الأخبار
أخبار إقليمية
مقطع فيديو يدمر حياة طـالبة جامعية
مقطع فيديو يدمر حياة طـالبة جامعية
مقطع فيديو يدمر حياة طـالبة جامعية


12-15-2014 08:38 PM
الدروشاب: وفاء يوسف
روت طالبة جامعية تعرضها لإشانة سمعة دمرت حياتها ومستقبلها بسبب تصويرها لمقطع فيديو وهي ترقص في منزل جدتها عندما كانت طالبة بالمرحلة الثانوية، وقال عندما مثلت كشاكية امام محكمة جنايات الدروشاب برئاسة مولانا عبد الحكيم شاكر، انها وقت ذاك كانت تستعد لامتحانات الشهادة السودانية، وبوجود عدد من قريناتها «صديقات وبنات الجيران» وقالت انها استمعت لاغنية الفنانة انصاف مدني ورقصت طرباً مع انغامها، وقامت احداهن بتصويرها، وبعد فترة قامت ببث المقطع وتوزيعه وهي في خدر خاص بالنساء، وقالت ان هذا العمل سبب لها حرجاً واشانة سمعة بالغة افقدها الكثير من الاحترام والهيبة وسط اهلها ومعارفها وجيرانها، بل وصل المقطع لخطيبها الذي تخلى عنها، وقالت ان احد كبار الحي كلما رآها «بصق» على وجهها واحتقرها، ويقوم احياناً باغاظتها فيردد كلمات الأغنية ويحاول تقليد رقصتها، وقالت انها تعرضت كثيراً الى اهانة في المواصلات العامة بالمنطقة عندما يغلق الباب في وجهها. الى ذلك اشار التحري الى تورط «7» متهمين في اشانة سمعة الفتاة بينهم رجل، وهو الذي كان يغيظها بكلمات الأغنية، حيث تم وضعه كمتهم أول، وسوف تواصل المحكمة جلساتها للفصل في القضية.

الانتباهة


تعليقات 36 | إهداء 0 | زيارات 25886

التعليقات
#1171401 [قهران]
0.00/5 (0 صوت)

12-17-2014 11:47 PM
يعني يا حمادة يا ود أخوي دحين رقيصنا ده وسط النسوان ديل حلالالالال كدة ولا حرام؟؟؟

[قهران]

#1170656 [قهران]
5.00/5 (2 صوت)

12-16-2014 08:09 PM
انا رجل في العقد الخامس من العمر ومرات بكون عندنا عرس وبكون مجبور على حضور كل مراسم العرس بما فيها الحفلة وبتشيلني الهاشمية وهاك يا رقيص وسط النسوان لغاية ما تنتهي الحفلة وبكون مبسوط للنهاية. لكن بمجرد ما تصبح الواطة واتذكر الرقيص بحس بي خجل شديد خلاس وبتمنى انو ما يكون في زول صورني واقعد استغفر واتوب واعقد العزم على عدم العودة لمثل هذا الصنيع.... وتمر الأيام واجينا عرس تاني واكرر نفس السيناريو. حسبي الله ونعم الوكيل.

[قهران]

ردود على قهران
[حمادة] 12-17-2014 07:02 AM
يا عمو قهران ارقص ذي ما عايز لكن ما تعمل النبق النبق ..خلاص يا عمو

Yemen [bullet ant] 12-16-2014 09:13 PM
انت بتحب الرقيص ايه المشكلة وليه الخجل؟ الرقص ليس فيه ما يخجل


#1170633 [عتمني]
4.00/5 (1 صوت)

12-16-2014 07:26 PM
شوفو يا شباب خلونا نكون واضحيين كل انسان سواء بنت او ولد فى فترة المراهقه بتحصل منوا حاجات مثل الرقص والسكر وتدخين السجاير والبنت بترقص فى الحفلات فى ذاك الوقت لايوجد فيها اى عيب بالنسبه للشاب او الشابه لكن العيب ان يذكر الانسان بماضيه لتدميره وكثير من الناجحين فى الحياه يضطر الحاسدين لتذكيرهم بماضيهم يأخى ربنا غفور ورحيم واقول لك ايها الشاب قبل ما تلوم الفتاة على رقصها اسال نفسك كم رقصه رقصتها انت...وبعدين اذا كان رب البيت ضارب طبل فشيمة اهل البيت الرقيص الريس ذاتوا رقص بقت عليك انتى يابنتى لايهمك والله بيبدلك احسن منو.

[عتمني]

#1170557 [الهلال السوداني]
5.00/5 (1 صوت)

12-16-2014 06:01 PM
الشعب السوداني / حاجة غريبة/ تمشي مع بنت في الشارع ولافي عربية يبشعو بيك / تكوني حرامي تسرق المال العام يقولو فهلوة /حاجة غريبة /يابتي ارقصي زي ما عايزة بسلكن بدون تصوير

[الهلال السوداني]

#1170547 [ريري]
5.00/5 (1 صوت)

12-16-2014 05:50 PM
ولا يهمك عيشي حياتك تبيت نار تصبح رماد والله بنتفم ليك من النشر المقطع اتحسبني عليه الله يفضحوا في اخواتوا ويفضح اي ولد او بت اشانة سمعة غيرها وبجي اليوم ولا يهمك . وانتوا يا عالم اتقوا الله فى نفسكم وفي اهلكم .

[ريري]

#1170494 [كتاحة]
4.99/5 (8 صوت)

12-16-2014 04:26 PM
رئيسك برقص ... الحصل شنو .... أرفعي رأسك وسيري .

[كتاحة]

ردود على كتاحة
Sudan [ليل الهجعه] 12-17-2014 12:39 AM
الرقيص حق النسوان ترقص ومايع كمان لان الميوعه حقت النسوان لكن رئيسك ياعز الدين حقو شنو البخليهو يرقص شنو ربنا يولي من يصلح البلد جوع وحرب وفقر وجهل الرقصلها شنو.

Saudi Arabia [الفاتح محمد احمد] 12-17-2014 12:13 AM
كتاحة ياكتاحة رئيسها برقص بسببة هي البخليها ترقص مايع شنو كانت من المفترض

ان لا ترقص في اغنيات انصاف مدني اغانيها ما يعة اما الرئيس يرقص علي الاغنيات

المحترمة


#1170470 [حازم]
5.00/5 (3 صوت)

12-16-2014 03:27 PM
يا بت الحلال الرقيص شي طبيعي و انتى انثى و الطرف عادة و البشينو سمعتك ديك ناس احايسهم معدومة و منافقين / يكون الواحد فيهم عام فيها راجل و تلقي بيته خربان
ارقصي يل بناتي و على الحرام انا بكون مبسوط جدا لما اشوف بتي ترقص لانو ارقيص تعبير عن المشاعر و البنت البترقص انا بعتبرها بنت شجاعة و ما عندها خساسات تدسها من الناس
النوع الكتامي هو الخطير
و عادي اسع النسوان برقصن في الحفلات قدام الناس ما فيها حرج ترقصي ارقصي و اطمني خطيبك دا لو خلاك اعرفي انو راسو خفيف و دا ما نوع الرجال البقيفو في وقت الحارة
و ناس الزمن منافقين السيدة عائشة ما سلمت منهم

[حازم]

#1170462 [salah]
3.00/5 (4 صوت)

12-16-2014 03:19 PM
ليت كل من إطلعت علي هذه المشكلة أن تحذر كل الحذر من صديقات السوء وعدم التصرف أمامهن بحسن النية وأما من ذكر بأنه من كبار الحي فهو من حثالة الحي في تقديري طالما أنه يقوم بالغناء أمامها ومحاكاة الرقص والبصق ويبدو أنه من مدمني المقاطع والأفلام الإباحية وتصرفاته لاتنم عن أنه كبير وكان الأحري به النصح إن كان من الكبار كما أشير وأتفق تماما مع الذين نادوا بعدم السماح لكل من هب ودب لحضور الحفلات الخاصة والتصوير وطالما أن الأمر رقص عادي فليس هنالك مايدعو إلي تدمير مستقبلك وعليك الإستفادة من الكبوة وأجزم بأنك قد أفدتي الكثيرات من بنات جلدتك بنشر مشكلتك حتي يحذرن كل الحذر ولايكررن ماوقعتي فيه من خطأوخطيبك فليذهب غير مأسوف عليه وعليكي أن تكوني واثقة من نفسك طالما كل مابدر منك كان بحسن نية وأقول لأولئك الذين يتصيدون أخطاء الناس (من كان منكم بلا خطيئة فليرمها بحجر)

[salah]

#1170430 [ادروب]
2.75/5 (8 صوت)

12-16-2014 12:08 PM
شعب متخلف يمارس كل الموبقات تحت الحجاب ويقف لفتاة صغيرة ترقص ههههههههه محن والله رقصه تشوف مايقوما ما تشوف

[ادروب]

ردود على ادروب
Sudan [ود عز] 12-16-2014 10:05 PM
يا سمسم (كتيرة - شوية) دى زاتها بتوريك ان لغتنا متخلفة

[سمسم] 12-16-2014 04:26 PM
ماكتيرة شوية وصفك للشعب بالتخلف يا ادروب


#1170428 [السيهاتي]
4.00/5 (3 صوت)

12-16-2014 12:04 PM
الله فكاك من خطيب حمار --- لاتخجلي يا حبيتي فأنت لم ترتكبي جريمة وعليك استقلال الامر وانزلي ليهم فيديو جديد كل اسبوع كيه في خطيبك وامثاله من قطيع الضان في السودان وكما قال كاره العنصرية (ارقصي رشي عبيرك فينا وفتحي يازهرة)

[السيهاتي]

#1170401 [ود علام]
3.75/5 (11 صوت)

12-16-2014 09:12 AM
أختي لك الله ولا يهمك أتمني من الله أن يزلزل من أراد بك سوء وأتركي الأمر لربك ومؤكد أنه لن ينساك وينتقم من أساءوا لك والله وحده هو المنتقم.

[ود علام]

#1170361 [ماسورة]
4.38/5 (14 صوت)

12-16-2014 07:26 AM
ولا يهمك يا بت
ارفع راسك وامشي بكبرياء وثقة ..يعني شنو رقصتي في بيت حبوبتك وسط اسرتك وصحباتك !!!
صدقيني لو ربك كشف اسرار هولاء مدعي الطهارة والعفة والشرف من الذين يرمونك بالحجأرة كنتي سقطتي مغشيآ عليك من هول ما رأيتي..لكن ربك ستار حليم ..لا تهتمي وانتبهي وخذي العبرة وسيري ترعاك عين الغفار الذي وسعت رحمته كل شئ.

[ماسورة]

#1170360 [كاره العنصرية]
4.00/5 (8 صوت)

12-16-2014 07:24 AM
حريقة في الشعب السوداني المتخلف وتظ في اتخن واحد فيهم وارقصي رشي عبيرك فينا وفتحي يازهرة

وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا

[كاره العنصرية]

#1170315 [على]
4.00/5 (10 صوت)

12-16-2014 05:02 AM
البنات والنساء زمان ما كن بيرقصوا فى الاعراس والواحد بيشيل شبال شنو يعنى الحصل انا اعتقد على المحكمة محاكمة اى زول يتعرض للبت واولهم البت النشرت مقطع الفيديو عشان تحرم

[على]

#1170310 [المهاجر ابدا]
1.38/5 (11 صوت)

12-16-2014 04:55 AM
وانتى شايفه الكاميرا وترقصى ليه ما عملتى ديليت للمقاطع نهاية العبث تتحملى جزء من الجريمه هداكم الله وثبت قلوبكم على الايمان

[المهاجر ابدا]

#1170309 [hiro]
2.75/5 (5 صوت)

12-16-2014 04:55 AM
انسان العصر الحجرى يلهو بالة القرن العشرين
رقيص اية وتصوير اية خربتوا صورة السودانى الاغبش
المعدن النفيس فى هذا الزمان
الله ينتقم من هذه الاسر المحتاجة تربية اصلا
اتقوا الله اهل السودان او انتظروا عذاب الله

[hiro]

#1170284 [هتلر]
4.00/5 (7 صوت)

12-16-2014 03:50 AM
مشكلتنا اننا كشعب سوداني بتعامل باريحية وكل طيبة تصل لمرحلة السذاجة في كثير من الاحيان مع حاجات دونها الموت ، اول حاجه هي غلطت وما كان مفروض تسمح لاي واحده تصورها ، حتي لو صوروها بموبايلها الخاص ، عاوزه ترقص الترقص ، لكن تصوير لا ، في كتير من الاعراس الواحد بلاحظ اشكال وخلق لا بقربو لا للعريس ولا للعروس وتلاقيهم في نص الحفلة وبصورو بالموبايلات ، مفروض يمنعو الناس من التصوير داخل الاعراس ، خصوصا وسط النساء

[هتلر]

ردود على هتلر
[AburishA] 12-16-2014 06:44 AM
(مشكلتنا اننا كشعب سوداني بتعامل باريحية وكل طيبة تصل لمرحلة السذاجة في كثير من الاحيان مع حاجات دونها الموت)..
** اتفق معك تماما اخ هتلر "شكلا ومضمونا" لك التحية..


#1170269 [المقدوم مسلم]
2.50/5 (8 صوت)

12-16-2014 03:28 AM
هكذا يتم تجنيد الكيزان والكوزات حيث يتم اغتصابهم وفعل الفاحشة معهم وهم تلاميذ فى المرحلة الابتدائية او الثانوية بواسطة زملائهم الاكبر منهم سناً او اساتذتهم ويتم تصوير ذلك لتهديدهم فيما بعد بعمل فضيحة لهم ....وهكذا ينشاء الكوز والكوزة حاقدين على الاخرين ومستعدين للتجسس والوشاية على اقرب الاقربين لديهم ....انظر ماذا فعلوا بالبلد ؟؟ احذر الكوز ولو كان اخوك شقيقك ..واهرب من الكوزة ولو كانت اختك ..

[المقدوم مسلم]

#1170253 [عطوى32]
4.50/5 (8 صوت)

12-16-2014 02:52 AM
........ خطيبك زاتو احسن اتفكيتى منوالبتخلى عنك عشاان رقصتى فى بيتكم ....

ارقصى زى زى ما عايزة هى بقت عليك انت بس ما يهو بشبش بخت فوقو عندو 26 سنة ..

[عطوى32]

#1170240 [المسلمي]
2.50/5 (2 صوت)

12-16-2014 02:26 AM
البرقص ما بغطي دقنو وفي رواية اخري مابغطي ضنبو

[المسلمي]

#1170230 [ابوهبة الله]
3.00/5 (2 صوت)

12-16-2014 01:57 AM
مشاكل حقيقيه تحتاج لفت نظر وتنبيه تعقد دورات للبنات في المدارس والجامعات وينبه الشباب علي ان هناك عقوبات بعد تربيتهم وايجاد المحاضن الصالحه والاسوة والقدوة ولا بد من مراجعة البرامج التي تبث فعليها كثير من الملاحظات

[ابوهبة الله]

#1170194 [//ahmed//]
3.00/5 (3 صوت)

12-16-2014 01:13 AM
هذه الزمرة لا حياء ولا حياة لهم، شباب باهت القيم والأخلاق، اصبحوا يتعاملون مع اعراض الناس بدون أدنى قيمة، يجب محاسبتهم بشكل صارم حتى يكونوا عبرة وعظة لغيرهم ، كما نتوقع أن يجب على المجتمع يحمى نفسه والعائلات على وجه الخصوص بتربية أبنائهم تربية سليمة تمنعم من الوقوع حتى من شكل هذا النوع من المجاملات الساذج ...

[//ahmed//]

#1170189 [محجوب عبد المنعم حسن معني]
3.00/5 (6 صوت)

12-16-2014 01:03 AM
الاخوة والاخوات
السلام عليكم
الحذر ثم الحذر
قبل فترة ظهرت في الاسواق اجهزة استرجاع المعلومات وفك التشفير
هذه الاجهزة تعمل على جميع الهواتف النقالة وجميع الكمبيوترات بكل انواعها
تخيل لو انك مثلاً قمت بتصوير او تخزين اي مادة في هاتفك النقال او كمبيوترك الشخصي او الايباد وقمت بمسحها من الجهاز، هذه المادة يمكن استرجاعها مرة اخرى في ثواني عن طريق هذه الاجهزة، لذا ارجو الحزر.
كثير من الناس يستعمل الهاتف والكمبيوتر ومن ثم يبيعه بعد مسح جميع ذاكرة
المعلومات تظل موجودة في الجهاز.

قبل كل شئ يجب على كل انسان عدم تصوير شئ يجر عليه وعلى اهله وبالاً ، وعدم السماح لاياً بالتصوير ودونكم الفضائح المنتشرة في الانترنت.
اعان الله هذه الاخت في مصيبتها واتمنى ان تكون عظة لكل سوداني وسودانية
اخيرا وليس اخيراً ديننا الاسلامي ينهى عن هذه التفلتات.
مع مودتي

[محجوب عبد المنعم حسن معني]

ردود على محجوب عبد المنعم حسن معني
United Arab Emirates [محجوب عبد المنعم حسن معني] 12-16-2014 08:02 PM
الاخ ابو تامر
تحياتي
ومشكور ايضاً للمعلومة
الجهاز الذي اقصده ، يمكن مثلاً ادخال يوم معين او شهر معين او سنة محددة وتعمل بحث، طبعاً بعد تاريخ صنع الجهاز وبعدها ترى كل شئ كشريط سينمائي، ما اوردته انت صحيح على حسب خبرتي البسيطة في برامج الحاسوب، لكن ما اقصده يمكن عن طريقه استعادة اول معلومة او صورة وهكذا حتى لو حلت مكانها معلومة اخرى.
مع مودتي

United States [أبو تامر] 12-16-2014 10:25 AM
للأخ [AburishA]
"عشان كده بشوف "الفرمتة" أضمن الى حد ما...بس اوع تقول لي في حاجة بترجع "المفرمت" كمان!!"
أيوه والله!!!!!!!!
الفرمته دي زي نزع صفحات الفهرست من الكتاب وترك باقي الصفحات!
لحسن الحظ توجد برامج نقوم بإعادة الكتابة في الهاردسك أو الذواكر بصوررة عشوائية ومكررة عدة مرات بحيث يصبح من المستحيل إستعادة البيانات الأصلية وتعرف ببرامج تدمير البيانات أوتمزيق الفايلات
والأجمل ان هناك برامج مجانية كثيرة يمكن تنزيلها من التت سواء للكمبيوترات أو الهواتف والذواكر ... فقط أبحث عن
free data destruction software

[محجوب عبد المنعم حسن معني] 12-16-2014 07:46 AM
الاخ الكريم
ابو ريشا
تحياتي
مشكور اخي الكريم على التعقيب
تعرف حتى بعد الفرمتة، يمكن لهذا الجهاز المصيبة ان يستعيد جميع المعلومات، الحل الوحيد بالنسبة للكمبيوترات هو تدمير القرص الصلب، وكذلك الحال بالنسبة للموبايلات، كثير من الناس يبيع الموبايل القديم ويظن انه محى كل شئ، لكن في ثواني يمكن استرجاع البيانات، شخصياً منذ ان عرفت هذه المعلومة اصبحت اقوم بتكسير الهاتف على الرغم والحمدلله من ثقتي بعدم وجود ما يمسني، لكني افعل ذلك بسبب الارقام والرسائل الخاصة.
مع مودتي

[AburishA] 12-16-2014 04:29 AM
لك التحية اخ محجوب معني..ارجو ان تكون بخير
تشكر على المعلومة المهمة بخصوص جهاز استرجاع المعلومات وفك التشفير..سبق ان استخدمته وهو عبارة عن برنامج..بجيب ليك كل الاشياء المحزوفة "بضبانتها" صورة وصوت وكتابة..مهما كان قدمها.. يمكن المستخدم من استعادة كل ما يرغبه..مع هذا البرنامج "الاستخباراتي" سوف لن يكون "سرك في بير".. عشان كده بشوف "الفرمتة" أضمن الى حد ما...بس اوع تقول لي في حاجة بترجع "المفرمت" كمان!!
عموما الحذر واجب.... تقديري..


#1170182 [سيد احمد الشايقي]
2.75/5 (11 صوت)

12-16-2014 12:50 AM
يعني شنو العيب في الرقيص وانتي بت وفي مناسبه وسط اهلك وصاحباتك ومن حقك تفرحي وترقصي وياهو ده رئيسنا يرقص ليهو خمسه وعشرين سنه في السهله حصل عليهو شنو تراهو سمين وامين

[سيد احمد الشايقي]

ردود على سيد احمد الشايقي
Sudan [Locolo] 12-16-2014 05:34 PM
ههههههههههههههههههههههههههههههههها ،،، دى إسمها الشايقى مغيوص من الجعلى ،، محن و الله ،،

Qatar [alazza bit wad almsaad] 12-16-2014 04:40 AM
والله يا سيد أحمد أخوي ختفت الكلام مني .... وأقول للبنية ... يا ماما شنو يعني كان رقصتي ما كلنا بقينا نرقص وأهي دي أنا الكبيرة ومسكت العكاز .. بقيت من أسمع ( أنا فوقم بجر كلام ) ولا ( الكنداكة ) ولا 0 مو لقاط طرف ) ولا ولا ولا ولا //// أها ما اطول الكلام ؟؟؟ أقوم طوالي أشوف أقرب عكاز ولا مفراكة وهاك يا عرضة ورقيص /// وينحرق السودان بالفيهو /// أرقصي يا بت وفرحي خلق الله /////// يعني أنتي أحسن من بشة

Saudi Arabia [سعاد الجزولى] 12-16-2014 04:06 AM
خلى اختك ولا مرتك ترقص وصورها وشوف ردة الفعل يا خايب


#1170181 [زول في السعودية]
3.00/5 (2 صوت)

12-16-2014 12:48 AM
ياساتر
المفروض ااي امراه او بنت تعمل حسابه شديد من الكاميرات عامه داخل بيتن حتي من اطفاله لو كان عندها وسايل اتصال مثل الواتس وغيره
يحتمل تتحمل من دون علمها

[زول في السعودية]

#1170168 [murtada eltom]
2.50/5 (4 صوت)

12-16-2014 12:22 AM
AS far as you have confidence at yourself and that you are respectable at your genral
behavours ..then you are OK and you can dance as you like

[murtada eltom]

ردود على murtada eltom
[AburishA] 12-16-2014 04:54 AM
well Mr. Eltom, I think the problem here is that, the kind,type or the quality of dancing, you agree with me no comments will raise if its was a cultural dance " Tamboor, Kirang,Mardoom etc...but now the dance is something else...Anyway everyone have the right to express himself in condition that the camera to be in a "malfunction" mode gir gir gir..Best Regs"


#1170157 [AburishA]
3.00/5 (6 صوت)

12-15-2014 11:51 PM
الكثير من الفيديوهات واليوتيوب الحايمة في النت دي.. قد تم تصويرها واطلاقها دون علم واذن اصحابها.. وبالذات الجلسات "الخاصة صواء كانت ماجنة او بحسن نية".. واحد لقا الفيديو بتاع رقيص عروسه مالى النت بالرغم من ان الرقيص كان في نظاق ضيق جدا بين صفوة من اهله واهل العروس...

[AburishA]

#1170149 [البروس]
2.88/5 (8 صوت)

12-15-2014 11:42 PM
( الرماد كال حماد ) مافي حاجه اسمها ( ود اعمي ود خالتي بت خالتي بت اعمي ود جيرانا قريبنا ) يجب أن تغلق الابواب والحيشان والدخول يكون بالاستئزان وفصل النساء عن الرجال وهذا هو الاهم وإلا فالويــــــــــــــــــــــل من الجـــــــــــــــــــائي .

[البروس]

ردود على البروس
Sudan [nagatabuzaid] 12-16-2014 05:43 AM
المشاكل دى بعملنها البنات فى بعضهن علشان كده قلنا النساء والبنات يكونن متسترات فى المناسبات النسائيةفالاجهزة الحديثة سلاح فتاك وبعض من يحمانه خطيرات ربنا يستر جميع البنيات

[:::بيكو:::] 12-16-2014 12:26 AM
إستئذان


#1170138 [متأمل]
2.25/5 (3 صوت)

12-15-2014 11:17 PM
غايتو شعب خايب خيابه وشابكننا نسقط الانقاذ نسقط الكيزان
وليييييييييه نسقطهم .... ؟؟؟

[متأمل]

#1170136 [:::بيكو:::]
3.00/5 (5 صوت)

12-15-2014 11:09 PM
الله المستعان يابتي
الزمن ده الضمان ضمان الله
ماداير اقول ليك غلطانة انت عشان اتصورتي في بيتكم بترقصي وبتاع
دي حاجة عادية جدا واي بت بتعملها وطالما انت في بيتكم ماعندك مشكلة ولا غضاضة في الأمر
الغلط غلط الوحوش البشرية الإستغلوا وضعك ده
قدر ولطف وقدر أخف من قدر

[:::بيكو:::]

#1170114 [keemo]
2.50/5 (11 صوت)

12-15-2014 10:24 PM
الرقيص ساهل ابقى 10 على البتاع .

[keemo]

#1170106 [ليدو]
1.83/5 (8 صوت)

12-15-2014 10:13 PM
قطع شك دي الأمورة ( ميادة ) الحايم رقيصها في الواتساب من كمين شهر !!!!!
بت لهلوبة وعسولة بشكل !!

[ليدو]

#1170073 [المتجهجه بسبب الانفصال]
2.41/5 (6 صوت)

12-15-2014 09:27 PM
اذا كان الله سبحانه وتعالى الذي خلقنا وعارف طبيعتنا قال:

{آبَاؤُكُمْ وَأَبْنَاؤُكُمْ لَا تَدْرُونَ أَيُّهُمْ أَقْرَبُ لَكُمْ نَفْعًا [النساء : 11]}.

- ( إن كيدهن عظيم)

وقد علقنا في هذا الموقع في حوادث متشابهة ان على البنات الحذر من الموبايلات والصور والفيديوهات الشخصية حتى في بيوت المناسبات ولمات الصديقات لأنك يا ايتها الفتاة لا تعلمي ما يضمر لك البعض فاذا كان الله تعالى في الاية الواردة أعلاه ذكر في أفراد الاسرة الواحدة معرفة أن فيها من هو أقرب لنفع افراد أسرته،، فكيف تأتمنين على خصوصيتك صديقة اليوم التي قد تكون عدوة الغد ،، فالمرأة كما قال القرآن الحكيم كيدها عظيم خصوصا عندما يكون التنافس في رجل ،، هذا ما قاله القرآن وما يقوله التاريخ،، اما اذا كنت مطمئنة الى ما يسمى بالافكار التقدمية وفهمك لها بالطريقة الغربية فاستحملي يا ايتها الفتاة ردود فعل مجتمعك المتناقض في القول والفعل،،،،

فرأس مالك سمعتك في مجتمع يدعي الطهرانية والتدين ومع ذلك فيه ظواهر تحير ،،، وجمالك ليس في كريم ابونجمة وانما في حشمتك ورقتك ووعيك عند ذلك يا دوب سودانا بقة كويس،،

[المتجهجه بسبب الانفصال]

#1170060 [Abo Obayda]
2.94/5 (5 صوت)

12-15-2014 09:08 PM
استغلال الميديا بكل انواعها(بعناية شديدة) في عملية السيطرة الجماعية على العقول اسلوب ابتكرته الماسونية منذ القدم و وصلت به الآن اعلى درجات الإتقان و الفاعلية و اعطى افضل النتائج على مستوى العالم ، و صناعة اخبار و قضايا محددة وا لتركيز عليها و صناعة نوعية معينة من الفنون و صناعة و رعاية اشكال مختارة من الفنانين في شتى ضروب الفن و العمل على رفعهم على سلم الشهرة لا يخرج عن هذا السياق.
ما علاقة الماسونية بواقعنا و ببلدنا.

[Abo Obayda]

#1170053 [Abo hashim]
2.97/5 (9 صوت)

12-15-2014 08:57 PM
يابناتنا ويا اولادنا انتبهوا واحذروا .. كفاية .. الطيبة وحسن النية العندنا الفايت الحد دا سذاجة ودايما بنكون ضحايا لاصحاب النفوس المريضة لكن في الاساس نحن السبب لاننا نحن المفرطين .. ما في حاجة اسمها صاحبتي ولابت جيرانا تديها الحق تصورك .. ستعتها ماتلومي الا نفسك .. الله يسترنا ويستر جميع المسلمين

[Abo hashim]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة