]
5.00/5 (1 صوت)

12-15-2014 01:03 AM
قبيل شن قلنا ما قلنا الطير بيأكلنا ، كان اعضاء مجلس قيادة ثورة ما يسمى بالانقاذ الوطني خمسة عشر عضواً هم: عمر حسن أحمد البشير ، الزبير محمد صالح ، ابراهيم نايل ايدام ، بيويو كوان ، دومنيك كاسيانو ، عثمان أحمد حسن ، فيصل مدني مختار ، مارتن ملوال ، سليمان محمد سليمان ، فيصل ابوصالح ، التيجاني آدم الطاهر ، بكري حسن صالح ، صلاح محمد أحمد كرار ، محمد الامين خليفة و براهيم شمس الدين .
فاين هؤلاء الخمسة عشر ضابطا الان ، لم يتبقى منهم الا بكري حسن صالح وعمر البشير . فالقتلوا قتلوا والاتزوجوا زوجته بعد قتله ، والفكوه عكس الهوا زيكم فكوهوا . البشير ده احسن تخطوا ما عنده ضمان بكرة دي لو لقى فيكم طريقة حا يحصلكم ابراهيم شمس الدين وبعد ذلك حا يتزوج نسائكم .
الجاتكم في مالكم سامحتكم امشوا الميناء البري واقطعوا تزاكر وسافروا اهلكم وتاني ما تكرروا الفعلة الفعلتوها دي فالبشير ذي ما قلت ليكم احسن تخطوه ما عنده ضمان وبوديكم في ستين الف داهية سامعين .

[مبارك]

#1169564 [karkaba]
5.00/5 (1 صوت)

12-15-2014 01:02 AM
ياها قيمتكم ياخونة ال 33 يجب وضع لستة باسم كل من ذهب وحضر مهزلة السفاح

[karkaba]

#1169549 [الطاهر]
5.00/5 (8 صوت)

12-15-2014 12:38 AM
سلام
هناك مثل أظنه من غرب السودان الحبيب يقول " شاهد الزور يمشي راكب ويرجع كداري" وهو ينبطق عليكم تماماً، تستاهلو.

[الطاهر]

ردود على الطاهر
United States [أم شلوخ] 12-15-2014 03:45 PM
يأخى ضحكتني و انا زعلانة عايزة اطرشق، يا خوانا كفاكم شتيمة ديل أهلكم فى النهاية و ديل خدعوهم باسم الدين و المؤمن صديق.

[AburishA] 12-15-2014 04:26 AM
" شاهد الزور يمشي راكب ويرجع كداري"
هيع هيع هاااااع...تعليق بليغ جدا...وياهو ده الحصل على أهلنا ديل..تحياتي..


#1169522 [:::بيكو:::]
5.00/5 (5 صوت)

12-15-2014 12:00 AM
هؤلاء الأرزقية لا يمثلوا الجزيرة ولا مزارعي مشروع الجزيرة
تاكلوا السم اليهرد مصارينكم إن شاء الله

[:::بيكو:::]

#1169487 [Mojahed]
5.00/5 (4 صوت)

12-14-2014 11:00 PM
بعد القالو عمر البشير فيكم ...جيتو لشنو جيتو (لفنطاز البيبسي) تستاهلو ترجعو كداري .... عشان تاني تجوهو في العاصمة ...

[Mojahed]

#1169483 [ثائر]
0.00/5 (0 صوت)

12-14-2014 10:55 PM
هههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
هخهخهخهخهخه
ههههههههههههههههههههعههعهعهعهعهعه
هههههههههههههههههه

[ثائر]

#1169476 [iswho]
5.00/5 (2 صوت)

12-14-2014 10:45 PM
صغار النفوس هو عارفكم ضعيفين فطور 33 جنيه الله يخيبكم ويخيب رجاءكم 2500 مواصلات
امتى انتوا بتفهموا يوم القيامة العصر تعبانين صغار اترجلوا شوية وخلوا عندكم دم
فضحتونا الله بفضحكم ياحليل عبد الخالق المات اشان يوعيكم مات هو ومات الوعي معاه وانتوا ذي مانتوا في جهلكم و الله المرة الجايه كلوا واحد منكم ادوا بسطونطين
الفطور بي طعمية افطركم ب 33 جنية وراجنوا ادفع 4 مليار دولار اشان ارجع ليكم السكة حديد الباعتى وداد لجياد الرجال ماتوا ياحليل الشفيع تعب معاكم و نقد حفى وراكم
وحميد حلق ورم وراكم وانتوا ذي مانتوا انحنا الزمن شقانا

[iswho]

#1169458 [محمد حسن احمد]
0.00/5 (0 صوت)

12-14-2014 10:10 PM
والله تستاهلوا الخنزير يشاهدا عليكم ويسخر منكم ويصفهم بالتخلف والغباء والجهل عندما تهكم عليكم بقوله عندما اتيتم الخرطوم وشاهدتم دعاية الكوكاكولا على اعلى الصهريج في بحري قلتم ان ناس الخرطوم يشربوا البيبسي بالصهريج وبعد ده بلا خجلة تاركين أسركم وجاين نفرة لمساندة هذا الخنزير تستاهلوا اكثر من ذلك حقيقة صدق المثل القال الكلب يريد خانقو

[محمد حسن احمد]

ردود على محمد حسن احمد
Saudi Arabia [محروق الحشا] 12-14-2014 11:46 PM
يموت صاحب الدرداقة جوعا ولحم الحمير تاكلة اى حاجة بتشوفة انت حسب ذوقك


#1169454 [البدرنجي]
0.00/5 (0 صوت)

12-14-2014 10:03 PM
خلاص عرفنا المزارعين دمروا المشروع اقصد مشروع الجزيرة..سؤال الدمر السودان منو..

[البدرنجي]

#1169445 [تامر حسني]
0.00/5 (0 صوت)

12-14-2014 09:47 PM
تستاهلوا يا منافقين يا معفنين يعملوا فيكم أكتر من كده .

[تامر حسني]

#1169438 [انا]
0.00/5 (0 صوت)

12-14-2014 09:38 PM
يستاهل كل من يوالى النظام يستاهل كل اهانه وذل يلحق به لان الاغلبيه تتصرف بانانيه حقيره ففى مقابل بسيط يمكن لاحدهم ان يبيع مبدأه وقضيته.... لهذا يجلسون على الحكم لاكثر من 25 سنه وستزيد.....

[انا]

#1169419 [AburishA]
3.50/5 (2 صوت)

12-14-2014 09:10 PM
تستاهلوا.. انت جاييين وشعاركم رد الوفاء لأهل العطاء...خموا وصروا !!!

[AburishA]

#1169418 [المنسي]
3.00/5 (2 صوت)

12-14-2014 09:09 PM
المزارعين كلهم أجانب فلانة تشاديين ودارفور

[المنسي]

ردود على المنسي
Austria [قهوة باللبنcafee au lait] 12-15-2014 01:35 AM
لو كنت تعرف شيء عن الجزيرة وأهلها لما قلت ذالك .مافي اجنبي يسكن المشروع يمتلك حواشة . ﻻ تتكلم فيما لا تعلم.


#1169409 [الكاهلى]
4.75/5 (3 صوت)

12-14-2014 08:48 PM
لصوص وسراق لعنة الله عليكم وعلى عمر البشير

[الكاهلى]

#1169391 [درمان]
5.00/5 (2 صوت)

12-14-2014 08:33 PM
ما بتستحوا المزارعين هم الدمروا المشروع ؟ الاستحوا ماتوا !!!!!

[درمان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة